संहारास्त्र-प्रदान

श्लोक 1 (bala.28.1)

प्रतिगृह्य ततोऽस्त्राणि प्रहृष्टवदनः शुचिः । गच्छन्नेव च काकुत्स्थो विश्वामित्रमथाब्रवीत् ॥ २८-१ ॥

pratigṛhya tato'strāṇi prahṛṣṭavadanaḥ śuciḥ | gacchanneva ca kākutstho viśvāmitramathābravīt || 28.1 ||

इस प्रकार अस्त्र ग्रहण करके, प्रसन्न मुख वाले पवित्रात्मा काकुत्स्थ (राम) ने चलते-चलते ही विश्वामित्र से कहा।

श्लोक 2 (bala.28.2)

गृहीतास्त्रोऽस्मि भगवन् दुराधर्षः सुरैरपि । अस्त्राणां त्वहमिच्छामि संहारं मुनिपुंगव ॥ २८-२ ॥

gṛhītāstro'smi bhagavan durādharṣaḥ surairapi | astrāṇāṃ tvahamicchāmi saṃhāraṃ munipuṃgava || 28.2 ||

हे भगवन्, अब अस्त्र ग्रहण करने से मैं देवताओं के लिए भी दुर्जेय हो गया हूँ; किंतु हे मुनिपुंगव, मैं इन अस्त्रों को वापस लौटाने की विद्या भी जानना चाहता हूँ।

श्लोक 3 (bala.28.3)

एवं ब्रुवति काकुत्स्थे विश्वामित्रो महामुनिः । संहारान् व्याजहाराथ धृतिमान् सुव्रतः शुचिः ॥ २८-३ ॥

evaṃ bruvati kākutsthe viśvāmitro mahāmuniḥ | saṃhārān vyājahārātha dhṛtimān suvrataḥ śuciḥ || 28.3 ||

काकुत्स्थ के इस प्रकार कहने पर धैर्यवान्, सुव्रती और पवित्र महामुनि विश्वामित्र ने संहार अस्त्रों के नाम बताने आरंभ किए।

श्लोक 4 (bala.28.4)

सत्यवन्तं सत्यकीर्तिं धृष्टं रभसमेव च । प्रतिहारतरं नाम पराङ्मुखमवाङ्मुखम् ॥ २८-४ ॥

satyavantaṃ satyakīrtiṃ dhṛṣṭaṃ rabhasameva ca | pratihārataraṃ nāma parāṅmukhamavāṅmukham || 28.4 ||

सत्यवंत, सत्यकीर्ति, धृष्ट तथा रभस; प्रतिहारतर नामक अस्त्र; पराङ्मुख और अवाङ्मुख।

श्लोक 5 (bala.28.5)

लक्ष्यालक्ष्याविमौ चैव दृढनाभसुनाभकौ । दशाक्षशतवक्त्रौ च दशशीर्षशतोदरौ ॥ २८-५ ॥

lakṣyālakṣyāvimau caiva dṛḍhanābhasunābhakau | daśākṣaśatavaktrau ca daśaśīrṣaśatodarau || 28.5 ||

लक्ष्य और अलक्ष्य ये दोनों; दृढ़नाभ और सुनाभक; दशाक्ष-शतवक्त्र तथा दशशीर्ष-शतोदर।

श्लोक 6 (bala.28.6)

पद्मनाभमहानाभौ दुन्दुनाभस्वनाभकौ । ज्योतिषं शकुनं चैव नैराश्यविमलावुभौ ॥ २८-६ ॥

padmanābhamahānābhau dundunābhasvanābhakau | jyotiṣaṃ śakunaṃ caiva nairāśyavimalāvubhau || 28.6 ||

पद्मनाभ और महानाभ; दुन्दुनाभ और स्वनाभक; ज्योतिष तथा शकुन; और नैराश्य एवं विमल दोनों।

श्लोक 7 (bala.28.7)

यौगंधरविनिद्रौ च दैत्यप्रमधनौ तथा । शुचिबाहुर्महाबाहुर्निष्कलिर्विरुचिस्तथा सार्चिर्माली धृतिर्माली वृत्तिमान् रुचिरस्तथा ॥ २८-७ ॥

yaugaṃdharavinidrau ca daityapramadhanau tathā | śucibāhurmahābāhurniṣkalirvirucistathā sārcirmālī dhṛtirmālī vṛttimān rucirastathā || 28.7 ||

यौगंधर और विनिद्र; तथा दैत्यप्रमथन; शुचिबाहु, महाबाहु, निष्कलि तथा विरुचि; सार्चिर्माली, धृतिर्माली, वृत्तिमान् और रुचिर।

श्लोक 8 (bala.28.8)

पित्र्यः सौमनसश्चैव विधूतमकरावुभौ । करवीरकरं चैव धनधान्यौ च राघव ॥ २८-८ ॥

pitryaḥ saumanasaścaiva vidhūtamakarāvubhau | karavīrakaraṃ caiva dhanadhānyau ca rāghava || 28.8 ||

पित्र्य और सौमनस; विधूत तथा मकर दोनों; करवीरकर; और हे राघव, धन तथा धान्य।

श्लोक 9 (bala.28.9)

कामरूपं कामरुचिं मोहमावरणं तथा । जृंभकं सर्पनाभं च पन्थानवरणौ तथा ॥ २८-९ ॥

kāmarūpaṃ kāmaruciṃ mohamāvaraṇaṃ tathā | jṛṃbhakaṃ sarpanābhaṃ ca panthānavaraṇau tathā || 28.9 ||

कामरूप और कामरुचि; मोह तथा आवरण; जृंभक और सर्पनाभ; तथा पंथान और अवरण भी।

श्लोक 10 (bala.28.10)

कृशाश्वतनयान् राम भास्वरान् कामरूपिणः । प्रतीच्छ मम भद्रं ते पात्रभूतोऽसि राघव ॥ २८-१० ॥

kṛśāśvatanayān rāma bhāsvarān kāmarūpiṇaḥ | pratīccha mama bhadraṃ te pātrabhūto'si rāghava || 28.10 ||

हे राम, कृशाश्व के इन तेजस्वी, इच्छानुसार रूप धारण करने वाले पुत्रों को ग्रहण करो; तुम्हारा कल्याण हो, हे राघव, तुम इनके योग्य पात्र हो।

श्लोक 11 (bala.28.11)

बाढमित्येव काकुत्स्थ प्रहृष्टेनान्तरात्मना । दिव्यभास्वरदेहाश्च मूर्तिमन्तः सुखप्रदाः ॥ २८-११ ॥

bāḍhamityeva kākutstha prahṛṣṭenāntarātmanā | divyabhāsvaradehāśca mūrtimantaḥ sukhapradāḥ || 28.11 ||

'ऐसा ही हो' यह कहकर काकुत्स्थ (राम) का अंतर्मन हर्ष से भर गया; और वे दिव्य, तेजस्वी शरीर धारण किए हुए, मूर्तिमान्, सुख देने वाले अस्त्र —

श्लोक 12 (bala.28.12)

केचिदङ्गारसदृशाः केचिद् धूमोपमास्तथा । चन्द्रार्कसदृशाः केचित् प्रह्वांजलिपुटास्तथा ॥ २८-१२ ॥

kecidaṅgārasadṛśāḥ kecid dhūmopamāstathā | candrārkasadṛśāḥ kecit prahvāṃjalipuṭāstathā || 28.12 ||

उनमें से कुछ अंगारे के समान, कुछ धुएँ के समान, कुछ चंद्रमा और सूर्य के समान थे, तथा कुछ विनम्रता से हाथ जोड़े हुए —

श्लोक 13 (bala.28.13)

रामं प्रांजलयो भूत्वाऽब्रुवन् मधुरभाषिणः । इमे स्म नरशार्दूल शाधि किं करवाम ते ॥ २८-१३ ॥

rāmaṃ prāṃjalayo bhūtvā'bruvan madhurabhāṣiṇaḥ | ime sma naraśārdūla śādhi kiṃ karavāma te || 28.13 ||

राम के समक्ष हाथ जोड़कर मधुर वाणी में बोले, 'हे नरश्रेष्ठ, हम यहाँ उपस्थित हैं; आज्ञा दीजिए, हम आपके लिए क्या करें?'

श्लोक 14 (bala.28.14)

गम्यतामिति तानाह यथेष्टं रघुनन्दनः । मानसाः कार्यकालेषु साहाय्यं मे करिष्यथ ॥ २८-१४ ॥

gamyatāmiti tānāha yatheṣṭaṃ raghunandanaḥ | mānasāḥ kāryakāleṣu sāhāyyaṃ me kariṣyatha || 28.14 ||

'तुम अपनी इच्छा से जा सकते हो,' रघुनंदन राम ने उनसे कहा, 'आवश्यकता के समय मन में स्मरण करते ही तुम मेरी सहायता करना।'

श्लोक 15 (bala.28.15)

अथ ते राममामन्त्र्य कृत्वा चापि प्रदक्षिणम् । एवमस्त्विति काकुत्स्थमुक्त्वा जग्मुर्यथागतम् ॥ २८-१५ ॥

atha te rāmamāmantrya kṛtvā cāpi pradakṣiṇam | evamastviti kākutsthamuktvā jagmuryathāgatam || 28.15 ||

तत्पश्चात् राम से विदा लेकर और उनकी प्रदक्षिणा करके, 'ऐसा ही होगा' यह कहकर वे जिस प्रकार आए थे, उसी प्रकार लौट गए।

श्लोक 16 (bala.28.16)

स च तान् राघवो ज्ञात्वा विश्वामित्रं महामुनिम् । गच्छन्नेवाथ मधुरं श्लक्ष्णं वचनमब्रवीत् ॥ २८-१६ ॥

sa ca tān rāghavo jñātvā viśvāmitraṃ mahāmunim | gacchannevātha madhuraṃ ślakṣṇaṃ vacanamabravīt || 28.16 ||

और उन्हें जाते हुए देखकर राघव ने चलते-चलते ही महामुनि विश्वामित्र से मधुर और कोमल वचन कहे।

श्लोक 17 (bala.28.17)

किं न्वेतन्मेघसंकाशं पर्वतस्याविदूरतः । वृक्षखण्डमिवाभाति परं कौतूहलं हि मे ॥ २८-१७ ॥

kiṃ nvetanmeghasaṃkāśaṃ parvatasyāvidūrataḥ | vṛkṣakhaṇḍamivābhāti paraṃ kautūhalaṃ hi me || 28.17 ||

यह पर्वत से कुछ ही दूर मेघ के समान वृक्षों के समूह जैसा क्या दिखाई दे रहा है? मुझे इसे जानने की अत्यंत उत्सुकता है।

श्लोक 18 (bala.28.18)

दर्शनीयं मृगाकीर्णं मनोहरमतीव च । नानाप्रकारैः शकुनैर्वल्गुभाषैरलंकृतम् ॥ २८-१८ ॥

darśanīyaṃ mṛgākīrṇaṃ manoharamatīva ca | nānāprakāraiḥ śakunairvalgubhāṣairalaṃkṛtam || 28.18 ||

यह देखने योग्य, हिरणों से भरा और अत्यंत मनोहर है; तथा मधुर बोलने वाले नाना प्रकार के पक्षियों से सुशोभित है।

श्लोक 19 (bala.28.19)

निःसृताः स्म मुनिश्रेष्ठ कान्ताराद्रोमहर्षणात् । अनया त्ववगच्छामि देशस्य सुखवत्तया ॥ २८-१९ ॥

niḥsṛtāḥ sma muniśreṣṭha kāntārādromaharṣaṇāt | anayā tvavagacchāmi deśasya sukhavattayā || 28.19 ||

हे मुनिश्रेष्ठ, हम उस रोमांचकारी भयंकर वन से बाहर आ चुके हैं; और इस भूमि की सुखदता से मैं यह जान रहा हूँ —

श्लोक 20 (bala.28.20)

सर्वं मे शंस भगवन् कस्याश्रमपदं त्विदम् । संप्राप्ता यत्र ते पापा ब्रह्मघ्ना दुष्टचारिणः ॥ २८-२० ॥

sarvaṃ me śaṃsa bhagavan kasyāśramapadaṃ tvidam | saṃprāptā yatra te pāpā brahmaghnā duṣṭacāriṇaḥ || 28.20 ||

— सब कुछ मुझे बताइए, हे भगवन्, यह किसका आश्रम है, जहाँ वे पापी ब्रह्महत्यारे दुराचारी आते हैं —

श्लोक 21 (bala.28.21)

तव यज्ञस्य विघ्नाय दुरात्मानो महामुनेः । भगवंस्तस्य को देशः सा यत्र तव याज्ञिकी ॥ २८-२१ ॥

tava yajñasya vighnāya durātmāno mahāmuneḥ | bhagavaṃstasya ko deśaḥ sā yatra tava yājñikī || 28.21 ||

— जो हे महामुनि, आपके यज्ञ में विघ्न डालने के लिए आते हैं। हे भगवन्, वह कौन-सा स्थान है जहाँ आपकी यज्ञ-संबंधी —

श्लोक 22 (bala.28.22)

रक्षितव्या क्रिया ब्रह्मन् मया वध्याश्च राक्षसाः । एतत्सर्वं मुनिश्रेष्ट श्रोतुमिच्छाम्यहं प्रभो ॥ २८-२२ ॥

rakṣitavyā kriyā brahman mayā vadhyāśca rākṣasāḥ | etatsarvaṃ muniśreṣṭa śrotumicchāmyahaṃ prabho || 28.22 ||

— यज्ञ-क्रिया मुझे सुरक्षित रखनी है और राक्षसों का वध करना है, हे ब्रह्मन्। हे प्रभो, हे मुनिश्रेष्ठ, यह सब मैं सुनना चाहता हूँ।