वसिष्ठ का आतिथ्य और कामधेनु शबला

श्लोक 1 (bala.52.1)

तं दृष्ट्वा परमप्रीतो विश्वामित्रो महाबलः। प्रणतो विनयाद्वीरो वसिष्ठं जपतां वरम् ॥ १-५२-१ ॥

taṃ dṛṣṭvā paramaprīto viśvāmitro mahābalaḥ| praṇato vinayādvīro vasiṣṭhaṃ japatāṃ varam || 1-52-1 ||

उसे देखकर अत्यन्त प्रसन्न हुए महाबली वीर विश्वामित्र ने जप करने वालों में श्रेष्ठ वसिष्ठ को विनयपूर्वक प्रणाम किया।

श्लोक 2 (bala.52.2)

स्वागतं तव चेत्युक्तो वसिष्ठेन महात्मना। आसनं चास्य भगवान् वसिष्ठो व्यादिदेश ह ॥ १-५२-२ ॥

svāgataṃ tava cetyukto vasiṣṭhena mahātmanā| āsanaṃ cāsya bhagavān vasiṣṭho vyādideśa ha || 1-52-2 ||

महात्मा वसिष्ठ ने "तुम्हारा स्वागत है" ऐसा कहा और भगवान् वसिष्ठ ने उसे आसन भी दिया।

श्लोक 3 (bala.52.3)

उपविष्टाय च तदा विश्वामित्राय धीमते। यथान्यायं मुनिवरः फलमूलमुपाहरत् ॥ १-५२-३ ॥

upaviṣṭāya ca tadā viśvāmitrāya dhīmate| yathānyāyaṃ munivaraḥ phalamūlamupāharat || 1-52-3 ||

तब आसन ग्रहण किए हुए बुद्धिमान् विश्वामित्र को उन श्रेष्ठ मुनि ने विधिपूर्वक फल-मूल भेंट किए।

श्लोक 4 (bala.52.4)

प्रतिगृह्य तु तां पूजां वसिष्ठाद्राजसत्तमः। तपोऽग्निहोत्रशिष्येषु कुशलं पर्यपृच्छत ॥ १-५२-४ ॥

pratigṛhya tu tāṃ pūjāṃ vasiṣṭhādrājasattamaḥ| tapo'gnihotraśiṣyeṣu kuśalaṃ paryapṛcchata || 1-52-4 ||

वसिष्ठ से वह सत्कार पाकर उन श्रेष्ठ राजा ने उनकी तपस्या, अग्निहोत्र और शिष्यों के कुशल-क्षेम के विषय में पूछा।

श्लोक 5 (bala.52.5)

विश्वामित्रो महातेजा वनस्पतिगणे तथा। सर्वत्र कुशलं चाह वसिष्ठो राजसत्तमः ॥ १-५२-५ ॥

viśvāmitro mahātejā vanaspatigaṇe tathā| sarvatra kuśalaṃ cāha vasiṣṭho rājasattamaḥ || 1-52-5 ||

महातेजस्वी विश्वामित्र ने वृक्षों-वनस्पतियों के कुशल-क्षेम के विषय में भी पूछा, और वसिष्ठ ने उस श्रेष्ठ राजा को सर्वत्र कुशलता का समाचार सुनाया।

श्लोक 6 (bala.52.6)

सुखोपविष्टं राजानं विश्वामित्रं महातपाः। पप्रच्छ जपतां श्रेष्ठो वसिष्ठो ब्रह्मणः सुतः ॥ १-५२-६ ॥

sukhopaviṣṭaṃ rājānaṃ viśvāmitraṃ mahātapāḥ| papraccha japatāṃ śreṣṭho vasiṣṭho brahmaṇaḥ sutaḥ || 1-52-6 ||

तब महातपस्वी, जप करने वालों में श्रेष्ठ, ब्रह्मा के पुत्र वसिष्ठ ने सुखपूर्वक बैठे हुए राजा विश्वामित्र से पूछा।

श्लोक 7 (bala.52.7)

कच्चित्ते कुशलं राजन् कच्चिद्धर्मेण रंजयन्। प्रजाः पालयसे राजन् राजवृत्तेन धार्मिक ॥ १-५२-७ ॥

kaccitte kuśalaṃ rājan kacciddharmeṇa raṃjayan| prajāḥ pālayase rājan rājavṛttena dhārmika || 1-52-7 ||

हे राजन्! क्या तुम कुशल हो? हे धर्मात्मन् राजन्! क्या तुम धर्म से प्रजा को संतुष्ट करते हुए राजोचित आचरण से उनका पालन करते हो?

श्लोक 8 (bala.52.8)

कच्चित्ते सुभृता भृत्याः कच्चित्तिष्ठन्ति शासने। कच्चित्ते विजिताः सर्वे रिपवो रिपुसूदन ॥ १-५२-८ ॥

kaccitte subhṛtā bhṛtyāḥ kaccittiṣṭhanti śāsane| kaccitte vijitāḥ sarve ripavo ripusūdana || 1-52-8 ||

क्या तुम्हारे सेवक भली-भाँति पोषित हैं? क्या वे तुम्हारे शासन में स्थिर हैं? हे शत्रुसूदन! क्या तुमने अपने सभी शत्रुओं पर विजय पा ली है?

श्लोक 9 (bala.52.9)

कच्चित् बले च कोशे च मित्रेषु च परंतप। कुशलं ते नरव्याघ्र पुत्रपौत्रे तथानघ ॥ १-५२-९ ॥

kaccit bale ca kośe ca mitreṣu ca paraṃtapa| kuśalaṃ te naravyāghra putrapautre tathānagha || 1-52-9 ||

हे परंतप! हे नरव्याघ्र! हे निष्पाप! क्या तुम्हारी सेना, कोष और मित्रों का, तथा तुम्हारे पुत्र-पौत्रों का भी कुशल-मंगल है?

श्लोक 10 (bala.52.10)

सर्वत्र कुशलं राजा वसिष्ठं प्रत्युदाहरत्। विश्वामित्रो महातेजा वसिष्ठं विनयान्वितम् ॥ १-५२-१० ॥

sarvatra kuśalaṃ rājā vasiṣṭhaṃ pratyudāharat| viśvāmitro mahātejā vasiṣṭhaṃ vinayānvitam || 1-52-10 ||

महातेजस्वी राजा विश्वामित्र ने विनयपूर्वक वसिष्ठ को उत्तर दिया कि सब कुछ कुशलपूर्वक है।

श्लोक 11 (bala.52.11)

कृत्वा तौ सुचिरं कालं धर्मिष्ठौ ताः कथास्तदा। मुदा परमया युक्तौ प्रीयेतां तौ परस्परम् ॥ १-५२-११ ॥

kṛtvā tau suciraṃ kālaṃ dharmiṣṭhau tāḥ kathāstadā| mudā paramayā yuktau prīyetāṃ tau parasparam || 1-52-11 ||

वे दोनों धर्मपरायण पुरुष बहुत देर तक उन बातों को करके, परम हर्ष से युक्त होकर परस्पर प्रसन्न हुए।

श्लोक 12 (bala.52.12)

ततो वसिष्ठो भगवान् कथान्ते रघुनंदन। विश्वामित्रमिदं वाक्यमुवाच प्रहसन्निव ॥ १-५२-१२ ॥

tato vasiṣṭho bhagavān kathānte raghunaṃdana| viśvāmitramidaṃ vākyamuvāca prahasanniva || 1-52-12 ||

हे रघुनन्दन! फिर बातचीत के अन्त में भगवान् वसिष्ठ ने मुस्कराते हुए से विश्वामित्र से यह वचन कहा।

श्लोक 13 (bala.52.13)

आतिथ्यं कर्तुमिच्छामि बलस्यास्य महाबल। तव चैवाप्रमेयस्य यथार्हं संप्रतीच्छ मे ॥ १-५२-१३ ॥

ātithyaṃ kartumicchāmi balasyāsya mahābala| tava caivāprameyasya yathārhaṃ saṃpratīccha me || 1-52-13 ||

हे महाबली! मैं तुम्हारी इस सेना का, तथा अतुलनीय तुम्हारा भी, यथोचित आतिथ्य करना चाहता हूँ; मेरा यह प्रस्ताव स्वीकार करो।

श्लोक 14 (bala.52.14)

सत्क्रियां तु भवानेतां प्रतीच्छतु मया कृताम्। राजंस्त्वमतिथिश्रेष्ठः पूजनीयः प्रयत्नतः ॥ १-५२-१४ ॥

satkriyāṃ tu bhavānetāṃ pratīcchatu mayā kṛtām| rājaṃstvamatithiśreṣṭhaḥ pūjanīyaḥ prayatnataḥ || 1-52-14 ||

आप मेरे द्वारा की गई इस सत्कार-सेवा को स्वीकार करें; हे राजन्! तुम एक श्रेष्ठ अतिथि हो और सर्वप्रयत्न से पूज्य हो।

श्लोक 15 (bala.52.15)

एवमुक्तो वसिष्ठेन विश्वामित्रो महामतिः। कृतमित्यब्रवीद्राजा पूजावाक्येन मे त्वया ॥ १-५२-१५ ॥

evamukto vasiṣṭhena viśvāmitro mahāmatiḥ| kṛtamityabravīdrājā pūjāvākyena me tvayā || 1-52-15 ||

वसिष्ठ के ऐसा कहने पर महामति राजा विश्वामित्र ने कहा -- "तुम्हारे इस सम्मानपूर्ण वचन से ही मेरा सत्कार हो चुका समझो।"

श्लोक 16 (bala.52.16)

फलमूलेन भगवन्विद्यते यत्तवाश्रमे। पाद्येनाचमनीयेन भगवद्दर्शनेन च ॥ १-५२-१६ ॥

phalamūlena bhagavanvidyate yattavāśrame| pādyenācamanīyena bhagavaddarśanena ca || 1-52-16 ||

हे भगवन्! आपके आश्रम में जो कुछ भी उपलब्ध है -- फल-मूल, पैर धोने और आचमन के लिए जल, और स्वयं आपके दर्शन --

श्लोक 17 (bala.52.17)

सर्वथा च महाप्राज्ञ पूजार्हेण सुपूजितः। नमस्तेऽस्तु गमिष्यामि मैत्रेणेक्षस्व चक्षुषा ॥ १-५२-१७ ॥

sarvathā ca mahāprājña pūjārheṇa supūjitaḥ| namaste'stu gamiṣyāmi maitreṇekṣasva cakṣuṣā || 1-52-17 ||

हे महाप्राज्ञ! मैं सब प्रकार से भली-भाँति सम्मानित हो चुका हूँ, क्योंकि आप स्वयं पूज्य हैं। अब मुझे जाने दीजिए, आपको नमस्कार है; मुझ पर मैत्रीपूर्ण दृष्टि रखिएगा।

श्लोक 18 (bala.52.18)

एवं ब्रुवन्तं राजानं वसिष्ठः पुनरेव हि। न्यमंत्रयत धर्मात्मा पुनः पुनरुदारधीः ॥ १-५२-१८ ॥

evaṃ bruvantaṃ rājānaṃ vasiṣṭhaḥ punareva hi| nyamaṃtrayata dharmātmā punaḥ punarudāradhīḥ || 1-52-18 ||

इस प्रकार कहते हुए राजा से धर्मात्मा और उदारचित्त वसिष्ठ ने फिर भी बार-बार आग्रह किया।

श्लोक 19 (bala.52.19)

बाढमित्येव गाधेयो वसिष्ठं प्रत्युवाच ह। यथा प्रियं भगवतस्तथास्तु मुनिसत्तम ॥ १-५२-१९ ॥

bāḍhamityeva gādheyo vasiṣṭhaṃ pratyuvāca ha| yathā priyaṃ bhagavatastathāstu munisattama || 1-52-19 ||

तब गाधिपुत्र विश्वामित्र ने वसिष्ठ को उत्तर दिया -- "अच्छा! हे मुनिश्रेष्ठ, जैसी आपकी इच्छा हो, वैसा ही हो।"

श्लोक 20 (bala.52.20)

एवमुक्तस्तथा तेन वसिष्ठो जपतां वरः। आजुहाव ततः प्रीतः कल्माषीं धूतकल्मषः ॥ १-५२-२० ॥

evamuktastathā tena vasiṣṭho japatāṃ varaḥ| ājuhāva tataḥ prītaḥ kalmāṣīṃ dhūtakalmaṣaḥ || 1-52-20 ||

उसके ऐसा कहने पर जप करने वालों में श्रेष्ठ, पापरहित वसिष्ठ प्रसन्न होकर अपनी चितकबरी गाय शबला को बुलाने लगे।

श्लोक 21 (bala.52.21)

एह्येहि शबले क्षिप्रं शृणु चापि वचो मम। सबलस्यास्य राजर्षेः कर्तुं व्यवसितोऽस्म्यहम्। भोजनेन महार्हेण सत्कारं संविधत्स्व मे ॥ १-५२-२१ ॥

ehyehi śabale kṣipraṃ śṛṇu cāpi vaco mama| sabalasyāsya rājarṣeḥ kartuṃ vyavasito'smyaham| bhojanena mahārheṇa satkāraṃ saṃvidhatsva me || 1-52-21 ||

हे शबले! शीघ्र आओ, आओ, और मेरी बात सुनो। मैं इस राजर्षि का, इनकी सेना सहित, महान् भोज द्वारा सत्कार करने का निश्चय कर चुका हूँ; तुम मेरे लिए इसकी व्यवस्था करो।

श्लोक 22 (bala.52.22)

यस्य यस्य यथाकामं षड्रसेष्वभिपूजितम्। तत्सर्वं कामधुक् दिव्ये अभिवर्ष कृते मम ॥ १-५२-२२ ॥

yasya yasya yathākāmaṃ ṣaḍraseṣvabhipūjitam| tatsarvaṃ kāmadhuk divye abhivarṣa kṛte mama || 1-52-22 ||

हे कामधेनु! जिस-जिस को जैसी अभिलाषा हो, छहों रसों में जो कुछ भी प्रिय लगे, वह सब कुछ मेरे लिए उत्पन्न करो, हे दिव्य गौ!

श्लोक 23 (bala.52.23)

रसेनान्नेन पानेन लेह्यचोष्येण संयुतम्। अन्नानां निचयं सर्वं सृजस्व शबले त्वर ॥ १-५२-२३ ॥

rasenānnena pānena lehyacoṣyeṇa saṃyutam| annānāṃ nicayaṃ sarvaṃ sṛjasva śabale tvara || 1-52-23 ||

हे शबले! शीघ्रता करो और रस, अन्न, पेय, तथा चाटने और चूसने योग्य पदार्थों से युक्त समस्त प्रकार के भोज्य पदार्थों के ढेर उत्पन्न करो।