शबला द्वारा सेना की उत्पत्ति और विश्वामित्र की सेना का विनाश

श्लोक 1 (bala.54.1)

कामधेनुं वसिष्ठोऽपि यदा न त्यजते मुनिः। तदास्य शबलां राम विश्वामित्रोऽन्वकर्षत ॥ १-५४-१ ॥

kāmadhenuṃ vasiṣṭho'pi yadā na tyajate muniḥ| tadāsya śabalāṃ rāma viśvāmitro'nvakarṣata || 1-54-1 ||

हे राम! जब मुनि वसिष्ठ ने भी कामधेनु को छोड़ने से मना कर दिया, तब विश्वामित्र उस शबला को बलपूर्वक खींचने लगे।

श्लोक 2 (bala.54.2)

नीयमाना तु शबला राम राज्ञा महात्मना। दुःखिता चिन्तयामास रुदंती शोककर्षिता ॥ १-५४-२ ॥

nīyamānā tu śabalā rāma rājñā mahātmanā| duḥkhitā cintayāmāsa rudaṃtī śokakarṣitā || 1-54-2 ||

हे राम! उस दृढ़निश्चयी राजा द्वारा खींची जाती हुई शबला दुःखी होकर, शोक से पीड़ित होकर, रोती हुई विचार करने लगी।

श्लोक 3 (bala.54.3)

परित्यक्ता वसिष्ठेन किमहं सुमहात्मना। याहं राजभृतैर्दीना ह्रियेयं भृशदुःखिता ॥ १-५४-३ ॥

parityaktā vasiṣṭhena kimahaṃ sumahātmanā| yāhaṃ rājabhṛtairdīnā hriyeyaṃ bhṛśaduḥkhitā || 1-54-3 ||

"क्या मैं उस महात्मा वसिष्ठ द्वारा त्याग दी गई हूँ, जो राजा के सेवकों द्वारा दीन और अत्यन्त दुःखी होकर इस प्रकार खींची जा रही हूँ?"

श्लोक 4 (bala.54.4)

किं मयापकृतं तस्य महर्षेर्भावितात्मनः। यन्मामनागसं भक्तामिष्टां त्यजति धार्मिकः ॥ १-५४-४ ॥

kiṃ mayāpakṛtaṃ tasya maharṣerbhāvitātmanaḥ| yanmāmanāgasaṃ bhaktāmiṣṭāṃ tyajati dhārmikaḥ || 1-54-4 ||

"मैंने उस सिद्धात्मा महर्षि का ऐसा क्या अपराध किया है, जिससे वह धर्मात्मा निर्दोष, भक्त और प्रिय मुझे इस प्रकार त्याग रहे हैं?"

श्लोक 5 (bala.54.5)

इति संचिन्तयित्वा तु निःश्वस्य च पुनः पुनः। जगाम वेगेन तदा वसिष्ठं परमौजसम् ॥ १-५४-५ ॥

iti saṃcintayitvā tu niḥśvasya ca punaḥ punaḥ| jagāma vegena tadā vasiṣṭhaṃ paramaujasam || 1-54-5 ||

इस प्रकार बार-बार विचार करके और बार-बार लम्बी साँस लेकर, वह तब वेगपूर्वक परम तेजस्वी वसिष्ठ की ओर दौड़ी।

श्लोक 6 (bala.54.6)

निर्धूय तां तदा भृत्यान् शतशः शत्रुसूदन। जगामानिलवेगेन पादमूलं महात्मनः ॥ १-५४-६ ॥

nirdhūya tāṃ tadā bhṛtyān śataśaḥ śatrusūdana| jagāmānilavegena pādamūlaṃ mahātmanaḥ || 1-54-6 ||

हे शत्रुसूदन! उस समय सैकड़ों सेवकों को झटककर, वह वायु के समान वेग से उस महात्मा के चरणों के समीप जा पहुँची।

श्लोक 7 (bala.54.7)

शबला सा रुदन्ती च क्रोशन्ती चेदमब्रवीत्। वसिष्ठस्याग्रतः स्थित्वा मेघदुन्दुभिनिःस्वना ॥ १-५४-७ ॥

śabalā sā rudantī ca krośantī cedamabravīt| vasiṣṭhasyāgrataḥ sthitvā meghadundubhiniḥsvanā || 1-54-7 ||

वह शबला रोती और चिल्लाती हुई, वसिष्ठ के सामने खड़ी होकर, मेघ और दुन्दुभि के समान गम्भीर स्वर में यह बोली।

श्लोक 8 (bala.54.8)

भगवन् किं परित्यक्ता त्वयाहं ब्रह्मणः सुत। यस्माद्राजभटा मां हि नयन्ते त्वत्सकाशतः ॥ १-५४-८ ॥

bhagavan kiṃ parityaktā tvayāhaṃ brahmaṇaḥ suta| yasmādrājabhaṭā māṃ hi nayante tvatsakāśataḥ || 1-54-8 ||

"हे भगवन्! हे ब्रह्मा के पुत्र! क्या आपने मुझे त्याग दिया है, जिससे राजा के सैनिक मुझे आपके पास से खींचकर ले जा रहे हैं?"

श्लोक 9 (bala.54.9)

एवमुक्तस्तु ब्रह्मर्षिरिदं वचनमब्रवीत्। शोकसंतप्तहृदयां स्वसारमिव दुःखिताम् ॥ १-५४-९ ॥

evamuktastu brahmarṣiridaṃ vacanamabravīt| śokasaṃtaptahṛdayāṃ svasāramiva duḥkhitām || 1-54-9 ||

ऐसा कहे जाने पर उन ब्रह्मर्षि ने, शोक-सन्तप्त हृदय वाली और दुःखी उस गौ को, मानो अपनी बहन हो, यह वचन कहा।

श्लोक 10 (bala.54.10)

न त्वां त्यजामि शबले नापि मेऽपकृतं त्वया। एष त्वां नयते राजा बलान्मत्तो महाबलः ॥ १-५४-१० ॥

na tvāṃ tyajāmi śabale nāpi me'pakṛtaṃ tvayā| eṣa tvāṃ nayate rājā balānmatto mahābalaḥ || 1-54-10 ||

"हे शबले! न तो मैं तुम्हें त्याग रहा हूँ, न तुमने मेरा कोई अहित किया है। यह मत्त और महाबली राजा तुम्हें बलपूर्वक मुझसे छीनकर ले जा रहा है।"

श्लोक 11 (bala.54.11)

न हि तुल्यं बलं मह्यं राजा त्वद्य विशेषतः। बली राजा क्षत्रियश्च पृथिव्याः पतिरेव च ॥ १-५४-११ ॥

na hi tulyaṃ balaṃ mahyaṃ rājā tvadya viśeṣataḥ| balī rājā kṣatriyaśca pṛthivyāḥ patireva ca || 1-54-11 ||

"मेरी शक्ति उसकी शक्ति के समान नहीं है, विशेषकर आज तो और भी नहीं, क्योंकि वह राजा बलवान् है, क्षत्रिय है और पृथ्वी का स्वामी भी है।"

श्लोक 12 (bala.54.12)

इयमक्षौहिणी पूर्णा गजवाजिरथाकुला। हस्तिध्वजसमाकीर्णा तेनासौ बलवत्तरः ॥ १-५४-१२ ॥

iyamakṣauhiṇī pūrṇā gajavājirathākulā| hastidhvajasamākīrṇā tenāsau balavattaraḥ || 1-54-12 ||

"यह उसकी पूर्ण अक्षौहिणी सेना हाथियों, घोड़ों और रथों से भरी हुई है, तथा हाथियों और ध्वजाओं से आकीर्ण है; इसीलिए वह अधिक बलवान् है।"

श्लोक 13 (bala.54.13)

एवमुक्ता वसिष्ठेन प्रत्युवाच विनीतवत्। वचनं वचनज्ञा सा ब्रह्मर्षिमतुलप्रभम् ॥ १-५४-१३ ॥

evamuktā vasiṣṭhena pratyuvāca vinītavat| vacanaṃ vacanajñā sā brahmarṣimatulaprabham || 1-54-13 ||

वसिष्ठ द्वारा ऐसा कहे जाने पर, वाणी की मर्मज्ञ वह गौ, अतुलनीय तेजस्वी उन ब्रह्मर्षि को विनयपूर्वक यह उत्तर देने लगी।

श्लोक 14 (bala.54.14)

न बलं क्षत्रियस्याहुर्ब्राह्मणो बलवत्तरः। ब्रह्मन् ब्रह्मबलं दिव्यं क्षत्रात्तु बलवत्तरम् ॥ १-५४-१४ ॥

na balaṃ kṣatriyasyāhurbrāhmaṇo balavattaraḥ| brahman brahmabalaṃ divyaṃ kṣatrāttu balavattaram || 1-54-14 ||

"क्षत्रिय का बल श्रेष्ठ नहीं कहा जाता, ब्राह्मण ही अधिक बलवान् होता है। हे ब्रह्मन्! ब्रह्मतेज का दिव्य बल क्षत्रिय-बल से भी बढ़कर है।"

श्लोक 15 (bala.54.15)

अप्रमेयबलं तुभ्यं न त्वया बलवत्तरः। विश्वामित्रो महावीर्यस्तेजस्तव दुरासदम् ॥ १-५४-१५ ॥

aprameyabalaṃ tubhyaṃ na tvayā balavattaraḥ| viśvāmitro mahāvīryastejastava durāsadam || 1-54-15 ||

"आपका बल अतुलनीय है; अत्यन्त पराक्रमी विश्वामित्र भी आपसे बलवान् नहीं है, और आपका तेज दुर्धर्ष है।"

श्लोक 16 (bala.54.16)

नियुङ्क्ष्व मां महातेजस्त्वद्ब्रह्मबलसंभृताम्। तस्य दर्पं बलं यत्नं नाशयामि दुरात्मनः ॥ १-५४-१६ ॥

niyuṅkṣva māṃ mahātejastvadbrahmabalasaṃbhṛtām| tasya darpaṃ balaṃ yatnaṃ nāśayāmi durātmanaḥ || 1-54-16 ||

"हे महातेजस्वी! आपके ब्रह्मबल से युक्त मुझे आज्ञा दीजिए, मैं उस दुरात्मा के दर्प, बल और प्रयास को नष्ट कर दूँगी।"

श्लोक 17 (bala.54.17)

इत्युक्तस्तु तया राम वसिष्ठः सुमहायशाः। सृजस्वेति तदोवाच बलं परबलार्दनम् ॥ १-५४-१७ ॥

ityuktastu tayā rāma vasiṣṭhaḥ sumahāyaśāḥ| sṛjasveti tadovāca balaṃ parabalārdanam || 1-54-17 ||

हे राम! उसके ऐसा कहने पर अत्यन्त यशस्वी वसिष्ठ ने तब कहा -- "शत्रु-सेना का नाश करने वाली सेना उत्पन्न करो।"

श्लोक 18 (bala.54.18)

तस्य तद्वचनं श्रुत्वा सुरभिः सा असृजत्तदा। तस्या हुंभारवोत्सृष्टाः पह्लवाः शतशो नृप ॥ १-५४-१८ ॥

tasya tadvacanaṃ śrutvā surabhiḥ sā asṛjattadā| tasyā huṃbhāravotsṛṣṭāḥ pahlavāḥ śataśo nṛpa || 1-54-18 ||

उनका यह वचन सुनकर, हे राजन्! उस सुरभि गौ ने उसी क्षण सृष्टि की, और उसकी 'हुम्' गर्जना से सैकड़ों पह्लव योद्धा उत्पन्न हो गए,

श्लोक 19 (bala.54.19)

नाशयन्ति बलं सर्वं विश्वामित्रस्य पश्यतः। स राजा परमक्रुद्धः क्रोधविस्फारितेक्षणः ॥ १-५४-१९ ॥

nāśayanti balaṃ sarvaṃ viśvāmitrasya paśyataḥ| sa rājā paramakruddhaḥ krodhavisphāritekṣaṇaḥ || 1-54-19 ||

-- और वे विश्वामित्र के देखते-देखते उनकी सारी सेना का नाश करने लगे। तब वह राजा अत्यन्त क्रोधित हो गया, क्रोध से उसके नेत्र फैल गए,

श्लोक 20 (bala.54.20)

पह्लवान्नाशयामास शस्त्रैरुच्चावचैरपि। विश्वामित्रार्दितान् दृष्ट्वा पह्लवान् शतशस्तदा ॥ १-५४-२० ॥

pahlavānnāśayāmāsa śastrairuccāvacairapi| viśvāmitrārditān dṛṣṭvā pahlavān śataśastadā || 1-54-20 ||

-- और उसने अनेक प्रकार के शस्त्रों से उन पह्लवों का भी नाश करना आरम्भ कर दिया। तब विश्वामित्र द्वारा सैकड़ों पह्लवों को इस प्रकार पीड़ित देखकर,

श्लोक 21 (bala.54.21)

भूय एवासृजद्घोरान् शकान् यवनमिश्रितान्। तैरासीत् संवृता भूमिः शकैर्यवनमिश्रितैः ॥ १-५४-२१ ॥

bhūya evāsṛjadghorān śakān yavanamiśritān| tairāsīt saṃvṛtā bhūmiḥ śakairyavanamiśritaiḥ || 1-54-21 ||

उस गौ ने फिर से भयंकर शकों को, यवनों के साथ मिश्रित होकर, उत्पन्न किया; और यवनों से मिश्रित उन शकों से सारी पृथ्वी आच्छादित हो गई।

श्लोक 22 (bala.54.22)

प्रभावद्भिर्महावीर्यैर्हेमकिंजल्कसंनिभैः। दीर्घासिपट्टिशधरैर्हेमवर्णाम्बरावृतैः ॥ १-५४-२२ ॥

prabhāvadbhirmahāvīryairhemakiṃjalkasaṃnibhaiḥ| dīrghāsipaṭṭiśadharairhemavarṇāmbarāvṛtaiḥ || 1-54-22 ||

वे प्रभावशाली और महापराक्रमी थे, स्वर्ण-केसर के समान वर्णवाले, लम्बी तलवारें और भाले धारण किए हुए, तथा सुनहरे वस्त्रों से आवृत थे।

श्लोक 23 (bala.54.23)

निर्दग्धं तद्बलं सर्वं प्रदीप्तैरिव पावकैः। ततोऽस्त्राणि महातेजा विश्वामित्रो मुमोच ह। तैस्तैर्यवनकांभोजा बर्बराश्चाकुलीकृताः ॥ १-५४-२३ ॥

nirdagdhaṃ tadbalaṃ sarvaṃ pradīptairiva pāvakaiḥ| tato'strāṇi mahātejā viśvāmitro mumoca ha| taistairyavanakāṃbhojā barbarāścākulīkṛtāḥ || 1-54-23 ||

उन्होंने, मानो प्रज्वलित अग्नि हों, उस सारी सेना को जलाकर भस्म कर दिया। तब महातेजस्वी विश्वामित्र ने अपने अस्त्र छोड़े, जिनसे यवन, काम्बोज और बर्बर योद्धा तितर-बितर हो गए।