राजा सगर की कथा

श्लोक 1 (bala.38.1)

तां कथां कौशिको रामे निवेद्य मधुराक्षरम्। पुन रेवापरं वाक्यं काकुत्स्थमिदमब्रवीत् ॥ १-३८-१ ॥

tāṃ kathāṃ kauśiko rāme nivedya madhurākṣaram| puna revāparaṃ vākyaṃ kākutsthamidamabravīt || 1-38-1 ||

उस मधुरवाणी कथा को राम से कहकर, कौशिक विश्वामित्र ने काकुत्स्थ से पुनः यह और वचन कहा।

श्लोक 2 (bala.38.2)

अयोध्याधिपतिर्वीरः पूर्वमासीन्नराधिपः। सगरो नाम धर्मात्मा प्रजाकामः स चाप्रजः ॥ १-३८-२ ॥

ayodhyādhipatirvīraḥ pūrvamāsīnnarādhipaḥ| sagaro nāma dharmātmā prajākāmaḥ sa cāprajaḥ || 1-38-2 ||

पूर्वकाल में अयोध्या का स्वामी एक वीर, धर्मात्मा राजा था, जिसका नाम सगर था; वह सन्तान की कामना रखता था, किन्तु सन्तानहीन था।

श्लोक 3 (bala.38.3)

वैदर्भदुहिता राम केशिनी नाम नामतः। ज्येष्ठा सगरपत्नी सा धर्मिष्ठा सत्यवादिनी ॥ १-३८-३ ॥

vaidarbhaduhitā rāma keśinī nāma nāmataḥ| jyeṣṭhā sagarapatnī sā dharmiṣṭhā satyavādinī || 1-38-3 ||

हे राम! विदर्भराज की पुत्री, नाम से केशिनी, सगर की ज्येष्ठा पत्नी थी; वह धर्मपरायण और सत्यवादिनी थी।

श्लोक 4 (bala.38.4)

अरिष्ठनेमिदुहिता सुपर्णभगिनी तु सा। द्वितीया सगरस्यासीत् पत्नी सुमतिसंज्ञिता ॥ १-३८-४ ॥

ariṣṭhanemiduhitā suparṇabhaginī tu sā| dvitīyā sagarasyāsīt patnī sumatisaṃjñitā || 1-38-4 ||

अरिष्टनेमि की पुत्री और गरुड़ की बहन, सुमति नाम की, सगर की द्वितीया पत्नी थी।

श्लोक 5 (bala.38.5)

ताभ्यां सह महाराजा पत्नीभ्याम् तप्तवांस्तपः। हिमवंतं समासाद्य भृगुप्रस्रवणे गिरौ ॥ १-३८-५ ॥

tābhyāṃ saha mahārājā patnībhyām taptavāṃstapaḥ| himavaṃtaṃ samāsādya bhṛguprasravaṇe girau || 1-38-5 ||

उन दोनों पत्नियों के साथ वह महाराज हिमालय पर्वत पर भृगुप्रस्रवण नामक शिखर पर जाकर तपस्या करने लगे।

श्लोक 6 (bala.38.6)

अथ वर्षशते पूर्णे तपसाराधितो मुनिः। सगराय वरं प्रादाद् भृगुः सत्यवतां वरः ॥ १-३८-६ ॥

atha varṣaśate pūrṇe tapasārādhito muniḥ| sagarāya varaṃ prādād bhṛguḥ satyavatāṃ varaḥ || 1-38-6 ||

जब सौ वर्ष पूर्ण हो गए, तब उस तपस्या से प्रसन्न होकर सत्यवादियों में श्रेष्ठ मुनि भृगु ने सगर को वर प्रदान किया।

श्लोक 7 (bala.38.7)

अपत्यलाभः सुमहान् भविष्यति तवानघ। कीर्तिं चाप्रतिमां लोके प्राप्स्यसे पुरुषर्षभ ॥ १-३८-७ ॥

apatyalābhaḥ sumahān bhaviṣyati tavānagha| kīrtiṃ cāpratimāṃ loke prāpsyase puruṣarṣabha || 1-38-7 ||

हे निष्पाप! तुम्हें सन्तान की महती प्राप्ति होगी, और हे पुरुषश्रेष्ठ! तुम संसार में अनुपम कीर्ति भी प्राप्त करोगे।

श्लोक 8 (bala.38.8)

एका जनयिता तात पुत्रं वंशकरं तव। षष्टिं पुत्रसहस्राणि ह्यपरा जनयिष्यति ॥ १-३८-८ ॥

ekā janayitā tāta putraṃ vaṃśakaraṃ tava| ṣaṣṭiṃ putrasahasrāṇi hyaparā janayiṣyati || 1-38-8 ||

हे तात! एक पत्नी तुम्हारे वंश को आगे बढ़ाने वाले एक पुत्र को जन्म देगी, और दूसरी साठ हजार पुत्रों को जन्म देगी।

श्लोक 9 (bala.38.9)

भाषमाणं महात्मानं राजपुत्र्यौ प्रसाद्य तम्। ऊचतुः परमप्रीते कृतांजलिपुटे तदा ॥ १-३८-९ ॥

bhāṣamāṇaṃ mahātmānaṃ rājaputryau prasādya tam| ūcatuḥ paramaprīte kṛtāṃjalipuṭe tadā || 1-38-9 ||

यह कहते हुए उस महात्मा को प्रसन्न करके, अत्यन्त हर्षित हुई वे दोनों राजकुमारियाँ हाथ जोड़कर उनसे बोलीं।

श्लोक 10 (bala.38.10)

एकः कस्याः सुतो ब्रह्मन् का बहून् जनयिष्यति। श्रोतुमिच्छावहे ब्रह्मन् सत्यमस्तु वचस्तव ॥ १-३८-१० ॥

ekaḥ kasyāḥ suto brahman kā bahūn janayiṣyati| śrotumicchāvahe brahman satyamastu vacastava || 1-38-10 ||

हे ब्रह्मन्! एक पुत्र किसका होगा, और बहुत-से पुत्र किसे प्राप्त होंगे? हे ब्रह्मन्! हम यह सुनना चाहती हैं; आपका वचन सत्य हो।

श्लोक 11 (bala.38.11)

तयोस्तद्वचनं श्रुत्वा भृगुः परमधार्मिकः। उवाच परमां वाणीं स्वच्छन्दोऽत्र विधीयताम् ॥ १-३८-११ ॥

tayostadvacanaṃ śrutvā bhṛguḥ paramadhārmikaḥ| uvāca paramāṃ vāṇīṃ svacchando'tra vidhīyatām || 1-38-11 ||

उन दोनों की यह बात सुनकर परम धर्मात्मा भृगु ने यह उत्तम वचन कहा — इस विषय में अपनी-अपनी इच्छा के अनुसार निर्णय कर लो।

श्लोक 12 (bala.38.12)

एको वंशकरो वास्तु बहवो वा महाबलाः। कीर्तिमन्तो महोत्साहाः का वा कं वरमिच्छति ॥ १-३८-१२ ॥

eko vaṃśakaro vāstu bahavo vā mahābalāḥ| kīrtimanto mahotsāhāḥ kā vā kaṃ varamicchati || 1-38-12 ||

चाहे एक वंशवर्धक पुत्र हो, अथवा महाबली, कीर्तिमान, महान् उत्साहवाले अनेक पुत्र हों — तुम दोनों में से कौन कौन-सा वर चाहती है?

श्लोक 13 (bala.38.13)

मुनेस्तु वचनं श्रुत्वा केशिनी रघुनंदन। पुत्रं वंशकरं राम जग्राह नृपसंनिधौ ॥ १-३८-१३ ॥

munestu vacanaṃ śrutvā keśinī raghunaṃdana| putraṃ vaṃśakaraṃ rāma jagrāha nṛpasaṃnidhau || 1-38-13 ||

हे रघुनन्दन राम! मुनि के इस वचन को सुनकर केशिनी ने राजा के समक्ष वंशवर्धक एक पुत्र का वर चुना।

श्लोक 14 (bala.38.14)

षष्टिं पुत्रसहस्राणि सुपर्णभगिनी तदा। महोत्साहान् कीर्तिमतो जग्राह सुमतिः सुतान् ॥ १-३८-१४ ॥

ṣaṣṭiṃ putrasahasrāṇi suparṇabhaginī tadā| mahotsāhān kīrtimato jagrāha sumatiḥ sutān || 1-38-14 ||

तब गरुड़ की बहन सुमति ने महान् उत्साही और कीर्तिमान साठ हजार पुत्रों का वर चुना।

श्लोक 15 (bala.38.15)

प्रदक्षिणमृषिं कृत्वा शिरसाभिप्रणम्य च। जगाम स्वपुरं राजा सभार्या रघुनन्दन ॥ १-३८-१५ ॥

pradakṣiṇamṛṣiṃ kṛtvā śirasābhipraṇamya ca| jagāma svapuraṃ rājā sabhāryā raghunandana || 1-38-15 ||

हे रघुनन्दन! ऋषि की परिक्रमा करके और सिर झुकाकर प्रणाम करके राजा सगर अपनी पत्नियों सहित अपनी नगरी को लौट गए।

श्लोक 16 (bala.38.16)

अथ काले गते तस्मिन् ज्येष्ठा पुत्रं व्यजायत। असमंज इति ख्यातं केशिनी सगरात्मजम् ॥ १-३८-१६ ॥

atha kāle gate tasmin jyeṣṭhā putraṃ vyajāyata| asamaṃja iti khyātaṃ keśinī sagarātmajam || 1-38-16 ||

समय बीतने पर ज्येष्ठा रानी केशिनी ने सगर के पुत्र को जन्म दिया, जो 'असमंज' नाम से विख्यात हुआ।

श्लोक 17 (bala.38.17)

सुमतिस्तु नरव्याघ्र गर्भतुंबं व्यजायत। षष्टिः पुत्रसहस्राणि तुंबभेदाद्विनिःसृताः ॥ १-३८-१७ ॥

sumatistu naravyāghra garbhatuṃbaṃ vyajāyata| ṣaṣṭiḥ putrasahasrāṇi tuṃbabhedādviniḥsṛtāḥ || 1-38-17 ||

किन्तु हे नरश्रेष्ठ! सुमति ने एक तूँबे के समान गर्भ को जन्म दिया, और वह तूँबा फूटने से साठ हजार पुत्र उसमें से निकले।

श्लोक 18 (bala.38.18)

घृतपूर्णेषु कुंभेषु धात्र्यस्तान् समवर्धयन्। कालेन महता सर्वे यौवनं प्रतिपेदिरे ॥ १-३८-१८ ॥

ghṛtapūrṇeṣu kuṃbheṣu dhātryastān samavardhayan| kālena mahatā sarve yauvanaṃ pratipedire || 1-38-18 ||

धाइयों ने घी से भरे कुम्भों में उन सबका पालन-पोषण किया, और दीर्घकाल बीतने पर वे सभी युवावस्था को प्राप्त हुए।

श्लोक 19 (bala.38.19)

अथ दीर्घेण कालेन रूपयौवनशालिनः। षष्टिः पुत्रसहस्राणि सगरस्याभवंस्तदा ॥ १-३८-१९ ॥

atha dīrgheṇa kālena rūpayauvanaśālinaḥ| ṣaṣṭiḥ putrasahasrāṇi sagarasyābhavaṃstadā || 1-38-19 ||

इस प्रकार दीर्घकाल के पश्चात् सगर के वे साठ हजार पुत्र रूप और यौवन से सम्पन्न हो गए।

श्लोक 20 (bala.38.20)

स च ज्येष्ठो नरश्रेष्ठ सगरस्यात्मसंभवः। बालान् गृहीत्वा तु जले सरय्वा रघुनंदन ॥ १-३८-२० ॥

sa ca jyeṣṭho naraśreṣṭha sagarasyātmasaṃbhavaḥ| bālān gṛhītvā tu jale sarayvā raghunaṃdana || 1-38-20 ||

हे नरश्रेष्ठ, हे रघुनन्दन! किन्तु सगर का वह ज्येष्ठ पुत्र असमंज बालकों को पकड़कर सरयू के जल में डाल देता था,

श्लोक 21 (bala.38.21)

प्रक्षिप्य प्रहसन् नित्यं मज्जतस्तान् निरीक्ष्य वै। एवं पापसमाचारः सज्जनप्रतिबाधकः ॥ १-३८-२१ ॥

prakṣipya prahasan nityaṃ majjatastān nirīkṣya vai| evaṃ pāpasamācāraḥ sajjanapratibādhakaḥ || 1-38-21 ||

और उन्हें डुबते हुए देखकर सदा हँसता रहता था। इस प्रकार वह पापाचारी सज्जनों को सताने वाला बन गया।

श्लोक 22 (bala.38.22)

पौराणामहिते युक्तः पित्रा निर्वासितः पुरात्। तस्य पुत्रोंऽशुमान्नाम असमंजस्य वीर्यवान् ॥ १-३८-२२ ॥

paurāṇāmahite yuktaḥ pitrā nirvāsitaḥ purāt| tasya putroṃ'śumānnāma asamaṃjasya vīryavān || 1-38-22 ||

और नगरवासियों की हानि करने में लगा रहता था, इसलिए उसके पिता ने उसे नगर से निर्वासित कर दिया। उस असमंज का पुत्र अंशुमान नाम से पराक्रमी था,

श्लोक 23 (bala.38.23)

सम्मतः सर्वलोकस्य सर्वस्यापि प्रियंवदः। ततः कालेन महता मतिः समभिजायत ॥ १-३८-२३ ॥

sammataḥ sarvalokasya sarvasyāpi priyaṃvadaḥ| tataḥ kālena mahatā matiḥ samabhijāyata || 1-38-23 ||

और सम्पूर्ण जगत् द्वारा सम्मानित तथा सबके प्रति मधुरभाषी था। इसके बाद बहुत समय बीतने पर सगर के मन में एक विचार उत्पन्न हुआ।

श्लोक 24 (bala.38.24)

सगरस्य नरश्रेष्ठ यजेयमिति निश्चिता। स कृत्वा निश्चयं राजा सोपाध्यायगणस्तदा। यज्ञकर्मणि वेदज्ञो यष्टुं समुपचक्रमे ॥ १-३८-२४ ॥

sagarasya naraśreṣṭha yajeyamiti niścitā| sa kṛtvā niścayaṃ rājā sopādhyāyagaṇastadā| yajñakarmaṇi vedajño yaṣṭuṃ samupacakrame || 1-38-24 ||

हे नरश्रेष्ठ! उसने निश्चय किया कि 'मैं यज्ञ करूँगा'। यह निश्चय करके वेदज्ञ राजा सगर ने अपने आचार्यों सहित यज्ञकर्म का आरम्भ किया।