भगीरथ की तपस्या और ब्रह्मा का वरदान

श्लोक 1 (bala.42.1)

कालधर्मं गते राम सगरे प्रकृतीजनाः। राजानं रोचयामासुरंशुमन्तं सुधार्मिकम् ॥ १-४२-१ ॥

kāladharmaṃ gate rāma sagare prakṛtījanāḥ| rājānaṃ rocayāmāsuraṃśumantaṃ sudhārmikam || 1-42-1 ||

हे राम! जब सगर काल के धर्म को प्राप्त हो गए, अर्थात् उनका देहान्त हो गया, तब मंत्रियों और प्रजाजनों ने परम धार्मिक अंशुमान को ही राजा बनाना उचित समझा।

श्लोक 2 (bala.42.2)

स राजा सुमहानासीदंशुमान् रघुनंदन। तस्य पुत्रो महानासीद्दिलीप इति विश्रुतः ॥ १-४२-२ ॥

sa rājā sumahānāsīdaṃśumān raghunaṃdana| tasya putro mahānāsīddilīpa iti viśrutaḥ || 1-42-2 ||

हे रघुनन्दन! वह अंशुमान अत्यन्त महान् राजा हुआ; उसके यहाँ दिलीप नाम से विख्यात एक महान् पुत्र उत्पन्न हुआ।

श्लोक 3 (bala.42.3)

तस्मै राज्यं समादिश्य दिलीपे रघुनंदन। हिमवच्छिखरे रम्ये तपस्तेपे सुदारुणम् ॥ १-४२-३ ॥

tasmai rājyaṃ samādiśya dilīpe raghunaṃdana| himavacchikhare ramye tapastepe sudāruṇam || 1-42-3 ||

हे रघुनन्दन! राज्य को दिलीप को सौंपकर, अंशुमान ने हिमालय के एक रमणीय शिखर पर जाकर अत्यन्त कठोर तपस्या की।

श्लोक 4 (bala.42.4)

द्वात्रिंशच्च सहस्राणि वर्षाणि सुमहायशाः। तपोवनगतो राजा स्वर्गं लेभे तपोधनः ॥ १-४२-४ ॥

dvātriṃśacca sahasrāṇi varṣāṇi sumahāyaśāḥ| tapovanagato rājā svargaṃ lebhe tapodhanaḥ || 1-42-4 ||

वह अत्यन्त यशस्वी राजा बत्तीस हजार वर्षों तक तपोवन में रहकर, तप ही जिसका धन था, अन्ततः स्वर्ग को प्राप्त हुआ।

श्लोक 5 (bala.42.5)

दिलीपस्तु महातेजाः श्रुत्वा पैतामहं वधम्। दुःखोपहतया बुद्ध्या निश्चयं नाध्यगच्छत ॥ १-४२-५ ॥

dilīpastu mahātejāḥ śrutvā paitāmahaṃ vadham| duḥkhopahatayā buddhyā niścayaṃ nādhyagacchata || 1-42-5 ||

महातेजस्वी दिलीप अपने पितामहों (सगर-पुत्रों) के वध का समाचार सुनकर, दुःख से आहत बुद्धि के कारण कोई निश्चय नहीं कर सका।

श्लोक 6 (bala.42.6)

कथं गंगावतरणं कथं तेषां जलक्रिया। तारयेयं कथं चैतानिति चिंतापरोऽभवत् ॥ १-४२-६ ॥

kathaṃ gaṃgāvataraṇaṃ kathaṃ teṣāṃ jalakriyā| tārayeyaṃ kathaṃ caitāniti ciṃtāparo'bhavat || 1-42-6 ||

"गंगा का अवतरण कैसे हो? उनका जलतर्पण कैसे किया जाए? और मैं इन्हें कैसे तार सकूँ?" — इसी चिन्ता में वह निरन्तर निमग्न रहने लगा।

श्लोक 7 (bala.42.7)

तस्य चिंतयतो नित्यं धर्मेण विदितात्मनः। पुत्रो भगीरथो नाम जज्ञे परमधार्मिकः ॥ १-४२-७ ॥

tasya ciṃtayato nityaṃ dharmeṇa viditātmanaḥ| putro bhagīratho nāma jajñe paramadhārmikaḥ || 1-42-7 ||

इस प्रकार सदैव चिन्तामग्न, धर्मपरायण और आत्मज्ञानी उस दिलीप के यहाँ भगीरथ नामक एक परम धार्मिक पुत्र उत्पन्न हुआ।

श्लोक 8 (bala.42.8)

दिलीपस्तु महातेजा यज्ञैर्बहुभिरिष्टवान्। त्रिंशद्वर्षसहस्राणि राजा राज्यमकारयत् ॥ १-४२-८ ॥

dilīpastu mahātejā yajñairbahubhiriṣṭavān| triṃśadvarṣasahasrāṇi rājā rājyamakārayat || 1-42-8 ||

महातेजस्वी दिलीप ने अनेक यज्ञों का अनुष्ठान किया, और वह राजा तीस हजार वर्षों तक राज्य करता रहा।

श्लोक 9 (bala.42.9)

अगत्वा निश्चयं राजा तेषामुद्धरणं प्रति। व्याधिना नरशार्दूल कालधर्ममुपेयिवान् ॥ १-४२-९ ॥

agatvā niścayaṃ rājā teṣāmuddharaṇaṃ prati| vyādhinā naraśārdūla kāladharmamupeyivān || 1-42-9 ||

हे नरश्रेष्ठ! उनके उद्धार के विषय में कोई निश्चय न कर पाने पर, वह राजा रोगग्रस्त होकर काल के धर्म को प्राप्त हो गया।

श्लोक 10 (bala.42.10)

इन्द्रलोकं गतो राजा स्वार्जितेनैव कर्मणा। राज्ये भगीरथं पुत्रमभिषिच्य नरर्षभः ॥ १-४२-१० ॥

indralokaṃ gato rājā svārjitenaiva karmaṇā| rājye bhagīrathaṃ putramabhiṣicya nararṣabhaḥ || 1-42-10 ||

उस नरश्रेष्ठ राजा ने अपने पुत्र भगीरथ को राज्य में अभिषिक्त करके, अपने ही अर्जित पुण्यकर्मों के बल पर इन्द्रलोक को प्राप्त किया।

श्लोक 11 (bala.42.11)

भगीरथस्तु राजर्षिर्धार्मिको रघुनंदन। अनपत्यो महाराजः प्रजाकामः स च प्रजाः ॥ १-४२-११ ॥

bhagīrathastu rājarṣirdhārmiko raghunaṃdana| anapatyo mahārājaḥ prajākāmaḥ sa ca prajāḥ || 1-42-11 ||

हे रघुनन्दन! किन्तु वह धर्मात्मा राजर्षि भगीरथ निःसन्तान था; सन्तान की कामना करते हुए उस महाराज ने अपनी प्रजा —

श्लोक 12 (bala.42.12)

मंत्रिष्वाधाय तद्राज्यं गङ्गावतरणे रतः। तपो दीर्घं समातिष्ठद्गोकर्णे रघुनंदन ॥ १-४२-१२ ॥

maṃtriṣvādhāya tadrājyaṃ gaṅgāvataraṇe rataḥ| tapo dīrghaṃ samātiṣṭhadgokarṇe raghunaṃdana || 1-42-12 ||

— और उस राज्य को मंत्रियों के हाथों सौंपकर, गंगा के अवतरण में तत्पर हो, हे रघुनन्दन! गोकर्ण में दीर्घकालीन तपस्या में स्थित हो गया।

श्लोक 13 (bala.42.13)

ऊर्ध्वबाहुः पंचतपा मासाहारो जितेन्द्रियः। तस्य वर्षसहस्राणि घोरे तपसि तिष्ठतः ॥ १-४२-१३ ॥

ūrdhvabāhuḥ paṃcatapā māsāhāro jitendriyaḥ| tasya varṣasahasrāṇi ghore tapasi tiṣṭhataḥ || 1-42-13 ||

भुजाएँ ऊपर उठाए, पंचाग्नि के मध्य, महीने में एक बार आहार लेते हुए, जितेन्द्रिय होकर — इस प्रकार उस घोर तपस्या में स्थित रहते हुए उसके सहस्रों वर्ष बीत गए —

श्लोक 14 (bala.42.14)

अतीतानि महाबहो तस्य राज्ञो महात्मनः। सुप्रीतो भगवान्ब्रह्मा प्रजानां पतिरीश्वरः ॥ १-४२-१४ ॥

atītāni mahābaho tasya rājño mahātmanaḥ| suprīto bhagavānbrahmā prajānāṃ patirīśvaraḥ || 1-42-14 ||

— हे महाबाहो! उस महात्मा राजा के वे वर्ष इस प्रकार बीत गए, और प्रजाओं के स्वामी भगवान् ब्रह्मा उनसे अत्यन्त प्रसन्न हुए।

श्लोक 15 (bala.42.15)

ततः सुरगणैः सार्धमुपागम्य पितामहः। भगीरथं महात्मानं तप्यमानमथाब्रवीत् ॥ १-४२-१५ ॥

tataḥ suragaṇaiḥ sārdhamupāgamya pitāmahaḥ| bhagīrathaṃ mahātmānaṃ tapyamānamathābravīt || 1-42-15 ||

तब पितामह ब्रह्मा देवगणों के साथ वहाँ पधारे, और तपस्यारत उस महात्मा भगीरथ से इस प्रकार बोले।

श्लोक 16 (bala.42.16)

भगीरथ महाराग प्रीतस्तेऽहं जनाधिप। तपसा च सुतप्तेन वरं वरय सुव्रत ॥ १-४२-१६ ॥

bhagīratha mahārāga prītaste'haṃ janādhipa| tapasā ca sutaptena varaṃ varaya suvrata || 1-42-16 ||

"हे महाराज भगीरथ! हे जनाधिप! मैं तुम्हारी इस सुसम्पन्न तपस्या से प्रसन्न हूँ। हे सुव्रत! अब तुम कोई वर माँगो।"

श्लोक 17 (bala.42.17)

तमुवाच महातेजाः सर्वलोकपितामहम्। भगीरथो महाबाहुः कृतांजलिपुटः स्थितः ॥ १-४२-१७ ॥

tamuvāca mahātejāḥ sarvalokapitāmaham| bhagīratho mahābāhuḥ kṛtāṃjalipuṭaḥ sthitaḥ || 1-42-17 ||

उस सर्वलोकपितामह ब्रह्मा से, हाथ जोड़े खड़े महातेजस्वी और महाबाहु भगीरथ ने यह कहा।

श्लोक 18 (bala.42.18)

यदि मे भगवान्प्रीतो यद्यस्ति तपसः फलम्। सगरस्यात्मजाः सर्वे मत्तः सलिलस्याप्नुयुः ॥ १-४२-१८ ॥

yadi me bhagavānprīto yadyasti tapasaḥ phalam| sagarasyātmajāḥ sarve mattaḥ salilasyāpnuyuḥ || 1-42-18 ||

"यदि भगवान् मुझसे प्रसन्न हैं, और यदि मेरी तपस्या का कोई फल है, तो सगर के वे सभी पुत्र मेरे द्वारा जल को प्राप्त करें।"

श्लोक 19 (bala.42.19)

गङ्गायाः सलिलक्लिन्ने भस्मन्येषां महात्मनाम्। स्वर्गं गच्छेयुरत्यन्तं सर्वे मे प्रपितामहाः ॥ १-४२-१९ ॥

gaṅgāyāḥ salilaklinne bhasmanyeṣāṃ mahātmanām| svargaṃ gaccheyuratyantaṃ sarve me prapitāmahāḥ || 1-42-19 ||

"गंगा के जल से इन महात्माओं की भस्म भीग जाने पर, मेरे वे सभी प्रपितामह सदा के लिए स्वर्ग को प्राप्त हो जाएँ।"

श्लोक 20 (bala.42.20)

देव याचे ह संतत्यै नावसीदेत्कुलं च नः। इक्ष्वाकूणां कुले देव एष मेऽस्तु वरः परः ॥ १-४२-२० ॥

deva yāce ha saṃtatyai nāvasīdetkulaṃ ca naḥ| ikṣvākūṇāṃ kule deva eṣa me'stu varaḥ paraḥ || 1-42-20 ||

"हे देव! मैं संतान के लिए भी प्रार्थना करता हूँ, जिससे हमारा कुल क्षीण न हो; हे देव! इक्ष्वाकु वंश में यह दूसरा वर भी मुझे प्राप्त हो।"

श्लोक 21 (bala.42.21)

उक्तवाक्यं तु राजानं सर्वलोकपितामहः। प्रत्युवाच शुभां वाणीं मधुरं मधुराक्षराम् ॥ १-४२-२१ ॥

uktavākyaṃ tu rājānaṃ sarvalokapitāmahaḥ| pratyuvāca śubhāṃ vāṇīṃ madhuraṃ madhurākṣarām || 1-42-21 ||

इस प्रकार कहने वाले उस राजा को सर्वलोकपितामह ब्रह्मा ने मधुर तथा मधुराक्षरों से युक्त शुभ वाणी में उत्तर दिया।

श्लोक 22 (bala.42.22)

मनोरथो महानेष भगीरथ महारथ। एवं भवतु भद्रं ते इक्ष्वाकुकुलवर्धन ॥ १-४२-२२ ॥

manoratho mahāneṣa bhagīratha mahāratha| evaṃ bhavatu bhadraṃ te ikṣvākukulavardhana || 1-42-22 ||

"हे महारथी भगीरथ! तुम्हारा यह मनोरथ महान् है; ऐसा ही हो — हे इक्ष्वाकुकुलवर्धन! तुम्हारा कल्याण हो।"

श्लोक 23 (bala.42.23)

इयं हैमवती ज्येष्ठा गंगा हिमवतः सुता। तां वै धारयितुं राजन् हरस्तत्र नियुज्यताम् ॥ १-४२-२३ ॥

iyaṃ haimavatī jyeṣṭhā gaṃgā himavataḥ sutā| tāṃ vai dhārayituṃ rājan harastatra niyujyatām || 1-42-23 ||

"हिमवान् की यह ज्येष्ठ पुत्री हैमवती गंगा है; हे राजन्! उसे धारण करने के लिए भगवान् हर (शिव) को ही उस कार्य में नियुक्त करना चाहिए।"

श्लोक 24 (bala.42.24)

गंगायाः पतनं राजन् पृथिवी न सहिष्यते। तां वै धारयितुं राजन् नान्यं पश्यामि शूलिनः ॥ १-४२-२४ ॥

gaṃgāyāḥ patanaṃ rājan pṛthivī na sahiṣyate| tāṃ vai dhārayituṃ rājan nānyaṃ paśyāmi śūlinaḥ || 1-42-24 ||

"हे राजन्! पृथ्वी गंगा के गिरने के वेग को सहन नहीं कर सकेगी; और हे राजन्! उसे धारण करने में शूलधारी शिव के अतिरिक्त मुझे और कोई नहीं दिखता।"

श्लोक 25 (bala.42.25)

तमेवमुक्त्वा राजानं गङ्गां चाभाष्य लोककृत्। जगाम त्रिदिवं देवैः सह सर्वैर्मरुद्गणैः ॥ १-४२-२५ ॥

tamevamuktvā rājānaṃ gaṅgāṃ cābhāṣya lokakṛt| jagāma tridivaṃ devaiḥ saha sarvairmarudgaṇaiḥ || 1-42-25 ||

राजा से इस प्रकार कहकर और गंगा को भी सम्बोधित करके, वे लोककर्ता ब्रह्मा सभी देवताओं और मरुद्गणों के साथ त्रिलोक (स्वर्गलोक) को चले गए।