विश्वामित्र के अस्त्रों की पराजय

श्लोक 1 (bala.56.1)

एवमुक्तो वसिष्ठेन विश्वामित्रो महाबलः। आग्नेयमस्त्रमुत्क्षिप्य तिष्ठ तिष्ठेति चाब्रवीत् ॥ १-५६-१ ॥

evamukto vasiṣṭhena viśvāmitro mahābalaḥ| āgneyamastramutkṣipya tiṣṭha tiṣṭheti cābravīt || 1-56-1 ||

वसिष्ठ द्वारा इस प्रकार कहे जाने पर महाबली विश्वामित्र ने आग्नेय अस्त्र उठाकर कहा - "ठहरो, ठहरो!"

श्लोक 2 (bala.56.2)

ब्रह्मदण्डं समुद्यम्य कालदण्डमिवापरम्। वसिष्ठो भगवान् क्रोधादिदं वचनमब्रवीत् ॥ १-५६-२ ॥

brahmadaṇḍaṃ samudyamya kāladaṇḍamivāparam| vasiṣṭho bhagavān krodhādidaṃ vacanamabravīt || 1-56-2 ||

काल के दूसरे दण्ड के समान ब्रह्मदण्ड को ऊपर उठाकर भगवान् वसिष्ठ ने क्रोधपूर्वक यह वचन कहा।

श्लोक 3 (bala.56.3)

क्षत्रबन्धो स्थितोऽस्म्येष यद्बलं तद्विदर्शय। नाशयाम्यद्य ते दर्पं शस्त्रस्य तव गाधिज ॥ १-५६-३ ॥

kṣatrabandho sthito'smyeṣa yadbalaṃ tadvidarśaya| nāśayāmyadya te darpaṃ śastrasya tava gādhija || 1-56-3 ||

"अरे क्षत्रबन्धु! मैं यहीं खड़ा हूँ, तुझमें जो बल हो वह दिखा। हे गाधिपुत्र! आज मैं तेरे शस्त्र के इस अभिमान को नष्ट कर दूँगा।"

श्लोक 4 (bala.56.4)

क्व च ते क्षत्रियबलं क्व च ब्रह्मबलं महत्। पश्य ब्रह्मबलं दिव्यं मम क्षत्रियपांसन ॥ १-५६-४ ॥

kva ca te kṣatriyabalaṃ kva ca brahmabalaṃ mahat| paśya brahmabalaṃ divyaṃ mama kṣatriyapāṃsana || 1-56-4 ||

"कहाँ तेरा क्षत्रिय-बल और कहाँ यह महान् ब्रह्मबल! हे क्षत्रिय-कुलकलंक! मेरे इस दिव्य ब्रह्मबल को देख।"

श्लोक 5 (bala.56.5)

तस्यास्त्रं गाधिपुत्रस्य घोरमाग्नेयमुत्तमम्। ब्रह्मदण्डेन तच्छान्तमग्नेर्वेग इवाम्भसा ॥ १-५६-५ ॥

tasyāstraṃ gādhiputrasya ghoramāgneyamuttamam| brahmadaṇḍena tacchāntamagnervega ivāmbhasā || 1-56-5 ||

गाधिपुत्र विश्वामित्र के उस भयंकर और श्रेष्ठ आग्नेय अस्त्र को ब्रह्मदण्ड ने वैसे ही शान्त कर दिया, जैसे जल की धारा अग्नि के वेग को शान्त कर देती है।

श्लोक 6 (bala.56.6)

वारुणं चैव रौद्रं च ऐन्द्रं पाशुपतं तथा। ऐषीकं चापि चिक्षेप रुषितो गाधिनंदनः ॥ १-५६-६ ॥

vāruṇaṃ caiva raudraṃ ca aindraṃ pāśupataṃ tathā| aiṣīkaṃ cāpi cikṣepa ruṣito gādhinaṃdanaḥ || 1-56-6 ||

इसके बाद क्रोधित होकर गाधिनन्दन विश्वामित्र ने वारुण, रौद्र, ऐन्द्र, पाशुपत तथा ऐषीक अस्त्र भी छोड़े।

श्लोक 7 (bala.56.7)

मानवं मोहनं चैव गांधर्वं स्वापनं तथा। जृंभणं मादनं चैव संतापनविलापने ॥ १-५६-७ ॥

mānavaṃ mohanaṃ caiva gāṃdharvaṃ svāpanaṃ tathā| jṛṃbhaṇaṃ mādanaṃ caiva saṃtāpanavilāpane || 1-56-7 ||

उसने मानव, मोहन, गान्धर्व, स्वापन, जृम्भण, मादन तथा संतापन और विलापन अस्त्र भी चलाए।

श्लोक 8 (bala.56.8)

शोषणं दारणं चैव वज्रमस्त्रं सुदुर्जयम्। ब्रह्मपाशं कालपाशं वारुणं पाशमेव च ॥ १-५६-८ ॥

śoṣaṇaṃ dāraṇaṃ caiva vajramastraṃ sudurjayam| brahmapāśaṃ kālapāśaṃ vāruṇaṃ pāśameva ca || 1-56-8 ||

उसने शोषण, दारण तथा अत्यन्त दुर्जय वज्र अस्त्र, ब्रह्मपाश, कालपाश और वरुणपाश भी छोड़े।

श्लोक 9 (bala.56.9)

पैनाकास्त्रं च दयितं शुष्कार्द्रे अशनी तथा। दण्डास्त्रमथ पैशाचं क्रौञ्चमस्त्रं तथैव च ॥ १-५६-९ ॥

painākāstraṃ ca dayitaṃ śuṣkārdre aśanī tathā| daṇḍāstramatha paiśācaṃ krauñcamastraṃ tathaiva ca || 1-56-9 ||

उसने पिनाक अस्त्र, प्रिय दयित अस्त्र, शुष्क और आर्द्र अशनि, दण्डास्त्र, पैशाच तथा क्रौञ्च अस्त्र भी छोड़े।

श्लोक 10 (bala.56.10)

धर्मचक्रं कालचक्रं विष्णुचक्रं तथैव च। वायव्यं मथनं चैव अस्त्रं हयशिरस्तथा ॥ १-५६-१० ॥

dharmacakraṃ kālacakraṃ viṣṇucakraṃ tathaiva ca| vāyavyaṃ mathanaṃ caiva astraṃ hayaśirastathā || 1-56-10 ||

धर्मचक्र, कालचक्र और विष्णुचक्र भी, तथा वायव्य, मथन और हयशिर नामक अस्त्र भी उसने छोड़े।

श्लोक 11 (bala.56.11)

शक्तिद्वयं च चिक्षेप कंकालं मुसलं तथा। वैद्याधरं महास्त्रं च कालास्त्रमथ दारुणम् ॥ १-५६-११ ॥

śaktidvayaṃ ca cikṣepa kaṃkālaṃ musalaṃ tathā| vaidyādharaṃ mahāstraṃ ca kālāstramatha dāruṇam || 1-56-11 ||

उसने शक्ति-युगल, कंकाल, मूसल, वैद्याधर नामक महान् अस्त्र तथा भयंकर कालास्त्र भी छोड़ा।

श्लोक 12 (bala.56.12)

त्रिशूलमस्त्रं घोरं च कापालमथ कंकणम्। एतान्यस्त्राणि चिक्षेप सर्वाणि रघुनंदन ॥ १-५६-१२ ॥

triśūlamastraṃ ghoraṃ ca kāpālamatha kaṃkaṇam| etānyastrāṇi cikṣepa sarvāṇi raghunaṃdana || 1-56-12 ||

हे रघुनन्दन! उसने भयंकर त्रिशूल अस्त्र, तथा कापाल और कंकण नामक अस्त्र - ये सभी अस्त्र छोड़े।

श्लोक 13 (bala.56.13)

वसिष्ठे जपतां श्रेष्ठे तदद्भुतमिवाभवत्। तानि सर्वाणि दण्डेन ग्रसते ब्रह्मणः सुतः ॥ १-५६-१३ ॥

vasiṣṭhe japatāṃ śreṣṭhe tadadbhutamivābhavat| tāni sarvāṇi daṇḍena grasate brahmaṇaḥ sutaḥ || 1-56-13 ||

जप करने वालों में श्रेष्ठ वसिष्ठ के विरुद्ध वह मानो एक अद्भुत दृश्य बन गया - ब्रह्मा के पुत्र वसिष्ठ ने अपने दण्ड से उन सभी अस्त्रों को निगल लिया।

श्लोक 14 (bala.56.14)

तेषु शांतेषु ब्रह्मास्त्रं क्षिप्तवान् गाधिनंदनः। तदस्त्रमुद्यतं दृष्ट्वा देवाः साग्निपुरोगमाः ॥ १-५६-१४ ॥

teṣu śāṃteṣu brahmāstraṃ kṣiptavān gādhinaṃdanaḥ| tadastramudyataṃ dṛṣṭvā devāḥ sāgnipurogamāḥ || 1-56-14 ||

जब वे सब अस्त्र शान्त हो गए, तब गाधिनन्दन विश्वामित्र ने ब्रह्मास्त्र का प्रयोग किया। उस अस्त्र को उठा हुआ देखकर अग्नि सहित सभी देवता,

श्लोक 15 (bala.56.15)

देवर्षयश्च संभ्रांता गंधर्वाः समहोरगाः। त्रैलोक्यमासीत् संत्रस्तं ब्रह्मास्त्रे समुदीरिते ॥ १-५६-१५ ॥

devarṣayaśca saṃbhrāṃtā gaṃdharvāḥ samahoragāḥ| trailokyamāsīt saṃtrastaṃ brahmāstre samudīrite || 1-56-15 ||

देवर्षिगण, गन्धर्व तथा महान् नागों सहित सभी घबरा उठे; ब्रह्मास्त्र के छूटते ही तीनों लोक भयभीत हो गए।

श्लोक 16 (bala.56.16)

तदप्यस्त्रं महाघोरं ब्राह्मं ब्राह्मेण तेजसा। वसिष्ठो ग्रसते सर्वं ब्रह्मदण्डेन राघव ॥ १-५६-१६ ॥

tadapyastraṃ mahāghoraṃ brāhmaṃ brāhmeṇa tejasā| vasiṣṭho grasate sarvaṃ brahmadaṇḍena rāghava || 1-56-16 ||

हे राघव! उस अत्यन्त भयंकर ब्रह्मास्त्र को भी वसिष्ठ ने अपने ब्रह्मतेज से, ब्रह्मदण्ड के द्वारा पूर्णतः निगल लिया।

श्लोक 17 (bala.56.17)

ब्रह्मास्त्रं ग्रसमानस्य वसिष्ठस्य महात्मनः। त्रैलोक्यमोहनं रौद्रं रूपमासीत् सुदारुणम् ॥ १-५६-१७ ॥

brahmāstraṃ grasamānasya vasiṣṭhasya mahātmanaḥ| trailokyamohanaṃ raudraṃ rūpamāsīt sudāruṇam || 1-56-17 ||

ब्रह्मास्त्र को निगलते हुए महात्मा वसिष्ठ का रूप तीनों लोकों को मोहित कर देने वाला और अत्यन्त भयानक हो गया।

श्लोक 18 (bala.56.18)

रोमकूपेषु सर्वेषु वसिष्ठस्य महात्मनः। मरीच्य इव निष्पेतुरग्नेर्धूमाकुलार्चिषः ॥ १-५६-१८ ॥

romakūpeṣu sarveṣu vasiṣṭhasya mahātmanaḥ| marīcya iva niṣpeturagnerdhūmākulārciṣaḥ || 1-56-18 ||

महात्मा वसिष्ठ के समस्त रोमकूपों से मानो अग्नि की धूम्रयुक्त ज्वालाओं के समान किरणें फूट निकलीं।

श्लोक 19 (bala.56.19)

प्राज्वलत् ब्रह्मदण्डश्च वसिष्ठस्य करोद्यतः। विधूम इव कालाग्निर्यमदण्ड इवापरः ॥ १-५६-१९ ॥

prājvalat brahmadaṇḍaśca vasiṣṭhasya karodyataḥ| vidhūma iva kālāgniryamadaṇḍa ivāparaḥ || 1-56-19 ||

वसिष्ठ के हाथ में उठा हुआ ब्रह्मदण्ड धू-धू करके जलने लगा - मानो धुआँरहित कालाग्नि हो, या मानो यमराज का दूसरा दण्ड हो।

श्लोक 20 (bala.56.20)

ततोऽस्तुवन् मुनिगणा वसिष्ठं जपतां वरम्। अमोघं ते बलं ब्रह्मंस्तेजो धारय तेजसा ॥ १-५६-२० ॥

tato'stuvan munigaṇā vasiṣṭhaṃ japatāṃ varam| amoghaṃ te balaṃ brahmaṃstejo dhāraya tejasā || 1-56-20 ||

तब मुनियों के समूह जप करने वालों में श्रेष्ठ वसिष्ठ की स्तुति करने लगे - "हे ब्रह्मन्! आपका बल अमोघ है; अपने इस तेज को अपने ही तेज से धारण कीजिए।"

श्लोक 21 (bala.56.21)

निगृहीतस्त्वया ब्रह्मन् विश्वामित्रो महातपाः। प्रसीद जपतां श्रेष्ठलोकाः सन्तु गतव्यथाः ॥ १-५६-२१ ॥

nigṛhītastvayā brahman viśvāmitro mahātapāḥ| prasīda japatāṃ śreṣṭhalokāḥ santu gatavyathāḥ || 1-56-21 ||

"हे ब्रह्मन्! महातपस्वी विश्वामित्र आपके द्वारा वश में कर लिए गए हैं। हे जप करने वालों में श्रेष्ठ! अब प्रसन्न होइए, लोक व्यथा से मुक्त हों।"

श्लोक 22 (bala.56.22)

एवमुक्तो महातेजाः शमं चक्रे महातपाः। विश्वामित्रोऽपि निकृतो विनिःश्वस्येदमब्रवीत् ॥ १-५६-२२ ॥

evamukto mahātejāḥ śamaṃ cakre mahātapāḥ| viśvāmitro'pi nikṛto viniḥśvasyedamabravīt || 1-56-22 ||

इस प्रकार कहे जाने पर उस महातेजस्वी महातपस्वी वसिष्ठ ने शान्ति धारण की। पराजित विश्वामित्र भी लम्बी साँस लेकर यह बोला।

श्लोक 23 (bala.56.23)

धिग्बलं क्षत्रियबलं ब्रह्मतेजोबलं बलम्। एकेन ब्रह्मदण्डेन सर्वास्त्राणि हतानि मे ॥ १-५६-२३ ॥

dhigbalaṃ kṣatriyabalaṃ brahmatejobalaṃ balam| ekena brahmadaṇḍena sarvāstrāṇi hatāni me || 1-56-23 ||

"धिक्कार है क्षत्रिय-बल को! ब्रह्मतेज का बल ही वास्तविक बल है। एक ही ब्रह्मदण्ड से मेरे सभी अस्त्र नष्ट हो गए।"

श्लोक 24 (bala.56.24)

तदेतत् समवेक्ष्याहं प्रसन्नेन्द्रियमानसः। तपो महत् समास्थास्ये यद्वै ब्रह्मत्वकारणम् ॥ १-५६-२४ ॥

tadetat samavekṣyāhaṃ prasannendriyamānasaḥ| tapo mahat samāsthāsye yadvai brahmatvakāraṇam || 1-56-24 ||

"इस सब पर विचार करके, इन्द्रियों और मन को शान्त करके, मैं उस महान् तप का आश्रय लूँगा जो वास्तव में ब्राह्मणत्व की प्राप्ति का कारण है।"