राजि-इन्द्र और क्षत्रवृद्ध-वंश

श्लोक 1 (vishnu.4.9.1)

रजेः पञ्च पुत्रशतान्य् अतुलवीर्यसाराण्य् आसन्

rajeḥ pañca putraśatāny atulavīryasārāṇy āsan

राजि के पाँच सौ पुत्र थे, जो अतुलनीय वीर्य और बल वाले थे।

श्लोक 2 (vishnu.4.9.2)

देवासुरसंग्रामारम्भे परस्परवधेप्सवो देवाश् चासुराश् च ब्रह्माणम् पप्रच्छुः

devāsurasaṁgrāmārambhe parasparavadhepsavo devāś cāsurāś ca brahmāṇam papracchuḥ

देवासुर-संग्राम के आरम्भ में, एक-दूसरे के वध की इच्छा रखते हुए देवों और असुरों ने ब्रह्मा से पूछा —

श्लोक 3 (vishnu.4.9.3)

भगवन्न् अस्माकम् अत्र विरोधे कतरः पक्षो जेता भविष्यतीति

bhagavann asmākam atra virodhe kataraḥ pakṣo jetā bhaviṣyatīti

'हे भगवन्! इस विरोध में हममें से कौन-सा पक्ष विजयी होगा?'

श्लोक 4 (vishnu.4.9.4)

अथाह भगवान् येषाम् अर्थे रजिर् आत्तायुधो योत्स्यतीति । अथ दैत्यैर् उपेत्य रजिर् आत्मसाहाय्यदानायाभ्यर्थितः प्राह । योत्स्येऽहं भवताम् अर्थे यद्य् अहम् अमरजयाद् भवताम् इन्द्रो भविष्यामीत्य् आकर्ण्यैतत् तैर् अभिहितो न वयम् अन्यथा वदिष्यामोऽन्यथा करिष्यामोऽस्माकम् इन्द्रः प्रह्लादस् तदर्थम् अयम् उद्यम इत्य् उक्त्वा गतेष्व् असुरेषु देवैर् अप्य् असाव् अवनीपतिर् एवम् एवोक्तस् तेनापि च तथैवोक्ते देवैर् इन्द्रस् त्वं भविष्यसीति समन्विच्छितम्

athāha bhagavān yeṣām arthe rajir āttāyudho yotsyatīti | atha daityair upetya rajir ātmasāhāyyadānāyābhyarthitaḥ prāha | yotsye'haṁ bhavatām arthe yady aham amarajayād bhavatām indro bhaviṣyāmīty ākarṇyaitat tair abhihito na vayam anyathā vadiṣyāmo'nyathā kariṣyāmo'smākam indraḥ prahlādas tadartham ayam udyama ity uktvā gateṣv asureṣu devair apy asāv avanīpatir evam evoktas tenāpi ca tathaivokte devair indras tvaṁ bhaviṣyasīti samanvicchitam

भगवान् ने कहा — 'जिसके लिए राजि शस्त्र धारण कर युद्ध करेंगे, वही जीतेगा।' तब दैत्यों ने राजि के पास जाकर अपनी सहायता के लिए प्रार्थना की; राजि ने कहा — 'मैं तुम्हारी ओर से युद्ध करूँगा, यदि देवताओं को जीतने पर मैं तुम्हारा इन्द्र बन जाऊँ।' यह सुनकर उन्होंने कहा — 'हम अन्यथा नहीं कहेंगे, अन्यथा नहीं करेंगे — किन्तु हमारा इन्द्र तो प्रह्लाद है, यह प्रयास उन्हीं के लिए है' — यह कहकर असुर चले गए; तब देवों ने भी उस राजा से यही प्रस्ताव रखा, और उनके भी वैसा ही कहने पर देवों ने स्वीकार कर लिया — 'तुम इन्द्र बनोगे।'

श्लोक 5 (vishnu.4.9.5)

रजिनापि देवसैन्यसहायेनानेकैर् महास्त्रैस् तद् अशेषम् असुरबलं निषूदितम्

rajināpi devasainyasahāyenānekair mahāstrais tad aśeṣam asurabalaṁ niṣūditam

राजि ने भी देव-सेना की सहायता से अनेक महान् अस्त्रों द्वारा उस समस्त असुर-सेना का संहार कर दिया।

श्लोक 6 (vishnu.4.9.6)

अवजितारातिपक्षश् चेन्द्रो रजिचरणयुगलम् आत्मशिरसा निपीड्याह । भयत्राणदानाद् अस्मत्पिता बवान् अशेषलोकानाम् उत्तमो भवान् यस्याहं पुत्रस् त्रिलोकेन्द्रः

avajitārātipakṣaś cendro rajicaraṇayugalam ātmaśirasā nipīḍyāha | bhayatrāṇadānād asmatpitā bavān aśeṣalokānām uttamo bhavān yasyāhaṁ putras trilokendraḥ

शत्रु-पक्ष को पराजित कर इन्द्र ने राजि के दोनों चरणों को अपने सिर पर रखकर कहा — 'भय से रक्षा देने के कारण आप हमारे पिता हैं, आप समस्त लोकों में श्रेष्ठ हैं, जिनका मैं पुत्र, त्रिलोक का इन्द्र हूँ।'

श्लोक 7 (vishnu.4.9.7)

स चापि राजा प्रहस्याह । एवम् एवास्त्व् अनतिक्रमणीया हि वैरिपक्षाद् अप्य् अनेकविधचाटुवाक्यगर्भा प्रणतिर् इत्य् उक्त्वा स्वपुरं जगाम

sa cāpi rājā prahasyāha | evam evāstv anatikramaṇīyā hi vairipakṣād apy anekavidhacāṭuvākyagarbhā praṇatir ity uktvā svapuraṁ jagāma

वह राजा भी हँसकर बोला — 'ऐसा ही हो — क्योंकि शत्रु-पक्ष से भी की गई अनेक प्रकार की मधुर वचनों से भरी प्रणति की उपेक्षा नहीं करनी चाहिए' — यह कहकर वह अपनी नगरी को चला गया।

श्लोक 8 (vishnu.4.9.8)

शतक्रतुर् अपीन्द्रत्वं चकार

śatakratur apīndratvaṁ cakāra

शतक्रतु (इन्द्र) ने भी इन्द्र-पद का निर्वाह किया।

श्लोक 9 (vishnu.4.9.9)

स्वर्याते तु रजौ नारदर्षिचोदिता रजिसुताः शतक्रतुम् आत्मपितृपुत्रं आचाराद् राज्यं याचितवन्तः

svaryāte tu rajau nāradarṣicoditā rajisutāḥ śatakratum ātmapitṛputraṁ ācārād rājyaṁ yācitavantaḥ

किन्तु राजि के स्वर्गवासी होने पर, नारद ऋषि द्वारा प्रेरित राजि के पुत्रों ने शतक्रतु से, जो रीति के अनुसार उनके पिता के पुत्र (के समान) थे, राज्य की याचना की।

श्लोक 10 (vishnu.4.9.10)

अप्रदाने चावजित्येन्द्रम् अतिबलिनः स्वयम् इन्द्रत्वं चक्रुः

apradāne cāvajityendram atibalinaḥ svayam indratvaṁ cakruḥ

न दिए जाने पर, अत्यन्त बलशाली उन पुत्रों ने इन्द्र को पराजित कर स्वयं इन्द्र-पद ग्रहण कर लिया।

श्लोक 11 (vishnu.4.9.11)

ततश् च बहुतिथे काले व्यतीते बृहस्पतिम् एकान्ते दृष्ट्वापहृतत्रैलोक्ययज्ञभागः शतक्रतुर् उवाच

tataś ca bahutithe kāle vyatīte bṛhaspatim ekānte dṛṣṭvāpahṛtatrailokyayajñabhāgaḥ śatakratur uvāca

फिर बहुत समय बीतने पर, तीनों लोकों के यज्ञ-भाग से वंचित इन्द्र ने बृहस्पति को एकान्त में देखकर कहा —

श्लोक 12 (vishnu.4.9.12)

बदरीफलमात्रम् अप्य् अर्हसि ममाप्यायनाय पुरोडाशखण्डं दातुम् इत्य् उक्तो बृहस्पतिर् उवाच । यद्य् एवं पूर्वम् एव त्वयाहं चोदितः स्यां तन् मया त्वदर्थं किम् अकर्तव्यम् इति । स्वल्पैर् एवाहोभिस् त्वां निजं पदं प्रापयिष्यामीत्य् अभिधाय तेषाम् अनुदिनाभिचारिकं बुद्धिमोहाय शक्रस्य च तेजोभिवृद्धये जुहाव । ते चापि तेन बुद्धिमोहेनाभिभूयमाना ब्रह्मद्विषो धर्मत्यागिनो वेदवादपराङ्मुखा बभूवुः

badarīphalamātram apy arhasi mamāpyāyanāya puroḍāśakhaṇḍaṁ dātum ity ukto bṛhaspatir uvāca | yady evaṁ pūrvam eva tvayāhaṁ coditaḥ syāṁ tan mayā tvadarthaṁ kim akartavyam iti | svalpair evāhobhis tvāṁ nijaṁ padaṁ prāpayiṣyāmīty abhidhāya teṣām anudinābhicārikaṁ buddhimohāya śakrasya ca tejobhivṛddhaye juhāva | te cāpi tena buddhimohenābhibhūyamānā brahmadviṣo dharmatyāgino vedavādaparāṅmukhā babhūvuḥ

'मुझे तृप्त करने के लिए बेर के फल के बराबर भी पुरोडाश का एक टुकड़ा आप दें।' यह कहे जाने पर बृहस्पति ने कहा — 'यदि तुमने मुझसे पहले ही यह कहा होता, तो तुम्हारे लिए मुझसे क्या नहीं होता? कुछ ही दिनों में मैं तुम्हें तुम्हारे उचित पद पर पुनः स्थापित कर दूँगा।' यह कहकर उन्होंने उनकी बुद्धि को मोहित करने और इन्द्र के तेज को बढ़ाने के लिए प्रतिदिन अभिचार-यज्ञ किया। वे भी उस बुद्धि-मोह से अभिभूत होकर ब्रह्म-द्वेषी, धर्म-त्यागी और वेद-वाणी से विमुख हो गए।

श्लोक 13 (vishnu.4.9.13)

ततश् च तान् अपेतधर्माचारान् इन्द्रो जघान । पुरोहिताप्यायिततेजाश् च त्रिदिवम् आक्रमत् । एतद् इन्द्रस्य स्वपदच्यावनारोहणं श्रुत्वा पुरुषः स्वपदभ्रंशं दौरात्म्यं च नाप्नोति

tataś ca tān apetadharmācārān indro jaghāna | purohitāpyāyitatejāś ca tridivam ākramat | etad indrasya svapadacyāvanārohaṇaṁ śrutvā puruṣaḥ svapadabhraṁśaṁ daurātmyaṁ ca nāpnoti

तब धर्म-आचरण से रहित हो चुके उन सबका इन्द्र ने वध कर दिया। और अपने पुरोहित से पुष्ट तेज वाला वह त्रिलोक पर पुनः आरूढ़ हुआ। इन्द्र के इस पद-च्युत होने और पुनः प्राप्त होने की कथा सुनकर मनुष्य कभी अपने पद से भ्रष्ट नहीं होता, न ही दुराचार को प्राप्त होता है।

श्लोक 14 (vishnu.4.9.14)

रम्भस् त्व् अनपत्योऽभवत् । क्षत्रवृद्धसुतः प्रतिक्षत्रस्

rambhas tv anapatyo'bhavat | kṣatravṛddhasutaḥ pratikṣatras

रम्भ, हालाँकि, सन्तानहीन रहा। क्षत्रवृद्ध का पुत्र प्रतिक्षत्र हुआ।

श्लोक 15 (vishnu.4.9.15)

तत्पुत्रः संजयस् तस्यापि जयस् ततश् च विजयस् तस्माच् च जज्ञे कृतः । तस्य हर्षवर्धनो हर्षवर्धनसुतः सहदेवस् तस्माद् अदीनस् तस्य जयत्सेनः ततश् च संकृतिस् तत्पुत्रः क्षत्रधर्मा इत्य् एते क्षत्रवृद्धस्यातो नहुषवंशं प्रवक्ष्यामीति

tatputraḥ saṁjayas tasyāpi jayas tataś ca vijayas tasmāc ca jajñe kṛtaḥ | tasya harṣavardhano harṣavardhanasutaḥ sahadevas tasmād adīnas tasya jayatsenaḥ tataś ca saṁkṛtis tatputraḥ kṣatradharmā ity ete kṣatravṛddhasyāto nahuṣavaṁśaṁ pravakṣyāmīti

उसका पुत्र संजय, उसका भी जय, उससे विजय, उससे कृत उत्पन्न हुआ। उसका हर्षवर्धन, हर्षवर्धन का पुत्र सहदेव, उससे अदीन, उसका जयत्सेन, उससे संकृति, उसका पुत्र क्षत्रधर्मा — ये क्षत्रवृद्ध के वंशज कहे गए। अब मैं नहुष के वंश का वर्णन करूँगा।