पंचवटी की पर्णशाला

श्लोक 1 (aranya.15.1)

ततः पञ्चवटीं गत्वा नानाव्यालमृगायुताम् । उवाच भ्रातरं रामो लक्ष्मणं दीप्ततेजसम् ॥ 15.1 ॥

tataḥ pañcavaṭīṃ gatvā nānāvyālamṛgāyutām | uvāca bhrātaraṃ rāmo lakṣmaṇaṃ dīptatejasam || 15.1 ||

फिर नाना सर्पों और हिंसक पशुओं से भरी पंचवटी में जाकर राम ने तेजस्वी भाई लक्ष्मण से कहा —

श्लोक 2 (aranya.15.2)

आगताः स्म यथोद्दिष्टममुं देशं महर्षिणा । अयं पञ्चवटीदेशः सौम्य पुष्पितकाननः ॥ 15.2 ॥

āgatāḥ sma yathoddiṣṭamamuṃ deśaṃ maharṣiṇā | ayaṃ pañcavaṭīdeśaḥ saumya puṣpitakānanaḥ || 15.2 ||

"हे सौम्य, हम उसी प्रदेश में आ पहुँचे हैं जिसे मुनि ने बताया था; यही पुष्पित वनों वाला पंचवटी प्रदेश है।

श्लोक 3 (aranya.15.3)

सर्वतश्चार्यतां दृष्टिः कानने निपुणो ह्यसि । आश्रमः कतरस्मिन् नो देशे भवति संमतः ॥ 15.3 ॥

sarvataścāryatāṃ dṛṣṭiḥ kānane nipuṇo hyasi | āśramaḥ katarasmin no deśe bhavati saṃmataḥ || 15.3 ||

चारों ओर दृष्टि दौड़ाओ, क्योंकि वन में तुम निपुण हो; हमें अपना आश्रम इस प्रदेश में कहाँ बनाना उचित होगा?

श्लोक 4 (aranya.15.4)

रमते यत्र वैदेही त्वमहं चैव लक्ष्मण । तादृशो दृश्यतां देशः संनिकृष्टजलाशयः ॥ 15.4 ॥

ramate yatra vaidehī tvamahaṃ caiva lakṣmaṇa | tādṛśo dṛśyatāṃ deśaḥ saṃnikṛṣṭajalāśayaḥ || 15.4 ||

हे लक्ष्मण, ऐसा स्थान ढूँढो जहाँ वैदेही, तुम और मैं आनंदित रह सकें, जो जलाशय के निकट हो,

श्लोक 5 (aranya.15.5)

वनरामण्यकं यत्र जलरामण्यकं तथा । संनिकृष्टं च यत्र स्यात् समित्पुष्पकुशोदकम् ॥ 15.5 ॥

vanarāmaṇyakaṃ yatra jalarāmaṇyakaṃ tathā | saṃnikṛṣṭaṃ ca yatra syāt samitpuṣpakuśodakam || 15.5 ||

जहाँ वन सुंदर हो और जल भी सुंदर हो, और जहाँ समिधा, फूल, कुश और जल भी निकट ही सुलभ हों।"

श्लोक 6 (aranya.15.6)

एवमुक्तस्तु रामेण लक्ष्मणः संयताञ्जलिः । सीतासमक्षं काकुत्स्थमिदं वचनमब्रवीत् ॥ 15.6 ॥

evamuktastu rāmeṇa lakṣmaṇaḥ saṃyatāñjaliḥ | sītāsamakṣaṃ kākutsthamidaṃ vacanamabravīt || 15.6 ||

राम द्वारा इस प्रकार कहे जाने पर लक्ष्मण ने हाथ जोड़कर सीता के सामने काकुत्स्थ से यह वचन कहा —

श्लोक 7 (aranya.15.7)

परवानस्मि काकुत्स्थ त्वयि वर्षशतं स्थिते । स्वयं तु रुचिरे देशे क्रियतामिति मां वद ॥ 15.7 ॥

paravānasmi kākutstha tvayi varṣaśataṃ sthite | svayaṃ tu rucire deśe kriyatāmiti māṃ vada || 15.7 ||

"हे काकुत्स्थ, जब तक तुम सौ वर्षों तक भी जीवित रहोगे, मैं सर्वथा तुम्हारे अधीन हूँ; तुम स्वयं ही जिस मनोहर स्थान में आश्रम बनाना उचित समझो, वह मुझसे कहो।"

श्लोक 8 (aranya.15.8)

सुप्रीतस्तेन वाक्येन लक्ष्मणस्य महाद्युतिः । विमृशन् रोचयामास देशं सर्वगुणान्वितम् ॥ 15.8 ॥

suprītastena vākyena lakṣmaṇasya mahādyutiḥ | vimṛśan rocayāmāsa deśaṃ sarvaguṇānvitam || 15.8 ||

अत्यंत तेजस्वी राम लक्ष्मण के इस वचन से अत्यंत प्रसन्न हुए, और विचार करके एक सर्वगुणसंपन्न स्थान को पसंद किया।

श्लोक 9 (aranya.15.9)

स तं रुचिरमाक्रम्य देशमाश्रमकर्मणि । हस्तौ गृहीत्वा हस्तेन रामः सौमित्रिमब्रवीत् ॥ 15.9 ॥

sa taṃ ruciramākramya deśamāśramakarmaṇi | hastau gṛhītvā hastena rāmaḥ saumitrimabravīt || 15.9 ||

उस मनोहर स्थान पर, जो आश्रम बनाने योग्य था, चढ़कर राम ने हाथ में हाथ लेकर सौमित्र से यह कहा —

श्लोक 10 (aranya.15.10)

अयं देशः समः श्रीमान् पुष्पितैस्तरुभिर्वृतः । इहाश्रमपदं सौम्य यथावत् कर्तुमर्हसि ॥ 15.10 ॥

ayaṃ deśaḥ samaḥ śrīmān puṣpitaistarubhirvṛtaḥ | ihāśramapadaṃ saumya yathāvat kartumarhasi || 15.10 ||

"यह स्थान समतल, श्रीसंपन्न और पुष्पित वृक्षों से घिरा हुआ है; हे सौम्य, यहीं यथाविधि आश्रम-स्थान बनाना तुम्हें उचित होगा।

श्लोक 11 (aranya.15.11)

इयमादित्यसंकाशैः पद्मैः सुरभिगन्धिभिः । अदूरे दृश्यते रम्या पद्मिनी पद्मशोभिता ॥ 15.11 ॥

iyamādityasaṃkāśaiḥ padmaiḥ surabhigandhibhiḥ | adūre dṛśyate ramyā padminī padmaśobhitā || 15.11 ||

यहाँ से न अधिक दूर, सूर्य के समान कमलों से युक्त, सुगंधित, यह रमणीय कमलिनी दिखाई देती है, जो कमलों से सुशोभित है,

श्लोक 12 (aranya.15.12)

यथाख्यातमगस्त्येन मुनिना भावितात्मना । इयं गोदावरी रम्या पुष्पितैस्तरुभिर्वृता ॥ 15.12 ॥

yathākhyātamagastyena muninā bhāvitātmanā | iyaṃ godāvarī ramyā puṣpitaistarubhirvṛtā || 15.12 ||

— जैसा भावितात्मा मुनि अगस्त्य ने बताया था। यह रमणीय गोदावरी भी है, जो पुष्पित वृक्षों से घिरी हुई है,

श्लोक 13 (aranya.15.13)

हंसकारण्डवाकीर्णा चक्रवाकोपशोभिता । नातिदूरे न चासन्ने मृगयूथनिपीडिता ॥ 15.13 ॥

haṃsakāraṇḍavākīrṇā cakravākopaśobhitā | nātidūre na cāsanne mṛgayūthanipīḍitā || 15.13 ||

हंसों और कारंडवों से भरी हुई, चक्रवाकों से सुशोभित; न बहुत दूर और न बहुत निकट, मृगयूथों से गुंजायमान।

श्लोक 14 (aranya.15.14)

मयूरनादिता रम्याः प्रांशवो बहुकन्दराः । दृश्यन्ते गिरयः सौम्य फुल्लैस्तरुभिरावृताः ॥ 15.14 ॥

mayūranāditā ramyāḥ prāṃśavo bahukandarāḥ | dṛśyante girayaḥ saumya phullaistarubhirāvṛtāḥ || 15.14 ||

मोरों के स्वरों से रमणीय, ऊँची और अनेक गुफाओं वाली पर्वत-श्रेणियाँ दिखाई देती हैं, हे सौम्य, जो खिले हुए वृक्षों से आवृत हैं।

श्लोक 15 (aranya.15.15)

सौवर्णे राजतैस्ताम्रैर्देशे देशे च धातुभिः । गवाक्षिता इवाभान्ति गजाः परमभक्तिभिः ॥ 15.15 ॥

sauvarṇe rājataistāmrairdeśe deśe ca dhātubhiḥ | gavākṣitā ivābhānti gajāḥ paramabhaktibhiḥ || 15.15 ||

सोने, चाँदी और ताँबे की धातुओं से युक्त, वे पर्वत जगह-जगह गवाक्षों के समान चमकते हैं, और श्रेष्ठ चित्रों से युक्त हाथियों के समान शोभा देते हैं।

श्लोक 16 (aranya.15.16)

सालैस्तालैस्तमालैश्च खर्जूरैः पनसाम्रकैः । नीवारैस्तिमिशैश्चैव पुंनागैश्चोपशोभिताः ॥ 15.16 ॥

sālaistālaistamālaiśca kharjūraiḥ panasāmrakaiḥ | nīvāraistimiśaiścaiva puṃnāgaiścopaśobhitāḥ || 15.16 ||

साल, ताल, तमाल, खजूर, कटहल और आम्रवृक्षों से, तथा नीवार, तिनिश और पुन्नाग वृक्षों से यह प्रदेश सुशोभित है।

श्लोक 17 (aranya.15.17)

चूतैरशोकैस्तिलकैश्चम्पकैः केतकैरपि । पुष्पगुल्मलतोपेतैस्तैस्तैस्तरुभिरावृताः ॥ 15.17 ॥

cūtairaśokaistilakaiścampakaiḥ ketakairapi | puṣpagulmalatopetaistaistaistarubhirāvṛtāḥ || 15.17 ||

आम्र, अशोक, तिलक, चंपक और केतकी वृक्षों से, तथा फूलों और लताओं से युक्त उन्हीं-उन्हीं वृक्षों से यह प्रदेश आवृत है।

श्लोक 18 (aranya.15.18)

चन्दनैः स्यन्दनैर्नीपैः पनसैर्लकुचैरपि । धवाश्वकर्णखदिरैः शमीकिंशुकपाटलैः ॥ 15.18 ॥

candanaiḥ syandanairnīpaiḥ panasairlakucairapi | dhavāśvakarṇakhadiraiḥ śamīkiṃśukapāṭalaiḥ || 15.18 ||

चंदन, स्यंदन, नीप, पर्णास और लकुच वृक्षों से, तथा धव, अश्वकर्ण, खदिर, शमी, किंशुक और पाटल वृक्षों से भी यह प्रदेश सुशोभित है।

श्लोक 19 (aranya.15.19)

इदं पुण्यमिदं मेध्यमिदं बहुमृगद्विजम् । इह वत्स्याम सौमित्रे सार्धमेतेन पक्षिणा ॥ 15.19 ॥

idaṃ puṇyamidaṃ medhyamidaṃ bahumṛgadvijam | iha vatsyāma saumitre sārdhametena pakṣiṇā || 15.19 ||

यह प्रदेश पवित्र है, यह रमणीय है, यह अनेक मृगों और पक्षियों से युक्त है; हे सौमित्र, आओ, इस पक्षी जटायु के साथ यहीं हम निवास करें।"

श्लोक 20 (aranya.15.20)

एवमुक्तस्तु रामेण लक्ष्मणः परवीरहा । अचिरेणाश्रमं भ्रातुश्चकार सुमहाबलः ॥ 15.20 ॥

evamuktastu rāmeṇa lakṣmaṇaḥ paravīrahā | acireṇāśramaṃ bhrātuścakāra sumahābalaḥ || 15.20 ||

राम द्वारा इस प्रकार कहे जाने पर, शत्रु-वीरों का नाश करने वाले महाबली लक्ष्मण ने शीघ्र ही अपने भाई के लिए आश्रम बना दिया।

श्लोक 21 (aranya.15.21)

पर्णशालां सुविपुलां तत्र संघातमृत्तिकाम् । सुस्तम्भां मस्करैर्दीर्घैः कृतवंशां सुशोभनाम् ॥ 15.21 ॥

parṇaśālāṃ suvipulāṃ tatra saṃghātamṛttikām | sustambhāṃ maskarairdīrghaiḥ kṛtavaṃśāṃ suśobhanām || 15.21 ||

वहाँ उन्होंने मिट्टी से समतल किया हुआ, लंबे बाँसों से मजबूती से खंभों वाला, सुंदर बाँस-ढाँचे से युक्त एक अत्यंत विशाल पर्णशाला बनाई,

श्लोक 22 (aranya.15.22)

शमीशाखाभिरास्तीर्य दृढपाशावपाशितम् । कुशकाशशरैः पर्णैः सुपरिच्छादितां तथा ॥ 15.22 ॥

śamīśākhābhirāstīrya dṛḍhapāśāvapāśitam | kuśakāśaśaraiḥ parṇaiḥ suparicchāditāṃ tathā || 15.22 ||

जिसे शमी की शाखाओं से ढककर और मजबूत रस्सियों से बाँधकर, कुश, काश और सरकंडे की पत्तियों से भलीभाँति आच्छादित किया गया था।

श्लोक 23 (aranya.15.23)

समीकृततलां रम्यां चकार सुमहाबलः । निवासं राघवस्य अर्थे प्रेक्षणीयमनुत्तमम् ॥ 15.23 ॥

samīkṛtatalāṃ ramyāṃ cakāra sumahābalaḥ | nivāsaṃ rāghavasya arthe prekṣaṇīyamanuttamam || 15.23 ||

उस अत्यंत बलशाली लक्ष्मण ने उसका फर्श समतल और रमणीय बनाया — राघव के निवास के लिए एक अनुपम, देखने योग्य आश्रम।

श्लोक 24 (aranya.15.24)

स गत्वा लक्ष्मणः श्रीमान् नदीं गोदावरीं तदा । स्नात्वा पद्मानि चादाय सफलः पुनरागतः ॥ 15.24 ॥

sa gatvā lakṣmaṇaḥ śrīmān nadīṃ godāvarīṃ tadā | snātvā padmāni cādāya saphalaḥ punarāgataḥ || 15.24 ||

तब श्रीसंपन्न लक्ष्मण गोदावरी नदी पर जाकर स्नान करके, कमल-पुष्प और फल लेकर वहाँ पुनः लौट आए।

श्लोक 25 (aranya.15.25)

ततः पुष्पबलिं कृत्वा शान्तिं च स यथाविधि । दर्शयामास रामाय तदाश्रमपदं कृतम् ॥ 15.25 ॥

tataḥ puṣpabaliṃ kṛtvā śāntiṃ ca sa yathāvidhi | darśayāmāsa rāmāya tadāśramapadaṃ kṛtam || 15.25 ||

फिर पुष्पांजलि अर्पित करके और यथाविधि शांति-कर्म करके, उन्होंने वह निर्मित आश्रम-स्थान राम को दिखाया।

श्लोक 26 (aranya.15.26)

स तं दृष्ट्वा कृतं सौम्यमाश्रमं सह सीतया । राघवः पर्णशालायां हर्षमाहारयत् परम् ॥ 15.26 ॥

sa taṃ dṛṣṭvā kṛtaṃ saumyamāśramaṃ saha sītayā | rāghavaḥ parṇaśālāyāṃ harṣamāhārayat param || 15.26 ||

उस सुंदर ढंग से बनाए गए आश्रम को सीता सहित देखकर, राघव ने उस पर्णशाला में अत्यंत हर्ष का अनुभव किया।

श्लोक 27 (aranya.15.27)

सुसंहृष्टः परिष्वज्य बाहुभ्यां लक्ष्मणं तदा । अतिस्निग्धं च गाढं च वचनं चेदमब्रवीत् ॥ 15.27 ॥

susaṃhṛṣṭaḥ pariṣvajya bāhubhyāṃ lakṣmaṇaṃ tadā | atisnigdhaṃ ca gāḍhaṃ ca vacanaṃ cedamabravīt || 15.27 ||

तब अत्यंत हर्षित होकर उन्होंने दोनों भुजाओं से लक्ष्मण का आलिंगन किया, और अत्यंत स्नेह और घनिष्ठता से भरा यह वचन कहा —

श्लोक 28 (aranya.15.28)

प्रीतोऽस्मि ते महत् कर्म त्वया कृतमिदं प्रभो । प्रदेयो यन्निमित्तं ते परिष्वङ्गो मया कृतः ॥ 15.28 ॥

prīto'smi te mahat karma tvayā kṛtamidaṃ prabho | pradeyo yannimittaṃ te pariṣvaṅgo mayā kṛtaḥ || 15.28 ||

"हे प्रभु, तुमने जो यह महान कार्य किया है, उससे मैं प्रसन्न हूँ; इसी के निमित्त मैंने तुम्हें यह आलिंगन दिया है, जो अवश्य ही तुम्हें दिया जाना योग्य था।

श्लोक 29 (aranya.15.29)

भावज्ञेन कृतज्ञेन धर्मज्ञेन च लक्ष्मण । त्वया पुत्रेण धर्मात्मा न संवृत्तः पिता मम ॥ 15.29 ॥

bhāvajñena kṛtajñena dharmajñena ca lakṣmaṇa | tvayā putreṇa dharmātmā na saṃvṛttaḥ pitā mama || 15.29 ||

हे लक्ष्मण, तुम भावों को जानने वाले, कृतज्ञ और धर्म को जानने वाले हो; तुम्हें पुत्र के समान पाकर, मुझे कभी नहीं लगा कि मेरे धर्मात्मा पिता नहीं रहे।

श्लोक 30 (aranya.15.30)

एवं लक्ष्मणमुक्त्वा तु राघवो लक्ष्मिवर्धनः । तस्मिन् देशे बहुफले न्यवसत् स सुखं सुखी ॥ 15.30 ॥

evaṃ lakṣmaṇamuktvā tu rāghavo lakṣmivardhanaḥ | tasmin deśe bahuphale nyavasat sa sukhaṃ sukhī || 15.30 ||

यश बढ़ाने वाले राघव ने लक्ष्मण से यह कहकर, उस फलों से भरपूर प्रदेश में सुखी होकर सुखपूर्वक निवास किया।

श्लोक 31 (aranya.15.31)

कंचित् कालं स धर्मात्मा सीतया लक्ष्मणेन च । अन्वास्यमानो न्यवसत् स्वर्गलोके यथामरः ॥ 15.31 ॥

kaṃcit kālaṃ sa dharmātmā sītayā lakṣmaṇena ca | anvāsyamāno nyavasat svargaloke yathāmaraḥ || 15.31 ||

उस धर्मात्मा राम ने सीता और लक्ष्मण द्वारा सेवित होते हुए, कुछ काल तक वहाँ स्वर्गलोक में रहने वाले किसी देवता के समान निवास किया।