विश्वामित्र का वसिष्ठ-पुत्रों को शाप

श्लोक 1 (bala.59.1)

उक्तवाक्यं तु राजानं कृपया कुशिकात्मजः। अब्रवीन्मधुरं वाक्यं साक्षाच्चण्डालतां गतम् ॥ १-५९-१ ॥

uktavākyaṃ tu rājānaṃ kṛpayā kuśikātmajaḥ| abravīnmadhuraṃ vākyaṃ sākṣāccaṇḍālatāṃ gatam || 1-59-1 ||

तब कुशिकपुत्र विश्वामित्र ने कृपापूर्वक, साक्षात् चाण्डालत्व को प्राप्त हुए उस राजा से, जो यह सब कह चुका था, मधुर वचन कहे।

श्लोक 2 (bala.59.2)

इक्ष्वाको स्वागतं वत्स जानामि त्वां सुधार्मिकम्। शरणं ते भविष्यामि मा भैषीर्नृपपुंगव ॥ १-५९-२ ॥

ikṣvāko svāgataṃ vatsa jānāmi tvāṃ sudhārmikam| śaraṇaṃ te bhaviṣyāmi mā bhaiṣīrnṛpapuṃgava || 1-59-2 ||

"हे इक्ष्वाकु-वंशज! स्वागत है, हे वत्स! मैं तुम्हें अत्यन्त धर्मात्मा जानता हूँ। मैं तुम्हारी शरण बनूँगा; हे नृपश्रेष्ठ! भयभीत मत हो।"

श्लोक 3 (bala.59.3)

अहमामंत्रये सर्वान् महर्षीन् पुण्यकर्मणः। यज्ञसाह्यकरान् राजंस्ततो यक्ष्यसि निर्वृतः ॥ १-५९-३ ॥

ahamāmaṃtraye sarvān maharṣīn puṇyakarmaṇaḥ| yajñasāhyakarān rājaṃstato yakṣyasi nirvṛtaḥ || 1-59-3 ||

"हे राजन्! मैं पुण्यकर्मा उन सभी महर्षियों को आमन्त्रित करूँगा जो यज्ञ में सहायक होंगे; फिर तुम निश्चिन्त होकर यज्ञ करना।"

श्लोक 4 (bala.59.4)

गुरुशापकृतं रूपं यदिदं त्वयि वर्तते। अनेन सह रूपेण सशरीरो गमिष्यसि ॥ १-५९-४ ॥

guruśāpakṛtaṃ rūpaṃ yadidaṃ tvayi vartate| anena saha rūpeṇa saśarīro gamiṣyasi || 1-59-4 ||

"गुरु के शाप से बना हुआ जो यह रूप अभी तुम्हारे भीतर है, इसी रूप के साथ तुम अपने शरीर सहित स्वर्ग को जाओगे।"

श्लोक 5 (bala.59.5)

हस्तप्राप्तमहं मन्ये स्वर्गं तव नरेश्वर। यस्त्वं कौशिकमागम्य शरण्यं शरणागतः ॥ १-५९-५ ॥

hastaprāptamahaṃ manye svargaṃ tava nareśvara| yastvaṃ kauśikamāgamya śaraṇyaṃ śaraṇāgataḥ || 1-59-5 ||

"हे नरेश्वर! मैं मानता हूँ कि स्वर्ग तुम्हारे हाथ में ही आ गया है, क्योंकि तुमने शरण देने योग्य कौशिक के पास आकर उसकी शरण ली है।"

श्लोक 6 (bala.59.6)

एवमुक्त्वा महातेजाः पुत्रान् परमधार्मिकान्। व्यादिदेश महाप्राज्ञान्यज्ञसंभारकारणात् ॥ १-५९-६ ॥

evamuktvā mahātejāḥ putrān paramadhārmikān| vyādideśa mahāprājñānyajñasaṃbhārakāraṇāt || 1-59-6 ||

ऐसा कहकर उस महातेजस्वी विश्वामित्र ने अपने परम धार्मिक और महाप्राज्ञ पुत्रों को यज्ञ-सामग्री जुटाने के लिए आदेश दिया।

श्लोक 7 (bala.59.7)

सर्वान् शिष्यान् समाहूय वाक्यमेतदुवाच ह। सर्वानृषिवरान् वत्सा आनयध्वं ममाज्ञया ॥ १-५९-७ ॥

sarvān śiṣyān samāhūya vākyametaduvāca ha| sarvānṛṣivarān vatsā ānayadhvaṃ mamājñayā || 1-59-7 ||

अपने सभी शिष्यों को बुलाकर उसने यह वचन कहा - "हे वत्सो! मेरी आज्ञा से सभी श्रेष्ठ ऋषियों को यहाँ ले आओ,"

श्लोक 8 (bala.59.8)

सशिष्यान् सुहृदश्चैव सर्त्विजः सुबहुश्रुतान्। यदन्यो वचनं ब्रूयान्मद्वाक्यबलचोदितः ॥ १-५९-८ ॥

saśiṣyān suhṛdaścaiva sartvijaḥ subahuśrutān| yadanyo vacanaṃ brūyānmadvākyabalacoditaḥ || 1-59-8 ||

"उनके शिष्यों, मित्रों तथा ऋत्विजों सहित, जो अत्यन्त बहुश्रुत हैं। और यदि मेरे वचन के बल से प्रेरित होकर कोई अन्य कुछ कहे,"

श्लोक 9 (bala.59.9)

तत्सर्वमखिलेनोक्तं ममाख्येयमनादृतम्। तस्य तद्वचनं श्रुत्वा दिशो जग्मुस्तदाज्ञया ॥ १-५९-९ ॥

tatsarvamakhilenoktaṃ mamākhyeyamanādṛtam| tasya tadvacanaṃ śrutvā diśo jagmustadājñayā || 1-59-9 ||

"तो वह सब, चाहे आदरपूर्वक कहा गया हो या उपेक्षापूर्वक, मुझे पूरी तरह बताया जाए।" उसके इस वचन को सुनकर वे उसकी आज्ञा से सभी दिशाओं में चले गए।

श्लोक 10 (bala.59.10)

आजग्मुरथ देशेभ्यः सर्वेभ्यो ब्रह्मवादिनः। ते च शिष्याः समागम्य मुनिं ज्वलिततेजसम् ॥ १-५९-१० ॥

ājagmuratha deśebhyaḥ sarvebhyo brahmavādinaḥ| te ca śiṣyāḥ samāgamya muniṃ jvalitatejasam || 1-59-10 ||

तब सभी देशों से वेदवादी ब्राह्मण आने लगे। और वे शिष्य लौटकर उस ज्वलित तेजवाले मुनि विश्वामित्र के पास,

श्लोक 11 (bala.59.11)

ऊचुश्च वचनं सर्वे सर्वेषां ब्रह्मवादिनाम्। श्रुत्वा ते वचनं सर्वे समायान्ति द्विजातयः ॥ १-५९-११ ॥

ūcuśca vacanaṃ sarve sarveṣāṃ brahmavādinām| śrutvā te vacanaṃ sarve samāyānti dvijātayaḥ || 1-59-11 ||

आकर सभी वेदवादियों के वचन कह सुनाए - "आपका वचन सुनकर सभी द्विजगण आ रहे हैं।"

श्लोक 12 (bala.59.12)

सर्वदेशेषु चागच्छन् वर्जयित्वा महोदयम्। वासिष्ठं तच्छतं सर्वं क्रोधपर्याकुलाक्षरम् ॥ १-५९-१२ ॥

sarvadeśeṣu cāgacchan varjayitvā mahodayam| vāsiṣṭhaṃ tacchataṃ sarvaṃ krodhaparyākulākṣaram || 1-59-12 ||

"सभी देशों से वे आ रहे हैं, केवल महोदय को छोड़कर। वसिष्ठ के उन सौ पुत्रों ने क्रोध से व्याकुल वाणी में यह सब कहा है -"

श्लोक 13 (bala.59.13)

यथाह वचनं सर्वं शृणु त्वं मुनिपुंगव। क्षत्रियो याजको यस्य चण्डालस्य विशेषतः ॥ १-५९-१३ ॥

yathāha vacanaṃ sarvaṃ śṛṇu tvaṃ munipuṃgava| kṣatriyo yājako yasya caṇḍālasya viśeṣataḥ || 1-59-13 ||

"- हे मुनिपुंगव! उन्होंने जो कुछ कहा है, वह सब सुनिए - एक क्षत्रिय यजमान है, और विशेषतः वह भी एक चाण्डाल है,"

श्लोक 14 (bala.59.14)

कथं सदसि भोक्तारो हविस्तस्य सुरर्षयः। ब्राह्मणा वा महात्मानो भुक्त्वा चण्डालभोजनम् ॥ १-५९-१४ ॥

kathaṃ sadasi bhoktāro havistasya surarṣayaḥ| brāhmaṇā vā mahātmāno bhuktvā caṇḍālabhojanam || 1-59-14 ||

"तो उस सभा में देवता और ऋषि उसका हविष्य कैसे ग्रहण कर सकते हैं? अथवा महात्मा ब्राह्मण चाण्डाल का अन्न खाकर"

श्लोक 15 (bala.59.15)

कथं स्वर्गं गमिष्यन्ति विश्वामित्रेण पालिताः। एतद्वचनं नैष्ठुर्यमूचुः संरक्तलोचनाः ॥ १-५९-१५ ॥

kathaṃ svargaṃ gamiṣyanti viśvāmitreṇa pālitāḥ| etadvacanaṃ naiṣṭhuryamūcuḥ saṃraktalocanāḥ || 1-59-15 ||

"स्वर्ग को कैसे जा सकते हैं, वह भी विश्वामित्र द्वारा पोषित होकर?" यह कठोर वचन उन्होंने क्रोध से लाल आँखें किए हुए कहा।

श्लोक 16 (bala.59.16)

वासिष्ठा मुनिशार्दूल सर्वे सह महोदयाः। तेषां तद्वचनं श्रुत्वा सर्वेषां मुनिपुंगवः ॥ १-५९-१६ ॥

vāsiṣṭhā muniśārdūla sarve saha mahodayāḥ| teṣāṃ tadvacanaṃ śrutvā sarveṣāṃ munipuṃgavaḥ || 1-59-16 ||

हे मुनिशार्दूल! महोदय सहित वसिष्ठ के वे सभी पुत्र यह सब बोले। उन सबके उस वचन को सुनकर मुनिश्रेष्ठ विश्वामित्र,

श्लोक 17 (bala.59.17)

क्रोधसंरक्तनयनः सरोषमिदमब्रवीत्। ये दूषयन्त्यदुष्टं मां तपोग्रं समास्थितम् ॥ १-५९-१७ ॥

krodhasaṃraktanayanaḥ saroṣamidamabravīt| ye dūṣayantyaduṣṭaṃ māṃ tapograṃ samāsthitam || 1-59-17 ||

क्रोध से लाल नेत्र किए हुए रोषपूर्वक यह बोला - "जो निर्दोष और उग्र तप में स्थित मुझे दूषित करते हैं,"

श्लोक 18 (bala.59.18)

भस्मीभूता दुरात्मानो भविष्यन्ति न संशयः। अद्य ते कालपाशेन नीता वैवस्वतक्षयम् ॥ १-५९-१८ ॥

bhasmībhūtā durātmāno bhaviṣyanti na saṃśayaḥ| adya te kālapāśena nītā vaivasvatakṣayam || 1-59-18 ||

"वे दुरात्मा निश्चय ही भस्म हो जाएँगे, इसमें कोई संशय नहीं। आज ही वे कालपाश द्वारा यमराज के धाम को ले जाए जाते हैं।"

श्लोक 19 (bala.59.19)

सप्त जातिशतान्येव मृतपाः सन्तु सर्वशः। श्वमांसनियताहारा मुष्टिका नाम निर्घृणाः ॥ १-५९-१९ ॥

sapta jātiśatānyeva mṛtapāḥ santu sarvaśaḥ| śvamāṃsaniyatāhārā muṣṭikā nāma nirghṛṇāḥ || 1-59-19 ||

"सात सौ जन्मों तक वे सब प्रकार से मुर्दा खाने वाले हों - निर्दय मुष्टिक नामक जाति में उत्पन्न होकर सदा कुत्ते का मांस खाने वाले,"

श्लोक 20 (bala.59.20)

विकृताश्च विरूपाश्च लोकाननुचरन्त्विमान्। महोदयश्च दुर्बुद्धिर्मामदूष्यं ह्यदूषयत् ॥ १-५९-२० ॥

vikṛtāśca virūpāśca lokānanucarantvimān| mahodayaśca durbuddhirmāmadūṣyaṃ hyadūṣayat || 1-59-20 ||

"विकृत और विरूप होकर वे इन्हीं लोकों में भटकते रहें। और वह दुर्बुद्धि महोदय, जिसने निर्दोष मुझको दूषित किया है,"

श्लोक 21 (bala.59.21)

दूषितः सर्वलोकेषु निषादत्वं गमिष्यति। प्राणातिपातनिरतो निरनुक्रोशतां गतः ॥ १-५९-२१ ॥

dūṣitaḥ sarvalokeṣu niṣādatvaṃ gamiṣyati| prāṇātipātanirato niranukrośatāṃ gataḥ || 1-59-21 ||

"- सारे लोकों में निन्दित होकर वह निषादत्व को प्राप्त होगा, प्राणियों की हत्या में रत और निर्दयता को प्राप्त होकर,"

श्लोक 22 (bala.59.22)

दीर्घकालं मम क्रोधात् दुर्गतिं वर्तयिष्यति। एतावदुक्त्वा वचनं विश्वामित्रो महातपाः। विरराम महातेजा ऋषिमध्ये महामुनिः ॥ १-५९-२२ ॥

dīrghakālaṃ mama krodhāt durgatiṃ vartayiṣyati| etāvaduktvā vacanaṃ viśvāmitro mahātapāḥ| virarāma mahātejā ṛṣimadhye mahāmuniḥ || 1-59-22 ||

"और मेरे इस क्रोध से वह दीर्घकाल तक दुर्गति भोगता रहेगा।" इतना कहकर महातपस्वी, महातेजस्वी महामुनि विश्वामित्र ऋषियों के बीच मौन हो गए।