अहल्या का उद्धार

श्लोक 1 (bala.49.1)

अफलस्तु ततः शक्रो देवानग्निपुरोगमान्। अब्रवीत् त्रस्तनयनः सिद्धगन्धर्वचारणान् ॥ १-४९-१ ॥

aphalastu tataḥ śakro devānagnipurogamān| abravīt trastanayanaḥ siddhagandharvacāraṇān || 1-49-1 ||

तब निष्फल (नपुंसक) हुए शक्र ने भयभीत नेत्रों से अग्नि को आगे करके देवताओं तथा सिद्धों, गन्धर्वों और चारणों से यह कहा।

श्लोक 2 (bala.49.2)

कुर्वता तपसो विघ्नं गौतमस्य महात्मनः। क्रोधमुत्पाद्य हि मया सुरकार्यमिदं कृतम् ॥ १-४९-२ ॥

kurvatā tapaso vighnaṃ gautamasya mahātmanaḥ| krodhamutpādya hi mayā surakāryamidaṃ kṛtam || 1-49-2 ||

"महात्मा गौतम की तपस्या में विघ्न डालकर, उन्हें क्रोधित करके, मैंने यह देवताओं का कार्य ही सम्पन्न किया है।"

श्लोक 3 (bala.49.3)

अफलोऽस्मि कृतस्तेन क्रोधात् सा च निराकृता। शापमोक्षेण महता तपोऽस्यापहृतं मया ॥ १-४९-३ ॥

aphalo'smi kṛtastena krodhāt sā ca nirākṛtā| śāpamokṣeṇa mahatā tapo'syāpahṛtaṃ mayā || 1-49-3 ||

"उसके क्रोध से मैं निष्फल कर दिया गया, और उसकी पत्नी को भी उसने त्याग दिया; इस महान् शाप के द्वारा मैंने उसके तप को हर लिया है।"

श्लोक 4 (bala.49.4)

तन्मां सुरवराः सर्वे सर्षिसंघाः सचारणाः। सुरकार्यकरं यूयं सफलं कर्तुमर्हथ ॥ १-४९-४ ॥

tanmāṃ suravarāḥ sarve sarṣisaṃghāḥ sacāraṇāḥ| surakāryakaraṃ yūyaṃ saphalaṃ kartumarhatha || 1-49-4 ||

"अतः हे श्रेष्ठ देवगण! ऋषिसंघों और चारणों सहित तुम सब, देवकार्य करने वाले मुझे फिर सफल (सशक्त) बनाओ।"

श्लोक 5 (bala.49.5)

शतक्रतोर्वचः श्रुत्वा देवाः साग्निपुरोगमाः। पितृदेवानुपेत्याहुः सह सर्वैः मरुद्गणैः ॥ १-४९-५ ॥

śatakratorvacaḥ śrutvā devāḥ sāgnipurogamāḥ| pitṛdevānupetyāhuḥ saha sarvaiḥ marudgaṇaiḥ || 1-49-5 ||

शतक्रतु इन्द्र के इस वचन को सुनकर, अग्नि को आगे किए हुए वे देवगण, समस्त मरुद्गणों के साथ पितृदेवों के पास जाकर यह बोले।

श्लोक 6 (bala.49.6)

अयं मेषः सवृषणः शक्रो ह्यवृषणः कृतः। मेषस्य वृषणौ गृह्य शक्रायाशु प्रयच्छत ॥ १-४९-६ ॥

ayaṃ meṣaḥ savṛṣaṇaḥ śakro hyavṛṣaṇaḥ kṛtaḥ| meṣasya vṛṣaṇau gṛhya śakrāyāśu prayacchata || 1-49-6 ||

"यह मेढ़ा वृषणों सहित है, और शक्र वृषणहीन कर दिए गए हैं; इसलिए इस मेढ़े के वृषणों को लेकर शीघ्र ही शक्र को दे दो।"

श्लोक 7 (bala.49.7)

अफलस्तु कृतो मेषः परां तुष्टिं प्रदास्यति। भवतां हर्षणार्थाय ये च दास्यन्ति मानवाः। अक्षयं हि फलं तेषां यूयं दास्यथ पुष्कलम् ॥ १-४९-७ ॥

aphalastu kṛto meṣaḥ parāṃ tuṣṭiṃ pradāsyati| bhavatāṃ harṣaṇārthāya ye ca dāsyanti mānavāḥ| akṣayaṃ hi phalaṃ teṣāṃ yūyaṃ dāsyatha puṣkalam || 1-49-7 ||

"वृषणरहित किया गया यह मेढ़ा भी तुम्हें परम संतोष प्रदान करेगा; और जो मनुष्य भी तुम्हारी प्रसन्नता के लिए ऐसा मेढ़ा अर्पित करेंगे, उन्हें भी तुम अक्षय एवं प्रचुर फल प्रदान करना।"

श्लोक 8 (bala.49.8)

अग्नेस्तु वचनं श्रुत्वा पितृदेवाः समागताः। उत्पाट्य मेषवृषणौ सहस्राक्षे न्यवेशयन् ॥ १-४९-८ ॥

agnestu vacanaṃ śrutvā pitṛdevāḥ samāgatāḥ| utpāṭya meṣavṛṣaṇau sahasrākṣe nyaveśayan || 1-49-8 ||

अग्निदेव के इस वचन को सुनकर वहाँ एकत्र हुए पितृदेवों ने मेढ़े के वृषणों को निकालकर सहस्राक्ष इन्द्र में स्थापित कर दिया।

श्लोक 9 (bala.49.9)

तदा प्रभृति काकुत्स्थ पितृदेवाः समागताः। अफलान् भुंजते मेषान् फलैस्तेषामयोजयन् ॥ १-४९-९ ॥

tadā prabhṛti kākutstha pitṛdevāḥ samāgatāḥ| aphalān bhuṃjate meṣān phalaisteṣāmayojayan || 1-49-9 ||

हे काकुत्स्थ! तभी से एकत्र हुए पितृदेव वृषणरहित मेढ़ों को ही ग्रहण करते हैं, और उन्हें अर्पित करने वालों को उनका पूर्ण फल प्रदान करते हैं।

श्लोक 10 (bala.49.10)

इन्द्रस्तु मेषवृषणस्तदा प्रभृति राघव। गौतमस्य प्रभावेन तपसा च महात्मनः ॥ १-४९-१० ॥

indrastu meṣavṛṣaṇastadā prabhṛti rāghava| gautamasya prabhāvena tapasā ca mahātmanaḥ || 1-49-10 ||

हे राघव! उस महात्मा गौतम के प्रभाव और तप के कारण, तभी से इन्द्र मेढ़े के वृषणों वाले हो गए।

श्लोक 11 (bala.49.11)

तदागच्छ महातेज आश्रमं पुण्यकर्मणः। तारयैनां महाभागामहल्यां देवरूपिणीम् ॥ १-४९-११ ॥

tadāgaccha mahāteja āśramaṃ puṇyakarmaṇaḥ| tārayaināṃ mahābhāgāmahalyāṃ devarūpiṇīm || 1-49-11 ||

"अतः हे महातेजस्वी! अब उस पुण्यकर्मा गौतम के आश्रम में चलो, और उस देवरूपिणी महाभागा अहल्या का उद्धार करो।" ऐसा विश्वामित्र ने राम से कहा।

श्लोक 12 (bala.49.12)

विश्वामित्रवचः श्रुत्वा राघवः सहलक्ष्मणः। विश्वामित्रं पुरस्कृत्य आश्रमं प्रविवेश ह ॥ १-४९-१२ ॥

viśvāmitravacaḥ śrutvā rāghavaḥ sahalakṣmaṇaḥ| viśvāmitraṃ puraskṛtya āśramaṃ praviveśa ha || 1-49-12 ||

विश्वामित्र के इस वचन को सुनकर लक्ष्मण-सहित राघव ने विश्वामित्र को आगे करके उस आश्रम में प्रवेश किया।

श्लोक 13 (bala.49.13)

ददर्श च महाभागां तपसा द्योतितप्रभाम्। लोकैरपि समागम्य दुर्निरीक्ष्यां सुरासुरैः ॥ १-४९-१३ ॥

dadarśa ca mahābhāgāṃ tapasā dyotitaprabhām| lokairapi samāgamya durnirīkṣyāṃ surāsuraiḥ || 1-49-13 ||

वहाँ उन्होंने उस महाभागा अहल्या को देखा, जो अपने तप के तेज से देदीप्यमान थीं, तथा देवताओं और असुरों सहित सारे लोकों के लिए भी दुर्निरीक्ष्य थीं।

श्लोक 14 (bala.49.14)

प्रयत्नान्निर्मितां धात्रा दिव्यां मायामयीमिव। धूमेनाभिपरीताङ्गीं दीप्तामग्निशिखामिव ॥ १-४९-१४ ॥

prayatnānnirmitāṃ dhātrā divyāṃ māyāmayīmiva| dhūmenābhiparītāṅgīṃ dīptāmagniśikhāmiva || 1-49-14 ||

मानो विधाता ने बड़े प्रयत्न से रची हुई कोई दिव्य मायामयी मूर्ति हो, जिसका शरीर धुएँ से घिरी हुई प्रज्वलित अग्निशिखा के समान था।

श्लोक 15 (bala.49.15)

सतुषारावृतां साभ्रां पूर्णचन्द्रप्रभामिव। मध्येऽम्भसो दुराधर्षां दीप्तां सूर्यप्रभामिव ॥ १-४९-१५ ॥

satuṣārāvṛtāṃ sābhrāṃ pūrṇacandraprabhāmiva| madhye'mbhaso durādharṣāṃ dīptāṃ sūryaprabhāmiva || 1-49-15 ||

मानो कुहरे और बादलों से ढकी हुई पूर्णचन्द्र की चाँदनी हो, अथवा मानो जल के बीच से चमकती हुई दुर्धर्ष सूर्य की प्रभा हो — ऐसी उस अहल्या को राम ने देखा।

श्लोक 16 (bala.49.16)

सा हि गौतमवाक्येन दुर्निरीक्ष्या बभूव ह। त्रयाणामपि लोकानां यावद्रामस्य दर्शनम् ॥ १-४९-१६ ॥

sā hi gautamavākyena durnirīkṣyā babhūva ha| trayāṇāmapi lokānāṃ yāvadrāmasya darśanam || 1-49-16 ||

गौतम के वचन से ही वह तीनों लोकों के लिए अदृश्य हो गई थी, और राम के दर्शन तक वैसी ही बनी रही।

श्लोक 17 (bala.49.17)

शापस्यान्तमुपागम्य तेषां दर्शनमागता। राघवौ तु ततस्तस्याः पादौ जगृहतुर्मुदा ॥ १-४९-१७ ॥

śāpasyāntamupāgamya teṣāṃ darśanamāgatā| rāghavau tu tatastasyāḥ pādau jagṛhaturmudā || 1-49-17 ||

शाप की अवधि पूर्ण होते ही वह उन दोनों के सम्मुख प्रकट हो गई, और तब दोनों राघवों ने हर्षपूर्वक उसके चरण पकड़ लिए।

श्लोक 18 (bala.49.18)

स्मरन्ती गौतमवचः प्रतिजग्राह सा च तौ। पाद्यमर्घ्यं तथातिथ्यं चकार सुसमाहिता। प्रतिजग्राह काकुत्स्थो विधिदृष्टेन कर्मणा ॥ १-४९-१८ ॥

smarantī gautamavacaḥ pratijagrāha sā ca tau| pādyamarghyaṃ tathātithyaṃ cakāra susamāhitā| pratijagrāha kākutstho vidhidṛṣṭena karmaṇā || 1-49-18 ||

गौतम के वचन का स्मरण करती हुई उसने उन दोनों का स्वागत किया, और चित्त को एकाग्र करके पाद्य, अर्घ्य तथा आतिथ्य-सत्कार सम्पन्न किया; काकुत्स्थ राम ने भी विधिवत् उस सत्कार को स्वीकार किया।

श्लोक 19 (bala.49.19)

पुष्पवृष्टिर्महत्यासीद्देवदुंदुभिनिस्वनैः। गन्धर्वाप्सरसां चैव महानासीत् समुत्सवः ॥ १-४९-१९ ॥

puṣpavṛṣṭirmahatyāsīddevaduṃdubhinisvanaiḥ| gandharvāpsarasāṃ caiva mahānāsīt samutsavaḥ || 1-49-19 ||

उस समय देवताओं की दुन्दुभियों की ध्वनि के साथ पुष्पों की महती वृष्टि हुई, तथा गन्धर्वों और अप्सराओं का महान् उत्सव हुआ।

श्लोक 20 (bala.49.20)

साधु साध्विति देवास्तामहल्यां समपूजयन्। तपोबलविशुद्धाङ्गीं गौतमस्य वशानुगाम् ॥ १-४९-२० ॥

sādhu sādhviti devāstāmahalyāṃ samapūjayan| tapobalaviśuddhāṅgīṃ gautamasya vaśānugām || 1-49-20 ||

'साधु, साधु' कहते हुए देवताओं ने उस अहल्या का सम्मान किया, जो अपने तप के प्रभाव से शुद्ध हो चुकी थी और गौतम के वश में रहने वाली थी।

श्लोक 21 (bala.49.21)

गौतमोऽपि महातेजा अहल्यासहितः सुखी। रामं संपूज्य विधिवत्तपस्तेपे महातपाः ॥ १-४९-२१ ॥

gautamo'pi mahātejā ahalyāsahitaḥ sukhī| rāmaṃ saṃpūjya vidhivattapastepe mahātapāḥ || 1-49-21 ||

महातेजस्वी महातपस्वी गौतम भी अहल्या के साथ मिलकर सुखी हुए, और राम का विधिपूर्वक सम्मान करके पुनः तपस्या में लीन हो गए।

श्लोक 22 (bala.49.22)

रामोऽपि परमां पूजां गौतमस्य महामुनेः। सकाशाद्विधिवत्प्राप्य जगाम मिथिलां ततः ॥ १-४९-२२ ॥

rāmo'pi paramāṃ pūjāṃ gautamasya mahāmuneḥ| sakāśādvidhivatprāpya jagāma mithilāṃ tataḥ || 1-49-22 ||

राम ने भी महामुनि गौतम से विधिपूर्वक परम सत्कार प्राप्त कर वहाँ से मिथिला की ओर प्रस्थान किया।