शोणितपुर-संग्राम

श्लोक 1 (vishnu.5.33.1)

पराशर उवाच । बाणोऽपि प्रणिपत्याग्रे मैत्रेयाह त्रिलोचनम् । देव बाहुसहस्रेण निर्विण्णोऽहं विनाहवम्

parāśara uvāca bāṇo'pi praṇipatyāgre maitreyāha trilocanam deva bāhusahasreṇa nirviṇṇo'haṁ vināhavam

पराशर ने कहा — हे मैत्रेय! बाण ने भी त्रिलोचन के समक्ष प्रणाम कर कहा — 'हे देव! मैं युद्ध के बिना अपनी सहस्र भुजाओं से खिन्न हूँ।'

श्लोक 2 (vishnu.5.33.2)

कच्चिन् ममैषां बाहूनां साफल्यजनको रणः । भविष्यति विना युद्धं भाराय मम किं भुजैः

kaccin mamaiṣāṁ bāhūnāṁ sāphalyajanako raṇaḥ bhaviṣyati vinā yuddhaṁ bhārāya mama kiṁ bhujaiḥ

'क्या कभी ऐसा युद्ध होगा जो मेरी इन भुजाओं को सफल करे? युद्ध के बिना ये भुजाएँ मेरे लिए भार मात्र ही तो हैं।'

श्लोक 3 (vishnu.5.33.3)

शंकर उवाच । मयूरध्वजभङ्गस्ते यदा बाण भविष्यति । पिशिताशिजनानन्दं प्राप्स्यसे त्वं तदा रणम्

śaṁkara uvāca mayūradhvajabhaṅgaste yadā bāṇa bhaviṣyati piśitāśijanānandaṁ prāpsyase tvaṁ tadā raṇam

शंकर ने कहा — 'हे बाण! जब तुम्हारी मयूर-ध्वजा टूटेगी, तब तुम्हें ऐसा युद्ध प्राप्त होगा जो मांसाहारी प्राणियों को भी आनन्दित कर देगा।'

श्लोक 4 (vishnu.5.33.4)

पराशर उवाच । ततः प्रणम्य मुदितः शम्भुम् अभ्यागतो गृहम् । भग्नं च ध्वजम् आलोक्य हृष्टो हर्षान्तरं ययौ

parāśara uvāca tataḥ praṇamya muditaḥ śambhum abhyāgato gṛham bhagnaṁ ca dhvajam ālokya hṛṣṭo harṣāntaraṁ yayau

पराशर ने कहा — तब शम्भु को प्रणाम कर, प्रसन्न होकर, वह अपने घर लौट आया; और अपनी ध्वजा को टूटी हुई देखकर हर्षित होकर अत्यधिक आनन्दित हो उठा।

श्लोक 5 (vishnu.5.33.5)

एतस्मिन्न् एव काले तु योगविद्याबलेन तम् । अनिरुद्धम् अथानिन्ये चित्रलेखा वराप्सराः

etasminn eva kāle tu yogavidyābalena tam aniruddham athāninye citralekhā varāpsarāḥ

इसी समय अपनी योगविद्या के बल से चित्रलेखा, जो श्रेष्ठ अप्सरा के समान थी, अनिरुद्ध को वहाँ ले आई।

श्लोक 6 (vishnu.5.33.6)

कन्यान्तःपुरमध्ये तं रममाणं सहोषया । विज्ञाय रक्षिणो गत्वा शशंसुर्दैत्यभूपतेः

kanyāntaḥpuramadhye taṁ ramamāṇaṁ sahoṣayā vijñāya rakṣiṇo gatvā śaśaṁsurdaityabhūpateḥ

कन्याओं के अन्तःपुर में ऊषा के साथ रमण करते हुए उसे जानकर रक्षकों ने जाकर दैत्यराज से यह बात कह सुनाई।

श्लोक 7 (vishnu.5.33.7)

व्यादिष्टं किंकराणां तु सैन्यं तेन महात्मना । जघान परिघं लोहम् आदाय परवीरहा

vyādiṣṭaṁ kiṁkarāṇāṁ tu sainyaṁ tena mahātmanā jaghāna parighaṁ loham ādāya paravīrahā

उस महात्मा, शत्रुवीरों के संहारक, ने लौह-परिघ धारण कर भेजी गई सेवकों की सेना का वध कर डाला।

श्लोक 8 (vishnu.5.33.8)

हतेषु तेषु बाणोऽपि रथस्थस्तद्वधोद्यतः । युध्यमानो यथाशक्ति यदा वीर्येण निर्जितः

hateṣu teṣu bāṇo'pi rathasthastadvadhodyataḥ yudhyamāno yathāśakti yadā vīryeṇa nirjitaḥ

उनके मारे जाने पर बाण भी रथारूढ़ होकर उसे मारने के लिए यथाशक्ति युद्ध करने लगा; परन्तु जब वह पराक्रम में पराजित हो गया,

श्लोक 9 (vishnu.5.33.9)

मायया युयुधे तेन स तदा मन्त्रिचोदितः । ततस्तं पन्नगास्त्रेण बबन्ध यदुनन्दनम्

māyayā yuyudhe tena sa tadā mantricoditaḥ tatastaṁ pannagāstreṇa babandha yadunandanam

— तब मन्त्री द्वारा उकसाए जाने पर उसने माया से युद्ध किया, और तत्पश्चात् नाग-पाश से उस यदुनन्दन को बाँध लिया।

श्लोक 10 (vishnu.5.33.10)

द्वारवत्यां क्व यातोऽसाव् अनिरुद्धेति जल्पताम् । यदूनाम् आचचक्षे तं बद्धं बाणेन नारदः

dvāravatyāṁ kva yāto'sāv aniruddheti jalpatām yadūnām ācacakṣe taṁ baddhaṁ bāṇena nāradaḥ

जब द्वारवती में यादव यह पूछते फिर रहे थे कि 'अनिरुद्ध कहाँ चला गया?', तब नारद ने उन्हें बताया कि वह बाण द्वारा बाँध लिया गया है।

श्लोक 11 (vishnu.5.33.11)

तं शोणितपुरे श्रुत्वा नीतं विद्याविदग्धया । योषिता प्रत्ययं जग्मुर्यादवा नामरैरिति

taṁ śoṇitapure śrutvā nītaṁ vidyāvidagdhayā yoṣitā pratyayaṁ jagmuryādavā nāmarairiti

यह सुनकर कि विद्या में निपुण एक स्त्री उसे शोणितपुर ले गई है, यादवों ने अमरों के कथन से इस बात पर विश्वास किया।

श्लोक 12 (vishnu.5.33.12)

ततो गरुडम् आरुह्य स्मृतमात्रागतं हरिः । बलप्रद्युम्नसहितो बाणस्य प्रययौ पुरम्

tato garuḍam āruhya smṛtamātrāgataṁ hariḥ balapradyumnasahito bāṇasya prayayau puram

तब स्मरण मात्र से आए गरुड़ पर चढ़कर हरि बल और प्रद्युम्न सहित बाण के नगर की ओर चल पड़े।

श्लोक 13 (vishnu.5.33.13)

पुरीप्रवेशे प्रमथैर्युद्धम् आसीन् महात्मनः । ययौ बाणपुराभ्याशं नीत्वा तान् संक्षयं हरिः

purīpraveśe pramathairyuddham āsīn mahātmanaḥ yayau bāṇapurābhyāśaṁ nītvā tān saṁkṣayaṁ hariḥ

नगर में प्रवेश करते समय उस महात्मा का प्रमथगणों से युद्ध हुआ; उन्हें नष्ट कर हरि बाण के नगर के समीप जा पहुँचे।

श्लोक 14 (vishnu.5.33.14)

ततस्त्रिपादस्त्रिशिरा ज्वरो माहेश्वरो महान् । बाणरक्षार्थम् अत्यर्थं युयुधे शार्ङ्गधन्वना

tatastripādastriśirā jvaro māheśvaro mahān bāṇarakṣārtham atyarthaṁ yuyudhe śārṅgadhanvanā

तब त्रिपाद, त्रिशिर, माहेश्वर महान् ज्वर बाण की रक्षा के लिए शार्ङ्गधन्वा से अत्यंत भीषण युद्ध करने लगा।

श्लोक 15 (vishnu.5.33.15)

तद्भस्मस्पर्शसंभूततापः कृष्णाङ्गसंगमात् । अवाप बलदेवोऽपि श्रमम् आमीलितेक्षणः

tadbhasmasparśasaṁbhūtatāpaḥ kṛṣṇāṅgasaṁgamāt avāpa baladevo'pi śramam āmīlitekṣaṇaḥ

उस ज्वर के भस्म-स्पर्श से उत्पन्न ताप कृष्ण के शरीर से संसर्ग द्वारा फैलने पर बलदेव भी थककर अपनी आँखें मूँदने लगे।

श्लोक 16 (vishnu.5.33.16)

ततः स युद्ध्यमानस्तु सहदेवेन शार्ङ्गिणा । वैष्णवेन ज्वरेणाशु कृष्णदेहान् निराकृतः

tataḥ sa yuddhyamānastu sahadevena śārṅgiṇā vaiṣṇavena jvareṇāśu kṛṣṇadehān nirākṛtaḥ

तब उस [माहेश्वर ज्वर] का युद्ध करते हुए शार्ङ्गधारी के साथ, वैष्णव ज्वर द्वारा तुरन्त कृष्ण के शरीर से दूर कर दिया गया।

श्लोक 17 (vishnu.5.33.17)

नारायणभुजाघातपरिपीडनविह्वलम् । तं वीक्ष्य क्षम्यताम् अस्येत्य् आह देवः पितामहः

nārāyaṇabhujāghātaparipīḍanavihvalam taṁ vīkṣya kṣamyatām asyety āha devaḥ pitāmahaḥ

नारायण की भुजा के प्रहारों से पीड़ित एवं व्याकुल उस [ज्वर] को देखकर पितामह देव ने कहा — 'इसे क्षमा किया जाए।'

श्लोक 18 (vishnu.5.33.18)

ततश्च क्षान्तम् एवेति प्रोक्त्वा तं वैष्णवं ज्वरम् । आत्मन्य् एव लयं निन्ये भगवान् मधुसूदनः

tataśca kṣāntam eveti proktvā taṁ vaiṣṇavaṁ jvaram ātmany eva layaṁ ninye bhagavān madhusūdanaḥ

तब 'यह क्षमा किया गया' ऐसा कहकर भगवान् मधुसूदन ने अपने उस वैष्णव ज्वर को अपने ही में लीन कर लिया।

श्लोक 19 (vishnu.5.33.19)

मम त्वया समं युद्धं ये स्मरिष्यन्ति मानवाः । विज्वरास्ते भविष्यन्तीत्य् उक्त्वा चैनं ययौ ज्वरः

mama tvayā samaṁ yuddhaṁ ye smariṣyanti mānavāḥ vijvarāste bhaviṣyantīty uktvā cainaṁ yayau jvaraḥ

'जो भी मनुष्य तुम्हारे साथ मेरे इस युद्ध का स्मरण करेंगे, वे ज्वर-रहित हो जाएँगे' — ऐसा कहकर वह ज्वर उससे विदा हो गया।

श्लोक 20 (vishnu.5.33.20)

ततोऽग्नीन् भगवान् पञ्च जित्वा नीत्वा तथा क्षयम् । दानवानां बलं विष्णुश्चूर्णयाम् आस लीलया

tato'gnīn bhagavān pañca jitvā nītvā tathā kṣayam dānavānāṁ balaṁ viṣṇuścūrṇayām āsa līlayā

तब भगवान् विष्णु ने पाँचों अग्नियों को जीतकर उनका नाश कर दिया, तथा दानवों की सेना को लीलामात्र में चूर्ण कर डाला।

श्लोक 21 (vishnu.5.33.21)

ततः समस्तसैन्येन दैतेयानां बलेः सुतः । युयुधे शंकरश्चैव कार्तिकेयश्च शौरिणा

tataḥ samastasainyena daiteyānāṁ baleḥ sutaḥ yuyudhe śaṁkaraścaiva kārtikeyaśca śauriṇā

तब बलि-पुत्र (बाण) समस्त दैत्य-सेना सहित, तथा स्वयं शंकर और कार्तिकेय भी, शौरि से युद्ध करने लगे।

श्लोक 22 (vishnu.5.33.22)

हरिशंकरयोर्युद्धम् अतीवासीत् सुदारुणम् । चुक्षुभुः सकला लोकाः यत्रास्त्रांशुप्रतापिताः

hariśaṁkarayoryuddham atīvāsīt sudāruṇam cukṣubhuḥ sakalā lokāḥ yatrāstrāṁśupratāpitāḥ

हरि और शंकर के बीच का युद्ध अत्यंत भीषण था; उनके अस्त्रों की किरणों से संतप्त होकर समस्त लोक क्षुब्ध हो उठे।

श्लोक 23 (vishnu.5.33.23)

प्रलयोऽयम् अशेषस्य जगतो नूनम् आगतः । मेनिरे त्रिदशा यत्र वर्तमाने महाहवे

pralayo'yam aśeṣasya jagato nūnam āgataḥ menire tridaśā yatra vartamāne mahāhave

'यह तो निश्चय ही अखिल जगत का प्रलय आ पहुँचा है!' — इस महायुद्ध के चलते हुए त्रिदशगण ने ऐसा मान लिया।

श्लोक 24 (vishnu.5.33.24)

जृम्भणास्त्रेण गोविन्दो जृम्भयाम् आस शंकरम् । ततः प्रणेशुर्दैतेयाः प्रमथाश्च समन्ततः

jṛmbhaṇāstreṇa govindo jṛmbhayām āsa śaṁkaram tataḥ praṇeśurdaiteyāḥ pramathāśca samantataḥ

गोविन्द ने जृम्भणास्त्र से शंकर को जँभाई से आच्छन्न कर दिया; तब दैत्यगण तथा प्रमथगण सब ओर से भाग खड़े हुए।

श्लोक 25 (vishnu.5.33.25)

जृम्भाभिभूतस्तु हरो रथोपस्थ उपाविशत् । न शशाक तदा योद्धुं कृष्णेनाक्लिष्टकर्मणा

jṛmbhābhibhūtastu haro rathopastha upāviśat na śaśāka tadā yoddhuṁ kṛṣṇenākliṣṭakarmaṇā

जृम्भा से अभिभूत हर अपने रथ के आसन पर बैठ गए; वे उस समय अक्लिष्टकर्मा कृष्ण से युद्ध करने में समर्थ न रहे।

श्लोक 26 (vishnu.5.33.26)

गरुडक्षतवाहश्च प्रद्युम्नास्त्रनिपीडितः । कृष्णहुंकारनिर्धूतशक्तिश्चापययौ गुहः

garuḍakṣatavāhaśca pradyumnāstranipīḍitaḥ kṛṣṇahuṁkāranirdhūtaśaktiścāpayayau guhaḥ

और गुह (कार्तिकेय), जिनका वाहन गरुड़ द्वारा घायल हो चुका था, प्रद्युम्न के अस्त्रों से पीड़ित, तथा कृष्ण की हुंकार से जिनकी शक्ति क्षीण हो गई थी, रणभूमि से भाग गए।

श्लोक 27 (vishnu.5.33.27)

जृम्भिते शंकरे नष्टे दैत्यसैन्ये गुहे जिते । नीते प्रमथसैन्ये च संक्षयं शार्ङ्गधन्वना

jṛmbhite śaṁkare naṣṭe daityasainye guhe jite nīte pramathasainye ca saṁkṣayaṁ śārṅgadhanvanā

शंकर के जृम्भित हो जाने पर, दैत्य-सेना के नष्ट हो जाने पर, गुह के पराजित हो जाने पर, तथा शार्ङ्गधन्वा द्वारा प्रमथ-सेना के विनष्ट हो जाने पर —

श्लोक 28 (vishnu.5.33.28)

नन्दीशसंगृहीताश्वम् अधिरूढो महारथम् । बाणस्तत्राययौ योद्धुं कृष्णकार्ष्णिबलैः सह

nandīśasaṁgṛhītāśvam adhirūḍho mahāratham bāṇastatrāyayau yoddhuṁ kṛṣṇakārṣṇibalaiḥ saha

— बाण, नन्दी द्वारा जुटाए गए अश्वों वाले एक विशाल रथ पर चढ़कर, कृष्ण, कार्ष्णि (प्रद्युम्न) तथा बल की सेनाओं से युद्ध करने वहाँ आया।

श्लोक 29 (vishnu.5.33.29)

बलभद्रो महावीर्यो बाणसैन्यम् अनेकधा । विव्याध बाणैः प्रभ्रश्य धर्मतश्चापलायत

balabhadro mahāvīryo bāṇasainyam anekadhā vivyādha bāṇaiḥ prabhraśya dharmataścāpalāyata

महापराक्रमी बलभद्र ने बाण की सेना को अनेक स्थानों पर बाणों से बींध डाला; वह पराजित होकर भागने लगी।

श्लोक 30 (vishnu.5.33.30)

आकृष्य लाङ्गलाग्रेण मुसलेनावपोथितम् । बलं बलेन ददृशे बाणो बाणैश्च चक्रिणा

ākṛṣya lāṅgalāgreṇa musalenāvapothitam balaṁ balena dadṛśe bāṇo bāṇaiśca cakriṇā

बाण ने अपनी सेना को बल के हल के अग्रभाग से घसीटे जाते और मूसल से कुचले जाते देखा, तथा चक्रधारी के बाणों से भी।

श्लोक 31 (vishnu.5.33.31)

ततः कृष्णस्य बाणेन युद्धम् आसीत् समन्ततः

tataḥ kṛṣṇasya bāṇena yuddham āsīt samantataḥ

तब कृष्ण और बाण के बीच सब ओर से युद्ध छिड़ गया।

श्लोक 32 (vishnu.5.33.32)

परस्परम् इषून् दीप्तान् कायत्राणविभेदकान् । कृष्णश्चिच्छेद बाणैस्तान् बाणेन प्रहितान् शरान् । बिभेद केशवं बाणो बाणं विव्याध चक्रभृत्

parasparam iṣūn dīptān kāyatrāṇavibhedakān kṛṣṇaściccheda bāṇaistān bāṇena prahitān śarān bibheda keśavaṁ bāṇo bāṇaṁ vivyādha cakrabhṛt

दोनों एक-दूसरे पर कवच-भेदी दहकते बाण चला रहे थे; कृष्ण ने बाण द्वारा छोड़े गए उन बाणों को अपने बाणों से काट डाला; बाण ने केशव को बींधा, और चक्रधारी ने भी बाण को बींध दिया।

श्लोक 33 (vishnu.5.33.33)

मुमुचाते तथास्त्राणि बाणकृष्णौ जिगीषया । परस्परं क्षतिपरौ परमामर्षिणौ द्विज

mumucāte tathāstrāṇi bāṇakṛṣṇau jigīṣayā parasparaṁ kṣatiparau paramāmarṣiṇau dvija

हे द्विज! विजय की कामना से बाण और कृष्ण, दोनों एक-दूसरे को घायल करने में तत्पर, परम क्रोधित होकर अस्त्र चलाने लगे।

श्लोक 34 (vishnu.5.33.34)

छिद्यमानेष्व् अशेषेषु शरेष्व् अस्त्रे च सीदति । प्राचुर्येण हरिर्बाणं हन्तुं चक्रे ततो मनः

chidyamāneṣv aśeṣeṣu śareṣv astre ca sīdati prācuryeṇa harirbāṇaṁ hantuṁ cakre tato manaḥ

जब समस्त बाण कट चुके और अस्त्र-शक्ति क्षीण होने लगी, तब हरि ने बाण का वध करने का मन में निश्चय किया।

श्लोक 35 (vishnu.5.33.35)

ततोऽर्कशतसंघाततेजसः सदृशद्युतिः । जग्राह दैत्यचक्रारिर्हरिश्चक्रं सुदर्शनम्

tato'rkaśatasaṁghātatejasaḥ sadṛśadyutiḥ jagrāha daityacakrārirhariścakraṁ sudarśanam

तब सैकड़ों सूर्यों के समूह के समान तेजस्वी, दैत्य-चक्र के शत्रु हरि ने अपना सुदर्शन चक्र उठाया।

श्लोक 36 (vishnu.5.33.36)

मुञ्चतो बाणनाशाय तच्चक्रं मधुविद्विषः । नग्ना दैतेयविद्याभूत् कोटवी पुरतो हरेः

muñcato bāṇanāśāya taccakraṁ madhuvidviṣaḥ nagnā daiteyavidyābhūt koṭavī purato hareḥ

मधु के शत्रु द्वारा बाण के विनाश हेतु उस चक्र को छोड़े जाने पर, हरि के सम्मुख दैत्य-विद्या नग्न कोटवी प्रकट हो गई।

श्लोक 37 (vishnu.5.33.37)

ताम् अग्रतो हरिर्दृष्ट्वा मीलिताक्षः सुदर्शनम् । मुमोच बाणम् उद्दिश्य छेत्तुं बाहुवनं रिपोः

tām agrato harirdṛṣṭvā mīlitākṣaḥ sudarśanam mumoca bāṇam uddiśya chettuṁ bāhuvanaṁ ripoḥ

उसे अपने सामने देखकर हरि ने अपने नेत्र मूँदकर सुदर्शन को बाण की ओर, उसके शत्रु-भुजाओं के वन को काटने के लिए छोड़ दिया।

श्लोक 38 (vishnu.5.33.38)

क्रमेण तत् तु बाहूनां बाणस्याच्युतचोदितम् । छेदं चक्रेऽसुरापास्तशस्त्रौघक्षपणादृतम्

krameṇa tat tu bāhūnāṁ bāṇasyācyutacoditam chedaṁ cakre'surāpāstaśastraughakṣapaṇādṛtam

अच्युत द्वारा प्रेरित उस चक्र ने बाण की भुजाओं को क्रमशः काट डाला, तथा असुर द्वारा फेंके गए अस्त्र-समूह का भी नाश कर दिया।

श्लोक 39 (vishnu.5.33.39)

छिन्ने बाहुवने तत् तु करस्थं मधुसूदनः । मुमुक्षुर्बाणनाशाय विज्ञातस्त्रिपुरद्विषा

chinne bāhuvane tat tu karasthaṁ madhusūdanaḥ mumukṣurbāṇanāśāya vijñātastripuradviṣā

जब भुजाओं का वन कट चुका, तब हाथ में चक्र लिए हुए मधुसूदन को, जो बाण के अन्तिम विनाश की इच्छा रखते थे, त्रिपुरारि (शिव) ने पहचान लिया।

श्लोक 40 (vishnu.5.33.40)

स उपेत्याह गोविन्दं सामपूर्वम् उमापतिः । विलोक्य बाणं दोर्दण्डच्छेदासृक्स्राववर्षिणम्

sa upetyāha govindaṁ sāmapūrvam umāpatiḥ vilokya bāṇaṁ dordaṇḍacchedāsṛksrāvavarṣiṇam

बाण को अपनी कटी हुई भुजाओं के स्तम्भों से रक्त बरसाते देखकर उमापति (शिव) ने गोविन्द के पास आकर पहले साम-वचन से कहा —

श्लोक 41 (vishnu.5.33.41)

शंकर उवाच । कृष्ण कृष्ण जगन्नाथ जाने त्वां पुरुषोत्तमम् । परेशं परमात्मानम् अनादिनिधनं परम्

śaṁkara uvāca kṛṣṇa kṛṣṇa jagannātha jāne tvāṁ puruṣottamam pareśaṁ paramātmānam anādinidhanaṁ param

शंकर ने कहा — 'हे कृष्ण, कृष्ण, जगन्नाथ! मैं आपको पुरुषोत्तम, परमेश्वर, परमात्मा, अनादि-अनन्त, परब्रह्म जानता हूँ।'

श्लोक 42 (vishnu.5.33.42)

देवतिर्यङ्मनुष्येषु शरीरग्रहणात्मिका । लीलेयं सर्वभूतस्य तव चेष्टोपलक्षणा

devatiryaṅmanuṣyeṣu śarīragrahaṇātmikā līleyaṁ sarvabhūtasya tava ceṣṭopalakṣaṇā

'देवों, पशुओं तथा मनुष्यों में शरीर धारण करना आपकी लीला है, जो समस्त प्राणियों के आत्मस्वरूप आपकी क्रीड़ा का ही चिह्न है।'

श्लोक 43 (vishnu.5.33.43)

तत् प्रसीदाभयं दत्तं बाणस्यास्य मया प्रभो । तत् त्वया नानृतं कार्यं यन् मया व्याहृतं वचः

tat prasīdābhayaṁ dattaṁ bāṇasyāsya mayā prabho tat tvayā nānṛtaṁ kāryaṁ yan mayā vyāhṛtaṁ vacaḥ

'अतः प्रसन्न हों, हे प्रभो! मैंने इस बाण को अभय प्रदान किया है; मेरे द्वारा कहा गया वह वचन आपके द्वारा असत्य न किया जाए।'

श्लोक 44 (vishnu.5.33.44)

अस्मत्संश्रयवृद्धोऽयं नापराध्यस्तवाव्यय । मया दत्तवरो दैत्यस्ततस्त्वां क्षमयाम्य् अहम्

asmatsaṁśrayavṛddho'yaṁ nāparādhyastavāvyaya mayā dattavaro daityastatastvāṁ kṣamayāmy aham

'हे अविनाशी! हमारे आश्रय में पला यह दैत्य आपका अपराधी नहीं है; मैंने इसे वर दिया है, अतः मैं आपसे इसके लिए क्षमा माँगता हूँ।'

श्लोक 45 (vishnu.5.33.45)

पराशर उवाच । इत्य् उक्तः प्राह गोविन्दः शूलपाणिम् उमापतिम् । प्रसन्नवदनो भूत्वा गतामर्षोऽसुरं प्रति

parāśara uvāca ity uktaḥ prāha govindaḥ śūlapāṇim umāpatim prasannavadano bhūtvā gatāmarṣo'suraṁ prati

पराशर ने कहा — यह सुनकर गोविन्द ने प्रसन्नमुख होकर तथा असुर के प्रति क्रोधरहित होकर शूलपाणि उमापति से कहा —

श्लोक 46 (vishnu.5.33.46)

भगवान् उवाच । युष्मद्दत्तवरो बाणो जीवताम् एष शंकर । त्वद्वाक्यगौरवाद् एतन् मया चक्रं निवर्तितम्

bhagavān uvāca yuṣmaddattavaro bāṇo jīvatām eṣa śaṁkara tvadvākyagauravād etan mayā cakraṁ nivartitam

भगवान् ने कहा — 'हे शंकर! जिसे आपने वर दिया, वह बाण जीवित रहे; आपके वचन के सम्मान में ही मैंने अपना चक्र रोक दिया है।'

श्लोक 47 (vishnu.5.33.47)

त्वया यद् अभयं दत्तं तद् दत्तम् अखिलं मया । मत्तोऽविभिन्नम् आत्मानं द्रष्टुम् अर्हसि शंकर

tvayā yad abhayaṁ dattaṁ tad dattam akhilaṁ mayā matto'vibhinnam ātmānaṁ draṣṭum arhasi śaṁkara

'आपने जो अभयदान दिया है, वह पूर्ण रूप से मेरे द्वारा भी दिया हुआ है; हे शंकर! आपको अपने आपको मुझसे अभिन्न ही देखना चाहिए।'

श्लोक 48 (vishnu.5.33.48)

योऽहं स त्वं जगच्चेदं सदेवासुरमानुषम् । अविद्यामोहितात्मानः पुरुषा भिन्नदर्शिनः

yo'haṁ sa tvaṁ jagaccedaṁ sadevāsuramānuṣam avidyāmohitātmānaḥ puruṣā bhinnadarśinaḥ

'जो मैं हूँ, वही तुम हो; और यह देव-असुर-मानव सहित समस्त जगत भी वही है। केवल अज्ञान से मोहित मनुष्य ही इसे भिन्न-भिन्न देखते हैं।'

श्लोक 49 (vishnu.5.33.49)

पराशर उवाच । इत्य् उक्त्वा प्रययौ कृष्णः प्राद्युम्निर्यत्र तिष्ठति । तद्बन्धफणिनो नेशुर्गरुडानिलशोषिताः

parāśara uvāca ity uktvā prayayau kṛṣṇaḥ prādyumniryatra tiṣṭhati tadbandhaphaṇino neśurgaruḍānilaśoṣitāḥ

पराशर ने कहा — यह कहकर कृष्ण वहाँ गए जहाँ प्रद्युम्न-पुत्र (अनिरुद्ध) बंधे हुए थे; उसे बाँधने वाले सर्प गरुड़ की वायु से सूखकर नष्ट हो गए।

श्लोक 50 (vishnu.5.33.50)

ततोऽनिरुद्धम् आरोप्य सपत्नीकं गरुत्मति । आजग्मुर्द्वारकां रामकार्ष्णिदामोदराः पुरीम्

tato'niruddham āropya sapatnīkaṁ garutmati ājagmurdvārakāṁ rāmakārṣṇidāmodarāḥ purīm

तब अनिरुद्ध को उसकी पत्नी सहित गरुड़ पर बिठाकर राम, कार्ष्णि (प्रद्युम्न) तथा दामोदर (कृष्ण) द्वारका नगरी को लौट आए।