महर्षि अगस्त्य का आश्रम

श्लोक 1 (aranya.12.1)

स प्रविश्याश्रमपदं लक्ष्मणो राघवानुजः । अगस्त्यशिष्यमासाद्य वाक्यमेतदुवाच ह ॥ 12.1 ॥

sa praviśyāśramapadaṃ lakṣmaṇo rāghavānujaḥ | agastyaśiṣyamāsādya vākyametaduvāca ha || 12.1 ||

राघव के अनुज लक्ष्मण ने आश्रम में प्रवेश करके अगस्त्य के एक शिष्य के पास जाकर यह वचन कहा —

श्लोक 2 (aranya.12.2)

राजा दशरथो नाम ज्येष्ठस्तस्य सुतो बली । रामः प्राप्तो मुनिं द्रष्टुं भार्यया सह सीतया ॥ 12.2 ॥

rājā daśaratho nāma jyeṣṭhastasya suto balī | rāmaḥ prāpto muniṃ draṣṭuṃ bhāryayā saha sītayā || 12.2 ||

"दशरथ नाम के एक राजा थे; उनके ज्येष्ठ और बलवान पुत्र राम अपनी पत्नी सीता सहित मुनि के दर्शन के लिए यहाँ आए हैं।

श्लोक 3 (aranya.12.3)

लक्ष्मणो नाम तस्याहं भ्राता त्ववरजो हितः । अनुकूलश्च भक्तश्च यदि ते श्रोत्रमागतः ॥ 12.3 ॥

lakṣmaṇo nāma tasyāhaṃ bhrātā tvavarajo hitaḥ | anukūlaśca bhaktaśca yadi te śrotramāgataḥ || 12.3 ||

मैं उनका छोटा भाई हूँ, नाम लक्ष्मण, उनका हितैषी, अनुकूल और भक्त — यदि यह नाम कभी आपके कानों तक पहुँचा हो।

श्लोक 4 (aranya.12.4)

ते वयं वनमत्युग्रं प्रविष्टाः पितृशासनात् । द्रष्टुमिच्छामहे सर्वे भगवन्तं निवेद्यताम् ॥ 12.4 ॥

te vayaṃ vanamatyugraṃ praviṣṭāḥ pitṛśāsanāt | draṣṭumicchāmahe sarve bhagavantaṃ nivedyatām || 12.4 ||

पिता की आज्ञा से हम इस अत्यंत भयंकर वन में आए हैं, और हम सब भगवान अगस्त्य के दर्शन करना चाहते हैं — कृपया उन्हें यह सूचित कीजिए।"

श्लोक 5 (aranya.12.5)

तस्य तद् वचनं श्रुत्वा लक्ष्मणस्य तपोधनः । तथेत्युक्त्वाग्निशरणं प्रविवेश निवेदितुम् ॥ 12.5 ॥

tasya tad vacanaṃ śrutvā lakṣmaṇasya tapodhanaḥ | tathetyuktvāgniśaraṇaṃ praviveśa niveditum || 12.5 ||

लक्ष्मण की यह बात सुनकर उस तपोधन शिष्य ने "ऐसा ही हो" कहकर सूचना देने के लिए अग्नि-शरण में प्रवेश किया।

श्लोक 6 (aranya.12.6)

स प्रविश्य मुनिश्रेष्ठं तपसा दुष्प्रधर्षणम् । कृताञ्जलिरुवाचेदं रामागमनमञ्जसा ॥ 12.6 ॥

sa praviśya muniśreṣṭhaṃ tapasā duṣpradharṣaṇam | kṛtāñjaliruvācedaṃ rāmāgamanamañjasā || 12.6 ||

भीतर जाकर, तप से दुर्धर्ष उस मुनिश्रेष्ठ से हाथ जोड़कर उसने राम के आगमन का सीधा-सादा समाचार इस प्रकार कहा —

श्लोक 7 (aranya.12.7)

यथोक्तं लक्ष्मणेनैव शिष्योऽगस्त्यस्य सम्मतः । पुत्रौ दशरथस्येमौ रामो लक्ष्मण एव च ॥ 12.7 ॥

yathoktaṃ lakṣmaṇenaiva śiṣyo'gastyasya sammataḥ | putrau daśarathasyemau rāmo lakṣmaṇa eva ca || 12.7 ||

— जैसा लक्ष्मण ने कहा था, ठीक वैसे ही अगस्त्य के विश्वसनीय शिष्य ने कहा — "राजा दशरथ के ये दोनों पुत्र, राम और लक्ष्मण,

श्लोक 8 (aranya.12.8)

प्रविष्टावाश्रमपदं सीतया सह भार्यया । द्रष्टुं भवन्तमायातौ शुश्रूषार्थमरिंदमौ ॥ 12.8 ॥

praviṣṭāvāśramapadaṃ sītayā saha bhāryayā | draṣṭuṃ bhavantamāyātau śuśrūṣārthamariṃdamau || 12.8 ||

— वे दोनों शत्रुदमन, राम की पत्नी सीता सहित आश्रम में आए हैं, आपके दर्शन और सेवा के लिए।

श्लोक 9 (aranya.12.9)

यदत्रानन्तरं तत् त्वमाज्ञापयितुमर्हसि । ततः शिष्यादुपश्रुत्य प्राप्तं रामं सलक्ष्मणम् ॥ 12.9 ॥

yadatrānantaraṃ tat tvamājñāpayitumarhasi | tataḥ śiṣyādupaśrutya prāptaṃ rāmaṃ salakṣmaṇam || 12.9 ||

अब आगे जो उचित हो, वह आज्ञा दीजिए।" तब शिष्य से यह सुनकर कि राम लक्ष्मण सहित आए हैं —

श्लोक 10 (aranya.12.10)

वैदेहीं च महाभागामिदं वचनमब्रवीत् । दिष्ट्या रामश्चिरस्याद्य द्रष्टुं मां समुपागतः ॥ 12.10 ॥

vaidehīṃ ca mahābhāgāmidaṃ vacanamabravīt | diṣṭyā rāmaścirasyādya draṣṭuṃ māṃ samupāgataḥ || 12.10 ||

— और महाभागा वैदेही भी साथ हैं, मुनि ने यह वचन कहा — "सौभाग्य से आज दीर्घकाल के बाद राम मेरे दर्शन के लिए आए हैं।

श्लोक 11 (aranya.12.11)

मनसा कांक्षितं ह्यस्य मयाप्यागमनं प्रति । गम्यतां सत्कृतो रामः सभार्यः सहलक्ष्मणः ॥ 12.11 ॥

manasā kāṃkṣitaṃ hyasya mayāpyāgamanaṃ prati | gamyatāṃ satkṛto rāmaḥ sabhāryaḥ sahalakṣmaṇaḥ || 12.11 ||

मैं भी मन ही मन उनके आगमन की कामना कर रहा था। जाओ, और पत्नी तथा लक्ष्मण सहित राम का भलीभाँति सत्कार करके —

श्लोक 12 (aranya.12.12)

प्रवेश्यतां समीपं मे किमसौ न प्रवेशितः । एवमुक्तस्तु मुनिना धर्मज्ञेन महात्मना ॥ 12.12 ॥

praveśyatāṃ samīpaṃ me kimasau na praveśitaḥ | evamuktastu muninā dharmajñena mahātmanā || 12.12 ||

— उन्हें मेरे समीप ले आओ। उन्हें अभी तक भीतर क्यों नहीं लाया गया?" धर्मज्ञ महात्मा मुनि द्वारा इस प्रकार कहे जाने पर —

श्लोक 13 (aranya.12.13)

अभिवाद्याब्रवीच्छिष्यस्तथेति नियताञ्जलिः । तदा निष्क्रम्य सम्भ्रान्तः शिष्यो लक्ष्मणमब्रवीत् ॥ 12.13 ॥

abhivādyābravīcchiṣyastatheti niyatāñjaliḥ | tadā niṣkramya sambhrāntaḥ śiṣyo lakṣmaṇamabravīt || 12.13 ||

— उस शिष्य ने विनम्रतापूर्वक हाथ जोड़कर प्रणाम करते हुए कहा "ऐसा ही होगा।" फिर बाहर निकलकर उतावले शिष्य ने लक्ष्मण से कहा —

श्लोक 14 (aranya.12.14)

कोऽसौ रामो मुनिं द्रष्टुमेतु प्रविशतु स्वयम् । ततो गत्वाऽऽश्रमपदं शिष्येण सह लक्ष्मणः ॥ 12.14 ॥

ko'sau rāmo muniṃ draṣṭumetu praviśatu svayam | tato gatvā''śramapadaṃ śiṣyeṇa saha lakṣmaṇaḥ || 12.14 ||

"कहाँ हैं वे राम? मुनि के दर्शन के लिए वे स्वयं आएँ और भीतर प्रवेश करें।" तब उस शिष्य के साथ आश्रम की ओर जाकर लक्ष्मण ने —

श्लोक 15 (aranya.12.15)

दर्शयामास काकुत्स्थं सीतां च जनकात्मजाम् । तं शिष्यः प्रश्रितं वाक्यमगस्त्यवचनं ब्रुवन् ॥ 12.15 ॥

darśayāmāsa kākutsthaṃ sītāṃ ca janakātmajām | taṃ śiṣyaḥ praśritaṃ vākyamagastyavacanaṃ bruvan || 12.15 ||

— काकुत्स्थ राम और जनकनंदिनी सीता को दिखलाया। तब वह शिष्य अगस्त्य के ही सुनम्र वचनों को दोहराते हुए —

श्लोक 16 (aranya.12.16)

प्रावेशयद् यथान्यायं सत्कारार्हं सुसत्कृतम् । प्रविवेश ततो रामः सीतया सह लक्ष्मणः ॥ 12.16 ॥

prāveśayad yathānyāyaṃ satkārārhaṃ susatkṛtam | praviveśa tato rāmaḥ sītayā saha lakṣmaṇaḥ || 12.16 ||

— सत्कार के योग्य राम को यथाविधि आदरपूर्वक भीतर ले गया। तब राम सीता और लक्ष्मण सहित प्रविष्ट हुए,

श्लोक 17 (aranya.12.17)

प्रशान्तहरिणाकीर्णमाश्रमं ह्यवलोकयन् । स तत्र ब्रह्मणः स्थानमग्नेः स्थानं तथैव च ॥ 12.17 ॥

praśāntahariṇākīrṇamāśramaṃ hyavalokayan | sa tatra brahmaṇaḥ sthānamagneḥ sthānaṃ tathaiva ca || 12.17 ||

उस आश्रम को देखते हुए, जो शांत मृगों से भरा हुआ था। वहाँ उन्होंने ब्रह्मा का स्थान, और उसी प्रकार अग्नि का स्थान देखा,

श्लोक 18 (aranya.12.18)

विष्णोः स्थानं महेन्द्रस्य स्थानं चैव विवस्वतः । सोमस्थानं भगस्थानं स्थानं कौबेरमेव च ॥ 12.18 ॥

viṣṇoḥ sthānaṃ mahendrasya sthānaṃ caiva vivasvataḥ | somasthānaṃ bhagasthānaṃ sthānaṃ kauberameva ca || 12.18 ||

विष्णु का स्थान, महेंद्र का स्थान, और सूर्य विवस्वान का भी स्थान देखा; सोम का स्थान, भग का स्थान और कुबेर का भी स्थान देखा;

श्लोक 19 (aranya.12.19)

धातुर्विधातुः स्थानं च वायोः स्थानं तथैव च । स्थानं च पाशहस्तस्य वरुणस्य महात्मनः ॥ 12.19 ॥

dhāturvidhātuḥ sthānaṃ ca vāyoḥ sthānaṃ tathaiva ca | sthānaṃ ca pāśahastasya varuṇasya mahātmanaḥ || 12.19 ||

धाता और विधाता का स्थान, तथा वायु का भी स्थान देखा; और हाथ में पाश धारण करने वाले महात्मा वरुण का भी स्थान देखा;

श्लोक 20 (aranya.12.20)

स्थानं तथैव गायत्र्या वसूनां स्थानमेव च । स्थानं च नागराजस्य गरुडस्थानमेव च ॥ 12.20 ॥

sthānaṃ tathaiva gāyatryā vasūnāṃ sthānameva ca | sthānaṃ ca nāgarājasya garuḍasthānameva ca || 12.20 ||

उसी प्रकार गायत्री का स्थान और वसुओं का भी स्थान देखा; नागराज का स्थान और गरुड़ का भी स्थान देखा;

श्लोक 21 (aranya.12.21)

कार्तिकेयस्य च स्थानं धर्मस्थानं च पश्यति । ततः शिष्यैः परिवृतो मुनिरप्यभिनिष्पतत् ॥ 12.21 ॥

kārtikeyasya ca sthānaṃ dharmasthānaṃ ca paśyati | tataḥ śiṣyaiḥ parivṛto munirapyabhiniṣpatat || 12.21 ||

और कार्तिकेय का स्थान तथा धर्म का भी स्थान देखा। तब अपने शिष्यों से घिरे हुए मुनि स्वयं भी शीघ्रता से बाहर निकले।

श्लोक 22 (aranya.12.22)

तं ददर्शाग्रतो रामो मुनीनां दीप्ततेजसाम् । अब्रवीद् वचनं वीरो लक्ष्मणं लक्ष्मिवर्धनम् ॥ 12.22 ॥

taṃ dadarśāgrato rāmo munīnāṃ dīptatejasām | abravīd vacanaṃ vīro lakṣmaṇaṃ lakṣmivardhanam || 12.22 ||

राम ने तेजस्वी मुनियों में सबसे आगे आते हुए उन अगस्त्य को देखा, और वीर राम ने यश बढ़ाने वाले लक्ष्मण से यह वचन कहा —

श्लोक 23 (aranya.12.23)

बहिर्लक्ष्मण निष्क्रामत्यगस्त्यो भगवानृषिः । औदार्येणावगच्छामि निधानं तपसामिमम् ॥ 12.23 ॥

bahirlakṣmaṇa niṣkrāmatyagastyo bhagavānṛṣiḥ | audāryeṇāvagacchāmi nidhānaṃ tapasāmimam || 12.23 ||

"लक्ष्मण, देखो, स्वयं भगवान ऋषि अगस्त्य बाहर आ रहे हैं; इनकी उदारता से ही मैं समझ जाता हूँ कि ये तप के भंडार हैं।"

श्लोक 24 (aranya.12.24)

एवमुक्त्वा महाबाहुरगस्त्यं सूर्यवर्चसम् । जग्राहापततस्तस्य पादौ च रघुनन्दनः ॥ 12.24 ॥

evamuktvā mahābāhuragastyaṃ sūryavarcasam | jagrāhāpatatastasya pādau ca raghunandanaḥ || 12.24 ||

ऐसा कहकर महाबाहु रघुनंदन राम ने पास आते हुए सूर्य के समान तेजस्वी अगस्त्य के चरण पकड़ लिए।

श्लोक 25 (aranya.12.25)

अभिवाद्य तु धर्मात्मा तस्थौ रामः कृताञ्जलिः । सीतया सह वैदेह्या तदा रामः सलक्ष्मणः ॥ 12.25 ॥

abhivādya tu dharmātmā tasthau rāmaḥ kṛtāñjaliḥ | sītayā saha vaidehyā tadā rāmaḥ salakṣmaṇaḥ || 12.25 ||

इस प्रकार प्रणाम करके धर्मात्मा राम हाथ जोड़कर खड़े हो गए; तब लक्ष्मण और वैदेही सीता सहित राम —

श्लोक 26 (aranya.12.26)

प्रतिगृह्य च काकुत्स्थमर्चयित्वाऽऽसनोदकैः । कुशलप्रश्नमुक्त्वा च आस्यतामिति सोऽब्रवीत् ॥ 12.26 ॥

pratigṛhya ca kākutsthamarcayitvā''sanodakaiḥ | kuśalapraśnamuktvā ca āsyatāmiti so'bravīt || 12.26 ||

— मुनि द्वारा स्वीकृत हुए; उन्होंने आसन और जल देकर सत्कार किया, कुशल-क्षेम पूछा, और कहा — "बैठिए।"

श्लोक 27 (aranya.12.27)

अग्निं हुत्वा प्रदायार्घ्यमतिथीन् प्रतिपूज्य च । वानप्रस्थेन धर्मेण स तेषां भोजनं ददौ ॥ 12.27 ॥

agniṃ hutvā pradāyārghyamatithīn pratipūjya ca | vānaprasthena dharmeṇa sa teṣāṃ bhojanaṃ dadau || 12.27 ||

अग्नि में हवन करके, अर्घ्य देकर और अतिथियों का सम्मान करके, उन्होंने वानप्रस्थ धर्म के अनुसार उन्हें भोजन कराया।

श्लोक 28 (aranya.12.28)

प्रथमं चोपविश्याथ धर्मज्ञो मुनिपुंगवः । उवाच राममासीनं प्राञ्जलिं धर्मकोविदम् ॥ 12.28 ॥

prathamaṃ copaviśyātha dharmajño munipuṃgavaḥ | uvāca rāmamāsīnaṃ prāñjaliṃ dharmakovidam || 12.28 ||

तब पहले स्वयं बैठकर उस धर्मज्ञ मुनिश्रेष्ठ ने हाथ जोड़े बैठे धर्म के मर्मज्ञ राम से यह कहा —

श्लोक 29 (aranya.12.29)

अग्निं हुत्वा प्रदायार्घ्यमतिथिं प्रतिपूजयेत् । अन्यथा खलु काकुत्स्थ तपस्वी समुदाचरन् । दुःसाक्षीव परे लोके स्वानि मांसानि भक्षयेत् ॥ 12.29 ॥

agniṃ hutvā pradāyārghyamatithiṃ pratipūjayet | anyathā khalu kākutstha tapasvī samudācaran | duḥsākṣīva pare loke svāni māṃsāni bhakṣayet || 12.29 ||

"तपस्वी को चाहिए कि वह अग्नि में हवन करे, अर्घ्य दे और अतिथि का सम्मान करे; अन्यथा, हे काकुत्स्थ, इसके विपरीत आचरण करने वाला तपस्वी परलोक में झूठे साक्षी के समान अपना ही मांस खाता है।

श्लोक 30 (aranya.12.30)

राजा सर्वस्य लोकस्य धर्मचारी महारथः । पूजनीयश्च मान्यश्च भवान् प्राप्तः प्रियातिथिः ॥ 12.30 ॥

rājā sarvasya lokasya dharmacārī mahārathaḥ | pūjanīyaśca mānyaśca bhavān prāptaḥ priyātithiḥ || 12.30 ||

आप समस्त लोक के राजा हैं, धर्माचरण करने वाले महारथी हैं, पूजनीय और सम्माननीय हैं, और आप मेरे प्रिय अतिथि बनकर पधारे हैं।"

श्लोक 31 (aranya.12.31)

एवमुक्त्वा फलैर्मूलैः पुष्पैश्चान्यैश्च राघवम् । पूजयित्वा यथाकामं ततोऽगस्त्यस्तमब्रवीत् ॥ 12.31 ॥

evamuktvā phalairmūlaiḥ puṣpaiścānyaiśca rāghavam | pūjayitvā yathākāmaṃ tato'gastyastamabravīt || 12.31 ||

यह कहकर और फलों, कंद-मूलों, फूलों तथा अन्य वस्तुओं से यथेच्छ राघव का सत्कार करके अगस्त्य ने उनसे यह कहा —

श्लोक 32 (aranya.12.32)

इदं दिव्यं महच्चापं हेमवज्रविभूषितम् । वैष्णवं पुरुषव्याघ्र निर्मितं विश्वकर्मणा ॥ 12.32 ॥

idaṃ divyaṃ mahaccāpaṃ hemavajravibhūṣitam | vaiṣṇavaṃ puruṣavyāghra nirmitaṃ viśvakarmaṇā || 12.32 ||

"हे पुरुषश्रेष्ठ, यह सोने और हीरों से जड़ा हुआ, विष्णु का यह दिव्य महान धनुष विश्वकर्मा द्वारा निर्मित है।

श्लोक 33 (aranya.12.33)

अमोघः सूर्यसंकाशो ब्रह्मदत्तः शरोत्तमः । दत्तौ मम महेन्द्रेण तूणी चाक्षय्यसायकौ ॥ 12.33 ॥

amoghaḥ sūryasaṃkāśo brahmadattaḥ śarottamaḥ | dattau mama mahendreṇa tūṇī cākṣayyasāyakau || 12.33 ||

यह अमोघ, सूर्य के समान तेजस्वी, श्रेष्ठ बाण ब्रह्मा द्वारा दिया गया है; और ये दो अक्षय बाणों से भरे तरकश महेंद्र ने मुझे दिए थे,

श्लोक 34 (aranya.12.34)

सम्पूर्णौ निशितैर्बाणैर्ज्वलद्भिरिव पावकैः । महाराजतकोशोऽयमसिर्हेमविभूषितः ॥ 12.34 ॥

sampūrṇau niśitairbāṇairjvaladbhiriva pāvakaiḥ | mahārājatakośo'yamasirhemavibhūṣitaḥ || 12.34 ||

जो तीक्ष्ण बाणों से भरे हैं और अग्नि के समान प्रज्वलित प्रतीत होते हैं; और यह सोने से सुशोभित तलवार है, जो एक बड़े रजत-म्यान में रखी है।

श्लोक 35 (aranya.12.35)

अनेन धनुषा राम हत्वा संख्ये महासुरान् । आजहार श्रियं दीप्तां पुरा विष्णुर्दिवौकसाम् ॥ 12.35 ॥

anena dhanuṣā rāma hatvā saṃkhye mahāsurān | ājahāra śriyaṃ dīptāṃ purā viṣṇurdivaukasām || 12.35 ||

इसी धनुष से हे राम, विष्णु ने पूर्वकाल में युद्ध में महान असुरों का वध करके देवताओं की उज्ज्वल श्री को पुनः प्राप्त कराया था।

श्लोक 36 (aranya.12.36)

तद्धनुस्तौ च तूणी च शरं खड्गं च मानद । जयाय प्रतिगृह्णीष्व वज्रं वज्रधरो यथा ॥ 12.36 ॥

taddhanustau ca tūṇī ca śaraṃ khaḍgaṃ ca mānada | jayāya pratigṛhṇīṣva vajraṃ vajradharo yathā || 12.36 ||

हे मानद, उस धनुष, उन दोनों तरकशों, बाण और तलवार को — विजय के लिए इस प्रकार ग्रहण कीजिए जैसे वज्रधर इंद्र वज्र को धारण करते हैं।"

श्लोक 37 (aranya.12.37)

एवमुक्त्वा महातेजाः समस्तं तद्वरायुधम् । दत्त्वा रामाय भगवानगस्त्यः पुनरब्रवीत् ॥ 12.37 ॥

evamuktvā mahātejāḥ samastaṃ tadvarāyudham | dattvā rāmāya bhagavānagastyaḥ punarabravīt || 12.37 ||

ऐसा कहकर महातेजस्वी भगवान अगस्त्य ने वे समस्त श्रेष्ठ अस्त्र राम को देकर फिर से कहा —