त्रिशंकु को चाण्डालत्व का शाप

श्लोक 1 (bala.58.1)

ततः त्रिशंकोर्वचनं श्रुत्वा क्रोधसमन्वितम्। ऋषिपुत्रशतं राम राजानमिदमब्रवीत् ॥ १-५८-१ ॥

tataḥ triśaṃkorvacanaṃ śrutvā krodhasamanvitam| ṛṣiputraśataṃ rāma rājānamidamabravīt || 1-58-1 ||

हे राम! त्रिशंकु के इस वचन को सुनकर क्रोध से भरे हुए ऋषि के सौ पुत्रों ने राजा से यह कहा।

श्लोक 2 (bala.58.2)

प्रत्याख्यातोऽसि दुर्बुद्धे गुरुणा सत्यवादिना। तं कथं समतिक्रम्य शाखान्तरमुपेयिवान् ॥ १-५८-२ ॥

pratyākhyāto'si durbuddhe guruṇā satyavādinā| taṃ kathaṃ samatikramya śākhāntaramupeyivān || 1-58-2 ||

"हे दुर्बुद्धे! तुम सत्यवादी गुरु द्वारा अस्वीकृत किए जा चुके हो। फिर उनका उल्लंघन करके तुम इस दूसरी शाखा के पास कैसे आ गए?"

श्लोक 3 (bala.58.3)

इक्ष्वाकूणां हि सर्वेषां पुरोधाः परमा गतिः। न चातिक्रमितुं शक्यं वचनं सत्यवादिनः ॥ १-५८-३ ॥

ikṣvākūṇāṃ hi sarveṣāṃ purodhāḥ paramā gatiḥ| na cātikramituṃ śakyaṃ vacanaṃ satyavādinaḥ || 1-58-3 ||

"क्योंकि सभी इक्ष्वाकुओं के लिए पुरोहित ही परम गति है; और सत्यवादी के वचन का उल्लंघन नहीं किया जा सकता।"

श्लोक 4 (bala.58.4)

अशक्यमिति सोवाच वसिष्ठो भगवानृषिः। तं वयं वै समाहर्तुं क्रतुं शक्ताः कथंचन ॥ १-५८-४ ॥

aśakyamiti sovāca vasiṣṭho bhagavānṛṣiḥ| taṃ vayaṃ vai samāhartuṃ kratuṃ śaktāḥ kathaṃcana || 1-58-4 ||

"स्वयं भगवान् ऋषि वसिष्ठ ने कहा है कि यह असम्भव है; तो हम भला किस प्रकार उस यज्ञ को सम्पन्न करने में समर्थ हो सकते हैं?"

श्लोक 5 (bala.58.5)

बालिशस्त्वं नरश्रेष्ठ गम्यतां स्वपुरं पुनः। याजने भगवान् शक्तस्त्रैलोक्यस्यापि पार्थिव ॥ १-५८-५ ॥

bāliśastvaṃ naraśreṣṭha gamyatāṃ svapuraṃ punaḥ| yājane bhagavān śaktastrailokyasyāpi pārthiva || 1-58-5 ||

"हे नरश्रेष्ठ! तुम बालक के समान अबोध हो; अपनी नगरी को लौट जाओ। हे राजन्! भगवान् वसिष्ठ ही त्रिलोकी का भी यज्ञ कराने में समर्थ हैं।"

श्लोक 6 (bala.58.6)

अवमानं कथं कर्तुं तस्य शक्ष्यामहे वयम्। तेषां तद्वचनं श्रुत्वा क्रोधपर्याकुलाक्षरम् ॥ १-५८-६ ॥

avamānaṃ kathaṃ kartuṃ tasya śakṣyāmahe vayam| teṣāṃ tadvacanaṃ śrutvā krodhaparyākulākṣaram || 1-58-6 ||

"हम भला उनका अपमान करने में कैसे समर्थ हो सकते हैं?" उनके क्रोध से विह्वल वचनों को सुनकर,

श्लोक 7 (bala.58.7)

स राजा पुनरेवैतानिदं वचनमब्रवीत्। प्रत्याख्यातो भगवता गुरुपुत्रैस्तथैव हि ॥ १-५८-७ ॥

sa rājā punarevaitānidaṃ vacanamabravīt| pratyākhyāto bhagavatā guruputraistathaiva hi || 1-58-7 ||

उस राजा ने पुनः उनसे यह वचन कहा - "मैं भगवान् वसिष्ठ द्वारा अस्वीकृत किया जा चुका हूँ, और वैसे ही अब आप गुरुपुत्रों द्वारा भी।"

श्लोक 8 (bala.58.8)

अन्यां गतिं गमिष्यामि स्वस्ति वोऽस्तु तपोधनाः। ऋषिपुत्रास्तु तच्छ्रुत्वा वाक्यं घोराभिसंहितम् ॥ १-५८-८ ॥

anyāṃ gatiṃ gamiṣyāmi svasti vo'stu tapodhanāḥ| ṛṣiputrāstu tacchrutvā vākyaṃ ghorābhisaṃhitam || 1-58-8 ||

"मैं अब किसी अन्य आश्रय की ओर जाऊँगा; हे तपोधनो! आप सबका कल्याण हो।" किन्तु ऋषिपुत्रों ने उस भयंकर अभिप्राय से युक्त वचन को सुनकर,

श्लोक 9 (bala.58.9)

शेपुः परमसंक्रुद्धाश्चण्डालत्वं गमिष्यसि। इत्युक्त्वा ते महात्मानो विविशुः स्वं स्वमाश्रमम् ॥ १-५८-९ ॥

śepuḥ paramasaṃkruddhāścaṇḍālatvaṃ gamiṣyasi| ityuktvā te mahātmāno viviśuḥ svaṃ svamāśramam || 1-58-9 ||

अत्यन्त क्रुद्ध होकर उसे शाप दिया - "तुम चाण्डाल हो जाओगे!" ऐसा कहकर वे महात्मा अपने-अपने आश्रम में चले गए।

श्लोक 10 (bala.58.10)

अथ रात्र्यां व्यतीतायां राजा चण्डालतां गतः। नीलवस्त्रधरो नीलः परुषो ध्वस्तमूर्धजः ॥ १-५८-१० ॥

atha rātryāṃ vyatītāyāṃ rājā caṇḍālatāṃ gataḥ| nīlavastradharo nīlaḥ paruṣo dhvastamūrdhajaḥ || 1-58-10 ||

तत्पश्चात् जब वह रात्रि बीत गई, तब राजा चाण्डालत्व को प्राप्त हो गया - काले वस्त्र पहने, कृष्णवर्ण, कठोर, बिखरे हुए बालों वाला,

श्लोक 11 (bala.58.11)

चित्यमाल्यानुलेपश्च आयसाभरणोऽभवत्। तं दृष्ट्वा मंत्रिणः सर्वे त्यक्त्वा चण्डालरूपिणम् ॥ १-५८-११ ॥

cityamālyānulepaśca āyasābharaṇo'bhavat| taṃ dṛṣṭvā maṃtriṇaḥ sarve tyaktvā caṇḍālarūpiṇam || 1-58-11 ||

श्मशान की माला और लेप धारण किए हुए, लोहे के आभूषणों से सुसज्जित हो गया। उस चाण्डाल-रूपधारी को देखकर सभी मंत्रीगण उसे त्यागकर,

श्लोक 12 (bala.58.12)

प्राद्रवन् सहिता राम पौरा येऽस्यानुगामिनः। एको हि राजा काकुत्स्थ जगाम परमात्मवान् ॥ १-५८-१२ ॥

prādravan sahitā rāma paurā ye'syānugāminaḥ| eko hi rājā kākutstha jagāma paramātmavān || 1-58-12 ||

हे राम! उसके अनुयायी नागरिकों सहित सब भाग खड़े हुए। हे काकुत्स्थ! अकेला ही वह दृढ़-आत्मा राजा,

श्लोक 13 (bala.58.13)

दह्यमानो दिवारात्रं विश्वामित्रं तपोधनम्। विश्वामित्रस्तु तं दृष्ट्वा राजानं विफलीकृतम् ॥ १-५८-१३ ॥

dahyamāno divārātraṃ viśvāmitraṃ tapodhanam| viśvāmitrastu taṃ dṛṣṭvā rājānaṃ viphalīkṛtam || 1-58-13 ||

दिन-रात दुःख से जलता हुआ तपोधन विश्वामित्र के पास गया। विश्वामित्र ने उस असफल हुए राजा को देखकर,

श्लोक 14 (bala.58.14)

चण्डालरूपिणं राम मुनिः कारुण्यमागतः। कारुण्यात्स महातेजा वाक्यं परमधार्मिकः ॥ १-५८-१४ ॥

caṇḍālarūpiṇaṃ rāma muniḥ kāruṇyamāgataḥ| kāruṇyātsa mahātejā vākyaṃ paramadhārmikaḥ || 1-58-14 ||

हे राम! उस चाण्डाल-रूप में राजा को देखकर मुनि के मन में करुणा उत्पन्न हुई। करुणावश उस महातेजस्वी और परम धार्मिक मुनि ने,

श्लोक 15 (bala.58.15)

इदं जगाद भद्रं ते राजानं घोरदर्शनम्। किमागमनकार्यं ते राजपुत्र महाबल ॥ १-५८-१५ ॥

idaṃ jagāda bhadraṃ te rājānaṃ ghoradarśanam| kimāgamanakāryaṃ te rājaputra mahābala || 1-58-15 ||

उस भयानक दिखने वाले राजा से यह कहा - "तुम्हारा कल्याण हो। हे महाबली राजपुत्र! तुम्हारे आने का क्या प्रयोजन है?"

श्लोक 16 (bala.58.16)

अयोध्याधिपते वीर शापाच्चण्डालतां गतः। अथ तद्वाक्यमाकर्ण्य राजा चण्डालतां गतः ॥ १-५८-१६ ॥

ayodhyādhipate vīra śāpāccaṇḍālatāṃ gataḥ| atha tadvākyamākarṇya rājā caṇḍālatāṃ gataḥ || 1-58-16 ||

"हे अयोध्या के स्वामी वीर! तुम शाप के कारण चाण्डालत्व को प्राप्त हुए हो।" तब उस वचन को सुनकर चाण्डालत्व को प्राप्त हुए राजा ने,

श्लोक 17 (bala.58.17)

अब्रवीत् प्रांजलिर्वाक्यं वाक्यज्ञो वाक्यकोविदम्। प्रत्याख्यातोऽस्मि गुरुणा गुरुपुत्रैस्तथैव च ॥ १-५८-१७ ॥

abravīt prāṃjalirvākyaṃ vākyajño vākyakovidam| pratyākhyāto'smi guruṇā guruputraistathaiva ca || 1-58-17 ||

हाथ जोड़कर, वाणी में निपुण उस राजा ने वाक्य-कोविद विश्वामित्र से कहा - "मैं गुरु द्वारा तथा वैसे ही गुरुपुत्रों द्वारा भी अस्वीकृत कर दिया गया हूँ।"

श्लोक 18 (bala.58.18)

अनवाप्यैव तं कामं मया प्राप्तो विपर्ययः। सशरीरो दिवं यायामिति मे सौम्य दर्शन ॥ १-५८-१८ ॥

anavāpyaiva taṃ kāmaṃ mayā prāpto viparyayaḥ| saśarīro divaṃ yāyāmiti me saumya darśana || 1-58-18 ||

"अपनी उस कामना को प्राप्त किए बिना ही मुझे उलटा फल मिला है। हे सौम्य! मेरा विचार तो केवल यही है कि मैं इसी शरीर के साथ स्वर्ग जाऊँ।"

श्लोक 19 (bala.58.19)

मया चेष्टं क्रतुशतं तच्च नावाप्यते फलम्। अनृतं नोक्तपूर्वं मे न च वक्ष्ये कदाचन ॥ १-५८-१९ ॥

mayā ceṣṭaṃ kratuśataṃ tacca nāvāpyate phalam| anṛtaṃ noktapūrvaṃ me na ca vakṣye kadācana || 1-58-19 ||

"मैंने सौ यज्ञ किए, फिर भी वह फल प्राप्त नहीं हुआ। मैंने पहले कभी असत्य नहीं बोला और न कभी बोलूँगा।"

श्लोक 20 (bala.58.20)

कृच्छ्रेष्वपि गतः सौम्य क्षत्रधर्मेण ते शपे। यज्ञैर्बहुविधैरिष्टं प्रजाधर्मेण पालिताः ॥ १-५८-२० ॥

kṛcchreṣvapi gataḥ saumya kṣatradharmeṇa te śape| yajñairbahuvidhairiṣṭaṃ prajādharmeṇa pālitāḥ || 1-58-20 ||

"हे सौम्य! कठिनाई में पड़कर भी मैं तुम्हें अपने क्षत्रिय-धर्म की शपथ खाकर कहता हूँ। मैंने अनेक प्रकार के यज्ञों से देवताओं का पूजन किया है और प्रजा का धर्मपूर्वक पालन किया है।"

श्लोक 21 (bala.58.21)

गुरवश्च महात्मानः शीलवृत्तेन तोषिताः। धर्मे प्रयतमानस्य यज्ञं चाहर्तुमिच्छतः ॥ १-५८-२१ ॥

guravaśca mahātmānaḥ śīlavṛttena toṣitāḥ| dharme prayatamānasya yajñaṃ cāhartumicchataḥ || 1-58-21 ||

"और मेरे महात्मा गुरुजन भी मेरे शील और आचरण से संतुष्ट रहे हैं। परन्तु धर्म में प्रयत्नशील रहकर और यज्ञ करने की इच्छा रखते हुए भी,"

श्लोक 22 (bala.58.22)

परितोषं न गच्छन्ति गुरवो मुनिपुंगव। दैवमेव परं मन्ये पौरुषं तु निरर्थकम् ॥ १-५८-२२ ॥

paritoṣaṃ na gacchanti guravo munipuṃgava| daivameva paraṃ manye pauruṣaṃ tu nirarthakam || 1-58-22 ||

"हे मुनिपुंगव! मेरे गुरुजन संतुष्ट नहीं हो रहे। मुझे लगता है कि दैव ही सर्वोपरि है, और पुरुषार्थ निरर्थक है।"

श्लोक 23 (bala.58.23)

दैवेनाक्रम्यते सर्वं दैवं हि परमा गतिः। तस्य मे परमार्तस्य प्रसादमभिकांक्षतः। कर्तुमर्हसि भद्रं ते दैवोपहतकर्मणः ॥ १-५८-२३ ॥

daivenākramyate sarvaṃ daivaṃ hi paramā gatiḥ| tasya me paramārtasya prasādamabhikāṃkṣataḥ| kartumarhasi bhadraṃ te daivopahatakarmaṇaḥ || 1-58-23 ||

"दैव ही सब पर हावी है; दैव ही परम गति है। दैव द्वारा जिसका कर्म विफल कर दिया गया है, ऐसे अत्यन्त पीड़ित मुझ पर, आपकी कृपा की अभिलाषा रखने वाले पर, आपको अनुग्रह करना चाहिए - आपका कल्याण हो।"

श्लोक 24 (bala.58.24)

नान्यां गतिं गमिष्यामि नान्यः शरणमस्ति मे। दैवं पुरुषकारेण निवर्तयितुमर्हसि ॥ १-५८-२४ ॥

nānyāṃ gatiṃ gamiṣyāmi nānyaḥ śaraṇamasti me| daivaṃ puruṣakāreṇa nivartayitumarhasi || 1-58-24 ||

"मैं किसी अन्य गति की ओर नहीं जाऊँगा; मेरे लिए और कोई शरण नहीं है। आप पुरुषार्थ के द्वारा इस दैव को पलट देने योग्य हैं।"