शरभंग-आश्रम में मुनियों की प्रार्थना

श्लोक 1 (aranya.6.1)

शरभङ्गे दिवं प्राप्ते मुनिसङ्घाः समागताः । अभ्यगच्छन्त काकुत्स्थं रामं ज्वलिततेजसम् ॥ 6.1 ॥

śarabhaṅge divaṃ prāpte munisaṅghāḥ samāgatāḥ abhyagacchanta kākutsthaṃ rāmaṃ jvalitatejasam || 6.1 ||

शरभंग के स्वर्गारोहण के पश्चात् मुनियों के समूह वहाँ एकत्र हुए और तेज से प्रज्वलित काकुत्स्थ राम के समीप आए।

श्लोक 2 (aranya.6.2)

वैखानसा वालखिल्याः सम्प्रक्षाला मरीचिपाः । अश्मकुट्टाश्च बहवः पत्राहाराश्च तापसाः ॥ 6.2 ॥

vaikhānasā vālakhilyāḥ samprakṣālā marīcipāḥ aśmakuṭṭāśca bahavaḥ patrāhārāśca tāpasāḥ || 6.2 ||

वैखानस, वालखिल्य, संप्रक्षाल तथा मरीचि-पान करने वाले, पत्थर से अन्न कूटने वाले तथा केवल पत्तों पर जीवन बिताने वाले अनेक तपस्वी वहाँ थे।

श्लोक 3 (aranya.6.3)

दन्तोलूखलिनश्चैव तथैवोन्मज्जकाः परे । गात्रशय्या अशय्याश्च तथैवानवकाशिकाः ॥ 6.3 ॥

dantolūkhalinaścaiva tathaivonmajjakāḥ pare gātraśayyā aśayyāśca tathaivānavakāśikāḥ || 6.3 ||

कुछ अपने दाँतों को ही ओखली के समान काम में लेते थे, कुछ जल में डूबे रहते थे, कुछ केवल भूमि पर शयन करते थे, कुछ सोते ही नहीं थे, और कुछ सदा खुले आकाश में रहते थे।

श्लोक 4 (aranya.6.4)

मुनयः सलिलाहारा वायुभक्षास्तथापरे । आकाशनिलयाश्चैव तथा स्थण्डिलशायिनः ॥ 6.4 ॥

munayaḥ salilāhārā vāyubhakṣāstathāpare ākāśanilayāścaiva tathā sthaṇḍilaśāyinaḥ || 6.4 ||

कोई मुनि केवल जल पीकर जीवित रहते थे, कोई केवल वायु पर निर्वाह करते थे, कुछ का निवास मानो आकाश ही था, और कुछ केवल कच्ची भूमि पर सोते थे।

श्लोक 5 (aranya.6.5)

तथोर्ध्ववासिनो दान्तास्तथाऽऽर्द्रपटवाससः । सजपाश्च तपोनिष्ठास्तथा पञ्चतपोऽन्विताः ॥ 6.5 ॥

tathordhvavāsino dāntāstathā''rdrapaṭavāsasaḥ sajapāśca taponiṣṭhāstathā pañcatapo'nvitāḥ || 6.5 ||

कुछ सदा भुजाएँ ऊपर उठाए रहते थे, कुछ इन्द्रियों को वश में रखने वाले गीले वस्त्र पहने रहते थे, और कुछ जप में तथा पंचाग्नि तप में सदा लीन रहते थे।

श्लोक 6 (aranya.6.6)

सर्वे ब्राह्म्या श्रिया युक्ता दृढयोगसमाहिताः । शरभङ्गाश्रमे राममभिजग्मुश्च तापसाः ॥ 6.6 ॥

sarve brāhmyā śriyā yuktā dṛḍhayogasamāhitāḥ śarabhaṅgāśrame rāmamabhijagmuśca tāpasāḥ || 6.6 ||

ये सभी तपस्वी ब्रह्मतेज से युक्त और दृढ़ योगसाधना में स्थिर थे; यही तपस्वीगण शरभंग के आश्रम में राम के पास आए।

श्लोक 7 (aranya.6.7)

अभिगम्य च धर्मज्ञा रामं धर्मभृतां वरम् । ऊचुः परमधर्मज्ञमृषिसङ्घाः समागताः ॥ 6.7 ॥

abhigamya ca dharmajñā rāmaṃ dharmabhṛtāṃ varam ūcuḥ paramadharmajñamṛṣisaṅghāḥ samāgatāḥ || 6.7 ||

धर्म के ज्ञाता उन ऋषियों के समूह ने धर्मज्ञों में श्रेष्ठ राम के पास जाकर उस परम धर्मज्ञ से यह निवेदन किया।

श्लोक 8 (aranya.6.8)

त्वमिक्ष्वाकुकुलस्यास्य पृथिव्याश्च महारथः । प्रधानश्चापि नाथश्च देवानां मघवानिव ॥ 6.8 ॥

tvamikṣvākukulasyāsya pṛthivyāśca mahārathaḥ pradhānaścāpi nāthaśca devānāṃ maghavāniva || 6.8 ||

आप इस इक्ष्वाकु वंश और इस पृथ्वी के महान् रथी हैं, तथा देवताओं के स्वामी इन्द्र के समान इसके प्रधान नाथ हैं।

श्लोक 9 (aranya.6.9)

विश्रुतस्त्रिषु लोकेषु यशसा विक्रमेण च । पितृव्रतत्वं सत्यं च त्वयि धर्मश्च पुष्कलः ॥ 6.9 ॥

viśrutastriṣu lokeṣu yaśasā vikrameṇa ca pitṛvratatvaṃ satyaṃ ca tvayi dharmaśca puṣkalaḥ || 6.9 ||

आप अपने यश और पराक्रम से तीनों लोकों में विख्यात हैं; आपमें पितृभक्ति, सत्य और प्रचुर धर्म सदा विद्यमान है।

श्लोक 10 (aranya.6.10)

त्वामासाद्य महात्मानं धर्मज्ञं धर्मवत्सलम् । अर्थित्वान्नाथ वक्ष्यामस्तच्च नः क्षन्तुमर्हसि ॥ 6.10 ॥

tvāmāsādya mahātmānaṃ dharmajñaṃ dharmavatsalam arthitvānnātha vakṣyāmastacca naḥ kṣantumarhasi || 6.10 ||

हे नाथ! धर्मज्ञ और धर्मवत्सल आप महात्मा के पास आकर हम अपनी आवश्यकता से यह निवेदन करते हैं, इसके लिए आप हमें क्षमा करें।

श्लोक 11 (aranya.6.11)

अधर्मः सुमहान् नाथ भवेत् तस्य तु भूपतेः । यो हरेद् बलिषड्भागं न च रक्षति पुत्रवत् ॥ 6.11 ॥

adharmaḥ sumahān nātha bhavet tasya tu bhūpateḥ yo hared baliṣaḍbhāgaṃ na ca rakṣati putravat || 6.11 ||

हे नाथ! जो राजा प्रजा से कर का छठा भाग तो ग्रहण करे, किन्तु उसकी अपने पुत्र के समान रक्षा न करे, उसे महान् अधर्म प्राप्त होता है।

श्लोक 12 (aranya.6.12)

युञ्जानः स्वानिव प्राणान् प्राणैरिष्टान् सुतानिव । नित्ययुक्तः सदा रक्षन् सर्वान् विषयवासिनः ॥ 6.12 ॥

yuñjānaḥ svāniva prāṇān prāṇairiṣṭān sutāniva nityayuktaḥ sadā rakṣan sarvān viṣayavāsinaḥ || 6.12 ||

किन्तु जो राजा अपनी प्रजा को अपने प्राणों के समान तथा पुत्रों के समान प्रिय मानकर सदा सावधान रहते हुए विषयवासियों की रक्षा करता है,

श्लोक 13 (aranya.6.13)

प्राप्नोति शाश्वतीं राम कीर्तिं स बहुवार्षिकीम् । ब्रह्मणः स्थानमासाद्य तत्र चापि महीयते ॥ 6.13 ॥

prāpnoti śāśvatīṃ rāma kīrtiṃ sa bahuvārṣikīm brahmaṇaḥ sthānamāsādya tatra cāpi mahīyate || 6.13 ||

हे राम! वह शाश्वत और चिरस्थायी कीर्ति प्राप्त करता है, और ब्रह्मलोक को पाकर वहाँ भी सम्मानित होता है।

श्लोक 14 (aranya.6.14)

यत् करोति परं धर्मं मुनिर्मूलफलाशनः । तत्र राज्ञश्चतुर्भागः प्रजा धर्मेण रक्षतः ॥ 6.14 ॥

yat karoti paraṃ dharmaṃ munirmūlaphalāśanaḥ tatra rājñaścaturbhāgaḥ prajā dharmeṇa rakṣataḥ || 6.14 ||

मूल-फल खाने वाला मुनि तप से जो परम धर्म अर्जित करता है, उसका चौथा भाग उस राजा को प्राप्त होता है जो धर्मपूर्वक प्रजा की रक्षा करता है।

श्लोक 15 (aranya.6.15)

सोऽयं ब्राह्मणभूयिष्ठो वानप्रस्थगणो महान् । त्वन्नाथोऽनाथवद् राम राक्षसैर्हन्यते भृशम् ॥ 6.15 ॥

so'yaṃ brāhmaṇabhūyiṣṭho vānaprasthagaṇo mahān tvannātho'nāthavad rāma rākṣasairhanyate bhṛśam || 6.15 ||

हे राम! प्रायः ब्राह्मणों से युक्त वानप्रस्थियों का यह विशाल समुदाय, आपके नाथ होते हुए भी, मानो अनाथ के समान राक्षसों द्वारा अत्यन्त पीड़ित किया जा रहा है।

श्लोक 16 (aranya.6.16)

एहि पश्य शरीराणि मुनीनां भावितात्मनाम् । हतानां राक्षसैर्घोरैर्बहूनां बहुधा वने ॥ 6.16 ॥

ehi paśya śarīrāṇi munīnāṃ bhāvitātmanām hatānāṃ rākṣasairghorairbahūnāṃ bahudhā vane || 6.16 ||

आइए, देखिए—वन में भयंकर राक्षसों द्वारा अनेक प्रकार से मारे गए, शुद्ध अन्तःकरण वाले मुनियों के अनेक शरीर पड़े हैं।

श्लोक 17 (aranya.6.17)

पम्पानदीनिवासानामनुमन्दाकिनीमपि । चित्रकूटालयानां च क्रियते कदनं महत् ॥ 6.17 ॥

pampānadīnivāsānāmanumandākinīmapi citrakūṭālayānāṃ ca kriyate kadanaṃ mahat || 6.17 ||

पम्पा नदी के तटवासियों का, मन्दाकिनी के समीपवासियों का, और चित्रकूट में रहने वालों का भी भारी संहार किया जा रहा है।

श्लोक 18 (aranya.6.18)

एवं वयं न मृष्यामो विप्रकारं तपस्विनाम् । क्रियमाणं वने घोरं रक्षोभिर्भीमकर्मभिः ॥ 6.18 ॥

evaṃ vayaṃ na mṛṣyāmo viprakāraṃ tapasvinām kriyamāṇaṃ vane ghoraṃ rakṣobhirbhīmakarmabhiḥ || 6.18 ||

अतः हम वन में भीषण कर्म करने वाले राक्षसों द्वारा तपस्वियों पर किए जा रहे इस घोर अत्याचार को अब और सहन नहीं कर सकते।

श्लोक 19 (aranya.6.19)

ततस्त्वां शरणार्थं च शरण्यं समुपस्थिताः । परिपालय नो राम वध्यमानान् निशाचरैः ॥ 6.19 ॥

tatastvāṃ śaraṇārthaṃ ca śaraṇyaṃ samupasthitāḥ paripālaya no rāma vadhyamānān niśācaraiḥ || 6.19 ||

इसीलिए हम शरण देने योग्य आपके पास शरण लेने आए हैं। हे राम! निशाचरों द्वारा मारे जा रहे हम सबकी रक्षा कीजिए।

श्लोक 20 (aranya.6.20)

परा त्वत्तो गतिर्वीर पृथिव्यां नोपपद्यते । परिपालय नः सर्वान् राक्षसेभ्यो नृपात्मज ॥ 6.20 ॥

parā tvatto gatirvīra pṛthivyāṃ nopapadyate paripālaya naḥ sarvān rākṣasebhyo nṛpātmaja || 6.20 ||

हे वीर! इस पृथ्वी पर आपसे बढ़कर हमारी कोई गति नहीं है। हे राजपुत्र! हम सबकी राक्षसों से रक्षा कीजिए।

श्लोक 21 (aranya.6.21)

एतच्छ्रुत्वा तु काकुत्स्थस्तापसानां तपस्विनाम् । इदं प्रोवाच धर्मात्मा सर्वानेव तपस्विनः ॥ 6.21 ॥

etacchrutvā tu kākutsthastāpasānāṃ tapasvinām idaṃ provāca dharmātmā sarvāneva tapasvinaḥ || 6.21 ||

यह सुनकर धर्मात्मा काकुत्स्थ ने उन सभी तपस्वियों से यह कहा—

श्लोक 22 (aranya.6.22)

नैवमर्हथ मां वक्तुमाज्ञाप्योऽहं तपस्विनाम् । केवलेन स्वकार्येण प्रवेष्टव्यं वनं मया ॥ 6.22 ॥

naivamarhatha māṃ vaktumājñāpyo'haṃ tapasvinām kevalena svakāryeṇa praveṣṭavyaṃ vanaṃ mayā || 6.22 ||

"आपको मुझसे इस प्रकार कहने की आवश्यकता नहीं थी, मैं तो तपस्वियों की आज्ञा का पालन करने वाला हूँ। केवल अपने ही प्रयोजन से भी मुझे इस वन में प्रवेश करना उचित था।

श्लोक 23 (aranya.6.23)

विप्रकारमपाक्रष्टुं राक्षसैर्भवतामिमम् । पितुस्तु निर्देशकरः प्रविष्टोऽहमिदं वनम् ॥ 6.23 ॥

viprakāramapākraṣṭuṃ rākṣasairbhavatāmimam pitustu nirdeśakaraḥ praviṣṭo'hamidaṃ vanam || 6.23 ||

राक्षसों द्वारा आप लोगों पर किए जा रहे इस अत्याचार को दूर करने के लिए भी मैं यही करूँगा; यद्यपि मैं तो पिता की आज्ञा का पालन करते हुए इस वन में आया हूँ।

श्लोक 24 (aranya.6.24)

भवतामर्थसिद्ध्यर्थमागतोऽहं यदृच्छया । तस्य मेऽयं वने वासो भविष्यति महाफलः ॥ 6.24 ॥

bhavatāmarthasiddhyarthamāgato'haṃ yadṛcchayā tasya me'yaṃ vane vāso bhaviṣyati mahāphalaḥ || 6.24 ||

मैं मानो अकस्मात् ही आपके प्रयोजन की सिद्धि के लिए यहाँ आ गया हूँ; अतः वन में मेरा यह निवास महान् फलदायी सिद्ध होगा।

श्लोक 25 (aranya.6.25)

तपस्विनां रणे शत्रून् हन्तुमिच्छामि राक्षसान् । पश्यन्तु वीर्यमृषयः सभ्रातुर्मे तपोधनाः ॥ 6.25 ॥

tapasvināṃ raṇe śatrūn hantumicchāmi rākṣasān paśyantu vīryamṛṣayaḥ sabhrāturme tapodhanāḥ || 6.25 ||

मैं तपस्वियों के शत्रु राक्षसों को युद्ध में मारना चाहता हूँ; तपोधन ऋषिगण मेरे और मेरे भाई के पराक्रम को देखें।"

श्लोक 26 (aranya.6.26)

दत्त्वा वरं चापि तपोधनानां । धर्मे धृतात्मा सह लक्ष्मणेन ॥ तपोधनैश्चापि सहार्यदत्तः । सुतीक्ष्णमेवाभिजगाम वीरः ॥ 6.26 ॥

dattvā varaṃ cāpi tapodhanānāṃ dharme dhṛtātmā saha lakṣmaṇena tapodhanaiścāpi sahāryadattaḥ sutīkṣṇamevābhijagāma vīraḥ || 6.26 ||

इस प्रकार तपोधनों को आश्वासन देकर, धर्म में स्थिरचित्त वह वीर राम लक्ष्मण के साथ तथा उन तपस्वियों द्वारा सम्मानपूर्वक विदा किए जाकर सुतीक्ष्ण मुनि के आश्रम की ओर चल पड़ा।