शरभंग-स्वर्गारोहण

श्लोक 1 (aranya.5.1)

हत्वा तु तं भीमबलं विराधं राक्षसं वने । ततः सीतां परिष्वज्य समाश्वास्य च वीर्यवान् ॥ 5.1 ॥

hatvā tu taṃ bhīmabalaṃ virādhaṃ rākṣasaṃ vane | tataḥ sītāṃ pariṣvajya samāśvāsya ca vīryavān || 5.1 ||

उस वन में उस भीमबली राक्षस विराध का वध करके, तत्पश्चात् उस बलशाली राम ने सीता का आलिंगन कर उन्हें सांत्वना दी,

श्लोक 2 (aranya.5.2)

अब्रवीद् भ्रातरं रामो लक्ष्मणं दीप्ततेजसम् । कष्टं वनमिदं दुर्गं न च स्मो वनगोचराः ॥ 5.2 ॥

abravīd bhrātaraṃ rāmo lakṣmaṇaṃ dīptatejasam | kaṣṭaṃ vanamidaṃ durgaṃ na ca smo vanagocarāḥ || 5.2 ||

और तेजस्वी भाई लक्ष्मण से कहा — "यह वन अत्यंत दुर्गम और कष्टकारी है, और हम वन में रहने वाले भी नहीं हैं;

श्लोक 3 (aranya.5.3)

अभिगच्छामहे शीघ्रं शरभङ्गं तपोधनम् । आश्रमं शरभङ्गस्य राघवोऽभिजगाम ह ॥ 5.3 ॥

abhigacchāmahe śīghraṃ śarabhaṅgaṃ tapodhanam | āśramaṃ śarabhaṅgasya rāghavo'bhijagāma ha || 5.3 ||

आओ, हम शीघ्र ही तपोधन शरभंग के पास चलें।" तत्पश्चात् राघव शरभंग के आश्रम की ओर चल पड़े।

श्लोक 4 (aranya.5.4)

तस्य देवप्रभावस्य तपसा भावितात्मनः । समीपे शरभङ्गस्य ददर्श महदद्भुतम् ॥ 5.4 ॥

tasya devaprabhāvasya tapasā bhāvitātmanaḥ | samīpe śarabhaṅgasya dadarśa mahadadbhutam || 5.4 ||

उस तपस्या से पवित्रात्मा और दिव्य प्रभाव वाले शरभंग के आश्रम के समीप पहुँचकर राम ने एक महान् अद्भुत दृश्य देखा।

श्लोक 5 (aranya.5.5)

विभ्राजमानं वपुषा सूर्यवैश्वानरप्रभम् । रथप्रवरमारूढमाकाशे विबुधानुगम् ॥ 5.5 ॥

vibhrājamānaṃ vapuṣā sūryavaiśvānaraprabham | rathapravaramārūḍhamākāśe vibudhānugam || 5.5 ||

सूर्य और अग्नि के समान तेज से देदीप्यमान शरीर वाले, आकाश में श्रेष्ठ रथ पर आरूढ़ और देवताओं से घिरे हुए किसी को उन्होंने देखा,

श्लोक 6 (aranya.5.6)

असंस्पृशन्तं वसुधां ददर्श विबुधेश्वरम् । सम्प्रभाभरणं देवं विरजोऽम्बरधारिणम् ॥ 5.6 ॥

asaṃspṛśantaṃ vasudhāṃ dadarśa vibudheśvaram | samprabhābharaṇaṃ devaṃ virajo'mbaradhāriṇam || 5.6 ||

वह देवताओं के स्वामी पृथ्वी को स्पर्श किए बिना विराजमान थे; दीप्तिमान आभूषणों से भूषित और निर्मल वस्त्र धारण किए हुए उस देवता को राम ने देखा।

श्लोक 7 (aranya.5.7)

तद्विधैरेव बहुभिः पूज्यमानं महात्मभिः । हरितैर्वाजिभिर्युक्तमन्तरिक्षगतं रथम् ॥ 5.7 ॥

tadvidhaireva bahubhiḥ pūjyamānaṃ mahātmabhiḥ | haritairvājibhiryuktamantarikṣagataṃ ratham || 5.7 ||

उन्हीं के समान अनेक महात्माओं द्वारा पूजित उस देवता को, तथा हरित अश्वों से युक्त आकाश में स्थित रथ को उन्होंने देखा,

श्लोक 8 (aranya.5.8)

ददर्शादूरतस्तस्य तरुणादित्यसंनिभम् । पाण्डुराभ्रघनप्रख्यं चन्द्रमण्डलसंनिभम् ॥ 5.8 ॥

dadarśādūratastasya taruṇādityasaṃnibham | pāṇḍurābhraghanaprakhyaṃ candramaṇḍalasaṃnibham || 5.8 ||

निकट से देखने पर वह रथ उदीयमान सूर्य के समान, श्वेत मेघ-समूह के समान और चन्द्रमण्डल के समान दीप्त दिखाई पड़ता था।

श्लोक 9 (aranya.5.9)

अपश्यद् विमलं छत्रं चित्रमाल्योपशोभितम् । चामरव्यजने चाग्र्ये रुक्मदण्डे महाधने ॥ 5.9 ॥

apaśyad vimalaṃ chatraṃ citramālyopaśobhitam | cāmaravyajane cāgrye rukmadaṇḍe mahādhane || 5.9 ||

उन्होंने विविध मालाओं से सुशोभित एक निर्मल छत्र, तथा स्वर्ण-दण्डों से युक्त, अत्यंत मूल्यवान दो श्रेष्ठ चामर देखे,

श्लोक 10 (aranya.5.10)

गृहीते वरनारीभ्यां धूयमाने च मूर्धनि । गन्धर्वामरसिद्धाश्च बहवः परमर्षयः ॥ 5.10 ॥

gṛhīte varanārībhyāṃ dhūyamāne ca mūrdhani | gandharvāmarasiddhāśca bahavaḥ paramarṣayaḥ || 5.10 ||

जिन्हें दो सुंदर स्त्रियाँ हाथों में लेकर उस देवता के मस्तक पर हिला रही थीं। अनेक गन्धर्व, देवता, सिद्ध और महर्षिगण भी वहाँ उपस्थित थे,

श्लोक 11 (aranya.5.11)

अन्तरिक्षगतं देवं गीर्भिरग्र्या भिरैडयन् । सह सम्भाषमाणे तु शरभङ्गेन वासवे ॥ 5.11 ॥

antarikṣagataṃ devaṃ gīrbhiragryā bhiraiḍayan | saha sambhāṣamāṇe tu śarabhaṅgena vāsave || 5.11 ||

जो आकाश में स्थित उस देवता की उत्तम स्तुतियों द्वारा प्रशंसा कर रहे थे। जब वासव (इन्द्र) शरभंग के साथ वार्तालाप कर रहे थे,

श्लोक 12 (aranya.5.12)

दृष्ट्वा शतक्रतुं तत्र रामो लक्ष्मणमब्रवीत् । रामोऽथ रथमुद्दिश्य भ्रातुर्दर्शयताद्भुतम् ॥ 5.12 ॥

dṛṣṭvā śatakratuṃ tatra rāmo lakṣmaṇamabravīt | rāmo'tha rathamuddiśya bhrāturdarśayatādbhutam || 5.12 ||

वहाँ शतक्रतु (इन्द्र) को देखकर राम ने लक्ष्मण से कहा। तब राम ने उस रथ की ओर संकेत करके अपने भाई को वह अद्भुत दृश्य दिखाया—

श्लोक 13 (aranya.5.13)

अर्चिष्मन्तं श्रिया जुष्टमद्भुतं पश्य लक्ष्मण । प्रतपन्तमिवादित्यमन्तरिक्षगतं रथम् ॥ 5.13 ॥

arciṣmantaṃ śriyā juṣṭamadbhutaṃ paśya lakṣmaṇa | pratapantamivādityamantarikṣagataṃ ratham || 5.13 ||

"हे लक्ष्मण, देखो, आकाश में स्थित वह अद्भुत, तेजस्वी और शोभा से युक्त रथ, मानो तपते हुए सूर्य के समान है।

श्लोक 14 (aranya.5.14)

ये हयाः पुरुहूतस्य पुरा शक्रस्य नः श्रुताः । अन्तरिक्षगता दिव्यास्त इमे हरयो ध्रुवम् ॥ 5.14 ॥

ye hayāḥ puruhūtasya purā śakrasya naḥ śrutāḥ | antarikṣagatā divyāsta ime harayo dhruvam || 5.14 ||

जिन अश्वों के विषय में हमने पहले सुना था कि वे बहु-आहूत इन्द्र के हैं, वे ही ये दिव्य हरित अश्व निश्चय ही आकाश में विचरण करते हुए यहाँ हैं।

श्लोक 15 (aranya.5.15)

इमे च पुरुषव्याघ्र ये तिष्ठन्त्यभितो दिशम् । शतं शतं कुण्डलिनो युवानः खड्गपाणयः ॥ 5.15 ॥

ime ca puruṣavyāghra ye tiṣṭhantyabhito diśam | śataṃ śataṃ kuṇḍalino yuvānaḥ khaḍgapāṇayaḥ || 5.15 ||

हे पुरुषश्रेष्ठ, वे जो चारों दिशाओं में सैकड़ों-सैकड़ों की संख्या में खड़े हैं, कुण्डलधारी, युवा और हाथों में खड्ग लिए हुए हैं,

श्लोक 16 (aranya.5.16)

विस्तीर्णविपुलोरस्काः परिघायतबाहवः । शोणांशुवसनाः सर्वे व्याघ्रा इव दुरासदाः ॥ 5.16 ॥

vistīrṇavipuloraskāḥ parighāyatabāhavaḥ | śoṇāṃśuvasanāḥ sarve vyāghrā iva durāsadāḥ || 5.16 ||

विशाल और चौड़ी छाती वाले, गदा के समान लंबी भुजाओं वाले, लाल वस्त्र धारण किए हुए — वे सभी व्याघ्रों के समान दुर्धर्ष प्रतीत होते हैं,

श्लोक 17 (aranya.5.17)

उरोदेशेषु सर्वेषां हारा ज्वलनसंनिभाः । रूपं बिभ्रति सौमित्रे पञ्चविंशतिवार्षिकम् ॥ 5.17 ॥

urodeśeṣu sarveṣāṃ hārā jvalanasaṃnibhāḥ | rūpaṃ bibhrati saumitre pañcaviṃśativārṣikam || 5.17 ||

और सबके वक्षस्थल पर अग्नि के समान चमकते हार सुशोभित हैं। हे सौमित्र, ये सब पच्चीस वर्ष के युवकों जैसा रूप धारण किए हुए हैं।

श्लोक 18 (aranya.5.18)

एतद्धि किल देवानां वयो भवति नित्यदा । यथेमे पुरुषव्याघ्रा दृश्यन्ते प्रियदर्शनाः ॥ 5.18 ॥

etaddhi kila devānāṃ vayo bhavati nityadā | yatheme puruṣavyāghrā dṛśyante priyadarśanāḥ || 5.18 ||

सुना है कि देवताओं की आयु सदैव इसी रूप में स्थिर रहती है, इसीलिए ये पुरुषश्रेष्ठ इतने प्रियदर्शन दिखाई देते हैं।"

श्लोक 19 (aranya.5.19)

इहैव सह वैदेह्या मुहूर्तं तिष्ठ लक्ष्मण । यावज्जानाम्यहं व्यक्तं क एष द्युतिमान् रथे ॥ 5.19 ॥

ihaiva saha vaidehyā muhūrtaṃ tiṣṭha lakṣmaṇa | yāvajjānāmyahaṃ vyaktaṃ ka eṣa dyutimān rathe || 5.19 ||

"हे लक्ष्मण, तुम वैदेही के साथ यहीं क्षणभर ठहरो, जब तक मैं स्पष्ट रूप से यह न जान लूँ कि रथ पर बैठा यह तेजस्वी कौन है।"

श्लोक 20 (aranya.5.20)

तमेवमुक्त्वा सौमित्रिमिहैव स्थीयतामिति । अभिचक्राम काकुत्स्थः शरभङ्गाश्रमं प्रति ॥ 5.20 ॥

tamevamuktvā saumitrimihaiva sthīyatāmiti | abhicakrāma kākutsthaḥ śarabhaṅgāśramaṃ prati || 5.20 ||

सौमित्र से इस प्रकार "यहीं ठहरो" कहकर काकुत्स्थ राम शरभंग के आश्रम की ओर आगे बढ़े।

श्लोक 21 (aranya.5.21)

ततः समभिगच्छन्तं प्रेक्ष्य रामं शचीपतिः । शरभङ्गमनुज्ञाप्य विबुधानिदमब्रवीत् ॥ 5.21 ॥

tataḥ samabhigacchantaṃ prekṣya rāmaṃ śacīpatiḥ | śarabhaṅgamanujñāpya vibudhānidamabravīt || 5.21 ||

तब राम को निकट आते देखकर शची के पति इन्द्र ने शरभंग से विदा लेकर देवताओं से यह कहा—

श्लोक 22 (aranya.5.22)

इहोपयात्यसौ रामो यावन्मां नाभिभाषते । निष्ठां नयत तावत् तु ततो माद्रष्टुमर्हति ॥ 5.22 ॥

ihopayātyasau rāmo yāvanmāṃ nābhibhāṣate | niṣṭhāṃ nayata tāvat tu tato mādraṣṭumarhati || 5.22 ||

"यह राम यहाँ आ रहे हैं। जब तक ये मुझसे संभाषण नहीं करते, तब तक तुम अपना कार्य पूर्ण कर लो; उसके पश्चात् ही ये मुझे देखने के योग्य होंगे।

श्लोक 23 (aranya.5.23)

जितवन्तं कृतार्थं हि तदाहमचिरादिमम् । कर्म ह्यनेन कर्तव्यं महदन्यैः सुदुष्करम् ॥ 5.23 ॥

jitavantaṃ kṛtārthaṃ hi tadāhamacirādimam | karma hyanena kartavyaṃ mahadanyaiḥ suduṣkaram || 5.23 ||

जब यह विजयी होकर अपना कार्य पूर्ण कर लेगा, तभी शीघ्र ही मैं इसे देखूँगा; क्योंकि इसे एक ऐसा महान् कार्य करना है जो औरों के लिए अत्यंत दुष्कर है।"

श्लोक 24 (aranya.5.24)

अथ वज्री तमामन्त्र्य मानयित्वा च तापसम् । रथेन हययुक्तेन ययौ दिवमरिंदमः ॥ 5.24 ॥

atha vajrī tamāmantrya mānayitvā ca tāpasam | rathena hayayuktena yayau divamariṃdamaḥ || 5.24 ||

तत्पश्चात् शत्रुदमन वज्रधारी इन्द्र उस तपस्वी शरभंग का सम्मानपूर्वक विदा लेकर अश्वयुक्त रथ से स्वर्ग को चले गए।

श्लोक 25 (aranya.5.25)

प्रयाते तु सहस्राक्षे राघवः सपरिच्छदः । अग्निहोत्रमुपासीनं शरभङ्गमुपागमत् ॥ 5.25 ॥

prayāte tu sahasrākṣe rāghavaḥ saparicchadaḥ | agnihotramupāsīnaṃ śarabhaṅgamupāgamat || 5.25 ||

सहस्राक्ष इन्द्र के चले जाने पर, अपने साथियों सहित राघव अग्निहोत्र में बैठे हुए शरभंग के समीप पहुँचे।

श्लोक 26 (aranya.5.26)

तस्य पादौ च संगृह्य रामः सीता च लक्ष्मणः । निषेदुस्तदनुज्ञाता लब्धवासा निमन्त्रिताः ॥ 5.26 ॥

tasya pādau ca saṃgṛhya rāmaḥ sītā ca lakṣmaṇaḥ | niṣedustadanujñātā labdhavāsā nimantritāḥ || 5.26 ||

राम, सीता और लक्ष्मण ने उनके चरणों का स्पर्श किया, और उनकी अनुमति तथा निमंत्रण पाकर, आश्रय प्राप्त कर वहाँ बैठ गए।

श्लोक 27 (aranya.5.27)

ततः शक्रोपयानं तु पर्यपृच्छत राघवः । शरभङ्गश्च तत् सर्वं राघवाय न्यवेदयत् ॥ 5.27 ॥

tataḥ śakropayānaṃ tu paryapṛcchata rāghavaḥ | śarabhaṅgaśca tat sarvaṃ rāghavāya nyavedayat || 5.27 ||

तब राघव ने इन्द्र के आगमन के विषय में पूछा, और शरभंग ने वह सब कुछ राघव को बता दिया।

श्लोक 28 (aranya.5.28)

मामेष वरदो राम ब्रह्मलोकं निनीषति । जितमुग्रेण तपसा दुष्प्रापमकृतात्मभिः ॥ 5.28 ॥

māmeṣa varado rāma brahmalokaṃ ninīṣati | jitamugreṇa tapasā duṣprāpamakṛtātmabhiḥ || 5.28 ||

"हे राम, यह वरदाता इन्द्र मुझे ब्रह्मलोक में ले जाना चाहते हैं, जिसे मैंने उग्र तपस्या से जीता है, और जो असंयमित आत्मा वालों के लिए दुष्प्राप्य है।

श्लोक 29 (aranya.5.29)

अहं ज्ञात्वा नरव्याघ्र वर्तमानमदूरतः । ब्रह्मलोकं न गच्छामि त्वामदृष्ट्वा प्रियातिथिम् ॥ 5.29 ॥

ahaṃ jñātvā naravyāghra vartamānamadūrataḥ | brahmalokaṃ na gacchāmi tvāmadṛṣṭvā priyātithim || 5.29 ||

परन्तु हे नरश्रेष्ठ, यह जानते हुए कि आप निकट ही आ रहे हैं, मैं अपने प्रिय अतिथि आपके दर्शन किए बिना ब्रह्मलोक को नहीं जा रहा।

श्लोक 30 (aranya.5.30)

त्वयाहं पुरुषव्याघ्र धार्मिकेण महात्मना । समागम्य गमिष्यामि त्रिदिवं चावरं परम् ॥ 5.30 ॥

tvayāhaṃ puruṣavyāghra dhārmikeṇa mahātmanā | samāgamya gamiṣyāmi tridivaṃ cāvaraṃ param || 5.30 ||

हे पुरुषश्रेष्ठ, धर्मात्मा और महात्मा आपसे मिलकर ही अब मैं त्रिविष्टप को, चाहे वह निम्न हो या श्रेष्ठ, प्रस्थान करूँगा।

श्लोक 31 (aranya.5.31)

अक्षया नरशार्दूल जिता लोका मया शुभाः । ब्राह्म्याश्च नाकपृष्ठ्याश्च प्रतिगृह्णीष्व मामकान् ॥ 5.31 ॥

akṣayā naraśārdūla jitā lokā mayā śubhāḥ | brāhmyāśca nākapṛṣṭhyāśca pratigṛhṇīṣva māmakān || 5.31 ||

हे नरश्रेष्ठ, मैंने जो अक्षय और शुभ लोक जीते हैं — चाहे वे ब्रह्मलोक के हों या स्वर्ग से भी परे के — वे मेरे लोक अब आप ग्रहण कीजिए।"

श्लोक 32 (aranya.5.32)

एवमुक्तो नरव्याघ्रः सर्वशास्त्रविशारदः । ऋषिणा शरभङ्गेन राघवो वाक्यमब्रवीत् ॥ 5.32 ॥

evamukto naravyāghraḥ sarvaśāstraviśāradaḥ | ṛṣiṇā śarabhaṅgena rāghavo vākyamabravīt || 5.32 ||

शरभंग ऋषि द्वारा इस प्रकार कहे जाने पर, सभी शास्त्रों में निपुण नरश्रेष्ठ राघव ने यह वचन कहा—

श्लोक 33 (aranya.5.33)

अहमेवाहरिष्यामि सर्वान् लोकान् महामुने । आवासं त्वहमिच्छामि प्रदिष्टमिह कानने ॥ 5.33 ॥

ahamevāhariṣyāmi sarvān lokān mahāmune | āvāsaṃ tvahamicchāmi pradiṣṭamiha kānane || 5.33 ||

"हे महामुने, मैं स्वयं ही समस्त लोकों को अर्जित करने में समर्थ हूँ; मुझे तो केवल इस वन में एक निर्दिष्ट निवास-स्थान चाहिए।"

श्लोक 34 (aranya.5.34)

राघवेणैवमुक्तस्तु शक्रतुल्यबलेन वै । शरभङ्गो महाप्राज्ञः पुनरेवाब्रवीद् वचः ॥ 5.34 ॥

rāghaveṇaivamuktastu śakratulyabalena vai | śarabhaṅgo mahāprājñaḥ punarevābravīd vacaḥ || 5.34 ||

इन्द्र के समान बलशाली राघव द्वारा इस प्रकार कहे जाने पर, महाप्राज्ञ शरभंग ने पुनः यह वचन कहा—

श्लोक 35 (aranya.5.35)

इह राम महातेजाः सुतीक्ष्णो नाम धार्मिकः । वसत्यरण्ये नियतः स ते श्रेयो विधास्यति ॥ 5.35 ॥

iha rāma mahātejāḥ sutīkṣṇo nāma dhārmikaḥ | vasatyaraṇye niyataḥ sa te śreyo vidhāsyati || 5.35 ||

"हे राम, यहाँ अत्यंत तेजस्वी और धर्मात्मा सुतीक्ष्ण नामक मुनि संयमपूर्वक इस वन में निवास करते हैं; वे आपके लिए कल्याणकारी उपाय बताएँगे।

श्लोक 36 (aranya.5.36)

सुतीक्ष्णमभिगच्छ त्वं शुचौ देशे तपस्विनम् । रमणीये वनोद्देशे स ते वासं विधास्यति ॥ 5.36 ॥

sutīkṣṇamabhigaccha tvaṃ śucau deśe tapasvinam | ramaṇīye vanoddeśe sa te vāsaṃ vidhāsyati || 5.36 ||

आप उन तपस्वी सुतीक्ष्ण के पास जाइए, जो एक पवित्र और रमणीय वनप्रदेश में निवास करते हैं; वे आपके लिए निवास की व्यवस्था कर देंगे।

श्लोक 37 (aranya.5.37)

इमां मन्दाकिनीं राम प्रतिस्रोतामनुव्रज । नदीं पुष्पोडुपवहां ततस्तत्र गमिष्यसि ॥ 5.37 ॥

imāṃ mandākinīṃ rāma pratisrotāmanuvraja | nadīṃ puṣpoḍupavahāṃ tatastatra gamiṣyasi || 5.37 ||

हे राम, फूलों की डोंगियाँ बहाने वाली इस मन्दाकिनी नदी के प्रवाह के विपरीत दिशा में चलते जाइए, फिर आप वहाँ पहुँच जाएँगे।

श्लोक 38 (aranya.5.38)

एष पन्था नरव्याघ्र मुहूर्तं पश्य तात माम् । यावज्जहामि गात्राणि जीर्णां त्वचमिवोरगः ॥ 5.38 ॥

eṣa panthā naravyāghra muhūrtaṃ paśya tāta mām | yāvajjahāmi gātrāṇi jīrṇāṃ tvacamivoragaḥ || 5.38 ||

यही मार्ग है, हे नरव्याघ्र। हे तात, अब क्षणभर मुझे देख लो, जब तक मैं अपने इस शरीर को उसी प्रकार त्यागता हूँ जैसे सर्प अपनी जीर्ण त्वचा को त्यागता है।"

श्लोक 39 (aranya.5.39)

ततोऽग्निं स समाधाय हुत्वा चाज्येन मन्त्रवित् । शरभङ्गो महातेजाः प्रविवेश हुताशनम् ॥ 5.39 ॥

tato'gniṃ sa samādhāya hutvā cājyena mantravit | śarabhaṅgo mahātejāḥ praviveśa hutāśanam || 5.39 ||

तत्पश्चात् उस मन्त्रविद् महातेजस्वी शरभंग ने अग्नि को भलीभाँति प्रज्वलित करके घृत की आहुति दी, और फिर स्वयं उस अग्नि में प्रवेश कर गए।

श्लोक 40 (aranya.5.40)

तस्य रोमाणि केशांश्च तदा वह्निर्महात्मनः । जीर्णां त्वचं तदस्थीनि यच्च मांसं च शोणितम् ॥ 5.40 ॥

tasya romāṇi keśāṃśca tadā vahnirmahātmanaḥ | jīrṇāṃ tvacaṃ tadasthīni yacca māṃsaṃ ca śoṇitam || 5.40 ||

तब उस महात्मा के रोम, केश, जीर्ण त्वचा, हड्डियाँ, तथा जो कुछ मांस और रक्त था, वह सब अग्नि ने भस्म कर दिया।

श्लोक 41 (aranya.5.41)

स च पावकसंकाशः कुमारः समपद्यत । उत्थायाग्निचयात् तस्माच्छरभङ्गो व्यरोचत ॥ 5.41 ॥

sa ca pāvakasaṃkāśaḥ kumāraḥ samapadyata | utthāyāgnicayāt tasmāccharabhaṅgo vyarocata || 5.41 ||

और वह अग्नि के समान तेजस्वी होकर एक कुमार के रूप में प्रकट हुए; उस अग्निकुण्ड से उठकर शरभंग तेजस्वी रूप में दीप्त हो उठे।

श्लोक 42 (aranya.5.42)

स लोकानाहिताग्नीनामृषीणां च महात्मनाम् । देवानां च व्यतिक्रम्य ब्रह्मलोकं व्यरोहत ॥ 5.42 ॥

sa lokānāhitāgnīnāmṛṣīṇāṃ ca mahātmanām | devānāṃ ca vyatikramya brahmalokaṃ vyarohata || 5.42 ||

वे अग्निहोत्रियों, महात्मा ऋषियों और देवताओं के लोकों को भी लांघकर ब्रह्मलोक में जा पहुँचे।

श्लोक 43 (aranya.5.43)

स पुण्यकर्मा भुवने द्विजर्षभः । पितामहं सानुचरं ददर्श ह । पितामहश्चापि समीक्ष्य तं द्विजं । ननन्द सुस्वागतमित्युवाच ह ॥ 5.43 ॥

sa puṇyakarmā bhuvane dvijarṣabhaḥ | pitāmahaṃ sānucaraṃ dadarśa ha | pitāmahaścāpi samīkṣya taṃ dvijaṃ | nananda susvāgatamityuvāca ha || 5.43 ||

वह पुण्यकर्मा और श्रेष्ठ ब्राह्मण उस लोक में अनुचरों सहित पितामह ब्रह्मा को देखने में समर्थ हुए, और पितामह ने भी उस ब्राह्मण को देखकर हर्षित होकर कहा — "तुम्हारा स्वागत है।"