ताटका का जन्म और शाप

श्लोक 1 (bala.25.1)

अथ तस्याप्रमेयस्य मुनेर्वचनमुत्तमम् । श्रुत्वा पुरुषशार्दूलः प्रत्युवाच शुभां गिरम् ॥ २५.१ ॥

atha tasyāprameyasya munervacanamuttamam | śrutvā puruṣaśārdūlaḥ pratyuvāca śubhāṃ giram || 25.1 ||

तत्पश्चात् उस अप्रमेय मुनि के उन उत्तम वचनों को सुनकर, पुरुषों में श्रेष्ठ राम ने यह शुभ वाणी कही।

श्लोक 2 (bala.25.2)

अल्पवीर्या यदा यक्षी श्रूयते मुनिपुङ्गव । कथं नागसहस्रस्य धारयत्यबला बलम् ॥ २५.२ ॥

alpavīryā yadā yakṣī śrūyate munipuṅgava | kathaṃ nāgasahasrasya dhārayatyabalā balam || 25.2 ||

“हे मुनिपुंगव, यक्षिणियों को सामान्यतः अल्पशक्ति वाला सुना जाता है, तो फिर यह अबला सहस्र गजों का बल कैसे धारण करती है?”

श्लोक 3 (bala.25.3)

इत्युक्तं वचनं श्रुत्वा राघवस्यामितोजसा । हर्षयन् श्लक्ष्णया वाचा सलक्ष्मणमरिन्दमम् ॥ २५.३ ॥

ityuktaṃ vacanaṃ śrutvā rāghavasyāmitojasā | harṣayan ślakṣṇayā vācā salakṣmaṇamarindamam || 25.3 ||

अमित तेजस्वी राघव के इस वचन को सुनकर तथा लक्ष्मण सहित शत्रुदमन राम को अपनी मृदु वाणी से प्रसन्न करते हुए—

श्लोक 4 (bala.25.4)

विश्वामित्रोऽब्रवीद्वाक्यं शृणु येन बलोत्कटा । वरदानकृतं वीर्यं धारयत्यबला बलम् ॥ २५.४ ॥

viśvāmitro'bravīdvākyaṃ śṛṇu yena balotkaṭā | varadānakṛtaṃ vīryaṃ dhārayatyabalā balam || 25.4 ||

विश्वामित्र ने कहा, “सुनो, यह अबला किस कारण से इतनी प्रबल हुई—वरदान से प्राप्त यह पराक्रम ही है, जिसके बल पर वह यह बल धारण करती है।

श्लोक 5 (bala.25.5)

पूर्वमासीन्महायक्षः सुकेतुर्नाम वीर्यवान् । अनपत्यः शुभाचारः स च तेपे महत्तपः ॥ २५.५ ॥

pūrvamāsīnmahāyakṣaḥ suketurnāma vīryavān | anapatyaḥ śubhācāraḥ sa ca tepe mahattapaḥ || 25.5 ||

“पूर्वकाल में सुकेतु नाम का एक पराक्रमी यक्ष था, जो शुभाचारी था किंतु संतानहीन था, और उसने महान तपस्या की।

श्लोक 6 (bala.25.6)

पितामहस्तु सुप्रीतस्तस्य यक्षपतेस्तदा । कन्यारत्नं ददौ राम ताटकां नाम नामतः ॥ २५.६ ॥

pitāmahastu suprītastasya yakṣapatestadā | kanyāratnaṃ dadau rāma tāṭakāṃ nāma nāmataḥ || 25.6 ||

“हे राम, उस पर प्रसन्न होकर पितामह ब्रह्मा ने उस यक्षराज को ताटका नामक एक रत्नस्वरूपा कन्या प्रदान की।

श्लोक 7 (bala.25.7)

ददौ नागसहस्रस्य बलं चास्याः पितामहः । न त्वेव पुत्रं यक्षाय ददौ ब्रह्मा महायशाः ॥ २५.७ ॥

dadau nāgasahasrasya balaṃ cāsyāḥ pitāmahaḥ | na tveva putraṃ yakṣāya dadau brahmā mahāyaśāḥ || 25.7 ||

“पितामह ने उसे सहस्र गजों का बल भी प्रदान किया; किंतु महायशस्वी ब्रह्मा ने उस यक्ष को पुत्र नहीं दिया।

श्लोक 8 (bala.25.8)

तां तु बालां विवर्धन्तीं रूपयौवनशालिनीम् । जंभपुत्राय सुन्दाय ददौ भार्यां यशस्विनीम् ॥ २५.८ ॥

tāṃ tu bālāṃ vivardhantīṃ rūpayauvanaśālinīm | jaṃbhaputrāya sundāya dadau bhāryāṃ yaśasvinīm || 25.8 ||

वह कन्या रूप और यौवन से युक्त होकर बड़ी हुई, तो पिता ने उस यशस्विनी को जंभपुत्र सुंद को पत्नी रूप में दे दिया।

श्लोक 9 (bala.25.9)

कस्यचित्त्वथ कालस्य यक्षी पुत्रं व्यजायत । मारीचं नाम दुर्धर्षं यः शापाद्राक्षसोऽभवत् ॥ २५.९ ॥

kasyacittvatha kālasya yakṣī putraṃ vyajāyata | mārīcaṃ nāma durdharṣaṃ yaḥ śāpādrākṣaso'bhavat || 25.9 ||

कुछ काल पश्चात् उस यक्षिणी ने मारीच नामक एक दुर्धर्ष पुत्र को जन्म दिया, जो शाप के कारण आगे चलकर राक्षस बन गया।

श्लोक 10 (bala.25.10)

सुन्दे तु निहते राम सागस्त्यमृषिसत्तमम् । ताटका सह पुत्रेण प्रधर्षयितुमिच्छति ॥ २५.१० ॥

sunde tu nihate rāma sāgastyamṛṣisattamam | tāṭakā saha putreṇa pradharṣayitumicchati || 25.10 ||

किंतु हे राम, जब सुंद मारा गया, तब ताटका ने अपने पुत्र सहित उस परम श्रेष्ठ ऋषि अगस्त्य पर आक्रमण करने का प्रयत्न किया।

श्लोक 11 (bala.25.11)

भक्षार्थं जातसंरम्भा गर्जन्ती साभ्यधावत । आपतन्तीं तु तां दृष्ट्वा अगस्त्यो भगवानृषिः ॥ २५.११ ॥

bhakṣārthaṃ jātasaṃrambhā garjantī sābhyadhāvata | āpatantīṃ tu tāṃ dṛṣṭvā agastyo bhagavānṛṣiḥ || 25.11 ||

भक्षण की उतावली में गर्जना करती हुई वह उन पर झपटी; उसे इस प्रकार आक्रमण करते देखकर भगवान् ऋषि अगस्त्य ने—

श्लोक 12 (bala.25.12)

राक्षसत्वं भजस्वेति मारीचं व्याजहार सः । अगस्त्यः परमामर्षस्ताटकामपि शप्तवान् ॥ २५.१२ ॥

rākṣasatvaṃ bhajasveti mārīcaṃ vyājahāra saḥ | agastyaḥ paramāmarṣastāṭakāmapi śaptavān || 25.12 ||

मारीच से कहा, “तू राक्षस बन जा!” तत्पश्चात् अत्यंत क्रोधित हुए अगस्त्य ने ताटका को भी शाप दिया:

श्लोक 13 (bala.25.13)

पुरुषादी महायक्षी विरूपा विकृतानना । इदं रूपं विहायाशु दारुणं रूपमस्तु ते ॥ २५.१३ ॥

puruṣādī mahāyakṣī virūpā vikṛtānanā | idaṃ rūpaṃ vihāyāśu dāruṇaṃ rūpamastu te || 25.13 ||

“हे महायक्षिणी, तू नरभक्षिणी, विरूप और विकृतमुखी बन जा; तुरंत इस रूप को त्यागकर तेरा रूप भयंकर हो जाए!”

श्लोक 14 (bala.25.14)

सैषा शापकृतामर्षा ताटका क्रोधमूर्च्छिता । देशमुत्सादयत्येनमगस्त्याचरितं शुभम् ॥ २५.१४ ॥

saiṣā śāpakṛtāmarṣā tāṭakā krodhamūrcchitā | deśamutsādayatyenamagastyācaritaṃ śubham || 25.14 ||

शाप से उत्पन्न क्रोध में उन्मत्त वही ताटका, क्रोधाविष्ट होकर, अगस्त्य द्वारा विचरित इस पावन प्रदेश को उजाड़ रही है।

श्लोक 15 (bala.25.15)

एनां राघवदुर्वृत्तां यक्षीं परमदारुणाम् । गोब्राह्मणहितार्थाय जहि दुष्टपराक्रमाम् ॥ २५.१५ ॥

enāṃ rāghavadurvṛttāṃ yakṣīṃ paramadāruṇām | gobrāhmaṇahitārthāya jahi duṣṭaparākramām || 25.15 ||

हे राघव, इस दुराचारिणी, अत्यंत भयंकर और दुष्ट पराक्रम वाली यक्षिणी का, गौओं और ब्राह्मणों के हित के लिए वध करो।

श्लोक 16 (bala.25.16)

न ह्येनां शापसंसृष्टां कश्चिदुत्सहते पुमान् । निहन्तुं त्रिषु लोकेषु त्वामृते रघुनन्दन ॥ २५.१६ ॥

na hyenāṃ śāpasaṃsṛṣṭāṃ kaścidutsahate pumān | nihantuṃ triṣu lokeṣu tvāmṛte raghunandana || 25.16 ||

हे रघुनन्दन, इस शापबद्ध ताटका का वध करने का साहस तुम्हारे अतिरिक्त तीनों लोकों में कोई अन्य पुरुष नहीं कर सकता।

श्लोक 17 (bala.25.17)

न हि ते स्त्रीवधकृते घृणा कार्या नरोत्तम । चातुर्वर्ण्यहितार्थाय कर्तव्यम् राजसूनुना ॥ २५.१७ ॥

na hi te strīvadhakṛte ghṛṇā kāryā narottama | cāturvarṇyahitārthāya kartavyam rājasūnunā || 25.17 ||

हे नरोत्तम, इस स्त्री-वध में तुम्हें संकोच नहीं करना चाहिए; चारों वर्णों के हित के लिए राजपुत्र को यह कर्तव्य निभाना ही होता है।

श्लोक 18 (bala.25.18)

नृशंसमनृशंसं वा प्रजारक्षणकारणात् । पातकं वा सदोषं वा कर्तव्यं रक्षता सदा ॥ २५.१८ ॥

nṛśaṃsamanṛśaṃsaṃ vā prajārakṣaṇakāraṇāt | pātakaṃ vā sadoṣaṃ vā kartavyaṃ rakṣatā sadā || 25.18 ||

प्रजा की रक्षा के लिए रक्षक को सदैव वह कर्म करना चाहिए, चाहे वह क्रूर लगे या अक्रूर, चाहे वह पापयुक्त प्रतीत हो या दोषयुक्त।

श्लोक 19 (bala.25.19)

राज्यभारनियुक्तानामेष धर्मः सनातनः । अधर्म्यां जहि काकुत्स्थ धर्मो ह्यस्यां न विद्यते ॥ २५.१९ ॥

rājyabhāraniyuktānāmeṣa dharmaḥ sanātanaḥ | adharmyāṃ jahi kākutstha dharmo hyasyāṃ na vidyate || 25.19 ||

राज्य का भार वहन करने वालों का यह सनातन धर्म है। हे काकुत्स्थ, इस अधर्मिणी का वध करो, क्योंकि इसमें धर्म का लेशमात्र भी नहीं है।

श्लोक 20 (bala.25.20)

श्रूयते हि पुरा शक्रो विरोचनसुतां नृप । पृथिवीं हन्तुमिच्छन्तीं मन्थरामभ्यसूदयत् ॥ २५.२० ॥

śrūyate hi purā śakro virocanasutāṃ nṛpa | pṛthivīṃ hantumicchantīṃ mantharāmabhyasūdayat || 25.20 ||

हे नृप, ऐसा सुना जाता है कि प्राचीन काल में इंद्र ने विरोचन की पुत्री मंथरा का वध कर दिया था, जब वह पृथ्वी का विनाश करने का इरादा रखती थी।

श्लोक 21 (bala.25.21)

विष्णुना च पुरा राम भृगुपत्नी पतिव्रता । अनिन्द्रं लोकमिच्छन्ती काव्यमाता निषूदिता ॥ २५.२१ ॥

viṣṇunā ca purā rāma bhṛgupatnī pativratā | anindraṃ lokamicchantī kāvyamātā niṣūditā || 25.21 ||

और हे राम, प्राचीन काल में विष्णु ने भृगु की पतिव्रता पत्नी, काव्य (शुक्राचार्य) की माता का भी वध किया था, जब वह संसार को इंद्ररहित करना चाहती थी।

श्लोक 22 (bala.25.22)

एतैरन्यैश्च बहुभी राजपुत्रैर्महात्मभिः । अधर्मसहिता नार्यो हताः पुरुषसत्तमैः । तस्मादेनां घृणां त्यक्त्वा जहि मच्छासनान्नृप ॥ २५.२२ ॥

etairanyaiśca bahubhī rājaputrairmahātmabhiḥ | adharmasahitā nāryo hatāḥ puruṣasattamaiḥ | tasmādenāṃ ghṛṇāṃ tyaktvā jahi macchāsanānnṛpa || 25.22 ||

इन तथा अन्य अनेक महात्मा राजकुमारों और श्रेष्ठ पुरुषों द्वारा अधर्म में लिप्त स्त्रियाँ भी मारी गई हैं। इसलिए हे राजकुमार, इस संकोच को त्यागकर मेरी आज्ञा से इसका वध करो।