द्विविद-वध

श्लोक 1 (vishnu.5.36.1)

पराशर उवाच । मैत्रेय श्रूयतां तस्य बलस्य बलशालिनः । कृतं यद् अन्यत् तेनाभूत् तद् अपि श्रूयतां त्वया

parāśara uvāca maitreya śrūyatāṁ tasya balasya balaśālinaḥ kṛtaṁ yad anyat tenābhūt tad api śrūyatāṁ tvayā

पराशर ने कहा — हे मैत्रेय! सुनो; उस बलशाली बल ने और जो कर्म किया, वह भी तुम सुनो।

श्लोक 2 (vishnu.5.36.2)

नरकस्यासुरेन्द्रस्य देवपक्षविरोधिनः । सखाभवन् महावीर्यो द्विविदो नाम वानरः

narakasyāsurendrasya devapakṣavirodhinaḥ sakhābhavan mahāvīryo dvivido nāma vānaraḥ

देवपक्ष का विरोधी असुरेन्द्र नरक का एक सखा था — दुविद नामक महापराक्रमी वानर।

श्लोक 3 (vishnu.5.36.3)

वैरानुबन्धं बलवान् स चकार सुरान् प्रति । नरकं हतवान् कृष्णो देवराजेन चोदितः

vairānubandhaṁ balavān sa cakāra surān prati narakaṁ hatavān kṛṣṇo devarājena coditaḥ

उस बलवान् ने देवताओं के प्रति वैर-सम्बन्ध बाँध लिया, क्योंकि देवराज द्वारा प्रेरित होकर कृष्ण ने नरक का वध कर दिया था।

श्लोक 4 (vishnu.5.36.4)

करिष्ये सर्वदेवानां तस्माद् एष प्रतिक्रियाम् । यज्ञविध्वंसनं कुर्वन् मर्त्यलोकक्षयं तथा

kariṣye sarvadevānāṁ tasmād eṣa pratikriyām yajñavidhvaṁsanaṁ kurvan martyalokakṣayaṁ tathā

'अतः मैं समस्त देवताओं से इसका प्रतिशोध लूँगा' — यह सोचकर उसने यज्ञों का विध्वंस तथा मर्त्यलोक का विनाश करना आरम्भ कर दिया।

श्लोक 5 (vishnu.5.36.5)

ततो विध्वंसयाम् आस यज्ञान् अज्ञानमोहितः । बिभेद साधुमर्यादां क्षयं चक्रे च देहिनाम्

tato vidhvaṁsayām āsa yajñān ajñānamohitaḥ bibheda sādhumaryādāṁ kṣayaṁ cakre ca dehinām

तब अज्ञान से मोहित होकर उसने यज्ञों का विध्वंस किया, साधुओं की मर्यादा भंग की, तथा प्राणियों का संहार किया।

श्लोक 6 (vishnu.5.36.6)

ददाह चपलो देशान् पुरग्रामान्तराणि च । क्वचिच्च पर्वताक्षेपैर्ग्रामादीन् समचूर्णयत्

dadāha capalo deśān puragrāmāntarāṇi ca kvacicca parvatākṣepairgrāmādīn samacūrṇayat

उस चंचल ने देशों, नगरों तथा ग्रामों को जला डाला; और कहीं-कहीं पर्वतों को फेंककर ग्रामों आदि को चूर्ण-चूर्ण कर दिया।

श्लोक 7 (vishnu.5.36.7)

शैलान् उत्पाट्य तोयेषु मुमोचाम्बुनिधौ तथा । पुनश्चार्णवमध्यस्थः क्षोभयाम् आस सागरम्

śailān utpāṭya toyeṣu mumocāmbunidhau tathā punaścārṇavamadhyasthaḥ kṣobhayām āsa sāgaram

उसने पर्वतों को उखाड़कर जल में, समुद्र में डाल दिया; और फिर सागर के मध्य खड़े होकर समुद्र को क्षुब्ध कर दिया।

श्लोक 8 (vishnu.5.36.8)

तेन विक्षोभितश्चाब्धिरुद्वेलो द्विज जायते । प्लावयंस्तीरजान् ग्रामान् पुरादीन् अतिवेगवान्

tena vikṣobhitaścābdhirudvelo dvija jāyate plāvayaṁstīrajān grāmān purādīn ativegavān

हे द्विज! इस प्रकार क्षुब्ध होकर समुद्र अपनी सीमा तोड़कर अत्यंत वेगपूर्वक तटवर्ती ग्रामों, नगरों आदि को जलमग्न करने लगा।

श्लोक 9 (vishnu.5.36.9)

कामरूपी महारूपं कृत्वा सस्यान्य् अशेषतः । लुठन् भ्रमणसंमर्दैः संचूर्णयति वानरः

kāmarūpī mahārūpaṁ kṛtvā sasyāny aśeṣataḥ luṭhan bhramaṇasaṁmardaiḥ saṁcūrṇayati vānaraḥ

इच्छानुसार रूप धारण करने वाला वह वानर, विशाल रूप बनाकर, लोटते-घूमते हुए तथा रौंदते हुए समस्त फसलों को पूर्णतः चूर्ण कर देता था।

श्लोक 10 (vishnu.5.36.10)

तेन विप्रकृतं सर्वं जगद् एतद् दुरात्मना । निःस्वाध्यायवषट्कारं मैत्रेयासीत् सुदुःखितम्

tena viprakṛtaṁ sarvaṁ jagad etad durātmanā niḥsvādhyāyavaṣaṭkāraṁ maitreyāsīt suduḥkhitam

हे मैत्रेय! उस दुरात्मा द्वारा सम्पूर्ण जगत तहस-नहस हो गया, स्वाध्याय और वषट्कार से रहित हो गया, तथा अत्यंत दुःखी हो गया।

श्लोक 11 (vishnu.5.36.11)

एकदा रैवतोद्याने पपौ पानं हलायुधः । रेवती च महाभागा तथैवान्या वरस्त्रियः

ekadā raivatodyāne papau pānaṁ halāyudhaḥ revatī ca mahābhāgā tathaivānyā varastriyaḥ

एक दिन रैवत उद्यान में हलायुध ने महाभागा रेवती तथा अन्य श्रेष्ठ स्त्रियों के साथ मदिरापान किया।

श्लोक 12 (vishnu.5.36.12)

उपगीयमानो विलसल्ललनामौलिमध्यगः । रेमे यदुवरश्रेष्ठः कुबेर इव मन्दरे

upagīyamāno vilasallalanāmaulimadhyagaḥ reme yaduvaraśreṣṭhaḥ kubera iva mandare

गीत गाई जाती हुई, चमकती हुई ललनाओं के मध्य विराजमान, यदुवीरों में श्रेष्ठ वह मन्दराचल पर कुबेर के समान क्रीड़ा करने लगे।

श्लोक 13 (vishnu.5.36.13)

ततः स वानरोऽभ्येत्य गृहीत्वा सीरिणो हलम् । मुसलं च चकारास्य संमुखं सविडम्बनम्

tataḥ sa vānaro'bhyetya gṛhītvā sīriṇo halam musalaṁ ca cakārāsya saṁmukhaṁ saviḍambanam

तब वह वानर पास आकर हलधारी का हल तथा मूसल छीनकर उनके समक्ष उपहासपूर्ण चेष्टाएँ करने लगा।

श्लोक 14 (vishnu.5.36.14)

तथैव योषितां तासां जहासाभिमुखं कपिः । पानपूर्णांश्च करकाञ् चिक्षेपाहत्य वै पदा

tathaiva yoṣitāṁ tāsāṁ jahāsābhimukhaṁ kapiḥ pānapūrṇāṁśca karakāñ cikṣepāhatya vai padā

उसी प्रकार उस वानर ने उन स्त्रियों के सम्मुख भी उपहास किया, और मदिरापूर्ण पात्रों को पैर से मारकर फेंक दिया।

श्लोक 15 (vishnu.5.36.15)

ततः कोपपरीतात्मा भर्त्सयाम् आस तं बलः । तथापि तम् अवज्ञाय चक्रे किलकिलाध्वनिम्

tataḥ kopaparītātmā bhartsayām āsa taṁ balaḥ tathāpi tam avajñāya cakre kilakilādhvanim

तब क्रोध से आविष्ट होकर बल ने उसे डाँटा; फिर भी उसकी उपेक्षा कर उस वानर ने किलकिल शब्द किया।

श्लोक 16 (vishnu.5.36.16)

ततः समुत्थाय बलो जगृहे मुसलं रुषा । सोऽपि शैलशिलां भीमां जग्राह प्लवगोत्तमः

tataḥ samutthāya balo jagṛhe musalaṁ ruṣā so'pi śailaśilāṁ bhīmāṁ jagrāha plavagottamaḥ

तब बल उठकर क्रोधपूर्वक अपना मूसल उठा लिया; और उस श्रेष्ठ वानर ने भी एक भयंकर पर्वत-शिला उठा ली।

श्लोक 17 (vishnu.5.36.17)

चिक्षेप च स तां क्षिप्तां मुसलेन सहस्रधा । बिभेद यादवश्रेष्ठः सा पपात महीतले

cikṣepa ca sa tāṁ kṣiptāṁ musalena sahasradhā bibheda yādavaśreṣṭhaḥ sā papāta mahītale

उसने उस शिला को फेंका, और यादवश्रेष्ठ (बल) ने अपने मूसल से फेंकी गई उस शिला को सहस्र टुकड़ों में तोड़ डाला; वह पृथ्वी पर गिर पड़ी।

श्लोक 18 (vishnu.5.36.18)

आपतन् मुसलं चासौ समुल्लङ्घ्य प्लवंगमः । वेगेनागम्य रोषेण तलेनोरस्य् अताडयत्

āpatan musalaṁ cāsau samullaṅghya plavaṁgamaḥ vegenāgamya roṣeṇa talenorasy atāḍayat

और उस वानर ने आते हुए मूसल को लाँघकर, वेगपूर्वक तथा क्रोधवश आगे बढ़कर, हथेली से उनकी छाती पर प्रहार किया।

श्लोक 19 (vishnu.5.36.19)

ततो बलेन कोपेन मुष्टिना मूर्ध्नि ताडितः । पपात रुधिरोद्गारी द्विविदः क्षीणजीवितः

tato balena kopena muṣṭinā mūrdhni tāḍitaḥ papāta rudhirodgārī dvividaḥ kṣīṇajīvitaḥ

तब बल के क्रुद्ध मुष्टि-प्रहार से सिर पर आहत होकर, रक्त उगलता हुआ दुविद क्षीण-जीवन होकर गिर पड़ा।

श्लोक 20 (vishnu.5.36.20)

पतता तच्छरीरेण गिरेः शृङ्गम् अशीर्यत । मैत्रेय शतधा वज्रिवज्रेणेव हि ताडितम्

patatā taccharīreṇa gireḥ śṛṅgam aśīryata maitreya śatadhā vajrivajreṇeva hi tāḍitam

हे मैत्रेय! उसके शरीर के गिरने से पर्वत का शिखर सैकड़ों टुकड़ों में बिखर गया, मानो इन्द्र के वज्र से ही आहत हुआ हो।

श्लोक 21 (vishnu.5.36.21)

पुष्पवृष्टिं ततो देवा रामस्योपरि चिक्षिपुः । प्रशशंसुस्तथाभ्येत्य साध्व् एतत् ते महत् कृतम्

puṣpavṛṣṭiṁ tato devā rāmasyopari cikṣipuḥ praśaśaṁsustathābhyetya sādhv etat te mahat kṛtam

तब देवताओं ने राम पर पुष्पवर्षा की और समीप आकर उनकी प्रशंसा की — 'तुम्हारा यह महान् कार्य उत्तम है!'

श्लोक 22 (vishnu.5.36.22)

अनेन दुष्टकपिना दैत्यपक्षोपकारिणा । जगन् निराकृतं वीर दिष्ट्या स क्षयम् आगतः

anena duṣṭakapinā daityapakṣopakāriṇā jagan nirākṛtaṁ vīra diṣṭyā sa kṣayam āgataḥ

'हे वीर! दैत्य-पक्ष का सहायक यह दुष्ट वानर जगत को पीड़ित कर रहा था; सौभाग्य से आज इसका अन्त हो गया।'

श्लोक 23 (vishnu.5.36.23)

पराशर उवाच । एवंविधान्य् अनेकानि बलदेवस्य धीमतः । कर्माण्य् अपरिमेयानि शेषस्य धरणीभृतः

parāśara uvāca evaṁvidhāny anekāni baladevasya dhīmataḥ karmāṇy aparimeyāni śeṣasya dharaṇībhṛtaḥ

पराशर ने कहा — इस प्रकार के अनेक अपरिमेय कर्म बुद्धिमान् बलदेव, पृथ्वी के धारक शेष, ने किए।