कंस-वध

श्लोक 1 (vishnu.5.20.1)

श्रीपराशर उवाच। राजमार्गे ततः कृष्णस्सानुलेपनभाजनाम्। ददर्श कुब्जामायांतीं नवयौवनगोचराम्

śrīparāśara uvāca rājamārge tataḥ kṛṣṇassānulepanabhājanām dadarśa kubjāmāyāṁtīṁ navayauvanagocarām

पराशर जी ने कहा — तत्पश्चात् राजमार्ग पर कृष्ण ने उबटन का पात्र लिए हुए, नवयौवना कुब्जा को आते देखा।

श्लोक 2 (vishnu.5.20.2)

तामाह ललितं कृष्णः कस्येदमनुलेपनम्। भवत्या नीयते सत्यं वदेंदीवरलोचने

tāmāha lalitaṁ kṛṣṇaḥ kasyedamanulepanam bhavatyā nīyate satyaṁ vadeṁdīvaralocane

कृष्ण ने चंचलतापूर्वक उससे कहा — 'यह उबटन किसके लिए है, जिसे तुम ले जा रही हो? हे कमलनयनी, सच बताओ।'

श्लोक 3 (vishnu.5.20.3)

सकामेनेव सा प्रोक्ता सानुरागा हरिं प्रति। प्राह सा ललितं कुब्जा तद्दर्शनबलात्कृता

sakāmeneva sā proktā sānurāgā hariṁ prati prāha sā lalitaṁ kubjā taddarśanabalātkṛtā

उससे मानो कामनापूर्वक कहा गया यह सुनकर, हरि के प्रति अनुराग से भर उठी वह कुब्जा, उनके दर्शन के बल से विवश होकर चंचलतापूर्वक बोली —

श्लोक 4 (vishnu.5.20.4)

कांत कस्मान्न जानासि कंसेन विनियोजिताम्। नैकवक्रेति विख्यातामनुलेपनकर्मणि

kāṁta kasmānna jānāsi kaṁsena viniyojitām naikavakreti vikhyātāmanulepanakarmaṇi

'हे कान्त! क्या आप नहीं जानते कि मुझे कंस ने उबटन बनाने के कार्य में नियुक्त किया है, और मैं नैकवक्रा के नाम से विख्यात हूँ?'

श्लोक 5 (vishnu.5.20.5)

नान्यपिष्टं हि कंसस्य प्रीतये ह्यनुलेपनम्। भवाम्यहमतीवास्य प्रसादधनभाजनम्

nānyapiṣṭaṁ hi kaṁsasya prītaye hyanulepanam bhavāmyahamatīvāsya prasādadhanabhājanam

'कंस की प्रसन्नता के लिए किसी और के पीसे हुए उबटन का उपयोग नहीं होता; मैं ही उसके अत्यधिक अनुग्रह-रूपी धन की पात्र हूँ।'

श्लोक 6 (vishnu.5.20.6)

श्रीकृष्ण उवाच। सुगंधमेतद्रा जार्हं रुचिरं रुचिरानने। आवयोर्गात्र सदृशं दीयतामनुलेपनम्

śrīkṛṣṇa uvāca sugaṁdhametadrā jārhaṁ ruciraṁ rucirānane āvayorgātra sadṛśaṁ dīyatāmanulepanam

श्रीकृष्ण ने कहा — 'हे सुमुखी! यह सुगंधित, मनोहर, राजा के योग्य उबटन हमारे दोनों के शरीर के अनुरूप हमें भी दे दो।'

श्लोक 7 (vishnu.5.20.7)

श्रीपराशर उवाच। श्रुत्वैतदाह सा कुब्जा गृह्यतामिति सादरम्। अनुलेपनं च प्रददौ गात्रयोग्यमथोभयोः

śrīparāśara uvāca śrutvaitadāha sā kubjā gṛhyatāmiti sādaram anulepanaṁ ca pradadau gātrayogyamathobhayoḥ

पराशर जी ने कहा — यह सुनकर उस कुब्जा ने आदरपूर्वक कहा — 'ले लीजिए' — और उन दोनों के शरीर के योग्य उबटन उन्हें दे दिया।

श्लोक 8 (vishnu.5.20.8)

भक्तिच्छेदानुलिप्तांगौ ततस्तौ पुरुषर्षभौ। सेंद्रचापौ व्यराजेतां सितकृष्णाविवांबुदौ

bhakticchedānuliptāṁgau tatastau puruṣarṣabhau seṁdracāpau vyarājetāṁ sitakṛṣṇāvivāṁbudau

उस उबटन के भागों से अपने अंगों पर लेप करके, वे दोनों पुरुषश्रेष्ठ, इंद्रधनुष सहित श्वेत और श्याम मेघों के समान सुशोभित हो उठे।

श्लोक 9 (vishnu.5.20.9)

ततस्तां चुबुके शौरिरुल्लापनविधानवित्। उत्पाट्य तोलयामास द्व्यंगुलेनाग्रपाणिना

tatastāṁ cubuke śaurirullāpanavidhānavit utpāṭya tolayāmāsa dvyaṁgulenāgrapāṇinā

तब शौरि, जो उलझन सुलझाने की युक्ति जानते थे, उसकी ठोड़ी को अपनी उंगलियों के अगले दो भाग से पकड़कर ऊपर उठाया और तोला।

श्लोक 10 (vishnu.5.20.10)

चकर्ष पद्भ्यां च तदा ऋजुत्वं केशवोऽनयत्। ततस्सा ऋजुतां प्राप्ता योषितामभवद्वरा

cakarṣa padbhyāṁ ca tadā ṛjutvaṁ keśavo'nayat tatassā ṛjutāṁ prāptā yoṣitāmabhavadvarā

और साथ ही अपने पैरों से उसे खींचा; इस प्रकार केशव ने उसे सीधा कर दिया। तब सीधापन प्राप्त करके वह स्त्रियों में श्रेष्ठ सुंदरी बन गई।

श्लोक 11 (vishnu.5.20.11)

विलासललितं प्राह प्रेमगर्भभरालसम्। वस्त्रे प्रगृह्य गोविंदं मम गेहं व्रजेति वै

vilāsalalitaṁ prāha premagarbhabharālasam vastre pragṛhya goviṁdaṁ mama gehaṁ vrajeti vai

प्रेम से भरे अलसाए भाव से, विलासपूर्ण चंचलता के साथ, उसने गोविन्द का वस्त्र पकड़कर कहा — 'मेरे घर चलिए।'

श्लोक 12 (vishnu.5.20.12)

एवमुक्तस्तया शौरी रामस्यालोक्य चाननम्। प्रहस्य कुब्जां तामाह नैकवक्रामनिंदिताम्

evamuktastayā śaurī rāmasyālokya cānanam prahasya kubjāṁ tāmāha naikavakrāmaniṁditām

उससे ऐसा कहे जाने पर, शौरि ने राम का मुख निहारा, और मुस्कुराते हुए उस निर्दोष कुब्जा नैकवक्रा से कहा —

श्लोक 13 (vishnu.5.20.13)

आयास्ये भवतीगेहमिति तां प्रहसन्हरिः। विससर्ज जहासोच्चै रामस्यालोक्य चाननम्

āyāsye bhavatīgehamiti tāṁ prahasanhariḥ visasarja jahāsoccai rāmasyālokya cānanam

'मैं तुम्हारे घर आऊँगा' — यों हँसते हुए हरि ने उसे विदा किया, और राम का मुख देखकर ज़ोर से हँस पड़े।

श्लोक 14 (vishnu.5.20.14)

भक्तिच्छेदानुलिप्तांगौ नीलपीतांबरौ तु तौ। धनुश्शालां ततो यातौ चित्रमाल्योपशोभितौ

bhakticchedānuliptāṁgau nīlapītāṁbarau tu tau dhanuśśālāṁ tato yātau citramālyopaśobhitau

उस उबटन को अपने-अपने भागानुसार अंगों पर लगाए, नील और पीत वस्त्र धारण किए हुए, वे दोनों विविध मालाओं से सुशोभित होकर धनुःशाला की ओर गए।

श्लोक 15 (vishnu.5.20.15)

आयागं तद्धनूरत्नं ताभ्यां पृष्टैस्तु रक्षिभिः। आख्याते सहसा कृष्णो गृहीत्वा पूरयद्धनुः

āyāgaṁ taddhanūratnaṁ tābhyāṁ pṛṣṭaistu rakṣibhiḥ ākhyāte sahasā kṛṣṇo gṛhītvā pūrayaddhanuḥ

रक्षकों से पूछे जाने पर उन दोनों को वह अद्भुत धनुष-रत्न 'आयाग' दिखाया गया; कृष्ण ने तुरंत उसे हाथ में लेकर चढ़ा दिया।

श्लोक 16 (vishnu.5.20.16)

ततः पूरयता तेन भज्यमानं बलाद्धनुः। चकार सुमहच्छब्दं मथुरा येन पूरिता

tataḥ pūrayatā tena bhajyamānaṁ balāddhanuḥ cakāra sumahacchabdaṁ mathurā yena pūritā

उसे चढ़ाते ही, बलपूर्वक तोड़े जाते हुए उस धनुष ने इतना विशाल शब्द किया कि उससे सारी मथुरा गूँज उठी।

श्लोक 17 (vishnu.5.20.17)

अनुयुक्तौ ततस्तौ तु भग्ने धनुषि रक्षिभिः। रक्षिसैन्यं निहत्योभौ निष्क्रांतौ कार्मुकालयात्

anuyuktau tatastau tu bhagne dhanuṣi rakṣibhiḥ rakṣisainyaṁ nihatyobhau niṣkrāṁtau kārmukālayāt

धनुष टूटते ही रक्षकों ने उन दोनों को घेर लिया; किन्तु उन दोनों ने रक्षक-सेना का वध कर धनुःशाला से बाहर निकल गए।

श्लोक 18 (vishnu.5.20.18)

अक्रूरागमवृत्तांतमुपलभ्य महद्धनुः। भग्नं श्रुत्वा च कंसोऽपि प्राह चाणूरमुष्टिकौ

akrūrāgamavṛttāṁtamupalabhya mahaddhanuḥ bhagnaṁ śrutvā ca kaṁso'pi prāha cāṇūramuṣṭikau

अक्रूर के आगमन का वृत्तांत जानकर, और उस महान धनुष के टूटने का समाचार सुनकर, कंस ने भी चाणूर और मुष्टिक से कहा —

श्लोक 19 (vishnu.5.20.19)

कंस उवाच। गोपालदारकौ प्राप्तौ भवद्भ्यां तु ममाग्रतः। मल्लयुद्धेन हंतव्यौ मम प्राणहरौ हि तौ

kaṁsa uvāca gopāladārakau prāptau bhavadbhyāṁ tu mamāgrataḥ mallayuddhena haṁtavyau mama prāṇaharau hi tau

कंस ने कहा — 'गोप के वे दो बालक मेरे समक्ष आ पहुँचे हैं, उन्हें तुम दोनों मल्लयुद्ध में मार डालो; वे दोनों निश्चय ही मेरे प्राणहर्ता हैं।'

श्लोक 20 (vishnu.5.20.20)

नियुद्धे तद्विनाश्नो भवद्भ्यां तोषितो ह्यहम्। दास्याम्यभिमतान्कामान्नान्यथैतौ महाबलौ

niyuddhe tadvināśno bhavadbhyāṁ toṣito hyaham dāsyāmyabhimatānkāmānnānyathaitau mahābalau

'यदि तुम दोनों मल्लयुद्ध में उनका विनाश कर दो तो मैं तुम पर प्रसन्न होकर मनचाही वस्तुएँ दूँगा; अन्यथा वे दोनों महाबली छोड़ेंगे नहीं।'

श्लोक 21 (vishnu.5.20.21)

न्यायतोन्यायतो वापि भवद्भ्यां तौ ममाहितौ। हन्तव्यौ तद्वधाद्राज्यं सामान्यं वां भविष्यति

nyāyatonyāyato vāpi bhavadbhyāṁ tau mamāhitau hantavyau tadvadhādrājyaṁ sāmānyaṁ vāṁ bhaviṣyati

'उचित रीति से हो या अनुचित रीति से, तुम दोनों को मेरे उन शत्रुओं का वध करना ही है; उनके वध से मेरा राज्य तुम दोनों के साथ साझा होगा।'

श्लोक 22 (vishnu.5.20.22)

इत्यादिश्य स तौ मल्लौ ततश्चाहूय हस्तिपम्। प्रोवाचोच्चैस्त्वया मल्लसमाजद्वारि कुंजरः

ityādiśya sa tau mallau tataścāhūya hastipam provācoccaistvayā mallasamājadvāri kuṁjaraḥ

उन दोनों मल्लों को इस प्रकार आदेश देकर, फिर महावत को बुलाकर उसने ऊँचे स्वर में कहा — 'तुम्हारे द्वारा मल्ल-सभा के द्वार पर हाथी को —'

श्लोक 23 (vishnu.5.20.23)

स्थाप्यः कुवलयापीडस्तेन तौ गोपदारकौ। घातनीयौ नियुद्धाय रंगद्वारमुपागतौ

sthāpyaḥ kuvalayāpīḍastena tau gopadārakau ghātanīyau niyuddhāya raṁgadvāramupāgatau

'— कुवलयापीड को खड़ा किया जाए, ताकि जब वे दोनों गोप-बालक मल्लयुद्ध के लिए रंगद्वार पर पहुँचें, तब उसके द्वारा ही उनका वध हो जाए।'

श्लोक 24 (vishnu.5.20.24)

तमप्याज्ञाप्य दृष्ट्वा च सर्वान्मंचानुपाकृतान्। आसन्न मरणः कंसः सूर्योदयमुदैक्षत

tamapyājñāpya dṛṣṭvā ca sarvānmaṁcānupākṛtān āsanna maraṇaḥ kaṁsaḥ sūryodayamudaikṣata

उसे भी यह आदेश देकर, और सभी मंचों को तैयार देखकर, मृत्यु के निकट पहुँच चुका कंस सूर्योदय की प्रतीक्षा करने लगा।

श्लोक 25 (vishnu.5.20.25)

ततः समस्तमंचेषु नागरस्स तदा जनः। राजमंचेषु चारूढास्सह भृत्यैर्नराधिपाः

tataḥ samastamaṁceṣu nāgarassa tadā janaḥ rājamaṁceṣu cārūḍhāssaha bhṛtyairnarādhipāḥ

तब समस्त मंचों पर नगरवासी लोग बैठ गए, और राजाओं के मंचों पर सेवकों सहित राजा भी विराजमान हुए।

श्लोक 26 (vishnu.5.20.26)

मल्लप्राश्निकवर्गश्च रंगमध्यसमीपगः। कृतः कंसेन कंसोऽपि तुंगमंचे व्यवस्थितः

mallaprāśnikavargaśca raṁgamadhyasamīpagaḥ kṛtaḥ kaṁsena kaṁso'pi tuṁgamaṁce vyavasthitaḥ

मल्लों के निर्णायकों का समूह रंगभूमि के मध्य के निकट कंस द्वारा बिठाया गया, और कंस स्वयं भी एक ऊँचे मंच पर विराजमान हुआ।

श्लोक 27 (vishnu.5.20.27)

अंतःपुराणां मंचाश्च तथाऽन्ये परिकल्पिताः। अन्ये च वारमुख्यानामन्ये नागरयोषिताम्

aṁtaḥpurāṇāṁ maṁcāśca tathā'nye parikalpitāḥ anye ca vāramukhyānāmanye nāgarayoṣitām

अंतःपुर की स्त्रियों के लिए भी अलग मंच बनाए गए, कुछ प्रमुख वेश्याओं के लिए, और कुछ नगर की अन्य स्त्रियों के लिए।

श्लोक 28 (vishnu.5.20.28)

नंदगोपादयो गोपा मंचेष्वन्येष्ववस्थिताः। अक्रूरवसुदेवौ च मंचप्रांते व्यवस्थितौ

naṁdagopādayo gopā maṁceṣvanyeṣvavasthitāḥ akrūravasudevau ca maṁcaprāṁte vyavasthitau

नन्द-गोप आदि गोपजन अन्य मंचों पर बैठे, और अक्रूर तथा वसुदेव एक मंच के छोर पर विराजमान हुए।

श्लोक 29 (vishnu.5.20.29)

नागरीयोषितां मध्ये देवकीपुत्रगर्द्धिनी। अंतकालेऽपि पुत्रस्य द्रक्ष्यामीति मुखं स्थिता

nāgarīyoṣitāṁ madhye devakīputragarddhinī aṁtakāle'pi putrasya drakṣyāmīti mukhaṁ sthitā

नगर की स्त्रियों के बीच, अपने पुत्र के लिए तड़पती देवकी वहीं खड़ी थी, यह सोचकर कि 'अंतकाल में भी मैं अपने पुत्र का मुख देखूँगी'।

श्लोक 30 (vishnu.5.20.30)

वाद्यमानेषु तूर्येषु चाणूरे चातिवल्गति। हाहाकारपरे लोके ह्यास्फोटयति मुष्टिके

vādyamāneṣu tūryeṣu cāṇūre cātivalgati hāhākārapare loke hyāsphoṭayati muṣṭike

वाद्य बज रहे थे, चाणूर अत्यंत उछल-कूद कर रहा था, समस्त लोग हाहाकार में डूबे थे, और मुष्टिक अपनी भुजाओं को ठोक रहा था।

श्लोक 31 (vishnu.5.20.31)

ईषद्धसंतौ तौ वीरौ बलभद्रजनार्दनौ। गोपवेषधरौ बालौ रंगद्वारमुपागतौ

īṣaddhasaṁtau tau vīrau balabhadrajanārdanau gopaveṣadharau bālau raṁgadvāramupāgatau

उसी समय, मंद-मंद मुस्कुराते हुए वे दोनों वीर बालक बलभद्र और जनार्दन, गोप-वेष धारण किए, रंगभूमि के द्वार पर आ पहुँचे।

श्लोक 32 (vishnu.5.20.32)

ततः कुवलयापीडो महामात्रप्रचोदितः। अभ्यधावत वेगेन हंतुं गोपकुमारकौ

tataḥ kuvalayāpīḍo mahāmātrapracoditaḥ abhyadhāvata vegena haṁtuṁ gopakumārakau

तब महावत द्वारा प्रेरित कुवलयापीड हाथी उन दोनों गोप-बालकों को मारने के लिए वेग से दौड़ पड़ा।

श्लोक 33 (vishnu.5.20.33)

हाहाकारो महाञ्जज्ञे रंगमध्ये द्विजोत्तम। बलदेवोऽनुजं दृष्ट्वा वचनं चेदमब्रवीत्

hāhākāro mahāñjajñe raṁgamadhye dvijottama baladevo'nujaṁ dṛṣṭvā vacanaṁ cedamabravīt

रंगभूमि के बीच में एक महान हाहाकार उठा, हे द्विजोत्तम! बलदेव ने अपने छोटे भाई को देखकर यह वचन कहा —

श्लोक 34 (vishnu.5.20.34)

हंतव्यो हि महाभाग नागोऽयं शत्रुचोदितः

haṁtavyo hi mahābhāga nāgo'yaṁ śatrucoditaḥ

'हे महाभाग! यह हाथी, जो शत्रु द्वारा उकसाया गया है, अवश्य मार डाला जाना चाहिए।'

श्लोक 35 (vishnu.5.20.35)

इत्युक्तस्सोऽग्रजेनाथ बलदेवेन वै द्विज। सिंहनादं ततश्चक्रे माधवः परवीरहा

ityuktasso'grajenātha baladevena vai dvija siṁhanādaṁ tataścakre mādhavaḥ paravīrahā

हे द्विज! अपने बड़े भाई बलदेव द्वारा ऐसा कहे जाने पर, शत्रु-वीरों के संहारक माधव ने सिंहनाद किया।

श्लोक 36 (vishnu.5.20.36)

करेण करमाकृष्य तस्य केशिनिषूदनः। भ्रामयामास तं शौरिरैरावतसमं बले

kareṇa karamākṛṣya tasya keśiniṣūdanaḥ bhrāmayāmāsa taṁ śaurirairāvatasamaṁ bale

केशी के संहारक शौरि ने उस हाथी की सूंड को अपने हाथ से पकड़कर, ऐरावत के समान बलशाली उस हाथी को घुमा डाला।

श्लोक 37 (vishnu.5.20.37)

ईशोपि सर्वजगतां बाललीलानुसारतः। क्रीडित्वा सुचिरं कृष्णः करिदंतपदांतरे

īśopi sarvajagatāṁ bālalīlānusārataḥ krīḍitvā suciraṁ kṛṣṇaḥ karidaṁtapadāṁtare

समस्त लोकों के स्वामी होते हुए भी, बाल-लीला के अनुसार आचरण करते हुए, कृष्ण उस हाथी के दो दांतों के बीच में दीर्घकाल तक क्रीड़ा करते रहे।

श्लोक 38 (vishnu.5.20.38)

उत्पाट्य वामदंतं तु दक्षिणेनैव पाणिना। ताडयामास यंतारं तस्यासीच्छतधा शिरः

utpāṭya vāmadaṁtaṁ tu dakṣiṇenaiva pāṇinā tāḍayāmāsa yaṁtāraṁ tasyāsīcchatadhā śiraḥ

फिर अपने दाहिने हाथ से ही उसके बायें दाँत को उखाड़कर, उन्होंने उससे महावत पर प्रहार किया, और उसका सिर सौ टुकड़ों में बिखर गया।

श्लोक 39 (vishnu.5.20.39)

दक्षिणं दंतमुत्पाट्य बलभद्रोऽपि तत्क्षणात्। स रोषस्तेन पार्श्वस्थान् गजपालानपोथयत्

dakṣiṇaṁ daṁtamutpāṭya balabhadro'pi tatkṣaṇāt sa roṣastena pārśvasthān gajapālānapothayat

उसी क्षण बलभद्र ने भी दाहिना दाँत उखाड़कर, क्रोध में भरकर उसी से आस-पास खड़े हाथी के रक्षकों को कुचल डाला।

श्लोक 40 (vishnu.5.20.40)

ततस्तूत्प्लुत्य वेगेन रौहिणेयो महाबलः। जघान वामपादेन मस्तके हस्तिनं रुषा

tatastūtplutya vegena rauhiṇeyo mahābalaḥ jaghāna vāmapādena mastake hastinaṁ ruṣā

फिर वेग से उछलकर, महाबली रौहिणेय ने क्रोधवश अपने बाएँ पैर से उस हाथी के मस्तक पर प्रहार किया।

श्लोक 41 (vishnu.5.20.41)

स पपात हतस्तेन बलभद्रेण लीलया। सहस्राक्षेण वज्रेण ताडितः पर्वतो यथा

sa papāta hatastena balabhadreṇa līlayā sahasrākṣeṇa vajreṇa tāḍitaḥ parvato yathā

बलभद्र के उस लीला-प्रहार से मारा जाकर वह हाथी वैसे ही गिर पड़ा जैसे सहस्राक्ष इंद्र के वज्र से आहत कोई पर्वत गिरता है।

श्लोक 42 (vishnu.5.20.42)

हत्वा कुवलयापीडं हस्त्यारोहप्रचोदितम्। मदासृगनुलिप्तांगौ हस्तिदंतवरायुधौ

hatvā kuvalayāpīḍaṁ hastyārohapracoditam madāsṛganuliptāṁgau hastidaṁtavarāyudhau

हाथी के सवार द्वारा उकसाए गए उस कुवलयापीड को मारकर, अपने अंगों पर मद और रक्त लपेटे हुए, हाथी के श्रेष्ठ दाँतों को ही अस्त्र बनाए हुए वे दोनों —

श्लोक 43 (vishnu.5.20.43)

मृगमध्ये यथा सिंहौ गर्वलीलावलोकिनौ। प्रविष्टौ सुमहारंगं बलभद्रजनार्दनौ

mṛgamadhye yathā siṁhau garvalīlāvalokinau praviṣṭau sumahāraṁgaṁ balabhadrajanārdanau

जैसे मृगों के बीच दो सिंह हों, गर्वपूर्ण लीला-दृष्टि से देखते हुए, बलभद्र और जनार्दन उस विशाल रंगभूमि में प्रविष्ट हुए।

श्लोक 44 (vishnu.5.20.44)

हाहाकारो महाञ्जज्ञे महारंगे त्वनंतरम्। कृष्णोऽयं बलभद्रो यमिति लोकस्य विस्मयः

hāhākāro mahāñjajñe mahāraṁge tvanaṁtaram kṛṣṇo'yaṁ balabhadro yamiti lokasya vismayaḥ

उसके तुरंत बाद उस विशाल रंगभूमि में एक महान कोलाहल उठा — 'यह कृष्ण है, यह बलभद्र है' — इस प्रकार लोगों का विस्मय प्रकट हुआ।

श्लोक 45 (vishnu.5.20.45)

सोऽयं येन हता घोरा पूतना बालघातिनी। क्षिप्तं तु शकटं येन भग्नौ तु यमलार्जुनौ

so'yaṁ yena hatā ghorā pūtanā bālaghātinī kṣiptaṁ tu śakaṭaṁ yena bhagnau tu yamalārjunau

'यही वह है जिसने बालकों की घातिनी भयंकर पूतना को मार डाला, जिसने शकट को उलट दिया, जिसने युगल अर्जुन वृक्षों को तोड़ डाला।'

श्लोक 46 (vishnu.5.20.46)

सोयं यः कालियं नागं ममर्दारुह्य वालकः। धृतो गोवर्द्धनो येन सप्तरात्रं महागिरिः

soyaṁ yaḥ kāliyaṁ nāgaṁ mamardāruhya vālakaḥ dhṛto govarddhano yena saptarātraṁ mahāgiriḥ

'यही वह है जिसने बालक होते हुए भी कालिय नाग पर चढ़कर उसे रौंद डाला, जिसने सात रात्रियों तक उस महान गोवर्धन पर्वत को धारण किए रखा।'

श्लोक 47 (vishnu.5.20.47)

अरिष्टो धेनुकः केशी लीलयैव महात्मना। निहता येन दुर्वृत्ता दृश्यतामेष सोऽच्युतः

ariṣṭo dhenukaḥ keśī līlayaiva mahātmanā nihatā yena durvṛttā dṛśyatāmeṣa so'cyutaḥ

'अरिष्ट, धेनुक और केशी जैसे दुराचारी असुर जिस महात्मा के द्वारा मात्र लीला से ही मारे गए — यह देखो, वही अच्युत है।'

श्लोक 48 (vishnu.5.20.48)

अयं चास्य महाबाहुर्बलभद्रोऽग्रतोऽग्रजः। प्रयाति लीलया योषिन्मनोनयननंदनः

ayaṁ cāsya mahābāhurbalabhadro'grato'grajaḥ prayāti līlayā yoṣinmanonayananaṁdanaḥ

'और यह इनके आगे-आगे चल रहे महाबाहु बड़े भाई बलभद्र हैं, जो स्त्रियों के मन और नेत्रों को आनंदित करते हुए लीलापूर्वक चल रहे हैं।'

श्लोक 49 (vishnu.5.20.49)

अयं स कथ्यते प्राज्ञैः पुराणार्थविशारदैः। गोपालो यादवं वंशं मग्नमभ्यद्धरिष्यति

ayaṁ sa kathyate prājñaiḥ purāṇārthaviśāradaiḥ gopālo yādavaṁ vaṁśaṁ magnamabhyaddhariṣyati

'पुराणों के अर्थ में निपुण विद्वानों द्वारा यही कहा जाता है कि यह गोपाल डूबते हुए यादव-वंश का उद्धार करेगा।'

श्लोक 50 (vishnu.5.20.50)

अयं हि सर्वलोकस्य विष्णोरखिलजन्मनः। अवतीर्णो महीमंशो नूनं भारहरो भुवः

ayaṁ hi sarvalokasya viṣṇorakhilajanmanaḥ avatīrṇo mahīmaṁśo nūnaṁ bhāraharo bhuvaḥ

'निश्चय ही यह सम्पूर्ण जगत के आधार, सबका उद्गम-स्रोत विष्णु का ही अंश है, जो पृथ्वी के भार को हरने के लिए अवतीर्ण हुआ है।'

श्लोक 51 (vishnu.5.20.51)

इत्येवं वर्णिते पौरै रामे कृष्णे च तत्क्षणात्। उरस्तताप देवक्याः स्नेहस्नुतपयोधरम्

ityevaṁ varṇite paurai rāme kṛṣṇe ca tatkṣaṇāt urastatāpa devakyāḥ snehasnutapayodharam

इस प्रकार नगरवासियों द्वारा राम और कृष्ण का वर्णन किए जाने पर, उसी क्षण देवकी का हृदय स्नेह से आर्द्र होकर तप उठा, उसके स्तन दूध से भीग गए।

श्लोक 52 (vishnu.5.20.52)

महोत्सवमिवासाद्य पुत्राननविलोकनात्। युवेव वसुदेवोऽभूद्विहायाभ्यागतां जराम्

mahotsavamivāsādya putrānanavilokanāt yuveva vasudevo'bhūdvihāyābhyāgatāṁ jarām

पुत्र का मुख देखकर मानो कोई महान उत्सव प्राप्त हो गया हो, वसुदेव अपनी आई हुई वृद्धावस्था को त्यागकर मानो पुनः युवा हो उठे।

श्लोक 53 (vishnu.5.20.53)

विस्तारिताक्षियुगलो राजांतःपुरयोषिताम्। नागरस्त्रीसमूहश्च द्रष्टुं न विरराम तम्

vistāritākṣiyugalo rājāṁtaḥpurayoṣitām nāgarastrīsamūhaśca draṣṭuṁ na virarāma tam

राजा के अंतःपुर की स्त्रियों की और नगर की स्त्रियों के समूह की आँखें विस्फारित हो गईं, वे उन्हें देखने से तृप्त ही नहीं हुईं।

श्लोक 54 (vishnu.5.20.54)

सख्यः पश्यत कृष्णस्य मुखमत्यरुणेक्षणम्। गजयुद्धकृतायासस्वेदांबुकणिकाचितम्

sakhyaḥ paśyata kṛṣṇasya mukhamatyaruṇekṣaṇam gajayuddhakṛtāyāsasvedāṁbukaṇikācitam

'सखियो! कृष्ण के अरुण नेत्रों वाले मुख को देखो, जो हाथी के साथ युद्ध के परिश्रम से उत्पन्न पसीने की बूंदों से भरा है।'

श्लोक 55 (vishnu.5.20.55)

विकासिशरदंभोजमपश्यामजलोक्षितम्। परिभूयं स्थितं जन्म सफलं क्रियतां दृशः

vikāsiśaradaṁbhojamapaśyāmajalokṣitam paribhūyaṁ sthitaṁ janma saphalaṁ kriyatāṁ dṛśaḥ

'शरद-ऋतु के विकसित कमल के समान, अभी-अभी ओस-कणों से सिंचित यह मुख सब कुछ तिरस्कार करता हुआ खड़ा है — अपने इस जन्म को, इस दृष्टि को सफल कर लो।'

श्लोक 56 (vishnu.5.20.56)

श्रीवत्सांकं महद्धाम बालस्यैतद्विलोक्यताम्। विपक्षक्षपणं वक्षो भुजयुग्मं च भामिनि

śrīvatsāṁkaṁ mahaddhāma bālasyaitadvilokyatām vipakṣakṣapaṇaṁ vakṣo bhujayugmaṁ ca bhāmini

'हे भामिनी! इस बालक के श्रीवत्स-चिह्न से युक्त महान तेजस्वी वक्षस्थल को देखो, जो शत्रुओं का नाश करने वाला है, और इसकी भुजाओं की जोड़ी को भी देखो।'

श्लोक 57 (vishnu.5.20.57)

किं न पश्यसि दुग्धेंदुमृणालधवलाकृतिम्। बलभद्रमिमं नीलपरिधानमुपागतम्

kiṁ na paśyasi dugdheṁdumṛṇāladhavalākṛtim balabhadramimaṁ nīlaparidhānamupāgatam

'क्या तुम दूध, चंद्रमा और कमलनाल के समान श्वेत आकृति वाले, नील वस्त्र धारण किए हुए इस बलभद्र को नहीं देख रही?'

श्लोक 58 (vishnu.5.20.58)

वल्गतामुष्टिकेनैव चाणूरेण तथा सखि। क्रीडतो बलभद्रस्य हरेर्हास्यं विलोक्यताम्

valgatāmuṣṭikenaiva cāṇūreṇa tathā sakhi krīḍato balabhadrasya harerhāsyaṁ vilokyatām

'हे सखि! उछल-कूद करते मुष्टिक और चाणूर के साथ खेल-खेल में लड़ते हुए बलभद्र और हरि की उस हँसी को देखो।'

श्लोक 59 (vishnu.5.20.59)

सख्यः पश्यत चाणूरं नियुद्धार्थमयं हरिः। समुपैति न संत्यत्र किं वृद्धा मुक्तकारिणः

sakhyaḥ paśyata cāṇūraṁ niyuddhārthamayaṁ hariḥ samupaiti na saṁtyatra kiṁ vṛddhā muktakāriṇaḥ

'सखियो! देखो, यह हरि मल्लयुद्ध के लिए चाणूर के पास जा रहे हैं — क्या यहाँ कोई भी वृद्धजन नहीं हैं जो इन्हें इस अनुचित युद्ध से मुक्त करा सकें?'

श्लोक 60 (vishnu.5.20.60)

क्व यौवनोन्मुखीभूतसुकुमारतनुर्हरिः। क्व वज्रकठिनाभोगशरीरोऽयं महासुरः

kva yauvanonmukhībhūtasukumāratanurhariḥ kva vajrakaṭhinābhogaśarīro'yaṁ mahāsuraḥ

'कहाँ तो यह हरि, जिसका सुकुमार शरीर अभी यौवन की ओर बढ़ ही रहा है, और कहाँ यह महासुर, जिसका शरीर वज्र के समान कठोर और विशाल है!'

श्लोक 61 (vishnu.5.20.61)

इमौ सुललितैरंगैर्वर्त्तेते नवयौवनौ। दैतेयमल्लाश्चाणूरप्रमुखास्त्वतिदारुणाः

imau sulalitairaṁgairvarttete navayauvanau daiteyamallāścāṇūrapramukhāstvatidāruṇāḥ

'ये दोनों कोमल अंगों के साथ नवयौवन में स्थित हैं, जबकि चाणूर आदि दैत्य-मल्ल अत्यंत भयंकर हैं।'

श्लोक 62 (vishnu.5.20.62)

नियुद्धप्राश्निकानां तु महानेष व्यतिक्रमः। यद्बालबलिनोर्युद्धं मध्यस्थैस्समुपेक्ष्यते

niyuddhaprāśnikānāṁ tu mahāneṣa vyatikramaḥ yadbālabalinoryuddhaṁ madhyasthaissamupekṣyate

'यह तो मल्लयुद्ध के निर्णायकों की भारी भूल है, कि इन दो असमान बलियों के इस युद्ध की मध्यस्थों द्वारा उपेक्षा की जा रही है।'

श्लोक 63 (vishnu.5.20.63)

श्रीपराशर उवाच। इत्थं पुरस्त्रीलोकस्व वदतश्चालयन्भुवम्। ववल्ग बद्धकक्ष्यॐतर्जनस्य भगवान्हरिः

śrīparāśara uvāca itthaṁ purastrīlokasva vadataścālayanbhuvam vavalga baddhakakṣyaoṁtarjanasya bhagavānhariḥ

पराशर जी ने कहा — नगर की स्त्रियों के इस प्रकार कहते रहते हुए ही, कमर कसे हुए भगवान हरि, अंतःपुर की स्त्रियों को सुनाते हुए, पृथ्वी को कंपाते हुए कूद पड़े।

श्लोक 64 (vishnu.5.20.64)

बलभद्रोऽपि चास्फोट्य ववल्गललितं तथा। पदेपदे तथा भूमिर्यन्न शीर्णा तदद्भुतम्

balabhadro'pi cāsphoṭya vavalgalalitaṁ tathā padepade tathā bhūmiryanna śīrṇā tadadbhutam

बलभद्र ने भी ताल ठोंककर उसी प्रकार सुंदरता से छलांग लगाई; और यह अद्भुत ही था कि उनके प्रत्येक पग-निक्षेप से पृथ्वी चूर-चूर नहीं हो गई।

श्लोक 65 (vishnu.5.20.65)

चाणूरेण ततः कृष्णो ययुधेऽमितविक्रमः। नियुद्धकुशलो दैत्यो बलभद्रेण मुष्टिकः

cāṇūreṇa tataḥ kṛṣṇo yayudhe'mitavikramaḥ niyuddhakuśalo daityo balabhadreṇa muṣṭikaḥ

तब अपार पराक्रमी कृष्ण चाणूर से युद्ध करने लगे, और मल्लयुद्ध में कुशल दैत्य मुष्टिक बलभद्र से।

श्लोक 66 (vishnu.5.20.66)

सन्निपातावधूतैस्तु चाणूरेण समं हरिः। प्रक्षेपणैर्मुष्टिभिश्च कीलवज्रनिपातनैः

sannipātāvadhūtaistu cāṇūreṇa samaṁ hariḥ prakṣepaṇairmuṣṭibhiśca kīlavajranipātanaiḥ

हरि चाणूर के साथ आपस में टकराते हुए झोंकों से, फेंकने और मुक्कों के प्रहारों से, और कील-सदृश कठोर वज्र-प्रहारों से —

श्लोक 67 (vishnu.5.20.67)

पादोद्धूतैः प्रमृष्टैश्च तयोर्युद्धमभून्महत्

pādoddhūtaiḥ pramṛṣṭaiśca tayoryuddhamabhūnmahat

और पैरों से उठाए गए तथा रगड़े गए प्रहारों से — उन दोनों का यह युद्ध अत्यंत भीषण हो उठा।

श्लोक 68 (vishnu.5.20.68)

अशस्त्रमतिघोरं तत्तयोर्युद्धं सुदारुणम्। बलप्राणविनिष्पाद्यं समाजोत्सवसन्निधौ

aśastramatighoraṁ tattayoryuddhaṁ sudāruṇam balaprāṇaviniṣpādyaṁ samājotsavasannidhau

उन दोनों का वह अस्त्र-रहित परंतु अत्यंत घोर और दारुण युद्ध, उस समाज-उत्सव के समक्ष, केवल बल और प्राणों के द्वारा ही निर्णीत होने वाला था।

श्लोक 69 (vishnu.5.20.69)

यावद्यावच्च चाणूरो युयुधे हरिणा सह। प्राणहानिमवापाग्र्यां तावत्तावल्लवाल्लवम्

yāvadyāvacca cāṇūro yuyudhe hariṇā saha prāṇahānimavāpāgryāṁ tāvattāvallavāllavam

हरि के साथ लड़ते हुए चाणूर जैसे-जैसे युद्ध करता गया, वैसे-वैसे वह क्षण-क्षण में अपनी सर्वोत्तम प्राणशक्ति खोता गया।

श्लोक 70 (vishnu.5.20.70)

कृष्णोऽपि युयुधे तेन लीलयैव जगन्मयः। खेदाच्चालयता कोपान्निजशेखरकेसरम्

kṛṣṇo'pi yuyudhe tena līlayaiva jaganmayaḥ khedāccālayatā kopānnijaśekharakesaram

जगत-स्वरूप कृष्ण भी मानो लीला से ही उससे लड़ते रहे, केवल थकान के कारण क्रोधवश अपने मुकुट के केश-गुच्छों को हिलाते हुए।

श्लोक 71 (vishnu.5.20.71)

बलक्षयं विवृद्धिं च दृष्ट्वा चाणूकृष्णयोः। वारयामास तूर्याणि कंसः कोपपरायणः

balakṣayaṁ vivṛddhiṁ ca dṛṣṭvā cāṇūkṛṣṇayoḥ vārayāmāsa tūryāṇi kaṁsaḥ kopaparāyaṇaḥ

चाणूर की क्षीणता और कृष्ण की वृद्धि को देखकर, क्रोध से भरे कंस ने वाद्यों को रोक दिया।

श्लोक 72 (vishnu.5.20.72)

मृदंगादिषु तूर्येषु प्रतिषिद्धेषु तत्क्षणात्। खे संगतान्यवाद्यंत देवतूर्याण्यनेकशः

mṛdaṁgādiṣu tūryeṣu pratiṣiddheṣu tatkṣaṇāt khe saṁgatānyavādyaṁta devatūryāṇyanekaśaḥ

मृदंग आदि वाद्यों के तुरंत रुक जाने पर, आकाश में एकत्रित होकर देवताओं के अनेक वाद्य स्वयं ही बज उठे।

श्लोक 73 (vishnu.5.20.73)

जय गोविंद चाणूरं जहि केशव दानवम्। अंतर्द्धानगता देवास्तमूचुरतिहर्षिताः

jaya goviṁda cāṇūraṁ jahi keśava dānavam aṁtarddhānagatā devāstamūcuratiharṣitāḥ

'हे गोविन्द, विजयी हों! हे केशव, इस दानव चाणूर का वध करो!' — अदृश्य रूप से स्थित देवगण अत्यंत हर्षित होकर उससे यह कहने लगे।

श्लोक 74 (vishnu.5.20.74)

चाणूरेण चिरं कालं पीडित्वा मधुसूदनः। उत्पाट्य भ्रामयामास तद्वधाय कृतोद्यमः

cāṇūreṇa ciraṁ kālaṁ pīḍitvā madhusūdanaḥ utpāṭya bhrāmayāmāsa tadvadhāya kṛtodyamaḥ

चाणूर को लम्बे समय तक पीड़ा देकर, अंततः उसके वध के लिए उद्यत होकर मधुसूदन ने उसे ऊपर उठाकर घुमाना आरंभ किया।

श्लोक 75 (vishnu.5.20.75)

भ्रामयित्वा शतगुणं दैत्यमल्लममित्रजित्। भूमावास्फोटयामास गगने गतजीवितम्

bhrāmayitvā śataguṇaṁ daityamallamamitrajit bhūmāvāsphoṭayāmāsa gagane gatajīvitam

शत्रुओं को जीतने वाले उस कृष्ण ने उस दैत्य-मल्ल को सौ बार घुमाकर, आकाश में ही उसके प्राण निकाल दिए और उसे धरती पर पटक दिया।

श्लोक 76 (vishnu.5.20.76)

भूमावास्फोटितस्तेन चाणूरः शतधाऽभवत्। रक्तस्रावमहापंकां चकार च तदा भुवम्

bhūmāvāsphoṭitastena cāṇūraḥ śatadhā'bhavat raktasrāvamahāpaṁkāṁ cakāra ca tadā bhuvam

पृथ्वी पर पटके जाने से चाणूर सौ टुकड़ों में बिखर गया, और उसके बहते रक्त से पृथ्वी एक बड़े दलदल-सी बन गई।

श्लोक 77 (vishnu.5.20.77)

बलदेवोऽपि तत्कालं मुष्टिकेन महाबलः। युयुधे दैत्यमल्लेन चाणूरेण यथा हरिः

baladevo'pi tatkālaṁ muṣṭikena mahābalaḥ yuyudhe daityamallena cāṇūreṇa yathā hariḥ

उसी समय महाबली बलदेव भी दैत्य-मल्ल मुष्टिक से उसी प्रकार लड़ रहे थे जैसे हरि चाणूर से लड़े थे।

श्लोक 78 (vishnu.5.20.78)

सोऽप्येनं मुष्टिना मूर्ध्नि वक्षस्याहत्य जानुना। पातयित्वा धरापृष्ठे निष्पिपेष गतायुषम्

so'pyenaṁ muṣṭinā mūrdhni vakṣasyāhatya jānunā pātayitvā dharāpṛṣṭhe niṣpipeṣa gatāyuṣam

उसने भी उसके सिर पर मुक्के से और वक्षस्थल पर घुटने से प्रहार कर, उसे धरती पर गिराकर, उसके प्राण निकल जाने तक उसे कुचल डाला।

श्लोक 79 (vishnu.5.20.79)

कृष्णस्तोशलकं भूयो मल्लराजं महाबलम्। वाममुष्टिप्रहारेण पातयामास भूतले

kṛṣṇastośalakaṁ bhūyo mallarājaṁ mahābalam vāmamuṣṭiprahāreṇa pātayāmāsa bhūtale

फिर कृष्ण ने मल्लराज महाबली तोशलक को भी अपने बाएँ हाथ के मुक्के के एक ही प्रहार से भूतल पर गिरा दिया।

श्लोक 80 (vishnu.5.20.80)

चाणूरे नहते मल्ले मुष्टेके विनिपातिते। नीते क्षयं तोशलके सर्वे मल्लाः प्रदुद्रु वुः

cāṇūre nahate malle muṣṭeke vinipātite nīte kṣayaṁ tośalake sarve mallāḥ pradudru vuḥ

चाणूर के मारे जाने पर, मुष्टिक के गिरा दिए जाने पर, और तोशलक के भी नष्ट हो जाने पर, समस्त मल्लगण भाग खड़े हुए।

श्लोक 81 (vishnu.5.20.81)

ववल्गतुस्ततो रंगे कृष्णसंकर्षणावुभौ। समानवयसो गोपान्बलादाकृष्य हर्षितौ

vavalgatustato raṁge kṛṣṇasaṁkarṣaṇāvubhau samānavayaso gopānbalādākṛṣya harṣitau

तब कृष्ण और संकर्षण दोनों प्रसन्न होकर, अपनी ही आयु के गोप-बालकों को बलपूर्वक खींचकर, रंगभूमि में उनके साथ कूदने-फाँदने लगे।

श्लोक 82 (vishnu.5.20.82)

कंसोऽपि कोपरक्ताक्षः प्राहोच्चैर्व्यायतान्नरान्। गोपावेतौ समाजौघान्निष्क्राम्येतां बलादितः

kaṁso'pi koparaktākṣaḥ prāhoccairvyāyatānnarān gopāvetau samājaughānniṣkrāmyetāṁ balāditaḥ

क्रोध से लाल नेत्रों वाले कंस ने भी अपने बलिष्ठ पुरुषों से ऊँचे स्वर में कहा — 'इन दोनों गोपों को इस सभा-समूह से बलपूर्वक निकाल दो।'

श्लोक 83 (vishnu.5.20.83)

नंदोऽपि गृह्यतां पापो निर्गलैरायसैरिह। अवृद्धार्हेण दंडेन वसुदेवोऽपि बध्यताम्

naṁdo'pi gṛhyatāṁ pāpo nirgalairāyasairiha avṛddhārheṇa daṁḍena vasudevo'pi badhyatām

'उस पापी नन्द को भी यहाँ लौह-बेड़ियों से बाँध लिया जाए, और वसुदेव को भी उस दंड से बाँध दिया जाए, जो किसी वृद्ध के योग्य नहीं है।'

श्लोक 84 (vishnu.5.20.84)

वल्गंति गोपाः कृष्णेन ये चेमे सहिताः पुरः। गावो हियन्तामेतेषां यच्चास्ति वसु किंचन

valgaṁti gopāḥ kṛṣṇena ye ceme sahitāḥ puraḥ gāvo hiyantāmeteṣāṁ yaccāsti vasu kiṁcana

'जो ये गोप कृष्ण के साथ मिलकर पहले से ही उछल-कूद कर रहे हैं, इनकी गौएँ छीन ली जाएँ, और इनके पास जो भी कुछ धन-वस्तु हो, वह भी हर ली जाए।'

श्लोक 85 (vishnu.5.20.85)

एवमाज्ञापयानं तु प्रहस्य मधुसूदनः। उत्प्लुत्यारुह्य तं मंचं कंसं जग्राह वेगतः

evamājñāpayānaṁ tu prahasya madhusūdanaḥ utplutyāruhya taṁ maṁcaṁ kaṁsaṁ jagrāha vegataḥ

इस प्रकार आज्ञा देते हुए कंस पर मुस्कुराते हुए, मधुसूदन उछलकर उसी मंच पर चढ़ गए और वेगपूर्वक कंस को पकड़ लिया।

श्लोक 86 (vishnu.5.20.86)

केशेष्वाकृष्य विगलत्किरीटमवनीतले। स कंसं पातयामास तस्योपरि पपात च

keśeṣvākṛṣya vigalatkirīṭamavanītale sa kaṁsaṁ pātayāmāsa tasyopari papāta ca

उसे बालों से पकड़कर खींचते हुए, जिसका मुकुट गिर पड़ा, उन्होंने कंस को भूमि पर पटक दिया और स्वयं भी उसके ऊपर गिर पड़े।

श्लोक 87 (vishnu.5.20.87)

निःशेषजगदाधारगुरुणा पततोपरि। कृष्णेन त्याजितः प्राणानुग्रसेनात्मजो नृपः

niḥśeṣajagadādhāraguruṇā patatopari kṛṣṇena tyājitaḥ prāṇānugrasenātmajo nṛpaḥ

समस्त जगत को धारण करने के भार से गुरुतर होकर उसके ऊपर गिरते हुए कृष्ण के द्वारा, उग्रसेन के उस पुत्र राजा के प्राण छूट गए।

श्लोक 88 (vishnu.5.20.88)

मृतस्य केशेषु तदा गृहीत्वा मधुसूदनः। चकर्ष देहं कंसस्य रंगमध्ये महाबलः

mṛtasya keśeṣu tadā gṛhītvā madhusūdanaḥ cakarṣa dehaṁ kaṁsasya raṁgamadhye mahābalaḥ

तब उस मृत कंस के बालों को पकड़कर, महाबली मधुसूदन ने कंस के शरीर को रंगभूमि के बीचोंबीच घसीटा।

श्लोक 89 (vishnu.5.20.89)

गौरवेणातिमहता परिखा तेन कृष्यता। कृता कंसस्य देहेन वेगेनेव महांभसः

gauraveṇātimahatā parikhā tena kṛṣyatā kṛtā kaṁsasya dehena vegeneva mahāṁbhasaḥ

अत्यंत भारीपन के कारण घसीटे जाते हुए कंस के उस शरीर से पृथ्वी पर मानो एक खाई बन गई, ठीक वैसे ही जैसे किसी विशाल जलधारा के वेग से बन जाती है।

श्लोक 90 (vishnu.5.20.90)

कंसे गृहीते कृष्णेन तद्भ्राताऽभ्यागतो रुषा। सुनामा बलभद्रेण लीलयैव निपातितः

kaṁse gṛhīte kṛṣṇena tadbhrātā'bhyāgato ruṣā sunāmā balabhadreṇa līlayaiva nipātitaḥ

कंस के कृष्ण द्वारा पकड़े जाने पर, उसका भाई सुनामा क्रोधपूर्वक आगे आया, किंतु बलभद्र ने उसे भी मात्र लीला से ही गिरा दिया।

श्लोक 91 (vishnu.5.20.91)

ततो हाहाकृतं सर्वमासीत्तद्रंगमंडलम्। अवज्ञया हतं दृष्ट्वा कृष्णेन मथुरेश्वरम्

tato hāhākṛtaṁ sarvamāsīttadraṁgamaṁḍalam avajñayā hataṁ dṛṣṭvā kṛṣṇena mathureśvaram

उस समस्त रंगभूमि में हाहाकार छा गया, यह देखकर कि मथुरा के स्वामी को कृष्ण ने केवल अवज्ञापूर्वक ही मार डाला है।

श्लोक 92 (vishnu.5.20.92)

कृष्णोऽपि वसुदेवस्य पादौ जग्राह सत्वरः। देवक्याश्च महाबाहुर्बलदेवसहायवान्

kṛṣṇo'pi vasudevasya pādau jagrāha satvaraḥ devakyāśca mahābāhurbaladevasahāyavān

उसके पश्चात् महाबाहु कृष्ण ने बलदेव को साथ लिए हुए तुरंत वसुदेव और देवकी दोनों के चरणों को पकड़ लिया।

श्लोक 93 (vishnu.5.20.93)

उत्थाप्य वसुदेवस्तं देवकी च जनार्दनम्। स्मृतजन्मोक्तवचनौ तावेव प्रणतौ स्थितौ

utthāpya vasudevastaṁ devakī ca janārdanam smṛtajanmoktavacanau tāveva praṇatau sthitau

वसुदेव और देवकी दोनों ने जनार्दन को उठाया, और अपने पुत्र के जन्म के समय कहे गए वचनों का स्मरण करते हुए, वे दोनों ही उनके सम्मुख नत होकर खड़े रहे।

श्लोक 94 (vishnu.5.20.94)

श्रीवसुदेव उवाच। प्रसीद सीदतां दत्तो देवानां यो वरः प्रभो। तथावयोः प्रसादेन कृतोद्धारस्स केशव

śrīvasudeva uvāca prasīda sīdatāṁ datto devānāṁ yo varaḥ prabho tathāvayoḥ prasādena kṛtoddhārassa keśava

श्री वसुदेव ने कहा — 'हे प्रभो! प्रसन्न हों — देवताओं द्वारा जो वर संकटग्रस्त प्राणियों को दिया गया था, वही, हे केशव, हम दोनों की कृपा से आज सिद्ध हुआ, यह उद्धार सम्पन्न हुआ।'

श्लोक 95 (vishnu.5.20.95)

आराधितो यद्भगवानवतीर्णो गृहे मम। दुर्वृत्तनिधनार्थाय तेन नः पावितं कुलम्

ārādhito yadbhagavānavatīrṇo gṛhe mama durvṛttanidhanārthāya tena naḥ pāvitaṁ kulam

'जिस भगवान की मैंने आराधना की थी, वही मेरे घर में इस दुष्ट के वध के लिए अवतीर्ण हुए — इससे हमारा कुल पवित्र हो गया।'

श्लोक 96 (vishnu.5.20.96)

त्वमंतः सर्वभूतानां सर्वभूतमयस्थितः। प्रवर्त्तेते समस्तात्मंस्त्वत्तो भूतभविष्यती

tvamaṁtaḥ sarvabhūtānāṁ sarvabhūtamayasthitaḥ pravarttete samastātmaṁstvatto bhūtabhaviṣyatī

'आप ही समस्त प्राणियों के भीतर, समस्त भूतों के रूप में स्थित हैं; हे सर्वात्मन्! आप ही से भूत और भविष्य दोनों प्रवृत्त होते हैं।'

श्लोक 97 (vishnu.5.20.97)

यज्ञैस्त्वमिज्यसेऽचिंत्य सर्वदेवमयाच्युत। त्वमेव यज्ञो यष्टा च यज्वनां परमेश्वरः

yajñaistvamijyase'ciṁtya sarvadevamayācyuta tvameva yajño yaṣṭā ca yajvanāṁ parameśvaraḥ

'हे अच्युत! हे अचिंत्य! आप ही यज्ञों द्वारा पूजित होते हैं, आप ही समस्त देवस्वरूप हैं; आप ही यज्ञ हैं, आप ही यजमान हैं, और आप ही यज्ञकर्ताओं के परमेश्वर हैं।'

श्लोक 98 (vishnu.5.20.98)

समुद्भवस्समस्तस्य जगतस्त्वं जनार्दन

samudbhavassamastasya jagatastvaṁ janārdana

'हे जनार्दन! आप ही इस समस्त जगत के उद्गम-स्रोत हैं।'

श्लोक 99 (vishnu.5.20.99)

सापह्नवं मम मनो यदेतत्त्वयि जायते। देवक्याश्चात्मजप्रीत्या तदत्यंतविडंबना

sāpahnavaṁ mama mano yadetattvayi jāyate devakyāścātmajaprītyā tadatyaṁtaviḍaṁbanā

'फिर भी मेरे मन में जो यह छिपा हुआ भाव आपके प्रति उत्पन्न होता है — देवकी के पुत्र के प्रति स्नेह के कारण — वह तो अत्यंत विडंबना ही है।'

श्लोक 100 (vishnu.5.20.100)

क्व कर्त्ता सर्वभूतानामनादिनिधनो भवान्। क्व मे मनुष्यकस्यैषा जिह्वा पुत्रेति वक्ष्यति

kva karttā sarvabhūtānāmanādinidhano bhavān kva me manuṣyakasyaiṣā jihvā putreti vakṣyati

'कहाँ तो आप, जो समस्त प्राणियों के कर्ता हैं, जिनका न आदि है न अंत — और कहाँ यह मुझ साधारण मनुष्य की जिह्वा, जो आपको "पुत्र" कहेगी!'

श्लोक 101 (vishnu.5.20.101)

जगदेतज्जगन्नाथ संभूतमखिलं यतः। कया युक्त्या विना मायां सोऽस्मत्तः संभविष्यति

jagadetajjagannātha saṁbhūtamakhilaṁ yataḥ kayā yuktyā vinā māyāṁ so'smattaḥ saṁbhaviṣyati

'हे जगन्नाथ! जिससे यह सम्पूर्ण जगत उत्पन्न हुआ है, वही आप भला माया के बिना किस युक्ति से हमसे उत्पन्न हो सकते हैं?'

श्लोक 102 (vishnu.5.20.102)

यस्मिन्प्रतिष्ठितं सर्वं जगत्स्थावरजंगमम्। स कोष्ठोत्संगशयनो मनुष्याज्जायते कथम्

yasminpratiṣṭhitaṁ sarvaṁ jagatsthāvarajaṁgamam sa koṣṭhotsaṁgaśayano manuṣyājjāyate katham

'जिसमें यह सम्पूर्ण चराचर जगत प्रतिष्ठित है, वही आप भला गर्भ-कोष्ठ में शयन करते हुए किसी मनुष्य से कैसे जन्म ले सकते हैं?'

श्लोक 103 (vishnu.5.20.103)

स त्वं प्रसीद परमेश्वर पाहि विश्वमंशावतारकरणैर्न ममासि पुत्रः। आब्रह्मपादपमिदं जगदेतदीश त्वत्तो विमोहयसि किं पुरुषोत्तमास्मान्

sa tvaṁ prasīda parameśvara pāhi viśvamaṁśāvatārakaraṇairna mamāsi putraḥ ābrahmapādapamidaṁ jagadetadīśa tvatto vimohayasi kiṁ puruṣottamāsmān

'हे परमेश्वर! प्रसन्न होकर आप इस विश्व की रक्षा करें; अंशावतार धारण करने मात्र से आप मेरे पुत्र नहीं हो सकते। हे ईश! ब्रह्मा से लेकर वृक्षों तक यह सम्पूर्ण जगत आपसे ही व्याप्त है — हे पुरुषोत्तम! फिर आप हमें क्यों मोहित कर रहे हैं?'

श्लोक 104 (vishnu.5.20.104)

मायाविमोहितदृशा तनयो ममेति कंसाद्भयं कृतमपास्तभयोऽतितीव्रम्। नीतोऽसि गोकुलमरातिभया कुलेन वृद्धिं गतोऽसि मम नास्ति ममत्वमीश

māyāvimohitadṛśā tanayo mameti kaṁsādbhayaṁ kṛtamapāstabhayo'titīvram nīto'si gokulamarātibhayā kulena vṛddhiṁ gato'si mama nāsti mamatvamīśa

'माया से मोहित दृष्टि के कारण ही मैंने "यह मेरा पुत्र है" ऐसा मानकर कंस से अत्यंत भय किया था — जबकि आप तो भय-रहित हैं। शत्रु के भय से ही आपको गोकुल ले जाया गया, और आप वहीं कुल में बढ़े — हे ईश! वास्तव में मेरा आप पर कोई ममत्व नहीं है।'

श्लोक 105 (vishnu.5.20.105)

कर्माणि रुद्रमरुदश्विशतक्रतूनां साध्यानि यस्य न भवंति निरीक्षितानि। त्वं विष्णुरीश जगतामुपकारहेतोः प्राप्तोसि नः परिगतो विगतो हि मोहः

karmāṇi rudramarudaśviśatakratūnāṁ sādhyāni yasya na bhavaṁti nirīkṣitāni tvaṁ viṣṇurīśa jagatāmupakārahetoḥ prāptosi naḥ parigato vigato hi mohaḥ

'रुद्र, मरुद्गण, अश्विनीकुमार और शतक्रतु के भी जिनके कर्म, यहाँ तक कि उनके स्वयं देखे हुए भी, साध्य नहीं हो पाते — हे ईश! आप ही वह विष्णु हैं, जो जगत के उपकार के हेतु हमें प्राप्त हुए हैं। अब हमारा मोह पूर्णतः दूर हो गया है, यह हमने भली-भाँति जान लिया है।'