जनक का वंश-वर्णन

श्लोक 1 (bala.71.1)

एवं ब्रुवाणं जनकः प्रत्युवाच कृतांजलिः। श्रोतुमर्हसि भद्रं ते कुलं नः परिकीर्तितम् ॥ १-७१-१ ॥

evaṃ bruvāṇaṃ janakaḥ pratyuvāca kṛtāṃjaliḥ| śrotumarhasi bhadraṃ te kulaṃ naḥ parikīrtitam || 1-71-1 ||

इस प्रकार कहते हुए वसिष्ठजी को हाथ जोड़कर जनक ने उत्तर दिया, "हे मुनिश्रेष्ठ, आपका कल्याण हो; अब वर्णन किए जाते हुए हमारे कुल को सुनना आपके लिए उचित है।"

श्लोक 2 (bala.71.2)

प्रदाने हि मुनिश्रेष्ठ कुलं निरवशेषतः। वक्तव्यं कुलजातेन तन्निबोध महामुने ॥ १-७१-२ ॥

pradāne hi muniśreṣṭha kulaṃ niravaśeṣataḥ| vaktavyaṃ kulajātena tannibodha mahāmune || 1-71-2 ||

हे मुनिश्रेष्ठ, कन्यादान के समय कुल में उत्पन्न पुरुष को अपना वंश सम्पूर्ण रूप से कहना चाहिए; अतः हे महामुने, उसे सुनिए।

श्लोक 3 (bala.71.3)

राजाभूत् त्रिषु लोकेषु विश्रुतः स्वेन कर्मणा। निमिः परमधर्मात्मा सर्वसत्त्ववतां वरः ॥ १-७१-३ ॥

rājābhūt triṣu lokeṣu viśrutaḥ svena karmaṇā| nimiḥ paramadharmātmā sarvasattvavatāṃ varaḥ || 1-71-3 ||

निमि नामक एक राजा थे, जो अपने कर्मों से तीनों लोकों में विख्यात थे, परम धर्मात्मा और समस्त बलशाली प्राणियों में श्रेष्ठ थे।

श्लोक 4 (bala.71.4)

तस्य पुत्रो मिथिर्नाम जनको मिथिपुत्रकः। प्रथमो जनको नाम जनकादप्युदावसुः ॥ १-७१-४ ॥

tasya putro mithirnāma janako mithiputrakaḥ| prathamo janako nāma janakādapyudāvasuḥ || 1-71-4 ||

उनके पुत्र का नाम मिथि था, मिथि के पुत्र जनक हुए — यही सर्वप्रथम "जनक" नाम धारण करने वाले थे; और उन्हीं जनक से उदावसु उत्पन्न हुए।

श्लोक 5 (bala.71.5)

उदावसोस्तु धर्मात्मा जातो वै नन्दिवर्धनः। नन्दिवर्धनपुत्रस्तु सुकेतुर्नाम नामतः ॥ १-७१-५ ॥

udāvasostu dharmātmā jāto vai nandivardhanaḥ| nandivardhanaputrastu suketurnāma nāmataḥ || 1-71-5 ||

उदावसु से धर्मात्मा नन्दिवर्धन उत्पन्न हुए, और नन्दिवर्धन के पुत्र का नाम सुकेतु था।

श्लोक 6 (bala.71.6)

सुकेतोरपि धर्मात्मा देवरातो महाबलः। देवरातस्य राजर्षेर्बृहद्रथ इति स्मृतः ॥ १-७१-६ ॥

suketorapi dharmātmā devarāto mahābalaḥ| devarātasya rājarṣerbṛhadratha iti smṛtaḥ || 1-71-6 ||

सुकेतु से भी धर्मात्मा महाबली देवरात उत्पन्न हुए, और राजर्षि देवरात के पुत्र बृहद्रथ नाम से विख्यात हुए।

श्लोक 7 (bala.71.7)

बृहद्रथस्य शूरोऽभून्महावीरः प्रतापवान्। महावीरस्य धृतिमान् सुधृतिः सत्यविक्रमः ॥ १-७१-७ ॥

bṛhadrathasya śūro'bhūnmahāvīraḥ pratāpavān| mahāvīrasya dhṛtimān sudhṛtiḥ satyavikramaḥ || 1-71-7 ||

बृहद्रथ से शूरवीर, महापराक्रमी महावीर उत्पन्न हुए, और महावीर से धैर्यवान् सत्यपराक्रमी सुधृति हुए।

श्लोक 8 (bala.71.8)

सुधृतेरपि धर्मात्मा धृष्टकेतुः सुधार्मिकः। धृष्टकेतोश्च राजर्षेर्हर्यश्व इति विश्रुतः ॥ १-७१-८ ॥

sudhṛterapi dharmātmā dhṛṣṭaketuḥ sudhārmikaḥ| dhṛṣṭaketośca rājarṣerharyaśva iti viśrutaḥ || 1-71-8 ||

सुधृति से भी धर्मात्मा और सुधार्मिक धृष्टकेतु उत्पन्न हुए, और राजर्षि धृष्टकेतु से हर्यश्व नामक विख्यात राजा हुए।

श्लोक 9 (bala.71.9)

हर्यश्वस्य मरुः पुत्रो मरोः पुत्रः प्रतीन्धकः। प्रतीन्धकस्य धर्मात्मा राजा कीर्तिरथः सुतः ॥ १-७१-९ ॥

haryaśvasya maruḥ putro maroḥ putraḥ pratīndhakaḥ| pratīndhakasya dharmātmā rājā kīrtirathaḥ sutaḥ || 1-71-9 ||

हर्यश्व के पुत्र मरु हुए, मरु के पुत्र प्रतीन्धक हुए, और प्रतीन्धक के पुत्र धर्मात्मा राजा कीर्तिरथ हुए।

श्लोक 10 (bala.71.10)

पुत्रः कीर्तिरथस्यापि देवमीढ इति स्मृतः। देवमीढस्य विबुधो विबुधस्य महीध्रकः ॥ १-७१-१० ॥

putraḥ kīrtirathasyāpi devamīḍha iti smṛtaḥ| devamīḍhasya vibudho vibudhasya mahīdhrakaḥ || 1-71-10 ||

कीर्तिरथ के पुत्र देवमीढ नाम से विख्यात हुए, देवमीढ के पुत्र विबुध हुए, और विबुध के पुत्र महीध्रक हुए।

श्लोक 11 (bala.71.11)

महीध्रकसुतो राजा कीर्तिरातो महाबलः। कीर्तिरातस्य राजर्षेर्महारोमा व्यजायत ॥ १-७१-११ ॥

mahīdhrakasuto rājā kīrtirāto mahābalaḥ| kīrtirātasya rājarṣermahāromā vyajāyata || 1-71-11 ||

महीध्रक के पुत्र महाबली राजा कीर्तिरात हुए, और राजर्षि कीर्तिरात से महारोमा उत्पन्न हुए।

श्लोक 12 (bala.71.12)

महारोम्णस्तु धर्मात्मा स्वर्णरोमा व्यजायत। स्वर्णरोम्णस्तु राजर्षेर्ह्रस्वरोमा व्यजायत ॥ १-७१-१२ ॥

mahāromṇastu dharmātmā svarṇaromā vyajāyata| svarṇaromṇastu rājarṣerhrasvaromā vyajāyata || 1-71-12 ||

महारोमा से धर्मात्मा स्वर्णरोमा उत्पन्न हुए, और राजर्षि स्वर्णरोमा से ह्रस्वरोमा उत्पन्न हुए।

श्लोक 13 (bala.71.13)

तस्य पुत्रद्वयं जज्ञे धर्मज्ञस्य महात्मनः। ज्येष्ठोऽहमनुजो भ्राता मम वीरः कुशध्वजः ॥ १-७१-१३ ॥

tasya putradvayaṃ jajñe dharmajñasya mahātmanaḥ| jyeṣṭho'hamanujo bhrātā mama vīraḥ kuśadhvajaḥ || 1-71-13 ||

धर्मज्ञ महात्मा ह्रस्वरोमा के दो पुत्र हुए — मैं ज्येष्ठ हूँ और मेरा छोटा भाई वीर कुशध्वज है।

श्लोक 14 (bala.71.14)

मां तु ज्येष्ठं पिता राज्ये सोऽभिषिच्य नराधिपः। कुशध्वजं समावेश्य भारं मयि वनं गतः ॥ १-७१-१४ ॥

māṃ tu jyeṣṭhaṃ pitā rājye so'bhiṣicya narādhipaḥ| kuśadhvajaṃ samāveśya bhāraṃ mayi vanaṃ gataḥ || 1-71-14 ||

उन राजा — मेरे पिता — ने मुझे ज्येष्ठ होने के कारण राज्य पर अभिषिक्त किया, तथा कुशध्वज को भी उचित स्थान देकर, राज्य का सम्पूर्ण भार मुझ पर सौंपकर वन को प्रस्थान किया।

श्लोक 15 (bala.71.15)

वृद्धे पितरि स्वर्याते धर्मेण धुरमावहम्। भ्रातरं देवसंकाशं स्नेहात् पश्यन् कुशध्वजम् ॥ १-७१-१५ ॥

vṛddhe pitari svaryāte dharmeṇa dhuramāvaham| bhrātaraṃ devasaṃkāśaṃ snehāt paśyan kuśadhvajam || 1-71-15 ||

वृद्ध पिता के स्वर्गवासी हो जाने पर मैंने धर्मपूर्वक राज्य का भार वहन किया, और देवतुल्य भाई कुशध्वज को स्नेह से देखता रहा।

श्लोक 16 (bala.71.16)

कस्यचित्त्वथ कालस्य सांकाश्यादगमत्पुरात्। सुधन्वा वीर्यवान् राजा मिथिलामवरोधकः ॥ १-७१-१६ ॥

kasyacittvatha kālasya sāṃkāśyādagamatpurāt| sudhanvā vīryavān rājā mithilāmavarodhakaḥ || 1-71-16 ||

फिर कुछ समय पश्चात् पराक्रमी राजा सुधन्वा साङ्काश्य नगर से आकर मिथिला को घेरकर खड़ा हो गया।

श्लोक 17 (bala.71.17)

स च मे प्रेषयामास शैवं धनुरनुत्तमम्। सीता कन्या च पद्माक्षी मह्यं वै दीयतामिति ॥ १-७१-१७ ॥

sa ca me preṣayāmāsa śaivaṃ dhanuranuttamam| sītā kanyā ca padmākṣī mahyaṃ vai dīyatāmiti || 1-71-17 ||

उसने मेरे पास यह संदेश भेजा कि "शिवजी का वह अनुपम धनुष तथा कमलनयनी कन्या सीता — दोनों ही मुझे दे दिए जाएँ।"

श्लोक 18 (bala.71.18)

तस्याप्रदानाद्ब्रह्मर्षे युद्धमासीन्मया सह। स हतोऽभिमुखो राजा सुधन्वा तु मया रणे ॥ १-७१-१८ ॥

tasyāpradānādbrahmarṣe yuddhamāsīnmayā saha| sa hato'bhimukho rājā sudhanvā tu mayā raṇe || 1-71-18 ||

हे ब्रह्मर्षे! उन्हें न देने के कारण मेरे और उसके बीच युद्ध हुआ, और युद्धभूमि में सामने आए हुए उस राजा सुधन्वा का मैंने वध कर दिया।

श्लोक 19 (bala.71.19)

निहत्य तं मुनिश्रेष्ठ सुधन्वानं नराधिपम्। सांकाश्ये भ्रातरं शूरमभ्यषिंचं कुशध्वजम् ॥ १-७१-१९ ॥

nihatya taṃ muniśreṣṭha sudhanvānaṃ narādhipam| sāṃkāśye bhrātaraṃ śūramabhyaṣiṃcaṃ kuśadhvajam || 1-71-19 ||

हे मुनिश्रेष्ठ! उस राजा सुधन्वा का वध करके मैंने साङ्काश्य नगर में अपने वीर भाई कुशध्वज का राज्याभिषेक किया।

श्लोक 20 (bala.71.20)

कनीयानेष मे भ्राता अहं ज्येष्ठो महामुने। ददामि परमप्रीतो वध्वौ ते मुनिपुंगव ॥ १-७१-२० ॥

kanīyāneṣa me bhrātā ahaṃ jyeṣṭho mahāmune| dadāmi paramaprīto vadhvau te munipuṃgava || 1-71-20 ||

हे महामुने! यह मेरा छोटा भाई है और मैं ज्येष्ठ हूँ। हे मुनिश्रेष्ठ! अत्यन्त प्रसन्न होकर मैं ये दोनों वधुएँ आपको देता हूँ।

श्लोक 21 (bala.71.21)

सीतां रामाय भद्रं ते ऊर्मिलां लक्ष्मणाय वै। वीर्यशुल्कां मम सुतां सीतां सुरसुतोपमाम् ॥ १-७१-२१ ॥

sītāṃ rāmāya bhadraṃ te ūrmilāṃ lakṣmaṇāya vai| vīryaśulkāṃ mama sutāṃ sītāṃ surasutopamām || 1-71-21 ||

हे वसिष्ठजी! आपका कल्याण हो — सीता श्रीराम को और ऊर्मिला लक्ष्मण को अर्पित हो। मेरी पुत्री सीता, जो पराक्रम से प्राप्त हुई है और देवकन्या के समान है।

श्लोक 22 (bala.71.22)

द्वितीयामूर्मिलां चैव त्रिर्वदामि न संशयः। ददामि परमप्रीतो वध्वौ ते मुनिपुंगव ॥ १-७१-२२ ॥

dvitīyāmūrmilāṃ caiva trirvadāmi na saṃśayaḥ| dadāmi paramaprīto vadhvau te munipuṃgava || 1-71-22 ||

और दूसरी पुत्री ऊर्मिला — यह बात मैं तीन बार कहता हूँ, इसमें कोई संशय नहीं। हे मुनिश्रेष्ठ! अत्यन्त प्रसन्नतापूर्वक मैं ये दोनों वधुएँ देता हूँ।

श्लोक 23 (bala.71.23)

रामलक्ष्मणयो राजन् गोदानं कारयस्व ह। पितृकार्यं च भद्रं ते ततो वैवाहिकं कुरु ॥ १-७१-२३ ॥

rāmalakṣmaṇayo rājan godānaṃ kārayasva ha| pitṛkāryaṃ ca bhadraṃ te tato vaivāhikaṃ kuru || 1-71-23 ||

हे राजन् दशरथ! राम और लक्ष्मण का गोदान-संस्कार सम्पन्न कराइए; आपका कल्याण हो, पितृकार्य भी सम्पन्न कीजिए, उसके पश्चात् विवाह सम्पन्न कीजिए।

श्लोक 24 (bala.71.24)

मघा ह्यद्य महाबाहो तृतीये दिवसे प्रभो। फल्गुन्यामुत्तरे राजंस्तस्मिन् वैवाहिकं कुरु। रामलक्ष्मणयोरर्थे दानं कार्यं सुखोदयम् ॥ १-७१-२४ ॥

maghā hyadya mahābāho tṛtīye divase prabho| phalgunyāmuttare rājaṃstasmin vaivāhikaṃ kuru| rāmalakṣmaṇayorarthe dānaṃ kāryaṃ sukhodayam || 1-71-24 ||

हे महाबाहो! आज मघा नक्षत्र है, और हे प्रभो! तीसरे दिन उत्तरा फाल्गुनी नक्षत्र होगा — हे राजन्! उसी दिन विवाह सम्पन्न कीजिए, तथा राम और लक्ष्मण के निमित्त सुखदायी दान भी सम्पन्न किया जाए।