शतानन्द द्वारा विश्वामित्र-कथा का प्रारम्भ

श्लोक 1 (bala.51.1)

तस्य तद्वचनं श्रुत्वा विश्वामित्रस्य धीमतः। हृष्टरोमा महातेजाः शतानन्दो महातपाः ॥ १-५१-१ ॥

tasya tadvacanaṃ śrutvā viśvāmitrasya dhīmataḥ| hṛṣṭaromā mahātejāḥ śatānando mahātapāḥ || 1-51-1 ||

बुद्धिमान् विश्वामित्र के उस वचन को सुनकर महातेजस्वी और महातपस्वी शतानन्द के रोमांच हो आए।

श्लोक 2 (bala.51.2)

गौतमस्य सुतो ज्येष्ठस्तपसा द्योतितप्रभः। रामसंदर्शनादेव परं विस्मयमागतः ॥ १-५१-२ ॥

gautamasya suto jyeṣṭhastapasā dyotitaprabhaḥ| rāmasaṃdarśanādeva paraṃ vismayamāgataḥ || 1-51-2 ||

गौतम के ज्येष्ठ पुत्र, जिनकी प्रभा तप से देदीप्यमान थी, केवल राम के दर्शन मात्र से अत्यन्त विस्मय को प्राप्त हुए।

श्लोक 3 (bala.51.3)

एतौ निषण्णौ संप्रेक्ष्य सुखासीनौ नृपात्मजौ। शतानन्दो मुनिश्रेष्ठं विश्वामित्रमथाब्रवीत् ॥ १-५१-३ ॥

etau niṣaṇṇau samprekṣya sukhāsīnau nṛpātmajau| śatānando muniśreṣṭhaṃ viśvāmitramathābravīt || 1-51-3 ||

उन दोनों राजकुमारों को सुखपूर्वक बैठे और सिर झुकाए हुए देखकर शतानन्द ने मुनिश्रेष्ठ विश्वामित्र से यह कहा।

श्लोक 4 (bala.51.4)

अपि ते मुनिशार्दूल मम माता यशस्विनी। दर्शिता राजपुत्राय तपो दीर्घमुपागता ॥ १-५१-४ ॥

api te munisārdūla mama mātā yaśasvinī| darśitā rājaputrāya tapo dīrghamupāgatā || 1-51-4 ||

हे मुनिश्रेष्ठ! क्या आपने दीर्घकाल तक तप करने वाली मेरी यशस्विनी माता का दर्शन इन राजकुमारों को कराया है?

श्लोक 5 (bala.51.5)

अपि रामे महातेजो मम माता यशस्विनी। वन्यैरुपाहरत् पूजां पूजार्हे सर्वदेहिनाम् ॥ १-५१-५ ॥

api rāme mahātejo mama mātā yaśasvinī| vanyairupāharat pūjāṃ pūjārhe sarvadehinām || 1-51-5 ||

हे महातेजस्वी! क्या मेरी यशस्विनी माता ने, जो समस्त प्राणियों द्वारा पूजनीय हैं, उन राम की वन्य फल-फूलों से पूजा की?

श्लोक 6 (bala.51.6)

अपि रामाय कथितं यथावृत्तं पुरातनम्। मम मातुर्महातेजो दैवेन दुरनुष्ठितम् ॥ १-५१-६ ॥

api rāmāya kathitaṃ yathāvṛttaṃ purātanam| mama māturmahātejo daivena duranuṣṭhitam || 1-51-6 ||

हे महातेजस्वी! क्या मेरी माता के साथ दैव द्वारा किए गए उस पुरातन दुर्व्यवहार का वृत्तान्त, जैसा हुआ था वैसा ही, राम को सुनाया गया?

श्लोक 7 (bala.51.7)

अपि कौशिक भद्रं ते गुरुणा मम संगता। माता मम मुनिश्रेष्ठ रामसंदर्शनादितः ॥ १-५१-७ ॥

api kauśika bhadraṃ te guruṇā mama saṃgatā| mātā mama muniśreṣṭha rāmasaṃdarśanāditaḥ || 1-51-7 ||

हे कौशिक! आपका कल्याण हो। हे मुनिश्रेष्ठ! क्या राम के दर्शन के पश्चात् मेरी माता मेरे पिता से मिल गई हैं?

श्लोक 8 (bala.51.8)

अपि मे गुरुणा रामः पूजितः कुशिकात्मज। इहागतो महातेजाः पूजां प्राप्य महात्मनः ॥ १-५१-८ ॥

api me guruṇā rāmaḥ pūjitaḥ kuśikātmaja| ihāgato mahātejāḥ pūjāṃ prāpya mahātmanaḥ || 1-51-8 ||

हे कुशिकनन्दन! क्या यहाँ पधारे उन महातेजस्वी राम को मेरे पिता ने आदरपूर्वक पूजा, और स्वयं महात्मा से सम्मान भी पाया?

श्लोक 9 (bala.51.9)

अपि शान्तेन मनसा गुरुर्मे कुशिकात्मज। इहागतेन रामेण पुजितेनाभिवादितः ॥ १-५१-९ ॥

api śāntena manasā gururme kuśikātmaja| ihāgatena rāmeṇa pūjitenābhivāditaḥ || 1-51-9 ||

हे कुशिकनन्दन! क्या यहाँ पधारे और पूजित हुए राम ने शान्त मन से मेरे पिता का अभिवादन किया?

श्लोक 10 (bala.51.10)

तच्छ्रुत्वा वचनं तस्य विश्वामित्रो महामुनिः। प्रत्युवाच शतानन्दं वाक्यज्ञो वाक्यगोविदम् ॥ १-५१-१० ॥

tacchrutvā vacanaṃ tasya viśvāmitro mahāmuniḥ| pratyuvāca śatānandaṃ vākyajño vākyagovidam || 1-51-10 ||

उसका यह वचन सुनकर वाणी के मर्मज्ञ महामुनि विश्वामित्र ने वाणी में प्रवीण शतानन्द को उत्तर दिया।

श्लोक 11 (bala.51.11)

नातिक्रान्तं मुनिश्रेष्ठ यत् कर्तव्यं कृतं मया। संगता मुनिना पत्नी भार्गवेणेव रेणुका ॥ १-५१-११ ॥

nātikrāntaṃ muniśreṣṭha yat kartavyaṃ kṛtaṃ mayā| saṃgatā muninā patnī bhārgaveṇeva reṇukā || 1-51-11 ||

हे मुनिश्रेष्ठ! जो कर्तव्य था, वह मेरे द्वारा किया जा चुका है, कुछ भी शेष नहीं रहा। तुम्हारी माता, वह मुनि-पत्नी, अपने पति से इस प्रकार मिल गई हैं जैसे भार्गव जमदग्नि से रेणुका मिली थीं।

श्लोक 12 (bala.51.12)

तच्छ्रुत्वा वचनं तस्य विश्वामित्रस्य धीमतः। शतानन्दो महातेजा रामं वचनमब्रवीत् ॥ १-५१-१२ ॥

tacchrutvā vacanaṃ tasya viśvāmitrasya dhīmataḥ| śatānando mahātejā rāmaṃ vacanamabravīt || 1-51-12 ||

बुद्धिमान् विश्वामित्र के उस वचन को सुनकर महातेजस्वी शतानन्द ने राम से यह वचन कहा।

श्लोक 13 (bala.51.13)

स्वागतं ते नरश्रेष्ठ दिष्ट्या प्राप्तोऽसि राघव। विश्वामित्रं पुरस्कृत्य महर्षिमपराजितम् ॥ १-५१-१३ ॥

svāgataṃ te naraśreṣṭha diṣṭyā prāptosi rāghava| viśvāmitraṃ puraskṛtya maharṣimaparājitam || 1-51-13 ||

हे नरश्रेष्ठ राघव! तुम्हारा स्वागत है। यह सौभाग्य ही है कि तुम अपराजेय महर्षि विश्वामित्र को आगे करके यहाँ पधारे हो।

श्लोक 14 (bala.51.14)

अचिन्त्यकर्मा तपसा ब्रह्मर्षिरमितप्रभः। विश्वामित्रो महातेजा वेत्स्येनं परमां गतिम् ॥ १-५१-१४ ॥

acintyakarmā tapasā brahmarṣiramitaprabhaḥ| viśvāmitro mahātejā vetsyenaṃ paramāṃ gatim || 1-51-14 ||

अचिन्त्य कर्मों वाले, तप से अमित प्रभावशाली इस ब्रह्मर्षि महातेजस्वी विश्वामित्र को तुम परम गति के रूप में जानोगे।

श्लोक 15 (bala.51.15)

नास्ति धन्यतरो राम त्वत्तोऽन्यो भुवि कश्चन। गोप्ता कुशिकपुत्रस्ते येन तप्तं महत्तपः ॥ १-५१-१५ ॥

nāsti dhanyataro rāma tvattonyo bhuvi kaścana| goptā kuśikaputraste yena taptaṃ mahattapaḥ || 1-51-15 ||

हे राम! पृथ्वी पर तुमसे अधिक भाग्यशाली और कोई नहीं है, क्योंकि जिस कुशिकपुत्र ने महान् तप किया है, वही तुम्हारा रक्षक है।

श्लोक 16 (bala.51.16)

श्रूयतां चाभिधास्यामि कौशिकस्य महात्मनः। यथा बलं यथा तत्त्वं तन्मे निगदतः शृणु ॥ १-५१-१६ ॥

śrūyatāṃ cābhidhāsyāmi kauśikasya mahātmanaḥ| yathā balaṃ yathā tattvaṃ tanme nigadataḥ śṛṇu || 1-51-16 ||

सुनो, मैं महात्मा कौशिक का वृत्तान्त कहता हूँ। उनका बल जैसा है और उनका तत्त्व जैसा है, वह सब मेरे कहने पर सुनो।

श्लोक 17 (bala.51.17)

राजाऽसीदेष धर्मात्मा दीर्घकालमरिंदमः। धर्मज्ञः कृतविद्यश्च प्रजानां च हिते रतः ॥ १-५१-१७ ॥

rājāsīdeṣa dharmātmā dīrghakālamariṃdamaḥ| dharmajñaḥ kṛtavidyaśca prajānāṃ ca hite rataḥ || 1-51-17 ||

यह धर्मात्मा, शत्रुओं का दमन करने वाला, धर्मज्ञ, विद्यासम्पन्न और प्रजा के हित में रत व्यक्ति दीर्घकाल तक राजा रहा।

श्लोक 18 (bala.51.18)

प्रजापतिसुतस्त्वासीत् कुशो नाम महीपतिः। कुशस्य पुत्रो बलवान् कुशनाभः सुधार्मिकः ॥ १-५१-१८ ॥

prajāpatisutastvāsīt kuśo nāma mahīpatiḥ| kuśasya putro balavān kuśanābhaḥ sudhārmikaḥ || 1-51-18 ||

प्रजापति के पुत्र कुश नामक एक राजा थे। कुश के पुत्र बलवान् और अत्यन्त धर्मपरायण कुशनाभ हुए।

श्लोक 19 (bala.51.19)

कुशनाभसुतस्त्वासीद्गाधिरित्येव विश्रुतः। गाधेः पुत्रो महातेजा विश्वामित्रो महामुनिः ॥ १-५१-१९ ॥

kuśanābhasutastvāsīdgādhirityeva viśrutaḥ| gādheḥ putro mahātejā viśvāmitro mahāmuniḥ || 1-51-19 ||

कुशनाभ के पुत्र गाधि नाम से विख्यात हुए। गाधि के पुत्र ही महातेजस्वी महामुनि विश्वामित्र हैं।

श्लोक 20 (bala.51.20)

विश्वामित्रो महातेजाः पालयामास मेदिनीम्। बहुवर्षसहस्राणि राजा राज्यमकारयत् ॥ १-५१-२० ॥

viśvāmitro mahātejāḥ pālayāmāsa medinīm| bahuvarṣasahasrāṇi rājā rājyamakārayat || 1-51-20 ||

महातेजस्वी विश्वामित्र ने पृथ्वी का पालन किया। उस राजा ने अनेक सहस्र वर्षों तक राज्य किया।

श्लोक 21 (bala.51.21)

कदाचित्तु महातेजा योजयित्वा वरूथिनीम्। अक्षौहिणीपरिवृतः परिचक्राम मेदिनीम् ॥ १-५१-२१ ॥

kadācittu mahātejā yojayitvā varūthinīm| akṣauhiṇīparivṛtaḥ paricakrāma medinīm || 1-51-21 ||

एक बार उस महातेजस्वी राजा ने अपनी सेना सजाकर, एक अक्षौहिणी सेना से घिरे हुए, सम्पूर्ण पृथ्वी का भ्रमण किया।

श्लोक 22 (bala.51.22)

नगराणि च राष्ट्रानि सरितश्च तथा गिरीन्। आश्रमान् क्रमशो राजा विचरन्नाजगाम ह ॥ १-५१-२२ ॥

nagarāṇi ca rāṣṭrāni saritaśca tathā girīn| āśramān kramaśo rājā vicarannājagāma ha || 1-51-22 ||

नगरों, राज्यों, नदियों, पर्वतों और आश्रमों में क्रमशः विचरण करते हुए वह राजा वहाँ आ पहुँचा।

श्लोक 23 (bala.51.23)

वसिष्ठस्याश्रमपदं नानापुष्पलताद्रुमम्। नानामृगगणाकीर्णं सिद्धचारणसेवितम् ॥ १-५१-२३ ॥

vasiṣṭhasyāśramapadaṃ nānāpuṣpalatādrumam| nānāmṛgagaṇākīrṇaṃ siddhacāraṇasevitam || 1-51-23 ||

वहाँ वसिष्ठ का आश्रम था, जो विविध फूलों, लताओं और वृक्षों से युक्त, अनेक प्रकार के मृगसमूहों से भरा हुआ, तथा सिद्धों और चारणों द्वारा सेवित था।

श्लोक 24 (bala.51.24)

देवदानवगन्धर्वैः किंनरैरुपशोभितम्। प्रशान्तहरिणाकिर्णं द्विजसंघनिषेवितम् ॥ १-५१-२४ ॥

devadānavagandharvaiḥ kiṃnarairupaśobhitam| praśāntahariṇākirṇaṃ dvijasaṃghaniṣevitam || 1-51-24 ||

वह आश्रम देवों, दानवों, गन्धर्वों और किन्नरों से सुशोभित, शान्त हिरणों से भरा हुआ तथा पक्षियों के झुंडों से सेवित था।

श्लोक 25 (bala.51.25)

ब्रह्मर्षिगणसंकीर्णं देवर्षिगणसेवितम्। तपश्चरणसंसिद्धैरग्निकल्पैर्महात्मभिः ॥ १-५१-२५ ॥

brahmarṣigaṇasaṃkīrṇaṃ devarṣigaṇasevitam| tapaścaraṇasaṃsiddhairagnikalpairmahātmabhiḥ || 1-51-25 ||

वह ब्रह्मर्षियों के समूहों से भरा हुआ और देवर्षियों के समूहों से सेवित था, जहाँ तपस्या में सिद्ध, अग्नि के समान तेजस्वी महात्मा निवास करते थे।

श्लोक 26 (bala.51.26)

सततं संकुलं श्रीमद्ब्रह्मकल्पैर्महात्मभिः। अब्भक्षैर्वायुभक्षैश्च शिर्णपर्णाशनैस्तथा ॥ १-५१-२६ ॥

satataṃ saṃkulaṃ śrīmadbrahmakalpairmahātmabhiḥ| abbhakṣairvāyubhakṣaiśca śirṇaparṇāśanaistathā || 1-51-26 ||

वह श्रीसम्पन्न आश्रम सदा ऐसे महात्माओं से भरा रहता था जो ब्रह्मा के समान थे -- कोई केवल जल पीकर, कोई वायु पीकर, तो कोई सूखे पत्ते खाकर रहते थे।

श्लोक 27 (bala.51.27)

फलमूलाशनैर्दान्तैर्जितदोषैर्जितेन्द्रियैः। ऋषिभिर्वालखिल्यैश्च जपहोमपरायणैः ॥ १-५१-२७ ॥

phalamūlāśanairdāntairjitadoṣairjitendriyaiḥ| ṛṣibhirvālakhilyaiśca japahomaparāyaṇaiḥ || 1-51-27 ||

कुछ फल-मूल खाने वाले, संयमी, दोषरहित और जितेन्द्रिय ऋषियों से, तथा जप-हवन में तत्पर वालखिल्य ऋषियों से भी वह आश्रम भरा रहता था।

श्लोक 28 (bala.51.28)

अन्यैर्वैखानसैश्चैव समन्तादुपशोभितम्। वसिष्ठस्याश्रमपदं ब्रह्मलोकमिवापरम्। ददर्श जयतां श्रेष्ठो विश्वामित्रो महाबलः ॥ १-५१-२८ ॥

anyairvaikhānasaiścaiva samantādupaśobhitam| vasiṣṭhasyāśramapadaṃ brahmalokamivāparam| dadarśa jayatāṃ śreṣṭho viśvāmitro mahābalaḥ || 1-51-28 ||

तथा अन्य वैखानस ऋषियों से भी वह सब ओर से सुशोभित था। विजयियों में श्रेष्ठ, महाबली विश्वामित्र ने वसिष्ठ के उस आश्रम को, मानो दूसरा ब्रह्मलोक हो, इस प्रकार देखा।