दूषण-वध

श्लोक 1 (aranya.26.1)

दूषणस्तु स्वकं सैन्यं हन्यमानं विलोक्य च। संदिदेश महाबाहुर्भीमवेगान् दुरासदान् ॥ 26.1 ॥

dūṣaṇastu svakaṃ sainyaṃ hanyamānaṃ vilokya ca | saṃdideśa mahābāhurbhīmavegān durāsadān || 26.1 ||

अपनी सेना को नष्ट होते देख महाबाहु दूषण ने भीषण वेगवाले, दुर्दम्य निशाचरों को आज्ञा दी,

श्लोक 2 (aranya.26.2)

राक्षसान् पञ्चसाहस्रान् समरेष्वनिवर्तिनः। ते शूलैः पट्टिशैः खड्गैः शिलावर्षैर्द्रुमैरपि ॥ 26.2 ॥

rākṣasān pañcasāhasrān samareṣvanivartinaḥ | te śūlaiḥ paṭṭiśaiḥ khaḍgaiḥ śilāvarṣairdrumairapi || 26.2 ||

पाँच हजार राक्षसों को, जो युद्ध में कभी पीठ नहीं दिखाते थे। वे त्रिशूलों, भालों, तलवारों तथा शिलाओं और वृक्षों की वर्षा से,

श्लोक 3 (aranya.26.3)

शरवर्षैरविच्छिन्नं ववर्षुस्तं समन्ततः। तद् द्रुमाणां शिलानां च वर्षं प्राणहरं महत् ॥ 26.3 ॥

śaravarṣairavicchinnaṃ vavarṣustaṃ samantataḥ | tad drumāṇāṃ śilānāṃ ca varṣaṃ prāṇaharaṃ mahat || 26.3 ||

और बाणों की अविरल वर्षा से चारों ओर से राम पर टूट पड़े। वृक्षों और शिलाओं की उस प्राणघातक भीषण वर्षा को

श्लोक 4 (aranya.26.4)

प्रतिजग्राह धर्मात्मा राघवस्तीक्ष्णसायकैः। प्रतिगृह्य च तद् वर्षं निमीलित इवर्षभः ॥ 26.4 ॥

pratijagrāha dharmātmā rāghavastīkṣṇasāyakaiḥ | pratigṛhya ca tad varṣaṃ nimīlita ivarṣabhaḥ || 26.4 ||

धर्मात्मा राघव ने अपने तीक्ष्ण बाणों से रोक दिया। उस वर्षा को वैसे ही सहन कर, जैसे बैल आँखें मूँदकर वर्षा सहता है,

श्लोक 5 (aranya.26.5)

रामः क्रोधं परं लेभे वधार्थं सर्वरक्षसाम्। ततः क्रोधसमाविष्टः प्रदीप्त इव तेजसा ॥ 26.5 ॥

rāmaḥ krodhaṃ paraṃ lebhe vadhārthaṃ sarvarakṣasām | tataḥ krodhasamāviṣṭaḥ pradīpta iva tejasā || 26.5 ||

राम को उन समस्त राक्षसों के वध हेतु घोर क्रोध हुआ। तत्पश्चात् क्रोध से आविष्ट होकर, मानो अपने ही तेज से प्रज्वलित हो,

श्लोक 6 (aranya.26.6)

शरैरभ्यकिरत् सैन्यं सर्वतः सहदूषणम्। ततः सेनापतिः क्रुद्धो दूषणः शत्रुदूषणः ॥ 26.6 ॥

śarairabhyakirat sainyaṃ sarvataḥ sahadūṣaṇam | tataḥ senāpatiḥ kruddho dūṣaṇaḥ śatrudūṣaṇaḥ || 26.6 ||

उसने दूषण सहित उस सेना को चारों ओर से बाणों से आच्छादित कर दिया। तब क्रुद्ध सेनापति दूषण, जो शत्रुओं का नाशक था,

श्लोक 7 (aranya.26.7)

शरैरशनिकल्पैस्तं राघवं समवारयत्। ततो रामः सुसंक्रुद्धः क्षुरेणास्य महद् धनुः ॥ 26.7 ॥

śarairaśanikalpaistaṃ rāghavaṃ samavārayat | tato rāmaḥ susaṃkruddhaḥ kṣureṇāsya mahad dhanuḥ || 26.7 ||

वज्र के समान बाणों से राघव को रोकने का प्रयत्न करने लगा। तब अत्यंत क्रुद्ध होकर राम ने अपने क्षुरप्र बाण से

श्लोक 8 (aranya.26.8)

चिच्छेद समरे वीरश्चर्तुभिश्चतुरो हयान्। हत्वा चाश्वान् शरैस्तीक्ष्णैरर्धचन्द्रेण सारथेः ॥ 26.8 ॥

ciccheda samare vīraścartubhiścaturo hayān | hatvā cāśvān śaraistīkṣṇairardhacandreṇa sāratheḥ || 26.8 ||

उसका विशाल धनुष काट डाला और युद्ध में चार बाणों से उसके चार घोड़ों को भी मार गिराया। तीक्ष्ण बाणों से घोड़ों का वध करने के पश्चात्, अर्धचंद्राकार बाण से

श्लोक 9 (aranya.26.9)

शिरो जहार तद्रक्षस्त्रिभिर्विव्याध वक्षसि। स च्छिन्नधन्वा विरथो हताश्वो हतसारथिः ॥ 26.9 ॥

śiro jahāra tadrakṣastribhirvivyādha vakṣasi | sa cchinnadhanvā viratho hatāśvo hatasārathiḥ || 26.9 ||

उसने सारथी का सिर उड़ा दिया और तीन बाणों से उस राक्षस की छाती बींध दी। उसका धनुष कट चुका था, रथ नष्ट हो चुका था, घोड़े और सारथी मारे जा चुके थे,

श्लोक 10 (aranya.26.10)

जग्राह गिरिशृङ्गाभं परिघं रोमहर्षणम्। वेष्टितं काञ्चनैः पट्टैर्देवसैन्याभिमर्दनम् ॥ 26.10 ॥

jagrāha giriśṛṅgābhaṃ parighaṃ romaharṣaṇam | veṣṭitaṃ kāñcanaiḥ paṭṭairdevasainyābhimardanam || 26.10 ||

तब दूषण ने पर्वत-शिखर जैसी, रोंगटे खड़े कर देने वाली, सुवर्ण-पट्टियों से आबद्ध, देवसेना को कुचल चुकी एक परिघ (गदा) उठा ली,

श्लोक 11 (aranya.26.11)

आयसैः शङ्कुभिस्तीक्ष्णैः कीर्णं परवसोक्षितम्। वज्राशनिसमस्पर्शं परगोपुरदारणम् ॥ 26.11 ॥

āyasaiḥ śaṅkubhistīkṣṇaiḥ kīrṇaṃ paravasokṣitam | vajrāśanisamasparśaṃ paragopuradāraṇam || 26.11 ||

जो तीक्ष्ण लौह-कीलों से जड़ी हुई, शत्रुओं की चर्बी से सनी हुई, वज्र के समान स्पर्शवाली तथा शत्रुओं के नगर-द्वार को तोड़ने में समर्थ थी।

श्लोक 12 (aranya.26.12)

तं महोरगसंकाशं प्रगृह्य परिघं रणे। दूषणोऽभ्यपतद् रामं क्रूरकर्मा निशाचरः ॥ 26.12 ॥

taṃ mahoragasaṃkāśaṃ pragṛhya parighaṃ raṇe | dūṣaṇo'bhyapatad rāmaṃ krūrakarmā niśācaraḥ || 26.12 ||

युद्ध में महासर्प के समान उस गदा को दृढ़ता से पकड़कर, क्रूरकर्मा निशाचर दूषण राम पर टूट पड़ा।

श्लोक 13 (aranya.26.13)

तस्याभिपतमानस्य दूषणस्य च राघवः। द्वाभ्यां शराभ्यां चिच्छेद सहस्ताभरणौ भुजौ ॥ 26.13 ॥

tasyābhipatamānasya dūṣaṇasya ca rāghavaḥ | dvābhyāṃ śarābhyāṃ ciccheda sahastābharaṇau bhujau || 26.13 ||

इस प्रकार आक्रमण करते हुए दूषण की, कलाई के आभूषणों सहित दोनों भुजाओं को राघव ने दो बाणों से काट डाला।

श्लोक 14 (aranya.26.14)

भ्रष्टस्तस्य महाकायः पपात रणमूर्धनि। परिघश्छिन्नहस्तस्य शक्रध्वज इवाग्रतः ॥ 26.14 ॥

bhraṣṭastasya mahākāyaḥ papāta raṇamūrdhani | parighaśchinnahastasya śakradhvaja ivāgrataḥ || 26.14 ||

उसके विशालकाय शरीर से छूटकर वह गदा युद्ध के अग्रभाग में जा गिरी, मानो कटे हुए हाथ से इंद्र-ध्वज गिर रहा हो।

श्लोक 15 (aranya.26.15)

कराभ्यां च विकीर्णाभ्यां पपात भुवि दूषणः। विषाणाभ्यां विशीर्णाभ्यां मनस्वीव महागजः ॥ 26.15 ॥

karābhyāṃ ca vikīrṇābhyāṃ papāta bhuvi dūṣaṇaḥ | viṣāṇābhyāṃ viśīrṇābhyāṃ manasvīva mahāgajaḥ || 26.15 ||

अपनी दोनों भुजाओं के छिन्न होने पर दूषण भूमि पर गिर पड़ा, ठीक वैसे ही जैसे अपने दोनों दाँत टूट जाने पर कोई मदमस्त गजराज गिरता है।

श्लोक 16 (aranya.26.16)

दृष्ट्वा तं पतितं भूमौ दूषणं निहतं रणे। साधु साध्विति काकुत्स्थं सर्वभूतान्यपूजयन् ॥ 26.16 ॥

dṛṣṭvā taṃ patitaṃ bhūmau dūṣaṇaṃ nihataṃ raṇe | sādhu sādhviti kākutsthaṃ sarvabhūtānyapūjayan || 26.16 ||

युद्ध में मारे गए दूषण को भूमि पर गिरा देख, समस्त प्राणियों ने "साधु! साधु!" कहकर काकुत्स्थ (राम) की प्रशंसा की।

श्लोक 17 (aranya.26.17)

एतस्मिन्नन्तरे क्रुद्धास्त्रयः सेनाग्रयायिनः। संहत्याभ्यद्रवन् रामं मृत्युपाशावपाशिताः ॥ 26.17 ॥

etasminnantare kruddhāstrayaḥ senāgrayāyinaḥ | saṃhatyābhyadravan rāmaṃ mṛtyupāśāvapāśitāḥ || 26.17 ||

इसी बीच सेना के आगे चलने वाले तीन क्रुद्ध सेनापति, मानो मृत्यु के पाश में बंधे हुए, एक साथ राम पर झपटे।

श्लोक 18 (aranya.26.18)

महाकपालः स्थूलाक्षः प्रमाथी च महाबलः। महाकपालो विपुलं शूलमुद्यम्य राक्षसः ॥ 26.18 ॥

mahākapālaḥ sthūlākṣaḥ pramāthī ca mahābalaḥ | mahākapālo vipulaṃ śūlamudyamya rākṣasaḥ || 26.18 ||

महाकपाल, स्थूलाक्ष और महाबली प्रमाथी। राक्षस महाकपाल ने विशाल त्रिशूल उठाकर,

श्लोक 19 (aranya.26.19)

स्थूलाक्षः पट्टिशं गृह्य प्रमाथी च परश्वधम्। दृष्ट्वैवापततस्तांस्तु राघवः सायकैः शितैः ॥ 26.19 ॥

sthūlākṣaḥ paṭṭiśaṃ gṛhya pramāthī ca paraśvadham | dṛṣṭvaivāpatatastāṃstu rāghavaḥ sāyakaiḥ śitaiḥ || 26.19 ||

स्थूलाक्ष ने भाला और प्रमाथी ने फरसा उठाकर आक्रमण किया। उन्हें आते देखते ही राघव ने तीक्ष्ण बाणों से

श्लोक 20 (aranya.26.20)

तीक्ष्णाग्रैः प्रतिजग्राह सम्प्राप्तानतिथीनिव। महाकपालस्य शिरश्चिच्छेद रघुनन्दनः ॥ 26.20 ॥

tīkṣṇāgraiḥ pratijagrāha samprāptānatithīniva | mahākapālasya śiraściccheda raghunandanaḥ || 26.20 ||

मानो आए हुए अतिथियों का स्वागत कर रहे हों, इस प्रकार उनका सत्कार किया। रघुनंदन राम ने महाकपाल का सिर काट डाला,

श्लोक 21 (aranya.26.21)

असंख्येयैस्तु बाणौघैः प्रममाथ प्रमाथिनम्। स्थूलाक्षस्याक्षिणी स्थूले पूरयामास सायकैः ॥ 26.21 ॥

asaṃkhyeyaistu bāṇaughaiḥ pramamātha pramāthinam | sthūlākṣasyākṣiṇī sthūle pūrayāmāsa sāyakaiḥ || 26.21 ||

असंख्य बाणों की धारा से प्रमाथी को कुचल डाला, और स्थूलाक्ष के बड़े-बड़े नेत्रों को बाणों से भर दिया।

श्लोक 22 (aranya.26.22)

स पपात हतो भूमौ विटपीव महाद्रुमः। दूषणस्यानुगान् पञ्चसाहस्रान् कुपितः क्षणात् ॥ 26.22 ॥

sa papāta hato bhūmau viṭapīva mahādrumaḥ | dūṣaṇasyānugān pañcasāhasrān kupitaḥ kṣaṇāt || 26.22 ||

वह (स्थूलाक्ष) शाखाओं सहित गिरे हुए किसी विशाल वृक्ष के समान मृत होकर भूमि पर गिर पड़ा। इसके पश्चात् क्रोधित राम ने क्षणभर में

श्लोक 23 (aranya.26.23)

हत्वा तु पञ्चसाहस्रैरनयद् यमसादनम्। दूषणं निहतं श्रुत्वा तस्य चैव पदानुगान् ॥ 26.23 ॥

hatvā tu pañcasāhasrairanayad yamasādanam | dūṣaṇaṃ nihataṃ śrutvā tasya caiva padānugān || 26.23 ||

दूषण के पाँच हजार अनुयायियों का वध कर उन्हें यमलोक भेज दिया। दूषण और उसके अनुचरों के मारे जाने का समाचार सुनकर,

श्लोक 24 (aranya.26.24)

व्यादिदेश खरः क्रुद्धः सेनाध्यक्षान् महाबलान्। अयं विनिहतः संख्ये दूषणः सपदानुगः ॥ 26.24 ॥

vyādideśa kharaḥ kruddhaḥ senādhyakṣān mahābalān | ayaṃ vinihataḥ saṃkhye dūṣaṇaḥ sapadānugaḥ || 26.24 ||

क्रुद्ध खर ने अपने बलशाली सेनापतियों को आज्ञा दी: "यह दूषण अपने अनुयायियों सहित युद्ध में मारा गया है।

श्लोक 25 (aranya.26.25)

महत्या सेनया सार्धं युद्ध्वा रामं कुमानुषम्। शस्त्रैर्नानाविधाकारैर्हनध्वं सर्वराक्षसाः ॥ 26.25 ॥

mahatyā senayā sārdhaṃ yuddhvā rāmaṃ kumānuṣam | śastrairnānāvidhākārairhanadhvaṃ sarvarākṣasāḥ || 26.25 ||

विशाल सेना के साथ युद्ध करके, नाना प्रकार के शस्त्रों से, इस दुष्ट मानव राम का वध करो, हे समस्त राक्षसो!"

श्लोक 26 (aranya.26.26)

एवमुक्त्वा खरः क्रुद्धो राममेवाभिदुद्रुवे। श्येनगामी पृथुग्रीवो यज्ञशत्रुर्विहंगमः ॥ 26.26 ॥

evamuktvā kharaḥ kruddho rāmamevābhidudruve | śyenagāmī pṛthugrīvo yajñaśatrurvihaṃgamaḥ || 26.26 ||

ऐसा कहकर क्रुद्ध खर स्वयं राम की ओर दौड़ पड़ा। श्येनगामी, पृथुग्रीव, यज्ञशत्रु, विहंगम,

श्लोक 27 (aranya.26.27)

दुर्जयः करवीराक्षः परुषः कालकार्मुकः। हेममाली महामाली सर्पास्यो रुधिराशनः ॥ 26.27 ॥

durjayaḥ karavīrākṣaḥ paruṣaḥ kālakārmukaḥ | hemamālī mahāmālī sarpāsyo rudhirāśanaḥ || 26.27 ||

दुर्जय, करवीराक्ष, परुष, कालकार्मुक, हेममाली, महामाली, सर्पास्य और रुधिराशन -

श्लोक 28 (aranya.26.28)

द्वादशैते महावीर्या बलाध्यक्षाः ससैनिकाः। राममेवाभ्यधावन्त विसृजन्तः शरोत्तमान् ॥ 26.28 ॥

dvādaśaite mahāvīryā balādhyakṣāḥ sasainikāḥ | rāmamevābhyadhāvanta visṛjantaḥ śarottamān || 26.28 ||

ये बारह महापराक्रमी सेनानायक अपनी सेनाओं सहित उत्तम बाणों की वर्षा करते हुए राम की ओर दौड़ पड़े।

श्लोक 29 (aranya.26.29)

ततः पावकसंकाशैर्हेमवज्रविभूषितैः। जघान शेषं तेजस्वी तस्य सैन्यस्य सायकैः ॥ 26.29 ॥

tataḥ pāvakasaṃkāśairhemavajravibhūṣitaiḥ | jaghāna śeṣaṃ tejasvī tasya sainyasya sāyakaiḥ || 26.29 ||

तब तेजस्वी राम ने सोने और हीरों से जड़े, यज्ञाग्नि के समान चमकते बाणों से उस सेना के शेष भाग का संहार कर डाला।

श्लोक 30 (aranya.26.30)

ते रुक्मपुङ्खा विशिखाः सधूमा इव पावकाः। निजघ्नुस्तानि रक्षांसि वज्रा इव महाद्रुमान् ॥ 26.30 ॥

te rukmapuṅkhā viśikhāḥ sadhūmā iva pāvakāḥ | nijaghnustāni rakṣāṃsi vajrā iva mahādrumān || 26.30 ||

स्वर्णदंडयुक्त वे तीक्ष्ण बाण, धूमयुक्त अग्नि के समान, उन राक्षसों को वैसे ही गिरा रहे थे जैसे वज्र विशाल वृक्षों को गिरा देता है।

श्लोक 31 (aranya.26.31)

रक्षसां तु शतं रामः शतेनैकेन किर्णना। सहस्रं तु सहस्रेण जघान रणमूर्धनि ॥ 26.31 ॥

rakṣasāṃ tu śataṃ rāmaḥ śatenaikena kirṇanā | sahasraṃ tu sahasreṇa jaghāna raṇamūrdhani || 26.31 ||

राम ने सौ बाणों से सौ राक्षसों को और सहस्र बाणों से सहस्र राक्षसों को युद्ध के अग्रभाग में मार गिराया।

श्लोक 32 (aranya.26.32)

तैर्भिन्नवर्माभरणाश्छिन्नभिन्नशरासनाः। निपेतुः शोणितादिग्धा धरण्यां रजनीचराः ॥ 26.32 ॥

tairbhinnavarmābharaṇāśchinnabhinnaśarāsanāḥ | nipetuḥ śoṇitādigdhā dharaṇyāṃ rajanīcarāḥ || 26.32 ||

उन बाणों से कवच और आभूषण छिन्न-भिन्न होकर, धनुष टूट जाने पर वे निशाचर रक्त से लथपथ होकर धरती पर गिर पड़े।

श्लोक 33 (aranya.26.33)

तैर्मुक्तकेशैः समरे पतितैः शोणितोक्षितैः। विस्तीर्णा वसुधा कृत्स्ना महावेदिः कुशैरिव ॥ 26.33 ॥

tairmuktakeśaiḥ samare patitaiḥ śoṇitokṣitaiḥ | vistīrṇā vasudhā kṛtsnā mahāvediḥ kuśairiva || 26.33 ||

युद्धभूमि में बिखरे बालों वाले, रक्त से सने उन गिरे हुए राक्षसों से समस्त पृथ्वी कुशाओं से बिछी हुई किसी विशाल यज्ञवेदी के समान प्रतीत होने लगी।

श्लोक 34 (aranya.26.34)

तत्क्षणे तु महाघोरं वनं निहतराक्षसम्। बभूव निरयप्रख्यं मांसशोणितकर्दमम् ॥ 26.34 ॥

tatkṣaṇe tu mahāghoraṃ vanaṃ nihatarākṣasam | babhūva nirayaprakhyaṃ māṃsaśoṇitakardamam || 26.34 ||

उसी क्षण मारे गए राक्षसों से भरा वह वन मांस और रक्त के कीचड़ से युक्त होकर अत्यंत भयंकर हो गया और नरक के समान दिखाई देने लगा।

श्लोक 35 (aranya.26.35)

चतुर्दशसहस्राणि रक्षसां भीमकर्मणाम्। हतान्येकेन रामेण मानुषेण पदातिना ॥ 26.35 ॥

caturdaśasahasrāṇi rakṣasāṃ bhīmakarmaṇām | hatānyekena rāmeṇa mānuṣeṇa padātinā || 26.35 ||

इस प्रकार भयंकर कर्म करने वाले चौदह हजार राक्षस अकेले राम द्वारा, जो एक मनुष्य और पैदल योद्धा मात्र था, मार डाले गए।

श्लोक 36 (aranya.26.36)

तस्य सैन्यस्य सर्वस्य खरः शेषो महारथः। राक्षसस्त्रिशिराश्चैव रामश्च रिपुसूदनः ॥ 26.36 ॥

tasya sainyasya sarvasya kharaḥ śeṣo mahārathaḥ | rākṣasastriśirāścaiva rāmaśca ripusūdanaḥ || 26.36 ||

उस समस्त सेना में से केवल महारथी खर और राक्षस त्रिशिरा ही शेष बचे थे, और दूसरी ओर शत्रुनाशक राम खड़े थे।

श्लोक 37 (aranya.26.37)

शेषा हता महावीर्या राक्षसा रणमूर्धनि। घोरा दुर्विषहाः सर्वे लक्ष्मणस्याग्रजेन ते ॥ 26.37 ॥

śeṣā hatā mahāvīryā rākṣasā raṇamūrdhani | ghorā durviṣahāḥ sarve lakṣmaṇasyāgrajena te || 26.37 ||

शेष बचे वे सभी महापराक्रमी, भयंकर और असहनीय राक्षस लक्ष्मण के बड़े भाई राम द्वारा युद्ध के अग्रभाग में मार डाले गए।

श्लोक 38 (aranya.26.38)

ततस्तु तद्भीमबलं महाहवे समीक्ष्य रामेण हतं बलीयसा। रथेन रामं महता खरस्ततः समाससादेन्द्र इवोद्यताशनिः ॥ 26.38 ॥

tatastu tadbhīmabalaṃ mahāhave samīkṣya rāmeṇa hataṃ balīyasā | rathena rāmaṃ mahatā kharastataḥ samāsasādendra ivodyatāśaniḥ || 26.38 ||

तत्पश्चात् उस भीषण संग्राम में बलशाली राम द्वारा अपनी विशाल सेना का विनाश देखकर, खर अपने महान रथ पर राम की ओर वैसे ही बढ़ा जैसे इंद्र वज्र उठाकर आगे बढ़ता है।