प्रलम्बासुर-वध

श्लोक 1 (vishnu.5.9.1)

श्रीपराशर उवाच । तस्मिन्रासभदैतेये सानुगे विनिपातिते । सौम्यं तद्गोपगोपीनां रम्यं तालवनं बभौ

śrīparāśara uvāca tasminrāsabhadaiteye sānuge vinipātite saumyaṁ tadgopagopīnāṁ ramyaṁ tālavanaṁ babhau

पराशर जी ने कहा — उस गर्दभ-दैत्य के अपने अनुचरों सहित मारे जाने पर वह ताड़वन गोप-गोपियों के लिए सौम्य और रमणीय हो गया।

श्लोक 2 (vishnu.5.9.2)

ततस्तौ जातहर्षौ तु वसुदेवसुतावुभौ । हत्वा धेनुकदैतेयं भाण्डीरवटमागतौ

tatastau jātaharṣau tu vasudevasutāvubhau hatvā dhenukadaiteyaṁ bhāṇḍīravaṭamāgatau

तब वसुदेव के दोनों पुत्र हर्षित होकर, धेनुक दैत्य का वध करके, भाण्डीर वटवृक्ष के पास आए।

श्लोक 3 (vishnu.5.9.3)

क्ष्वेलमानौ प्रगायन्तौ विचिन्वन्तौ च पादपान् । चारयन्तौ च गा दूरे व्याहरन्तौ च नामभिः

kṣvelamānau pragāyantau vicinvantau ca pādapān cārayantau ca gā dūre vyāharantau ca nāmabhiḥ

वे परस्पर हास-परिहास करते, गाते हुए, वृक्षों से फल चुनते, दूर तक गौओं को चराते और उन्हें नाम लेकर पुकारते थे।

श्लोक 4 (vishnu.5.9.4)

निर्योगपाशस्कन्धौ तौ वनमालाविभूषितौ । शुशुभाते महात्मानौ बालशृङ्गाविवर्षभौ

niryogapāśaskandhau tau vanamālāvibhūṣitau śuśubhāte mahātmānau bālaśṛṅgāvivarṣabhau

कंधों पर बंधन-रस्सी डाले, वनमाला से विभूषित वे दोनों महात्मा, मानो नवशृंगी दो युवा वृषभों के समान शोभायमान हो रहे थे।

श्लोक 5 (vishnu.5.9.5)

सुवर्णाञ्जनचूर्णाभ्यां तौ तदा रूषितांबरौ । महेन्द्रायुधसंयुक्तौ श्वेतकृष्णाविवांबुदौ

suvarṇāñjanacūrṇābhyāṁ tau tadā rūṣitāṁbarau mahendrāyudhasaṁyuktau śvetakṛṣṇāvivāṁbudau

उनके वस्त्र स्वर्ण-चूर्ण तथा अंजन-चूर्ण से युक्त थे, और मानो इन्द्रधनुष से सज्जित, वे श्वेत और श्याम दो मेघों के समान प्रतीत होते थे।

श्लोक 6 (vishnu.5.9.6)

चेरतुर्लौकसिद्धाभिः क्रीडाभिरितरेतरम् । समस्तलोकनाथानां नाथभूतौ भुवं गतौ

ceraturlaukasiddhābhiḥ krīḍābhiritaretaram samastalokanāthānāṁ nāthabhūtau bhuvaṁ gatau

समस्त लोकपतियों के भी स्वामी होने पर भी, पृथ्वी पर आए हुए वे दोनों लौकिक जनों की सामान्य क्रीड़ाओं से परस्पर खेलने लगे।

श्लोक 7 (vishnu.5.9.7)

मनुष्यधर्माभिरतौ मानयन्तौ मनुष्यताम् । तज्जातिगुणयुक्ताभिः क्रीडाभिश्चेरतुर्वनम्

manuṣyadharmābhiratau mānayantau manuṣyatām tajjātiguṇayuktābhiḥ krīḍābhiśceraturvanam

मनुष्योचित आचरण में रत, मनुष्यत्व का सम्मान करते हुए, वे उस गोप-जाति के अनुरूप गुणों वाली क्रीड़ाओं से वन में विचरण करते थे।

श्लोक 8 (vishnu.5.9.8)

ततस्त्वान्दोलिकाभिश्च नियुद्धैश्च महाबलौ । व्यायामं चक्रतुस्तत्र क्षेपणीयैस्तथाश्मभिः

tatastvāndolikābhiśca niyuddhaiśca mahābalau vyāyāmaṁ cakratustatra kṣepaṇīyaistathāśmabhiḥ

तब उन दोनों महाबलियों ने वहाँ झूलों, कुश्ती और पत्थर फेंकने जैसे व्यायाम किए।

श्लोक 9 (vishnu.5.9.9)

तल्लिप्सुरसुरस्तत्र ह्युभयो रममाणयोः । आजगाम प्रलंबाख्यो गोपवेषतिरोहितः

tallipsurasurastatra hyubhayo ramamāṇayoḥ ājagāma pralaṁbākhyo gopaveṣatirohitaḥ

उन दोनों के इस प्रकार खेलते समय, उन्हें पकड़ने की इच्छा से गोपवेश में छिपा हुआ प्रलम्ब नामक एक असुर वहाँ आया।

श्लोक 10 (vishnu.5.9.10)

सोऽवगाहत निःशङ्कस्तेषां मध्यममानुषः । मानुषं वपुरास्थाय प्रलंबो दानवोत्तमः

so'vagāhata niḥśaṅkasteṣāṁ madhyamamānuṣaḥ mānuṣaṁ vapurāsthāya pralaṁbo dānavottamaḥ

वह दानवश्रेष्ठ प्रलम्ब मनुष्य-रूप धारण करके निःशंक होकर उनके बीच मनुष्य के समान जा मिला।

श्लोक 11 (vishnu.5.9.11)

तयोशिछ्द्रान्तरप्रेप्सुरविषह्यममन्यत । कृष्णं ततो रौहिणेयं हन्तुं चक्रे मनोरथम्

tayośichdrāntaraprepsuraviṣahyamamanyata kṛṣṇaṁ tato rauhiṇeyaṁ hantuṁ cakre manoratham

उन दोनों में छिद्र खोजते हुए उसने कृष्ण को असह्य समझा, और तब रोहिणीपुत्र बलराम को मारने का मन बना लिया।

श्लोक 12 (vishnu.5.9.12)

हरिणाक्रीडनं नाम बालक्रीडनकं ततः । प्रकुर्वन्तो हि ते सर्वे द्वौद्वौ युगपदुत्थितौ

hariṇākrīḍanaṁ nāma bālakrīḍanakaṁ tataḥ prakurvanto hi te sarve dvaudvau yugapadutthitau

तब उन सबने 'हरिण-क्रीड़ा' नामक एक बालोचित खेल आरम्भ किया, जिसमें दो-दो जोड़े एक साथ उठते थे।

श्लोक 13 (vishnu.5.9.13)

श्रीदाम्ना सह गोविन्दः प्रलंबेन तथा बलः । गोपालौरपरैश्चान्ये गोपालाः पुप्लुवुस्ततः

śrīdāmnā saha govindaḥ pralaṁbena tathā balaḥ gopālauraparaiścānye gopālāḥ pupluvustataḥ

गोविन्द श्रीदामा के साथ, और बलराम प्रलम्ब के साथ, तथा अन्य गोपाल अन्य गोपालों के साथ मिलकर उस समय दौड़ने लगे।

श्लोक 14 (vishnu.5.9.14)

श्रीदामानं ततः कृष्णः प्रलंबं रोहिणीसुतः । जितवान्कृष्णपक्षीयैर्गोपैरन्ये पराजिताः

śrīdāmānaṁ tataḥ kṛṣṇaḥ pralaṁbaṁ rohiṇīsutaḥ jitavānkṛṣṇapakṣīyairgopairanye parājitāḥ

तब कृष्ण ने श्रीदामा को और रोहिणीपुत्र बलराम ने प्रलम्ब को पराजित कर दिया; और अन्य गोप, कृष्ण के पक्ष के गोपों द्वारा पराजित हुए।

श्लोक 15 (vishnu.5.9.15)

ते वाहयन्तस्त्वन्योन्यं भाण्डीरं वटमेत्य वै । पुनर्निववृतुः सर्वे येये तत्र परिजिताः

te vāhayantastvanyonyaṁ bhāṇḍīraṁ vaṭametya vai punarnivavṛtuḥ sarve yeye tatra parijitāḥ

जो-जो वहाँ पराजित हुए थे, वे एक-दूसरे को पीठ पर ढोते हुए भाण्डीर वटवृक्ष तक गए, और फिर सभी वहाँ से लौट आए।

श्लोक 16 (vishnu.5.9.16)

संकर्षणं तु स्कन्धेन शीघ्रमुत्क्षिप्य दानवः । नभःस्थलं जगामाशु सचन्द्र इव वारिदः

saṁkarṣaṇaṁ tu skandhena śīghramutkṣipya dānavaḥ nabhaḥsthalaṁ jagāmāśu sacandra iva vāridaḥ

परन्तु उस दानव ने संकर्षण को शीघ्रता से अपने कंधे पर उठाकर आकाश में उड़ान भर दी, मानो चन्द्रमा को लिए हुए कोई मेघ हो।

श्लोक 17 (vishnu.5.9.17)

असहन्रौहिणेयस्य स भारं दानवोत्तमः । ववृधे स महाकायः प्रावृषीव बलाहकः

asahanrauhiṇeyasya sa bhāraṁ dānavottamaḥ vavṛdhe sa mahākāyaḥ prāvṛṣīva balāhakaḥ

रोहिणीपुत्र के भार को सहन न कर पाता हुआ वह दानवश्रेष्ठ, वर्षाकाल के मेघ के समान, विशालकाय होकर बढ़ने लगा।

श्लोक 18 (vishnu.5.9.18)

संकर्षणस्तु तं दृष्ट्वा दग्धशैलोपमाकृतिम् । स्रग्दामलंबाभरणं मकुटाटोपमस्तकम्

saṁkarṣaṇastu taṁ dṛṣṭvā dagdhaśailopamākṛtim sragdāmalaṁbābharaṇaṁ makuṭāṭopamastakam

संकर्षण ने उसे इस प्रकार देखा — जलते हुए पर्वत के समान आकृति वाला, लटकती हुई मालाओं से आभूषित, तथा ऊँचे मुकुट वाला —

श्लोक 19 (vishnu.5.9.19)

रौद्रं शकटचक्राक्षं पादन्यास चलत्क्षितिम् । अभीतमनसा तेन रक्षसा रोहिणीसुतः । ह्रियमाणस्ततः कृष्णमिदं वचनमब्रवीत्

raudraṁ śakaṭacakrākṣaṁ pādanyāsa calatkṣitim abhītamanasā tena rakṣasā rohiṇīsutaḥ hriyamāṇastataḥ kṛṣṇamidaṁ vacanamabravīt

— भयंकर, गाड़ी के चक्र के समान नेत्रों वाला, जिसके पैर रखने से पृथ्वी काँपती थी; उस राक्षस द्वारा इस प्रकार ले जाए जाते हुए भी निर्भय मन वाले रोहिणीपुत्र ने कृष्ण से यह वचन कहा।

श्लोक 20 (vishnu.5.9.20)

कृष्णाकृष्ण ह्रियाम्येष पर्वतोदग्रमूर्तिना । केनापि पश्य दैत्येन गोपालच्छद्मरूपिणा

kṛṣṇākṛṣṇa hriyāmyeṣa parvatodagramūrtinā kenāpi paśya daityena gopālacchadmarūpiṇā

'हे कृष्ण! हे कृष्ण! देखो, पर्वत के समान विशाल आकृति वाला, गोपाल के छद्मवेश में छिपा हुआ कोई दैत्य मुझे ले जा रहा है!'

श्लोक 21 (vishnu.5.9.21)

यदत्र सांप्रतं कार्यं मया मधुनिषूदन । तत्कथ्यतां प्रयात्येष दुरात्मातित्वरान्वितः

yadatra sāṁprataṁ kāryaṁ mayā madhuniṣūdana tatkathyatāṁ prayātyeṣa durātmātitvarānvitaḥ

'हे मधुसूदन! इस समय मुझे क्या करना चाहिए, वह बताओ; यह दुरात्मा अत्यंत तीव्रता से जा रहा है।'

श्लोक 22 (vishnu.5.9.22)

श्रीपराशर उवाच । तमाह रामं गोविन्दः स्मितभिन्नोष्ठसंपुटः । महात्मा रौहिणेयस्य बलवीर्यप्रमाणवित्

śrīparāśara uvāca tamāha rāmaṁ govindaḥ smitabhinnoṣṭhasaṁpuṭaḥ mahātmā rauhiṇeyasya balavīryapramāṇavit

पराशर जी ने कहा — मुस्कान से होंठ खोलते हुए, रोहिणीपुत्र के बल-पराक्रम की सीमा को भली-भाँति जानने वाले महात्मा गोविन्द ने राम से यह कहा।

श्लोक 23 (vishnu.5.9.23)

श्रीकृष्ण उवाच । किमयं मानुषो भावो व्यक्तमेवावलंब्यते । सर्वात्मन् सर्वगुह्यानां गुह्यगुह्यात्मना त्वया

śrīkṛṣṇa uvāca kimayaṁ mānuṣo bhāvo vyaktamevāvalaṁbyate sarvātman sarvaguhyānāṁ guhyaguhyātmanā tvayā

श्रीकृष्ण ने कहा — हे सर्वात्मन्! समस्त गुह्यों के भी परम गुह्य स्वरूप आप, यह मनुष्योचित भाव इतने स्पष्ट रूप से क्यों अपना रहे हैं?

श्लोक 24 (vishnu.5.9.24)

स्मराशेषजगद्बीजकारणं कारणाग्रज । आत्मानमेकं तद्वच्च जगत्येकार्णवे च यत्

smarāśeṣajagadbījakāraṇaṁ kāraṇāgraja ātmānamekaṁ tadvacca jagatyekārṇave ca yat

'हे कारणों में अग्रज! स्मरण कीजिए कि आप ही सम्पूर्ण जगत् के बीज-कारण हैं — जो प्रलयकालीन एकार्णव में भी वही एक आत्मा थे।'

श्लोक 25 (vishnu.5.9.25)

किं न वेत्सि यथाहं च त्वं चैकं कारणं भुवः । भारावतारणार्थाय मर्त्यलोकमुपागतौ

kiṁ na vetsi yathāhaṁ ca tvaṁ caikaṁ kāraṇaṁ bhuvaḥ bhārāvatāraṇārthāya martyalokamupāgatau

'क्या आप नहीं जानते कि मैं और आप पृथ्वी के एक ही कारण हैं, और भार उतारने के लिए ही हम दोनों मर्त्यलोक में आए हैं?'

श्लोक 26 (vishnu.5.9.26)

नभश्शिरस्तेंबुवहाश्च केशाः पादौ क्षितिर्वक्त्रमनन्तवह्नि । सोमो मनस्ते श्वसितं समीरणो दिशश्चतस्रोऽव्यय बाहवस्ते

nabhaśśirasteṁbuvahāśca keśāḥ pādau kṣitirvaktramanantavahni somo manaste śvasitaṁ samīraṇo diśaścatasro'vyaya bāhavaste

'आकाश आपका मस्तक है, मेघ आपके केश हैं, पृथ्वी आपके चरण, अनन्त अग्नि आपका मुख; चन्द्रमा आपका मन, वायु आपका श्वास, और हे अव्यय! चारों दिशाएँ आपकी भुजाएँ हैं।'

श्लोक 27 (vishnu.5.9.27)

सहस्रवक्त्रो भगवान्महात्मा सहस्रहस्ताङ्घ्रिशरीरभेदः । सहस्रपद्मोद्भवयोनिराद्यःसहस्रशस्त्वां मुनयो गृणन्ति

sahasravaktro bhagavānmahātmā sahasrahastāṅghriśarīrabhedaḥ sahasrapadmodbhavayonirādyaḥsahasraśastvāṁ munayo gṛṇanti

'हे भगवन्! आप सहस्रमुख, सहस्र हाथ-पैरों वाले शरीर से युक्त, सहस्र कमल-उत्पत्ति के आदि-स्रोत हैं — मुनिगण सहस्र प्रकार से आपकी स्तुति करते हैं।'

श्लोक 28 (vishnu.5.9.28)

दिव्यं हि रूपं तव वेत्ति नान्यो देवैरशेषैरवताररूपम् । तदर्च्यते वेत्सि न किं यदन्ते त्वय्येव विश्वं लयमभ्युपैति

divyaṁ hi rūpaṁ tava vetti nānyo devairaśeṣairavatārarūpam tadarcyate vetsi na kiṁ yadante tvayyeva viśvaṁ layamabhyupaiti

'आपके दिव्य रूप को कोई नहीं जानता; समस्त देवता भी केवल आपके अवतार-रूप की ही पूजा करते हैं। क्या आप नहीं जानते कि अन्त में यह सम्पूर्ण विश्व आप में ही विलीन हो जाता है?'

श्लोक 29 (vishnu.5.9.29)

त्वया धृतेयं धरणी बिभर्ति चराचरं विश्वमनन्तमूर्ते । कृतादिभेदैरज कालरूपो निमेषपूर्वो जगदेतदत्सि

tvayā dhṛteyaṁ dharaṇī bibharti carācaraṁ viśvamanantamūrte kṛtādibhedairaja kālarūpo nimeṣapūrvo jagadetadatsi

'हे अनन्तमूर्ते! आपके द्वारा धारण की गई यह पृथ्वी चराचर विश्व को धारण करती है; हे अज! कृत आदि युगों के भेद से कालरूप धारण करके, क्षणमात्र से आरम्भ करके आप ही इस जगत् को ग्रस लेते हैं।'

श्लोक 30 (vishnu.5.9.30)

अत्तं यथा बाडववह्निनांबु हिमस्वरूपं परिगृह्य कास्तम् । हिमाचले भानुमतोंशुसंगाज्जलत्वमभ्येति पुनस्तदेव

attaṁ yathā bāḍavavahnināṁbu himasvarūpaṁ parigṛhya kāstam himācale bhānumatoṁśusaṁgājjalatvamabhyeti punastadeva

'जैसे जल बड़वाग्नि द्वारा ग्रस लिया जाता है, और हिम-स्वरूप धारण करके हिमालय पर स्थित होकर, सूर्य की किरणों के संसर्ग से वही जल पुनः जल-रूप को प्राप्त होता है।'

श्लोक 31 (vishnu.5.9.31)

एवं त्वया संहरणेऽत्तमेतज्जगत्समस्तं त्वदधीनकं पुनः । तवैव सर्गाय समुद्यतस्य जगत्त्वमभ्येत्यसुकल्पमीश

evaṁ tvayā saṁharaṇe'ttametajjagatsamastaṁ tvadadhīnakaṁ punaḥ tavaiva sargāya samudyatasya jagattvamabhyetyasukalpamīśa

'उसी प्रकार, हे ईश! प्रलयकाल में आपके द्वारा यह सम्पूर्ण, आपके ही अधीन जगत् ग्रस लिया जाता है; और जब आप सृष्टि के लिए उद्यत होते हैं, तब यह जगत् क्षणमात्र में आप से ही उत्पन्न हो जाता है।'

श्लोक 32 (vishnu.5.9.32)

भवानहं च विश्वात्मन्नेकमेव च कारणम् । जगतोस्य जगत्यर्थे भेदेनावां व्यवस्थितौ

bhavānahaṁ ca viśvātmannekameva ca kāraṇam jagatosya jagatyarthe bhedenāvāṁ vyavasthitau

'हे विश्वात्मन्! आप और मैं दोनों एक ही कारण हैं; इस जगत् के हित के लिए ही हम दोनों भेद-रूप में स्थित हैं।'

श्लोक 33 (vishnu.5.9.33)

तत्स्मर्यताममेयात्मस्त्वयात्मा जहि दानवम् । मानुष्यमेवावलंब्य बन्धूनां क्रियतां हितम्

tatsmaryatāmameyātmastvayātmā jahi dānavam mānuṣyamevāvalaṁbya bandhūnāṁ kriyatāṁ hitam

'अतः हे अमेय आत्मा! इसका स्मरण कीजिए और अपने आत्मबल से इस दानव का वध कीजिए; और मनुष्य-रूप को धारण किए हुए ही बन्धुओं का हित कीजिए।'

श्लोक 34 (vishnu.5.9.34)

श्री पराशर उवाच । इति संस्मारितो विप्र कृष्णेन सुमहात्मना । विहस्य पीडयामास प्रलंबं बलवान्बलः

śrī parāśara uvāca iti saṁsmārito vipra kṛṣṇena sumahātmanā vihasya pīḍayāmāsa pralaṁbaṁ balavānbalaḥ

पराशर जी ने कहा — हे विप्र! महात्मा कृष्ण द्वारा इस प्रकार स्मरण कराए जाने पर, बलशाली बलराम ने हँसते हुए प्रलम्ब को पीड़ित करना आरम्भ किया।

श्लोक 35 (vishnu.5.9.35)

मुष्टिना सोहनन्मूर्ध्नि कोपसंरक्तलोचनः । तेन चास्य प्रहारेण बहिर्याते विलोचने

muṣṭinā sohananmūrdhni kopasaṁraktalocanaḥ tena cāsya prahāreṇa bahiryāte vilocane

क्रोध से लाल नेत्रों वाले बलराम ने अपनी मुट्ठी से उसके सिर पर प्रहार किया; और उस प्रहार से उसके नेत्र बाहर निकल आए।

श्लोक 36 (vishnu.5.9.36)

स निष्कासितमस्तिष्को मुखाच्छोणितमुद्वमन् । निपपात महीपृष्ठे दत्य वर्यो ममार च

sa niṣkāsitamastiṣko mukhācchoṇitamudvaman nipapāta mahīpṛṣṭhe datya varyo mamāra ca

उसका मस्तिष्क बाहर निकल आया और वह मुख से रक्त वमन करता हुआ, वह श्रेष्ठ दैत्य भूमि पर गिरकर मर गया।

श्लोक 37 (vishnu.5.9.37)

प्रलंबं निहतं दृष्ट्वा बलेनाद्भुतकर्मणा । प्रहृष्टास्तुष्टुवुर्गौपाःसाधुसाध्विति चाब्रुवन्

pralaṁbaṁ nihataṁ dṛṣṭvā balenādbhutakarmaṇā prahṛṣṭāstuṣṭuvurgaupāḥsādhusādhviti cābruvan

अद्भुत-कर्मा बलराम द्वारा प्रलम्ब को मारा गया देखकर हर्षित गोप उनकी प्रशंसा करने लगे और 'साधु-साधु' कहने लगे।

श्लोक 38 (vishnu.5.9.38)

संस्तूयमानो गोपैस्तु रामो दैत्ये निपातिते । प्रलंबं सह कृष्णेन पुनर्गोकुलमाययौ

saṁstūyamāno gopaistu rāmo daitye nipātite pralaṁbaṁ saha kṛṣṇena punargokulamāyayau

दैत्य के मारे जाने पर गोपों द्वारा स्तुति किए जाते हुए राम, प्रलम्ब को वहीं छोड़कर कृष्ण के साथ पुनः गोकुल लौट आए।