गंगा-पार तथा ताटका-वन की कथा

श्लोक 1 (bala.24.1)

ततः प्रभाते विमले कृताह्निकमरिन्दमौ । विश्वामित्रं पुरस्कृत्य नद्यास्तीरमुपागतौ ॥ २४.१ ॥

tataḥ prabhāte vimale kṛtāhnikamarindamau | viśvāmitraṃ puraskṛtya nadyāstīramupāgatau || 24.1 ||

तत्पश्चात् निर्मल प्रभात में नित्यकर्म पूर्ण कर वे दोनों शत्रुदमन राजकुमार विश्वामित्र को आगे करके नदी के तट पर पहुँचे।

श्लोक 2 (bala.24.2)

ते च सर्वे महात्मानो मुनयः संश्रितव्रताः । उपस्थाप्य शुभां नावं विश्वामित्रमथाब्रुवन् ॥ २४.२ ॥

te ca sarve mahātmāno munayaḥ saṃśritavratāḥ | upasthāpya śubhāṃ nāvaṃ viśvāmitramathābruvan || 24.2 ||

उस आश्रम के व्रतनिष्ठ महात्मा मुनियों ने एक शुभ नौका निकट लाकर विश्वामित्र से इस प्रकार कहा।

श्लोक 3 (bala.24.3)

आरोहतु भवान्नावं राजपुत्रपुरस्कृतः । अरिष्टं गच्छ पन्थानं मा भूत्कालविपर्ययः ॥ २४.३ ॥

ārohatu bhavānnāvaṃ rājaputrapuraskṛtaḥ | ariṣṭaṃ gaccha panthānaṃ mā bhūtkālaviparyayaḥ || 24.3 ||

“आप राजकुमारों को आगे करके नौका पर आरूढ़ हों; कल्याणकारी मार्ग से जाइए, समय का विलंब न हो।”

श्लोक 4 (bala.24.4)

विश्वामित्रस्तथेत्युक्त्वा तानृषीन्प्रतिपूज्य च । ततार सहितस्ताभ्यां सरितं सागरंगमाम् ॥ २४.४ ॥

viśvāmitrastathetyuktvā tānṛṣīnpratipūjya ca | tatāra sahitastābhyāṃ saritaṃ sāgaraṃgamām || 24.4 ||

विश्वामित्र ने “ऐसा ही हो” कहकर उन ऋषियों का सम्मान करते हुए, उन दोनों राजकुमारों के साथ समुद्रगामिनी उस नदी को पार किया।

श्लोक 5 (bala.24.5)

तत्र शुश्राव वै शब्दं तोयसंरम्भवर्धितम् । मध्यमागम्य तोयस्य तस्य शब्दस्य निश्चयम् ॥ २४.५ ॥

tatra śuśrāva vai śabdaṃ toyasaṃrambhavardhitam | madhyamāgamya toyasya tasya śabdasya niścayam || 24.5 ||

वहाँ जल के वेगपूर्ण कोलाहल से बढ़ती हुई एक ध्वनि उन्हें सुनाई दी; और उस जलधारा के मध्य में पहुँचकर उस ध्वनि का रहस्य जानने की इच्छा से—

श्लोक 6 (bala.24.6)

ज्ञातुकामो महातेजा सह रामः कनीयसा । अथ रामः सरिन्मध्ये पप्रच्छ मुनिपुङ्गवम् ॥ २४.६ ॥

jñātukāmo mahātejā saha rāmaḥ kanīyasā | atha rāmaḥ sarinmadhye papraccha munipuṅgavam || 24.6 ||

महातेजस्वी राम ने अपने छोटे भाई के साथ नदी के मध्य में ही उस मुनिश्रेष्ठ से पूछा:

श्लोक 7 (bala.24.7)

वारिणो भिद्यमानस्य किमयं तुमुलो ध्वनिः । राघवस्य वचः श्रुत्वा कौतूहलसमन्वितम् ॥ २४.७ ॥

vāriṇo bhidyamānasya kimayaṃ tumulo dhvaniḥ | rāghavasya vacaḥ śrutvā kautūhalasamanvitam || 24.7 ||

“जल के मानो फट जाने से उठती हुई यह प्रचंड ध्वनि क्या है?” राघव के इस जिज्ञासापूर्ण वचन को सुनकर—

श्लोक 8 (bala.24.8)

कथयामास धर्मात्मा तस्य शब्दस्य निश्चयम् । कैलासपर्वते राम मनसा निर्मितं परम् ॥ २४.८ ॥

kathayāmāsa dharmātmā tasya śabdasya niścayam | kailāsaparvate rāma manasā nirmitaṃ param || 24.8 ||

उस धर्मात्मा मुनि ने उस ध्वनि का रहस्य बताना आरंभ किया, “हे राम, कैलास पर्वत पर मन के संकल्प से एक महान सरोवर की रचना हुई थी—

श्लोक 9 (bala.24.9)

ब्रह्मणा नरशार्दूल तेनेदं मानसं सरः । तस्मात् सुस्राव सरसः सायोध्यामुपगूहते ॥ २४.९ ॥

brahmaṇā naraśārdūla tenedaṃ mānasaṃ saraḥ | tasmāt susrāva sarasaḥ sāyodhyāmupagūhate || 24.9 ||

ब्रह्मा द्वारा, हे नरश्रेष्ठ; इसीलिए यह सरोवर मानस कहलाता है। उसी से एक नदी प्रवाहित हुई, जो अयोध्या को अपने आलिंगन में लिए हुए है।

श्लोक 10 (bala.24.10)

सरः प्रवृत्ता सरयूः पुण्या ब्रह्मसरश्च्युता । तस्यायमतुलः शब्दो जाह्नवीमभिवर्तते ॥ २४.१० ॥

saraḥ pravṛttā sarayūḥ puṇyā brahmasaraścyutā | tasyāyamatulaḥ śabdo jāhnavīmabhivartate || 24.10 ||

उस सरोवर से उत्पन्न होने के कारण ही यह पुण्य नदी सरयू कहलाती है, जो ब्रह्मा के सरोवर से प्रवाहित हुई है; गंगा की ओर वेग से बढ़ती हुई इसी सरयू की यह अनुपम गर्जना है।

श्लोक 11 (bala.24.11)

वारिसंक्षोभजो राम प्रणामं नियतः कुरु । ताभ्यां तु तावुभौ कृत्वा प्रणाममतिधार्मिकौ ॥ २४.११ ॥

vārisaṃkṣobhajo rāma praṇāmaṃ niyataḥ kuru | tābhyāṃ tu tāvubhau kṛtvā praṇāmamatidhārmikau || 24.11 ||

“हे राम, यह ध्वनि दोनों नदियों के जल के परस्पर संघर्ष से उत्पन्न होती है; तुम इन्हें भक्तिपूर्वक प्रणाम करो।” तब वे दोनों परम धर्मात्मा राजकुमार दोनों नदियों को प्रणाम करके—

श्लोक 12 (bala.24.12)

तीरं दक्षिणमासाद्य जग्मतुर्लघुविक्रमौ । स वनं घोरसंकाशं दृष्ट्वा नरवरात्मजः ॥ २४.१२ ॥

tīraṃ dakṣiṇamāsādya jagmaturlaghuvikramau | sa vanaṃ ghorasaṃkāśaṃ dṛṣṭvā naravarātmajaḥ || 24.12 ||

दक्षिणी तट पर पहुँचकर वे शीघ्रतापूर्वक आगे बढ़े। तब उस श्रेष्ठ राजा के पुत्र राम ने अत्यंत भयंकर दिखने वाले उस वन को देखकर—

श्लोक 13 (bala.24.13)

अविप्रहतमैक्ष्वाकः पप्रच्छ मुनिपुंगवम् । अहो वनमिदं दुर्गं झिल्लिकागणसंयुतम् ॥ २४.१३ ॥

aviprahatamaikṣvākaḥ papraccha munipuṃgavam | aho vanamidaṃ durgaṃ jhillikāgaṇasaṃyutam || 24.13 ||

उस इक्ष्वाकुवंशी राम ने उस अगम्य वन के विषय में मुनिश्रेष्ठ से पूछा, “अहो, यह कैसा दुर्गम वन है, जो झींगुरों के समूहों से भरा हुआ है!

श्लोक 14 (bala.24.14)

भैरवैः श्वापदैः कीर्णं शकुनैर्दारुणारवैः । नानाप्रकारैः शकुनैर्वाश्यद्भिर्भैरवस्वनैः ॥ २४.१४ ॥

bhairavaiḥ śvāpadaiḥ kīrṇaṃ śakunairdāruṇāravaiḥ | nānāprakāraiḥ śakunairvāśyadbhirbhairavasvanaiḥ || 24.14 ||

“यह भयंकर हिंस्र पशुओं और कर्कश बोलने वाले पक्षियों से व्याप्त है, तथा नाना प्रकार के भयानक स्वर में चीत्कार करते पक्षियों से भरा हुआ है,

श्लोक 15 (bala.24.15)

सिंहव्याघ्रवराहैश्च वारणैश्चापि शोभितम् । धवाश्वकर्णककुभैर्बिल्वतिन्दुकपाटलैः ॥ २४.१५ ॥

siṃhavyāghravarāhaiśca vāraṇaiścāpi śobhitam | dhavāśvakarṇakakubhairbilvatindukapāṭalaiḥ || 24.15 ||

“यह सिंह, व्याघ्र, वराह और गजराजों से भी सुशोभित है, तथा धव, अश्वकर्ण, अर्जुन, बिल्व, तिंदुक और पाटल वृक्षों से सघन है,

श्लोक 16 (bala.24.16)

संकीर्णं बदरीभिश्च किंन्वेतद्दारुणं वनम् । तमुवाच महातेजा विश्वामित्रो महामुनिः ॥ २४.१६ ॥

saṃkīrṇaṃ badarībhiśca kiṃnvetaddāruṇaṃ vanam | tamuvāca mahātejā viśvāmitro mahāmuniḥ || 24.16 ||

“और बेर के वृक्षों से भी भरा हुआ है—आखिर यह कैसा भयंकर वन है?” इस पर महातेजस्वी महामुनि विश्वामित्र ने उससे कहा।

श्लोक 17 (bala.24.17)

श्रूयतां वत्स काकुत्स्थ यस्यैतद्दारुणं वनम् । एतौ जनपदौ स्फीतौ पूर्वमास्तां नरौत्तम ॥ २४.१७ ॥

śrūyatāṃ vatsa kākutstha yasyaitaddāruṇaṃ vanam | etau janapadau sphītau pūrvamāstāṃ narauttama || 24.17 ||

“हे वत्स काकुत्स्थ, सुनो, यह भयंकर वन किसका है। हे नरोत्तम, ये दोनों प्रदेश पहले समृद्ध राज्य थे,

श्लोक 18 (bala.24.18)

मलदाश्च करूषाश्च देवनिर्माणनिर्मितौ । पुरा वृत्रवधे राम मलेन समभिप्लुतम् ॥ २४.१८ ॥

maladāśca karūṣāśca devanirmāṇanirmitau | purā vṛtravadhe rāma malena samabhiplutam || 24.18 ||

“जो देवताओं द्वारा ही रचे गए मलद और करूष नामक प्रदेश थे। हे राम, पूर्वकाल में वृत्रवध के समय इंद्र मल से पूर्णतः लिप्त हो गए थे,

श्लोक 19 (bala.24.19)

क्षुधा चैव सहस्राक्षं ब्रह्महत्या समाविशत् । तमिन्द्रं मलिनं देवा ऋषयश्च तपोधनाः ॥ २४.१९ ॥

kṣudhā caiva sahasrākṣaṃ brahmahatyā samāviśat | tamindraṃ malinaṃ devā ṛṣayaśca tapodhanāḥ || 24.19 ||

“और भूख के साथ-साथ ब्रह्महत्या का पाप भी सहस्राक्ष इंद्र पर आ पड़ा। तब देवताओं तथा तपोधन ऋषियों ने उस मलिन इंद्र को स्नान कराया,

श्लोक 20 (bala.24.20)

कलशैः स्नापयामासुर्मलं चास्य प्रमोचयन् । इह भूम्यां मलं दत्त्वा देवाः कारूषमेव च ॥ २४.२० ॥

kalaśaiḥ snāpayāmāsurmalaṃ cāsya pramocayan | iha bhūmyāṃ malaṃ dattvā devāḥ kārūṣameva ca || 24.20 ||

उन्होंने कलशों से स्नान कराकर उनकी मलिनता को दूर किया; और देवताओं ने वह मल इसी भूमि पर उतारकर, तथा भूख को भी,

श्लोक 21 (bala.24.21)

शरीरजं महेन्द्रस्य ततो हर्षं प्रपेदिरे । निर्मलो निष्करूषश्च शुचिरिन्द्रो यथाभवत् ॥ २४.२१ ॥

śarīrajaṃ mahendrasya tato harṣaṃ prapedire | nirmalo niṣkarūṣaśca śucirindro yathābhavat || 24.21 ||

जो महेंद्र के शरीर से उत्पन्न हुए थे, यहीं उतार दिया; तत्पश्चात् देवता अत्यंत हर्षित हुए, क्योंकि इंद्र इस प्रकार निर्मल, निष्करूष (क्षुधारहित) और पवित्र हो गए।

श्लोक 22 (bala.24.22)

ततो देशस्य सुप्रीतो वरं प्रादादनुत्तमम् । इमौ जनपदौ स्फीतौ ख्यातिं लोके गमिष्यतः ॥ २४.२२ ॥

tato deśasya suprīto varaṃ prādādanuttamam | imau janapadau sphītau khyātiṃ loke gamiṣyataḥ || 24.22 ||

तब उस प्रदेश से अत्यंत प्रसन्न होकर इंद्र ने उसे एक श्रेष्ठ वर दिया: “ये दोनों प्रदेश समृद्ध होंगे और संसार में ख्याति प्राप्त करेंगे,

श्लोक 23 (bala.24.23)

मलदाश्च करूषाश्च ममांगमलधारिणौ । साधु साध्विति तं देवाः पाकशासनमब्रुवन् ॥ २४.२३ ॥

maladāśca karūṣāśca mamāṃgamaladhāriṇau | sādhu sādhviti taṃ devāḥ pākaśāsanamabruvan || 24.23 ||

“मलद और करूष नाम से, क्योंकि ये मेरे शरीर की मलिनता को धारण करेंगे।” यह सुनकर देवताओं ने पाकशासन इंद्र से कहा, “साधु, साधु!”

श्लोक 24 (bala.24.24)

देशस्य पूजां तां दृष्ट्वा कृतां शक्रेण धीमता । एतौ जनपदौ स्फीतौ दीर्घकालमरिन्दम ॥ २४.२४ ॥

deśasya pūjāṃ tāṃ dṛṣṭvā kṛtāṃ śakreṇa dhīmatā | etau janapadau sphītau dīrghakālamarindama || 24.24 ||

बुद्धिमान शक्र इंद्र द्वारा उस प्रदेश को दिए गए इस सम्मान को देखकर—“हे अरिंदम, बहुत काल तक ये दोनों समृद्ध राज्य,

श्लोक 25 (bala.24.25)

मलदाश्च करूषाश्च मुदितौ धनधान्यतः । कस्यचित्त्वथ कालस्य यक्षी वै कामरूपिणी ॥ २४.२५ ॥

maladāśca karūṣāśca muditau dhanadhānyataḥ | kasyacittvatha kālasya yakṣī vai kāmarūpiṇī || 24.25 ||

“मलद और करूष, धन-धान्य से युक्त होकर सुखपूर्वक रहे। किंतु तत्पश्चात् कालांतर में इच्छानुसार रूप बदलने वाली एक यक्षिणी,

श्लोक 26 (bala.24.26)

बलं नागसहस्रस्य धारयन्ती तदा ह्यभूत् । ताटका नाम भद्रं ते भार्या सुन्दस्य धीमतः ॥ २४.२६ ॥

balaṃ nāgasahasrasya dhārayantī tadā hyabhūt | tāṭakā nāma bhadraṃ te bhāryā sundasya dhīmataḥ || 24.26 ||

“जो सहस्र गजों का बल धारण करती थी, यहाँ आ बसी—वह ताटका नामक यक्षिणी थी, बुद्धिमान सुंद की पत्नी; तुम्हारा कल्याण हो, हे राम।

श्लोक 27 (bala.24.27)

मारीचो राक्षसः पुत्रो यस्याः शक्रपराक्रमः । वृत्तबाहुर्महाशीर्षो विपुलास्यतनुर्महान् ॥ २४.२७ ॥

mārīco rākṣasaḥ putro yasyāḥ śakraparākramaḥ | vṛttabāhurmahāśīrṣo vipulāsyatanurmahān || 24.27 ||

“उसका पुत्र मारीच नामक राक्षस है, जो इंद्र के समान पराक्रमी, वृत्ताकार भुजाओं वाला, विशाल मस्तक वाला, चौड़े मुख और विशाल शरीर वाला महाकाय है,

श्लोक 28 (bala.24.28)

राक्षसो भैरवाकारो नित्यं त्रासयते प्रजाः । इमौ जनपदौ नित्यं विनाशयति राघव ॥ २४.२८ ॥

rākṣaso bhairavākāro nityaṃ trāsayate prajāḥ | imau janapadau nityaṃ vināśayati rāghava || 24.28 ||

“यह भयानक आकार वाला राक्षस सदा प्रजा को त्रस्त करता रहता है। हे राघव, वह निरंतर इन दोनों प्रदेशों को नष्ट करता रहता है,

श्लोक 29 (bala.24.29)

मलदांश्च करूषांश्च ताटका दुष्टचारिणी । सेयं पन्थानमावृत्य वसत्यध्यर्धयोजने ॥ २४.२९ ॥

maladāṃśca karūṣāṃśca tāṭakā duṣṭacāriṇī | seyaṃ panthānamāvṛtya vasatyadhyardhayojane || 24.29 ||

“मलद और करूष को—यह दुष्टचारिणी ताटका। यह हमारे मार्ग को अवरुद्ध करके यहाँ से डेढ़ योजन दूर निवास करती है,

श्लोक 30 (bala.24.30)

अतैव च गन्तव्यं ताटकाया वनं यतः । स्वबाहुबलमाश्रित्य जहीमां दुष्टचारिणीम् ॥ २४.३० ॥

ataiva ca gantavyaṃ tāṭakāyā vanaṃ yataḥ | svabāhubalamāśritya jahīmāṃ duṣṭacāriṇīm || 24.30 ||

“और इसी कारण हमें ताटका के इस वन में जाना है। अपनी भुजाओं के बल का आश्रय लेकर तुम इस दुष्टचारिणी का वध करो,

श्लोक 31 (bala.24.31)

मन्नियोगादिमं देशं कुरु निष्कण्टकं पुनः । न हि कश्चिदिमं देशं शक्तो ह्यागन्तुमीदृशम् ॥ २४.३१ ॥

manniyogādimaṃ deśaṃ kuru niṣkaṇṭakaṃ punaḥ | na hi kaścidimaṃ deśaṃ śakto hyāgantumīdṛśam || 24.31 ||

“और मेरी आज्ञा से इस प्रदेश को पुनः निष्कंटक बनाओ; क्योंकि इस प्रकार के प्रदेश में प्रवेश करने में कोई भी समर्थ नहीं है,

श्लोक 32 (bala.24.32)

यक्षिण्या घोरया राम उत्सादितमसह्यया । एतत्ते सर्वमाख्यातं यथैतद्दारुणं वनम् । यक्ष्या चोत्सादितं सर्वमद्यापि न निवर्तते ॥ २४.३२ ॥

yakṣiṇyā ghorayā rāma utsāditamasahyayā | etatte sarvamākhyātaṃ yathaitaddāruṇaṃ vanam | yakṣyā cotsāditaṃ sarvamadyāpi na nivartate || 24.32 ||

“हे राम, इस भयंकर और असह्य यक्षिणी ने इसे इस प्रकार उजाड़ दिया है। मैंने तुम्हें यह सब बता दिया कि यह वन इतना भयानक कैसे हुआ; और आज भी उस यक्षिणी द्वारा किया गया विनाश थमा नहीं है।”