चारों राजकुमारों का विवाह-निश्चय

श्लोक 1 (bala.72.1)

तमुक्तवंतं वैदेहं विश्वामित्रो महामुनिः। उवाच वचनं वीरं वसिष्ठसहितो नृपम् ॥ १-७२-१ ॥

tamuktavaṃtaṃ vaidehaṃ viśvāmitro mahāmuniḥ| uvāca vacanaṃ vīraṃ vasiṣṭhasahito nṛpam || 1-72-1 ||

इस प्रकार कहते हुए उन वैदेह नरेश (जनक) से महामुनि विश्वामित्र ने वसिष्ठजी सहित यह वीरोचित वचन कहा।

श्लोक 2 (bala.72.2)

अचिंत्यान्यप्रमेयाणि कुलानि नरपुंगव। इक्ष्वाकूणां विदेहानां नैषां तुल्योऽस्ति कश्चन ॥ १-७२-२ ॥

aciṃtyānyaprameyāṇi kulāni narapuṃgava| ikṣvākūṇāṃ videhānāṃ naiṣāṃ tulyo'sti kaścana || 1-72-2 ||

हे नरश्रेष्ठ! इक्ष्वाकुओं और विदेहों के कुल अचिन्त्य और अप्रमेय हैं; इनके समान अन्य कोई कुल नहीं है।

श्लोक 3 (bala.72.3)

सदृशो धर्मसंबन्धः सदृशो रूपसंपदा। रामलक्ष्मणयो राजन् सीता चोर्मिलया सह ॥ १-७२-३ ॥

sadṛśo dharmasaṃbandhaḥ sadṛśo rūpasaṃpadā| rāmalakṣmaṇayo rājan sītā cormilayā saha || 1-72-3 ||

हे राजन्! राम-लक्ष्मण का सीता और ऊर्मिला के साथ यह सम्बन्ध धर्म की दृष्टि से भी उपयुक्त है और रूप-सम्पदा की दृष्टि से भी सर्वथा उपयुक्त है।

श्लोक 4 (bala.72.4)

वक्तव्यं च नरश्रेष्ठ श्रूयतां वचनं मम। भ्राता यवीयान् धर्मज्ञ एष राजा कुशध्वजः ॥ १-७२-४ ॥

vaktavyaṃ ca naraśreṣṭha śrūyatāṃ vacanaṃ mama| bhrātā yavīyān dharmajña eṣa rājā kuśadhvajaḥ || 1-72-4 ||

हे नरश्रेष्ठ! मुझे कुछ और भी कहना है, मेरी बात सुनिए — यह धर्मज्ञ राजा कुशध्वज आपका छोटा भाई है।

श्लोक 5 (bala.72.5)

अस्य धर्मात्मनो राजन् रूपेणाप्रतिमं भुवि। सुताद्वयं नरश्रेष्ठ पत्न्यर्थं वरयामहे ॥ १-७२-५ ॥

asya dharmātmano rājan rūpeṇāpratimaṃ bhuvi| sutādvayaṃ naraśreṣṭha patnyarthaṃ varayāmahe || 1-72-5 ||

हे राजन्! इस धर्मात्मा की दोनों पुत्रियाँ रूप में पृथ्वी पर अप्रतिम हैं; हे नरश्रेष्ठ! हम उन दोनों कन्याओं को पत्नी रूप में वरण करना चाहते हैं।

श्लोक 6 (bala.72.6)

भरतस्य कुमारस्य शत्रुघ्नस्य च धीमतः। वरयेम सुते राजंस्तयोरर्थे महात्मनोः ॥ १-७२-६ ॥

bharatasya kumārasya śatrughnasya ca dhīmataḥ| varayema sute rājaṃstayorarthe mahātmanoḥ || 1-72-6 ||

हे राजन्! राजकुमार भरत और बुद्धिमान् शत्रुघ्न — इन दोनों महात्माओं के निमित्त हम इन दोनों कन्याओं का वरण करें।

श्लोक 7 (bala.72.7)

पुत्रा दशरथस्येमे रूपयौवनशालिनः। लोकपालसमाः सर्वे देवतुल्यपराक्रमाः ॥ १-७२-७ ॥

putrā daśarathasyeme rūpayauvanaśālinaḥ| lokapālasamāḥ sarve devatulyaparākramāḥ || 1-72-7 ||

दशरथ के ये सभी पुत्र रूप और यौवन से सुशोभित हैं, लोकपालों के समान हैं तथा देवताओं के तुल्य पराक्रमी हैं।

श्लोक 8 (bala.72.8)

उभयोरपि राजेन्द्र संबन्धेनानुबध्यताम्। इक्ष्वाकोः कुलमव्यग्रं भवतः पुण्यकर्मणः ॥ १-७२-८ ॥

ubhayorapi rājendra saṃbandhenānubadhyatām| ikṣvākoḥ kulamavyagraṃ bhavataḥ puṇyakarmaṇaḥ || 1-72-8 ||

हे राजेन्द्र! इक्ष्वाकु का निष्कलंक कुल तथा पुण्यकर्मा आपका कुल — दोनों ही इस सम्बन्ध से जुड़ जाएँ।

श्लोक 9 (bala.72.9)

विश्वामित्रवचः श्रुत्वा वसिष्ठस्य मते तदा। जनकः प्रांजलिर्वाक्यमुवाच मुनिपुंगवौ ॥ १-७२-९ ॥

viśvāmitravacaḥ śrutvā vasiṣṭhasya mate tadā| janakaḥ prāṃjalirvākyamuvāca munipuṃgavau || 1-72-9 ||

विश्वामित्र के वचन, जो वसिष्ठ के मत से भी युक्त थे, सुनकर जनक ने हाथ जोड़कर उन दोनों मुनिश्रेष्ठों से यह कहा।

श्लोक 10 (bala.72.10)

कुलं धन्यमिदं मन्ये येषां तौ मुनिपुंगवौ। सदृशं कुलसंबन्धं यदाज्ञापयथः स्वयम् ॥ १-७२-१० ॥

kulaṃ dhanyamidaṃ manye yeṣāṃ tau munipuṃgavau| sadṛśaṃ kulasaṃbandhaṃ yadājñāpayathaḥ svayam || 1-72-10 ||

मैं उस कुल को धन्य मानता हूँ जिसके ये दोनों मुनिश्रेष्ठ कुलगुरु हैं, और आप दोनों स्वयं जिस उपयुक्त कुल-सम्बन्ध की आज्ञा दे रहे हैं।

श्लोक 11 (bala.72.11)

एवं भवतु भद्रं वः कुशध्वजसुते इमे। पत्न्यौ भजेतां सहितौ शत्रुघ्नभरतावुभौ ॥ १-७२-११ ॥

evaṃ bhavatu bhadraṃ vaḥ kuśadhvajasute ime| patnyau bhajetāṃ sahitau śatrughnabharatāvubhau || 1-72-11 ||

ऐसा ही हो, आप सबका कल्याण हो। कुशध्वज की ये दोनों पुत्रियाँ शत्रुघ्न और भरत — दोनों की पत्नियाँ बनें।

श्लोक 12 (bala.72.12)

एकाह्ना राजपुत्रीणां चतसॄणां महामुने। पाणीन् गृह्णन्तु चत्वारो राजपुत्रा महाबलाः ॥ १-७२-१२ ॥

ekāhnā rājaputrīṇāṃ catasṝṇāṃ mahāmune| pāṇīn gṛhṇantu catvāro rājaputrā mahābalāḥ || 1-72-12 ||

हे महामुने! एक ही दिन में इन चारों राजकुमारियों के हाथ, चारों महाबली राजकुमार ग्रहण करें।

श्लोक 13 (bala.72.13)

उत्तरे दिवसे ब्रह्मन् फल्गुनीभ्यां मनीषिणः। वैवाहिकं प्रशंसन्ति भगो यत्र प्रजापतिः ॥ १-७२-१३ ॥

uttare divase brahman phalgunībhyāṃ manīṣiṇaḥ| vaivāhikaṃ praśaṃsanti bhago yatra prajāpatiḥ || 1-72-13 ||

हे ब्रह्मन्! विद्वज्जन फाल्गुनी नक्षत्रों से युक्त उस दिन को विवाह के लिए प्रशंसनीय मानते हैं, जिसमें भग नामक प्रजापति अधिष्ठाता देवता होते हैं।

श्लोक 14 (bala.72.14)

एवमुक्त्वा वचः सौम्यं प्रत्युत्थाय कृतांजलिः। उभौ मुनिवरौ राजा जनको वाक्यमब्रवीत् ॥ १-७२-१४ ॥

evamuktvā vacaḥ saumyaṃ pratyutthāya kṛtāṃjaliḥ| ubhau munivarau rājā janako vākyamabravīt || 1-72-14 ||

इस प्रकार सौम्य वचन कहकर राजा जनक उठ खड़े हुए और हाथ जोड़कर उन दोनों श्रेष्ठ मुनियों से यह वचन कहा।

श्लोक 15 (bala.72.15)

परो धर्मः कृतो मह्यं शिष्योऽस्मि भवतोः सदा। इमान्यासनमुख्यानि आस्यतां मुनिपुंगवौ ॥ १-७२-१५ ॥

paro dharmaḥ kṛto mahyaṃ śiṣyo'smi bhavatoḥ sadā| imānyāsanamukhyāni āsyatāṃ munipuṃgavau || 1-72-15 ||

आप दोनों ने मुझ पर परम अनुग्रह किया है, मैं सदा आप दोनों का शिष्य हूँ। हे मुनिश्रेष्ठो! इन प्रमुख आसनों पर विराजिए।

श्लोक 16 (bala.72.16)

यथा दशरथस्येयं तथाऽयोध्या पुरी मम। प्रभुत्वे नास्ति सन्देहो यथार्हं कर्तुमर्हथ ॥ १-७२-१६ ॥

yathā daśarathasyeyaṃ tathā'yodhyā purī mama| prabhutve nāsti sandeho yathārhaṃ kartumarhatha || 1-72-16 ||

जैसे यह नगरी दशरथ की है, वैसे ही अयोध्या नगरी भी मेरी है। इस अधिकार में कोई सन्देह नहीं है, आप जैसा उचित समझें वैसा कीजिए।

श्लोक 17 (bala.72.17)

तथा ब्रुवति वैदेहे जनके रघुनंदनः। राजा दशरथो हृष्टः प्रत्युवाच महीपतिम् ॥ १-७२-१७ ॥

tathā bruvati vaidehe janake raghunaṃdanaḥ| rājā daśaratho hṛṣṭaḥ pratyuvāca mahīpatim || 1-72-17 ||

वैदेह जनक के इस प्रकार कहने पर, रघुकुल के राजा दशरथ ने प्रसन्न होकर उस भूपति को उत्तर दिया।

श्लोक 18 (bala.72.18)

युवामसंख्येयगुणौ भ्रातरौ मिथिलेश्वरौ। ऋषयो राजसंघाश्च भवद्भ्यामभिपूजिताः ॥ १-७२-१८ ॥

yuvāmasaṃkhyeyaguṇau bhrātarau mithileśvarau| ṛṣayo rājasaṃghāśca bhavadbhyāmabhipūjitāḥ || 1-72-18 ||

हे मिथिलेश्वरो! आप दोनों भाइयों के गुण असंख्य हैं; आप दोनों के द्वारा ऋषिगण और राजाओं के समूह — सभी सम्मानित हुए हैं।

श्लोक 19 (bala.72.19)

स्वस्ति प्राप्नुहि भद्रं ते गमिष्यामः स्वमालयम्। श्राद्धकर्माणि विधिवत् विधास्येति चाब्रवीत् ॥ १-७२-१९ ॥

svasti prāpnuhi bhadraṃ te gamiṣyāmaḥ svamālayam| śrāddhakarmāṇi vidhivat vidhāsyeti cābravīt || 1-72-19 ||

"आपका कल्याण हो, हम अपने निवास-स्थान जाते हैं और वहाँ विधिपूर्वक श्राद्ध-कर्म सम्पन्न करेंगे" — ऐसा उन्होंने कहा।

श्लोक 20 (bala.72.20)

तमापृष्ट्वा नरपतिं राजा दशरथस्तदा। मुनीन्द्रौ तौ पुरस्कृत्य जगामाशु महायशाः ॥ १-७२-२० ॥

tamāpṛṣṭvā narapatiṃ rājā daśarathastadā| munīndrau tau puraskṛtya jagāmāśu mahāyaśāḥ || 1-72-20 ||

उस राजा से अनुमति लेकर महायशस्वी राजा दशरथ उन दोनों मुनिश्रेष्ठों को आगे करके शीघ्र ही अपने निवास को चले गए।

श्लोक 21 (bala.72.21)

स गत्वा निलयं राजा श्राद्धं कृत्वा विधानतः। प्रभाते काल्यमुत्थाय चक्रे गोदानमुत्तमम् ॥ १-७२-२१ ॥

sa gatvā nilayaṃ rājā śrāddhaṃ kṛtvā vidhānataḥ| prabhāte kālyamutthāya cakre godānamuttamam || 1-72-21 ||

वे राजा अपने निवास-स्थान जाकर विधिपूर्वक श्राद्ध सम्पन्न कर, प्रातःकाल शीघ्र उठकर उत्तम गोदान-संस्कार सम्पन्न किया।

श्लोक 22 (bala.72.22)

गवां शतसहस्रं च ब्राह्मणेभ्यो नराधिपः। एकैकशो ददौ राजा पुत्रानुद्दिश्य धर्मतः ॥ १-७२-२२ ॥

gavāṃ śatasahasraṃ ca brāhmaṇebhyo narādhipaḥ| ekaikaśo dadau rājā putrānuddiśya dharmataḥ || 1-72-22 ||

उस नरेश ने धर्मपूर्वक अपने प्रत्येक पुत्र के निमित्त एक-एक लाख गौएँ ब्राह्मणों को दान में दीं।

श्लोक 23 (bala.72.23)

सुवर्णशृंगाः संपन्नाः सवत्साः कांस्यदोहनाः। गवां शतसहस्राणि चत्वारि पुरुषर्षभः ॥ १-७२-२३ ॥

suvarṇaśṛṃgāḥ saṃpannāḥ savatsāḥ kāṃsyadohanāḥ| gavāṃ śatasahasrāṇi catvāri puruṣarṣabhaḥ || 1-72-23 ||

हे पुरुषश्रेष्ठ! सुवर्णमंडित सींगोंवाली, सम्पन्न, बछड़ों सहित तथा काँसे के दोहन-पात्रों के साथ — ऐसी चार लाख गौएँ उन्होंने दान कीं।

श्लोक 24 (bala.72.24)

वित्तमन्यच्च सुबहु द्विजेभ्यो रघुनंदनः। ददौ गोदानमुद्दिश्य पुत्रा पुत्रवत्सलः ॥ १-७२-२४ ॥

vittamanyacca subahu dvijebhyo raghunaṃdanaḥ| dadau godānamuddiśya putrā putravatsalaḥ || 1-72-24 ||

पुत्रों पर स्नेह रखने वाले रघुनन्दन दशरथ ने गोदान के अवसर पर पुत्रों के निमित्त ब्राह्मणों को अन्य भी बहुत सा धन दिया।

श्लोक 25 (bala.72.25)

सु सुतैः कृतगोदानैर्वृतः सः नृपतिस्तदा। लोकपालैरिवाभाति वृतः सौम्यः प्रजापतिः ॥ १-७२-२५ ॥

su sutaiḥ kṛtagodānairvṛtaḥ saḥ nṛpatistadā| lokapālairivābhāti vṛtaḥ saumyaḥ prajāpatiḥ || 1-72-25 ||

गोदान-संस्कार से युक्त अपने पुत्रों से घिरे हुए वे राजा उस समय ऐसे सुशोभित हो रहे थे जैसे लोकपालों से घिरे हुए सौम्य प्रजापति सुशोभित होते हैं।