दिव्यास्त्र-प्रदान

श्लोक 1 (bala.27.1)

अथ तां रजनीमुष्य विश्वामित्रो महायशाः । प्रहस्य राघवं वाक्यमुवाच मधुराक्षरम् ॥ २७-१ ॥

atha tāṃ rajanīmuṣya viśvāmitro mahāyaśāḥ | prahasya rāghavaṃ vākyamuvāca madhurākṣaram || 27.1 ||

फिर उस रात्रि के बीत जाने पर अत्यंत यशस्वी विश्वामित्र ने मुस्कुराते हुए राघव से मधुर वचन कहे।

श्लोक 2 (bala.27.2)

परितुष्टोऽस्मि भद्रं ते राजपुत्र महायशः । प्रीत्या परमया युक्तो ददाम्यस्त्राणि सर्वशः ॥ २७-२ ॥

parituṣṭo'smi bhadraṃ te rājaputra mahāyaśaḥ | prītyā paramayā yukto dadāmyastrāṇi sarvaśaḥ || 27.2 ||

हे महायश राजकुमार, मैं तुमसे अत्यंत संतुष्ट हूँ, तुम्हारा कल्याण हो; परम प्रेम से युक्त होकर मैं तुम्हें अपने सभी अस्त्र प्रदान करता हूँ।

श्लोक 3 (bala.27.3)

देवासुरगणान् वापि सगन्धर्वोरगान्भुवि । यैरमित्रान् प्रसह्याजौ वशीकृत्य जयिष्यसि ॥ २७-३ ॥

devāsuragaṇān vāpi sagandharvoragānbhuvi | yairamitrān prasahyājau vaśīkṛtya jayiṣyasi || 27.3 ||

जिनसे तुम युद्ध में देवताओं और असुरों के समूहों को, गंधर्वों और नागों को, अथवा पृथ्वी पर के किसी भी शत्रु को बलपूर्वक वश में करके विजय प्राप्त करोगे।

श्लोक 4 (bala.27.4)

तानि दिव्यानि भद्रं ते ददाम्यस्त्राणि सर्वशः । दण्डचक्रं महद्दिव्यं तव दास्यामि राघव ॥ २७-४ ॥

tāni divyāni bhadraṃ te dadāmyastrāṇi sarvaśaḥ | daṇḍacakraṃ mahaddivyaṃ tava dāsyāmi rāghava || 27.4 ||

तुम्हारा कल्याण हो — मैं तुम्हें वे सभी दिव्य अस्त्र पूर्णतः प्रदान करता हूँ। हे राघव, मैं तुम्हें महान दिव्य दण्डचक्र दूँगा।

श्लोक 5 (bala.27.5)

धर्मचक्रं ततो वीर कालचक्रं तथैव च । विष्णुचक्रं तथात्युग्रमैन्द्रं चक्रं तथैव च ॥ २७-५ ॥

dharmacakraṃ tato vīra kālacakraṃ tathaiva ca | viṣṇucakraṃ tathātyugramaindraṃ cakraṃ tathaiva ca || 27.5 ||

फिर, हे वीर, धर्मचक्र और उसी प्रकार कालचक्र; तथा अत्यंत उग्र विष्णुचक्र और उसी प्रकार ऐंद्रचक्र भी।

श्लोक 6 (bala.27.6)

वज्रमस्त्रं नरश्रेष्ठ शैवं शूलवरं तथा । अस्त्रं ब्रह्मशिरश्चैव ऐषीकमपि राघव ॥ २७-६ ॥

vajramastraṃ naraśreṣṭha śaivaṃ śūlavaraṃ tathā | astraṃ brahmaśiraścaiva aiṣīkamapi rāghava || 27.6 ||

हे नरश्रेष्ठ, वज्र नामक अस्त्र, तथा शिव का श्रेष्ठ त्रिशूल; ब्रह्मशिरस् नामक अस्त्र, और हे राघव, ऐषीक नामक अस्त्र भी।

श्लोक 7 (bala.27.7)

ददामि ते महाबाहो ब्राह्ममस्त्रमनुत्तमम् । गदे द्वे चैव काकुत्स्थ मोदकी शिखरी शुभे ॥ २७-७ ॥

dadāmi te mahābāho brāhmamastramanuttamam | gade dve caiva kākutstha modakī śikharī śubhe || 27.7 ||

हे महाबाहो, मैं तुम्हें अनुपम ब्राह्म अस्त्र देता हूँ; और हे काकुत्स्थ, दो शुभ गदाएँ भी — मोदकी और शिखरी।

श्लोक 8 (bala.27.8)

प्रदीप्ते नरशार्दूल प्रयच्छामि नृपात्मज । धर्मपाशमहं राम कालपाशं तथैव च ॥ २७-८ ॥

pradīpte naraśārdūla prayacchāmi nṛpātmaja | dharmapāśamahaṃ rāma kālapāśaṃ tathaiva ca || 27.8 ||

हे नरश्रेष्ठ राजकुमार, वे दोनों दीप्तिमान गदाएँ मैं तुम्हें देता हूँ; और हे राम, धर्मपाश तथा उसी प्रकार कालपाश भी।

श्लोक 9 (bala.27.9)

वारुणं पाशमस्त्रं च ददाम्यहमनुत्तमम् । अशनी द्वे प्रयच्छामि शुष्कार्द्रे रघुनन्दन ॥ २७-९ ॥

vāruṇaṃ pāśamastraṃ ca dadāmyahamanuttamam | aśanī dve prayacchāmi śuṣkārdre raghunandana || 27.9 ||

और मैं अनुपम वारुण पाश अस्त्र देता हूँ; तथा हे रघुनंदन, शुष्क और आर्द्र नामक दो अशनि (वज्र) भी प्रदान करता हूँ।

श्लोक 10 (bala.27.10)

ददामि चास्त्रं पैनाकमस्त्रं नारायणं तथा । आग्नेयमस्त्रं दयितं शिखरं नाम नामतः ॥ २७-१० ॥

dadāmi cāstraṃ painākamastraṃ nārāyaṇaṃ tathā | āgneyamastraṃ dayitaṃ śikharaṃ nāma nāmataḥ || 27.10 ||

और मैं पैनाक अस्त्र तथा उसी प्रकार नारायण अस्त्र देता हूँ; तथा अग्नि का प्रिय शिखर नामक अस्त्र भी।

श्लोक 11 (bala.27.11)

वायव्यं प्रथमं नाम ददामि तव चानघ । अस्त्रं हयशिरो नाम क्रौञ्चमस्त्रं तथैव च ॥ २७-११ ॥

vāyavyaṃ prathamaṃ nāma dadāmi tava cānagha | astraṃ hayaśiro nāma krauñcamastraṃ tathaiva ca || 27.11 ||

हे निष्पाप राम, वायव्य अस्त्र जिसका प्रथम नाम है, तुम्हें देता हूँ; हयशिरस् नामक अस्त्र, और उसी प्रकार क्रौंच अस्त्र भी।

श्लोक 12 (bala.27.12)

शक्तिद्वयं च काकुत्स्थ ददामि तव राघव । कंकालं मुसलं घोरं कापालमथ किङ्किणीम् ॥ २७-१२ ॥

śaktidvayaṃ ca kākutstha dadāmi tava rāghava | kaṃkālaṃ musalaṃ ghoraṃ kāpālamatha kiṅkiṇīm || 27.12 ||

हे काकुत्स्थ राघव, दो शक्तियाँ भी तुम्हें देता हूँ; भयंकर कंकाल, मूसल, कपाल तथा किंकिणी नामक अस्त्र।

श्लोक 13 (bala.27.13)

वधार्थं रक्षसां यानि ददाम्येतानि सर्वशः । वैद्याधरं महास्त्रं च नन्दनं नाम नामतः ॥ २७-१३ ॥

vadhārthaṃ rakṣasāṃ yāni dadāmyetāni sarvaśaḥ | vaidyādharaṃ mahāstraṃ ca nandanaṃ nāma nāmataḥ || 27.13 ||

राक्षसों के वध के लिए जो अस्त्र हैं, वे सब मैं तुम्हें देता हूँ; तथा वैद्याधर नामक महान अस्त्र, जिसका नाम नंदन है।

श्लोक 14 (bala.27.14)

असिरत्नं महाबाहो ददामि नृवरात्मज । गान्धर्वमस्त्रं दयितं मोहनं नाम नामतः ॥ २७-१४ ॥

asiratnaṃ mahābāho dadāmi nṛvarātmaja | gāndharvamastraṃ dayitaṃ mohanaṃ nāma nāmataḥ || 27.14 ||

हे महाबाहो नृपश्रेष्ठ के पुत्र, खड्गों का रत्न मैं तुम्हें देता हूँ; तथा गंधर्वों का प्रिय मोहन नामक अस्त्र भी।

श्लोक 15 (bala.27.15)

प्रस्वापनं प्रशमनं दद्मि सौम्यं च राघव । वर्षणं शोषणं चैव संतापनविलापने ॥ २७-१५ ॥

prasvāpanaṃ praśamanaṃ dadmi saumyaṃ ca rāghava | varṣaṇaṃ śoṣaṇaṃ caiva saṃtāpanavilāpane || 27.15 ||

हे राघव, निद्रा लाने वाला प्रस्वापन और सौम्य प्रशमन अस्त्र देता हूँ; तथा वर्षण, शोषण एवं संतापन-विलापन अस्त्र भी।

श्लोक 16 (bala.27.16)

मादनं चैव दुर्धर्षं कन्दर्पदयितं तथा । गान्धर्वमस्त्रं दयितं मानवं नाम नामतः ॥ २७-१६ ॥

mādanaṃ caiva durdharṣaṃ kandarpadayitaṃ tathā | gāndharvamastraṃ dayitaṃ mānavaṃ nāma nāmataḥ || 27.16 ||

और दुर्धर्ष मादन अस्त्र, तथा कंदर्प का प्रिय अस्त्र भी; गंधर्वों का प्रिय मानव नामक अस्त्र।

श्लोक 17 (bala.27.17)

पैशाचमस्त्रं दयितं मोहनं नाम नामतः । प्रतीच्छ नरशार्दूल राजपुत्र महायशः ॥ २७-१७ ॥

paiśācamastraṃ dayitaṃ mohanaṃ nāma nāmataḥ | pratīccha naraśārdūla rājaputra mahāyaśaḥ || 27.17 ||

पिशाचों का प्रिय मोहन नामक अस्त्र भी; हे नरश्रेष्ठ महायश राजकुमार, इन्हें ग्रहण करो।

श्लोक 18 (bala.27.18)

तामसं नरशार्दूल सौमनं च महाबलम् । संवर्तं चैव दुर्धर्षं मौसलं च नृपात्मज ॥ २७-१८ ॥

tāmasaṃ naraśārdūla saumanaṃ ca mahābalam | saṃvartaṃ caiva durdharṣaṃ mausalaṃ ca nṛpātmaja || 27.18 ||

हे नरश्रेष्ठ, तामस अस्त्र और महाबली सौमन अस्त्र; तथा दुर्धर्ष संवर्त और मौसल अस्त्र भी, हे राजकुमार।

श्लोक 19 (bala.27.19)

सत्यमस्त्रं महाबाहो तथा मायामयं परम् । सौरं तेजःप्रभं नाम परतेजोऽपकर्षणम् ॥ २७-१९ ॥

satyamastraṃ mahābāho tathā māyāmayaṃ param | sauraṃ tejaḥprabhaṃ nāma paratejo'pakarṣaṇam || 27.19 ||

हे महाबाहो, सत्य अस्त्र तथा परम मायामय अस्त्र; और सूर्य संबंधी तेजःप्रभ नामक अस्त्र, जो शत्रु के तेज को हर लेता है।

श्लोक 20 (bala.27.20)

सोमास्त्रं शिशिरं नाम त्वाष्ट्रमस्त्रं सुदारुणम् । दारुणं च भगस्यापि शीतेषुमथ मानवम् ॥ २७-२० ॥

somāstraṃ śiśiraṃ nāma tvāṣṭramastraṃ sudāruṇam | dāruṇaṃ ca bhagasyāpi śīteṣumatha mānavam || 27.20 ||

सोम संबंधी शिशिर नामक अस्त्र; त्वष्टा का अत्यंत भीषण अस्त्र; तथा भग का भयंकर शीतेषु अस्त्र, और मानव अस्त्र भी।

श्लोक 21 (bala.27.21)

एतान् राम महाबाहो कामरूपान् महाबलान् । गृहाण परमोदारान् क्षिप्रमेव नृपात्मज ॥ २७-२१ ॥

etān rāma mahābāho kāmarūpān mahābalān | gṛhāṇa paramodārān kṣiprameva nṛpātmaja || 27.21 ||

हे महाबाहो राम, इच्छानुसार रूप बदलने वाले इन महाबली अस्त्रों को, हे राजकुमार, शीघ्र ही ग्रहण करो।

श्लोक 22 (bala.27.22)

स्थितस्तु प्राङ्मुखो भूत्वा शुचिर्मुनिवरस्तदा । ददौ रामाय सुप्रीतो मंत्रग्राममनुत्तमम् ॥ २७-२२ ॥

sthitastu prāṅmukho bhūtvā śucirmunivarastadā | dadau rāmāya suprīto maṃtragrāmamanuttamam || 27.22 ||

तब पूर्वाभिमुख होकर तथा स्वयं को पवित्र करके वे श्रेष्ठ मुनि अत्यंत प्रसन्न होकर राम को उन अनुपम मंत्रों का समूह प्रदान करने लगे।

श्लोक 23 (bala.27.23)

सर्वसंग्रहणं येषां दैवतैरपि दुर्लभम् । तान्यस्त्राणि तदा विप्रो राघवाय न्यवेदयत् ॥ २७-२३ ॥

sarvasaṃgrahaṇaṃ yeṣāṃ daivatairapi durlabham | tānyastrāṇi tadā vipro rāghavāya nyavedayat || 27.23 ||

जिन अस्त्रों का समग्र ज्ञान देवताओं के लिए भी दुर्लभ है, उन अस्त्रों को उस ब्राह्मण (विश्वामित्र) ने राघव को प्रदान किया।

श्लोक 24 (bala.27.24)

जपतस्तु मुनेस्तस्य विश्वामित्रस्य धीमतः । उपतस्थुर्महार्हाणि सर्वाण्यस्त्राणि राघवम् ॥ २७-२४ ॥

japatastu munestasya viśvāmitrasya dhīmataḥ | upatasthurmahārhāṇi sarvāṇyastrāṇi rāghavam || 27.24 ||

जब उस बुद्धिमान मुनि विश्वामित्र ने मंत्रों का जप किया, तब वे सभी अत्यंत पूजनीय अस्त्र राघव के समक्ष उपस्थित हो गए।

श्लोक 25 (bala.27.25)

ऊचुश्च मुदिता रामं सर्वे प्रांजलयस्तदा । इमे च परमोदाराः किंकरास्तव राघव ॥ २७-२५ ॥

ūcuśca muditā rāmaṃ sarve prāṃjalayastadā | ime ca paramodārāḥ kiṃkarāstava rāghava || 27.25 ||

और तब वे सभी हर्षित होकर हाथ जोड़े हुए राम से बोले, 'हे राघव, ये हम अत्यंत उदार सेवक तुम्हारे ही हैं —

श्लोक 26 (bala.27.26)

यद्यदिच्छसि भद्रं ते तत्सर्वं करवाम वै । ततो रामः प्रसन्नात्मा तैरित्युक्तो महाबलैः ॥ २७-२६ ॥

yadyadicchasi bhadraṃ te tatsarvaṃ karavāma vai | tato rāmaḥ prasannātmā tairityukto mahābalaiḥ || 27.26 ||

'तुम्हारा कल्याण हो, तुम जो भी चाहोगे, हम वह सब अवश्य करेंगे।' तब उन महाबली अस्त्र-देवताओं द्वारा इस प्रकार कहे जाने पर प्रसन्नचित्त राम ने —

श्लोक 27 (bala.27.27)

प्रतिगृह्य च काकुत्स्थः समालभ्य च पाणिना । मनसा मे भविष्यध्वमिति तानभ्यचोदयत् ॥ २७-२७ ॥

pratigṛhya ca kākutsthaḥ samālabhya ca pāṇinā | manasā me bhaviṣyadhvamiti tānabhyacodayat || 27.27 ||

उन्हें स्वीकार कर और हाथ से स्पर्श करके काकुत्स्थ (राम) ने उनसे कहा, 'जब भी मैं तुम्हें स्मरण करूँ, तुम मेरे मन में उपस्थित हो जाना।'

श्लोक 28 (bala.27.28)

ततः प्रीतमना रामो विश्वामित्रं महामुनिम् । अभिवाद्य महातेजा गमनायोपचक्रमे ॥ २७-२८ ॥

tataḥ prītamanā rāmo viśvāmitraṃ mahāmunim | abhivādya mahātejā gamanāyopacakrame || 27.28 ||

तत्पश्चात् प्रसन्नचित्त, महातेजस्वी राम महामुनि विश्वामित्र को प्रणाम करके आगे प्रस्थान करने के लिए उद्यत हुए।