राजा कुश की कथा

श्लोक 1 (bala.32.1)

ब्रह्मयोनिर्महानासीत् कुशो नाम महातपाः । अक्लिष्टव्रतधर्मज्ञः सज्जनप्रतिपूजकः ।। ३२.१ ।।

brahmayonirmahānāsīt kuśo nāma mahātapāḥ | akliṣṭavratadharmajñaḥ sajjanapratipūjakaḥ || 32.1 ||

ब्रह्मा से उत्पन्न कुश नाम के एक महान तपस्वी राजर्षि थे, जो अपने व्रतों में अडिग, धर्म के ज्ञाता और सज्जनों का सम्मान करने वाले थे।

श्लोक 2 (bala.32.2)

स महात्मा कुलीनायां युक्तायां सुमहाबलान् । वैदर्भ्यां जनयामास चतुरः सदृशान् सुतान् ।। ३२.२ ।।

sa mahātmā kulīnāyāṃ yuktāyāṃ sumahābalān | vaidarbhyāṃ janayāmāsa caturaḥ sadṛśān sutān || 32.2 ||

उस महात्मा ने उच्च कुल की योग्य विदर्भ-राजकुमारी के गर्भ से चार अत्यंत बलशाली और समान गुणों वाले पुत्र उत्पन्न किए।

श्लोक 3 (bala.32.3)

कुशाम्बं कुशनाभं च अधूर्तरजसं वसुम् । दीप्तियुक्तान् महोत्साहान् क्षत्रधर्मचिकीर्षया ।। ३२.३ ।।

kuśāmbaṃ kuśanābhaṃ ca adhūrtarajasaṃ vasum | dīptiyuktān mahotsāhān kṣatradharmacikīrṣayā || 32.3 ||

कुशाम्ब, कुशनाभ, अधूर्तरजस और वसु — ये तेजस्वी और उत्साही पुत्र थे, जिन्हें उन्होंने क्षत्रिय-धर्म के पालन की इच्छा से उत्पन्न किया।

श्लोक 4 (bala.32.4)

तानुवाच कुशः पुत्रान् धर्मिष्ठान् सत्यवादिनः । क्रियतां पालनं पुत्रा धर्मं प्राप्स्यथ पुष्कलम् ।। ३२.४ ।।

tānuvāca kuśaḥ putrān dharmiṣṭhān satyavādinaḥ | kriyatāṃ pālanaṃ putrā dharmaṃ prāpsyatha puṣkalam || 32.4 ||

कुश ने उन धर्मपरायण और सत्यवादी पुत्रों से कहा: "हे पुत्रो, राज्य का पालन करो, इससे तुम्हें प्रचुर धर्म-लाभ प्राप्त होगा।"

श्लोक 5 (bala.32.5)

कुशस्य वचनं श्रुत्वा चत्वारो लोकसत्तमाः । निवेशं चक्रिरे सर्वे पुराणां नृवरास्तदा ।। ३२.५ ।।

kuśasya vacanaṃ śrutvā catvāro lokasattamāḥ | niveśaṃ cakrire sarve purāṇāṃ nṛvarāstadā || 32.5 ||

कुश के वचन सुनकर उन चारों श्रेष्ठ नरवीरों ने उसी समय नगर बसाने का कार्य आरंभ कर दिया।

श्लोक 6 (bala.32.6)

कुशाम्बस्तु महातेजाः कौशांबीमकरोत् पुरीम् । कुशनाभस्तु धर्मात्मा पुरं चक्रे महोदयम् ।। ३२.६ ।।

kuśāmbastu mahātejāḥ kauśāṃbīmakarot purīm | kuśanābhastu dharmātmā puraṃ cakre mahodayam || 32.6 ||

महातेजस्वी कुशाम्ब ने कौशाम्बी नगरी बसाई और धर्मात्मा कुशनाभ ने महोदय नामक नगर का निर्माण किया।

श्लोक 7 (bala.32.7)

अधूर्तरजसो राम धर्मारण्यं महामतिः । चक्रे पुरवरं राजा वसुर्नाम गिरिव्रजम् ।। ३२.७ ।।

adhūrtarajaso rāma dharmāraṇyaṃ mahāmatiḥ | cakre puravaraṃ rājā vasurnāma girivrajam || 32.7 ||

हे राम, बुद्धिमान अधूर्तरजस ने धर्मारण्य नामक श्रेष्ठ नगर बनाया और राजा वसु ने गिरिव्रज नामक नगर बसाया।

श्लोक 8 (bala.32.8)

एषा वसुमती नाम वसोस्तस्य महात्मनः । एते शैलवराः पंच प्रकाशन्ते समंततः ।। ३२.८ ।।

eṣā vasumatī nāma vasostasya mahātmanaḥ | ete śailavarāḥ paṃca prakāśante samaṃtataḥ || 32.8 ||

यह प्रदेश उस महात्मा वसु के नाम पर वसुमती कहलाता है, और चारों ओर ये पाँच श्रेष्ठ पर्वत शोभायमान हैं।

श्लोक 9 (bala.32.9)

सुमागधी नदी रम्या मागधान् विश्रुताययौ । पंचानां शैलमुख्यानां मध्ये मालेव शोभते ।। ३२.९ ।।

sumāgadhī nadī ramyā māgadhān viśrutāyayau | paṃcānāṃ śailamukhyānāṃ madhye māleva śobhate || 32.9 ||

सुंदर और प्रसिद्ध सुमागधी नदी मगध प्रदेश में बहती हुई, इन पाँच प्रमुख पर्वतों के मध्य माला के समान सुशोभित होती है।

श्लोक 10 (bala.32.10)

सैषा हि मागधी राम वसोस्तस्य महात्मनः । पूर्वाभिचरिता राम सुक्षेत्रा सस्यमालिनी ।। ३२.१० ।।

saiṣā hi māgadhī rāma vasostasya mahātmanaḥ | pūrvābhicaritā rāma sukṣetrā sasyamālinī || 32.10 ||

हे राम, यही मागधी नदी उस महात्मा वसु से संबंधित है; पूर्व की ओर बहती हुई यह उपजाऊ खेतों और फसलों से सुशोभित रहती है।

श्लोक 11 (bala.32.11)

कुशनाभस्तु राजर्षिः कन्याशतमनुत्तमम् । जनयामास धर्मात्मा घृताच्यां रघुनंदन ।। ३२.११ ।।

kuśanābhastu rājarṣiḥ kanyāśatamanuttamam | janayāmāsa dharmātmā ghṛtācyāṃ raghunaṃdana || 32.11 ||

हे रघुनंदन, धर्मात्मा राजर्षि कुशनाभ ने अप्सरा घृताची के गर्भ से सौ अनुपम सुंदरी कन्याओं को जन्म दिया।

श्लोक 12 (bala.32.12)

तास्तु यौवनशालिन्यो रूपवत्यः स्वलंकृताः । उद्यानभूमिमागम्य प्रावृषीव शतह्रदाः ।। ३२.१२ ।।

tāstu yauvanaśālinyo rūpavatyaḥ svalaṃkṛtāḥ | udyānabhūmimāgamya prāvṛṣīva śatahradāḥ || 32.12 ||

यौवन और सौंदर्य से युक्त वे सुसज्जित कन्याएँ उद्यान-भूमि में जाकर वर्षा ऋतु की बिजली की चमक के समान दिखाई देने लगीं।

श्लोक 13 (bala.32.13)

गायन्त्यो नृत्यमानाश्च वादयन्त्यश्च राघव । आमोदं परमं जग्मुर्वराभरणभूषिताः ।। ३२.१३ ।।

gāyantyo nṛtyamānāśca vādayantyaśca rāghava | āmodaṃ paramaṃ jagmurvarābharaṇabhūṣitāḥ || 32.13 ||

हे राघव, गीत गाती, नृत्य करती और वाद्य बजाती हुई उत्तम आभूषणों से सुसज्जित वे कन्याएँ अत्यंत आनंद में मग्न हो गईं।

श्लोक 14 (bala.32.14)

अथ ताश्चारुसर्वांग्यो रूपेणाप्रतिमा भुवि । उद्यानभूमिमागम्य तारा इव घनान्तरे ।। ३२.१४ ।।

atha tāścārusarvāṃgyo rūpeṇāpratimā bhuvi | udyānabhūmimāgamya tārā iva ghanāntare || 32.14 ||

फिर सुंदर अंगों वाली और पृथ्वी पर अद्वितीय रूपवती वे कन्याएँ उद्यान-भूमि में पहुँचकर बादलों के बीच तारों के समान चमकने लगीं।

श्लोक 15 (bala.32.15)

ताः सर्वगुणसंपन्ना रूपयौवनसंयुताः । दृष्ट्वा सर्वात्मको वायुरिदं वचनमब्रवीत् ।। ३२.१५ ।।

tāḥ sarvaguṇasaṃpannā rūpayauvanasaṃyutāḥ | dṛṣṭvā sarvātmako vāyuridaṃ vacanamabravīt || 32.15 ||

सभी गुणों से संपन्न, रूप और यौवन से युक्त उन कन्याओं को देखकर सर्वव्यापी वायुदेव ने यह वचन कहा।

श्लोक 16 (bala.32.16)

अहं वः कामये सर्वा भार्या मम भविष्यथ । मानुषस्त्यज्यतां भावो दीर्घमायुरवाप्स्यथ ।। ३२.१६ ।।

ahaṃ vaḥ kāmaye sarvā bhāryā mama bhaviṣyatha | mānuṣastyajyatāṃ bhāvo dīrghamāyuravāpsyatha || 32.16 ||

"मैं तुम सबकी कामना करता हूँ; तुम सब मेरी पत्नी बन जाओ। मनुष्य-भाव त्याग दो, इससे तुम्हें दीर्घायु प्राप्त होगी।"

श्लोक 17 (bala.32.17)

चलं हि यौवनं नित्यं मानुषेषु विशेषतः । अक्षय्यं यौवनं प्राप्ता अमर्यश्च भविष्य्थ ।। ३२.१७ ।।

calaṃ hi yauvanaṃ nityaṃ mānuṣeṣu viśeṣataḥ | akṣayyaṃ yauvanaṃ prāptā amaryaśca bhaviṣytha || 32.17 ||

"मनुष्यों में यौवन सदा क्षणभंगुर होता है; परंतु मुझे पाकर तुम्हारा यौवन अक्षय हो जाएगा और तुम अमर हो जाओगी।"

श्लोक 18 (bala.32.18)

तस्य तद्वचनं श्रुत्वा वायोरक्लिष्टकर्मणः । अपहास्य ततो वाक्यं कन्याशतमथाब्रवीत् ।। ३२.१८ ।।

tasya tadvacanaṃ śrutvā vāyorakliṣṭakarmaṇaḥ | apahāsya tato vākyaṃ kanyāśatamathābravīt || 32.18 ||

अजेय-कर्मा वायु के उस वचन को सुनकर उन सौ कन्याओं ने उसकी बात हँसकर टाल दी और फिर यह कहा।

श्लोक 19 (bala.32.19)

अन्तश्चरसि भूतानां सर्वेषां त्वं सुरसत्तम । प्रभावज्ञाश्च ते सर्वाः किमर्थमवमन्यसे ।। ३२.१९ ।।

antaścarasi bhūtānāṃ sarveṣāṃ tvaṃ surasattama | prabhāvajñāśca te sarvāḥ kimarthamavamanyase || 32.19 ||

"हे देवश्रेष्ठ, आप समस्त प्राणियों के भीतर विचरण करते हैं; हम सब आपकी शक्ति को भली-भाँति जानती हैं — फिर आप हमारा अनादर क्यों करते हैं?"

श्लोक 20 (bala.32.20)

कुशनाभसुताः देवं समस्ता सुरसत्तम । स्थानाच्च्यावयितुं देवं रक्षामस्तु तपो वयम् ।। ३२.२० ।।

kuśanābhasutāḥ devaṃ samastā surasattama | sthānāccyāvayituṃ devaṃ rakṣāmastu tapo vayam || 32.20 ||

"हे देवश्रेष्ठ, हम सब कुशनाभ की पुत्रियाँ आपको आपके स्थान से च्युत करने में समर्थ होते हुए भी अपनी तपस्या की रक्षा हेतु स्वयं को संयत रखती हैं।"

श्लोक 21 (bala.32.21)

मा भूत्सकालो दुर्मेधः पितरं सत्यवादिनम् । अवमन्य स्वधर्मेण स्वयंवरमुपास्महे ।। ३२.२१ ।।

mā bhūtsakālo durmedhaḥ pitaraṃ satyavādinam | avamanya svadharmeṇa svayaṃvaramupāsmahe || 32.21 ||

"हे दुर्बुद्धे, वह समय कभी न आए जब हम अपने सत्यवादी पिता का अनादर करके स्वेच्छा से स्वयंवर द्वारा वर चुनें।"

श्लोक 22 (bala.32.22)

पिता हि प्रभुरस्माकं दैवतं परमं च सः । यस्य नो दास्यति पिता स नो भर्ता भविष्यति ।। ३२.२२ ।।

pitā hi prabhurasmākaṃ daivataṃ paramaṃ ca saḥ | yasya no dāsyati pitā sa no bhartā bhaviṣyati || 32.22 ||

"हमारे लिए पिता ही स्वामी हैं और वे ही हमारे परम देवता हैं। पिता हमें जिसे सौंपेंगे, वही हमारा पति होगा।"

श्लोक 23 (bala.32.23)

तासां तु वचनं श्रुत्वा हरिः परमकोपनः । प्रविश्य सर्वगात्राणि बभंज भगवान् प्रभुः ।। ३२.२३ ।।

tāsāṃ tu vacanaṃ śrutvā hariḥ paramakopanaḥ | praviśya sarvagātrāṇi babhaṃja bhagavān prabhuḥ || 32.23 ||

उनके वचन सुनकर अत्यंत क्रोधित हुए प्रभावशाली वायुदेव ने उनके समस्त अंगों में प्रवेश करके उन्हें कुबड़ा बना दिया।

श्लोक 24 (bala.32.24)

ताः कन्या वायुना भग्ना विविशुर्नृपतेर्गृहम् । प्रविश्य च सुसंभ्रान्ताः सलज्जाः साश्रुलोचनाः ।। ३२.२४ ।।

tāḥ kanyā vāyunā bhagnā viviśurnṛpatergṛham | praviśya ca susaṃbhrāntāḥ salajjāḥ sāśrulocanāḥ || 32.24 ||

वायु द्वारा विकृत की गई वे कन्याएँ राजमहल में प्रविष्ट हुईं; भीतर जाकर वे अत्यंत व्याकुल, लज्जित और अश्रुपूरित नेत्रों वाली हो गईं।

श्लोक 25 (bala.32.25)

स च ता दयिता भग्नाः कन्याः परमशोभनाः । दृष्ट्वा दीनास्तदा राजा संभ्रांत इदमब्रवीत् ।। ३२.२५ ।।

sa ca tā dayitā bhagnāḥ kanyāḥ paramaśobhanāḥ | dṛṣṭvā dīnāstadā rājā saṃbhrāṃta idamabravīt || 32.25 ||

अपनी प्रिय और अत्यंत सुंदर पुत्रियों को इस प्रकार विकृत और दीन देखकर राजा अत्यंत व्याकुल होकर यह बोले।

श्लोक 26 (bala.32.26)

किमिदं कथ्यतां पुत्र्यः को धर्ममवमन्यते । कुब्जाः केन कृताः सर्वा चेष्टन्त्यो नाभिभाषथ । एवं राजा विनिःश्वस्य समाधिं संदधे ततः ।। ३२.२६ ।।

kimidaṃ kathyatāṃ putryaḥ ko dharmamavamanyate | kubjāḥ kena kṛtāḥ sarvā ceṣṭantyo nābhibhāṣatha | evaṃ rājā viniḥśvasya samādhiṃ saṃdadhe tataḥ || 32.26 ||

"यह क्या हुआ है? हे पुत्रियो, बताओ — किसने धर्म का उल्लंघन किया? तुम सबको किसने कुबड़ा बना दिया? तुम संकेत तो करती हो, पर कुछ कहती नहीं!" ऐसा कहकर राजा ने गहरी साँस ली और फिर मौन धारण करके धैर्यपूर्वक उत्तर की प्रतीक्षा करने लगे।