रजक-वध एवं मालाकार-वर-प्रदान

श्लोक 1 (vishnu.5.19.1)

एवमन्तर्जले विष्णुमभिष्टूय स यादवः। अर्ज्जयामास सर्व्वेशं पुष्पैर्धूपैर्मनोरमैः

evamantarjale viṣṇumabhiṣṭūya sa yādavaḥ arjjayāmāsa sarvveśaṁ puṣpairdhūpairmanoramaiḥ

इस प्रकार जल के भीतर विष्णु की स्तुति करके, उस यादव ने मनोहर पुष्पों और धूप से सर्वेश्वर की पूजा की।

श्लोक 2 (vishnu.5.19.2)

परित्यक्तान्यविषयो मनस्तत्र निवेश्य सः। ब्रह्मभूते चिरं स्थित्वा विरराम समाधितः

parityaktānyaviṣayo manastatra niveśya saḥ brahmabhūte ciraṁ sthitvā virarāma samādhitaḥ

अन्य समस्त विषयों को त्यागकर, अपने मन को वहीं स्थिर करके, वे ब्रह्मभूत अवस्था में दीर्घकाल तक स्थित रहकर समाधि से निवृत्त हुए।

श्लोक 3 (vishnu.5.19.3)

कृतकृत्यमिवात्मानं मन्यमानो महामतिः। आजगाम रथं भूयो निगम्य यमुनाम्भसः

kṛtakṛtyamivātmānaṁ manyamāno mahāmatiḥ ājagāma rathaṁ bhūyo nigamya yamunāmbhasaḥ

स्वयं को कृतकृत्य मानते हुए उन महामति ने यमुना के जल से बाहर निकलकर पुनः रथ के पास आए।

श्लोक 4 (vishnu.5.19.4)

रामकृष्णौ च ददृशे यथापूर्व्वं रथे स्थितौ। विस्मिताक्षस्तदाक्रूरस्तं च कृष्णोऽभ्यभाषत

rāmakṛṣṇau ca dadṛśe yathāpūrvvaṁ rathe sthitau vismitākṣastadākrūrastaṁ ca kṛṣṇo'bhyabhāṣata

उन्होंने राम और कृष्ण को पहले की भाँति रथ पर बैठे देखा; विस्मित नेत्रों वाले अक्रूर को उस समय कृष्ण ने संबोधित किया।

श्लोक 5 (vishnu.5.19.5)

नूनं ते दृष्टमाश्वर्य्यमक्रूरयमुनाजले। विस्मयोतूफूल्लनयनो भवान् संलक्ष्यते यतः

nūnaṁ te dṛṣṭamāśvaryyamakrūrayamunājale vismayotūphūllanayano bhavān saṁlakṣyate yataḥ

'निश्चय ही हे अक्रूर, तुमने यमुना के जल में कोई आश्चर्य देखा है, क्योंकि तुम आश्चर्य से विस्फारित नेत्रों वाले प्रतीत होते हो।'

श्लोक 6 (vishnu.5.19.6)

अन्तर्जले यदाश्वर्य्यं दृष्टं तत्र मयाच्युत तदत्रापि हि पश्यामि मूत्तिंमत् पुरतः स्थितम्

antarjale yadāśvaryyaṁ dṛṣṭaṁ tatra mayācyuta tadatrāpi hi paśyāmi mūttiṁmat purataḥ sthitam

'हे अच्युत! जल के भीतर जो आश्चर्य मैंने वहाँ देखा, वही मैं यहाँ भी, सामने ही, साकार रूप में स्थित देख रहा हूँ।'

श्लोक 7 (vishnu.5.19.7)

जगदेतन्महाश्वर्य्य रूपं यस्य महात्मनः। तेनाश्वर्य्यवरेणाहं भवता कृष्णसङ्गतः

jagadetanmahāśvaryya rūpaṁ yasya mahātmanaḥ tenāśvaryyavareṇāhaṁ bhavatā kṛṣṇasaṅgataḥ

'यह सम्पूर्ण जगत ही जिन महात्मा का महान आश्चर्यमय रूप है, उन्हीं के उस श्रेष्ठ आश्चर्य के द्वारा मैं आपसे, हे कृष्ण, संयुक्त हुआ हूँ।'

श्लोक 8 (vishnu.5.19.8)

तत् किमेतेन मथुरां व्रजामो मधुसूदन बिभेमि कंसाद्धिग् जन्म परपिण्डोपजीविनाम्

tat kimetena mathurāṁ vrajāmo madhusūdana bibhemi kaṁsāddhig janma parapiṇḍopajīvinām

'तो अब इससे क्या? हे मधुसूदन, हम मथुरा चलें; मुझे कंस से भय लगता है — धिक्कार है उन प्राणियों के जन्म पर जो दूसरे के अन्न पर जीविका चलाते हैं।'

श्लोक 9 (vishnu.5.19.9)

इत्युक्त्वा चोदयामास तान् हयान् वातरंहसः। सम्प्राप्तश्चातिसायाह्ने सोऽक्रूरो मथुरां पुरीम्

ityuktvā codayāmāsa tān hayān vātaraṁhasaḥ samprāptaścātisāyāhne so'krūro mathurāṁ purīm

ऐसा कहकर उन्होंने वायु के समान वेग वाले उन घोड़ों को हाँका, और अत्यंत सांयकाल के समय वह अक्रूर मथुरा नगरी में जा पहुँचा।

श्लोक 10 (vishnu.5.19.10)

विलोक्य मथुरां रामं कृष्णं चाह स यादवः। पद्भ्यां यातं महावीर्यौ रथेनैको विशाम्यहम्

vilokya mathurāṁ rāmaṁ kṛṣṇaṁ cāha sa yādavaḥ padbhyāṁ yātaṁ mahāvīryau rathenaiko viśāmyaham

मथुरा को देखकर, उस यादव ने राम और कृष्ण से कहा — 'हे महावीर्य दोनों! तुम दोनों पैदल जाओ, मैं अकेला रथ से नगर में प्रवेश करता हूँ।'

श्लोक 11 (vishnu.5.19.11)

गन्तव्यं वसुदेवस्य भवद्भ्यां न तथा गृहम्। युवयोर्हि कृते वृद्धः स कंसेन निरस्यते

gantavyaṁ vasudevasya bhavadbhyāṁ na tathā gṛham yuvayorhi kṛte vṛddhaḥ sa kaṁsena nirasyate

'वसुदेव के घर जाना तुम दोनों के लिए अभी उचित नहीं; तुम दोनों के कारण ही तो वह वृद्ध पुरुष कंस द्वारा निकाला हुआ है।'

श्लोक 12 (vishnu.5.19.12)

इत्युक्त्वा प्रविवेशाथ सोऽक्रूरो मथुरां पुरीम्। प्रविष्टौ रामकृष्णौ च राजमार्गमुपागतौ

ityuktvā praviveśātha so'krūro mathurāṁ purīm praviṣṭau rāmakṛṣṇau ca rājamārgamupāgatau

ऐसा कहकर वह अक्रूर मथुरा नगरी में प्रविष्ट हुआ, और राम-कृष्ण दोनों भी प्रवेश करके राजमार्ग पर आ पहुँचे।

श्लोक 13 (vishnu.5.19.13)

स्त्रीभिर्नरैश्च सानन्दं लोचनैरभिवीक्षितौ। जग्मतुर्लीलया वीरौ मत्तौ बालगजाविव

strībhirnaraiśca sānandaṁ locanairabhivīkṣitau jagmaturlīlayā vīrau mattau bālagajāviva

स्त्रियों और पुरुषों दोनों द्वारा हर्षपूर्वक नेत्रों से निहारे जाते हुए, वे दोनों वीर लीलापूर्वक ऐसे चले जैसे दो मस्त गजशावक चलते हैं।

श्लोक 14 (vishnu.5.19.14)

भ्रममाणौ तु तौ दृष्ट्वा रजकं रङ्गकारकम्। अयाचेतां सुरूपाणि वासांसि रुचिराननौ

bhramamāṇau tu tau dṛṣṭvā rajakaṁ raṅgakārakam ayācetāṁ surūpāṇi vāsāṁsi rucirānanau

इस प्रकार घूमते हुए उन दोनों ने एक धोबी को, जो वस्त्रों को रंग रहा था, देखा; मनोहर मुख वाले उन दोनों ने उससे सुंदर वस्त्र माँगे।

श्लोक 15 (vishnu.5.19.15)

कंसस्य रजकः सोऽथ प्रसादारूढ़विस्मयः। बहून्याक्षेपवाक्यानि प्राहोच्चै रामकेशवौ

kaṁsasya rajakaḥ so'tha prasādārūr̤havismayaḥ bahūnyākṣepavākyāni prāhoccai rāmakeśavau

कंस का वह धोबी, अपने राजा के प्रसाद के अभिमान में डूबा हुआ, विस्मयपूर्वक राम और केशव से बहुत से ताने भरे कठोर वचन कहने लगा।

श्लोक 16 (vishnu.5.19.16)

ततस्तलप्रहारेण कृष्णस्तस्य दुरात्मनः। पातयामास कोपेन रजकस्य शिरो भुवि

tatastalaprahāreṇa kṛṣṇastasya durātmanaḥ pātayāmāsa kopena rajakasya śiro bhuvi

तब कृष्ण ने क्रोधवश उस दुरात्मा के सिर को एक ही थप्पड़ के प्रहार से पृथ्वी पर गिरा दिया।

श्लोक 17 (vishnu.5.19.17)

हत्वादाय च वस्त्राणि पीतनीलाम्बरौ ततः। कृष्णरामौ मुदा युक्तौ मालाकारगृहं गतौ

hatvādāya ca vastrāṇi pītanīlāmbarau tataḥ kṛṣṇarāmau mudā yuktau mālākāragṛhaṁ gatau

उसे मारकर और उसके वस्त्र लेकर, पीत और नील वस्त्र धारण किए हुए कृष्ण और राम प्रसन्न होकर माली के घर की ओर गए।

श्लोक 18 (vishnu.5.19.18)

विकासिनेत्रयुगलो मालाकारोऽतिविस्मितः। एतौ कस्य कुतो वैतौ मैत्रेयाचिन्तयत्तदा

vikāsinetrayugalo mālākāro'tivismitaḥ etau kasya kuto vaitau maitreyācintayattadā

उन दोनों की खिली हुई आँखों को देखकर वह माली भी अत्यंत विस्मित हो गया; उसने सोचा — 'हे मैत्रेय! ये दोनों किसके हैं, कहाँ से आए हैं?'

श्लोक 19 (vishnu.5.19.19)

पीतनीलाम्बरधरौ तौ दृष्ट्वातिमनोहरौ। स तर्कयामास तदा भुवं देवावुपागतौ

pītanīlāmbaradharau tau dṛṣṭvātimanoharau sa tarkayāmāsa tadā bhuvaṁ devāvupāgatau

पीत और नील वस्त्र धारण किए, अत्यंत मनोहर उन दोनों को देखकर, उसने तब यह अनुमान लगाया कि कोई देवता ही पृथ्वी पर आए हैं।

श्लोक 20 (vishnu.5.19.20)

विकाशिमुखपद्माभ्यां ताभ्यां पुष्पाणि याचितः। भुवं विष्टभ्य हस्ताभ्यां पस्पर्श शिरसा महीम्

vikāśimukhapadmābhyāṁ tābhyāṁ puṣpāṇi yācitaḥ bhuvaṁ viṣṭabhya hastābhyāṁ pasparśa śirasā mahīm

अपने खिले हुए मुखकमलों से उन दोनों ने उससे पुष्प माँगे; तब उसने भूमि को दोनों हाथों से थामकर सिर से पृथ्वी का स्पर्श किया।

श्लोक 21 (vishnu.5.19.21)

प्रसादपरमौ नाथौ मम गेहमुपागतौ। धन्योऽहमर्चयिष्यामीत्याह तौ माल्यजीवकः

prasādaparamau nāthau mama gehamupāgatau dhanyo'hamarcayiṣyāmītyāha tau mālyajīvakaḥ

'ये दोनों अत्यंत कृपालु स्वामी मेरे घर पधारे हैं; मैं धन्य हूँ, मैं इनकी पूजा करूँगा' — ऐसा कहते हुए वह पुष्पजीवी उनसे बोला।

श्लोक 22 (vishnu.5.19.22)

ततः प्रहृष्टवदनस्तयोः पुष्पाणि कामतः। चारूण्येतान्यथैतानि प्रददौ स विलोभयन्

tataḥ prahṛṣṭavadanastayoḥ puṣpāṇi kāmataḥ cārūṇyetānyathaitāni pradadau sa vilobhayan

तब प्रसन्न मुख वाले उसने इच्छानुसार उन्हें ये सुंदर, चटकीले पुष्प — इन-इन को — लोभवश उन्हें अर्पित किए।

श्लोक 23 (vishnu.5.19.23)

पुनः पुनः प्रणम्यासौ मालाकारौ नरोत्तमौ। ददौ पुष्पाणि चारूणि गन्धवन्त्यमलानि च

punaḥ punaḥ praṇamyāsau mālākārau narottamau dadau puṣpāṇi cārūṇi gandhavantyamalāni ca

वह माली उन दोनों नरोत्तमों को बार-बार प्रणाम करते हुए, सुगंधित और निर्मल सुंदर पुष्प देता रहा।

श्लोक 24 (vishnu.5.19.24)

मालाकाराय कृष्णोऽपि प्रसन्नः प्रददौ वरान्। श्रीस्त्वां मत्संश्रया भद्र न कदाचित् त्यजिष्यति

mālākārāya kṛṣṇo'pi prasannaḥ pradadau varān śrīstvāṁ matsaṁśrayā bhadra na kadācit tyajiṣyati

उस माली के प्रति प्रसन्न होकर कृष्ण ने भी उसे वर दिए — 'हे भद्र! तुम्हारा आश्रय पाकर श्री तुम्हें कभी नहीं त्यागेगी।'

श्लोक 25 (vishnu.5.19.25)

बलहानिर्न ते सौम्य धनहानिस्तथैव च। यावद्दिनानि तावच्च न नशिष्यति सन्ततिः

balahānirna te saumya dhanahānistathaiva ca yāvaddināni tāvacca na naśiṣyati santatiḥ

'हे सौम्य! तुम्हारी न तो बल की हानि होगी, न धन की; जब तक ये दिन-रात्रि रहेंगे, तब तक तुम्हारी संतति का कभी नाश नहीं होगा।'

श्लोक 26 (vishnu.5.19.26)

भुक्त्वा च विपुलान् भोगांस्त्वमन्ते मत्प्रसादजम्। ममानुस्मरणं प्राप्य दिव्यं लोकमवाप्स्यसि

bhuktvā ca vipulān bhogāṁstvamante matprasādajam mamānusmaraṇaṁ prāpya divyaṁ lokamavāpsyasi

'तुम प्रचुर भोगों को भोगकर, अंत में मेरी कृपा से उत्पन्न मेरे स्मरण को प्राप्त कर, दिव्य लोक को प्राप्त करोगे।'

श्लोक 27 (vishnu.5.19.27)

धर्मे मनश्च ते भद्र सर्वकालं भविष्यति। युष्मत्सन्ततिजातानां दीर्घमायुर्भविष्यति

dharme manaśca te bhadra sarvakālaṁ bhaviṣyati yuṣmatsantatijātānāṁ dīrghamāyurbhaviṣyati

'हे भद्र! तुम्हारा मन सदैव धर्म में लगा रहेगा; तुम्हारी संतानों की भी आयु दीर्घ होगी।'

श्लोक 28 (vishnu.5.19.28)

नोपसर्गादिकं दोषं युष्मत्सन्ततिसम्भवः। सम्प्राप्स्यति महाभाग यावत् सूर्यो धरिष्यति

nopasargādikaṁ doṣaṁ yuṣmatsantatisambhavaḥ samprāpsyati mahābhāga yāvat sūryo dhariṣyati

'हे महाभाग! जब तक सूर्य आकाश को धारण करता रहेगा, तब तक तुम्हारी संतति को कोई उपद्रव आदि दोष कभी प्राप्त नहीं होगा।'

श्लोक 29 (vishnu.5.19.29)

इत्युक्त्वा तद्गृहात् कृष्णो बलदेवसहायवान्। निर्जगाम मुनिश्रेष्ठ मालाकारेण पूजितः

ityuktvā tadgṛhāt kṛṣṇo baladevasahāyavān nirjagāma muniśreṣṭha mālākāreṇa pūjitaḥ

ऐसा कहकर, बलदेव को साथ लिए हुए कृष्ण उस माली के घर से निकल पड़े, हे मुनिश्रेष्ठ, उस माली द्वारा पूजित होकर।