सुतीक्ष्ण के आश्रम में

श्लोक 1 (aranya.7.1)

रामस्तु सहितो भ्रात्रा सीतया च परंतपः । सुतीक्ष्णस्याश्रमपदं जगाम सह तैर्द्विजैः ॥ 7.1 ॥

rāmastu sahito bhrātrā sītayā ca paraṃtapaḥ sutīkṣṇasyāśramapadaṃ jagāma saha tairdvijaiḥ || 7.1 ||

शत्रुओं को संताप देने वाले राम अपने भाई तथा सीता के साथ, उन ब्राह्मणों को लेकर सुतीक्ष्ण के आश्रम की ओर चल पड़े।

श्लोक 2 (aranya.7.2)

स गत्वा दूरमध्वानं नदीस्तीर्त्वा बहूदकाः । ददर्श विमलं शैलं महामेरुमिवोन्नतम् ॥ 7.2 ॥

sa gatvā dūramadhvānaṃ nadīstīrtvā bahūdakāḥ dadarśa vimalaṃ śailaṃ mahāmerumivonnatam || 7.2 ||

बहुत दूर तक चलकर तथा प्रचुर जलवाली नदियों को पार करके उन्होंने महामेरु के समान ऊँचे और निर्मल एक पर्वत को देखा।

श्लोक 3 (aranya.7.3)

ततस्तदिक्ष्वाकुवरौ सततं विविधैर्द्रुमैः । काननं तौ विविशतुः सीतया सह राघवौ ॥ 7.3 ॥

tatastadikṣvākuvarau satataṃ vividhairdrumaiḥ kānanaṃ tau viviśatuḥ sītayā saha rāghavau || 7.3 ||

तत्पश्चात् इक्ष्वाकुवंश के उन दोनों श्रेष्ठ राघवों ने सीता सहित नाना प्रकार के वृक्षों से सुशोभित उस वन में प्रवेश किया।

श्लोक 4 (aranya.7.4)

प्रविष्टस्तु वनं घोरं बहुपुष्पफलद्रुमम् । ददर्शाश्रममेकान्ते चीरमालापरिष्कृतम् ॥ 7.4 ॥

praviṣṭastu vanaṃ ghoraṃ bahupuṣpaphaladrumam dadarśāśramamekānte cīramālāpariṣkṛtam || 7.4 ||

अनेक पुष्पों और फलों से युक्त उस घोर वन में प्रवेश करके उन्होंने एक एकान्त स्थान में वल्कल-मालाओं से सुसज्जित आश्रम को देखा।

श्लोक 5 (aranya.7.5)

तत्र तापसमासीनं मलपङ्कजधारिणम् । रामः सुतीक्ष्णं विधिवत् तपोधनमभाषत ॥ 7.5 ॥

tatra tāpasamāsīnaṃ malapaṅkajadhāriṇam rāmaḥ sutīkṣṇaṃ vidhivat tapodhanamabhāṣata || 7.5 ||

वहाँ बैठे हुए, तपस्या से मानो कीचड़ में उगे कमल के समान चिह्नों को धारण करने वाले तपोनिष्ठ सुतीक्ष्ण से राम ने विधिपूर्वक बात की।

श्लोक 6 (aranya.7.6)

रामोऽहमस्मि भगवन् भवन्तं द्रष्टुमागतः । तन्माभिवद धर्मज्ञ महर्षे सत्यविक्रम ॥ 7.6 ॥

rāmo'hamasmi bhagavan bhavantaṃ draṣṭumāgataḥ tanmābhivada dharmajña maharṣe satyavikrama || 7.6 ||

"भगवन्! मैं राम हूँ, आपके दर्शन के लिए आया हूँ। हे धर्मज्ञ, हे सत्यपराक्रमी महर्षे! मुझे आशीर्वचन दीजिए।"

श्लोक 7 (aranya.7.7)

स निरीक्ष्य ततो धीरो रामं धर्मभृतां वरम् । समाश्लिष्य च बाहुभ्यामिदं वचनमब्रवीत् ॥ 7.7 ॥

sa nirīkṣya tato dhīro rāmaṃ dharmabhṛtāṃ varam samāśliṣya ca bāhubhyāmidaṃ vacanamabravīt || 7.7 ||

तब उस धीर मुनि ने धर्मधारकों में श्रेष्ठ राम को देखकर, दोनों भुजाओं से आलिंगन करके यह वचन कहा—

श्लोक 8 (aranya.7.8)

स्वागतं ते रघुश्रेष्ठ राम सत्यभृतां वर । आश्रमोऽयं त्वयाऽऽक्रान्तः सनाथ इव साम्प्रतम् ॥ 7.8 ॥

svāgataṃ te raghuśreṣṭha rāma satyabhṛtāṃ vara āśramo'yaṃ tvayā''krāntaḥ sanātha iva sāmpratam || 7.8 ||

"हे रघुश्रेष्ठ, हे सत्यनिष्ठों में श्रेष्ठ राम! आपका स्वागत है। आपके पदार्पण से यह आश्रम मानो अभी सनाथ हो गया है।

श्लोक 9 (aranya.7.9)

प्रतीक्षमाणस्त्वामेव नारोहेऽहं महायशः । देवलोकमितो वीर देहं त्यक्त्वा महीतले ॥ 7.9 ॥

pratīkṣamāṇastvāmeva nārohe'haṃ mahāyaśaḥ devalokamito vīra dehaṃ tyaktvā mahītale || 7.9 ||

हे महायश! केवल आपकी ही प्रतीक्षा करते हुए मैंने यह शरीर छोड़कर देवलोक को जाना स्वीकार नहीं किया, हे वीर!

श्लोक 10 (aranya.7.10)

चित्रकूटमुपादाय राज्यभ्रष्टोऽसि मे श्रुतः । इहोपयातः काकुत्स्थ देवराजः शतक्रतुः ॥ 7.10 ॥

citrakūṭamupādāya rājyabhraṣṭo'si me śrutaḥ ihopayātaḥ kākutstha devarājaḥ śatakratuḥ || 7.10 ||

मैंने सुना था कि चित्रकूट में आप राज्यभ्रष्ट होकर रह रहे हैं; तब हे काकुत्स्थ! शतक्रतु देवराज इन्द्र यहाँ मेरे पास आए थे।

श्लोक 11 (aranya.7.11)

उपागम्य च मे देवो महादेवः सुरेश्वरः । सर्वान् लोकान् जितान् आह मम पुण्येन कर्मणा ॥ 7.11 ॥

upāgamya ca me devo mahādevaḥ sureśvaraḥ sarvān lokān jitān āha mama puṇyena karmaṇā || 7.11 ||

उन देवाधिदेव, देवताओं के स्वामी ने मेरे पास आकर कहा कि मेरे पुण्यकर्मों से सभी लोक जीत लिए गए हैं।

श्लोक 12 (aranya.7.12)

तेषु देवर्षिजुष्टेषु जितेषु तपसा मया । मत्प्रसादात् सभार्यस्त्वं विहरस्व सलक्ष्मणः ॥ 7.12 ॥

teṣu devarṣijuṣṭeṣu jiteṣu tapasā mayā matprasādāt sabhāryastvaṃ viharasva salakṣmaṇaḥ || 7.12 ||

देवर्षियों से सेवित, तप द्वारा जीते गए उन्हीं लोकों में मेरी अनुमति से अब आप अपनी पत्नी और लक्ष्मण सहित सुखपूर्वक विचरण कीजिए।

श्लोक 13 (aranya.7.13)

तमुग्रतपसं दीप्तं महर्षिं सत्यवादिनम् । प्रत्युवाचात्मवान् रामो ब्रह्माणमिव वासवः ॥ 7.13 ॥

tamugratapasaṃ dīptaṃ maharṣiṃ satyavādinam pratyuvācātmavān rāmo brahmāṇamiva vāsavaḥ || 7.13 ||

उग्र तपस्या से दीप्त, सत्यवादी उस महर्षि को आत्मवान् राम ने वैसे ही उत्तर दिया जैसे इन्द्र ब्रह्मा को उत्तर देते हैं।

श्लोक 14 (aranya.7.14)

अहमेवाहरिष्यामि स्वयं लोकान् महामुने । आवासं त्वहमिच्छामि प्रदिष्टमिह कानने ॥ 7.14 ॥

ahamevāhariṣyāmi svayaṃ lokān mahāmune āvāsaṃ tvahamicchāmi pradiṣṭamiha kānane || 7.14 ||

"हे महामुने! मैं तो स्वयं ही अपने पुरुषार्थ से लोकों को प्राप्त करूँगा। मुझे तो यहाँ इस वन में रहने के लिए स्थान बताने की इच्छा है।

श्लोक 15 (aranya.7.15)

भवान् सर्वत्र कुशलः सर्वभूतहिते रतः । आख्यातं शरभङ्गेन गौतमेन महात्मना ॥ 7.15 ॥

bhavān sarvatra kuśalaḥ sarvabhūtahite rataḥ ākhyātaṃ śarabhaṅgena gautamena mahātmanā || 7.15 ||

आप सर्वत्र कुशल और सब प्राणियों के हित में रत हैं—ऐसा मुझसे शरभंग और महात्मा गौतम ने कहा था।"

श्लोक 16 (aranya.7.16)

एवमुक्तस्तु रामेण महर्षिर्लोकविश्रुतः । अब्रवीन्मधुरं वाक्यं हर्षेण महता युतः ॥ 7.16 ॥

evamuktastu rāmeṇa maharṣirlokaviśrutaḥ abravīnmadhuraṃ vākyaṃ harṣeṇa mahatā yutaḥ || 7.16 ||

राम के इस प्रकार कहने पर लोकविख्यात उस महर्षि ने अत्यन्त हर्षित होकर मधुर वचन कहे—

श्लोक 17 (aranya.7.17)

अयमेवाश्रमो राम गुणवान् रम्यतामिति । ऋषिसंघानुचरितः सदा मूलफलैर्युतः ॥ 7.17 ॥

ayamevāśramo rāma guṇavān ramyatāmiti ṛṣisaṃghānucaritaḥ sadā mūlaphalairyutaḥ || 7.17 ||

"हे राम! यही आश्रम अत्यन्त उत्तम है, यहीं आप निवास कीजिए। यह सदा ऋषिसमूहों से सेवित तथा मूल-फलों से समृद्ध है।

श्लोक 18 (aranya.7.18)

इममाश्रममागम्य मृगसंघा महीयसः । अहत्वा प्रतिगच्छन्ति लोभयित्वाकुतोभयाः ॥ 7.18 ॥

imamāśramamāgamya mṛgasaṃghā mahīyasaḥ ahatvā pratigacchanti lobhayitvākutobhayāḥ || 7.18 ||

इस आश्रम में मृगों के झुंड आकर बिना किसी हानि के लौट जाते हैं, वे निर्भय होकर केवल मन को लुभाकर चले जाते हैं।

श्लोक 19 (aranya.7.19)

नान्यो दोषो भवेदत्र मृगेभ्योऽन्यत्र विद्धि वै । तच्छ्रुत्वा वचनं तस्य महर्षेर्लक्ष्मणाग्रजः ॥ 7.19 ॥

nānyo doṣo bhavedatra mṛgebhyo'nyatra viddhi vai tacchrutvā vacanaṃ tasya maharṣerlakṣmaṇāgrajaḥ || 7.19 ||

यहाँ इन मृगों के अतिरिक्त और कोई दोष नहीं होगा, अन्यत्र यह बात भिन्न जानिए।" यह सुनकर लक्ष्मण के बड़े भाई राम ने—

श्लोक 20 (aranya.7.20)

उवाच वचनं धीरो विगृह्य सशरं धनुः । तानहं सुमहाभाग मृगसंघान् समागतान् ॥ 7.20 ॥

uvāca vacanaṃ dhīro vigṛhya saśaraṃ dhanuḥ tānahaṃ sumahābhāga mṛgasaṃghān samāgatān || 7.20 ||

बाणसहित धनुष उठाकर धीर राम ने कहा—"हे परम सौभाग्यशाली! यहाँ एकत्र हुए इन मृगों के झुंडों को

श्लोक 21 (aranya.7.21)

हन्यां निशितधारेण शरेणानतपर्वणा । भवांस्तत्राभिषज्येत किं स्यात् कृच्छ्रतरं ततः ॥ 7.21 ॥

hanyāṃ niśitadhāreṇa śareṇānataparvaṇā bhavāṃstatrābhiṣajyeta kiṃ syāt kṛcchrataraṃ tataḥ || 7.21 ||

यदि मैं तीक्ष्ण धार वाले बाण से मार दूँ और उससे कहीं आपको ही चोट लग जाए, तो उससे बढ़कर कष्टकर और क्या होगा?"

श्लोक 22 (aranya.7.22)

एतस्मिन्नाश्रमे वासं चिरं तु न समर्थये । तमेवमुक्त्वोपरमं रामः संध्यामुपागमत् ॥ 7.22 ॥

etasminnāśrame vāsaṃ ciraṃ tu na samarthaye tamevamuktvoparamaṃ rāmaḥ saṃdhyāmupāgamat || 7.22 ||

"इसलिए मैं इस आश्रम में अधिक समय ठहरना उचित नहीं समझता।" यह कहकर राम मौन होकर संध्योपासना के लिए चले गए।

श्लोक 23 (aranya.7.23)

अन्वास्य पश्चिमां संध्यां तत्र वासमकल्पयत् । सुतीक्ष्णस्याश्रमे रम्ये सीतया लक्ष्मणेन च ॥ 7.23 ॥

anvāsya paścimāṃ saṃdhyāṃ tatra vāsamakalpayat sutīkṣṇasyāśrame ramye sītayā lakṣmaṇena ca || 7.23 ||

सायंकालीन संध्या-वन्दना करके उन्होंने सीता और लक्ष्मण के साथ सुतीक्ष्ण के उस रमणीय आश्रम में ही रात्रि-विश्राम की व्यवस्था की।

श्लोक 24 (aranya.7.24)

ततः शुभं तापसयोग्यमन्नं । स्वयं सुतीक्ष्णः पुरुषर्षभाभ्याम् ॥ ताभ्यां सुसत्कृत्य ददौ महात्मा । संध्यानिवृत्तौ रजनीं समीक्ष्य ॥ 7.24 ॥

tataḥ śubhaṃ tāpasayogyamannaṃ svayaṃ sutīkṣṇaḥ puruṣarṣabhābhyām tābhyāṃ susatkṛtya dadau mahātmā saṃdhyānivṛttau rajanīṃ samīkṣya || 7.24 ||

संध्योपासना समाप्त होने पर रात्रि को देखकर महात्मा सुतीक्ष्ण ने स्वयं उन दोनों पुरुषश्रेष्ठों का भलीभाँति सत्कार करके उन्हें तपस्वियों के योग्य शुभ अन्न दिया।