विश्वामित्र का राम-याचना

श्लोक 1 (bala.19.1)

तच्छ्रुत्वा राजसिंहस्य वाक्यमद्भुतविस्तरम् । हृष्टरोमा महातेजा विश्वामित्रोऽभ्यभाषत ॥ १ ॥

tacchrutvā rājasiṃhasya vākyamadbhutavistaram | hṛṣṭaromā mahātejā viśvāmitro'bhyabhāṣata

राजाओं में सिंह के समान उस राजा के अद्भुत और विस्तृत वचन को सुनकर, रोमांचित एवं महातेजस्वी विश्वामित्र ने कहा।

श्लोक 2 (bala.19.2)

सदृशं राजशार्दूल तवैतद्भुवि नान्यथा । महावंशप्रसूतस्य वसिष्ठव्यपदेशिनः ॥ २ ॥

sadṛśaṃ rājaśārdūla tavaitadbhuvi nānyathā | mahāvaṃśaprasūtasya vasiṣṭhavyapadeśinaḥ

"हे राजशार्दूल! यह वचन आपके ही योग्य है, इस पृथ्वी पर अन्य किसी के नहीं, क्योंकि आप महान वंश में उत्पन्न हुए हैं और वसिष्ठ द्वारा उपदिष्ट हैं।

श्लोक 3 (bala.19.3)

यत्तु मे हृद्गतं वाक्यं तस्य कार्यस्य निश्चयम् । कुरुष्व राजशार्दूल भव सत्यप्रतिश्रवाः ॥ ३ ॥

yattu me hṛdgataṃ vākyaṃ tasya kāryasya niścayam | kuruṣva rājaśārdūla bhava satyapratiśravāḥ

अब जो बात मेरे हृदय में है, उसे सुनकर उस कार्य का निश्चय कीजिए, हे राजशार्दूल! और अपनी प्रतिज्ञा में सत्य सिद्ध होइए।

श्लोक 4 (bala.19.4)

अहं नियममातिष्ठे सिद्ध्यर्थं पुरुषर्षभ । तस्य विघ्नकरौ द्वौ तु राक्षसौ कामरूपिणौ ॥ ४ ॥

ahaṃ niyamamātiṣṭhe siddhyarthaṃ puruṣarṣabha | tasya vighnakarau dvau tu rākṣasau kāmarūpiṇau

हे पुरुषर्षभ! मैं सिद्धि प्राप्त करने के लिए एक व्रत का पालन कर रहा हूँ; परंतु इच्छानुसार रूप धारण करने वाले दो राक्षस उसमें विघ्न डाल रहे हैं।

श्लोक 5 (bala.19.5)

व्रते मे बहुशश्चीर्णे समाप्त्यां राक्षसाविमौ । मारीचश्च सुबाहुश्च वीर्यवन्तौ सुशिक्षितौ ॥ ५ ॥

vrate me bahuśaścīrṇe samāptyāṃ rākṣasāvimau | mārīcaśca subāhuśca vīryavantau suśikṣitau

जब मेरा बहुत समय से पालन किया गया व्रत पूर्णता के निकट आता है, तब वे दोनों राक्षस, बलशाली और सुशिक्षित मारीच और सुबाहु,

श्लोक 6 (bala.19.6)

तौ मांसरुधिरौघेण वेदिं तामभ्यवर्षताम् । अवधूते तथाभूते तस्मिन्नियमनिश्चये ॥ ६ ॥

tau māṃsarudhiraugheṇa vediṃ tāmabhyavarṣatām | avadhūte tathābhūte tasminniyamaniścaye

उस वेदी पर मांस और रक्त की धाराएँ बरसा देते हैं। इस प्रकार उस सुनिश्चित व्रत के भ्रष्ट हो जाने पर,

श्लोक 7 (bala.19.7)

कृतश्रमो निरुत्साहस्तस्माद्देशादपाक्रमे । न च मे क्रोधमुत्स्रष्टुं बुद्धिर्भवति पार्थिव ॥ ७ ॥

kṛtaśramo nirutsāhastasmāddeśādapākrame | na ca me krodhamutsraṣṭuṃ buddhirbhavati pārthiva

मेरा सारा परिश्रम व्यर्थ हो जाता है और निरुत्साहित होकर मुझे वह स्थान छोड़ना पड़ता है; तथापि, हे राजन्! मैं अपना क्रोध प्रकट करना उचित नहीं समझता,

श्लोक 8 (bala.19.8)

तथाभूता हि सा चर्या न शापस्तत्र मुच्यते । स्वपुत्रं राजशार्दूल रामं सत्यपराक्रमम् ॥ ८ ॥

tathābhūtā hi sā caryā na śāpastatra mucyate | svaputraṃ rājaśārdūla rāmaṃ satyaparākramam

क्योंकि उस व्रत की मर्यादा ही ऐसी है कि उसमें शाप देना वर्जित है। हे राजशार्दूल! अपने सत्यपराक्रमी पुत्र राम को,

श्लोक 9 (bala.19.9)

काकपक्षधरं शूरं ज्येष्ठं मे दातुमर्हसि । शक्तो ह्येष मया गुप्तो दिव्येन स्वेन तेजसा ॥ ९ ॥

kākapakṣadharaṃ śūraṃ jyeṣṭhaṃ me dātumarhasi | śakto hyeṣa mayā gupto divyena svena tejasā

जो अभी बालक की भाँति काकपक्ष धारण किए हैं, अपने उस वीर ज्येष्ठ पुत्र को मुझे सौंपिए। क्योंकि मेरे संरक्षण में और अपने ही दिव्य तेज से वे समर्थ हैं,

श्लोक 10 (bala.19.10)

राक्षसा ये विकर्तारस्तेषामपि विनाशने । श्रेयश्चास्मै प्रदास्यामि बहुरूपं न संशयः ॥ १० ॥

rākṣasā ye vikartārasteṣāmapi vināśane | śreyaścāsmai pradāsyāmi bahurūpaṃ na saṃśayaḥ

उन उपद्रवी राक्षसों का विनाश करने में। और मैं उन्हें अनेक प्रकार का कल्याण प्रदान करूँगा, इसमें कोई संदेह नहीं है।

श्लोक 11 (bala.19.11)

त्रयाणामपि लोकानां येन ख्यातिं गमिष्यति । न च तौ राममासाद्य शक्तौ स्थातुं कथञ्चन ॥ ११ ॥

trayāṇāmapi lokānāṃ yena khyātiṃ gamiṣyati | na ca tau rāmamāsādya śaktau sthātuṃ kathañcana

इस कार्य से उन्हें तीनों लोकों में कीर्ति प्राप्त होगी। और वे दोनों राक्षस राम के सामने आने पर किसी भी प्रकार टिक नहीं पाएँगे।

श्लोक 12 (bala.19.12)

न च तौ राघवादन्यो हन्तुमुत्सहते पुमान् । वीर्योत्सिक्तौ हि तौ पापौ कालपाशवशं गतौ ॥ १२ ॥

na ca tau rāghavādanyo hantumutsahate pumān | vīryotsiktau hi tau pāpau kālapāśavaśaṃ gatau

राघव के अतिरिक्त अन्य कोई पुरुष उन्हें मारने का साहस नहीं रख सकता; क्योंकि अपने बल के मद में चूर वे दोनों पापी पहले ही काल के पाश में बँध चुके हैं।

श्लोक 13 (bala.19.13)

रामस्य राजशार्दूल न पर्याप्तौ महात्मनः । न च पुत्रगतं स्नेहं कर्तुमर्हसि पार्थिव ॥ १३ ॥

rāmasya rājaśārdūla na paryāptau mahātmanaḥ | na ca putragataṃ snehaṃ kartumarhasi pārthiva

हे राजशार्दूल! वे दोनों महात्मा राम के समक्ष टिक नहीं सकते। अतः, हे राजन्! इस विषय में केवल पुत्र-स्नेह के वशीभूत न होइए।

श्लोक 14 (bala.19.14)

अहं ते प्रतिजानामि हतौ तौ विद्धि राक्षसौ । अहं वेद्मि महात्मानं रामं सत्यपराक्रमम् ॥ १४ ॥

ahaṃ te pratijānāmi hatau tau viddhi rākṣasau | ahaṃ vedmi mahātmānaṃ rāmaṃ satyaparākramam

मैं आपको वचन देता हूँ, उन दोनों राक्षसों को मरा हुआ ही समझिए। मैं उस महात्मा और सत्यपराक्रमी राम को भलीभाँति जानता हूँ;

श्लोक 15 (bala.19.15)

वसिष्ठोऽपि महातेजा ये चेमे तपसि स्थिताः । यदि ते धर्मलाभं तु यशश्च परमं भुवि ॥ १५ ॥

vasiṣṭho'pi mahātejā ye ceme tapasi sthitāḥ | yadi te dharmalābhaṃ tu yaśaśca paramaṃ bhuvi

और महातेजस्वी वसिष्ठ तथा तपस्या में स्थित ये अन्य ऋषिगण भी इसे जानते हैं। यदि आप इस पृथ्वी पर धर्मलाभ और परम यश चाहते हैं,

श्लोक 16 (bala.19.16)

स्थिरमिच्छसि राजेन्द्र रामं मे दातुमर्हसि । यद्यभ्यनुज्ञां काकुत्स्थ ददते तव मंत्रिणः ॥ १६ ॥

sthiramicchasi rājendra rāmaṃ me dātumarhasi | yadyabhyanujñāṃ kākutstha dadate tava maṃtriṇaḥ

तो हे राजेंद्र! आपको स्थायी और अटल यश के लिए राम को मुझे सौंप देना चाहिए। हे काकुत्स्थ! यदि आपके मंत्रीगण अपनी सम्मति दें,

श्लोक 17 (bala.19.17)

वसिष्ठप्रमुखाः सर्वे ततो रामं विसर्जय । अभिप्रेतमसंसक्तमात्मजं दातुमर्हसि ॥ १७ ॥

vasiṣṭhapramukhāḥ sarve tato rāmaṃ visarjaya | abhipretamasaṃsaktamātmajaṃ dātumarhasi

जो वसिष्ठ आदि सबकी सम्मति हो, तो राम को मेरे साथ भेज दीजिए। आप मोह त्यागकर अपने प्रिय पुत्र को, जैसा मैं चाहता हूँ, मुझे प्रदान कीजिए।

श्लोक 18 (bala.19.18)

दशरात्रं हि यज्ञस्य रामं राजीवलोचनम् । नात्येति कालो यज्ञस्य यथायं मम राघव ॥ १८ ॥

daśarātraṃ hi yajñasya rāmaṃ rājīvalocanam | nātyeti kālo yajñasya yathāyaṃ mama rāghava

क्योंकि यज्ञ के लिए केवल दस रात्रियाँ शेष हैं, हे राघव! उतने ही समय के लिए कमलनयन राम को मुझे दे दीजिए, जिससे मेरे यज्ञ का यह निर्धारित समय व्यर्थ न जाए।

श्लोक 19 (bala.19.19)

तथा कुरुष्व भद्रं ते मा च शोके मनः कृथाः । इत्येवमुक्त्वा धर्मात्मा धर्मार्थसहितं वचः ॥ १९ ॥

tathā kuruṣva bhadraṃ te mā ca śoke manaḥ kṛthāḥ | ityevamuktvā dharmātmā dharmārthasahitaṃ vacaḥ

उसी के अनुसार कीजिए; आपका कल्याण हो, और अपने मन को शोक में मत डालिए।" धर्म और अर्थ से युक्त ये वचन कहकर वह धर्मात्मा मुनि

श्लोक 20 (bala.19.20)

विरराम महातेजा विश्वामित्रो महामतिः । स तन्निशम्य राजेन्द्रो विश्वामित्रवचः शुभम् ॥ २० ॥

virarāma mahātejā viśvāmitro mahāmatiḥ | sa tanniśamya rājendro viśvāmitravacaḥ śubham

महातेजस्वी और महाबुद्धिमान विश्वामित्र चुप हो गए। विश्वामित्र के उन शुभ वचनों को सुनकर राजेंद्र दशरथ,

श्लोक 21 (bala.19.21)

शोकेन महताविष्टश्चचाल च मुमोह च । लब्धसंज्ञस्तथोत्थाय व्यषीदत भयान्वितः ॥ २१ ॥

śokena mahatāviṣṭaścacāla ca mumoha ca | labdhasaṃjñastathotthāya vyaṣīdata bhayānvitaḥ

अत्यंत शोक से आविष्ट होकर काँप उठे और मूर्च्छित हो गए। कुछ देर बाद चेत आने पर वे उठे, परंतु भय से व्याकुल होकर पुनः बैठ गए।

श्लोक 22 (bala.19.22)

इति हृदयमनोविदारणं मुनिवचनं तदतीव शुश्रुवान् । नरपतिरभवन्महान् महात्मा व्यथितमनाः प्रचचाल चासनात् ॥ २२ ॥

iti hṛdayamanovidāraṇaṃ munivacanaṃ tadatīva śuśruvān | narapatirabhavanmahān mahātmā vyathitamanāḥ pracacāla cāsanāt

इस प्रकार अपने हृदय और मन को विदीर्ण कर देने वाले मुनि के इन वचनों को सुनकर वह महान और महात्मा राजा अत्यंत व्यथित मन से अपने सिंहासन पर ही काँप उठे।