विश्वामित्र द्वारा समुद्र-मन्थन की कथा

श्लोक 1 (bala.45.1)

विश्वामित्रवचः श्रुत्वा राघवः सहलक्ष्मणः। विस्मयं परमं गत्वा विश्वामित्रमथाब्रवीत् ॥ १-४५-१ ॥

viśvāmitravacaḥ śrutvā rāghavaḥ sahalakṣmaṇaḥ| vismayaṃ paramaṃ gatvā viśvāmitramathābravīt || 1-45-1 ||

विश्वामित्र के इस वचन को सुनकर, लक्ष्मण सहित राघव अत्यन्त विस्मय को प्राप्त होकर विश्वामित्र से यह बोले।

श्लोक 2 (bala.45.2)

अत्यद्भुतमिदं ब्रह्मन् कथितं परमं त्वया। गंगावतरणं पुण्यं सागरस्यापि पूरणम् ॥ १-४५-२ ॥

atyadbhutamidaṃ brahman kathitaṃ paramaṃ tvayā| gaṃgāvataraṇaṃ puṇyaṃ sāgarasyāpi pūraṇam || 1-45-2 ||

"हे ब्रह्मन्! आपने जो यह गंगावतरण और सागर के भर जाने की परम पवित्र गाथा सुनाई, वह अत्यन्त अद्भुत है।"

श्लोक 3 (bala.45.3)

क्षणभूतेव नौ रात्रिः संवृत्तेयं परंतप। इमां चिंतयतोः सर्वां निखिलेन कथां तव ॥ १-४५-३ ॥

kṣaṇabhūteva nau rātriḥ saṃvṛtteyaṃ paraṃtapa| imāṃ ciṃtayatoḥ sarvāṃ nikhilena kathāṃ tava || 1-45-3 ||

"हे परंतप! आपकी इस सम्पूर्ण कथा का सांगोपांग चिन्तन करते हुए हम दोनों की यह रात्रि क्षणभर के समान बीत गई।"

श्लोक 4 (bala.45.4)

तस्य सा शर्वरी सर्वा मम सौमित्रिणा सह। जगाम चिंतयानस्य विश्वामित्रकथां शुभाम् ॥ १-४५-४ ॥

tasya sā śarvarī sarvā mama saumitriṇā saha| jagāma ciṃtayānasya viśvāmitrakathāṃ śubhām || 1-45-4 ||

"हे विश्वामित्र! आपकी उस शुभ कथा का चिन्तन करते हुए, सौमित्र (लक्ष्मण) के साथ मेरी वह सम्पूर्ण रात्रि व्यतीत हो गई।"

श्लोक 5 (bala.45.5)

ततः प्रभाते विमले विश्वामित्रं तपोधनम्। उवाच राघवो वाक्यं कृताह्निकमरिन्दमः ॥ १-४५-५ ॥

tataḥ prabhāte vimale viśvāmitraṃ tapodhanam| uvāca rāghavo vākyaṃ kṛtāhnikamarindamaḥ || 1-45-5 ||

तत्पश्चात् उज्ज्वल प्रभात होने पर, प्रातःकालीन नित्यकर्म सम्पन्न कर चुके अरिन्दम राघव ने तपोधन विश्वामित्र से यह वचन कहा।

श्लोक 6 (bala.45.6)

गता भगवती रात्रिः श्रोतव्यं परमं श्रुतम्। तराम सरितं श्रेष्ठं पुण्यां त्रिपथगां नदीम् ॥ १-४५-६ ॥

gatā bhagavatī rātriḥ śrotavyaṃ paramaṃ śrutam| tarāma saritaṃ śreṣṭhaṃ puṇyāṃ tripathagāṃ nadīm || 1-45-6 ||

"वह पावन रात्रि बीत चुकी और सुनने योग्य वह परम कथा भी हमने सुन ली; अब हम नदियों में श्रेष्ठ उस पवित्र त्रिपथगा को पार करें।"

श्लोक 7 (bala.45.7)

नौरेषा हि सुखास्तीर्णा ऋषीणां पुण्यकर्मणाम्। भगवन्तमिह प्राप्तं ज्ञात्वा त्वरितमागता ॥ १-४५-७ ॥

naureṣā hi sukhāstīrṇā ṛṣīṇāṃ puṇyakarmaṇām| bhagavantamiha prāptaṃ jñātvā tvaritamāgatā || 1-45-7 ||

"क्योंकि पुण्यकर्मा ऋषियों की यह सुखपूर्वक बनाई गई नौका, आपके यहाँ पधारने का ज्ञान होते ही शीघ्रता से आ गई है।"

श्लोक 8 (bala.45.8)

तस्य तद्वचनं श्रुत्वा राघवस्य महात्मनः। संतारं कारयामास सर्षिसंघस्य कौशिकः ॥ १-४५-८ ॥

tasya tadvacanaṃ śrutvā rāghavasya mahātmanaḥ| saṃtāraṃ kārayāmāsa sarṣisaṃghasya kauśikaḥ || 1-45-8 ||

महात्मा राघव के इस वचन को सुनकर, कौशिक (विश्वामित्र) ने ऋषियों के समूह सहित नदी पार कराने की व्यवस्था करवाई।

श्लोक 9 (bala.45.9)

उत्तरं तीरमासाद्य संपूज्यर्षिगणं ततः। गंगाकूले निविष्टास्ते विशालां ददृशुः पुरिम् ॥ १-४५-९ ॥

uttaraṃ tīramāsādya saṃpūjyarṣigaṇaṃ tataḥ| gaṃgākūle niviṣṭāste viśālāṃ dadṛśuḥ purim || 1-45-9 ||

उत्तरी तट पर पहुँचकर और ऋषिगण का समुचित सम्मान करके, गंगा के तट पर विश्राम करते हुए उन्होंने विशाला नामक नगरी को देखा।

श्लोक 10 (bala.45.10)

ततो मुनिवरस्तूर्णं जगाम सहराघवः। विशालां नगरीं रम्यां दिव्यां स्वर्गोपमां तदा ॥ १-४५-१० ॥

tato munivarastūrṇaṃ jagāma saharāghavaḥ| viśālāṃ nagarīṃ ramyāṃ divyāṃ svargopamāṃ tadā || 1-45-10 ||

तत्पश्चात् वे मुनिश्रेष्ठ राघवों सहित शीघ्रता से उस रमणीय, दिव्य और स्वर्ग के समान विशाला नगरी की ओर चल पड़े।

श्लोक 11 (bala.45.11)

अथ रामो महाप्राज्ञो विश्वामित्रं महामुनिम्। पप्रच्छ प्रांजलिर्भूत्वा विशालामुत्तमां पुरीम् ॥ १-४५-११ ॥

atha rāmo mahāprājño viśvāmitraṃ mahāmunim| papraccha prāṃjalirbhūtvā viśālāmuttamāṃ purīm || 1-45-11 ||

तब महाप्राज्ञ राम ने हाथ जोड़कर महामुनि विश्वामित्र से उस उत्तम नगरी विशाला के विषय में पूछा।

श्लोक 12 (bala.45.12)

कतमो राजवंशोऽयं विशालायां महामुने। श्रोतुमिच्छामि भद्रं ते परं कौतूहलं हि मे ॥ १-४५-१२ ॥

katamo rājavaṃśo'yaṃ viśālāyāṃ mahāmune| śrotumicchāmi bhadraṃ te paraṃ kautūhalaṃ hi me || 1-45-12 ||

"हे महामुने! विशाला में यह कौन-सा राजवंश है? मैं इसे सुनना चाहता हूँ; आपका कल्याण हो — मुझे इसके विषय में अत्यन्त कौतूहल है।"

श्लोक 13 (bala.45.13)

तस्य तद्वचनं श्रुत्वा रामस्य मुनिपुंगवः। आख्यातुं तत्समारेभे विशालस्य पुरातनम् ॥ १-४५-१३ ॥

tasya tadvacanaṃ śrutvā rāmasya munipuṃgavaḥ| ākhyātuṃ tatsamārebhe viśālasya purātanam || 1-45-13 ||

राम के इस वचन को सुनकर, मुनिश्रेष्ठ विश्वामित्र विशाला के प्राचीन इतिहास को सुनाने लगे।

श्लोक 14 (bala.45.14)

श्रूयतां राम शक्रस्य कथां कथयतः श्रुताम्। अस्मिन् देशे हि यद्वृत्तं शृणु तत्त्वेन राघव ॥ १-४५-१४ ॥

śrūyatāṃ rāma śakrasya kathāṃ kathayataḥ śrutām| asmin deśe hi yadvṛttaṃ śṛṇu tattvena rāghava || 1-45-14 ||

"हे राम! जैसा मैंने सुना है, वैसा ही यह इन्द्र का वृत्तान्त सुनो। हे राघव! इस देश में जो कुछ घटित हुआ, उसे यथातथ्य सुनो।"

श्लोक 15 (bala.45.15)

पूर्वं कृतयुगे राम दितेः पुत्रा महाबलाः। अदितेश्च महाभागा वीर्यवन्तः सुधार्मिकाः ॥ १-४५-१५ ॥

pūrvaṃ kṛtayuge rāma diteḥ putrā mahābalāḥ| aditeśca mahābhāgā vīryavantaḥ sudhārmikāḥ || 1-45-15 ||

"हे राम! प्राचीन काल में, कृतयुग में, दिति के पुत्र अत्यन्त बलशाली थे, और अदिति के परम भाग्यशाली पुत्र पराक्रमी तथा परम धर्मात्मा थे।"

श्लोक 16 (bala.45.16)

ततस्तेषां नरव्याघ्र बुद्धिरासीन्महात्मनाम्। अमरा निर्जराश्चैव कथं स्यामो निरामयाः ॥ १-४५-१६ ॥

tatasteṣāṃ naravyāghra buddhirāsīnmahātmanām| amarā nirjarāścaiva kathaṃ syāmo nirāmayāḥ || 1-45-16 ||

"हे नरव्याघ्र! तब उन महात्माओं के मन में यह विचार उठा — 'हम कैसे अमर, अजर तथा नीरोग हो सकते हैं?'"

श्लोक 17 (bala.45.17)

तेषां चिंतयतां तत्र बुद्धिरासीद्विपश्चिताम्। क्षीरोदमथनं कृत्वा रसं प्राप्स्याम तत्र वै ॥ १-४५-१७ ॥

teṣāṃ ciṃtayatāṃ tatra buddhirāsīdvipaścitām| kṣīrodamathanaṃ kṛtvā rasaṃ prāpsyāma tatra vai || 1-45-17 ||

"इस पर विचार करते हुए उन बुद्धिमानों के मन में यह विचार आया — 'क्षीरसागर का मन्थन करने से हमें वहाँ से अवश्य ही अमृत-रस प्राप्त होगा।'"

श्लोक 18 (bala.45.18)

ततो निश्चित्य मथनं योक्त्रं कृत्वा च वासुकिम्। मन्थानं मन्दरं कृत्वा ममन्थुरमितौजसः ॥ १-४५-१८ ॥

tato niścitya mathanaṃ yoktraṃ kṛtvā ca vāsukim| manthānaṃ mandaraṃ kṛtvā mamanthuramitaujasaḥ || 1-45-18 ||

"तब मन्थन का निश्चय करके, वासुकि को रस्सी और मन्दराचल को मथानी बनाकर, अपार तेजस्वी उन देव-दानवों ने समुद्र का मन्थन आरम्भ किया।"

श्लोक 19 (bala.45.19)

अथ वर्षसहस्रेण योक्त्रं सर्पशिरांसि च। वमन्त्यतिविषं तत्र ददंशुर्दशनैः शिलाः ॥ १-४५-१९ ॥

atha varṣasahasreṇa yoktraṃ sarpaśirāṃsi ca| vamantyativiṣaṃ tatra dadaṃśurdaśanaiḥ śilāḥ || 1-45-19 ||

"तत्पश्चात् एक हजार वर्षों में, रस्सी बने हुए उस सर्प के मस्तकों को पर्वत की शिलाओं ने दाँतों के समान काट डाला, जिससे वे अत्यन्त विष उगलने लगे।"

श्लोक 20 (bala.45.20)

उत्पपाताग्निसंकाशं हालाहलमहाविषम्। तेन दग्धं जगत्सर्वं सदेवासुरमानुषम् ॥ १-४५-२० ॥

utpapātāgnisaṃkāśaṃ hālāhalamahāviṣam| tena dagdhaṃ jagatsarvaṃ sadevāsuramānuṣam || 1-45-20 ||

"उससे अग्नि के समान भयंकर हालाहल नामक महाविष उत्पन्न हुआ, जिससे देवता, असुर और मनुष्यों सहित सम्पूर्ण जगत् जलने लगा।"

श्लोक 21 (bala.45.21)

अथ देवा महादेवं शंकरं शरणार्थिनः। जग्मुः पशुपतिं रुद्रं त्राहि त्राहीति तुष्टुवुः ॥ १-४५-२१ ॥

atha devā mahādevaṃ śaṃkaraṃ śaraṇārthinaḥ| jagmuḥ paśupatiṃ rudraṃ trāhi trāhīti tuṣṭuvuḥ || 1-45-21 ||

"तब शरण चाहते हुए देवगण महादेव शंकर, पशुपति रुद्र के पास गए और 'रक्षा करो, रक्षा करो' कहकर उनकी स्तुति करने लगे।"

श्लोक 22 (bala.45.22)

एवमुक्तस्ततो देवैर्देवदेवेश्वरः प्रभुः। प्रादुरासीत् ततोऽत्रैव शंखचक्रधरो हरिः ॥ १-४५-२२ ॥

evamuktastato devairdevadeveśvaraḥ prabhuḥ| prādurāsīt tato'traiva śaṃkhacakradharo hariḥ || 1-45-22 ||

देवताओं द्वारा इस प्रकार प्रार्थना किए जाने पर, वहाँ देवाधिदेव प्रभु शंकर उपस्थित हुए, और उसी समय शंख-चक्रधारी भगवान् हरि (विष्णु) भी वहाँ प्रकट हुए।

श्लोक 23 (bala.45.23)

उवाचैनं स्मितं कृत्वा रुद्रं शूलधरं हरिः। दैवतैर्मथ्यमाने तु तत्पूर्वं समुपस्थितम् ॥ १-४५-२३ ॥

uvācainaṃ smitaṃ kṛtvā rudraṃ śūladharaṃ hariḥ| daivatairmathyamāne tu tatpūrvaṃ samupasthitam || 1-45-23 ||

भगवान् हरि ने मुस्कराते हुए शूलधारी रुद्र से कहा — "देवताओं द्वारा मन्थन किए जाने पर जो यह विष सबसे पहले प्रकट हुआ है—"

श्लोक 24 (bala.45.24)

तत्त्वदीयं सुरश्रेष्ठ सुराणामग्रतो हि यत्। अग्रपूजामिह स्थित्वा गृहाणेदं विषं प्रभो ॥ १-४५-२४ ॥

tattvadīyaṃ suraśreṣṭha surāṇāmagrato hi yat| agrapūjāmiha sthitvā gṛhāṇedaṃ viṣaṃ prabho || 1-45-24 ||

— "वह तुम्हारा ही है, हे सुरश्रेष्ठ! क्योंकि तुम देवताओं में अग्रगण्य हो। हे प्रभु! अग्रपूजा के इस पद पर रहते हुए तुम इस विष को ग्रहण करो।"

श्लोक 25 (bala.45.25)

इत्युक्त्वा च सुरश्रेष्ठस्तत्रैवान्तरधीयत। देवतानां भयं दृष्ट्वा श्रुत्वा वाक्यं तु शार्ङ्गिणः ॥ १-४५-२५ ॥

ityuktvā ca suraśreṣṭhastatraivāntaradhīyata| devatānāṃ bhayaṃ dṛṣṭvā śrutvā vākyaṃ tu śārṅgiṇaḥ || 1-45-25 ||

ऐसा कहकर वे सुरश्रेष्ठ (विष्णु) वहीं अन्तर्धान हो गए। देवताओं के भय को देखकर, और शार्ङ्गधारी विष्णु के इस वचन को सुनकर—

श्लोक 26 (bala.45.26)

हालाहलं विषं घोरं संजग्राहामृतोपमम्। देवान् विसृज्य देवेशो जगाम भगवान् हरः ॥ १-४५-२६ ॥

hālāhalaṃ viṣaṃ ghoraṃ saṃjagrāhāmṛtopamam| devān visṛjya deveśo jagāma bhagavān haraḥ || 1-45-26 ||

— शिव ने उस भयंकर हालाहल विष को अमृततुल्य मानकर ग्रहण कर लिया। तत्पश्चात् देवगणों को छोड़कर, देवेश भगवान् हर वहाँ से चले गए।

श्लोक 27 (bala.45.27)

ततो देवासुराः सर्वे ममन्थू रघुनन्दन। प्रविवेशाथ पातालं मन्थानः पर्वतोत्तमः ॥ १-४५-२७ ॥

tato devāsurāḥ sarve mamanthū raghunandana| praviveśātha pātālaṃ manthānaḥ parvatottamaḥ || 1-45-27 ||

हे रघुनन्दन! तब समस्त देव और असुर पुनः मन्थन करने लगे; और उस समय मथानीरूप वह श्रेष्ठ पर्वत पाताल में धँस गया।

श्लोक 28 (bala.45.28)

ततो देवाः सगन्धर्वाः तुष्टुवुर्मधुसूदनम्। त्वं गतिः सर्वभूतानां विशेषेण दिवौकसाम् ॥ १-४५-२८ ॥

tato devāḥ sagandharvāḥ tuṣṭuvurmadhusūdanam| tvaṃ gatiḥ sarvabhūtānāṃ viśeṣeṇa divaukasām || 1-45-28 ||

तब देवगण गन्धर्वों के साथ मधुसूदन (विष्णु) की स्तुति करने लगे — "आप ही समस्त प्राणियों के, विशेषतः देवताओं के, आश्रय हैं।"

श्लोक 29 (bala.45.29)

पालयास्मान् महाबाहो गिरिमुद्धर्तुमर्हसि। इति श्रुत्वा हृषीकेशः कामठं रूपमास्थितः ॥ १-४५-२९ ॥

pālayāsmān mahābāho girimuddhartumarhasi| iti śrutvā hṛṣīkeśaḥ kāmaṭhaṃ rūpamāsthitaḥ || 1-45-29 ||

"हे महाबाहो! हमारी रक्षा करो; इस पर्वत को पुनः उठाना आपके लिए ही उचित है।" यह सुनकर हृषीकेश (विष्णु) ने कच्छप का रूप धारण किया,

श्लोक 30 (bala.45.30)

पर्वतं पृष्ठतः कृत्वा शिश्ये तत्रोदधौ हरिः। पर्वताग्रं तु लोकात्मा हस्तेनाक्रम्य केशवः ॥ १-४५-३० ॥

parvataṃ pṛṣṭhataḥ kṛtvā śiśye tatrodadhau hariḥ| parvatāgraṃ tu lokātmā hastenākramya keśavaḥ || 1-45-30 ||

— और उस पर्वत को अपनी पीठ पर धारण करके, हरि उस समुद्र में लेट गए। और लोकात्मा केशव ने उस पर्वत के शिखर को अपने हाथ से पकड़कर—

श्लोक 31 (bala.45.31)

देवानां मध्यतः स्थित्वा ममन्थ पुरुषोत्तमः। अथ वर्षसहस्रेण आयुर्वेदमयः पुमान् ॥ १-४५-३१ ॥

devānāṃ madhyataḥ sthitvā mamantha puruṣottamaḥ| atha varṣasahasreṇa āyurvedamayaḥ pumān || 1-45-31 ||

— देवताओं के मध्य खड़े होकर, वे पुरुषोत्तम स्वयं भी मन्थन करने लगे। तत्पश्चात् एक हजार वर्षों के बाद, आयुर्वेद के साक्षात् स्वरूप एक पुरुष—

श्लोक 32 (bala.45.32)

उदतिष्ठत् सुधर्मात्मा सदण्डः सकमण्डलुः। पूर्वं धन्वन्तरिर्नाम अप्सराश्च सुवर्चसः ॥ १-४५-३२ ॥

udatiṣṭhat sudharmātmā sadaṇḍaḥ sakamaṇḍaluḥ| pūrvaṃ dhanvantarirnāma apsarāśca suvarcasaḥ || 1-45-32 ||

— धर्मात्मा, दण्ड और कमण्डलु धारण किए हुए, धन्वन्तरि नामक वह पुरुष सबसे पहले प्रकट हुआ; और उसके पश्चात् परम तेजस्विनी अप्सराएँ भी —

श्लोक 33 (bala.45.33)

अप्सु निर्मथनादेव रसात्तस्माद्वरस्त्रियः। उत्पेतुर्मनुजश्रेष्ठ तस्मादप्सरसोऽभवन् ॥ १-४५-३३ ॥

apsu nirmathanādeva rasāttasmādvarastriyaḥ| utpeturmanujaśreṣṭha tasmādapsaraso'bhavan || 1-45-33 ||

— जल के उस मन्थन से ही, उस अमृत-रस से, हे मनुजश्रेष्ठ! सुन्दर स्त्रियाँ प्रकट हुईं; और इसीलिए वे अप्सरा कहलाईं।

श्लोक 34 (bala.45.34)

षष्टिः कोट्योऽभवंस्तासामप्सराणां सुवर्चसाम्। असन्ख्येयास्तु काकुत्स्थ यास्तासां परिचारिकाः ॥ १-४५-३४ ॥

ṣaṣṭiḥ koṭyo'bhavaṃstāsāmapsarāṇāṃ suvarcasām| asankhyeyāstu kākutstha yāstāsāṃ paricārikāḥ || 1-45-34 ||

उन तेजस्विनी अप्सराओं की संख्या साठ करोड़ हुई; और हे काकुत्स्थ! उनकी सेविकाएँ तो अगणित थीं।

श्लोक 35 (bala.45.35)

न ताः स्म प्रतिगृह्णन्ति सर्वे ते देवदानवाः। अप्रतिग्रहणादेव ता वै साधारणाः स्मृताः ॥ १-४५-३५ ॥

na tāḥ sma pratigṛhṇanti sarve te devadānavāḥ| apratigrahaṇādeva tā vai sādhāraṇāḥ smṛtāḥ || 1-45-35 ||

उन सभी देवताओं और दानवों में से किसी ने भी उन्हें ग्रहण नहीं किया; और इसी अस्वीकृति के कारण वे 'साधारण' (सर्वजन-सुलभ) कही गईं।

श्लोक 36 (bala.45.36)

वरुणस्य ततः कन्या वारुणी रघुनन्दन। उत्पपात महाभागा मार्गमाणा परिग्रहम् ॥ १-४५-३६ ॥

varuṇasya tataḥ kanyā vāruṇī raghunandana| utpapāta mahābhāgā mārgamāṇā parigraham || 1-45-36 ||

तत्पश्चात्, हे रघुनन्दन! वरुण की पुत्री, वह परम भाग्यशालिनी वारुणी, अपने लिए वरण करने वाला ढूँढ़ती हुई प्रकट हुई।

श्लोक 37 (bala.45.37)

दितेः पुत्रा न तां राम जगृहुर्वरुणात्मजाम्। अदितेस्तु सुता वीर जगृहुस्तामनिन्दिताम् ॥ १-४५-३७ ॥

diteḥ putrā na tāṃ rāma jagṛhurvaruṇātmajām| aditestu sutā vīra jagṛhustāmaninditām || 1-45-37 ||

हे राम! दिति के पुत्रों ने वरुण की उस पुत्री को ग्रहण नहीं किया; किन्तु हे वीर! अदिति के पुत्रों ने उस निष्कलंक कन्या को ग्रहण कर लिया।

श्लोक 38 (bala.45.38)

असुरास्तेन दैतेयाः सुरास्तेनादितेः सुताः। हृष्टाः प्रमुदिताश्चासन् वारुणीग्रहणात् सुराः ॥ १-४५-३८ ॥

asurāstena daiteyāḥ surāstenāditeḥ sutāḥ| hṛṣṭāḥ pramuditāścāsan vāruṇīgrahaṇāt surāḥ || 1-45-38 ||

इसी कारण दिति के पुत्र 'असुर' और अदिति के पुत्र 'सुर' कहलाए; और वारुणी को ग्रहण करने से देवगण अत्यन्त हर्षित एवं आनन्दित हुए।

श्लोक 39 (bala.45.39)

उच्चैःश्रवा हयश्रेष्ठो मणिरत्नं च कौस्तुभम्। उदतिष्ठन्नरश्रेष्ठ तथैवामृतमुत्तमम् ॥ १-४५-३९ ॥

uccaiḥśravā hayaśreṣṭho maṇiratnaṃ ca kaustubham| udatiṣṭhannaraśreṣṭha tathaivāmṛtamuttamam || 1-45-39 ||

हे नरश्रेष्ठ! तत्पश्चात् घोड़ों में श्रेष्ठ उच्चैःश्रवा, मणिरत्न कौस्तुभ, तथा उसी प्रकार परम अमृत भी प्रकट हुए।

श्लोक 40 (bala.45.40)

अथ तस्य कृते राम महानासीत् कुलक्षयः। अदितेस्तु ततः पुत्रा दितेः पुत्रानसूदयन् ॥ १-४५-४० ॥

atha tasya kṛte rāma mahānāsīt kulakṣayaḥ| aditestu tataḥ putrā diteḥ putrānasūdayan || 1-45-40 ||

हे राम! तत्पश्चात् उस अमृत के लिए दोनों कुलों का महान् संहार हुआ; और अदिति के पुत्रों ने दिति के पुत्रों का वध कर डाला।

श्लोक 41 (bala.45.41)

एकतामगमन् सर्वे असुरा राक्षसैः सह। युद्धमासीन् महाघोरं वीरत्रैलोक्यमोहनम् ॥ १-४५-४१ ॥

ekatāmagaman sarve asurā rākṣasaiḥ saha| yuddhamāsīn mahāghoraṃ vīratrailokyamohanam || 1-45-41 ||

समस्त असुर राक्षसों के साथ मिलकर एक हो गए, और वीरों तथा त्रिलोक को मोहित कर देने वाला अत्यन्त भीषण युद्ध हुआ।

श्लोक 42 (bala.45.42)

यदा क्षयं गतं सर्वं तदा विष्णुर्महाबलः। अमृतं सोऽहरत्तूर्णं मायामास्थाय मोहिनीम् ॥ १-४५-४२ ॥

yadā kṣayaṃ gataṃ sarvaṃ tadā viṣṇurmahābalaḥ| amṛtaṃ so'harattūrṇaṃ māyāmāsthāya mohinīm || 1-45-42 ||

जब सब कुछ नष्ट होने लगा, तब महाबली विष्णु ने मोहिनी नामक माया का रूप धारण करके शीघ्रता से अमृत को हर लिया।

श्लोक 43 (bala.45.43)

ये गताभिमुखं विष्णुमक्षरं पुरुषोत्तमम्। संपिष्टास्ते तदा युद्धे विष्णुना प्रभविष्णुना ॥ १-४५-४३ ॥

ye gatābhimukhaṃ viṣṇumakṣaraṃ puruṣottamam| saṃpiṣṭāste tadā yuddhe viṣṇunā prabhaviṣṇunā || 1-45-43 ||

जो कोई भी अविनाशी पुरुषोत्तम विष्णु के सम्मुख युद्ध में आया, वह उस प्रभावशाली विष्णु द्वारा उसी समय पीस डाला गया।

श्लोक 44 (bala.45.44)

अदितेरात्मजा वीरा दितेः पुत्रान्निजघ्निरे। अस्मिन् घोरे महायुद्धे दैतेयादित्ययोर्भृशम् ॥ १-४५-४४ ॥

aditerātmajā vīrā diteḥ putrānnijaghnire| asmin ghore mahāyuddhe daiteyādityayorbhṛśam || 1-45-44 ||

दैत्यों और आदित्यों के बीच हुए इस घोर महायुद्ध में, अदिति के वीर पुत्रों ने दिति के पुत्रों का पूर्णतः संहार कर डाला।

श्लोक 45 (bala.45.45)

निहत्य दितिपुत्रांश्च राज्यं प्राप्य पुरन्दरः। शशास मुदितो लोकान् सर्षिसन्घान् सचारणान् ॥ १-४५-४५ ॥

nihatya ditiputrāṃśca rājyaṃ prāpya purandaraḥ| śaśāsa mudito lokān sarṣisanghān sacāraṇān || 1-45-45 ||

और दिति के पुत्रों का वध करके तथा राज्य को पुनः प्राप्त करके, पुरन्दर (इन्द्र) ने ऋषिगणों और चारणों सहित सम्पूर्ण लोकों पर आनन्दपूर्वक शासन किया।