विश्वामित्र की ब्रह्मर्षि-पदवी

श्लोक 1 (bala.65.1)

अथ हैमवतीं राम दिशं त्यक्त्वा महामुनिः। पूर्वां दिशमनुप्राप्य तपस्तेपे सुदारुणम् ॥ १-६५-१ ॥

atha haimavatīṃ rāma diśaṃ tyaktvā mahāmuniḥ| pūrvāṃ diśamanuprāpya tapastepe sudāruṇam || 1-65-1 ||

तत्पश्चात्, हे राम! वे महामुनि हिमालय-प्रदेश को छोड़कर पूर्व दिशा में जा पहुँचे और वहाँ अत्यंत कठोर तपस्या करने लगे।

श्लोक 2 (bala.65.2)

मौनं वर्षसहस्रस्य कृत्वा व्रतमनुत्तमम्। चकाराप्रतिमं राम तपः परमदुष्करम् ॥ १-६५-२ ॥

maunaṃ varṣasahasrasya kṛtvā vratamanuttamam| cakārāpratimaṃ rāma tapaḥ paramaduṣkaram || 1-65-2 ||

एक हजार वर्षों तक मौन का सर्वोत्तम व्रत धारण करके, हे राम! उन्होंने एक अनुपम एवं परम दुष्कर तपस्या की।

श्लोक 3 (bala.65.3)

पूर्णे वर्षसहस्रे तु काष्ठभूतं महामुनिम्। विघ्नैर्बहुभिराधूतं क्रोधो नान्तरमाविशत् ॥ १-६५-३ ॥

pūrṇe varṣasahasre tu kāṣṭhabhūtaṃ mahāmunim| vighnairbahubhirādhūtaṃ krodho nāntaramāviśat || 1-65-3 ||

एक हजार वर्ष पूर्ण हो जाने पर, यद्यपि वे महामुनि मानो काठ के समान निश्चल हो गए थे और अनेक विघ्नों से पीड़ित भी हुए थे, फिर भी उनके भीतर कहीं क्रोध ने प्रवेश नहीं किया।

श्लोक 4 (bala.65.4)

स कृत्वा निश्चयं राम तप आतिष्ठदव्ययम्। तस्य वर्षसहस्रस्य व्रते पूर्णे महाव्रतः ॥ १-६५-४ ॥

sa kṛtvā niścayaṃ rāma tapa ātiṣṭhadavyayam| tasya varṣasahasrasya vrate pūrṇe mahāvrataḥ || 1-65-4 ||

दृढ़ निश्चय करके, हे राम! वे अपनी अटूट तपस्या में लगे रहे; और उस एक हजार वर्ष के व्रत के पूर्ण होने पर वे महाव्रती मुनि,

श्लोक 5 (bala.65.5)

भोक्तुमारब्धवानन्नं तस्मिन् काले रघूत्तम। इन्द्रो द्विजातिर्भूत्वा तं सिद्धमन्नमयाचत ॥ १-६५-५ ॥

bhoktumārabdhavānannaṃ tasmin kāle raghūttama| indro dvijātirbhūtvā taṃ siddhamannamayācata || 1-65-5 ||

अपना भोजन ग्रहण करने लगे; और ठीक उसी समय, हे रघूत्तम! इंद्र ब्राह्मण का रूप धरकर आए और उनसे वह तैयार भोजन माँग बैठे।

श्लोक 6 (bala.65.6)

तस्मै दत्त्वा तदा सिद्धं सर्वं विप्राय निश्चितः। निःषेषितेऽन्ने भगवानभुक्त्वैव महातपाः ॥ १-६५-६ ॥

tasmai dattvā tadā siddhaṃ sarvaṃ viprāya niścitaḥ| niḥṣeṣite'nne bhagavānabhuktvaiva mahātapāḥ || 1-65-6 ||

उन्होंने दृढ़तापूर्वक अपना सम्पूर्ण तैयार भोजन उस ब्राह्मण को दे दिया; और भोजन के पूरी तरह समाप्त हो जाने पर वे भगवान महातपस्वी, बिना कुछ खाए ही,

श्लोक 7 (bala.65.7)

न किंचिदवदद्विप्रं मौनव्रतमुपास्थितः। तथैवासीत्पुनः मौनमनुच्छ्वासं चकार ह ॥ १-६५-७ ॥

na kiṃcidavadadvipraṃ maunavratamupāsthitaḥ| tathaivāsītpunaḥ maunamanucchvāsaṃ cakāra ha || 1-65-7 ||

मौन-व्रत का पालन करते हुए उस ब्राह्मण से कुछ भी नहीं बोले; और पूर्ववत् ही वे पुनः मौन धारण करके श्वास रोककर बैठ गए।

श्लोक 8 (bala.65.8)

अथ वर्षसहस्रं च नोच्छ्वसन्मुनिपुंगवः। तस्यानुच्छ्वसमानस्य मूर्ध्नि धूमो व्यजायत ॥ १-६५-८ ॥

atha varṣasahasraṃ ca nocchvasanmunipuṃgavaḥ| tasyānucchvasamānasya mūrdhni dhūmo vyajāyata || 1-65-8 ||

इसके बाद वे श्रेष्ठ मुनि पुनः एक हजार वर्षों तक बिना श्वास लिए रहे; और इस प्रकार श्वास रोके रहने के कारण उनके सिर से धुआँ निकलने लगा,

श्लोक 9 (bala.65.9)

त्रैलोक्यं येन संभ्रांतमातापितमिवाभवत्। ततो देवर्षिगन्धर्वाः पन्नगोरगराक्षसाः ॥ १-६५-९ ॥

trailokyaṃ yena saṃbhrāṃtamātāpitamivābhavat| tato devarṣigandharvāḥ pannagoragarākṣasāḥ || 1-65-9 ||

जिससे तीनों लोक मानो झुलसते हुए-से व्याकुल हो उठे। तब देवता, ऋषिगण, गन्धर्व, नाग, उरग और राक्षस,

श्लोक 10 (bala.65.10)

मोहिता तपसा तस्य तेजसा मंदरश्मयः। कश्मलोपहताः सर्वे पितामहमथाब्रुवन् ॥ १-६५-१० ॥

mohitā tapasā tasya tejasā maṃdaraśmayaḥ| kaśmalopahatāḥ sarve pitāmahamathābruvan || 1-65-10 ||

उनकी तपस्या से मोहित होकर तथा उनके तेज से अपनी ही आभा मंद पड़ जाने पर, सभी घबराकर पितामह ब्रह्मा से यह कहने लगे।

श्लोक 11 (bala.65.11)

बहुभिः कारणैर्देव विश्वामित्रो महामुनिः। लोभितः क्रोधितश्चैव तपसा चाभिवर्धते ॥ १-६५-११ ॥

bahubhiḥ kāraṇairdeva viśvāmitro mahāmuniḥ| lobhitaḥ krodhitaścaiva tapasā cābhivardhate || 1-65-11 ||

'हे देव! महामुनि विश्वामित्र को अनेक उपायों से लुभाया गया और क्रोधित भी किया गया, फिर भी वे तपस्या में और भी बढ़ते ही जा रहे हैं।'

श्लोक 12 (bala.65.12)

न ह्यस्य वृजिनं किंचिद् दृश्यते सूक्ष्ममप्यथ। न दीयते यदि त्वस्य मनसा यदभीप्सितम् ॥ १-६५-१२ ॥

na hyasya vṛjinaṃ kiṃcid dṛśyate sūkṣmamapyatha| na dīyate yadi tvasya manasā yadabhīpsitam || 1-65-12 ||

'वास्तव में अब उनमें तनिक भी दोष दिखाई नहीं देता; और यदि उनके मन की अभीष्ट कामना पूर्ण न की गई,'

श्लोक 13 (bala.65.13)

विनाशयति त्रैलोक्यं तपसा स चराचरम्। व्याकुलाश्च दिशः सर्वा न च किंचित् प्रकाशते ॥ १-६५-१३ ॥

vināśayati trailokyaṃ tapasā sa carācaram| vyākulāśca diśaḥ sarvā na ca kiṃcit prakāśate || 1-65-13 ||

'—तो वे अपनी तपस्या के बल से चराचर सहित तीनों लोकों का विनाश कर देंगे।' सभी दिशाएँ व्याकुल हो उठी हैं और कहीं कुछ भी प्रकाशित नहीं हो रहा है;

श्लोक 14 (bala.65.14)

सागराः क्षुभिताः सर्वे विशीर्यन्ते च पर्वताः। प्रकंपते च वसुधा वायुर्वातीह संकुलः ॥ १-६५-१४ ॥

sāgarāḥ kṣubhitāḥ sarve viśīryante ca parvatāḥ| prakaṃpate ca vasudhā vāyurvātīha saṃkulaḥ || 1-65-14 ||

सभी समुद्र क्षुब्ध हो गए हैं, पर्वत टूट-टूटकर बिखर रहे हैं, पृथ्वी काँप रही है, और यहाँ वायु बड़े उपद्रव के साथ बह रही है।

श्लोक 15 (bala.65.15)

ब्रह्मन्न प्रतिजानीमो नास्तिको जायते जनः। सम्मूढमिव त्रैलोक्यं संप्रक्षुभितमानसम् ॥ १-६५-१५ ॥

brahmanna pratijānīmo nāstiko jāyate janaḥ| sammūḍhamiva trailokyaṃ saṃprakṣubhitamānasam || 1-65-15 ||

'हे ब्रह्मन्! हमें कुछ भी सूझ नहीं रहा; लोग नास्तिक होते जा रहे हैं। तीनों लोक मानो स्तब्ध हो गए हैं, उनका मन अत्यंत क्षुब्ध हो उठा है,'

श्लोक 16 (bala.65.16)

भास्करो निष्प्रभश्चैव महर्षेस्तस्य तेजसा। बुद्धिं न कुरुते यावन्नाशे देव महामुनिः ॥ १-६५-१६ ॥

bhāskaro niṣprabhaścaiva maharṣestasya tejasā| buddhiṃ na kurute yāvannāśe deva mahāmuniḥ || 1-65-16 ||

'—और उस महर्षि के तेज के आगे सूर्य भी निस्तेज हो गया है। हे देव! इससे पहले कि वह महामुनि सर्वनाश का निश्चय कर लें,'

श्लोक 17 (bala.65.17)

तावत्प्रसादो भगवानग्निरूपो महाद्युतिः। कालाग्निना यथा पूर्वं त्रैलोक्यं दह्यतेऽखिलम् ॥ १-६५-१७ ॥

tāvatprasādo bhagavānagnirūpo mahādyutiḥ| kālāgninā yathā pūrvaṃ trailokyaṃ dahyate'khilam || 1-65-17 ||

'—उन अग्निस्वरूप, महातेजस्वी भगवान् को अभी से प्रसन्न कर लेना चाहिए। जैसे पहले प्रलयाग्नि से सम्पूर्ण त्रिलोक जल गया था,'

श्लोक 18 (bala.65.18)

देवराज्यं चिकीर्षेत दीयतामस्य यन्मतम्। ततः सुरगणाः सर्वे पितामहपुरोगमाः ॥ १-६५-१८ ॥

devarājyaṃ cikīrṣeta dīyatāmasya yanmatam| tataḥ suragaṇāḥ sarve pitāmahapurogamāḥ || 1-65-18 ||

'—वैसे ही अब यदि वे देवताओं का राज्य ही पाना चाहें, तो उनकी जो भी इच्छा हो, वह पूरी कर दी जाए।' तब पितामह को आगे करके सभी देवगण

श्लोक 19 (bala.65.19)

विश्वामित्रं महात्मानं वाक्यं मधुरमब्रुवन्। ब्रह्मर्षे स्वागतं तेऽस्तु तपसा स्म सुतोषिताः ॥ १-६५-१९ ॥

viśvāmitraṃ mahātmānaṃ vākyaṃ madhuramabruvan| brahmarṣe svāgataṃ te'stu tapasā sma sutoṣitāḥ || 1-65-19 ||

महात्मा विश्वामित्र के पास गए और उनसे यह मधुर वचन कहा — 'हे ब्रह्मर्षे! तुम्हारा स्वागत है; हम तुम्हारी तपस्या से अत्यंत संतुष्ट हैं।'

श्लोक 20 (bala.65.20)

ब्राह्मण्यं तपसोग्रेण प्राप्तवानसि कौशिक। दीर्घमायुश्च ते ब्रह्मन् ददामि समरुद्गणः ॥ १-६५-२० ॥

brāhmaṇyaṃ tapasogreṇa prāptavānasi kauśika| dīrghamāyuśca te brahman dadāmi samarudgaṇaḥ || 1-65-20 ||

'हे कौशिक! तुमने अपनी उग्र तपस्या से ब्राह्मणत्व प्राप्त कर लिया है। हे ब्रह्मन्! मैं मरुद्गणों सहित तुम्हें दीर्घायु प्रदान करता हूँ।'

श्लोक 21 (bala.65.21)

स्वस्ति प्राप्नुहि भद्रं ते गच्छ सौम्य यथासुखम्। पितामहवचः श्रुत्वा सर्वेषां त्रिदिवौकसाम् ॥ १-६५-२१ ॥

svasti prāpnuhi bhadraṃ te gaccha saumya yathāsukham| pitāmahavacaḥ śrutvā sarveṣāṃ tridivaukasām || 1-65-21 ||

'तुम्हें कल्याण प्राप्त हो, तुम्हारा भला हो; अब हे सौम्य! तुम प्रसन्नतापूर्वक जाओ।' पितामह तथा समस्त स्वर्गवासियों का यह वचन सुनकर,

श्लोक 22 (bala.65.22)

कृत्वा प्रणामं मुदितो व्याजहार महामुनिः। ब्राह्मण्यं यदि मे प्राप्तं दीर्घमायुस्तथैव च ॥ १-६५-२२ ॥

kṛtvā praṇāmaṃ mudito vyājahāra mahāmuniḥ| brāhmaṇyaṃ yadi me prāptaṃ dīrghamāyustathaiva ca || 1-65-22 ||

उन महामुनि ने प्रसन्न होकर प्रणाम करते हुए यह कहा — 'यदि मुझे वस्तुतः ब्राह्मणत्व और दीर्घायु दोनों प्राप्त हो चुके हैं,'

श्लोक 23 (bala.65.23)

ओंकारोऽथ वषट्कारो वेदाश्च वरयन्तु माम्। क्षत्र वेदविदां श्रेष्ठो ब्रह्मवेदविदामपि ॥ १-६५-२३ ॥

oṃkāro'tha vaṣaṭkāro vedāśca varayantu mām| kṣatra vedavidāṃ śreṣṭho brahmavedavidāmapi || 1-65-23 ||

'—तो ओंकार, वषट्कार और वेद स्वयं मुझे अपनाएँ। क्षत्रविद्या तथा ब्रह्मविद्या दोनों के ज्ञाताओं में श्रेष्ठ,'

श्लोक 24 (bala.65.24)

ब्रह्मपुत्रो वसिष्ठो मामेवं वदतु देवताः। यद्ययं परमः कामः कृतो यान्तु सुरर्षभाः ॥ १-६५-२४ ॥

brahmaputro vasiṣṭho māmevaṃ vadatu devatāḥ| yadyayaṃ paramaḥ kāmaḥ kṛto yāntu surarṣabhāḥ || 1-65-24 ||

'—ब्रह्मपुत्र वसिष्ठ मुझे इसी रूप में स्वीकार करें। हे देवताओ! यदि मेरी यह परम अभिलाषा पूर्ण हो गई हो, तो हे श्रेष्ठ देवगण, अब आप जा सकते हैं।'

श्लोक 25 (bala.65.25)

ततः प्रसादितो देवैर्वसिष्ठो जपतां वरः। सख्यं चकार ब्रह्मर्षिरेवमस्त्विति चाब्रवीत् ॥ १-६५-२५ ॥

tataḥ prasādito devairvasiṣṭho japatāṃ varaḥ| sakhyaṃ cakāra brahmarṣirevamastviti cābravīt || 1-65-25 ||

तब देवताओं द्वारा प्रसन्न किए जाने पर जप करने वालों में श्रेष्ठ वसिष्ठ ने विश्वामित्र से मित्रता कर ली और कहा — 'तुम ब्रह्मर्षि हो, ऐसा ही हो।'

श्लोक 26 (bala.65.26)

ब्रह्मर्षिस्त्वं न संदेहः सर्वं संपद्यते तव। इत्युक्त्वा देवताश्चापि सर्वा जग्मुर्यथागतम् ॥ १-६५-२६ ॥

brahmarṣistvaṃ na saṃdehaḥ sarvaṃ saṃpadyate tava| ityuktvā devatāścāpi sarvā jagmuryathāgatam || 1-65-26 ||

'तुम निश्चय ही ब्रह्मर्षि हो, इसमें कोई संदेह नहीं; अब तुम्हें सब कुछ प्राप्त हो जाएगा।' ऐसा कहकर सभी देवता भी जिस प्रकार आए थे, उसी प्रकार लौट गए।

श्लोक 27 (bala.65.27)

विश्वामित्रोऽपि धर्मात्मा लब्ध्वा ब्राह्मण्यमुत्तमम्। पूजयामास ब्रह्मर्षिं वसिष्ठं जपतां वरम् ॥ १-६५-२७ ॥

viśvāmitro'pi dharmātmā labdhvā brāhmaṇyamuttamam| pūjayāmāsa brahmarṣiṃ vasiṣṭhaṃ japatāṃ varam || 1-65-27 ||

धर्मात्मा विश्वामित्र ने भी उत्तम ब्राह्मणत्व प्राप्त करके जप करने वालों में श्रेष्ठ ब्रह्मर्षि वसिष्ठ का सम्मान किया।

श्लोक 28 (bala.65.28)

कृतकामो महीं सर्वां चचार तपसि स्थितः। एवं त्वनेन ब्राह्मण्यं प्राप्तं राम महात्मना ॥ १-६५-२८ ॥

kṛtakāmo mahīṃ sarvāṃ cacāra tapasi sthitaḥ| evaṃ tvanena brāhmaṇyaṃ prāptaṃ rāma mahātmanā || 1-65-28 ||

अपनी कामना पूर्ण करके वे तपस्या में स्थित रहते हुए सम्पूर्ण पृथ्वी पर विचरण करने लगे। हे राम! इस प्रकार इस महात्मा ने ब्राह्मणत्व प्राप्त किया।

श्लोक 29 (bala.65.29)

एष राम मुनिश्रेष्ठ एष विग्रहवान् तपः। एष धर्मः परो नित्यं वीर्यस्यैष परायणम् ॥ १-६५-२९ ॥

eṣa rāma muniśreṣṭha eṣa vigrahavān tapaḥ| eṣa dharmaḥ paro nityaṃ vīryasyaiṣa parāyaṇam || 1-65-29 ||

'हे राम! यही मुनिश्रेष्ठ हैं, यही साक्षात् तपस्या के रूप हैं, यही सनातन परम धर्म हैं, और यही पराक्रम के आश्रय हैं।'

श्लोक 30 (bala.65.30)

एवमुक्त्वा महातेजा विरराम द्विजोत्तमः। शतानंदवचः श्रुत्वा रामलक्ष्मणसंनिधौ ॥ १-६५-३० ॥

evamuktvā mahātejā virarāma dvijottamaḥ| śatānaṃdavacaḥ śrutvā rāmalakṣmaṇasaṃnidhau || 1-65-30 ||

ऐसा कहकर वे महातेजस्वी श्रेष्ठ ब्राह्मण शतानन्द चुप हो गए। तब राम और लक्ष्मण की उपस्थिति में शतानन्द का यह वचन सुनकर,

श्लोक 31 (bala.65.31)

जनकः प्रांजलिर्वाक्यमुवाच कुशिकात्मजम्। धन्योऽस्म्यनुगृहीतोऽस्मि यस्य मे मुनिपुंगव ॥ १-६५-३१ ॥

janakaḥ prāṃjalirvākyamuvāca kuśikātmajam| dhanyo'smyanugṛhīto'smi yasya me munipuṃgava || 1-65-31 ||

राजा जनक ने हाथ जोड़कर कुशिकनन्दन विश्वामित्र से यह वचन कहा — 'हे मुनिश्रेष्ठ! मैं धन्य हूँ, कृतकृत्य हूँ, कि आप मेरे यज्ञ में'

श्लोक 32 (bala.65.32)

यज्ञं काकुत्स्थसहितः प्राप्तवानसि कौशिक। पावितोऽहं त्वया ब्रह्मन् दर्शनेन महामुने ॥ १-६५-३२ ॥

yajñaṃ kākutsthasahitaḥ prāptavānasi kauśika| pāvito'haṃ tvayā brahman darśanena mahāmune || 1-65-32 ||

'—कुशल राजकुमारों राम-लक्ष्मण के साथ पधारे हैं। हे ब्रह्मन्! हे महामुने! आपके दर्शनमात्र से ही मैं पवित्र हो गया हूँ;'

श्लोक 33 (bala.65.33)

गुणा बहुविधाः प्राप्तास्तव संदर्शनान्मया। विस्तरेण च वै ब्रह्मन् कीर्त्यमानं महत्तपः ॥ १-६५-३३ ॥

guṇā bahuvidhāḥ prāptāstava saṃdarśanānmayā| vistareṇa ca vai brahman kīrtyamānaṃ mahattapaḥ || 1-65-33 ||

'—आपके दर्शन से मुझे अनेक प्रकार के पुण्य प्राप्त हुए हैं। और हे ब्रह्मन्! आपकी जो महान तपस्या विस्तार से कही गई,'

श्लोक 34 (bala.65.34)

श्रुतं मया महातेजो रामेण च महात्मना। सदस्यैः प्राप्य च सदः श्रुतास्ते बहवो गुणाः ॥ १-६५-३४ ॥

śrutaṃ mayā mahātejo rāmeṇa ca mahātmanā| sadasyaiḥ prāpya ca sadaḥ śrutāste bahavo guṇāḥ || 1-65-34 ||

'—उसे मैंने और महात्मा राम ने भी सुना है। हे तेजस्वी! और यहाँ की सभा में उपस्थित सभासदों ने भी आपके अनेक गुणों को सुना है।'

श्लोक 35 (bala.65.35)

अप्रमेया तपस्तुभ्यमप्रमेयं च ते बलम्। अप्रमेया गुणाश्चैव नित्यं ते कुशिकात्मज ॥ १-६५-३५ ॥

aprameyā tapastubhyamaprameyaṃ ca te balam| aprameyā guṇāścaiva nityaṃ te kuśikātmaja || 1-65-35 ||

'हे कुशिकनन्दन! आपकी तपस्या अपरिमेय है, आपका बल भी अपरिमेय है, और आपके गुण भी सदा अपरिमेय ही हैं।'

श्लोक 36 (bala.65.36)

तृप्तिराश्चर्यभूतानां कथानां नास्ति मे विभो। कर्मकालो मुनिश्रेष्ठ लम्बते रविमण्डलम् ॥ १-६५-३६ ॥

tṛptirāścaryabhūtānāṃ kathānāṃ nāsti me vibho| karmakālo muniśreṣṭha lambate ravimaṇḍalam || 1-65-36 ||

'हे प्रभो! मुझे इन आश्चर्यजनक कथाओं से कभी तृप्ति नहीं होती। परन्तु हे मुनिश्रेष्ठ! सांध्य-कर्म का समय हो चला है, सूर्यमण्डल पश्चिम की ओर ढल रहा है।'

श्लोक 37 (bala.65.37)

श्वः प्रभाते महातेजो द्रष्टुमर्हसि मां पुनः। स्वागतं जपतां श्रेष्ठ मामनुज्ञातुमर्हसि ॥ १-६५-३७ ॥

śvaḥ prabhāte mahātejo draṣṭumarhasi māṃ punaḥ| svāgataṃ japatāṃ śreṣṭha māmanujñātumarhasi || 1-65-37 ||

'हे महातेजस्वी! कल प्रातःकाल आप कृपया मुझसे पुनः भेंट कीजिए। हे जप करने वालों में श्रेष्ठ! आपका स्वागत है; अब मुझे विदा देने की कृपा करें।'

श्लोक 38 (bala.65.38)

एवमुक्तो मुनिवरः प्रशस्य पुरुषर्षभम्। विससर्जाशु जनकं प्रीतं प्रीतिमांस्तदा ॥ १-६५-३८ ॥

evamukto munivaraḥ praśasya puruṣarṣabham| visasarjāśu janakaṃ prītaṃ prītimāṃstadā || 1-65-38 ||

इस प्रकार कहे जाने पर वे श्रेष्ठ मुनि भी प्रसन्न होकर उस पुरुषश्रेष्ठ जनक की प्रशंसा करते हुए तुरन्त उन्हें विदा कर दिया।

श्लोक 39 (bala.65.39)

एवमुक्त्वा मुनिश्रेष्ठं वैदेहो मिथिलाधिपः। प्रदक्षिणं चकाराशु सोपाध्यायः सबांधवः ॥ १-६५-३९ ॥

evamuktvā muniśreṣṭhaṃ vaideho mithilādhipaḥ| pradakṣiṇaṃ cakārāśu sopādhyāyaḥ sabāṃdhavaḥ || 1-65-39 ||

उन श्रेष्ठ मुनि से ऐसा कहकर विदेह और मिथिला के अधिपति जनक ने अपने पुरोहितों और बंधु-बांधवों सहित तुरन्त उनकी प्रदक्षिणा की।

श्लोक 40 (bala.65.40)

विश्वामित्रोऽपि धर्मात्मा सहरामः सलक्ष्मणः। स्वं वासमभिचक्राम पूज्यमानो महर्षिभिः ॥ १-६५-४० ॥

viśvāmitro'pi dharmātmā saharāmaḥ salakṣmaṇaḥ| svaṃ vāsamabhicakrāma pūjyamāno maharṣibhiḥ || 1-65-40 ||

धर्मात्मा विश्वामित्र भी राम और लक्ष्मण के साथ, वहाँ उपस्थित महर्षियों द्वारा सम्मानित होते हुए, अपने निवास-स्थान की ओर लौट गए।