अश्वमेध यज्ञ का आरंभ

श्लोक 1 (bala.13.1)

पुनः प्राप्ते वसन्ते तु पूर्णः संवत्सरोऽभवत् । प्रसवार्थं गतो यष्टुं हयमेधेन वीर्यवान् ॥ 13.1 ॥

punaḥ prāpte vasante tu pūrṇaḥ saṃvatsaro'bhavat | prasavārthaṃ gato yaṣṭuṃ hayamedhena vīryavān

पुनः वसंत ऋतु के आने पर एक पूर्ण वर्ष बीत चुका था; और वे पराक्रमी राजा संतान-प्राप्ति हेतु अश्वमेध यज्ञ करने चल पड़े।

श्लोक 2 (bala.13.2)

अभिवाद्य वसिष्ठं च न्यायतः प्रतिपूज्य च । अब्रवीत्प्रश्रितं वाक्यं प्रसवार्थं द्विजोत्तमम् ॥ 13.2 ॥

abhivādya vasiṣṭhaṃ ca nyāyataḥ pratipūjya ca | abravītpraśritaṃ vākyaṃ prasavārthaṃ dvijottamam

वसिष्ठ को प्रणाम कर और विधिपूर्वक उनका सम्मान कर, उन्होंने संतान-प्राप्ति के विषय में उन श्रेष्ठ ब्राह्मण से विनम्र वचन कहे।

श्लोक 3 (bala.13.3)

यज्ञो मे क्रियतां ब्रह्मन् यथोक्तं मुनिपुङ्गव । यथा न विघ्नाः क्रियन्ते यज्ञाङ्गेषु विधीयताम् ॥ 13.3 ॥

yajño me kriyatāṃ brahman yathoktaṃ munipuṅgava | yathā na vighnāḥ kriyante yajñāṅgeṣu vidhīyatām

‘हे ब्रह्मन्! हे मुनिश्रेष्ठ! मेरा यज्ञ यथाविधि संपन्न कराया जाए; ऐसी व्यवस्था हो कि यज्ञ के किसी भी अंग में विघ्न न आए।’

श्लोक 4 (bala.13.4)

भवान्स्निग्धः सुहृन्मह्यं गुरुश्च परमो महान् । वोढव्यो भवता चैव भारो यज्ञस्य चोद्यतः ॥ 13.4 ॥

bhavānsnigdhaḥ suhṛnmahyaṃ guruśca paramo mahān | voḍhavyo bhavatā caiva bhāro yajñasya codyataḥ

‘आप मेरे स्नेही मित्र और मेरे परम गुरु हैं; अतः इस आरंभ किए गए यज्ञ का भार आप ही वहन करें।’

श्लोक 5 (bala.13.5)

तथेति च स राजानमब्रवीत् द्विजसत्तमः । करिष्ये सर्वमेवैतद्भवता यत्समर्थितम् ॥ 13.5 ॥

tatheti ca sa rājānamabravīt dvijasattamaḥ | kariṣye sarvamevaitadbhavatā yatsamarthitam

‘ऐसा ही होगा,’ उन श्रेष्ठ ब्राह्मण ने राजा से कहा। ‘आपने जो कुछ प्रस्तावित किया है, वह सब मैं संपन्न करूँगा।’

श्लोक 6 (bala.13.6)

ततोऽब्रवीत् द्विजान्वृद्धान् यज्ञकर्मसु निष्ठितान् । स्थापत्ये निष्ठितांश्चैव वृद्धान्परमधार्मिकान् ॥ 13.6 ॥

tato'bravīt dvijānvṛddhān yajñakarmasu niṣṭhitān | sthāpatye niṣṭhitāṃścaiva vṛddhānparamadhārmikān

तत्पश्चात उन्होंने यज्ञ-कर्म में निपुण वृद्ध ब्राह्मणों को और वास्तुविद्या में निपुण, परम धर्मात्मा वृद्ध शिल्पाचार्यों को बुलाकर कहा—

श्लोक 7 (bala.13.7)

कर्मान्तिकान् शिल्पकरान् वर्धकीन् खनकानपि । गणकान् शिल्पिनश्चैव तथैव नटनर्तकान् ॥ 13.7 ॥

karmāntikān śilpakarān vardhakīn khanakānapi | gaṇakān śilpinaścaiva tathaiva naṭanartakān

—कार्य-निरीक्षकों, शिल्पकारों, बढ़इयों और खोदने वालों को भी; गणकों, कारीगरों तथा नट-नर्तकों को भी—

श्लोक 8 (bala.13.8)

तथा शुचीन् शास्त्रविदः पुरुषान्सुबहुश्रुतान् । यज्ञकर्म समीहन्तां भवन्तो राजशासनात् ॥ 13.8 ॥

tathā śucīn śāstravidaḥ puruṣānsubahuśrutān | yajñakarma samīhantāṃ bhavanto rājaśāsanāt

—तथा पवित्राचरण वाले, शास्त्रज्ञ और बहुश्रुत पुरुषों को बुलाकर कहा: ‘राजाज्ञा से आप सब यज्ञ-कार्य में जुट जाएँ।’

श्लोक 9 (bala.13.9)

इष्टका बहुसाहस्री शीघ्रमानीयतामिति । औपकार्याः क्रियन्तां च राज्ञो बहुगुणान्विताः ॥ 13.9 ॥

iṣṭakā bahusāhasrī śīghramānīyatāmiti | aupakāryāḥ kriyantāṃ ca rājño bahuguṇānvitāḥ

‘हजारों ईंटें शीघ्र लाई जाएँ; और राजा के लिए अनेक सुविधाओं से युक्त अतिथिशालाएँ बनाई जाएँ।’

श्लोक 10 (bala.13.10)

ब्राह्मणावसथाश्चैव कर्तव्याः शतशः शुभाः । भक्ष्यान्नपानैर्बहुभिः समुपेताः सुनिष्ठिताः ॥ 13.10 ॥

brāhmaṇāvasathāścaiva kartavyāḥ śataśaḥ śubhāḥ | bhakṣyānnapānairbahubhiḥ samupetāḥ suniṣṭhitāḥ

‘और ब्राह्मणों के लिए सैकड़ों शुभ निवास-स्थान बनाए जाएँ, जो अनेक प्रकार के खाद्य, अन्न और पेय पदार्थों से सुसज्जित हों।’

श्लोक 11 (bala.13.11)

तथा पौरजनस्यापि कर्तव्याश्च सुविस्तराः । आगतानां सुदूराच्च पार्थिवानां पृथक् पृथक् ॥ 13.11 ॥

tathā paurajanasyāpi kartavyāśca suvistarāḥ | āgatānāṃ sudūrācca pārthivānāṃ pṛthak pṛthak

‘तथा नगरवासियों के लिए भी विशाल आवास बनाए जाएँ, और दूर-दूर से आने वाले राजाओं के लिए पृथक्-पृथक् व्यवस्था हो।’

श्लोक 12 (bala.13.12)

वाजिवारणशलाश्च तथा शय्यागृहाणि च । भटानां महदावास वैदेशिकनिवासिनाम् ॥ 13.12 ॥

vājivāraṇaśalāśca tathā śayyāgṛhāṇi ca | bhaṭānāṃ mahadāvāsa vaideśikanivāsinām

‘घोड़ों के लिए अस्तबल और हाथियों के लिए शालाएँ, तथा शयनगृह भी बनाए जाएँ; और परदेशी राजाओं के सैनिकों के लिए विशाल आवास हों।’

श्लोक 13 (bala.13.13)

आवासा बहुभक्ष्या वै सर्वकामैरुपस्थिताः । तथा पौरजनस्यापि जनस्य बहुशोभनम् ॥ 13.13 ॥

āvāsā bahubhakṣyā vai sarvakāmairupasthitāḥ | tathā paurajanasyāpi janasya bahuśobhanam

‘वे आवास प्रचुर भोजन और समस्त वांछित वस्तुओं से युक्त हों; तथा नगरवासियों के लिए भी अत्यंत शोभायमान व्यवस्था हो।’

श्लोक 14 (bala.13.14)

दातव्यमन्नं विधिवत्सत्कृत्य न तु लीलया । सर्वे वर्णा यथा पूजां प्राप्नुवन्ति सुसत्कृताः ॥ 13.14 ॥

dātavyamannaṃ vidhivatsatkṛtya na tu līlayā | sarve varṇā yathā pūjāṃ prāpnuvanti susatkṛtāḥ

‘अन्न विधिपूर्वक और आदरसहित दिया जाए, न कि उपेक्षा से; ताकि सभी वर्णों के लोग समुचित सम्मान पाएँ।’

श्लोक 15 (bala.13.15)

न चावज्ञा प्रयोक्तव्या कामक्रोधवशादपि । यज्ञकर्मसु ये व्यग्राः पुरुषाः शिल्पिनस्तथा ॥ 13.15 ॥

na cāvajñā prayoktavyā kāmakrodhavaśādapi | yajñakarmasu ye vyagrāḥ puruṣāḥ śilpinastathā

‘काम या क्रोध के वशीभूत होकर भी यज्ञ-कार्य में व्यस्त पुरुषों और शिल्पकारों का अनादर नहीं किया जाना चाहिए।’

श्लोक 16 (bala.13.16)

तेषामपि विशेषेण पूजा कार्या यथाक्रमम् । ये स्युः संपूजिता सर्वे वसुभिर्भोजनेन च ॥ 13.16 ॥

teṣāmapi viśeṣeṇa pūjā kāryā yathākramam | ye syuḥ saṃpūjitā sarve vasubhirbhojanena ca

‘अपितु उनका भी क्रमानुसार विशेष सम्मान किया जाए; सभी को धन और भोजन से भलीभाँति सम्मानित किया जाए।’

श्लोक 17 (bala.13.17)

यथा सर्वं सुविहितं न किंचित्परिहीयते । तथा भवन्तः कुर्वन्तु प्रीतियुक्तेन चेतसा ॥ 13.17 ॥

yathā sarvaṃ suvihitaṃ na kiṃcitparihīyate | tathā bhavantaḥ kurvantu prītiyuktena cetasā

‘जिस प्रकार सब कुछ भलीभाँति व्यवस्थित हो और कुछ भी छूट न जाए, आप लोग प्रसन्नचित्त होकर वैसा ही कार्य करें।’

श्लोक 18 (bala.13.18)

ततः सर्वे समागम्य वसिष्ठमिदमब्रुवन् । यथेष्टं तत्सुविहितं न किंचित्परिहीयते ॥ 13.18 ॥

tataḥ sarve samāgamya vasiṣṭhamidamabruvan | yatheṣṭaṃ tatsuvihitaṃ na kiṃcitparihīyate

तत्पश्चात वे सब मिलकर वसिष्ठ के पास आए और बोले: ‘जैसी आपकी इच्छा है, वैसी ही व्यवस्था होगी; कुछ भी शेष नहीं छोड़ा जाएगा।’

श्लोक 19 (bala.13.19)

यथोक्तं तत्करिष्यामो न किंचित्परिहास्यते । ततः सुमंत्रमाहूय वसिष्ठो वाक्यमब्रवीत् ॥ 13.19 ॥

yathoktaṃ tatkariṣyāmo na kiṃcitparihāsyate | tataḥ sumaṃtramāhūya vasiṣṭho vākyamabravīt

‘जैसा कहा गया है वैसा ही हम करेंगे; कुछ भी छोड़ा नहीं जाएगा।’ तत्पश्चात वसिष्ठ ने सुमंत्र को बुलाकर यह वचन कहा:

श्लोक 20 (bala.13.20)

निमंत्रयस्व नृपतीन्पृथिव्यां ये च धार्मिकाः । ब्राह्मणान् क्षत्रियान् वैश्यान् शूद्रांश्चैव सहस्रशः ॥ 13.20 ॥

nimaṃtrayasva nṛpatīnpṛthivyāṃ ye ca dhārmikāḥ | brāhmaṇān kṣatriyān vaiśyān śūdrāṃścaiva sahasraśaḥ

‘पृथ्वी पर जितने भी धर्मात्मा राजा हैं उन्हें आमंत्रित करो, तथा हजारों की संख्या में ब्राह्मणों, क्षत्रियों, वैश्यों और शूद्रों को भी बुलाओ।’

श्लोक 21 (bala.13.21)

समानयस्व सत्कृत्य सर्वदेशेषु मानवान् । मिथिलाधिपतिं शूरं जनकं सत्यवादिनम् ॥ 13.21 ॥

samānayasva satkṛtya sarvadeśeṣu mānavān | mithilādhipatiṃ śūraṃ janakaṃ satyavādinam

‘सभी देशों के लोगों को सम्मानपूर्वक यहाँ लाओ। विशेष रूप से मिथिला के शूरवीर और सत्यवादी राजा जनक को—’

श्लोक 22 (bala.13.22)

तमानय महाभागं स्वयमेव सुसत्कृतम् । पूर्वसंबन्धिनं ज्ञात्वा ततः पूर्वं ब्रवीमि ते ॥ 13.22 ॥

tamānaya mahābhāgaṃ svayameva susatkṛtam | pūrvasaṃbandhinaṃ jñātvā tataḥ pūrvaṃ bravīmi te

—‘उन महाभाग्यशाली राजा को स्वयं जाकर सम्मानपूर्वक लाओ, यह जानते हुए कि वे हमारे पुराने संबंधी हैं; इसीलिए मैं उनका नाम सबसे पहले लेता हूँ।’

श्लोक 23 (bala.13.23)

तथा काशीपतिं स्निग्धं सततं प्रियवादिनम् । सद् वृत्तं देवसंकाशं स्वयमेवानयस्व ह ॥ 13.23 ॥

tathā kāśīpatiṃ snigdhaṃ satataṃ priyavādinam | sad vṛttaṃ devasaṃkāśaṃ svayamevānayasva ha

‘इसी प्रकार सदा मधुर वचन बोलने वाले, स्नेही काशी-नरेश को, जो देवतुल्य सदाचारी हैं, आप स्वयं ही लाइए।’

श्लोक 24 (bala.13.24)

तथा केकयराजानं वृद्धं परमधार्मिकम् । श्वशुरं राजसिंहस्य सपुत्रं त्वमिहानय ॥ 13.24 ॥

tathā kekayarājānaṃ vṛddhaṃ paramadhārmikam | śvaśuraṃ rājasiṃhasya saputraṃ tvamihānaya

‘इसी प्रकार वृद्ध और परम धर्मात्मा केकयराज को, जो हमारे सिंह-तुल्य राजा के श्वसुर हैं, अपने पुत्रों सहित यहाँ लाइए।’

श्लोक 25 (bala.13.25)

अङ्गेश्वरं महेष्वासं रोमपादं सुसत्कृतम् । वयस्यं राजसिंहस्य समानय यशस्विनम् ॥ 13.25 ॥

aṅgeśvaraṃ maheṣvāsaṃ romapādaṃ susatkṛtam | vayasyaṃ rājasiṃhasya samānaya yaśasvinam

‘महाधनुर्धर अंगराज रोमपाद को, जो हमारे सिंह-तुल्य राजा के मित्र और यशस्वी हैं, सम्मानपूर्वक ले आइए।’

श्लोक 26 (bala.13.26)

तथा कोसलराजानं भानुमंतं सुसत्कृतम् । मगधाधिपतिं शूरं सर्वशास्त्रविशारदम् ॥ 13.26 ॥

tathā kosalarājānaṃ bhānumaṃtaṃ susatkṛtam | magadhādhipatiṃ śūraṃ sarvaśāstraviśāradam

‘इसी प्रकार कोसल-नरेश भानुमंत को सम्मानपूर्वक, और सर्वशास्त्रविशारद शूरवीर मगध-नरेश को भी लाइए,’

श्लोक 27 (bala.13.27)

प्राप्तिज्ञं परमोदारं सत्कृतं पुरुषर्षभम् । राज्ञः शासनमादाय चोदयस्व नृपर्षभान् । प्राचीनान् सिन्धुसौवीरान् सौराष्ट्रेयांश्च पार्थिवान् ॥ 13.27 ॥

prāptijñaṃ paramodāraṃ satkṛtaṃ puruṣarṣabham | rājñaḥ śāsanamādāya codayasva nṛparṣabhān | prācīnān sindhusauvīrān saurāṣṭreyāṃśca pārthivān

—‘तथा परम उदार, सम्मानित पुरुषश्रेष्ठ प्राप्तिज्ञ को भी। और राजाज्ञा लेकर पूर्व दिशा के राजाओं, सिंधु-सौवीर तथा सौराष्ट्र के नरेशों को भी प्रेरित करो,’

श्लोक 28 (bala.13.28)

दाक्षिणात्यान्नरेन्द्रांश्च समस्तानानयस्व ह । सन्ति स्निग्धाश्च ये चान्ये राजानः पृथिवीतले ॥ 13.28 ॥

dākṣiṇātyānnarendrāṃśca samastānānayasva ha | santi snigdhāśca ye cānye rājānaḥ pṛthivītale

—‘तथा दक्षिण दिशा के समस्त राजाओं को भी ले आओ; और पृथ्वी पर जो भी अन्य स्नेही राजा हों,’

श्लोक 29 (bala.13.29)

तानानय यथा क्षिप्रं सानुगान् सहबान्धवान् । एतान् दूतैर्महाभागैरानयस्व नृपाज्ञया ॥ 13.29 ॥

tānānaya yathā kṣipraṃ sānugān sahabāndhavān | etān dūtairmahābhāgairānayasva nṛpājñayā

—‘उन्हें भी शीघ्रतापूर्वक उनके अनुचरों और बंधु-बांधवों सहित ले आओ। इन सबको राजाज्ञा से महाभाग्यशाली दूतों द्वारा आमंत्रित करो।’

श्लोक 30 (bala.13.30)

वसिष्ठवाक्यं तच्छ्रुत्वा सुमंत्रस्त्वरितस्तदा । व्यादिशत्पुरुषांस्तत्र राज्ञामानयने शुभान् ॥ 13.30 ॥

vasiṣṭhavākyaṃ tacchrutvā sumaṃtrastvaritastadā | vyādiśatpuruṣāṃstatra rājñāmānayane śubhān

वसिष्ठ के इस वचन को सुनकर वेगवान सुमंत्र ने तुरंत ही राजाओं को लाने के लिए योग्य पुरुषों को वहाँ नियुक्त किया।

श्लोक 31 (bala.13.31)

स्वयमेव हि धर्मात्मा प्रयातो मुनिशासनात् । सुमंत्रस्त्वरितो भूत्वा समानेतुं महीक्षितः ॥ 13.31 ॥

svayameva hi dharmātmā prayāto muniśāsanāt | sumaṃtrastvarito bhūtvā samānetuṃ mahīkṣitaḥ

और धर्मात्मा सुमंत्र स्वयं भी मुनि की आज्ञा से वेगपूर्वक राजाओं को लाने के लिए स्वयं प्रस्थान कर गए।

श्लोक 32 (bala.13.32)

ते च कर्मान्तिकाः सर्वे वसिष्ठाय महर्षये । सर्वं निवेदयन्ति स्म यज्ञे यदुपकल्पितम् ॥ 13.32 ॥

te ca karmāntikāḥ sarve vasiṣṭhāya maharṣaye | sarvaṃ nivedayanti sma yajñe yadupakalpitam

और वे समस्त कार्य-निरीक्षक महर्षि वसिष्ठ को यज्ञ के लिए जो कुछ भी तैयार किया गया था, उसका पूरा विवरण सुनाने लगे।

श्लोक 33 (bala.13.33)

ततः प्रीतो द्विजश्रेष्ठस्तान्सर्वान्मुनिरब्रवीत् । अवज्ञया न दातव्यं कस्यचिल्लीलयापि वा ॥ 13.33 ॥

tataḥ prīto dvijaśreṣṭhastānsarvānmunirabravīt | avajñayā na dātavyaṃ kasyacillīlayāpi vā

तब प्रसन्न होकर उन श्रेष्ठ ब्राह्मण मुनि ने उन सबसे कहा: ‘किसी को भी अनादरपूर्वक या उपेक्षा से कुछ न दिया जाए।’

श्लोक 34 (bala.13.34)

अवज्ञया कृतं हन्याद्दातारं नात्र संशयः । ततः कैश्चिदहोरात्रैरुपयाता महीक्षितः ॥ 13.34 ॥

avajñayā kṛtaṃ hanyāddātāraṃ nātra saṃśayaḥ | tataḥ kaiścidahorātrairupayātā mahīkṣitaḥ

‘अनादर से दिया गया दान देने वाले का ही नाश करता है, इसमें कोई संदेह नहीं।’ इसके कुछ दिन-रात बाद पृथ्वी के राजा वहाँ आ पहुँचे,

श्लोक 35 (bala.13.35)

बहूनि रत्नान्यादाय राज्ञो दशरथस्य ह । ततो वसिष्ठः सुप्रीतो राजानमिदमब्रवीत् ॥ 13.35 ॥

bahūni ratnānyādāya rājño daśarathasya ha | tato vasiṣṭhaḥ suprīto rājānamidamabravīt

अपने साथ राजा दशरथ के लिए बहुत से रत्न लेकर। तब अत्यंत प्रसन्न वसिष्ठ ने राजा से यह कहा:

श्लोक 36 (bala.13.36)

उपयाता नरव्याघ्र राजानस्तव शासनात् । मयापि सत्कृताः सर्वे यथार्हं राजसत्तमाः ॥ 13.36 ॥

upayātā naravyāghra rājānastava śāsanāt | mayāpi satkṛtāḥ sarve yathārhaṃ rājasattamāḥ

‘हे नरश्रेष्ठ! आपकी आज्ञा से राजा लोग यहाँ आ पहुँचे हैं, और मैंने भी उन सबका उनके पद के अनुरूप भलीभाँति सत्कार किया है।’

श्लोक 37 (bala.13.37)

यज्ञीयं च कृतं सर्वं पुरुषैः सुसमाहितैः । निर्यातु च भवान्यष्टुं यज्ञायतनमन्तिकात् ॥ 13.37 ॥

yajñīyaṃ ca kṛtaṃ sarvaṃ puruṣaiḥ susamāhitaiḥ | niryātu ca bhavānyaṣṭuṃ yajñāyatanamantikāt

‘यज्ञ संबंधी समस्त कार्य निष्ठावान पुरुषों द्वारा पूर्ण हो चुका है; अतः अब आप यहाँ से यज्ञशाला की ओर प्रस्थान करें।’

श्लोक 38 (bala.13.38)

सर्वकामैरुपहृतैरुपेतं वै समन्ततः । द्रष्टुमर्हसि राजेन्द्र मनसेव विनिर्मितम् ॥ 13.38 ॥

sarvakāmairupahṛtairupetaṃ vai samantataḥ | draṣṭumarhasi rājendra manaseva vinirmitam

‘वह चारों ओर से समस्त वांछित वस्तुओं से सुसज्जित है; हे राजेन्द्र, आपको उसे देखना चाहिए, मानो वह केवल संकल्प-मात्र से रची गई हो।’

श्लोक 39 (bala.13.39)

तथा वसिष्ठवचनादृष्यशृङ्गस्य चोभयोः । शुभे दिवसनक्षत्रे निर्यातो जगतीपतिः ॥ 13.39 ॥

tathā vasiṣṭhavacanādṛṣyaśṛṅgasya cobhayoḥ | śubhe divasanakṣatre niryāto jagatīpatiḥ

इस प्रकार वसिष्ठ और ऋष्यशृंग दोनों के परामर्श से, एक शुभ दिन और शुभ नक्षत्र में, वे पृथ्वीपति यज्ञशाला की ओर चल पड़े।

श्लोक 40 (bala.13.40)

ततो वसिष्ठप्रमुखाः सर्व एव द्विजोत्तमाः । ऋष्यशृङ्गं पुरस्कृत्य यज्ञकर्मारभंस्तदा ॥ 13.40 ॥

tato vasiṣṭhapramukhāḥ sarva eva dvijottamāḥ | ṛṣyaśṛṅgaṃ puraskṛtya yajñakarmārabhaṃstadā

तत्पश्चात वसिष्ठ आदि समस्त श्रेष्ठ ब्राह्मणों ने ऋष्यशृंग को आगे रखकर यज्ञ-कार्य आरंभ किया।

श्लोक 41 (bala.13.41)

यज्ञवाटं गताः सर्वे यथाशास्त्रं यथाविधि । श्रीमांश्च सह पत्नीभी राजा दीक्षामुपाविशत् ॥ 13.41 ॥

yajñavāṭaṃ gatāḥ sarve yathāśāstraṃ yathāvidhi | śrīmāṃśca saha patnībhī rājā dīkṣāmupāviśat

सब लोग शास्त्रविधि के अनुसार यज्ञशाला में गए; और वे श्रीमान राजा अपनी रानियों सहित दीक्षा में बैठ गए।