कबन्ध की मुक्ति

श्लोक 1 (aranya.72.1)

एवमुक्तौ तु तौ वीरौ कबन्धेन नरेश्वरौ । गिरिप्रदरमासाद्य पावकं विससर्जतुः ॥ 72.1 ॥

evamuktau tu tau vīrau kabandhena nareśvarau | giripradaramāsādya pāvakaṃ visasarjatuḥ || 72.1 ||

कबन्ध के ऐसा कहने पर, उन दोनों वीर नरेश्वरों ने उसे पर्वत की एक कंदरा में ले जाकर अग्नि प्रज्वलित कर दी।

श्लोक 2 (aranya.72.2)

लक्ष्मणस्तु महोल्काभिर्ज्वलिताभिः समन्ततः । चितामादीपयामास सा प्रजज्वाल सर्वतः ॥ 72.2 ॥

lakṣmaṇastu maholkābhirjvalitābhiḥ samantataḥ | citāmādīpayāmāsa sā prajajvāla sarvataḥ || 72.2 ||

लक्ष्मण ने चारों ओर से बड़ी-बड़ी जलती हुई मशालों से उस चिता को प्रज्वलित कर दिया, और वह चिता सब ओर से धधक उठी।

श्लोक 3 (aranya.72.3)

तच्छरीरं कबन्धस्य घृतपिण्डोपमं महत् । मेदसा पच्यमानस्य मन्दं दहत पावकः ॥ 72.3 ॥

taccharīraṃ kabandhasya ghṛtapiṇḍopamaṃ mahat | medasā pacyamānasya mandaṃ dahata pāvakaḥ || 72.3 ||

मेद से युक्त कबन्ध का वह विशाल शरीर घी के पिंड के समान था, और वह पिघलते हुए मेद के कारण अग्नि द्वारा धीरे-धीरे जलता रहा।

श्लोक 4 (aranya.72.4)

सविधूय चितामाशु विधूमोऽग्निरिवोत्थितः । अरजे वाससी बिभ्रन्माल्यं दिव्यं महाबलः ॥ 72.4 ॥

savidhūya citāmāśu vidhūmo'gnirivotthitaḥ | araje vāsasī bibhranmālyaṃ divyaṃ mahābalaḥ || 72.4 ||

तत्पश्चात् वह महाबली तुरंत ही उस चिता को झाड़कर धूमरहित अग्नि के समान उठ खड़ा हुआ, निर्मल वस्त्र और दिव्य माला धारण किए हुए,

श्लोक 5 (aranya.72.5)

ततश्चिताया वेगेन भास्वरो विरजाम्बरः । उत्पपाताशु संहृष्टः सर्वप्रत्यङ्गभूषणः ॥ 72.5 ॥

tataścitāyā vegena bhāsvaro virajāmbaraḥ | utpapātāśu saṃhṛṣṭaḥ sarvapratyaṅgabhūṣaṇaḥ || 72.5 ||

और तेजस्वी तथा निर्मल वस्त्रों वाला वह, अपने प्रत्येक अंग को आभूषणों से सुसज्जित किए हुए, अत्यंत हर्षित होकर तुरंत चिता से ऊपर उठ गया।

श्लोक 6 (aranya.72.6)

विमाने भास्वरे तिष्ठन् हंसयुक्ते यशस्करे । प्रभया च महातेजा दिशो दश विराजयन् ॥ 72.6 ॥

vimāne bhāsvare tiṣṭhan haṃsayukte yaśaskare | prabhayā ca mahātejā diśo daśa virājayan || 72.6 ||

हंसों से युक्त, यशस्कर और देदीप्यमान विमान में खड़े होकर, उस महातेजस्वी ने अपनी प्रभा से दसों दिशाओं को प्रकाशित करते हुए,

श्लोक 7 (aranya.72.7)

सोऽन्तरिक्षगतो वाक्यं कबन्धो राममब्रवीत् । शृणु राघव तत्त्वेन यथा सीतामवाप्स्यसि ॥ 72.7 ॥

so'ntarikṣagato vākyaṃ kabandho rāmamabravīt | śṛṇu rāghava tattvena yathā sītāmavāpsyasi || 72.7 ||

आकाश में स्थित उस कबन्ध ने राम से यह वचन कहा — "हे राघव, तुम जिस प्रकार सीता को पुनः प्राप्त करोगे, वह सब तत्त्वतः सुनो।

श्लोक 8 (aranya.72.8)

राम षड् युक्तयो लोके याभिः सर्वं विमृश्यते । परिमृष्टो दशान्तेन दशाभागेन सेव्यते ॥ 72.8 ॥

rāma ṣaḍ yuktayo loke yābhiḥ sarvaṃ vimṛśyate | parimṛṣṭo daśāntena daśābhāgena sevyate || 72.8 ||

हे राम, संसार में छह प्रकार की नीतियाँ हैं जिनसे सब कुछ विचारा जाता है; और दुर्भाग्य से आहत व्यक्ति को उसी दशा वाले की सेवा करनी चाहिए।

श्लोक 9 (aranya.72.9)

दशाभागगतो हीनस्त्वं हि राम सलक्ष्मणः । यत्कृते व्यसनं प्राप्तं त्वया दारप्रधर्षणम् ॥ 72.9 ॥

daśābhāgagato hīnastvaṃ hi rāma salakṣmaṇaḥ | yatkṛte vyasanaṃ prāptaṃ tvayā dārapradharṣaṇam || 72.9 ||

हे राम, तुम लक्ष्मण सहित उसी दुर्भाग्य की दशा में पड़े हुए, वंचित हो चुके हो; और उसी के कारण तुम्हें पत्नी के अपहरण जैसी विपत्ति का सामना करना पड़ा है।

श्लोक 10 (aranya.72.10)

तदवश्यं त्वया कार्यः स सुहृत् सुहृदां वर । अकृत्वा नहि ते सिद्धिमहं पश्यामि चिन्तयन् ॥ 72.10 ॥

tadavaśyaṃ tvayā kāryaḥ sa suhṛt suhṛdāṃ vara | akṛtvā nahi te siddhimahaṃ paśyāmi cintayan || 72.10 ||

इसलिए हे मित्रों में श्रेष्ठ, तुम्हें अवश्य ही उस समान दशा वाले को अपना मित्र बनाना चाहिए; ऐसा किए बिना, चाहे जितना भी विचार करूँ, मुझे तुम्हारी सिद्धि होती नहीं दिखती।

श्लोक 11 (aranya.72.11)

श्रूयतां राम वक्ष्यामि सुग्रीवो नाम वानरः । भ्रात्रा निरस्तः क्रुद्धेन वालिना शक्रसूनुना ॥ 72.11 ॥

śrūyatāṃ rāma vakṣyāmi sugrīvo nāma vānaraḥ | bhrātrā nirastaḥ kruddhena vālinā śakrasūnunā || 72.11 ||

सुनो राम, मैं तुम्हें बताता हूँ — सुग्रीव नामक एक वानर है, जिसे इंद्रपुत्र वाली नामक उसके क्रोधी भाई ने निकाल दिया है।

श्लोक 12 (aranya.72.12)

ऋष्यमूके गिरिवरे पम्पापर्यन्तशोभिते । निवसत्यात्मवान् वीरश्चतुर्भिः सह वानरैः ॥ 72.12 ॥

ṛṣyamūke girivare pampāparyantaśobhite | nivasatyātmavān vīraścaturbhiḥ saha vānaraiḥ || 72.12 ||

वह आत्मवान् वीर, पंपा सरोवर के तट पर सुशोभित ऋष्यमूक नामक श्रेष्ठ पर्वत पर चार वानरों के साथ निवास करता है।

श्लोक 13 (aranya.72.13)

वानरेन्द्रो महावीर्यस्तेजोवानमितप्रभः । सत्यसंधो विनीतश्च धृतिमान् मतिमान् महान् ॥ 72.13 ॥

vānarendro mahāvīryastejovānamitaprabhaḥ | satyasaṃdho vinītaśca dhṛtimān matimān mahān || 72.13 ||

वह वानरेन्द्र महापराक्रमी, तेजस्वी और असीम कान्तिवाला है; सत्यप्रतिज्ञ, विनम्र, धैर्यवान्, बुद्धिमान् और महान् है।

श्लोक 14 (aranya.72.14)

दक्षः प्रगल्भो द्युतिमान् महाबलपराक्रमः । भ्रात्रा विवासितो वीर राज्यहेतोर्महात्मना ॥ 72.14 ॥

dakṣaḥ pragalbho dyutimān mahābalaparākramaḥ | bhrātrā vivāsito vīra rājyahetormahātmanā || 72.14 ||

दक्ष, साहसी, कान्तिमान् तथा महाबलपराक्रमी वह वीर, राज्य के कारण अपने ही महात्मा भाई द्वारा निर्वासित कर दिया गया है।

श्लोक 15 (aranya.72.15)

स ते सहायो मित्रं च सीतायाः परिमार्गणे । भविष्यति हि ते राम मा च शोके मनः कृथाः ॥ 72.15 ॥

sa te sahāyo mitraṃ ca sītāyāḥ parimārgaṇe | bhaviṣyati hi te rāma mā ca śoke manaḥ kṛthāḥ || 72.15 ||

हे राम, वही सीता की खोज में तुम्हारा सहायक और मित्र बनेगा; अतः तुम शोक में अपने मन को मत डुबाओ।

श्लोक 16 (aranya.72.16)

भवितव्यं हि तच्चापि न तच्छक्यमिहान्यथा । कर्तुमिक्ष्वाकुशार्दूल कालो हि दुरतिक्रमः ॥ 72.16 ॥

bhavitavyaṃ hi taccāpi na tacchakyamihānyathā | kartumikṣvākuśārdūla kālo hi duratikramaḥ || 72.16 ||

क्योंकि हे इक्ष्वाकुश्रेष्ठ, जो होना है वह अन्यथा नहीं किया जा सकता; काल का अतिक्रमण करना सचमुच असंभव है।

श्लोक 17 (aranya.72.17)

गच्छ शीघ्रमितो वीर सुग्रीवं तं महाबलम् । वयस्यं तं कुरु क्षिप्रमितो गत्वाद्य राघव ॥ 72.17 ॥

gaccha śīghramito vīra sugrīvaṃ taṃ mahābalam | vayasyaṃ taṃ kuru kṣipramito gatvādya rāghava || 72.17 ||

हे वीर, यहाँ से शीघ्र ही उस महाबली सुग्रीव के पास जाओ; हे राघव, आज ही यहाँ से जाकर शीघ्र उसे अपना मित्र बनाओ,

श्लोक 18 (aranya.72.18)

अद्रोहाय समागम्य दीप्यमाने विभावसौ । न च ते सोऽवमन्तव्यः सुग्रीवो वानराधिपः ॥ 72.18 ॥

adrohāya samāgamya dīpyamāne vibhāvasau | na ca te so'vamantavyaḥ sugrīvo vānarādhipaḥ || 72.18 ||

प्रज्वलित अग्नि के समक्ष उसके साथ मित्रता का संबंध स्थापित करना, और उस वानराधिप सुग्रीव का तुम्हें तिरस्कार नहीं करना चाहिए।

श्लोक 19 (aranya.72.19)

कृतज्ञः कामरूपी च सहायार्थी च वीर्यवान् । शक्तौ ह्यद्य युवां कर्तुं कार्यं तस्य चिकीर्षितम् ॥ 72.19 ॥

kṛtajñaḥ kāmarūpī ca sahāyārthī ca vīryavān | śaktau hyadya yuvāṃ kartuṃ kāryaṃ tasya cikīrṣitam || 72.19 ||

वह कृतज्ञ, इच्छानुसार रूप बदलने वाला, पराक्रमी और स्वयं सहायता का अभिलाषी है; तुम दोनों उसकी अभिलषित कार्यसिद्धि करने में समर्थ हो।

श्लोक 20 (aranya.72.20)

कृतार्थो वाकृतार्थो वा तव कृत्यं करिष्यति । स ऋक्षरजसः पुत्रः पम्पामटति शङ्कितः ॥ 72.20 ॥

kṛtārtho vākṛtārtho vā tava kṛtyaṃ kariṣyati | sa ṛkṣarajasaḥ putraḥ pampāmaṭati śaṅkitaḥ || 72.20 ||

उसका प्रयोजन सिद्ध हो अथवा न हो, वह तुम्हारा कार्य अवश्य करेगा। ऋक्षराज का वह पुत्र सदा शंकित होकर पंपा के आसपास विचरण करता रहता है,

श्लोक 21 (aranya.72.21)

भास्करस्यौरसः पुत्रो वालिना कृतकिल्बिषः । संनिधायायुधं क्षिप्रमृष्यमूकालयं कपिम् ॥ 72.21 ॥

bhāskarasyaurasaḥ putro vālinā kṛtakilbiṣaḥ | saṃnidhāyāyudhaṃ kṣipramṛṣyamūkālayaṃ kapim || 72.21 ||

वह सूर्यदेव का औरस पुत्र है, जिसके साथ वाली ने अन्याय किया है। हे राघव, अपने अस्त्र को साक्षी बनाकर, शीघ्र ही ऋष्यमूक पर निवास करने वाले उस वानर के पास जाकर,

श्लोक 22 (aranya.72.22)

कुरु राघव सत्येन वयस्यं वनचारिणम् । स हि स्थानानि कात्स्न्र्येन सर्वाणि कपिकुञ्जरः ॥ 72.22 ॥

kuru rāghava satyena vayasyaṃ vanacāriṇam | sa hi sthānāni kāts‍n‍‍ryena sarvāṇi kapikuñjaraḥ || 72.22 ||

उस वनचारी को सत्यनिष्ठा से अपना मित्र बना लो, हे राघव; क्योंकि वह कपिश्रेष्ठ अपनी कुशलता से समस्त स्थानों को,

श्लोक 23 (aranya.72.23)

नरमांसाशिनां लोके नैपुण्यादधिगच्छति । न तस्याविदितं लोके किंचिदस्ति हि राघव ॥ 72.23 ॥

naramāṃsāśināṃ loke naipuṇyādadhigacchati | na tasyāviditaṃ loke kiṃcidasti hi rāghava || 72.23 ||

इस संसार में मांसभक्षी राक्षसों के समस्त स्थानों को पूर्णतः जानता है। हे राघव, संसार में उसके लिए कुछ भी अज्ञात नहीं है।

श्लोक 24 (aranya.72.24)

यावत् सूर्यः प्रतपति सहस्रांशुः परंतप । स नदीर्विपुलान् शैलान् गिरिदुर्गाणि कन्दरान् ॥ 72.24 ॥

yāvat sūryaḥ pratapati sahasrāṃśuḥ paraṃtapa | sa nadīrvipulān śailān giridurgāṇi kandarān || 72.24 ||

हे परंतप, जहाँ-जहाँ तक सहस्ररश्मि सूर्य अपना प्रकाश फैलाता है, वहाँ तक की समस्त नदियों, विशाल पर्वतों, दुर्गम पर्वतीय स्थलों और गुफाओं को,

श्लोक 25 (aranya.72.25)

अन्विष्य वानरैः सार्धं पत्नीं तेऽधिगमिष्यति । वानरांश्च महाकायान् प्रेषयिष्यति राघव ॥ 72.25 ॥

anviṣya vānaraiḥ sārdhaṃ patnīṃ te'dhigamiṣyati | vānarāṃśca mahākāyān preṣayiṣyati rāghava || 72.25 ||

वह वानरों के साथ खोज करके तुम्हारी पत्नी का पता लगा लेगा। हे राघव, वह विशालकाय वानरों को,

श्लोक 26 (aranya.72.26)

दिशो विचेतुं तां सीतां त्वद्वियोगेन शोचतीम् । अन्वेष्यति वरारोहां मैथिलीं रावणालये ॥ 72.26 ॥

diśo vicetuṃ tāṃ sītāṃ tvadviyogena śocatīm | anveṣyati varārohāṃ maithilīṃ rāvaṇālaye || 72.26 ||

समस्त दिशाओं में भेजकर, तुमसे वियोग के कारण शोक करती हुई उस सीता को खोजेगा; वह उस सुंदरी मैथिली को रावण के निवास में भी ढूँढ़ निकालेगा।

श्लोक 27 (aranya.72.27)

स मेरुशृङ्गाग्रगतामनिन्दितां प्रविश्य पातालतलेऽपि वाश्रिताम् । प्लवङ्गमानामृषभस्तव प्रियां निहत्य रक्षांसि पुनः प्रदास्यति ॥ 72.27 ॥

sa meruśṛṅgāgragatāmaninditāṃ praviśya pātālatale'pi vāśritām | plavaṅgamānāmṛṣabhastava priyāṃ nihatya rakṣāṃsi punaḥ pradāsyati || 72.27 ||

तुम्हारी वह निष्कलंक प्रिया चाहे मेरु पर्वत के शिखर पर पहुँच गई हो अथवा पाताल के तल में जा छिपी हो, वह प्लवंगमों में श्रेष्ठ सुग्रीव वहाँ प्रवेश करके, राक्षसों का वध करके, उसे पुनः तुम्हें लौटा देगा।