मुचुकुंद-प्रयाण एवं बलराम का व्रज-आगमन

श्लोक 1 (vishnu.5.24.1)

श्रीपराशर उवाच इत्थंस्तुतस्तदा तेन मुचुकुन्देन धीमता। प्राहेशः सर्वभूतानामनादिनिधनो हरिः

śrīparāśara uvāca itthaṁstutastadā tena mucukundena dhīmatā prāheśaḥ sarvabhūtānāmanādinidhano hariḥ

पराशर जी ने कहा — बुद्धिमान मुचुकुंद द्वारा इस प्रकार स्तुति किए जाने पर, समस्त प्राणियों के ईश्वर, अनादि-अनंत हरि ने कहा —

श्लोक 2 (vishnu.5.24.2)

श्रीभगवानुवाच यथाभिवाञ्छितान्दिव्यान्गच्छलोकान्नराधिप। अव्याहतपरैश्वर्यो मत्प्रसादोपबृंहितः

śrībhagavānuvāca yathābhivāñchitāndivyāngacchalokānnarādhipa avyāhataparaiśvaryo matprasādopabṛṁhitaḥ

श्रीभगवान ने कहा — 'हे नराधिप! तुम इच्छानुसार दिव्य लोकों को जाओ, मेरी कृपा से समृद्ध होकर, अबाधित ऐश्वर्य वाले होकर।'

श्लोक 3 (vishnu.5.24.3)

भुक्त्वा दिव्यान्महाभोगान्भविष्यसि महाकुले। जातिस्मरो मत्प्रसादात्ततो मोक्षमवाप्स्यसि

bhuktvā divyānmahābhogānbhaviṣyasi mahākule jātismaro matprasādāttato mokṣamavāpsyasi

'दिव्य महाभोगों को भोगकर तुम एक महान कुल में जन्म लोगे, मेरी कृपा से पूर्वजन्म का स्मरण रखने वाले होगे, और तत्पश्चात् मोक्ष प्राप्त करोगे।'

श्लोक 4 (vishnu.5.24.4)

इत्युक्तः प्रणिपत्येशं जगतामच्युतं नृपः। गुहामुखाद्विनिष्क्रान्ततः स ददर्शाल्पकान्नरान्

ityuktaḥ praṇipatyeśaṁ jagatāmacyutaṁ nṛpaḥ guhāmukhādviniṣkrāntataḥ sa dadarśālpakānnarān

पराशर जी ने कहा — ऐसा कहे जाने पर, जगत के ईश्वर अच्युत को प्रणाम कर, वह राजा गुफा के मुख से बाहर निकला, और उसने वहाँ बहुत ही थोड़े मनुष्यों को देखा।

श्लोक 5 (vishnu.5.24.5)

ततः कलियुगं मत्वा प्राप्तं तप्तुं नृपस्तपः। नरनारायणस्थानं प्रययौ गन्धमादनम्

tataḥ kaliyugaṁ matvā prāptaṁ taptuṁ nṛpastapaḥ naranārāyaṇasthānaṁ prayayau gandhamādanam

तब कलियुग का आरंभ जानकर, तप करने के लिए उद्यत उस राजा ने नर-नारायण के तपःस्थान गन्धमादन पर्वत की ओर प्रस्थान किया।

श्लोक 6 (vishnu.5.24.6)

कृष्णोऽपि घातयित्वारिमुपायेन हि तद्बलम्। जग्राह मथुरामेत्य हस्त्यश्वस्यन्दनोज्ज्वलम्

kṛṣṇo'pi ghātayitvārimupāyena hi tadbalam jagrāha mathurāmetya hastyaśvasyandanojjvalam

कृष्ण ने भी उपाय के द्वारा शत्रु की उस सेना का घात करवाकर, मथुरा में पहुँचकर हाथी, घोड़े और रथों से देदीप्यमान उस सेना को अपने अधीन कर लिया।

श्लोक 7 (vishnu.5.24.7)

आनीय चोग्रसेनाय द्वारवत्यां न्यवेदयत्। पराभिभवनिःशङ्कं बभूव च यदोः कुलम्

ānīya cograsenāya dvāravatyāṁ nyavedayat parābhibhavaniḥśaṅkaṁ babhūva ca yadoḥ kulam

उसे लाकर उग्रसेन को समर्पित कर, उन्होंने द्वारका को उनके सामने प्रस्तुत किया; और यदुकुल शत्रु-आक्रमण के भय से पूर्णतः निःशंक हो गया।

श्लोक 8 (vishnu.5.24.8)

बलदेवोऽपि मैत्रेय प्रशान्ताखिलविग्रहः। ज्ञातिदर्शनसोत्कण्ठः प्रययौ नन्दगोकुलम्

baladevo'pi maitreya praśāntākhilavigrahaḥ jñātidarśanasotkaṇṭhaḥ prayayau nandagokulam

हे मैत्रेय! बलदेव भी, समस्त विग्रहों के शांत हो जाने पर, अपने स्वजनों के दर्शन की उत्कण्ठा से नन्द के गोकुल गए।

श्लोक 9 (vishnu.5.24.9)

ततो गोपाश्च गोप्यश्च यथा पूर्वममित्रजित्। तथैवाभ्यवदत्प्रेम्णा बहुमानपुरःसरम्

tato gopāśca gopyaśca yathā pūrvamamitrajit tathaivābhyavadatpremṇā bahumānapuraḥsaram

तत्पश्चात् गोप और गोपियों ने, पहले की भाँति, उस शत्रु-विजेता का प्रेमपूर्वक अत्यंत आदर के साथ स्वागत किया।

श्लोक 10 (vishnu.5.24.10)

स कैश्चित्संपरिष्वक्तः कांश्चिच्च परिषस्वजे। हास्यं चक्रे समं कैश्चिद्गोपैर्गोपीजनैस्तथा

sa kaiścitsaṁpariṣvaktaḥ kāṁścicca pariṣasvaje hāsyaṁ cakre samaṁ kaiścidgopairgopījanaistathā

वे कुछ लोगों से आलिंगनबद्ध हुए, और कुछ को स्वयं आलिंगन किया; कुछ गोपों और गोपिकाओं के साथ उन्होंने हास-परिहास भी किया।

श्लोक 11 (vishnu.5.24.11)

प्रियाण्यनेकान्यवदन् गोपास्तत्र हलायुधम्। गोप्यश्च प्रेमकुपिताः प्रोचुःसेर्ष्यमथापराः

priyāṇyanekānyavadan gopāstatra halāyudham gopyaśca premakupitāḥ procuḥserṣyamathāparāḥ

वहाँ गोप उनसे अनेक प्रिय बातें कहने लगे, और गोपियाँ प्रेम से रुष्ट होकर, कुछ अन्य ईर्ष्यापूर्वक, यह कहने लगीं —

श्लोक 12 (vishnu.5.24.12)

गोप्यः पप्रच्छुरपरा नागरीजनवल्लभम्। कच्चिदास्ते सुखं कृष्णश्चलप्रेमलवात्मकः

gopyaḥ papracchuraparā nāgarījanavallabham kaccidāste sukhaṁ kṛṣṇaścalapremalavātmakaḥ

कुछ अन्य गोपियों ने पूछा — नगर-नारियों के प्रिय, चंचल क्षणिक-प्रेम वाले वे कृष्ण, क्या सुखपूर्वक हैं?

श्लोक 13 (vishnu.5.24.13)

अस्मच्चेष्टामपहसन्न कच्चित्पुरयोषिताम्। सौभाग्यमानमधिकं करोति क्षणसौहृदः

asmacceṣṭāmapahasanna kaccitpurayoṣitām saubhāgyamānamadhikaṁ karoti kṣaṇasauhṛdaḥ

'हमारी दशा पर हँसते हुए, वे नगर-नारियों के सौभाग्य को ही और अधिक बढ़ाते हैं न, क्षणिक मित्रता वाले वे कृष्ण?'

श्लोक 14 (vishnu.5.24.14)

कच्चित्स्मरति नः कृष्णो गीतानुगमनं कलम्। अप्यसौ मातरं द्रष्टु सकृदप्यागमिष्यति

kaccitsmarati naḥ kṛṣṇo gītānugamanaṁ kalam apyasau mātaraṁ draṣṭu sakṛdapyāgamiṣyati

'क्या कृष्ण हमें, हमारे मधुर गीतों के साथ पीछे-पीछे चलने को, याद करते भी हैं? क्या वे कभी अपनी माता को देखने के लिए भी एक बार आएँगे?'

श्लोक 15 (vishnu.5.24.15)

अथ वा किं तदालापैः क्रियन्तामपराः कथाः। यस्यास्मभिर्विना तेन विनास्माकं भविष्यति

atha vā kiṁ tadālāpaiḥ kriyantāmaparāḥ kathāḥ yasyāsmabhirvinā tena vināsmākaṁ bhaviṣyati

'अथवा, इन बातों से क्या लाभ? कोई और ही कथा कही जाए; हम उसके बिना नहीं रह सकते — किंतु उसे तो हमारे बिना भी कुछ नहीं होगा।'

श्लोक 16 (vishnu.5.24.16)

पिता माता तथा भ्राता भर्ता बन्धुजनश्च किम्। न त्यक्तस्तत्कृतेऽस्माभिरकृतज्ञध्वजो हि सः

pitā mātā tathā bhrātā bhartā bandhujanaśca kim na tyaktastatkṛte'smābhirakṛtajñadhvajo hi saḥ

'पिता, माता, भाई, पति और बंधुजन — इन सबका उसके लिए क्या अर्थ है? उसी के कारण हमने भी इन्हें नहीं त्यागा — फिर भी वह कृतघ्नता का ध्वज लिए हुए है।'

श्लोक 17 (vishnu.5.24.17)

तथापि कच्चिदालापमिहागमनसंश्रयम्। करोति कृष्णो वक्तव्यं भवता राम नानृतम्

tathāpi kaccidālāpamihāgamanasaṁśrayam karoti kṛṣṇo vaktavyaṁ bhavatā rāma nānṛtam

'फिर भी, हे राम! यहाँ आने के विषय में कृष्ण कोई वार्तालाप तो करते ही होंगे — आप जो भी कहें, वह असत्य नहीं होगा।'

श्लोक 18 (vishnu.5.24.18)

दामोदरोऽसौ गोविन्दः पुरस्त्रीसक्तमानसः। अपेतप्रीतिरस्मासु दुर्दर्शः प्रतिभाति नः

dāmodaro'sau govindaḥ purastrīsaktamānasaḥ apetaprītirasmāsu durdarśaḥ pratibhāti naḥ

'वह दामोदर, वह गोविन्द, जिसका मन अब नगर की स्त्रियों में ही आसक्त है, हमारे प्रति प्रीति-रहित होकर, हमें देखना भी अब उन्हें कठिन प्रतीत होता है।'

श्लोक 19 (vishnu.5.24.19)

आमन्त्रितश्च कृष्णेति पुनर्दामोदरेति च। रुरुदुः सस्वरं गोप्यो हरिणा हृतचेतसः

āmantritaśca kṛṣṇeti punardāmodareti ca ruruduḥ sasvaraṁ gopyo hariṇā hṛtacetasaḥ

'कृष्ण' कहकर और फिर 'दामोदर' कहकर संबोधित किए जाने पर, हरि द्वारा हरे गए चित्त वाली वे गोपियाँ ऊँचे स्वर में रो पड़ीं।

श्लोक 20 (vishnu.5.24.20)

संदेशैः साममधुरैः प्रेमगर्भैरगर्वितैः। रामेणाश्वासिता गोप्यः कृष्णस्यातिमनोहरैः

saṁdeśaiḥ sāmamadhuraiḥ premagarbhairagarvitaiḥ rāmeṇāśvāsitā gopyaḥ kṛṣṇasyātimanoharaiḥ

साम-वचनों से मधुर, गर्व-रहित, प्रेम से परिपूर्ण, कृष्ण के अत्यंत मनोहर संदेशों के द्वारा राम ने उन गोपियों को सांत्वना दी।

श्लोक 21 (vishnu.5.24.21)

गोपैश्च पूर्ववद्रामः परिहासमनोहराः। कथाश्चकार रेमे च सह तैर्व्रजभूमिषु

gopaiśca pūrvavadrāmaḥ parihāsamanoharāḥ kathāścakāra reme ca saha tairvrajabhūmiṣu

और गोपों के साथ, पहले की भाँति, राम मनोहर हास्य-कथाएँ करते रहे, और व्रज-भूमि में उनके साथ आनंद-विहार करते रहे।