प्रद्युम्न-प्राप्ति

श्लोक 1 (vishnu.5.27.1)

शम्बरेण हृतो वीरः प्रद्युम्नः स कथं मुने । शम्बरश्च महावीर्यः प्रद्युम्नेन कथं हतः

śambareṇa hṛto vīraḥ pradyumnaḥ sa kathaṁ mune śambaraśca mahāvīryaḥ pradyumnena kathaṁ hataḥ

मुनि (मैत्रेय) ने पूछा — हे मुने! शम्बर द्वारा हरे गए वीर प्रद्युम्न की रक्षा कैसे हुई? और महापराक्रमी शम्बर प्रद्युम्न के हाथों कैसे मारा गया?

श्लोक 2 (vishnu.5.27.2)

पराशर उवाच । षष्ठेऽह्नि जातमात्रं तु प्रद्युम्नं सूतिकागृहात् । ममैष हन्तेति मुने हृतवान् कालशम्बरः

parāśara uvāca ṣaṣṭhe'hni jātamātraṁ tu pradyumnaṁ sūtikāgṛhāt mamaiṣa hanteti mune hṛtavān kālaśambaraḥ

पराशर ने कहा — हे मुने! जन्म के छठे दिन ही कालशम्बर यह सोचकर कि 'यही मेरा वधक होगा', नवजात प्रद्युम्न को सूतिकागृह से हर ले गया।

श्लोक 3 (vishnu.5.27.3)

हृत्वा चिक्षेप चैवैनं ग्राहोग्रे लवणार्णवे । कल्लोलजनितावर्ते सुघोरे मकरालये

hṛtvā cikṣepa caivainaṁ grāhogre lavaṇārṇave kallolajanitāvarte sughore makarālaye

उसे हरकर उसने भयंकर मगरों से भरे खारे समुद्र में, लहरों से बने भीषण भँवर में, जो जल-जंतुओं का निवास था, फेंक दिया।

श्लोक 4 (vishnu.5.27.4)

पतितं तत्र चैवैको मत्स्यो जग्राह बालकम् । न ममार च तस्यापि जठरानलदीपितः

patitaṁ tatra caivaiko matsyo jagrāha bālakam na mamāra ca tasyāpi jaṭharānaladīpitaḥ

वहाँ गिरे हुए उस बालक को एक मत्स्य ने निगल लिया, परन्तु वह उसके उदर की अग्नि में जलते हुए भी नहीं मरा।

श्लोक 5 (vishnu.5.27.5)

मत्स्यबन्धैश्च मत्स्योऽसौ मत्स्यैरन्यैः सह द्विज । घातितोऽसुरवर्याय शम्बराय निवेदितः

matsyabandhaiśca matsyo'sau matsyairanyaiḥ saha dvija ghātito'suravaryāya śambarāya niveditaḥ

हे द्विज! वह मत्स्य अन्य मत्स्यों के साथ मछुआरों द्वारा पकड़कर मारा गया और असुरश्रेष्ठ शम्बर को भेंट किया गया।

श्लोक 6 (vishnu.5.27.6)

तस्य मायावती नाम पत्नी सर्वगृहेश्वरी । कारयाम् आस सूदानाम् आधिपत्यम् अनिन्दिता

tasya māyāvatī nāma patnī sarvagṛheśvarī kārayām āsa sūdānām ādhipatyam aninditā

उसकी पत्नी, समस्त गृह की स्वामिनी, निर्दोष मायावती ने रसोइयों के अधिकार की व्यवस्था करवाई।

श्लोक 7 (vishnu.5.27.7)

दारिते मत्स्यजठरे ददृशे सातिशोभनम् । कुमारं मन्मथतरोर्दग्धस्य प्रथमाङ्कुरम्

dārite matsyajaṭhare dadṛśe sātiśobhanam kumāraṁ manmathatarordagdhasya prathamāṅkuram

मत्स्य का उदर चीरे जाने पर उसने एक अत्यंत सुंदर बालक देखा — मानो दग्ध हो चुके कामवृक्ष का प्रथम अंकुर।

श्लोक 8 (vishnu.5.27.8)

कोऽयं कथम् अयं मत्स्यजठरं समुपागतः । इत्य् एवं कौतुकाविष्टां तां तन्वीं प्राह नारदः

ko'yaṁ katham ayaṁ matsyajaṭharaṁ samupāgataḥ ity evaṁ kautukāviṣṭāṁ tāṁ tanvīṁ prāha nāradaḥ

'यह कौन है? यह मत्स्य के उदर में कैसे आ पहुँचा?' — इस प्रकार कौतूहल से भरी उस कृशांगी से नारद ने कहा।

श्लोक 9 (vishnu.5.27.9)

अयं समस्तजगतः सूतिसंहारकर्मणः । शम्बरेण हृतो विष्णोस्तनयः सूतिकागृहात्

ayaṁ samastajagataḥ sūtisaṁhārakarmaṇaḥ śambareṇa hṛto viṣṇostanayaḥ sūtikāgṛhāt

यह विष्णु (कृष्ण) का पुत्र है, जिसे संपूर्ण जगत के नवजातों के संहार में तत्पर शम्बर ने सूतिकागृह से हर लिया था।

श्लोक 10 (vishnu.5.27.10)

क्षिप्तः समुद्रे मत्स्येन निगीर्णस्ते वशं गतः । नररत्नम् इदं सुभ्रु विस्रब्धा परिपालय

kṣiptaḥ samudre matsyena nigīrṇaste vaśaṁ gataḥ nararatnam idaṁ subhru visrabdhā paripālaya

समुद्र में फेंका गया, मत्स्य द्वारा निगला गया यह अब तुम्हारे अधीन आ गया है। हे सुभ्रु! निश्चिन्त होकर इस नरश्रेष्ठ का पालन करो।

श्लोक 11 (vishnu.5.27.11)

पराशर उवाच । नारदेनैवम् उक्ता सा पालयाम् आस तं शिशुम् । बाल्याद् एवातिरागेण रूपातिशयमोहिता

parāśara uvāca nāradenaivam uktā sā pālayām āsa taṁ śiśum bālyād evātirāgeṇa rūpātiśayamohitā

पराशर ने कहा — नारद द्वारा ऐसा कहे जाने पर उसने उस शिशु का पालन किया, और उसके अत्यंत सुंदर रूप से मोहित होकर बचपन से ही अत्यधिक स्नेह करने लगी।

श्लोक 12 (vishnu.5.27.12)

स यदा यौवनाभोगभूषितोऽभून् महामुने । साभिलाषा तदा सा तु बभूव गजगामिनी

sa yadā yauvanābhogabhūṣito'bhūn mahāmune sābhilāṣā tadā sā tu babhūva gajagāminī

हे महामुने! जब वह यौवन की समृद्धि से सुशोभित हुआ, तब वह गजगामिनी मायावती उसके प्रति अभिलाषा से भर उठी।

श्लोक 13 (vishnu.5.27.13)

मायावती ददौ चास्मै मायाः सर्वा महात्मने । प्रद्युम्नायानुरागान्धा तन्न्यस्तहृदयेक्षणा

māyāvatī dadau cāsmai māyāḥ sarvā mahātmane pradyumnāyānurāgāndhā tannyastahṛdayekṣaṇā

मायावती, अनुराग से अंधी होकर, अपने हृदय और नेत्र उसी में लगाए हुए, उस महात्मा प्रद्युम्न को अपनी समस्त मायाएँ प्रदान करने लगी।

श्लोक 14 (vishnu.5.27.14)

प्रसज्जन्तीं तु ताम् आह स कार्ष्णिः कमलेक्षणाम् । मातृभावाम् अपाहाय किम् एवं वर्तसेऽन्यथा

prasajjantīṁ tu tām āha sa kārṣṇiḥ kamalekṣaṇām mātṛbhāvām apāhāya kim evaṁ vartase'nyathā

किन्तु उस कमलनयना को अपने प्रति आसक्त होते देख कृष्णपुत्र (प्रद्युम्न) ने कहा — 'तुम माता का भाव त्यागकर इस प्रकार भिन्न व्यवहार क्यों कर रही हो?'

श्लोक 15 (vishnu.5.27.15)

सा चास्मै कथयाम् आस न पुत्रस्त्वं ममेति वै । तनयं त्वाम् अयं विष्णोर्हृतवान् कालशम्बरः

sā cāsmai kathayām āsa na putrastvaṁ mameti vai tanayaṁ tvām ayaṁ viṣṇorhṛtavān kālaśambaraḥ

तब उसने उससे कहा — 'तुम वास्तव में मेरे पुत्र नहीं हो। इस कालशम्बर ने तुम्हें, विष्णु के पुत्र को, हर लिया था।'

श्लोक 16 (vishnu.5.27.16)

क्षिप्तः समुद्रे मत्स्यस्य संप्राप्तो जठरान् मया । सा तु रोदिति ते माता कान्ताद्याप्य् अतिवत्सला

kṣiptaḥ samudre matsyasya saṁprāpto jaṭharān mayā sā tu roditi te mātā kāntādyāpy ativatsalā

तुम्हें समुद्र में फेंका गया था और मैंने तुम्हें एक मत्स्य के उदर से प्राप्त किया। हे प्रिय! तुम्हारी माता आज भी अत्यंत स्नेहवश रोती रहती है।

श्लोक 17 (vishnu.5.27.17)

पराशर उवाच । इत्य् उक्तः शम्बरं युद्धे प्रद्युम्नः स समाह्वयत् । क्रोधाकुलीकृतमना युयुधे च महाबलः

parāśara uvāca ity uktaḥ śambaraṁ yuddhe pradyumnaḥ sa samāhvayat krodhākulīkṛtamanā yuyudhe ca mahābalaḥ

पराशर ने कहा — यह सुनकर प्रद्युम्न ने शम्बर को युद्ध के लिए ललकारा और क्रोध से व्याकुल मन वाले उस महाबली ने युद्ध किया।

श्लोक 18 (vishnu.5.27.18)

हत्वा सैन्यम् अशेषं तु तस्य दैत्यस्य माधविः । सप्तमाया व्यतिक्रम्य मायां संयुयुजेऽष्टमीम्

hatvā sainyam aśeṣaṁ tu tasya daityasya mādhaviḥ saptamāyā vyatikramya māyāṁ saṁyuyuje'ṣṭamīm

उस दैत्य की समस्त सेना का वध कर माधवीपुत्र (प्रद्युम्न) ने उसकी सात मायाओं को पार कर आठवीं माया का प्रयोग किया।

श्लोक 19 (vishnu.5.27.19)

तया जघान तं दैत्यं मायया कालशम्बरम् । उत्पत्य च तया सार्धम् आजगाम पितुर्गृहम्

tayā jaghāna taṁ daityaṁ māyayā kālaśambaram utpatya ca tayā sārdham ājagāma piturgṛham

उस माया से उसने दैत्य कालशम्बर का वध किया और मायावती के साथ आकाशमार्ग से उड़कर अपने पिता के घर आ गया।

श्लोक 20 (vishnu.5.27.20)

अन्तःपुरे निपतितं मायावत्या समन्वितम् । तं दृष्ट्वा कृष्णसंकल्पा बभूवुः कृष्णयोषितः

antaḥpure nipatitaṁ māyāvatyā samanvitam taṁ dṛṣṭvā kṛṣṇasaṁkalpā babhūvuḥ kṛṣṇayoṣitaḥ

मायावती के साथ अंतःपुर में उतरे हुए उसे देखकर कृष्ण की पत्नियाँ मानो कृष्ण के प्रति ही अपने मन में संकल्पित हो उठीं, इतना वह कृष्ण के सदृश जान पड़ा।

श्लोक 21 (vishnu.5.27.21)

रुक्मिणी चावदत् प्रेम्णा सास्रदृष्टिरनिन्दिता । धन्याया खल्व् अयं पुत्रो वर्तते नवयौवने

rukmiṇī cāvadat premṇā sāsradṛṣṭiraninditā dhanyāyā khalv ayaṁ putro vartate navayauvane

और रुक्मिणी ने प्रेमवश अश्रुपूरित नेत्रों से कहा — 'निश्चय ही यह किसी भाग्यशालिनी का पुत्र है, जो अभी नवयौवन में है।'

श्लोक 22 (vishnu.5.27.22)

अस्मिन् वयसि पुत्रो मे प्रद्युम्नो यदि जीवति । सभाग्या जननी वत्स त्वया कापि विभूषिता

asmin vayasi putro me pradyumno yadi jīvati sabhāgyā jananī vatsa tvayā kāpi vibhūṣitā

'यदि मेरा पुत्र प्रद्युम्न जीवित होता तो इसी आयु का होता। हे वत्स! जो भी तुम्हारी माता है, वह भाग्यशालिनी है, तुमसे सुशोभित है।'

श्लोक 23 (vishnu.5.27.23)

अथवा यादृशः स्नेहो मम यादृग् वपुस्तव । हरेरपत्यं सुव्यक्तं भवान् वत्स भविष्यति

athavā yādṛśaḥ sneho mama yādṛg vapustava harerapatyaṁ suvyaktaṁ bhavān vatsa bhaviṣyati

'अथवा, मुझे तुम्हारे प्रति जैसा स्नेह उमड़ रहा है और तुम्हारा जैसा रूप है, उससे स्पष्ट है कि हे वत्स! तुम अवश्य ही हरि की संतान हो।'

श्लोक 24 (vishnu.5.27.24)

पराशर उवाच । एतस्मिन्न् अन्तरे प्राप्तः सह कृष्णेन नारदः । अन्तःपुरचरां देवीं रुक्मिणीं प्राह हर्षयन्

parāśara uvāca etasminn antare prāptaḥ saha kṛṣṇena nāradaḥ antaḥpuracarāṁ devīṁ rukmiṇīṁ prāha harṣayan

पराशर ने कहा — इसी बीच कृष्ण के साथ नारद वहाँ आ पहुँचे और अंतःपुर में विचरण करती रानी रुक्मिणी से हर्षित करते हुए कहा।

श्लोक 25 (vishnu.5.27.25)

एष ते तनयः सुभ्रु हत्वा शम्बरम् आगतः । हृतो येनाभवद् बालो भवत्याः सूतिकागृहात्

eṣa te tanayaḥ subhru hatvā śambaram āgataḥ hṛto yenābhavad bālo bhavatyāḥ sūtikāgṛhāt

'हे सुभ्रु! यह तुम्हारा पुत्र है, जो शम्बर का वध करके आया है — वही शम्बर जिसने तुम्हारे सूतिकागृह से इस शिशु को हर लिया था।'

श्लोक 26 (vishnu.5.27.26)

इयं मायावती भार्या तनयस्यास्य ते सती । शम्बरस्य न भार्येयं श्रूयताम् अत्र कारणम्

iyaṁ māyāvatī bhāryā tanayasyāsya te satī śambarasya na bhāryeyaṁ śrūyatām atra kāraṇam

'यह सती मायावती तुम्हारे इस पुत्र की पत्नी है; यह शम्बर की पत्नी नहीं है — इसका कारण सुनो।'

श्लोक 27 (vishnu.5.27.27)

मन्मथे तु गते नाशं तदुद्भवपरायणा । शम्बरं मोहयाम् आस मायारूपेण रूपिणी

manmathe tu gate nāśaṁ tadudbhavaparāyaṇā śambaraṁ mohayām āsa māyārūpeṇa rūpiṇī

जब मन्मथ (काम) नष्ट हो गया, तब उसके पुनर्जन्म में तत्पर वह मायामयी रूप धारण कर शम्बर को मोहित करने लगी।

श्लोक 28 (vishnu.5.27.28)

विहाराद्युपभोगेषु रूपं मायामयं शुभम् । दर्शयाम् आस दैत्यस्य तस्येयं मदिरेक्षणा

vihārādyupabhogeṣu rūpaṁ māyāmayaṁ śubham darśayām āsa daityasya tasyeyaṁ madirekṣaṇā

क्रीड़ा आदि भोगों में उस मृगनयनी ने उस दैत्य को अपना मायामय सुंदर रूप दिखाया।

श्लोक 29 (vishnu.5.27.29)

कामोऽवतीर्णः पुत्रस्ते तस्येयं दयिता रतिः । विशङ्का नात्र कर्तव्या स्नुषेयं तव शोभना

kāmo'vatīrṇaḥ putraste tasyeyaṁ dayitā ratiḥ viśaṅkā nātra kartavyā snuṣeyaṁ tava śobhanā

'तुम्हारा यह पुत्र स्वयं काम का अवतार है, और यह उसकी प्रिया रति है; इसमें कोई संदेह नहीं करना चाहिए — यह तुम्हारी सुंदर पुत्रवधू है।'

श्लोक 30 (vishnu.5.27.30)

ततो हर्षसमाविष्टा रुक्मिणी केशवस्तथा । नगरी च समस्ता सा साधु साध्व् इत्य् अभाषत

tato harṣasamāviṣṭā rukmiṇī keśavastathā nagarī ca samastā sā sādhu sādhv ity abhāṣata

तब हर्ष से भरी रुक्मिणी, कृष्ण तथा समस्त नगरी ने 'साधु, साधु' कहकर हर्ष व्यक्त किया।

श्लोक 31 (vishnu.5.27.31)

चिरनष्टेन पुत्रेण संगतां प्रेक्ष्य रुक्मिणीम् । अवाप विस्मयं सर्वो द्वारवत्यां जनस्तदा

ciranaṣṭena putreṇa saṁgatāṁ prekṣya rukmiṇīm avāpa vismayaṁ sarvo dvāravatyāṁ janastadā

अपने चिरकाल से खोए हुए पुत्र से रुक्मिणी को मिलती देखकर द्वारका के समस्त लोग उस समय आश्चर्यचकित हो गए।