चारों राजकुमारों का विवाह

श्लोक 1 (bala.73.1)

यस्मिंस्तु दिवसे राजा चक्रे गोदानमुत्तमम्। तस्मिंस्तु दिवसे शूरो युधाजित् समुपेयिवान् ॥ १-७३-१ ॥

yasmiṃstu divase rājā cakre godānamuttamam| tasmiṃstu divase śūro yudhājit samupeyivān || 1-73-1 ||

जिस दिन राजा दशरथ ने उत्तम गोदान-संस्कार सम्पन्न किया, उसी दिन शूरवीर युधाजित वहाँ आ पहुँचे।

श्लोक 2 (bala.73.2)

पुत्रः केकयराजस्य साक्षाद्भरतमातुलः। दृष्ट्वा पृष्ट्वा च कुशलं राजानमिदमब्रवीत् ॥ १-७३-२ ॥

putraḥ kekayarājasya sākṣādbharatamātulaḥ| dṛṣṭvā pṛṣṭvā ca kuśalaṃ rājānamidamabravīt || 1-73-2 ||

केकयराज के पुत्र और साक्षात् भरत के मामा युधाजित ने राजा दशरथ को देखकर तथा कुशल-क्षेम पूछकर यह कहा।

श्लोक 3 (bala.73.3)

केकयाधिपती राजा स्नेहात् कुशलमब्रवीत्। येषां कुशलकामोऽसि तेषां संप्रत्यनामयम् ॥ १-७३-३ ॥

kekayādhipatī rājā snehāt kuśalamabravīt| yeṣāṃ kuśalakāmo'si teṣāṃ saṃpratyanāmayam || 1-73-3 ||

केकयराज ने स्नेहपूर्वक आपकी कुशलता पूछी है; जिनकी कुशलता की आप कामना करते हैं, वे सब इस समय सकुशल हैं।

श्लोक 4 (bala.73.4)

स्वस्रीयं मम राजेन्द्र द्रष्टुकामो महीपतिः। तदर्थमुपयातोऽहमयोध्यां रघुनंदन ॥ १-७३-४ ॥

svasrīyaṃ mama rājendra draṣṭukāmo mahīpatiḥ| tadarthamupayāto'hamayodhyāṃ raghunaṃdana || 1-73-4 ||

हे राजेन्द्र! वे राजा — मेरे पिता — अपनी भांजे को देखना चाहते हैं; हे रघुनन्दन! इसी कारण मैं अयोध्या आया था।

श्लोक 5 (bala.73.5)

श्रुत्वा त्वहमयोध्यायां विवाहार्थं तवात्मजान्। मिथिलामुपयातांस्तु त्वया सह महीपते ॥ १-७३-५ ॥

śrutvā tvahamayodhyāyāṃ vivāhārthaṃ tavātmajān| mithilāmupayātāṃstu tvayā saha mahīpate || 1-73-5 ||

किन्तु हे महीपते! अयोध्या में यह सुनकर कि आपके पुत्र विवाह के निमित्त आपके साथ मिथिला गए हैं—

श्लोक 6 (bala.73.6)

त्वरयाभ्युपयातोऽहं द्रष्टुकामः स्वसुः सुतम्। अथ राजा दशरथः प्रियातिथिमुपस्थितम् ॥ १-७३-६ ॥

tvarayābhyupayāto'haṃ draṣṭukāmaḥ svasuḥ sutam| atha rājā daśarathaḥ priyātithimupasthitam || 1-73-6 ||

—मैं शीघ्रता से यहाँ चला आया, अपनी बहन के पुत्र को देखने की इच्छा से। तब राजा दशरथ ने उस प्रिय अतिथि को अपने समक्ष उपस्थित देखकर—

श्लोक 7 (bala.73.7)

दृष्ट्वा परमसत्कारैः पूजार्हं समपूजयत्। ततस्तामुषितो रात्रिं सह पुत्रैर्महात्मभिः ॥ १-७३-७ ॥

dṛṣṭvā paramasatkāraiḥ pūjārhaṃ samapūjayat| tatastāmuṣito rātriṃ saha putrairmahātmabhiḥ || 1-73-7 ||

—उसे देखकर परम सत्कार के योग्य उस अतिथि का भलीभाँति सत्कार किया। फिर वह रात्रि अपने महात्मा पुत्रों के साथ वहीं व्यतीत करके—

श्लोक 8 (bala.73.8)

प्रभाते पुनरुत्थाय कृत्वा कर्माणि तत्त्ववित्। ऋषींस्तदा पुरस्कृत्य यज्ञवाटमुपागमत् ॥ १-७३-८ ॥

prabhāte punarutthāya kṛtvā karmāṇi tattvavit| ṛṣīṃstadā puraskṛtya yajñavāṭamupāgamat || 1-73-8 ||

—तत्त्ववेत्ता राजा दशरथ प्रातःकाल पुनः उठकर नित्यकर्म सम्पन्न कर, ऋषियों को आगे करके यज्ञशाला में पहुँचे।

श्लोक 9 (bala.73.9)

युक्ते मुहूर्ते विजये सर्वाभरणभूषितैः। भ्रातृभिः सहितो रामः कृतकौतुकमंगलः ॥ १-७३-९ ॥

yukte muhūrte vijaye sarvābharaṇabhūṣitaiḥ| bhrātṛbhiḥ sahito rāmaḥ kṛtakautukamaṃgalaḥ || 1-73-9 ||

'विजय' नामक शुभ मुहूर्त में, सब प्रकार के आभूषणों से विभूषित तथा कौतुक-मंगल सम्पन्न किए हुए भाइयों सहित श्रीराम—

श्लोक 10 (bala.73.10)

वसिष्ठं पुरतः कृत्वा महर्षीनपरानपि। वशिष्ठो भगवानेत्य वैदेहमिदमब्रवीत् ॥ १-७३-१० ॥

vasiṣṭhaṃ purataḥ kṛtvā maharṣīnaparānapi| vaśiṣṭho bhagavānetya vaidehamidamabravīt || 1-73-10 ||

—वसिष्ठजी तथा अन्य महर्षियों को आगे करके यज्ञशाला से आए। भगवान् वसिष्ठ ने वहाँ पहुँचकर विदेहराज जनक से यह कहा।

श्लोक 11 (bala.73.11)

राजा दशरथो राजन् कृतकौतुकमङ्गलैः। पुत्रैर्नरवरश्रेष्ठ दातारमभिकांक्षते ॥ १-७३-११ ॥

rājā daśaratho rājan kṛtakautukamaṅgalaiḥ| putrairnaravaraśreṣṭha dātāramabhikāṃkṣate || 1-73-11 ||

हे नरवरश्रेष्ठ राजन्! कौतुक-मंगल सम्पन्न किए हुए पुत्रों सहित राजा दशरथ अब दाता की प्रतीक्षा कर रहे हैं।

श्लोक 12 (bala.73.12)

दातृप्रतिग्रहीतृभ्यां सर्वार्थाः संभवन्ति हि। स्वधर्मं प्रतिपद्यस्व कृत्वा वैवाह्यमुत्तमम् ॥ १-७३-१२ ॥

dātṛpratigrahītṛbhyāṃ sarvārthāḥ saṃbhavanti hi| svadharmaṃ pratipadyasva kṛtvā vaivāhyamuttamam || 1-73-12 ||

क्योंकि दाता और प्रतिग्रहीता दोनों के योग से ही सभी प्रयोजन सिद्ध होते हैं; अतः अपने धर्म का पालन करते हुए इस उत्तम विवाह को सम्पन्न कीजिए।

श्लोक 13 (bala.73.13)

इत्युक्तः परमोदारो वसिष्ठेन महात्मना। प्रत्युवाच महातेजा वाक्यं परमधर्मवित् ॥ १-७३-१३ ॥

ityuktaḥ paramodāro vasiṣṭhena mahātmanā| pratyuvāca mahātejā vākyaṃ paramadharmavit || 1-73-13 ||

महात्मा और उदार वसिष्ठ के द्वारा इस प्रकार कहे जाने पर, परम धर्मज्ञ और महातेजस्वी राजा जनक ने यह उत्तर दिया।

श्लोक 14 (bala.73.14)

कः स्थितः प्रतिहारो मे कस्याज्ञा संप्रतीक्ष्यते। स्वगृहे को विचारोऽस्ति यथा राज्यमिदं तव ॥ १-७३-१४ ॥

kaḥ sthitaḥ pratihāro me kasyājñā saṃpratīkṣyate| svagṛhe ko vicāro'sti yathā rājyamidaṃ tava || 1-73-14 ||

मेरा कौन-सा द्वारपाल यहाँ खड़ा है? किसकी आज्ञा की प्रतीक्षा की जा रही है? अपने ही घर में क्या संकोच? यह राज्य तो आपका ही है।

श्लोक 15 (bala.73.15)

कृतकौतुकसर्वस्वा वेदिमूलमुपागताः। मम कन्या मुनिश्रेष्ठ दीप्ता वह्नेरिवार्चिषः ॥ १-७३-१५ ॥

kṛtakautukasarvasvā vedimūlamupāgatāḥ| mama kanyā muniśreṣṭha dīptā vahnerivārciṣaḥ || 1-73-15 ||

हे मुनिश्रेष्ठ! अपने सम्पूर्ण कौतुक-कृत्य सम्पन्न करके मेरी कन्याएँ वेदी के समीप आ चुकी हैं, जो अग्नि की ज्वालाओं के समान देदीप्यमान हैं।

श्लोक 16 (bala.73.16)

सद्योऽहं त्वत्प्रतीक्षोऽस्मि वेद्यामस्यां प्रतिष्ठितः। अविघ्नं कुरुतां राजा किमर्थं हि विलम्ब्यते ॥ १-७३-१६ ॥

sadyo'haṃ tvatpratīkṣo'smi vedyāmasyāṃ pratiṣṭhitaḥ| avighnaṃ kurutāṃ rājā kimarthaṃ hi vilambyate || 1-73-16 ||

मैं इसी क्षण से इस वेदी पर स्थित होकर केवल आपकी ही प्रतीक्षा कर रहा हूँ। राजा दशरथ निर्विघ्न होकर आएँ — विलम्ब किस कारण हो रहा है?

श्लोक 17 (bala.73.17)

तद्वाक्यं जनकेनोक्तं श्रुत्वा दशरथस्तदा। प्रवेशयामास सुतान् सर्वानृषिगणानपि ॥ १-७३-१७ ॥

tadvākyaṃ janakenoktaṃ śrutvā daśarathastadā| praveśayāmāsa sutān sarvānṛṣigaṇānapi || 1-73-17 ||

जनक के इस प्रकार कहे गए वचन सुनकर, राजा दशरथ ने अपने सभी पुत्रों को समस्त ऋषिसमूह के साथ भीतर प्रवेश कराया।

श्लोक 18 (bala.73.18)

ततो राजा विदेहानां वशिष्ठमिदमब्रवीत्। कारयस्व ऋषे सर्वानृषिभिः सह धार्मिक ॥ १-७३-१८ ॥

tato rājā videhānāṃ vaśiṣṭhamidamabravīt| kārayasva ṛṣe sarvānṛṣibhiḥ saha dhārmika || 1-73-18 ||

तब विदेहनरेश जनक ने वसिष्ठजी से यह कहा — 'हे धर्मात्मन् ऋषे! अन्य सभी ऋषियों के साथ आप सम्पन्न कराइए—'

श्लोक 19 (bala.73.19)

रामस्य लोकरामस्य क्रियां वैवाहिकीं प्रभो। तथेत्युक्त्वा तु जनकं वशिष्ठो भगवानृषिः ॥ १-७३-१९ ॥

rāmasya lokarāmasya kriyāṃ vaivāhikīṃ prabho| tathetyuktvā tu janakaṃ vaśiṣṭho bhagavānṛṣiḥ || 1-73-19 ||

'—हे प्रभो! लोकरमणीय श्रीराम का विवाह-कर्म सम्पन्न कीजिए।' 'तथास्तु' कहकर भगवान् ऋषि वसिष्ठ ने जनक से—

श्लोक 20 (bala.73.20)

विश्वामित्रं पुरस्कृत्य शतानंदं च धार्मिकम्। प्रपामध्ये तु विधिवद्वेदीं कृत्वा महातपाः ॥ १-७३-२० ॥

viśvāmitraṃ puraskṛtya śatānaṃdaṃ ca dhārmikam| prapāmadhye tu vidhivadvedīṃ kṛtvā mahātapāḥ || 1-73-20 ||

—विश्वामित्र और धर्मात्मा शतानन्द को आगे करके, उस महातपस्वी वसिष्ठ ने मंडप के मध्य में विधिपूर्वक वेदी का निर्माण किया।

श्लोक 21 (bala.73.21)

अलञ्चकार तां वेदीं गन्धपुष्पैः समंततः। सुवर्णपालिकाभिश्च चित्रकुम्भैश्च साङ्कुरैः ॥ १-७३-२१ ॥

alañcakāra tāṃ vedīṃ gandhapuṣpaiḥ samaṃtataḥ| suvarṇapālikābhiśca citrakumbhaiśca sāṅkuraiḥ || 1-73-21 ||

उस वेदी को उन्होंने चारों ओर सुगन्धित पुष्पों से, सुवर्णमय पात्रों से तथा अंकुरों से युक्त चित्रित कलशों से अलंकृत किया।

श्लोक 22 (bala.73.22)

अंकुराढ्यैः शरावैश्च धूपपात्रैः सधूपकैः। शंखपात्रैः श्रुवैः स्रुग्भिः पात्रैरर्घ्यादिपूजितैः ॥ १-७३-२२ ॥

aṃkurāḍhyaiḥ śarāvaiśca dhūpapātraiḥ sadhūpakaiḥ| śaṃkhapātraiḥ śruvaiḥ srugbhiḥ pātrairarghyādipūjitaiḥ || 1-73-22 ||

अंकुरों से भरे शरावों से, धूपपात्रों से, शंखाकार पात्रों से, श्रुव और स्रुक् नामक हवन-चम्मचों से तथा अर्घ्यादि से पूजित पात्रों से भी अलंकृत किया।

श्लोक 23 (bala.73.23)

लाजपूर्णैश्च पात्रीभिरक्षितैरपि संस्कृतैः। दर्भैः समैः समास्तीर्य विधिवन्मंत्रपूर्वकम् ॥ १-७३-२३ ॥

lājapūrṇaiśca pātrībhirakṣitairapi saṃskṛtaiḥ| darbhaiḥ samaiḥ samāstīrya vidhivanmaṃtrapūrvakam || 1-73-23 ||

लावा से भरे हुए पात्रों से, संस्कारित अक्षतों से, और समान दर्भों को विधिपूर्वक मन्त्रोच्चारण के साथ बिछाकर—

श्लोक 24 (bala.73.24)

अग्निमाधाय तं वेद्यां विधिमंत्रपुरस्कृतम्। जुहावाग्नौ महातेजा वशिष्ठो मुनिपुंगव ॥ १-७३-२४ ॥

agnimādhāya taṃ vedyāṃ vidhimaṃtrapuraskṛtam| juhāvāgnau mahātejā vaśiṣṭho munipuṃgava || 1-73-24 ||

—विधि-मन्त्रपूर्वक उस वेदी पर अग्नि की स्थापना करके, महातेजस्वी मुनिश्रेष्ठ वसिष्ठ ने अग्नि में आहुतियाँ दीं।

श्लोक 25 (bala.73.25)

ततः सीतां समानीय सर्वाभरणभूषिताम्। समक्षमग्नेः संस्थाप्य राघवाभिमुखे तदा ॥ १-७३-२५ ॥

tataḥ sītāṃ samānīya sarvābharaṇabhūṣitām| samakṣamagneḥ saṃsthāpya rāghavābhimukhe tadā || 1-73-25 ||

तत्पश्चात् सम्पूर्ण आभूषणों से विभूषित सीता को लाकर, अग्नि के समक्ष श्रीराम के सम्मुख खड़ा करके—

श्लोक 26 (bala.73.26)

अब्रवीज्जनको राजा कौसल्यानंदवर्धनम्। इयं सीता मम सुता सहधर्मचरी तव ॥ १-७३-२६ ॥

abravījjanako rājā kausalyānaṃdavardhanam| iyaṃ sītā mama sutā sahadharmacarī tava || 1-73-26 ||

—राजा जनक ने कौसल्या के आनन्द को बढ़ाने वाले श्रीराम से कहा — 'यह सीता मेरी पुत्री है, यह आपकी सहधर्मचारिणी होगी।'

श्लोक 27 (bala.73.27)

प्रतीच्छ चैनां भद्रं ते पाणिं गृह्णीष्व पाणिना। पतिव्रता महभागा छायेवानुगता सदा ॥ १-७३-२७ ॥

pratīccha caināṃ bhadraṃ te pāṇiṃ gṛhṇīṣva pāṇinā| pativratā mahabhāgā chāyevānugatā sadā || 1-73-27 ||

'इसे ग्रहण कीजिए — आपका कल्याण हो; अपने हाथ से इसका हाथ ग्रहण कीजिए। यह पतिव्रता, परम सौभाग्यशालिनी सदा आपकी छाया के समान अनुगमन करेगी।'

श्लोक 28 (bala.73.28)

इत्युक्त्वा प्राक्षिपद्राजा मंत्रपूतं जलं तदा। साधु साध्विति देवानामृषीणां वदतां तदा ॥ १-७३-२८ ॥

ityuktvā prākṣipadrājā maṃtrapūtaṃ jalaṃ tadā| sādhu sādhviti devānāmṛṣīṇāṃ vadatāṃ tadā || 1-73-28 ||

ऐसा कहकर राजा जनक ने उस समय मन्त्रपूत जल छिड़का; तब देवताओं और ऋषियों ने 'साधु, साधु' कहा।

श्लोक 29 (bala.73.29)

देवदुंदुभिनिर्घोषः पुष्पवर्षो महानभूत्। एवं दत्त्वा सुतां सीतां मंत्रोदकपुरस्कृताम् ॥ १-७३-२९ ॥

devaduṃdubhinirghoṣaḥ puṣpavarṣo mahānabhūt| evaṃ dattvā sutāṃ sītāṃ maṃtrodakapuraskṛtām || 1-73-29 ||

दिव्य दुन्दुभियों की ध्वनि हुई और पुष्पों की महती वर्षा हुई। इस प्रकार मन्त्रपूत जल के साथ अपनी पुत्री सीता को देकर—

श्लोक 30 (bala.73.30)

अब्रवीज्जनको राजा हर्षेणाभिपरिप्लुतः। लक्ष्मणागच्छ भद्रं ते ऊर्मिलामुद्यतां मया ॥ १-७३-३० ॥

abravījjanako rājā harṣeṇābhipariplutaḥ| lakṣmaṇāgaccha bhadraṃ te ūrmilāmudyatāṃ mayā || 1-73-30 ||

—राजा जनक ने हर्ष से अभिभूत होकर कहा — 'हे लक्ष्मण! आइए, आपका कल्याण हो; यह ऊर्मिला मेरे द्वारा आपको अर्पित है।'

श्लोक 31 (bala.73.31)

प्रतीच्छ पाणिं गृह्णीष्व मा भूत् कालस्य पर्ययः। तमेवमुक्त्वा जनको भरतं चाभ्यभाषत ॥ १-७३-३१ ॥

pratīccha pāṇiṃ gṛhṇīṣva mā bhūt kālasya paryayaḥ| tamevamuktvā janako bharataṃ cābhyabhāṣata || 1-73-31 ||

'इसे स्वीकार कीजिए, इसका हाथ ग्रहण कीजिए — शुभ समय व्यतीत न हो।' उन्हें इस प्रकार कहकर जनक ने भरत से कहा।

श्लोक 32 (bala.73.32)

गृहाण पाणिं माण्डव्याः पाणिना रघुनंदन। शत्रुघ्नं चापि धर्मात्मा अब्रवीन्मिथिलेश्वरः ॥ १-७३-३२ ॥

gṛhāṇa pāṇiṃ māṇḍavyāḥ pāṇinā raghunaṃdana| śatrughnaṃ cāpi dharmātmā abravīnmithileśvaraḥ || 1-73-32 ||

'हे रघुनन्दन! माण्डवी का हाथ अपने हाथ से ग्रहण कीजिए।' और धर्मात्मा मिथिलेश्वर ने शत्रुघ्न से भी कहा—

श्लोक 33 (bala.73.33)

श्रुतकीर्तेर्महाबाहो पाणिं गृह्णीष्व पाणिना। सर्वे भवन्तः सौम्याश्च सर्वे सुचरितव्रताः ॥ १-७३-३३ ॥

śrutakīrtermahābāho pāṇiṃ gṛhṇīṣva pāṇinā| sarve bhavantaḥ saumyāśca sarve sucaritavratāḥ || 1-73-33 ||

'हे महाबाहो! श्रुतकीर्ति का हाथ अपने हाथ से ग्रहण कीजिए। आप सब सौम्य स्वभाव वाले तथा उत्तम व्रतों का पालन करने वाले हैं।'

श्लोक 34 (bala.73.34)

पत्नीभिः सन्तु काकुत्स्था मा भूत्कालस्य पर्ययः। जनकस्य वचः श्रुत्वा पाणीन् पाणिभिरस्पृशन् ॥ १-७३-३४ ॥

patnībhiḥ santu kākutsthā mā bhūtkālasya paryayaḥ| janakasya vacaḥ śrutvā pāṇīn pāṇibhiraspṛśan || 1-73-34 ||

'हे काकुत्स्थो! अपनी-अपनी पत्नियों को ग्रहण कीजिए, शुभ समय व्यतीत न हो।' जनक के इन वचनों को सुनकर उन सबने अपने-अपने हाथों से उनके हाथों का स्पर्श किया।

श्लोक 35 (bala.73.35)

चत्वारस्ते चतसॄणां वसिष्ठस्य मते स्थिताः। अग्निं प्रदक्षिणं कृत्वा वेदिं राजानमेव च ॥ १-७३-३५ ॥

catvāraste catasṝṇāṃ vasiṣṭhasya mate sthitāḥ| agniṃ pradakṣiṇaṃ kṛtvā vediṃ rājānameva ca || 1-73-35 ||

वसिष्ठजी के निर्देशानुसार स्थित उन चारों वरों ने चारों वधुओं के साथ अग्नि की, वेदी की तथा राजा जनक की भी प्रदक्षिणा की—

श्लोक 36 (bala.73.36)

ऋषींश्चैव महात्मानः सहभार्या रघूद्वहाः। यथोक्तेन तथा चक्रुर्विवाहं विधिपूर्वकम् ॥ १-७३-३६ ॥

ṛṣīṃścaiva mahātmānaḥ sahabhāryā raghūdvahāḥ| yathoktena tathā cakrurvivāhaṃ vidhipūrvakam || 1-73-36 ||

—तथा महर्षियों की भी। उन महात्मा रघुवंशियों ने अपनी-अपनी पत्नियों सहित, जैसा निर्देश दिया गया था, वैसे ही विधिपूर्वक विवाह सम्पन्न किया।

श्लोक 37 (bala.73.37)

पुष्पवृष्टिर्महत्यासीदन्तरिक्षात्सुभास्वरा। दिव्यदुन्दुभिनिर्घोषैर्गीतवादित्रनिःस्वनैः ॥ १-७३-३७ ॥

puṣpavṛṣṭirmahatyāsīdantarikṣātsubhāsvarā| divyadundubhinirghoṣairgītavāditraniḥsvanaiḥ || 1-73-37 ||

आकाश से अत्यन्त देदीप्यमान पुष्पों की महती वर्षा हुई, साथ ही दिव्य दुन्दुभियों की ध्वनि तथा गीत-वाद्यों की स्वर-लहरियाँ गूँज उठीं।

श्लोक 38 (bala.73.38)

ननृतुश्चाप्सरःसंघा गन्धर्वाश्च जगुः कलम्। विवाहे रघुमुख्यानां तदद्भुतमदृश्यत ॥ १-७३-३८ ॥

nanṛtuścāpsaraḥsaṃghā gandharvāśca jaguḥ kalam| vivāhe raghumukhyānāṃ tadadbhutamadṛśyata || 1-73-38 ||

अप्सराओं के समूह नृत्य करने लगे और गन्धर्व मधुर स्वर में गाने लगे; रघुकुल के इन श्रेष्ठ राजकुमारों के विवाह में यह अद्भुत दृश्य देखा गया।

श्लोक 39 (bala.73.39)

ईदृशे वर्तमाने तु तूर्योद्घुष्टनिनादिते। त्रिरग्निं ते परिक्रम्य ऊहुर्भार्या महौजसः ॥ १-७३-३९ ॥

īdṛśe vartamāne tu tūryodghuṣṭaninādite| triragniṃ te parikramya ūhurbhāryā mahaujasaḥ || 1-73-39 ||

इस प्रकार तुरही की ध्वनि से गूँजते हुए इस उत्सव के मध्य, उन महातेजस्वी राजकुमारों ने अग्नि की तीन बार परिक्रमा करके अपनी-अपनी पत्नियों को ग्रहण किया।

श्लोक 40 (bala.73.40)

अथोपकार्यां जग्मुस्ते स दारा रघुनंदनाः। राजाप्यनुययौ पश्यन् सर्षिसंघः सबान्धवः ॥ १-७३-४० ॥

athopakāryāṃ jagmuste sa dārā raghunaṃdanāḥ| rājāpyanuyayau paśyan sarṣisaṃghaḥ sabāndhavaḥ || 1-73-40 ||

तत्पश्चात् वे रघुनन्दन अपनी-अपनी पत्नियों सहित अपने निवास-स्थान को गए, और राजा दशरथ भी ऋषिसमूह तथा बन्धु-बान्धवों सहित उन्हें देखते हुए उनके पीछे-पीछे चले।