देवताओं की विष्णु से प्रार्थना

श्लोक 1 (bala.15.1)

मेधावी तु ततो ध्यात्वा स किञ्चिदिदमुत्तरम् । लब्धसंज्ञः ततस्तं तु वेदज्ञो नृपमब्रवीत् ॥ 15.1 ॥

medhāvī tu tato dhyātvā sa kiñcididamuttaram | labdhasaṃjñaḥ tatastaṃ tu vedajño nṛpamabravīt

वे बुद्धिमान ऋष्यशृंग कुछ समय तक इस पर विचार करते रहे; फिर स्पष्ट रूप से अपना उत्तर पाकर वेदज्ञ मुनि ने राजा से यह कहा:

श्लोक 2 (bala.15.2)

इष्टिं तेऽहं करिष्यामि पुत्रीयां पुत्रकारणात् । अथर्वशिरसि प्रोक्तैर्मन्त्रैः सिद्धां विधानतः ॥ 15.2 ॥

iṣṭiṃ te'haṃ kariṣyāmi putrīyāṃ putrakāraṇāt | atharvaśirasi proktairmantraiḥ siddhāṃ vidhānataḥ

‘मैं आपके लिए पुत्र-प्राप्ति हेतु पुत्रीया इष्टि करूँगा, जो अथर्वशिरस् में कहे गए मंत्रों से विधिपूर्वक सिद्ध होगी।’

श्लोक 3 (bala.15.3)

ततः प्राक्रमदिष्टिं तां पुत्रीयां पुत्रकारणात् । जुहाव चाग्नौ तेजस्वी मन्त्रदृष्टेन कर्मणा ॥ 15.3 ॥

tataḥ prākramadiṣṭiṃ tāṃ putrīyāṃ putrakāraṇāt | juhāva cāgnau tejasvī mantradṛṣṭena karmaṇā

तत्पश्चात उन तेजस्वी मुनि ने पुत्र-प्राप्ति हेतु वह पुत्रीया इष्टि आरंभ की, और मंत्रदृष्ट कर्म-विधि से अग्नि में आहुति दी।

श्लोक 4 (bala.15.4)

ततो देवाः सगन्धर्वाः सिद्धाश्च परमर्षयः । भागप्रतिग्रहार्थं वै समवेता यथाविधि ॥ 15.4 ॥

tato devāḥ sagandharvāḥ siddhāśca paramarṣayaḥ | bhāgapratigrahārthaṃ vai samavetā yathāvidhi

तब देवता, गंधर्वों सहित, सिद्धगण और परम ऋषिगण, अपने-अपने भाग को ग्रहण करने के लिए यथाविधि वहाँ एकत्र हुए।

श्लोक 5 (bala.15.5)

ताः समेत्य यथान्यायं तस्मिन् सदसि देवताः । अब्रुवन् लोककर्तारं ब्रह्माणं वचनं ततः ॥ 15.5 ॥

tāḥ sametya yathānyāyaṃ tasmin sadasi devatāḥ | abruvan lokakartāraṃ brahmāṇaṃ vacanaṃ tataḥ

उस सभा में यथोचित रूप से एकत्र हुए वे देवता तब लोकों के रचयिता ब्रह्मा से यह वचन बोले:

श्लोक 6 (bala.15.6)

भगवंस्त्वत्प्रसादेन रावणो नाम राक्षसः । सर्वान्नो बाधते वीर्याच्छासितुं तं न शक्नुमः ॥ 15.6 ॥

bhagavaṃstvatprasādena rāvaṇo nāma rākṣasaḥ | sarvānno bādhate vīryācchāsituṃ taṃ na śaknumaḥ

‘हे भगवन्! आपके ही वरदान से रावण नामक राक्षस अपने बल से हम सबको पीड़ित करता है, और हम उसे वश में नहीं कर पाते।’

श्लोक 7 (bala.15.7)

त्वया तस्मै वरो दत्तः प्रीतेन भगवान् तदा । मानयन्तश्च तं नित्यं सर्वं तस्य क्षमामहे ॥ 15.7 ॥

tvayā tasmai varo dattaḥ prītena bhagavān tadā | mānayantaśca taṃ nityaṃ sarvaṃ tasya kṣamāmahe

‘प्रसन्न होकर आपने ही उसे वरदान दिया था; और उसका सम्मान करते हुए हम उसके सभी अत्याचार सहते आ रहे हैं।’

श्लोक 8 (bala.15.8)

उद्वेजयति लोकांस्त्रीनुच्छ्रितान् द्वेष्टि दुर्मतिः । शक्रं त्रिदशराजानं प्रधर्षयितुमिच्छति ॥ 15.8 ॥

udvejayati lokāṃstrīnucchritān dveṣṭi durmatiḥ | śakraṃ tridaśarājānaṃ pradharṣayitumicchati

‘वह दुर्बुद्धि तीनों उन्नत लोकों को त्रस्त करता है, उनसे द्वेष रखता है, और देवराज इंद्र पर भी आक्रमण करना चाहता है।’

श्लोक 9 (bala.15.9)

ऋषीन् यक्षान् सगन्धर्वानसुरान् ब्राह्मणांस्तथा । अतिक्रामति दुर्धर्षो वरदानेन मोहितः ॥ 15.9 ॥

ṛṣīn yakṣān sagandharvānasurān brāhmaṇāṃstathā | atikrāmati durdharṣo varadānena mohitaḥ

‘वरदान से मोहित वह दुर्धर्ष ऋषियों, यक्षों, गंधर्वों, असुरों और ब्राह्मणों तक की मर्यादा का उल्लंघन करता है।’

श्लोक 10 (bala.15.10)

नैनं सूर्यः प्रतपति पार्श्वे वाति न मारुतः । चलोर्मिमाली तं दृष्ट्वा समुद्रोऽपि न कंपते ॥ 15.10 ॥

nainaṃ sūryaḥ pratapati pārśve vāti na mārutaḥ | calormimālī taṃ dṛṣṭvā samudro'pi na kaṃpate

‘सूर्य उसे संताप नहीं देता, पवन उसके पास्र्व में नहीं बहता, और चंचल लहरों वाला समुद्र भी उसे देखकर कंपित नहीं होता।’

श्लोक 11 (bala.15.11)

तन्महन्नो भयं तस्माद्राक्षसाद्घोरदर्शनात् । वधार्थं तस्य भगवन्नुपायं कर्तुमर्हसि ॥ 15.11 ॥

tanmahanno bhayaṃ tasmādrākṣasādghoradarśanāt | vadhārthaṃ tasya bhagavannupāyaṃ kartumarhasi

‘अतः उस भयंकर दिखने वाले राक्षस से हमें महान भय है; हे भगवन्! आप उसके वध का कोई उपाय करें।’

श्लोक 12 (bala.15.12)

एवमुक्तः सुरैः सर्वैः चिन्तयित्वा ततोऽब्रवीत् । हन्तायं विदितस्तस्य वधोपायो दुरात्मनः ॥ 15.12 ॥

evamuktaḥ suraiḥ sarvaiḥ cintayitvā tato'bravīt | hantāyaṃ viditastasya vadhopāyo durātmanaḥ

समस्त देवताओं द्वारा ऐसा कहे जाने पर ब्रह्मा कुछ देर विचार कर बोले: ‘अहा! उस दुरात्मा के वध का उपाय अब मुझे ज्ञात हुआ है।’

श्लोक 13 (bala.15.13)

तेन गन्धर्वयक्षाणां देवतानां च रक्षसाम् । अवध्योऽस्मीति वागुक्ता तथेक्तं च तन्मया ॥ 15.13 ॥

tena gandharvayakṣāṇāṃ devatānāṃ ca rakṣasām | avadhyo'smīti vāguktā tathektaṃ ca tanmayā

‘उसने वर माँगते समय कहा था, “मैं गंधर्वों, यक्षों, देवताओं और राक्षसों से अवध्य रहूँ,” और मैंने भी ‘ऐसा ही हो’ कहकर स्वीकृति दी थी।’

श्लोक 14 (bala.15.14)

नाकीर्तयदवज्ञानात्तद्रक्षो मानुषांस्तदा । तस्मात् स मानुषाद्वध्यो मृत्युर्नान्योऽस्य विद्यते ॥ 15.14 ॥

nākīrtayadavajñānāttadrakṣo mānuṣāṃstadā | tasmāt sa mānuṣādvadhyo mṛtyurnānyo'sya vidyate

‘अवमानना के कारण उस राक्षस ने मनुष्यों का उल्लेख नहीं किया था; अतः वह केवल मनुष्य के हाथों ही मारा जा सकता है, अन्य किसी से नहीं।’

श्लोक 15 (bala.15.15)

एतच्छ्रुत्वा प्रियं वाक्यं ब्रह्मणा समुदाहृतम् । देवा महर्षयः सर्वे प्रहृष्टास्तेऽभवंस्तदा ॥ 15.15 ॥

etacchrutvā priyaṃ vākyaṃ brahmaṇā samudāhṛtam | devā maharṣayaḥ sarve prahṛṣṭāste'bhavaṃstadā

ब्रह्मा द्वारा कहे गए इस प्रिय वचन को सुनकर वे समस्त देवता और महर्षि उस समय अत्यंत हर्षित हुए।

श्लोक 16 (bala.15.16)

एतस्मिन्नन्तरे विष्णुरुपयातो महाद्युतिः । श्ङ्खचक्रगदापाणिः पीतवासा जगत्पतिः ॥ 15.16 ॥

etasminnantare viṣṇurupayāto mahādyutiḥ | śṅkhacakragadāpāṇiḥ pītavāsā jagatpatiḥ

इसी बीच परम तेजस्वी भगवान विष्णु वहाँ पधारे — जगत्पति, शंख-चक्र-गदा हाथों में धारण किए, पीताम्बरधारी,

श्लोक 17 (bala.15.17)

वैनतेयं समारुह्य भास्करस्तोयदं यथा । तप्तहाटककेयूरो वन्द्यमानः सुरोत्तमैः ॥ 15.17 ॥

vainateyaṃ samāruhya bhāskarastoyadaṃ yathā | taptahāṭakakeyūro vandyamānaḥ surottamaiḥ

गरुड़ पर आरूढ़, जैसे सूर्य मेघ पर आरूढ़ हो; तपाए हुए स्वर्ण के केयूर पहने, श्रेष्ठ देवताओं द्वारा वंदित।

श्लोक 18 (bala.15.18)

ब्रह्मणा च समागम्य तत्र तस्थौ समाहितः । तमब्रुवन् सुराः सर्वे समभिष्टूय संनताः ॥ 15.18 ॥

brahmaṇā ca samāgamya tatra tasthau samāhitaḥ | tamabruvan surāḥ sarve samabhiṣṭūya saṃnatāḥ

ब्रह्मा से मिलकर वे वहाँ शांतचित्त होकर खड़े हो गए; तब समस्त देवता झुककर उनकी स्तुति करते हुए बोले:

श्लोक 19 (bala.15.19)

त्वां नियोक्ष्यामहे विष्णो लोकानां हितकाम्यया । राज्ञो दशरथस्य त्वमयोध्याधिपतेः विभोः ॥ 15.19 ॥

tvāṃ niyokṣyāmahe viṣṇo lokānāṃ hitakāmyayā | rājño daśarathasya tvamayodhyādhipateḥ vibhoḥ

‘हे विष्णु! समस्त लोकों के कल्याण की कामना से हम आपसे निवेदन करते हैं — आप अयोध्या के स्वामी, समर्थ राजा दशरथ के पुत्र बनें,’

श्लोक 20 (bala.15.20)

धर्मज्ञस्य वदान्यस्य महर्षिसमतेजसः । अस्य भार्यासु तिसृषु ह्रीश्रीकीर्त्युपमासु च ॥ 15.20 ॥

dharmajñasya vadānyasya maharṣisamatejasaḥ | asya bhāryāsu tisṛṣu hrīśrīkīrtyupamāsu ca

‘—जो धर्मज्ञ, उदार और महर्षि-तुल्य तेजस्वी हैं — उनकी तीन रानियों के गर्भ से, जो मानो ह्री, श्री और कीर्ति के समान हैं।’

श्लोक 21 (bala.15.21)

विष्णो पुत्रत्वमागच्छ कृत्वात्मानं चतुर्विधम् । तत्र त्वं मानुषो भूत्वा प्रवृद्धं लोककण्टकम् ॥ 15.21 ॥

viṣṇo putratvamāgaccha kṛtvātmānaṃ caturvidham | tatra tvaṃ mānuṣo bhūtvā pravṛddhaṃ lokakaṇṭakam

‘हे विष्णु! स्वयं को चार रूपों में विभाजित कर उनके पुत्र-रूप में अवतरित हों; वहाँ मनुष्य बनकर उस बढ़ते हुए लोक-कंटक—’

श्लोक 22 (bala.15.22)

अवध्यं दैवतैर्विष्णो समरे जहि रावणम् । स हि देवान् सगन्धर्वान् सिद्धांश्च ऋषिसत्तमान् ॥ 15.22 ॥

avadhyaṃ daivatairviṣṇo samare jahi rāvaṇam | sa hi devān sagandharvān siddhāṃśca ṛṣisattamān

—‘देवताओं से अवध्य रावण को युद्ध में मार डालिए। क्योंकि वह देवताओं को, गंधर्वों और सिद्धों तथा श्रेष्ठ ऋषियों को—’

श्लोक 23 (bala.15.23)

राक्षसो रावणो मूर्खो वीर्योद्रेकेण बाधते । ऋषयश्च ततस्तेन गन्धर्वाप्सरसस्तथा ॥ 15.23 ॥

rākṣaso rāvaṇo mūrkho vīryodrekeṇa bādhate | ṛṣayaśca tatastena gandharvāpsarasastathā

—‘वह मूर्ख राक्षस रावण अपने अतिशय बल से पीड़ित करता है। उसी के द्वारा ऋषिगण, तथा गंधर्व और अप्सराएँ भी—’

श्लोक 24 (bala.15.24)

क्रीडन्तो नन्दनवने रौद्रेण विनिपातिताः । वधार्थं वयमायातास्तस्य वै मुनिभिः सह ॥ 15.24 ॥

krīḍanto nandanavane raudreṇa vinipātitāḥ | vadhārthaṃ vayamāyātāstasya vai munibhiḥ saha

—‘नंदनवन में क्रीड़ा करते समय उस भयंकर द्वारा गिरा दिए गए हैं। हम उसके वध हेतु ही मुनियों के साथ यहाँ आए हैं,’

श्लोक 25 (bala.15.25)

सिद्धगन्धर्वयक्षाश्च ततस्त्वां शरणं गताः । त्वं गतिः परमा देव सर्वेषां नः परंतप ॥ 15.25 ॥

siddhagandharvayakṣāśca tatastvāṃ śaraṇaṃ gatāḥ | tvaṃ gatiḥ paramā deva sarveṣāṃ naḥ paraṃtapa

—‘और सिद्ध, गंधर्व तथा यक्ष भी इसीलिए आपकी शरण में आए हैं। हे शत्रुतापन देव! आप ही हम सबका परम आश्रय हैं।’

श्लोक 26 (bala.15.26)

वधाय देवशतॄणां नृणां लोके मनः कुरु । एवं स्तुतस्तु देवेशो विष्णुस्त्रिदशपुंगवः ॥ 15.26 ॥

vadhāya devaśatṝṇāṃ nṛṇāṃ loke manaḥ kuru | evaṃ stutastu deveśo viṣṇustridaśapuṃgavaḥ

‘देवताओं के शत्रुओं के वध हेतु मनुष्य-लोक में जन्म लेने का संकल्प करें।’ इस प्रकार स्तुति किए जाने पर देवाधिदेव विष्णु, त्रिदशश्रेष्ठ,

श्लोक 27 (bala.15.27)

पितामहपुरोगांस्तान् सर्वलोकनमस्कृतः अब्रवीत् त्रिदशान् सर्वान् समेतान् धर्मसंहितान् ॥ 15.27 ॥

pitāmahapurogāṃstān sarvalokanamaskṛtaḥ abravīt tridaśān sarvān sametān dharmasaṃhitān

जो समस्त लोकों द्वारा वंदित हैं, उन्होंने ब्रह्मा को आगे रखकर वहाँ एकत्र समस्त धर्मपरायण देवताओं से यह कहा:

श्लोक 28 (bala.15.28)

भयं त्यजत भद्रं वो हितार्थं युधि रावणम् । सपुत्रपौत्रं सामात्यं समित्रज्ञातिबान्धवम् ॥ 15.28 ॥

bhayaṃ tyajata bhadraṃ vo hitārthaṃ yudhi rāvaṇam | saputrapautraṃ sāmātyaṃ samitrajñātibāndhavam

‘भय त्यागिए, आपका कल्याण हो; आपके हित के लिए युद्ध में रावण को, उसके पुत्र-पौत्रों, मंत्रियों, मित्रों, कुटुम्बियों और बंधुओं सहित—’

श्लोक 29 (bala.15.29)

हत्वा क्रूरं दुराधर्षं देवर्षीणां भयावहम् । दश वर्ष सहस्राणि दश वर्ष शतानि च ॥ 15.29 ॥

hatvā krūraṃ durādharṣaṃ devarṣīṇāṃ bhayāvaham | daśa varṣa sahasrāṇi daśa varṣa śatāni ca

—‘उस क्रूर, दुर्धर्ष और देवर्षियों के लिए भयावह राक्षस को मारकर, ग्यारह हजार वर्षों तक—’

श्लोक 30 (bala.15.30)

वत्स्यामि मानुषे लोके पालयन् पृथिवीमिमाम् । एवं दत्वा वरं देवो देवानां विष्णुरात्मवान् ॥ 15.30 ॥

vatsyāmi mānuṣe loke pālayan pṛthivīmimām | evaṃ datvā varaṃ devo devānāṃ viṣṇurātmavān

—‘मैं मनुष्य-लोक में इस पृथ्वी का पालन करते हुए निवास करूँगा।’ देवताओं को इस प्रकार वरदान देकर, आत्मसंयमी विष्णु देव

श्लोक 31 (bala.15.31)

मानुषे चिन्तयामास जन्मभूमिमथात्मनः । ततः पद्मपलाशाक्षः कृत्वात्मानं चतुर्विधम् ॥ 15.31 ॥

mānuṣe cintayāmāsa janmabhūmimathātmanaḥ | tataḥ padmapalāśākṣaḥ kṛtvātmānaṃ caturvidham

तब मनुष्य-लोक में अपने जन्म-स्थान के विषय में विचार करने लगे। तत्पश्चात उन कमलदल-नयन विष्णु ने स्वयं को चार भागों में विभक्त कर

श्लोक 32 (bala.15.32)

पितरं रोचयामास तदा दशरथं नृपम् । तदा देवर्षिगन्धर्वाः सरुद्राः साप्सरो गणाः । स्तुतिभिर्दिव्यरूपाभिस्तुष्टुवुर्मधुसूदनम् ॥ 15.32 ॥

pitaraṃ rocayāmāsa tadā daśarathaṃ nṛpam | tadā devarṣigandharvāḥ sarudrāḥ sāpsaro gaṇāḥ | stutibhirdivyarūpābhistuṣṭuvurmadhusūdanam

राजा दशरथ को अपने पिता के रूप में चुना। तब देवता, ऋषिगण, गंधर्व, रुद्रों और अप्सराओं के समूहों सहित, दिव्य स्तुतियों द्वारा भगवान मधुसूदन की स्तुति करने लगे।

श्लोक 33 (bala.15.33)

तमुद्धतं रावणमुग्रतेजसम् प्रवृद्धदर्पं त्रिदशेश्वरद्विषम् । विरावणं साधुतपस्विकण्टकम् तपस्विनामुद्धर तं भयावहम् ॥ 15.33 ॥

tamuddhataṃ rāvaṇamugratejasam pravṛddhadarpaṃ tridaśeśvaradviṣam | virāvaṇaṃ sādhutapasvikaṇṭakam tapasvināmuddhara taṃ bhayāvaham

‘उस उद्धत, उग्रतेजस्वी, अभिमानी और देवराज इंद्र के शत्रु रावण को, जो तपस्वियों के लिए कंटक-स्वरूप और भयावह गर्जन करने वाला है — हे विष्णु, तपस्वियों को उससे उबारिए!’

श्लोक 34 (bala.15.34)

तमेव हत्वा सबलं सबान्धवम् विरावणं रावणमुग्रपौरुषम् । स्वर्लोकमागच्छ गतज्वरश्चिरम् सुरेन्द्रगुप्तं गतदोषकल्मषम् ॥ 15.34 ॥

tameva hatvā sabalaṃ sabāndhavam virāvaṇaṃ rāvaṇamugrapauruṣam | svarlokamāgaccha gatajvaraściram surendraguptaṃ gatadoṣakalmaṣam

‘उस भीषण-पराक्रमी, गर्जनकारी रावण को उसकी सेना और बंधु-बांधवों सहित मारकर, दोष-कलंक रहित होकर, इंद्र द्वारा सुरक्षित स्वर्गलोक को चिरकाल के लिए, अपना संताप त्यागकर लौट आइए।’