बलराम की मदिरा-लीला एवं रेवती-विवाह

श्लोक 1 (vishnu.5.25.1)

वने विचरतस्तस्य सह गोपैर्महात्मनः। मानुषच्छद्मरूपस्य शेषस्य धरणीभृतः

vane vicaratastasya saha gopairmahātmanaḥ mānuṣacchadmarūpasya śeṣasya dharaṇībhṛtaḥ

गोपों के साथ वन में विचरण करते हुए, मनुष्य-रूप का छद्म धारण किए हुए, पृथ्वी को धारण करने वाले उन शेषनाग-स्वरूप महात्मा के,

श्लोक 2 (vishnu.5.25.2)

निष्पादितोरुकार्यस्य कार्येणोर्वीविचारिणः। उपभोगार्थमत्यर्थं वरुणः प्राह वारुणीम्

niṣpāditorukāryasya kāryeṇorvīvicāriṇaḥ upabhogārthamatyarthaṁ varuṇaḥ prāha vāruṇīm

उस महान कार्य को सम्पन्न करने वाले, उसी कार्य के लिए पृथ्वी पर विचरण करने वाले उनके भोग हेतु, वरुण ने वारुणी से अत्यंत आग्रहपूर्वक कहा —

श्लोक 3 (vishnu.5.25.3)

अभीष्टा सर्व्वदा यस्य मदिरे त्वं महौजसः। अनन्तस्यौपभोगाय तस्य गच्छ मुदे शुभे

abhīṣṭā sarvvadā yasya madire tvaṁ mahaujasaḥ anantasyaupabhogāya tasya gaccha mude śubhe

'हे शुभे! जो सदा महातेजस्वी अनन्त को प्रिय हो, तुम उस अनन्त के उपभोग के लिए आनंदपूर्वक जाओ, मदिरा के रूप में।'

श्लोक 4 (vishnu.5.25.4)

इत्युक्ता वारुणी तेन सन्निधानमथाकरोत्। वृन्दावनवनोत्पन्नकदम्बतरुकोटरे

ityuktā vāruṇī tena sannidhānamathākarot vṛndāvanavanotpannakadambatarukoṭare

ऐसा कहे जाने पर, वारुणी ने वृन्दावन के वन में उत्पन्न एक कदंब वृक्ष के कोटर में अपना निवास बना लिया।

श्लोक 5 (vishnu.5.25.5)

विचरन् बलदेवोऽपि मदिरागन्धमुत्तमम्। आघ्राय मदिरातर्षमवापाथ पुरातनम्

vicaran baladevo'pi madirāgandhamuttamam āghrāya madirātarṣamavāpātha purātanam

बलदेव भी वहाँ विचरण करते हुए, उस उत्तम, पुरातन मदिरा की सुगंध को सूँघकर, उसके प्रति अत्यंत तीव्र लालसा को प्राप्त हुए।

श्लोक 6 (vishnu.5.25.6)

ततः कदम्बात् सहसा मद्यधारां स लाङ्गली। पतन्तीं वीक्ष्य मैत्रेय प्रययौ परमां मुदम्

tataḥ kadambāt sahasā madyadhārāṁ sa lāṅgalī patantīṁ vīkṣya maitreya prayayau paramāṁ mudam

हे मैत्रेय! तब उस कदंब वृक्ष से अचानक मदिरा की धारा बहते हुए देखकर, हल धारण करने वाले वे परम आनंद को प्राप्त हुए।

श्लोक 7 (vishnu.5.25.7)

पपौ च गोपगोपीभिः समवेतो मुदान्वितः। प्रगीयमानो ललितं गीतवाद्यविशारदैः

papau ca gopagopībhiḥ samaveto mudānvitaḥ pragīyamāno lalitaṁ gītavādyaviśāradaiḥ

गीत और वाद्य में निपुण जनों द्वारा मधुरता से गाया जाता हुआ, गोप-गोपियों के साथ मिलकर, वे प्रसन्नतापूर्वक उसे पीने लगे।

श्लोक 8 (vishnu.5.25.8)

स मत्तोऽत्यन्तघर्माम्भःकणिकामौक्तिकोज्ज्वलः। आगच्छ यमुने स्नातुमिच्छामीत्याह विह्वलः

sa matto'tyantagharmāmbhaḥkaṇikāmauktikojjvalaḥ āgaccha yamune snātumicchāmītyāha vihvalaḥ

मद से उत्पन्न अत्यधिक स्वेद-कणों से मोतियों के समान चमकते हुए, नशे में विह्वल होकर उन्होंने कहा — 'हे यमुने! तुम आओ, मैं स्नान करना चाहता हूँ।'

श्लोक 9 (vishnu.5.25.9)

तस्य वाचं नदी सा च मत्तोक्तामवमन्य वै। नाजगाम ततः क्रुद्धो हलं जग्राह लाङ्गली

tasya vācaṁ nadī sā ca mattoktāmavamanya vai nājagāma tataḥ kruddho halaṁ jagrāha lāṅgalī

किंतु उस नदी ने उनके नशे में कहे गए वचन का अनादर करते हुए वहाँ नहीं आई; तब क्रोधित होकर हल धारण करने वाले उन्होंने हल उठा लिया।

श्लोक 10 (vishnu.5.25.10)

गृहीत्वा तां तटे तेन चकर्ष मदविह्वलः। पापे नायासि नायासि गम्यतामिच्छयात्मनः

gṛhītvā tāṁ taṭe tena cakarṣa madavihvalaḥ pāpe nāyāsi nāyāsi gamyatāmicchayātmanaḥ

उसे अपने हल से पकड़कर, नशे में विह्वल हुए उन्होंने तट की ओर खींचा — 'हे पापिनी! तू नहीं आती, तू नहीं आती — तो अपनी इच्छा से ही चली जा।'

श्लोक 11 (vishnu.5.25.11)

सा कृष्टा तेन सहसा मार्गं सन्त्यज्य निम्नगा। यत्रास्ते बलभद्रोऽसौ प्लावयामास तद्वनम्

sā kṛṣṭā tena sahasā mārgaṁ santyajya nimnagā yatrāste balabhadro'sau plāvayāmāsa tadvanam

उनके द्वारा इस प्रकार बलपूर्वक खींची जाने से वह सरिता अपना मार्ग छोड़कर, जहाँ बलभद्र बैठे थे, उस वन को ही जलमग्न कर दिया।

श्लोक 12 (vishnu.5.25.12)

शरीरिणी तथोत्पत्य त्रासविह्वललोचना। प्रसीदेत्यब्रवीद् रामं मुञ्च मां मुषलायुध

śarīriṇī tathotpatya trāsavihvalalocanā prasīdetyabravīd rāmaṁ muñca māṁ muṣalāyudha

शरीरधारी रूप में प्रकट होकर, भय से व्याकुल नेत्रों वाली वह बोली — 'हे मुसलायुध राम! प्रसन्न हों, मुझे छोड़ दें।'

श्लोक 13 (vishnu.5.25.13)

सोऽब्रवीदवजानासि मम शौर्यबले नदि। सोऽहं त्वां हलपातेन विनेष्यामि सहस्रधा

so'bravīdavajānāsi mama śauryabale nadi so'haṁ tvāṁ halapātena vineṣyāmi sahasradhā

उन्होंने कहा — 'यदि तू मेरे शौर्य और बल का तिरस्कार करती है, हे नदी! तो मैं तुझे इसी हल के प्रहार से सहस्र धाराओं में बाँट दूँगा।'

श्लोक 14 (vishnu.5.25.14)

इत्युक्तयातिसन्त्रासात् तया नद्या प्रसादितः। भूभागे प्लाविते तस्मिन् मुमोच यमुनां बलः

ityuktayātisantrāsāt tayā nadyā prasāditaḥ bhūbhāge plāvite tasmin mumoca yamunāṁ balaḥ

अत्यंत भयभीत होकर, इस प्रकार कहे जाने पर, उस नदी द्वारा प्रसन्न किए जाने पर, उस जलमग्न भू-भाग में बल ने यमुना को मुक्त कर दिया।

श्लोक 15 (vishnu.5.25.15)

ततः स्नातस्य वै कान्तिराजगाम महात्मनः। अवतंसोत्पलं चारु गृहीत्वैकं च कुण्डलम्

tataḥ snātasya vai kāntirājagāma mahātmanaḥ avataṁsotpalaṁ cāru gṛhītvaikaṁ ca kuṇḍalam

तत्पश्चात् स्नान कर चुके उन महात्मा की कांति और भी बढ़ गई; उन्होंने एक सुंदर कर्ण-कमल और एक कुंडल भी धारण किया।

श्लोक 16 (vishnu.5.25.16)

वरुणप्रहितां चास्मै मालामम्लानपङ्कजाम्। समुद्राभे तथा वस्त्रे नीले लक्ष्मीरयच्छत

varuṇaprahitāṁ cāsmai mālāmamlānapaṅkajām samudrābhe tathā vastre nīle lakṣmīrayacchata

वरुण द्वारा भेजी गई, कभी न कुम्हलाने वाले कमलों की माला उन्हें प्राप्त हुई, और लक्ष्मी ने उन्हें समुद्र के समान नीले वस्त्र भी प्रदान किए।

श्लोक 17 (vishnu.5.25.17)

कृतावतंसः स तदा चारुकुण्डलभूषितः। नीलाम्बरधरः स्रग्वी शुशुभे कान्तिसंयुतः

kṛtāvataṁsaḥ sa tadā cārukuṇḍalabhūṣitaḥ nīlāmbaradharaḥ sragvī śuśubhe kāntisaṁyutaḥ

कर्ण-कमल धारण किए, सुंदर कुंडलों से विभूषित, नील वस्त्र पहने, माला से सुशोभित होकर वे उस समय कांति से सम्पन्न होकर सुशोभित हुए।

श्लोक 18 (vishnu.5.25.18)

इत्थं विभूषितो रेमे तत्र रामस्तदा व्रजे। मासद्वयेन यातश्च पुनः स द्वारकां पुरीम्

itthaṁ vibhūṣito reme tatra rāmastadā vraje māsadvayena yātaśca punaḥ sa dvārakāṁ purīm

इस प्रकार सुसज्जित होकर राम उस समय व्रज में क्रीड़ा करते रहे, और दो महीने बीत जाने पर वे पुनः द्वारका नगरी को चले गए।

श्लोक 19 (vishnu.5.25.19)

रेवतीं नाम तनयां रैवतस्य महीपतेः। उपयेमे बलस्तस्यां जज्ञाते निशठोल्मुकौ

revatīṁ nāma tanayāṁ raivatasya mahīpateḥ upayeme balastasyāṁ jajñāte niśaṭholmukau

राजा रैवत की पुत्री रेवती नामक कन्या से बल ने विवाह किया; उससे उन्हें निशठ और उल्मुक नामक दो पुत्र उत्पन्न हुए।