केशी वध

श्लोक 1 (vishnu.5.16.1)

श्रीपराशर उवाच। केशी चापि बलोदग्रः कंसदूतः प्रचोदितः। कृष्णस्य निधनाकांक्षी वृंदावनमुपागमत्

śrīparāśara uvāca keśī cāpi balodagraḥ kaṁsadūtaḥ pracoditaḥ kṛṣṇasya nidhanākāṁkṣī vṛṁdāvanamupāgamat

पराशर जी ने कहा — इधर कंस के दूत, अत्यंत बलवान केशी नामक असुर, कृष्ण के वध की कामना से प्रेरित होकर वृन्दावन में आ पहुँचा।

श्लोक 2 (vishnu.5.16.2)

स खुरक्षतभूपृष्ठस्सटाक्षेपधुतांबुदः। द्रुतविक्रांतचंद्रार्कमार्गो गोपानुपाद्रवत्

sa khurakṣatabhūpṛṣṭhassaṭākṣepadhutāṁbudaḥ drutavikrāṁtacaṁdrārkamārgo gopānupādravat

वह अपने खुरों से पृथ्वी की सतह को विदीर्ण करता, अपनी अयाल के झटकों से बादलों को बिखेरता हुआ, चन्द्र-सूर्य के मार्ग को भी तीव्र वेग से लाँघता हुआ, गोपों पर टूट पड़ा।

श्लोक 3 (vishnu.5.16.3)

तस्य हेषितशब्देन गोपाला दैत्यवाजिनः। गोप्यश्च भयसंविग्ना गोविंदं शरणं ययुः

tasya heṣitaśabdena gopālā daityavājinaḥ gopyaśca bhayasaṁvignā goviṁdaṁ śaraṇaṁ yayuḥ

उस दैत्य-अश्व की हिनहिनाहट सुनकर, भय से व्याकुल गोप और गोपियाँ गोविन्द की शरण में गए।

श्लोक 4 (vishnu.5.16.4)

त्राहित्राहीति गोविंदः श्रुत्वा तेषां ततो वचः। सतोयजलदध्वानगंभीरमिदमुक्तवान्

trāhitrāhīti goviṁdaḥ śrutvā teṣāṁ tato vacaḥ satoyajaladadhvānagaṁbhīramidamuktavān

'बचाओ, बचाओ' — उनकी यह पुकार सुनकर गोविन्द ने जल से भरे मेघ की गर्जना के समान गंभीर वाणी में यह कहा —

श्लोक 5 (vishnu.5.16.5)

अलं त्रासेन गोपालाः केशिनः किं भयातुरैः। भवद्भिर्गोपजातीयैर्वीरवीर्यं विलोप्यते

alaṁ trāsena gopālāḥ keśinaḥ kiṁ bhayāturaiḥ bhavadbhirgopajātīyairvīravīryaṁ vilopyate

'हे गोपो! भय छोड़ो, इस केशी से इतना भय क्यों? गोप-कुल में जन्म लेकर भी तुम भय से वीरत्व का लोप कर रहे हो।'

श्लोक 6 (vishnu.5.16.6)

किमनेनाल्पसारेण हेषिताटोपकारिणा। दैतेयबलवाह्येन वल्गता दुष्टवाजिना

kimanenālpasāreṇa heṣitāṭopakāriṇā daiteyabalavāhyena valgatā duṣṭavājinā

'केवल हिनहिनाकर अहंकार दिखाने वाले, दैत्य-बल से चलने वाले, इस निस्सार दुष्ट अश्व से क्या भय?'

श्लोक 7 (vishnu.5.16.7)

एह्येहि दुष्ट कृष्णोऽहं पूष्णस्त्विव पिनाकधृत्। पातयिष्यामि दशनान्वदनादखिलांस्तव

ehyehi duṣṭa kṛṣṇo'haṁ pūṣṇastviva pinākadhṛt pātayiṣyāmi daśanānvadanādakhilāṁstava

'आ, आ, दुष्ट! मैं कृष्ण हूँ, और जैसे पिनाकधारी शिव ने पूषा के दाँत तोड़े थे, वैसे ही मैं तेरे मुख से समस्त दाँत गिरा दूँगा।'

श्लोक 8 (vishnu.5.16.8)

इत्युक्त्वाऽस्फोट्य गोविंदः केशिनस्संमुखं ययौ। विवृतास्यश्च सोप्येनं दैतेयाश्व उपाद्रवत्

ityuktvā'sphoṭya goviṁdaḥ keśinassaṁmukhaṁ yayau vivṛtāsyaśca sopyenaṁ daiteyāśva upādravat

ऐसा कहकर गोविन्द ने ताली बजाई और केशी के सम्मुख गए; और वह असुर भी मुख फैलाए उन पर झपटा।

श्लोक 9 (vishnu.5.16.9)

बाहुमाभोगिनं कृत्वा मुखे तस्य जनार्दनः। प्रवेशयामास तदा केशिनो दुष्टवाजिनः

bāhumābhoginaṁ kṛtvā mukhe tasya janārdanaḥ praveśayāmāsa tadā keśino duṣṭavājinaḥ

तब जनार्दन ने अपनी भुजा को सर्प के समान लपेटकर उस दुष्ट अश्व केशी के मुख में डाल दिया।

श्लोक 10 (vishnu.5.16.10)

केशिनो वदनं तेन विशता कृष्णबाहुना। शातिता दशनाः पेतुः सिताब्भ्रावयवा इव

keśino vadanaṁ tena viśatā kṛṣṇabāhunā śātitā daśanāḥ petuḥ sitābbhrāvayavā iva

कृष्ण की भुजा के प्रवेश करते ही केशी के दाँत टूटकर श्वेत मेघ के टुकड़ों के समान गिर पड़े।

श्लोक 11 (vishnu.5.16.11)

कृष्णस्य ववृधे बाहुः केशिदेहगतो द्विज। विनाशाय यथा व्याधिरासंभूतेरुपेक्षितः

kṛṣṇasya vavṛdhe bāhuḥ keśidehagato dvija vināśāya yathā vyādhirāsaṁbhūterupekṣitaḥ

हे द्विज! केशी के शरीर में प्रवेश करके कृष्ण की भुजा बढ़ती गई, जैसे आरम्भ में उपेक्षित रोग विनाश की ओर बढ़ता जाता है।

श्लोक 12 (vishnu.5.16.12)

विपाटितोष्ठो बहुलं सफेनं रुधिरं वमन्। सोक्षिणी विवृते चक्रे विशिष्टे मुक्तबंधने

vipāṭitoṣṭho bahulaṁ saphenaṁ rudhiraṁ vaman sokṣiṇī vivṛte cakre viśiṣṭe muktabaṁdhane

उसके होंठ फट गए, वह प्रचुर मात्रा में फेनिल रक्त वमन करने लगा, उसकी आँखें फैल गईं और उसके अंग शिथिल पड़ गए।

श्लोक 13 (vishnu.5.16.13)

जघान धरणीं पादैश्शकृन्मूत्रं समुत्सृजन्। स्वेदार्द्र गात्रश्शांतश्च निर्यत्नस्सोऽभवत्तदा

jaghāna dharaṇīṁ pādaiśśakṛnmūtraṁ samutsṛjan svedārdra gātraśśāṁtaśca niryatnasso'bhavattadā

वह पैरों से धरती पीटने लगा, मल-मूत्र त्याग करने लगा, उसका शरीर पसीने से भीग गया, और अंततः वह शांत और निश्चेष्ट हो गया।

श्लोक 14 (vishnu.5.16.14)

व्यादितास्यमहारंध्रस्सोऽसुरः कृष्णबाहुना। निपातितो द्विधा भूमौ वैद्युतेन यथा द्रुमः

vyāditāsyamahāraṁdhrasso'suraḥ kṛṣṇabāhunā nipātito dvidhā bhūmau vaidyutena yathā drumaḥ

जिसका मुख एक बड़े छिद्र के समान फैला हुआ था, वह असुर कृष्ण की भुजा के आघात से पृथ्वी पर बिजली से कटे वृक्ष के समान दो टुकड़ों में गिर पड़ा।

श्लोक 15 (vishnu.5.16.15)

द्विपादे पृष्ठपुच्छार्द्धे श्रवणैकाक्षिनासिके। केशिनस्ते द्विधा भूते शकले द्वे विरेजतुः

dvipāde pṛṣṭhapucchārddhe śravaṇaikākṣināsike keśinaste dvidhā bhūte śakale dve virejatuḥ

दो पैर, पीठ और पूँछ का आधा भाग, एक कान, एक आँख, एक नथुना — इस प्रकार केशी का शरीर दो भागों में विभक्त होकर दोनों टुकड़ों में सुशोभित हुआ।

श्लोक 16 (vishnu.5.16.16)

हत्वा तु केशिनं कृष्णो गोपलैर्मुदितैर्वृतः। अनायस्ततनुस्स्वस्थो हसंस्तत्रैव तस्थिवान्

hatvā tu keśinaṁ kṛṣṇo gopalairmuditairvṛtaḥ anāyastatanussvastho hasaṁstatraiva tasthivān

केशी का वध करके कृष्ण, हर्षित गोपों से घिरे हुए, बिना किसी थकान के, स्वस्थ और हँसते हुए वहीं खड़े रहे।

श्लोक 17 (vishnu.5.16.17)

ततो गोप्यश्च गोपाश्च हते केशिनि विस्मिताः। तुष्टुवुः पुंडरीकाक्षमनुरागमनोरमम्

tato gopyaśca gopāśca hate keśini vismitāḥ tuṣṭuvuḥ puṁḍarīkākṣamanurāgamanoramam

तब केशी के मारे जाने पर विस्मित गोप और गोपियों ने अनुराग से मनोहर उस पुण्डरीकाक्ष की स्तुति की।

श्लोक 18 (vishnu.5.16.18)

अथाहांतर्हितो विप्र नारदो जलदे स्थितः। केशिनं निहतं दृष्ट्वा हर्षनिर्भरमानसः

athāhāṁtarhito vipra nārado jalade sthitaḥ keśinaṁ nihataṁ dṛṣṭvā harṣanirbharamānasaḥ

हे विप्र! तब मेघ में छिपे हुए नारद जी ने केशी को मारा गया देखकर, हर्ष से भरे मन से यह कहा —

श्लोक 19 (vishnu.5.16.19)

साधुसाधु जगन्नाथ लीलयैव यदच्युत। निहतोऽयं त्वया केशी क्लेशदस्त्रिदिवौकसाम्

sādhusādhu jagannātha līlayaiva yadacyuta nihato'yaṁ tvayā keśī kleśadastridivaukasām

'साधु, साधु, हे जगन्नाथ! हे अच्युत! त्रिलोक-वासियों को क्लेश देने वाले इस केशी को आपने मात्र लीला से ही मार डाला।'

श्लोक 20 (vishnu.5.16.20)

युद्धोत्सुकोहमत्यर्थं नरवाजिमहाहवम्। अभूतपूर्वमन्यत्र द्रष्टुं स्वर्गादिहागतः

yuddhotsukohamatyarthaṁ naravājimahāhavam abhūtapūrvamanyatra draṣṭuṁ svargādihāgataḥ

'मैं युद्ध देखने की अत्यंत उत्सुकता से, मनुष्य और अश्व के इस अभूतपूर्व महायुद्ध को, जो अन्यत्र कहीं देखने को नहीं मिलता, देखने के लिए स्वर्ग से यहाँ आया।'

श्लोक 21 (vishnu.5.16.21)

कर्माण्यऽत्रावतारे ते कृतानि मधुसूदन। यानि तैर्विस्मितं चेतस्तोषमेतेन मे गतम्

karmāṇya'trāvatāre te kṛtāni madhusūdana yāni tairvismitaṁ cetastoṣametena me gatam

'हे मधुसूदन! इस अवतार में आपके किए गए ये कर्म देखकर मेरा चित्त विस्मित हो गया है, और इस कर्म से मुझे परम संतोष प्राप्त हुआ है।'

श्लोक 22 (vishnu.5.16.22)

तुरंगस्यास्य शक्रोपि कृष्ण देवाश्च बिभ्यति। धुतकेसरजालस्य ह्रेषतोऽभ्रावलोकिनः

turaṁgasyāsya śakropi kṛṣṇa devāśca bibhyati dhutakesarajālasya hreṣato'bhrāvalokinaḥ

'हे कृष्ण! इस अश्व से तो इंद्र और देवगण भी भयभीत रहते थे, जिसकी अयाल फहराती और हिनहिनाहट आकाश तक गूँजती थी।'

श्लोक 23 (vishnu.5.16.23)

यस्मात्त्वयैष दुष्टात्मा हतः केशी जनार्दन। तस्मात्केशवनाम्ना त्वं लोके ख्यातो भविष्यसि

yasmāttvayaiṣa duṣṭātmā hataḥ keśī janārdana tasmātkeśavanāmnā tvaṁ loke khyāto bhaviṣyasi

'हे जनार्दन! चूँकि आपने इस दुष्टात्मा केशी का वध किया है, इसलिए आप संसार में केशव नाम से विख्यात होंगे।'

श्लोक 24 (vishnu.5.16.24)

स्वस्त्यस्तु ते गमिष्यामि कंसयुद्धेऽधुना पुनः। परश्वोऽहं समेष्यामि त्वया केशिनिषूदन

svastyastu te gamiṣyāmi kaṁsayuddhe'dhunā punaḥ paraśvo'haṁ sameṣyāmi tvayā keśiniṣūdana

'आपका कल्याण हो; अब मैं जाता हूँ। हे केशी के संहारक! मैं परसों कंस के युद्ध में पुनः आपसे मिलूँगा।'

श्लोक 25 (vishnu.5.16.25)

उग्रसेनसुते कंसे सानुगे विनिपातिते। भारावतारकर्त्ता त्वं पृथिव्या पृथिवीधर

ugrasenasute kaṁse sānuge vinipātite bhārāvatārakarttā tvaṁ pṛthivyā pṛthivīdhara

'जब उग्रसेन-पुत्र कंस अपने अनुयायियों सहित गिरा दिया जाएगा, तब हे पृथ्वीधर! आप पृथ्वी का भार उतारने वाले होंगे।'

श्लोक 26 (vishnu.5.16.26)

तत्रानेकप्रकाराणि युद्धानि पृथिवीक्षिताम्। द्रष्टव्यानि मया युष्मत्प्रणीतानि जनार्दन

tatrānekaprakārāṇi yuddhāni pṛthivīkṣitām draṣṭavyāni mayā yuṣmatpraṇītāni janārdana

'हे जनार्दन! वहाँ मैं आपके द्वारा रचित पृथ्वी के राजाओं के अनेक प्रकार के युद्धों को देखूँगा।'

श्लोक 27 (vishnu.5.16.27)

सोऽहं यास्यामि गोविंद देवकार्यं महत्कृतम्। त्वयैव विदितं सर्वं स्वस्ति तेऽस्तु व्रजाम्यहम्

so'haṁ yāsyāmi goviṁda devakāryaṁ mahatkṛtam tvayaiva viditaṁ sarvaṁ svasti te'stu vrajāmyaham

'हे गोविन्द! अब मैं जाता हूँ, देवताओं का महान कार्य सिद्ध हो गया है। सब कुछ आपको ज्ञात ही है; आपका कल्याण हो, मैं प्रस्थान करता हूँ।'

श्लोक 28 (vishnu.5.16.28)

नारदे गते कृष्णस्सह गोपैस्सभाजितः। विवेश गोकुलं गोपीनेत्रपानैकभाजनम्

nārade gate kṛṣṇassaha gopaissabhājitaḥ viveśa gokulaṁ gopīnetrapānaikabhājanam

नारद के चले जाने पर, गोपों द्वारा सम्मानित कृष्ण, गोपियों के नेत्रों के लिए एकमात्र पान-पात्र स्वरूप गोकुल में प्रविष्ट हुए।