ब्रह्मदत्त का विवाह

श्लोक 1 (bala.33.1)

तस्य तद्वचनं श्रुत्वा कुशनाभस्य धीमतः । शिरोभिश्चरणौ स्पृष्ट्वा कन्याशतमभाषत ।। ३३.१ ।।

tasya tadvacanaṃ śrutvā kuśanābhasya dhīmataḥ | śirobhiścaraṇau spṛṣṭvā kanyāśatamabhāṣata || 33.1 ||

बुद्धिमान कुशनाभ के उस वचन को सुनकर सौ कन्याओं ने अपने सिर से उनके चरण स्पर्श करके यह कहा।

श्लोक 2 (bala.33.2)

वायुः सर्वात्मको राजन् प्रधर्षयितुमिच्छति । अशुभं मार्गमास्थाय न धर्मं प्रत्यवेक्षते ।। ३३.२ ।।

vāyuḥ sarvātmako rājan pradharṣayitumicchati | aśubhaṃ mārgamāsthāya na dharmaṃ pratyavekṣate || 33.2 ||

"हे राजन्, सर्वव्यापी वायु ने अनुचित मार्ग अपनाकर, धर्म की परवाह किए बिना, हमें बलपूर्वक भ्रष्ट करना चाहा।"

श्लोक 3 (bala.33.3)

पितृमत्यः स्म भद्रं ते स्वच्छन्दे न वयं स्थिताः । पितरं नो वृणीष्व त्वं यदि नो दास्यते तव ।। ३३.३ ।।

pitṛmatyaḥ sma bhadraṃ te svacchande na vayaṃ sthitāḥ | pitaraṃ no vṛṇīṣva tvaṃ yadi no dāsyate tava || 33.3 ||

"हमने उससे कहा — 'हमारे पिता जीवित हैं, हम स्वतंत्र नहीं हैं। आपका कल्याण हो — आप हमारे पिता से याचना कीजिए, वे हमें आपको दें या न दें।'"

श्लोक 4 (bala.33.4)

तेन पापानुबन्धेन वचनं न प्रतीच्छता । एवं ब्रुवंत्यः सर्वाः स्म वायुनाभिहता भृषम् ।। ३३.४ ।।

tena pāpānubandhena vacanaṃ na pratīcchatā | evaṃ bruvaṃtyaḥ sarvāḥ sma vāyunābhihatā bhṛṣam || 33.4 ||

"किंतु हमारे ऐसा कहने पर भी, पाप में लिप्त उस वायु ने हमारी बात न मानकर हम सबको बुरी तरह पीड़ित कर दिया।"

श्लोक 5 (bala.33.5)

तासां तु वचनं श्रुत्वा राजा परमधार्मिकः । प्रत्युवाच महातेजाः कन्याशतमनुत्तमम् ।। ३३.५ ।।

tāsāṃ tu vacanaṃ śrutvā rājā paramadhārmikaḥ | pratyuvāca mahātejāḥ kanyāśatamanuttamam || 33.5 ||

उनकी बात सुनकर परम धर्मात्मा और महातेजस्वी राजा ने उन अनुपम सौ कन्याओं को उत्तर दिया।

श्लोक 6 (bala.33.6)

क्षान्तं क्षमावतां पुत्र्यः कर्तव्यं सुमहत्कृतम् । ऐकमत्यमुपागम्य कुलं चावेक्षितं मम ।। ३३.६ ।।

kṣāntaṃ kṣamāvatāṃ putryaḥ kartavyaṃ sumahatkṛtam | aikamatyamupāgamya kulaṃ cāvekṣitaṃ mama || 33.6 ||

"हे पुत्रियो, तुमने क्षमा की, जो सहनशीलों का कर्तव्य है — तुमने महान कार्य किया है। अपनी एकमति के कारण तुमने मेरे कुल की प्रतिष्ठा भी बनाए रखी है।"

श्लोक 7 (bala.33.7)

अलंकारो हि नारीणां क्षमा तु पुरुषस्य वा । दुष्करं तच्च वै क्षान्तं त्रिदशेषु विशेषतः ।। ३३.७ ।।

alaṃkāro hi nārīṇāṃ kṣamā tu puruṣasya vā | duṣkaraṃ tacca vai kṣāntaṃ tridaśeṣu viśeṣataḥ || 33.7 ||

"क्षमा नारियों का आभूषण है, और पुरुषों का भी; परंतु ऐसी सहनशीलता प्राप्त करना कठिन है, विशेषतः देवताओं के लिए भी।"

श्लोक 8 (bala.33.8)

यादृशी वः क्षमा पुत्र्यः सर्वासामविशेषतः । क्षमा दानं क्षमा सत्यं क्षमा यज्ञश्च पुत्रिकाः ।। ३३.८ ।।

yādṛśī vaḥ kṣamā putryaḥ sarvāsāmaviśeṣataḥ | kṣamā dānaṃ kṣamā satyaṃ kṣamā yajñaśca putrikāḥ || 33.8 ||

"हे पुत्रियो, तुम सभी में समान रूप से जो यह क्षमाशीलता है, वह अद्भुत है। क्षमा ही दान है, क्षमा ही सत्य है और क्षमा ही यज्ञ है, हे पुत्रियो।"

श्लोक 9 (bala.33.9)

क्षमा यशः क्षमा धर्मः क्षमायां विष्ठितं जगत् । विसृज्य कन्याः काकुत्स्थ राजा त्रिदशविक्रमः ।। ३३.९ ।।

kṣamā yaśaḥ kṣamā dharmaḥ kṣamāyāṃ viṣṭhitaṃ jagat | visṛjya kanyāḥ kākutstha rājā tridaśavikramaḥ || 33.9 ||

"क्षमा ही यश है, क्षमा ही धर्म है; समस्त संसार क्षमा पर ही टिका है।" हे काकुत्स्थ, देवतुल्य पराक्रमी उस राजा ने ऐसा कहकर अपनी पुत्रियों को विदा किया।

श्लोक 10 (bala.33.10)

मंत्रज्ञो मंत्रयामास प्रदानं सह मंत्रिभिः । देशे काले च कर्तव्यं सदृशे प्रतिपादनम् ।। ३३.१० ।।

maṃtrajño maṃtrayāmāsa pradānaṃ saha maṃtribhiḥ | deśe kāle ca kartavyaṃ sadṛśe pratipādanam || 33.10 ||

नीतिनिपुण उस राजा ने अपने मंत्रियों के साथ कन्याओं के विवाह के विषय में विचार-विमर्श किया — किस देश में, किस समय और किस योग्य वर से यह प्रस्ताव किया जाए।

श्लोक 11 (bala.33.11)

एतस्मिन्नेव काले तु चूली नाम महाद्युतिः । ऊर्ध्वरेताः शुभाचारो ब्राह्मं तप उपागमत् ।। ३३.११ ।।

etasminneva kāle tu cūlī nāma mahādyutiḥ | ūrdhvaretāḥ śubhācāro brāhmaṃ tapa upāgamat || 33.11 ||

उसी समय चूली नाम के एक महातेजस्वी ऋषि थे, जो ब्रह्मचर्य-व्रत का पालन करते हुए शुद्ध आचरण से ब्राह्मी तपस्या में लीन थे।

श्लोक 12 (bala.33.12)

तपस्यन्तमृषिं तत्र गंधर्वी पर्युपासते । सोमदा नाम भद्रं ते ऊर्मिलातनया तदा ।। ३३.१२ ।।

tapasyantamṛṣiṃ tatra gaṃdharvī paryupāsate | somadā nāma bhadraṃ te ūrmilātanayā tadā || 33.12 ||

तपस्या में लीन उन ऋषि की सेवा वहाँ ऊर्मिला की पुत्री सोमदा नामक एक गंधर्व-कन्या करती थी।

श्लोक 13 (bala.33.13)

सा च तं प्रणता भूत्वा शुश्रूषणपरायणा । उवास काले धर्मिष्ठा तस्यास्तुष्टोऽभवद् गुरुः ।। ३३.१३ ।।

sā ca taṃ praṇatā bhūtvā śuśrūṣaṇaparāyaṇā | uvāsa kāle dharmiṣṭhā tasyāstuṣṭo'bhavad guruḥ || 33.13 ||

उनके प्रति विनम्र और सेवापरायण रहते हुए वह धर्मपूर्वक वहाँ रहती रही, और समय के साथ वे ऋषि उससे प्रसन्न हो गए।

श्लोक 14 (bala.33.14)

स च तां कालयोगेन प्रोवाच रघुनंदन । परितुष्टोऽस्मि भद्रं ते किं करोमि तव प्रियम् ।। ३३.१४ ।।

sa ca tāṃ kālayogena provāca raghunaṃdana | parituṣṭo'smi bhadraṃ te kiṃ karomi tava priyam || 33.14 ||

हे रघुनंदन, समय आने पर उन्होंने उससे कहा: "मैं तुमसे संतुष्ट हूँ; तुम्हारा कल्याण हो — बताओ, मैं तुम्हारी क्या प्रिय इच्छा पूर्ण करूँ?"

श्लोक 15 (bala.33.15)

परितुष्टं मुनिं ज्ञात्वा गन्धर्वी मधुरस्वरा । उवाच परमप्रीता वाक्यज्ञा वाक्यकोविदम् ।। ३३.१५ ।।

parituṣṭaṃ muniṃ jñātvā gandharvī madhurasvarā | uvāca paramaprītā vākyajñā vākyakovidam || 33.15 ||

ऋषि को प्रसन्न जानकर, वाणी में निपुण और मधुर स्वर वाली उस गंधर्व-कन्या ने अत्यंत हर्षित होकर उन वाक्पटु ऋषि से कहा।

श्लोक 16 (bala.33.16)

लक्ष्म्या समुदितो ब्राह्म्या ब्रह्मभूतो महातपाः । ब्राह्मेण तपसा युक्तं पुत्रमिच्छामि धार्मिकम् ।। ३३.१६ ।।

lakṣmyā samudito brāhmyā brahmabhūto mahātapāḥ | brāhmeṇa tapasā yuktaṃ putramicchāmi dhārmikam || 33.16 ||

"हे महातपस्वी, आप ब्रह्मतेज से देदीप्यमान होकर ब्रह्मस्वरूप हो गए हैं; मैं आपकी ब्राह्मी तपस्या से युक्त एक धर्मात्मा पुत्र चाहती हूँ।"

श्लोक 17 (bala.33.17)

अपतिश्चास्मि भद्रं ते भार्या चास्मि न कस्यचित् । ब्राह्मेणोपगतायाश्च दातुमर्हसि मे सुतम् ।। ३३.१७ ।।

apatiścāsmi bhadraṃ te bhāryā cāsmi na kasyacit | brāhmeṇopagatāyāśca dātumarhasi me sutam || 33.17 ||

"मेरा कोई पति नहीं है, आपका कल्याण हो, न ही मैं किसी की पत्नी हूँ। मैं आपकी शरण में आई हूँ, अतः आपको चाहिए कि अपनी ब्रह्मशक्ति से मुझे एक पुत्र प्रदान करें।"

श्लोक 18 (bala.33.18)

तस्याः प्रसन्नो ब्रह्मर्षिर्ददौ ब्राह्ममनुत्तमम् । ब्रह्मदत्त इति ख्यातं मानसं चूलिनः सुतम् ।। ३३.१८ ।।

tasyāḥ prasanno brahmarṣirdadau brāhmamanuttamam | brahmadatta iti khyātaṃ mānasaṃ cūlinaḥ sutam || 33.18 ||

उससे प्रसन्न होकर उस ब्रह्मर्षि ने उसे अपने मानस-पुत्र के रूप में एक अनुपम, ब्रह्मतुल्य पुत्र प्रदान किया, जो ब्रह्मदत्त नाम से विख्यात हुआ।

श्लोक 19 (bala.33.19)

स राजा ब्रह्मदत्तस्तु पुरीमध्यवसत्तदा । कांपिल्यां परया लक्ष्म्या देवराजो यथा दिवम् ।। ३३.१९ ।।

sa rājā brahmadattastu purīmadhyavasattadā | kāṃpilyāṃ parayā lakṣmyā devarājo yathā divam || 33.19 ||

वह राजा ब्रह्मदत्त कांपिल्य नगरी में अत्यंत वैभव के साथ ऐसे निवास करने लगे, जैसे देवराज इंद्र स्वर्ग में निवास करते हैं।

श्लोक 20 (bala.33.20)

स बुद्धिं कृतवान् राजा कुशनाभः सुधार्मिकः । ब्रह्मदत्ताय काकुत्स्थ दातुं कन्याशतं तदा ।। ३३.२० ।।

sa buddhiṃ kṛtavān rājā kuśanābhaḥ sudhārmikaḥ | brahmadattāya kākutstha dātuṃ kanyāśataṃ tadā || 33.20 ||

तब हे काकुत्स्थ, अत्यंत धर्मात्मा राजा कुशनाभ ने अपनी सौ कन्याओं को ब्रह्मदत्त को देने का निश्चय किया।

श्लोक 21 (bala.33.21)

तमाहूय महातेजा ब्रह्मदत्तं महीपतिः । ददौ कन्याशतं राजा सुप्रीतेनान्तरात्मना ।। ३३.२१ ।।

tamāhūya mahātejā brahmadattaṃ mahīpatiḥ | dadau kanyāśataṃ rājā suprītenāntarātmanā || 33.21 ||

महातेजस्वी राजा ने ब्रह्मदत्त को बुलाकर अत्यंत प्रसन्न मन से उन सौ कन्याओं को उन्हें सौंप दिया।

श्लोक 22 (bala.33.22)

यथाक्रमम् ततः पाणीन् जग्राह रघुनंदन । ब्रह्मदत्तो महीपालस्तासां देवपतिर्यथा ।। ३३.२२ ।।

yathākramam tataḥ pāṇīn jagrāha raghunaṃdana | brahmadatto mahīpālastāsāṃ devapatiryathā || 33.22 ||

हे रघुनंदन, तत्पश्चात राजा ब्रह्मदत्त ने देवराज के समान क्रमशः उन सबका पाणिग्रहण किया।

श्लोक 23 (bala.33.23)

स्पृष्टमात्रे ततः पाणौ विकुब्जा विगतज्वराः । युक्ताः परमया लक्ष्म्या बभुः कन्याः शतं तदा ।। ३३.२३ ।।

spṛṣṭamātre tataḥ pāṇau vikubjā vigatajvarāḥ | yuktāḥ paramayā lakṣmyā babhuḥ kanyāḥ śataṃ tadā || 33.23 ||

उनके हाथ का स्पर्श होते ही वे सौ कन्याएँ कुबड़ेपन और पीड़ा से मुक्त हो गईं और परम सौंदर्य से युक्त होकर देदीप्यमान हो उठीं।

श्लोक 24 (bala.33.24)

स दृष्ट्वा वायुना मुक्ताः कुशनाभो महीपतिः । बभूव परमप्रीतो हर्षं लेभे पुनः पुनः ।। ३३.२४ ।।

sa dṛṣṭvā vāyunā muktāḥ kuśanābho mahīpatiḥ | babhūva paramaprīto harṣaṃ lebhe punaḥ punaḥ || 33.24 ||

वायु के प्रभाव से मुक्त हुई उन्हें देखकर राजा कुशनाभ अत्यंत प्रसन्न हुए और बार-बार हर्ष का अनुभव करने लगे।

श्लोक 25 (bala.33.25)

कृतोद्वाहं तु राजानं ब्रह्मदत्तं महीपतिः । सदारं प्रेषयामास सोपाध्यायगणं तदा ।। ३३.२५ ।।

kṛtodvāhaṃ tu rājānaṃ brahmadattaṃ mahīpatiḥ | sadāraṃ preṣayāmāsa sopādhyāyagaṇaṃ tadā || 33.25 ||

तदनन्तर राजा ने विवाहित राजा ब्रह्मदत्त को उनकी पत्नियों तथा आचार्यगण सहित विदा किया।

श्लोक 26 (bala.33.26)

सोमदापि सुतं दृष्ट्वा पुत्रस्य सदृशीं क्रियाम् । यथान्यायं च गन्धर्वी स्नुषास्ताः प्रत्यनंदत । स्पृष्ट्वा स्पृष्ट्वा च ताः कन्याः कुशनाभं प्रशस्य च ।। ३३.२६ ।।

somadāpi sutaṃ dṛṣṭvā putrasya sadṛśīṃ kriyām | yathānyāyaṃ ca gandharvī snuṣāstāḥ pratyanaṃdata | spṛṣṭvā spṛṣṭvā ca tāḥ kanyāḥ kuśanābhaṃ praśasya ca || 33.26 ||

सोमदा भी अपने पुत्र और उसके इस योग्य कार्य को देखकर, विधिपूर्वक उन सभी पुत्रवधुओं का स्वागत करने लगीं; उस गंधर्व-कन्या ने बार-बार उन कन्याओं का आलिंगन किया और कुशनाभ की भी प्रशंसा की।