ऊषा का स्वप्न

श्लोक 1 (vishnu.5.32.1)

पराशर उवाच । प्रद्युम्नाद्या हरेः पुत्रा रुक्मिण्याः कथितास्तव । भानुं भैमरिकं चैव सत्यभामा व्यजायत

parāśara uvāca pradyumnādyā hareḥ putrā rukmiṇyāḥ kathitāstava bhānuṁ bhaimarikaṁ caiva satyabhāmā vyajāyata

पराशर ने कहा — रुक्मिणी से उत्पन्न हरि के प्रद्युम्न आदि पुत्रों का वर्णन तुम्हें किया जा चुका है। सत्यभामा ने भानु और भैमरिक को जन्म दिया।

श्लोक 2 (vishnu.5.32.2)

दीप्तिमन्तः प्रयक्षाद्या रोहिण्यास्तनया हरेः । बभूवुर्जाम्बवत्यां च साम्बाद्या बाहुशालिनः

dīptimantaḥ prayakṣādyā rohiṇyāstanayā hareḥ babhūvurjāmbavatyāṁ ca sāmbādyā bāhuśālinaḥ

रोहिणी से हरि के दीप्तिमान्, प्रयक्ष आदि पुत्र हुए; और जाम्बवती से भुजबली साम्ब आदि पुत्र उत्पन्न हुए।

श्लोक 3 (vishnu.5.32.3)

तनया भद्रविन्दाद्या नाग्नजित्यां महाबलाः । संग्रामजित्प्रधानास्तु शैब्यायाश्चाभवन् सुताः

tanayā bhadravindādyā nāgnajityāṁ mahābalāḥ saṁgrāmajitpradhānāstu śaibyāyāścābhavan sutāḥ

नाग्नजिती से भद्रविन्द आदि महाबली पुत्र हुए; और शैब्या से संग्रामजित आदि पुत्र उत्पन्न हुए।

श्लोक 4 (vishnu.5.32.4)

वृकाद्याश्च सुता माद्र्यां गात्रवत्प्रमुखान् सुतान् । अवाप लक्ष्मणा पुत्राः कालिन्द्याश्च श्रुतादयः

vṛkādyāśca sutā mādryāṁ gātravatpramukhān sutān avāpa lakṣmaṇā putrāḥ kālindyāśca śrutādayaḥ

मद्रा से वृक आदि पुत्र हुए; लक्ष्मणा ने गात्रवत् आदि पुत्र प्राप्त किए; और कालिन्दी से श्रुत आदि पुत्र हुए।

श्लोक 5 (vishnu.5.32.5)

अन्यासां चैव भार्याणां समुत्पन्नानि चक्रिणः । अष्टायुतानि पुत्राणां सहस्राणां शतं तथा

anyāsāṁ caiva bhāryāṇāṁ samutpannāni cakriṇaḥ aṣṭāyutāni putrāṇāṁ sahasrāṇāṁ śataṁ tathā

और उसकी अन्य पत्नियों से भी चक्रधारी के अस्सी हज़ार तथा एक लाख पुत्र उत्पन्न हुए।

श्लोक 6 (vishnu.5.32.6)

प्रद्युम्नः प्रथमस्तेषां सर्वेषां रुक्मिणीसुतः । प्रद्युम्नाद् अनिरुद्धोऽभूद् वज्रस्तस्माद् अजायत

pradyumnaḥ prathamasteṣāṁ sarveṣāṁ rukmiṇīsutaḥ pradyumnād aniruddho'bhūd vajrastasmād ajāyata

इन सबमें रुक्मिणी-पुत्र प्रद्युम्न सबसे प्रथम थे; प्रद्युम्न से अनिरुद्ध उत्पन्न हुए, और उनसे वज्र का जन्म हुआ।

श्लोक 7 (vishnu.5.32.7)

अनिरुद्धो रणे रुद्धो बलेः पौत्रीं महाबलः । बाणस्य तनयाम् ऊषाम् उपयेमे द्विजोत्तम

aniruddho raṇe ruddho baleḥ pautrīṁ mahābalaḥ bāṇasya tanayām ūṣām upayeme dvijottama

हे द्विजोत्तम! युद्ध में कभी न रुकने वाले महाबली अनिरुद्ध ने बलि की पौत्री, बाण की पुत्री ऊषा से विवाह किया।

श्लोक 8 (vishnu.5.32.8)

यत्र युद्धम् अभूद् घोरं हरिशंकरयोर्महत् । छिन्नं सहस्रं बाहूनां यत्र बाणस्य चक्रिणा

yatra yuddham abhūd ghoraṁ hariśaṁkarayormahat chinnaṁ sahasraṁ bāhūnāṁ yatra bāṇasya cakriṇā

जिसमें हरि और शंकर के बीच एक भीषण महायुद्ध हुआ, और जिसमें चक्रधारी ने बाण की सहस्र भुजाओं को काट डाला।

श्लोक 9 (vishnu.5.32.9)

मैत्रेय उवाच । कथं युद्धम् अभूद् ब्रह्मन्न् उषार्थे हरकृष्णयोः । कथं क्षयं च बाणस्य बाहूनां कृतवान् हरिः

maitreya uvāca kathaṁ yuddham abhūd brahmann uṣārthe harakṛṣṇayoḥ kathaṁ kṣayaṁ ca bāṇasya bāhūnāṁ kṛtavān hariḥ

मैत्रेय ने कहा — 'हे ब्रह्मन्! ऊषा के लिए हर और कृष्ण के बीच युद्ध कैसे हुआ? और हरि ने बाण की भुजाओं का विनाश कैसे किया?'

श्लोक 10 (vishnu.5.32.10)

एतत् सर्वं महाभाग ममाख्यातुं त्वम् अर्हसि । महत् कौतूहलं जातं कथां श्रोतुम् इमां हरेः

etat sarvaṁ mahābhāga mamākhyātuṁ tvam arhasi mahat kautūhalaṁ jātaṁ kathāṁ śrotum imāṁ hareḥ

'हे महाभाग! आपको यह सब मुझसे कहना चाहिए; हरि की इस कथा को सुनने की मुझमें बड़ी उत्कण्ठा उत्पन्न हुई है।'

श्लोक 11 (vishnu.5.32.11)

पराशर उवाच । उषा बाणसुता विप्र पार्वतीं सह शम्भुना । क्रीडन्तीम् उपलक्ष्योच्चैः स्पृहां चक्रे तदाश्रयाम्

parāśara uvāca uṣā bāṇasutā vipra pārvatīṁ saha śambhunā krīḍantīm upalakṣyoccaiḥ spṛhāṁ cakre tadāśrayām

पराशर ने कहा — हे विप्र! बाण की पुत्री ऊषा ने पार्वती को शम्भु के साथ क्रीड़ा करते देखकर उसी अवस्था के लिए तीव्र लालसा उत्पन्न कर ली।

श्लोक 12 (vishnu.5.32.12)

ततः सकलचित्तज्ञा गौरी ताम् आह भामिनीम् । अलम् अत्यर्थतापेन भर्त्रा त्वम् अपि रंस्यसे

tataḥ sakalacittajñā gaurī tām āha bhāminīm alam atyarthatāpena bhartrā tvam api raṁsyase

तब सबके मन को जानने वाली गौरी ने उस रूपवती से कहा — 'इतने संताप की आवश्यकता नहीं, तुम भी अपने पति के साथ रमण करोगी।'

श्लोक 13 (vishnu.5.32.13)

इत्युक्ते सा तदा चक्रे कदेति मतिम् आत्मनः । को वा भर्ता ममेत्य् एनां पुनरप्य् आह पार्वती

ityukte sā tadā cakre kadeti matim ātmanaḥ ko vā bhartā mamety enāṁ punarapy āha pārvatī

यह सुनकर उसके मन में विचार उठा — 'कब?' — 'अथवा कौन मेरा पति होगा?' — तब पार्वती ने उससे पुनः कहा —

श्लोक 14 (vishnu.5.32.14)

वैशाखशुक्लद्वादश्यां स्वप्ने योऽभिभवं तव । करिष्यति स ते भर्ता राजपुत्रि भविष्यति

vaiśākhaśukladvādaśyāṁ svapne yo'bhibhavaṁ tava kariṣyati sa te bhartā rājaputri bhaviṣyati

'हे राजपुत्री! वैशाख शुक्ल द्वादशी को स्वप्न में जो तुम्हारे साथ समागम करेगा, वही तुम्हारा पति होगा।'

श्लोक 15 (vishnu.5.32.15)

पराशर उवाच । तस्यां तिथौ पुमान् स्वप्ने यथा देव्या उदीरितम् । तथैवाभिभवं चक्रे रागं चक्रे च तत्र सा

parāśara uvāca tasyāṁ tithau pumān svapne yathā devyā udīritam tathaivābhibhavaṁ cakre rāgaṁ cakre ca tatra sā

पराशर ने कहा — उसी तिथि को, देवी के कहे अनुसार, स्वप्न में एक पुरुष ने उससे समागम किया, और वह उसमें अनुरक्त हो गई।

श्लोक 16 (vishnu.5.32.16)

ततः प्रबुद्धा पुरुषम् अपश्यन्ती समुत्सुका । क्व गतोऽसीति निर्लज्जा मैत्रेयोक्तवती सखीम्

tataḥ prabuddhā puruṣam apaśyantī samutsukā kva gato'sīti nirlajjā maitreyoktavatī sakhīm

हे मैत्रेय! तब जागकर उस पुरुष को न देखकर, उत्कण्ठित तथा निर्लज्ज होकर उसने अपनी सखी से कहा — 'तुम कहाँ चले गए?'

श्लोक 17 (vishnu.5.32.17)

बाणस्य मन्त्री कुम्भाण्डः चित्रलेखा च तत्सुता । तस्याः सख्य् अभवत् सा च प्राह कोऽयं त्वयोच्यते

bāṇasya mantrī kumbhāṇḍaḥ citralekhā ca tatsutā tasyāḥ sakhy abhavat sā ca prāha ko'yaṁ tvayocyate

बाण के मन्त्री कुम्भाण्ड की पुत्री चित्रलेखा ऊषा की सखी थी; उसने पूछा — 'यह कौन है जिसकी तुम बात कर रही हो?'

श्लोक 18 (vishnu.5.32.18)

यदा लज्जाकुला नास्यै कथयाम् आस सा सखी । तदा विश्वासम् आनीय सर्वम् एवाभ्यवादयत्

yadā lajjākulā nāsyai kathayām āsa sā sakhī tadā viśvāsam ānīya sarvam evābhyavādayat

जब लज्जावश उसने अपनी सखी को कुछ नहीं बताया, तब विश्वास दिलाए जाने पर उसने सब कुछ कह सुनाया।

श्लोक 19 (vishnu.5.32.19)

विदितार्थां तु ताम् आह पुनरूषा यथोदितम् । देव्या तथैव तत्प्राप्तौ योऽभ्युपायः कुरुष्व तम्

viditārthāṁ tu tām āha punarūṣā yathoditam devyā tathaiva tatprāptau yo'bhyupāyaḥ kuruṣva tam

यह जानकर ऊषा ने उससे पुनः कहा, देवी के कथनानुसार — 'उसकी प्राप्ति के लिए जो भी उपाय हो, वह करो।'

श्लोक 20 (vishnu.5.32.20)

पराशर उवाच । ततः पटे सुरान् दैत्यान् गन्धर्वांश्च प्रधानतः । मनुष्यांश्चाभिलिख्यास्यै चित्रलेखा व्यदर्शयत्

parāśara uvāca tataḥ paṭe surān daityān gandharvāṁśca pradhānataḥ manuṣyāṁścābhilikhyāsyai citralekhā vyadarśayat

पराशर ने कहा — तब चित्रलेखा ने एक पट पर प्रमुख देवों, दैत्यों, गन्धर्वों तथा मनुष्यों का चित्रांकन कर उसे दिखाया।

श्लोक 21 (vishnu.5.32.21)

अपास्य सा तु गन्धर्वांस्तथोरगसुरासुरान् । मनुष्येषु ददौ दृष्टिं तेष्व् अप्य् अन्धकवृष्णिषु

apāsya sā tu gandharvāṁstathoragasurāsurān manuṣyeṣu dadau dṛṣṭiṁ teṣv apy andhakavṛṣṇiṣu

गन्धर्वों को, तथा नागों, सुरों और असुरों को छोड़कर उसने मनुष्यों पर, और उनमें भी अन्धक तथा वृष्णिवंशियों पर दृष्टि डाली।

श्लोक 22 (vishnu.5.32.22)

कृष्णरामौ विलोक्यासीत् सुभ्रूर्लज्जाजडेव सा । प्रद्युम्नदर्शने व्रीडादृष्टिं निन्येऽन्यतो द्विज

kṛṣṇarāmau vilokyāsīt subhrūrlajjājaḍeva sā pradyumnadarśane vrīḍādṛṣṭiṁ ninye'nyato dvija

हे द्विज! कृष्ण और राम को देखकर वह सुभ्रु मानो लज्जा से जड़ हो गई; प्रद्युम्न के दर्शन में भी लज्जावश उसने अपनी दृष्टि अन्यत्र मोड़ ली।

श्लोक 23 (vishnu.5.32.23)

दृष्टमात्रे ततः कान्ते प्रद्युम्नतनये द्विज । दृष्ट्वात्यर्थविलासिन्या लज्जा क्वापि निराकृता

dṛṣṭamātre tataḥ kānte pradyumnatanaye dvija dṛṣṭvātyarthavilāsinyā lajjā kvāpi nirākṛtā

किन्तु हे द्विज! प्रद्युम्न के पुत्र, उस प्रियतम को देखते ही, उस अत्यंत विलासिनी की समस्त लज्जा कहीं लुप्त हो गई।

श्लोक 24 (vishnu.5.32.24)

सोऽयं सोऽयम् इतीत्य् उक्ते तया सा योगगामिनी । ययौ द्वारवतीम् ऊषां समाश्वास्य ततः सखीम्

so'yaṁ so'yam itīty ukte tayā sā yogagāminī yayau dvāravatīm ūṣāṁ samāśvāsya tataḥ sakhīm

'यही है, यही है!' — उसके यह कहने पर, योगशक्ति से गमन करने वाली वह सखी (चित्रलेखा), ऊषा को सांत्वना देकर द्वारवती चली गई।