दिति के गर्भ का विदारण

श्लोक 1 (bala.46.1)

हतेषु तेषु पुत्रेषु दितिः परमदुःखिता। मारीचं काश्यपं राम भर्तारमिदमब्रवीत् ॥ १-४६-१ ॥

hateṣu teṣu putreṣu ditiḥ paramaduḥkhitā| mārīcaṃ kāśyapaṃ rāma bhartāramidamabravīt || 1-46-1 ||

हे राम! अपने उन पुत्रों के मारे जाने पर अत्यन्त दुःखिनी हुई दिति ने अपने पति मारीचनन्दन कश्यप से यह कहा।

श्लोक 2 (bala.46.2)

हतपुत्रास्मि भगवंस्तव पुत्रैर्महाबलैः। शक्रहन्तारमिच्छामि पुत्रं दीर्घतपोऽर्जितम् ॥ १-४६-२ ॥

hataputrāsmi bhagavaṃstava putrairmahābalaiḥ| śakrahantāramicchāmi putraṃ dīrghatapo'rjitam || 1-46-2 ||

"हे भगवन्! आपके ही महाबली पुत्रों द्वारा मेरे पुत्र मारे गए हैं; अतः मैं दीर्घ तपस्या से प्राप्त होने वाला, इन्द्र का वध करने वाला पुत्र चाहती हूँ।"

श्लोक 3 (bala.46.3)

साहं तपश्चरिष्यामि गर्भं मे दातुमर्हसि। ईश्वरं शक्रहन्तारं त्वमनुज्ञातुमर्हसि ॥ १-४६-३ ॥

sāhaṃ tapaścariṣyāmi garbhaṃ me dātumarhasi| īśvaraṃ śakrahantāraṃ tvamanujñātumarhasi || 1-46-3 ||

"ऐसी मैं तपस्या करूँगी; आप मुझे गर्भ प्रदान करने योग्य हैं। इन्द्र का वध करने वाले, जगत् के स्वामी पुत्र के लिए आप मुझे अनुमति दें।"

श्लोक 4 (bala.46.4)

तस्यास्तद्वचनं श्रुत्वा मारीचः कश्यपस्तदा। प्रत्युवाच महातेजा दितिं परमदुःखिताम् ॥ १-४६-४ ॥

tasyāstadvacanaṃ śrutvā mārīcaḥ kaśyapastadā| pratyuvāca mahātejā ditiṃ paramaduḥkhitām || 1-46-4 ||

उसके इस वचन को सुनकर महातेजस्वी मारीचनन्दन कश्यप ने अत्यन्त दुःखित दिति को उत्तर दिया।

श्लोक 5 (bala.46.5)

एवं भवतु भद्रं ते शुचिर्भव तपोधने। जनयिष्यसि पुत्रं त्वं शक्रहन्तारमाहवे ॥ १-४६-५ ॥

evaṃ bhavatu bhadraṃ te śucirbhava tapodhane| janayiṣyasi putraṃ tvaṃ śakrahantāramāhave || 1-46-5 ||

"ऐसा ही हो, तुम्हारा कल्याण हो! हे तपोधने! तुम पवित्र रहो, तो युद्ध में इन्द्र का वध करने वाला पुत्र उत्पन्न करोगी।"

श्लोक 6 (bala.46.6)

पूर्णे वर्षसहस्रे तु शुचिर्यदि भविष्यसि। पुत्रं त्रैलोक्यहन्तारं मत्तस्त्वं जनयिष्यसि ॥ १-४६-६ ॥

pūrṇe varṣasahasre tu śuciryadi bhaviṣyasi| putraṃ trailokyahantāraṃ mattastvaṃ janayiṣyasi || 1-46-6 ||

"यदि तुम एक सहस्र वर्ष पूर्ण होने तक पवित्र बनी रहोगी, तो मेरे अनुग्रह से तुम त्रैलोक्य को वश में करने वाला पुत्र उत्पन्न करोगी।" ऐसा कश्यप ने अपनी पत्नी दिति को समझाया।

श्लोक 7 (bala.46.7)

एवमुक्त्वा महातेजाः पाणिना स ममार्ज ताम्। तमालभ्य ततः स्वस्तीत्युक्त्वा तपसे ययौ ॥ १-४६-७ ॥

evamuktvā mahātejāḥ pāṇinā sa mamārja tām| tamālabhya tataḥ svastītyuktvā tapase yayau || 1-46-7 ||

ऐसा कहकर उस महातेजस्वी कश्यप ने हाथ से उसका स्पर्श किया, और उसे छूकर 'कल्याण हो' कहते हुए तपस्या के लिए चले गए।

श्लोक 8 (bala.46.8)

गते तस्मिन्नरश्रेष्ठ दितिः परमहर्षिता। कुशप्लवं सामासाद्य तपस्तेपे सुदारुणम् ॥ १-४६-८ ॥

gate tasminnaraśreṣṭha ditiḥ paramaharṣitā| kuśaplavaṃ sāmāsādya tapastepe sudāruṇam || 1-46-8 ||

हे नरश्रेष्ठ! उनके चले जाने पर परम हर्षित दिति कुशप्लव नामक तीर्थ में पहुँचकर अत्यन्त कठोर तप करने लगी।

श्लोक 9 (bala.46.9)

तपस्तस्यां हि कुर्वत्यां परिचर्यां चकार ह। सहस्राक्षो नरश्रेष्ठ परया गुणसंपदा ॥ १-४६-९ ॥

tapastasyāṃ hi kurvatyāṃ paricaryāṃ cakāra ha| sahasrākṣo naraśreṣṭha parayā guṇasaṃpadā || 1-46-9 ||

हे नरश्रेष्ठ! उसके तप करते समय सहस्राक्ष इन्द्र ने भी परम गुणसम्पन्न होकर उसकी सेवा की।

श्लोक 10 (bala.46.10)

अग्निं कुशान् काष्ठमपः फलं मूलं तथैव च। न्यवेदयत् सहस्राक्षो यच्चान्यदपि कांक्षितम् ॥ १-४६-१० ॥

agniṃ kuśān kāṣṭhamapaḥ phalaṃ mūlaṃ tathaiva ca| nyavedayat sahasrākṣo yaccānyadapi kāṃkṣitam || 1-46-10 ||

सहस्राक्ष इन्द्र ने अग्नि, कुश, ईंधन, जल, फल, मूल तथा और भी जो कुछ वह चाहती थी, वह सब उसे ला दिया।

श्लोक 11 (bala.46.11)

गात्रसंवाहनैश्चैव श्रमापनयनैस्तथा। शक्रः सर्वेषु कालेषु दितिं परिचचार ह ॥ १-४६-११ ॥

gātrasaṃvāhanaiścaiva śramāpanayanaistathā| śakraḥ sarveṣu kāleṣu ditiṃ paricacāra ha || 1-46-11 ||

इन्द्र ने सब समय उसके अंगों को दबाकर तथा उसकी थकान दूर करके दिति की सेवा की।

श्लोक 12 (bala.46.12)

पूर्णे वर्षसहस्रे तु दशोने रघुनंदन। दितिः परमसंहृष्टा सहस्राक्षमथाब्रवीत् ॥ १-४६-१२ ॥

pūrṇe varṣasahasre tu daśone raghunaṃdana| ditiḥ paramasaṃhṛṣṭā sahasrākṣamathābravīt || 1-46-12 ||

हे रघुनन्दन! जब सहस्र वर्ष पूर्ण होने में केवल दस वर्ष शेष रह गए, तब अत्यन्त प्रसन्न दिति ने इन्द्र से यह कहा।

श्लोक 13 (bala.46.13)

तपश्चरन्त्या वर्षाणि दश वीर्यवतां वर। अवशिष्टानि भद्रं ते भ्रातरं द्रक्ष्यसे ततः ॥ १-४६-१३ ॥

tapaścarantyā varṣāṇi daśa vīryavatāṃ vara| avaśiṣṭāni bhadraṃ te bhrātaraṃ drakṣyase tataḥ || 1-46-13 ||

"हे वीर्यवानों में श्रेष्ठ! तप करती हुई मेरे केवल दस वर्ष ही शेष रह गए हैं; तुम्हारा कल्याण हो, फिर तुम अपने भाई को देखोगे।"

श्लोक 14 (bala.46.14)

यमहं त्वत्कृते पुत्र तमाधास्ये जयोत्सुकम्। त्रैलोक्यविजयं पुत्र सह भोक्ष्यसि विज्वरः ॥ १-४६-१४ ॥

yamahaṃ tvatkṛte putra tamādhāsye jayotsukam| trailokyavijayaṃ putra saha bhokṣyasi vijvaraḥ || 1-46-14 ||

"हे पुत्र! तुम्हारे ही निमित्त मैं जिसे उत्पन्न करने जा रही हूँ, उसे विजय के लिए उत्सुक बनाऊँगी; हे पुत्र! उसके साथ मिलकर तुम निश्चिन्त होकर त्रैलोक्य पर विजय का सुख भोगोगे।"

श्लोक 15 (bala.46.15)

याचितेन सुरश्रेष्ट पित्रा तव महात्मना। वरो वर्षसहस्रान्ते मम दत्तः सुतं प्रति ॥ १-४६-१५ ॥

yācitena suraśreṣṭa pitrā tava mahātmanā| varo varṣasahasrānte mama dattaḥ sutaṃ prati || 1-46-15 ||

"हे देवश्रेष्ठ! तुम्हारे महात्मा पिता कश्यप ने मेरी प्रार्थना पर सहस्र वर्ष की समाप्ति पर पुत्र-प्राप्ति का यह वर दिया था।"

श्लोक 16 (bala.46.16)

इत्युक्त्वा च दितिस्तत्र प्राप्ते मध्यन्दिनेश्वरे। निद्रयापहृता देवी पादौ कृत्वाथ शीर्षतः ॥ १-४६-१६ ॥

ityuktvā ca ditistatra prāpte madhyandineśvare| nidrayāpahṛtā devī pādau kṛtvātha śīrṣataḥ || 1-46-16 ||

ऐसा कहकर दिति, मध्याह्न का सूर्य आने पर, अपने पैरों को सिर की ओर करके निद्रा से अभिभूत हो गई।

श्लोक 17 (bala.46.17)

दृष्ट्वा तामशुचिं शक्रः पादयोः कृतमूर्धजाम्। शिरःस्थाने कृतौ पादौ जहास च मुमोद च ॥ १-४६-१७ ॥

dṛṣṭvā tāmaśuciṃ śakraḥ pādayoḥ kṛtamūrdhajām| śiraḥsthāne kṛtau pādau jahāsa ca mumoda ca || 1-46-17 ||

पैरों की ओर सिर किए हुए तथा सिर की ओर पैर किए हुए, अशुचि हो गई उस दिति को देखकर इन्द्र हँसा और अत्यन्त प्रसन्न हुआ।

श्लोक 18 (bala.46.18)

तस्याः शरीरविवरं प्रविवेश पुरंदरः। गर्भं च सप्तधा राम चिच्छेद परमात्मवान् ॥ १-४६-१८ ॥

tasyāḥ śarīravivaraṃ praviveśa puraṃdaraḥ| garbhaṃ ca saptadhā rāma ciccheda paramātmavān || 1-46-18 ||

हे राम! उस परमपराक्रमी पुरन्दर ने उसके शरीर के भीतर प्रवेश करके उस गर्भ को सात टुकड़ों में काट डाला।

श्लोक 19 (bala.46.19)

भिद्यमानस्ततो गर्भो वज्रेण शतपर्वणा। रुरोद सुस्वरं राम ततो दितिरबुध्यत ॥ १-४६-१९ ॥

bhidyamānastato garbho vajreṇa śataparvaṇā| ruroda susvaraṃ rāma tato ditirabudhyata || 1-46-19 ||

हे राम! सौ पर्वों वाले वज्र से काटा जाता हुआ वह गर्भ ऊँचे स्वर में रो उठा, और तभी दिति जाग उठी।

श्लोक 20 (bala.46.20)

मा रुदो मा रुदश्चेति गर्भं शक्रोऽभ्यभाषत। बिभेद च महातेजा रुदन्तमपि वासवः ॥ १-४६-२० ॥

mā rudo mā rudaśceti garbhaṃ śakro'bhyabhāṣata| bibheda ca mahātejā rudantamapi vāsavaḥ || 1-46-20 ||

"मत रो, मत रो" ऐसा कहकर इन्द्र उस रोते हुए गर्भ को समझाता रहा, फिर भी वह महातेजस्वी वासव उसे टुकड़ों में काटता रहा।

श्लोक 21 (bala.46.21)

न हन्तव्यं न हन्तव्यमित्येवं दितिरब्रवीत्। निष्पपात ततः शक्रो मातुर्वचनगौरवात् ॥ १-४६-२१ ॥

na hantavyaṃ na hantavyamityevaṃ ditirabravīt| niṣpapāta tataḥ śakro māturvacanagauravāt || 1-46-21 ||

"मत मारो, मत मारो" — दिति के ऐसा कहने पर, माता के वचन का सम्मान करके इन्द्र वहीं से बाहर गिर पड़ा।

श्लोक 22 (bala.46.22)

प्रांजलिर्वज्रसहितो दितिं शक्रोऽभ्यभाषत। अशुचिर्देवि सुप्तासि पादयोः कृतमूर्धजा ॥ १-४६-२२ ॥

prāṃjalirvajrasahito ditiṃ śakro'bhyabhāṣata| aśucirdevi suptāsi pādayoḥ kṛtamūrdhajā || 1-46-22 ||

हाथ में वज्र लिए हुए इन्द्र ने हाथ जोड़कर दिति से कहा — "हे देवी! तुम पैरों की ओर सिर किए हुए सो गई थीं, इसीलिए अशुचि हो गईं।"

श्लोक 23 (bala.46.23)

तदन्तरमहं लब्ध्वा शक्रहन्तारमाहवे। अभिदं सप्तधा देवि तन्मे त्वम् क्षन्तुमर्हसि ॥ १-४६-२३ ॥

tadantaramahaṃ labdhvā śakrahantāramāhave| abhidaṃ saptadhā devi tanme tvam kṣantumarhasi || 1-46-23 ||

"उसी अवसर को पाकर मैंने युद्ध में इन्द्र का वध करने वाले उस गर्भ को सात भागों में काट डाला; हे देवी! तुम मुझे इसके लिए क्षमा करने योग्य हो।" इस प्रकार विश्वामित्र ने विशाला नगरी की यह कथा आगे बढ़ाई।