उमा का शाप

श्लोक 1 (bala.36.1)

उक्तवाक्ये मुनौ तस्मिन्नुभौ राघवलक्ष्मणौ। प्रतिनन्द्य कथां वीरौ ऊचतुर्मुनिपुंगवम् ॥ १-३६-१ ॥

uktavākye munau tasminnubhau rāghavalakṣmaṇau| pratinandya kathāṃ vīrau ūcaturmunipuṃgavam || 1-36-1 ||

जब मुनि विश्वामित्र ने वह कथा समाप्त की, तब राघव और लक्ष्मण दोनों वीरों ने उस कथा की सराहना करते हुए उस श्रेष्ठ मुनि से यह कहा।

श्लोक 2 (bala.36.2)

धर्मयुक्तमिदं ब्रह्मन् कथितं परमं त्वया। दुहितुः शैलराजस्य ज्येष्ठाय वक्तुमर्हसि। विस्तरं विस्तरज्ञोऽसि दिव्यमानुषसंभवम् ॥ १-३६-२ ॥

dharmayuktamidaṃ brahman kathitaṃ paramaṃ tvayā| duhituḥ śailarājasya jyeṣṭhāya vaktumarhasi| vistaraṃ vistarajño'si divyamānuṣasaṃbhavam || 1-36-2 ||

हे ब्रह्मन्! आपने पर्वतराज की ज्येष्ठा पुत्री के विषय में जो यह धर्मयुक्त और उत्तम कथा कही है, उसे विस्तार से कहना आपको ही शोभा देता है; क्योंकि आप उसके दिव्य और मानवीय दोनों प्रकार के उद्भव के विस्तार को भलीभाँति जानने वाले हैं।

श्लोक 3 (bala.36.3)

त्रीन्पथो हेतुना केन पावयेल्लोकपावनी। कथं गङ्गा त्रिपथगा विश्रुता सरिदुत्तमा ॥ १-३६-३ ॥

trīnpatho hetunā kena pāvayellokapāvanī| kathaṃ gaṅgā tripathagā viśrutā sariduttamā || 1-36-3 ||

वह लोकपावनी गंगा किस कारण से तीन मार्गों को पवित्र करती हुई बहती है? हे धर्मज्ञ! त्रिपथगामिनी के रूप में विख्यात यह सरिताओं में श्रेष्ठ गंगा किस प्रकार प्रसिद्ध हुई?

श्लोक 4 (bala.36.4)

त्रिषु लोकेषु धर्मज्ञ कर्मभिः कैः समन्विता। तथा ब्रुवति काकुत्स्थे विश्वामित्रस्तपोधनः ॥ १-३६-४ ॥

triṣu lokeṣu dharmajña karmabhiḥ kaiḥ samanvitā| tathā bruvati kākutsthe viśvāmitrastapodhanaḥ || 1-36-4 ||

और वह तीनों लोकों में किन-किन कर्मों के कारण विख्यात है, यह हमें बताइए। काकुत्स्थ के इस प्रकार पूछने पर तपोधन विश्वामित्र ने...

श्लोक 5 (bala.36.5)

निखिलेन कथां सर्वामृषिमध्ये न्यवेदयत्। पुरा रामकृतोद्वाहः शितिकण्ठो महातपाः ॥ १-३६-५ ॥

nikhilena kathāṃ sarvāmṛṣimadhye nyavedayat| purā rāmakṛtodvāhaḥ śitikaṇṭho mahātapāḥ || 1-36-5 ||

...ऋषियों के मध्य वह सम्पूर्ण कथा विस्तारपूर्वक कह सुनाई। हे राम! पूर्वकाल में विवाह करने के पश्चात् महातपस्वी नीलकण्ठ शिव ने...

श्लोक 6 (bala.36.6)

दृष्ट्वा च भगवान् देवीं मैथुनायोपचक्रमे। तस्य संक्रीडमानस्य महादेवस्य धीमतः। शितिकण्ठस्य देवस्य दिव्यं वर्षशतं गतम् ॥ १-३६-६ ॥

dṛṣṭvā ca bhagavān devīṃ maithunāyopacakrame| tasya saṃkrīḍamānasya mahādevasya dhīmataḥ| śitikaṇṭhasya devasya divyaṃ varṣaśataṃ gatam || 1-36-6 ||

...देवी को देखकर रतिक्रीड़ा में प्रवृत्त हुए। उन बुद्धिमान, नीलकण्ठ महादेव के इस प्रकार क्रीड़ा करते हुए सौ दिव्य वर्ष बीत गए।

श्लोक 7 (bala.36.7)

न चापि तनयो राम तस्यामासीत्परंतप। सर्वे देवाः समुद्युक्ताः पितामहपुरोगमाः ॥ १-३६-७ ॥

na cāpi tanayo rāma tasyāmāsītparaṃtapa| sarve devāḥ samudyuktāḥ pitāmahapurogamāḥ || 1-36-7 ||

फिर भी, हे परंतप राम! उनके उस मिलन से कोई पुत्र उत्पन्न न हुआ। तब पितामह ब्रह्मा को आगे करके सभी देवता चिन्तित होकर सक्रिय हुए।

श्लोक 8 (bala.36.8)

यदिहोत्पद्यते भूतं कः तत्प्रतिसहिष्यति। अभिगम्य सुराः सर्वे प्रणिपत्येदमब्रुवन् ॥ १-३६-८ ॥

yadihotpadyate bhūtaṃ kaḥ tatpratisahiṣyati| abhigamya surāḥ sarve praṇipatyedamabruvan || 1-36-8 ||

उन्होंने सोचा — यहाँ जो भी प्राणी उत्पन्न होगा, उसे कौन सहन कर सकेगा? यह सोचकर सभी देवता शिव के पास जाकर प्रणाम करते हुए यह बोले।

श्लोक 9 (bala.36.9)

देव देव महादेव लोकस्यास्य हिते रत। सुराणां प्रणिपातेन प्रसादं कर्तुमर्हसि ॥ १-३६-९ ॥

deva deva mahādeva lokasyāsya hite rata| surāṇāṃ praṇipātena prasādaṃ kartumarhasi || 1-36-9 ||

हे देवाधिदेव महादेव! आप सदैव इस लोक के हित में रत रहने वाले हैं। देवताओं के इस प्रणिपात से प्रसन्न होकर आप हम पर अनुग्रह करने योग्य हैं।

श्लोक 10 (bala.36.10)

न लोका धारयिष्यन्ति तव तेजः सुरोत्तम। ब्राह्मेण तपसा युक्तो देव्या सह तपश्चर ॥ १-३६-१० ॥

na lokā dhārayiṣyanti tava tejaḥ surottama| brāhmeṇa tapasā yukto devyā saha tapaścara || 1-36-10 ||

हे देवश्रेष्ठ! लोक आपके तेज को धारण करने में समर्थ नहीं हैं; अतः आप ब्रह्मविधि से युक्त तपस्या देवी के साथ करें।

श्लोक 11 (bala.36.11)

त्रैलोक्यहितकामार्थं तेजस्तेजसि धारय। रक्ष सर्वानिमान् लोकान्नालोकं कर्तुमर्हसि ॥ १-३६-११ ॥

trailokyahitakāmārthaṃ tejastejasi dhāraya| rakṣa sarvānimān lokānnālokaṃ kartumarhasi || 1-36-11 ||

त्रैलोक्य के हित की कामना से अपने तेज को अपने ही तेज में धारण करें। इन समस्त लोकों की रक्षा करें; इन्हें लोकहीन कर देना आपके लिए उचित नहीं है।

श्लोक 12 (bala.36.12)

देवतानां वचः श्रुत्वा सर्वलोकमहेश्वरः। बाढमित्यब्रवीत् सर्वान् पुनश्चेदमुवाच ह ॥ १-३६-१२ ॥

devatānāṃ vacaḥ śrutvā sarvalokamaheśvaraḥ| bāḍhamityabravīt sarvān punaścedamuvāca ha || 1-36-12 ||

देवताओं के इस वचन को सुनकर सम्पूर्ण लोक के महेश्वर ने उन सबसे "ऐसा ही हो" कहा और पुनः यह बोले।

श्लोक 13 (bala.36.13)

धारयिष्याम्यहं तेजस्तेजस्येव सहोमया। त्रिदशाः पृथिवी चैव निर्वाणमधिगच्छतु ॥ १-३६-१३ ॥

dhārayiṣyāmyahaṃ tejastejasyeva sahomayā| tridaśāḥ pṛthivī caiva nirvāṇamadhigacchatu || 1-36-13 ||

उमा के साथ मैं अपने तेज को अपने ही तेज में धारण करूँगा; इससे देवता और पृथ्वी दोनों शान्ति को प्राप्त हों।

श्लोक 14 (bala.36.14)

यदिदं क्षुभितं स्थानान्मम तेजो ह्यनुत्तमम्। धारयिष्यति कस्तन्मे ब्रुवन्तु सुरसत्तमाः ॥ १-३६-१४ ॥

yadidaṃ kṣubhitaṃ sthānānmama tejo hyanuttamam| dhārayiṣyati kastanme bruvantu surasattamāḥ || 1-36-14 ||

किन्तु मेरा यह अनुपम तेज जो अपने स्थान से पहले ही विचलित हो चुका है, उसे कौन धारण करेगा? हे श्रेष्ठ देवगण, यह मुझे बताओ।

श्लोक 15 (bala.36.15)

एवमुक्तास्ततो देवाः प्रत्यूचुर्वृषभध्वजम्। यत्तेजः क्षुभितं ह्यद्य तद्धरा धारयिष्यति ॥ १-३६-१५ ॥

evamuktāstato devāḥ pratyūcurvṛṣabhadhvajam| yattejaḥ kṣubhitaṃ hyadya taddharā dhārayiṣyati || 1-36-15 ||

ऐसा कहे जाने पर देवताओं ने वृषभध्वज शिव को उत्तर दिया — जो तेज अब विचलित हो चुका है, उसे धरती धारण कर लेगी।

श्लोक 16 (bala.36.16)

एवमुक्तः सुरपतिः प्रमुमोच महाबलः। तेजसा पृथिवी येन व्याप्ता सगिरिकानना ॥ १-३६-१६ ॥

evamuktaḥ surapatiḥ pramumoca mahābalaḥ| tejasā pṛthivī yena vyāptā sagirikānanā || 1-36-16 ||

ऐसा कहे जाने पर उन महाबली देवेश्वर ने उस तेज को छोड़ दिया, जिससे पर्वतों और वनों सहित सम्पूर्ण पृथ्वी व्याप्त हो गई।

श्लोक 17 (bala.36.17)

ततो देवाः पुनरिदमूचुश्चापि हुताशनम्। आविश त्वं महातेजो रौद्रं वायुसमन्वितः ॥ १-३६-१७ ॥

tato devāḥ punaridamūcuścāpi hutāśanam| āviśa tvaṃ mahātejo raudraṃ vāyusamanvitaḥ || 1-36-17 ||

तब देवताओं ने पुनः अग्निदेव से यह कहा — हे महातेजस्वी! आप वायुदेव के साथ रुद्र के इस महातेज में प्रवेश करें।

श्लोक 18 (bala.36.18)

तदग्निना पुनर्व्याप्तं संजातं श्वेतपर्वतम्। दिव्यं शरवणं चैव पावकादित्यसंनिभम् ॥ १-३६-१८ ॥

tadagninā punarvyāptaṃ saṃjātaṃ śvetaparvatam| divyaṃ śaravaṇaṃ caiva pāvakādityasaṃnibham || 1-36-18 ||

अग्नि से पुनः व्याप्त होकर वह तेज एक श्वेत पर्वत के रूप में परिणत हो गया, और अग्नि तथा सूर्य के समान तेजस्वी दिव्य शरवण (नरकुल-वन) बन गया।

श्लोक 19 (bala.36.19)

यत्र जातो महातेजाः कार्तिकेयोऽग्निसंभवः। अथोमां च शिवं चैव देवाः सर्षिगणास्तदा ॥ १-३६-१९ ॥

yatra jāto mahātejāḥ kārtikeyo'gnisaṃbhavaḥ| athomāṃ ca śivaṃ caiva devāḥ sarṣigaṇāstadā || 1-36-19 ||

जहाँ से महातेजस्वी और अग्नि से उत्पन्न कार्तिकेय का जन्म हुआ। इसके पश्चात् ऋषिगणों सहित देवताओं ने उसी समय उमा और शिव दोनों की...

श्लोक 20 (bala.36.20)

पूजयामासुरत्यर्थं सुप्रीतमनसस्ततः। अथ शैलसुता राम त्रिदशानिदमब्रवीत् ॥ १-३६-२० ॥

pūjayāmāsuratyarthaṃ suprītamanasastataḥ| atha śailasutā rāma tridaśānidamabravīt || 1-36-20 ||

...अत्यन्त प्रसन्न मन से भलीभाँति पूजा की। तदनन्तर, हे राम! पर्वतपुत्री उमा ने क्रोधित होकर देवताओं से यह कहा।

श्लोक 21 (bala.36.21)

समन्युरशपत् सर्वान् क्रोधसंरक्तलोचना। यस्मान्निवारिता चाहं संगता पुत्रकाम्यया ॥ १-३६-२१ ॥

samanyuraśapat sarvān krodhasaṃraktalocanā| yasmānnivāritā cāhaṃ saṃgatā putrakāmyayā || 1-36-21 ||

क्रोध से लाल नेत्रों वाली उमा ने कुपित होकर उन सबको शाप दिया — चूँकि पुत्र की कामना से संगत होने पर भी मुझे रोक दिया गया,

श्लोक 22 (bala.36.22)

अपत्यं स्वेषु दारेषु नोत्पादयितुमर्हथ। अद्य प्रभृति युष्माकमप्रजाः सन्तु पत्नयः ॥ १-३६-२२ ॥

apatyaṃ sveṣu dāreṣu notpādayitumarhatha| adya prabhṛti yuṣmākamaprajāḥ santu patnayaḥ || 1-36-22 ||

इसलिए तुम अपनी-अपनी पत्नियों में सन्तान उत्पन्न करने के योग्य नहीं रहोगे। आज से तुम्हारी पत्नियाँ सन्तानहीन रहें।

श्लोक 23 (bala.36.23)

एवमुक्त्वा सुरान्सर्वान् शशाप पृथिवीमपि। अवने नैकरूपा त्वं बहुभार्या भविष्यसि ॥ १-३६-२३ ॥

evamuktvā surānsarvān śaśāpa pṛthivīmapi| avane naikarūpā tvaṃ bahubhāryā bhaviṣyasi || 1-36-23 ||

ऐसा कहकर सभी देवताओं के साथ उसने पृथ्वी को भी शाप दिया — हे धरा! तू अनेक रूपों वाली और अनेकों की पत्नी बनेगी।

श्लोक 24 (bala.36.24)

न च पुत्रकृतां प्रीतिं मत्क्रोधकलुषीकृता। प्राप्स्यसि त्वं सुदुर्मेधे मम पुत्रमनिच्छती ॥ १-३६-२४ ॥

na ca putrakṛtāṃ prītiṃ matkrodhakaluṣīkṛtā| prāpsyasi tvaṃ sudurmedhe mama putramanicchatī || 1-36-24 ||

मेरे क्रोध से कलुषित होकर तथा मेरे पुत्र के प्रति अनिच्छा रखने के कारण, हे दुर्बुद्धि! तू सन्तान से मिलने वाला सुख कभी नहीं पाएगी।

श्लोक 25 (bala.36.25)

तान् सर्वान् पीडितान् दृष्ट्वा सुरान् सुरपतिस्तदा। गमनायोपचक्राम दिशं वरुणपालिताम् ॥ १-३६-२५ ॥

tān sarvān pīḍitān dṛṣṭvā surān surapatistadā| gamanāyopacakrāma diśaṃ varuṇapālitām || 1-36-25 ||

उन सब पीड़ित देवताओं को देखकर देवेश्वर शिव तब वरुण द्वारा रक्षित पश्चिम दिशा की ओर जाने के लिए प्रवृत्त हुए।

श्लोक 26 (bala.36.26)

स गत्वा तप आतिष्ठत् पार्श्वे तस्योत्तरे गिरेः। हिमवत्प्रभवे शृंगे सह देव्या महेश्वरः ॥ १-३६-२६ ॥

sa gatvā tapa ātiṣṭhat pārśve tasyottare gireḥ| himavatprabhave śṛṃge saha devyā maheśvaraḥ || 1-36-26 ||

वहाँ जाकर वे महेश्वर, उस पर्वत के उत्तर की ओर हिमालय से उत्पन्न एक शिखर पर, देवी उमा के साथ तपस्या में स्थित हो गए।

श्लोक 27 (bala.36.27)

एष ते विस्तरो राम शैलपुत्र्या निवेदितः। गङ्गायाः प्रभवं चैव शृणु मे सहलक्ष्मणः ॥ १-३६-२७ ॥

eṣa te vistaro rāma śailaputryā niveditaḥ| gaṅgāyāḥ prabhavaṃ caiva śṛṇu me sahalakṣmaṇaḥ || 1-36-27 ||

हे राम! यह पर्वतपुत्री उमा का सम्पूर्ण वृत्तान्त मैंने तुम्हें विस्तार से बता दिया। अब लक्ष्मण के साथ मुझसे गंगा की उत्पत्ति का वृत्तान्त सुनो।