वालि-वध

श्लोक 1 (kishkindha.16.1)

तामेवं ब्रुवतीं तारां ताराधिपनिभाननाम् । वाली निर्भर्त्सयामास वचनं चेदमब्रवीत् ॥ 16.1 ॥

tāmevaṃ bruvatīṃ tārāṃ tārādhipanibhānanām | vālī nirbhartsayāmāsa vacanaṃ cedamabravīt || 16.1 ||

ताराधिप के समान मुखवाली तारा जब यह बोल ही रही थी, तब वाली ने उसे डाँटते हुए यह वचन कहा।

श्लोक 2 (kishkindha.16.2)

गर्जतोऽस्य सुसंरब्धं भ्रातुः शत्रोर्विशेषतः । मर्षयिष्यामि केनापि कारणेन वरानने ॥ 16.2 ॥

garjato'sya susaṃrabdhaṃ bhrātuḥ śatrorviśeṣataḥ | marṣayiṣyāmi kenāpi kāraṇena varānane || 16.2 ||

"हे सुन्दरी! यह मेरा भाई अवश्य है, किन्तु अब विशेष रूप से मेरा शत्रु बन बैठा है — इसकी इस उन्मत्त गर्जना को मैं किस कारण सह लूँ, बताओ।"

श्लोक 3 (kishkindha.16.3)

अधर्षितानां शूराणां समरेष्वनिवर्तिनाम् । धर्षणामर्षणं भीरु मरणादतिरिच्यते ॥ 16.3 ॥

adharṣitānāṃ śūrāṇāṃ samareṣvanivartinām | dharṣaṇāmarṣaṇaṃ bhīru maraṇādatiricyate || 16.3 ||

"हे भीरु! युद्ध में पीछे न हटने वाले और कभी पराजित न होने वाले शूरवीरों के लिए ललकार सहना मृत्यु से भी बढ़कर है।"

श्लोक 4 (kishkindha.16.4)

सोढुं न च समर्थोऽहं युद्धकामस्य संयुगे । सुग्रीवस्य च संरम्भं हीनग्रीवस्य गर्जितम् ॥ 16.4 ॥

soḍhuṃ na ca samartho'haṃ yuddhakāmasya saṃyuge | sugrīvasya ca saṃrambhaṃ hīnagrīvasya garjitam || 16.4 ||

"युद्ध की इच्छा से गरजते हुए इस नीच-कण्ठ सुग्रीव के इस आवेश को इस द्वंद्व-युद्ध में सहन करने में मैं असमर्थ हूँ।"

श्लोक 5 (kishkindha.16.5)

न च कार्यो विषादस्ते राघवं प्रति मत्कृते । धर्मज्ञश्च कृतज्ञश्च कथं पापं करिष्यति ॥ 16.5 ॥

na ca kāryo viṣādaste rāghavaṃ prati matkṛte | dharmajñaśca kṛtajñaśca kathaṃ pāpaṃ kariṣyati || 16.5 ||

"और मेरे कारण राघव तुम्हें कोई हानि पहुँचाएँगे, इसकी चिन्ता मत करो — धर्मज्ञ और कृतज्ञ पुरुष भला पाप कैसे करेगा?"

श्लोक 6 (kishkindha.16.6)

निवर्तस्व सह स्त्रीभिः कथं भूयोऽनुगच्छसि । सौहृदं दर्शितं तावन्मयि भक्तिस्त्वया कृता ॥ 16.6 ॥

nivartasva saha strībhiḥ kathaṃ bhūyo'nugacchasi | sauhṛdaṃ darśitaṃ tāvanmayi bhaktistvayā kṛtā || 16.6 ||

"इन स्त्रियों के साथ लौट जाओ, फिर मेरे पीछे-पीछे क्यों आती हो? तुमने अपना स्नेह और भक्ति मुझे भलीभाँति दिखा दी है।"

श्लोक 7 (kishkindha.16.7)

प्रतियोत्स्याम्यहं गत्वा सुग्रीवं जहि सम्भ्रमम् । दर्पं चास्य विनेष्यामि न च प्राणैर्वियोक्ष्यते ॥ 16.7 ॥

pratiyotsyāmyahaṃ gatvā sugrīvaṃ jahi sambhramam | darpaṃ cāsya vineṣyāmi na ca prāṇairviyokṣyate || 16.7 ||

"मैं स्वयं जाकर सुग्रीव से युद्ध करूँगा, तुम अपनी घबराहट त्याग दो। मैं उसका दर्प भी चूर करूँगा, किन्तु उसके प्राण नहीं लूँगा।"

श्लोक 8 (kishkindha.16.8)

अहं ह्याजिस्थितस्यास्य करिष्यामि यदीप्सितम् । वृक्षैर्मुष्टिप्रहारैश्च पीडितः प्रतियास्यति ॥ 16.8 ॥

ahaṃ hyājisthitasyāsya kariṣyāmi yadīpsitam | vṛkṣairmuṣṭiprahāraiśca pīḍitaḥ pratiyāsyati || 16.8 ||

"चूँकि वह युद्ध के लिए डटकर खड़ा है, इसलिए मैं उसकी इच्छा ही पूरी करूँगा — वृक्षों और मुक्कों की मार से पीड़ित होकर वह लौट जाएगा।"

श्लोक 9 (kishkindha.16.9)

न मे गर्वितमायस्तं सहिष्यति दुरात्मवान् । कृतं तारे सहायत्वं दर्शितं सौहृदं मयि ॥ 16.9 ॥

na me garvitamāyastaṃ sahiṣyati durātmavān | kṛtaṃ tāre sahāyatvaṃ darśitaṃ sauhṛdaṃ mayi || 16.9 ||

"वह दुरात्मा मेरे अहंकार और वेग को कभी सहन नहीं कर सकेगा। हे तारे! तुमने अपनी सम्मति दे दी और अपना स्नेह भी दिखा दिया, अब बस है।"

श्लोक 10 (kishkindha.16.10)

शापितासि मम प्राणैर्निवर्तस्व जनेन च । अलं जित्वा निवर्तिष्ये तमहं भ्रातरं रणे ॥ 16.10 ॥

śāpitāsi mama prāṇairnivartasva janena ca | alaṃ jitvā nivartiṣye tamahaṃ bhrātaraṃ raṇe || 16.10 ||

"मेरे प्राणों की शपथ है तुम्हें — अपने परिजनों सहित लौट जाओ। मैं उस भाई को युद्ध में सहज ही जीतकर लौट आऊँगा।" ऐसा वाली ने तारा से कहा।

श्लोक 11 (kishkindha.16.11)

तं तु तारा परिष्वज्य वालिनं प्रियवादिनी । चकार रुदती मन्दं दक्षिणा सा प्रदक्षिणम् ॥ 16.11 ॥

taṃ tu tārā pariṣvajya vālinaṃ priyavādinī | cakāra rudatī mandaṃ dakṣiṇā sā pradakṣiṇam || 16.11 ||

मधुरभाषिणी और नीतिनिपुण तारा ने वाली का आलिंगन किया और धीरे-धीरे विलाप करती हुई उसकी प्रदक्षिणा की।

श्लोक 12 (kishkindha.16.12)

ततः स्वस्त्ययनं कृत्वा मन्त्रविद् विजयैषिणी । अन्तःपुरं सह स्त्रीभिः प्रविष्टा शोकमोहिता ॥ 16.12 ॥

tataḥ svastyayanaṃ kṛtvā mantravid vijayaiṣiṇī | antaḥpuraṃ saha strībhiḥ praviṣṭā śokamohitā || 16.12 ||

फिर विजय की कामना करती हुई मन्त्रज्ञ तारा ने मंगल-कृत्य करके, शोक से विह्वल होकर अन्य स्त्रियों सहित अन्तःपुर में प्रवेश किया।

श्लोक 13 (kishkindha.16.13)

प्रविष्टायां तु तारायां सह स्त्रीभिः स्वमालयम् । नगर्या निर्ययौ क्रुद्धो महासर्प इव श्वसन् ॥ 16.13 ॥

praviṣṭāyāṃ tu tārāyāṃ saha strībhiḥ svamālayam | nagaryā niryayau kruddho mahāsarpa iva śvasan || 16.13 ||

जब तारा अपनी स्त्रियों सहित अपने भवन में प्रविष्ट हो गई, तब क्रुद्ध वाली महासर्प के समान फुफकारता हुआ नगर से बाहर निकला।

श्लोक 14 (kishkindha.16.14)

स निःश्वस्य महारोषो वाली परमवेगवान् । सर्वतश्चारयन् दृष्टिं शत्रुदर्शनकांक्षया ॥ 16.14 ॥

sa niḥśvasya mahāroṣo vālī paramavegavān | sarvataścārayan dṛṣṭiṃ śatrudarśanakāṃkṣayā || 16.14 ||

वह अत्यन्त क्रोधित और वेगवान वाली लंबी साँस लेता हुआ शत्रु को देखने की इच्छा से चारों ओर दृष्टि दौड़ाने लगा।

श्लोक 15 (kishkindha.16.15)

स ददर्श ततः श्रीमान् सुग्रीवं हेमपिङ्गलम् । सुसंवीतमवष्टब्धं दीप्यमानमिवानलम् ॥ 16.15 ॥

sa dadarśa tataḥ śrīmān sugrīvaṃ hemapiṅgalam | susaṃvītamavaṣṭabdhaṃ dīpyamānamivānalam || 16.15 ||

तब उस श्रीमान् वाली ने स्वर्ण के समान पीत वर्णवाले, कसकर वस्त्र बाँधे हुए और अग्नि के समान दहकते हुए आत्मविश्वासी सुग्रीव को देखा।

श्लोक 16 (kishkindha.16.16)

तं स दृष्ट्वा महाबाहुः सुग्रीवं पर्यवस्थितम् । गाढं परिदधे वासो वाली परमकोपनः ॥ 16.16 ॥

taṃ sa dṛṣṭvā mahābāhuḥ sugrīvaṃ paryavasthitam | gāḍhaṃ paridadhe vāso vālī paramakopanaḥ || 16.16 ||

उस सामने खड़े सुग्रीव को देखकर अत्यन्त कुपित और महाबाहु वाली ने भी अपना वस्त्र कसकर बाँध लिया।

श्लोक 17 (kishkindha.16.17)

स वाली गाढसंवीतो मुष्टिमुद्यम्य वीर्यवान् । सुग्रीवमेवाभिमुखो ययौ योद्धुं कृतक्षणः ॥ 16.17 ॥

sa vālī gāḍhasaṃvīto muṣṭimudyamya vīryavān | sugrīvamevābhimukho yayau yoddhuṃ kṛtakṣaṇaḥ || 16.17 ||

वह बलवान वाली कसकर वस्त्र बाँधे हुए मुट्ठी उठाकर युद्ध का अवसर पाकर सीधे सुग्रीव की ओर बढ़ा।

श्लोक 18 (kishkindha.16.18)

श्लिष्टं मुष्टिं समुद्यम्य संरब्धतरमागतः । सुग्रीवोऽपि समुद्दिश्य वालिनं हेममालिनम् ॥ 16.18 ॥

śliṣṭaṃ muṣṭiṃ samudyamya saṃrabdhataramāgataḥ | sugrīvo'pi samuddiśya vālinaṃ hemamālinam || 16.18 ||

सुग्रीव भी बढ़ते हुए क्रोध के साथ अपनी बँधी मुट्ठी उठाकर स्वर्ण-मालाधारी वाली को लक्ष्य करके आ पहुँचा।

श्लोक 19 (kishkindha.16.19)

तं वाली क्रोधताम्राक्षः सुग्रीवं रणकोविदम् । आपतन्तं महावेगमिदं वचनमब्रवीत् ॥ 16.19 ॥

taṃ vālī krodhatāmrākṣaḥ sugrīvaṃ raṇakovidam | āpatantaṃ mahāvegamidaṃ vacanamabravīt || 16.19 ||

क्रोध से लाल आँखोंवाला और युद्ध-निपुण वाली, अत्यन्त वेग से झपटते हुए सुग्रीव से यह वचन बोला।

श्लोक 20 (kishkindha.16.20)

एष मुष्टिर्महान् बद्धो गाढः सुनियताङ्गुलिः । मया वेगविमुक्तस्ते प्राणानादाय यास्यति ॥ 16.20 ॥

eṣa muṣṭirmahān baddho gāḍhaḥ suniyatāṅguliḥ | mayā vegavimuktaste prāṇānādāya yāsyati || 16.20 ||

"यह मेरी विशाल, कसकर बँधी और सुदृढ़ अँगुलियोंवाली मुट्ठी — जब मैं इसे पूरे वेग से तुम पर छोड़ूँगा, तो यह तुम्हारे प्राण लेकर ही लौटेगी।"

श्लोक 21 (kishkindha.16.21)

एवमुक्तस्तु सुग्रीवः क्रुद्धो वालिनमब्रवीत् । तव चैष हरन् प्राणान् मुष्टिः पततु मूर्धनि ॥ 16.21 ॥

evamuktastu sugrīvaḥ kruddho vālinamabravīt | tava caiṣa haran prāṇān muṣṭiḥ patatu mūrdhani || 16.21 ||

यह सुनकर अत्यन्त क्रुद्ध सुग्रीव ने वाली से कहा, "तुम्हारे प्राण हरने वाली मेरी यह मुट्ठी तुम्हारे मस्तक पर ही गिरे!"

श्लोक 22 (kishkindha.16.22)

ताडितस्तेन तं क्रुद्धः समभिक्रम्य वेगतः । अभवच्छोणितोद्गारी सापीड इव पर्वतः ॥ 16.22 ॥

tāḍitastena taṃ kruddhaḥ samabhikramya vegataḥ | abhavacchoṇitodgārī sāpīḍa iva parvataḥ || 16.22 ||

वाली ने तुरन्त झपटकर सुग्रीव पर प्रहार किया, और आहत सुग्रीव रक्त बहाता हुआ मानो पर्वत की भाँति प्रतीत होने लगा।

श्लोक 23 (kishkindha.16.23)

सुग्रीवेण तु निःशङ्कं सालमुत्पाट्य तेजसा । गात्रेष्वभिहतो वाली वज्रेणेव महागिरिः ॥ 16.23 ॥

sugrīveṇa tu niḥśaṅkaṃ sālamutpāṭya tejasā | gātreṣvabhihato vālī vajreṇeva mahāgiriḥ || 16.23 ||

किन्तु सुग्रीव ने बिना किसी संकोच के अपने बल से एक साल वृक्ष उखाड़ लिया और वज्र के समान उससे वाली के अंगों पर प्रहार किया, मानो वज्र किसी बड़े पर्वत पर गिरा हो।

श्लोक 24 (kishkindha.16.24)

स तु वृक्षेण निर्भग्नः सालताडनविह्वलः । गुरुभारभराक्रान्ता नौः ससार्थेव सागरे ॥ 16.24 ॥

sa tu vṛkṣeṇa nirbhagnaḥ sālatāḍanavihvalaḥ | gurubhārabharākrāntā nauḥ sasārtheva sāgare || 16.24 ||

उस वृक्ष की मार से टूटा हुआ और विचलित वाली, समुद्र में भारी माल तथा यात्रियों से लदी डूबती हुई नौका के समान डगमगाने लगा।

श्लोक 25 (kishkindha.16.25)

तौ भीमबलविक्रान्तौ सुपर्णसमवेगितौ । प्रयुद्धौ घोरवपुषौ चन्द्रसूर्याविवाम्बरे ॥ 16.25 ॥

tau bhīmabalavikrāntau suparṇasamavegitau | prayuddhau ghoravapuṣau candrasūryāvivāmbare || 16.25 ||

भयंकर बल और पराक्रम वाले, गरुड़ के समान वेगवान् तथा भीषण शरीरवाले वे दोनों आकाश में सूर्य और चन्द्रमा के समान परस्पर युद्ध करने लगे।

श्लोक 26 (kishkindha.16.26)

परस्परममित्रघ्नौ छिद्रान्वेषणतत्परौ । ततोऽवर्धत वाली तु बलवीर्यसमन्वितः ॥ 16.26 ॥

parasparamamitraghnau chidrānveṣaṇatatparau | tato'vardhata vālī tu balavīryasamanvitaḥ || 16.26 ||

एक-दूसरे का वध करने पर तुले और एक-दूसरे की कमज़ोरी ढूँढ़ने में तत्पर, उन दोनों में से बल और पराक्रम से सम्पन्न वाली आगे बढ़ने लगा,

श्लोक 27 (kishkindha.16.27)

सूर्यपुत्रो महावीर्यः सुग्रीवः परिहीयत । वालिना भग्नदर्पस्तु सुग्रीवो मन्दविक्रमः ॥ 16.27 ॥

sūryaputro mahāvīryaḥ sugrīvaḥ parihīyata | vālinā bhagnadarpastu sugrīvo mandavikramaḥ || 16.27 ||

जबकि महापराक्रमी सूर्यपुत्र सुग्रीव पीछे हटने लगा; वाली से अपना दर्प चूर होने पर सुग्रीव का पराक्रम मंद पड़ गया।

श्लोक 28 (kishkindha.16.28)

वालिनं प्रति सामर्षो दर्शयामास राघवम् । वृक्षैः सशाखैः शिखरैर्वज्रकोटिनिभैर्नखैः ॥ 16.28 ॥

vālinaṃ prati sāmarṣo darśayāmāsa rāghavam | vṛkṣaiḥ saśākhaiḥ śikharairvajrakoṭinibhairnakhaiḥ || 16.28 ||

वाली से व्यथित होकर सुग्रीव ने राघव की ओर देखा — इधर वे दोनों शाखाओं सहित वृक्षों, पर्वत-शिखरों तथा वज्र की धार समान तीखे नखों से,

श्लोक 29 (kishkindha.16.29)

मुष्टिभिर्जानुभिः पद्भिर्बाहुभिश्च पुनः पुनः । तयोर्युद्धमभूद्घोरं वृत्रवासवयोरिव ॥ 16.29 ॥

muṣṭibhirjānubhiḥ padbhirbāhubhiśca punaḥ punaḥ | tayoryuddhamabhūdghoraṃ vṛtravāsavayoriva || 16.29 ||

मुक्कों, घुटनों, पैरों और भुजाओं से बार-बार प्रहार करते रहे; उन दोनों में वृत्र और इन्द्र के समान भयंकर युद्ध हुआ।

श्लोक 30 (kishkindha.16.30)

तौ शोणिताक्तौ युध्येतां वानरौ वनचारिणौ । मेघाविव महाशब्दैस्तर्जमानौ परस्परम् ॥ 16.30 ॥

tau śoṇitāktau yudhyetāṃ vānarau vanacāriṇau | meghāviva mahāśabdaistarjamānau parasparam || 16.30 ||

रक्त से लथपथ वे दोनों वनचारी वानर बादलों के समान गरजते हुए एक-दूसरे को ललकारते हुए युद्ध करते रहे।

श्लोक 31 (kishkindha.16.31)

हीयमानमथापश्यत् सुग्रीवं वानरेश्वरम् । प्रेक्षमाणं दिशश्चैव राघवः स मुहुर्मुहुः ॥ 16.31 ॥

hīyamānamathāpaśyat sugrīvaṃ vānareśvaram | prekṣamāṇaṃ diśaścaiva rāghavaḥ sa muhurmuhuḥ || 16.31 ||

तब राघव ने देखा कि वानरराज सुग्रीव क्षीण होता जा रहा है और बार-बार सहायता के लिए चारों दिशाओं में देख रहा है।

श्लोक 32 (kishkindha.16.32)

ततो रामो महातेजा आर्तं दृष्ट्वा हरीश्वरम् । स शरं वीक्षते वीरो वालिनो वधकांक्षया ॥ 16.32 ॥

tato rāmo mahātejā ārtaṃ dṛṣṭvā harīśvaram | sa śaraṃ vīkṣate vīro vālino vadhakāṃkṣayā || 16.32 ||

तब महातेजस्वी राम ने वानरेश्वर को इस दुर्दशा में देखकर वाली का वध करने की इच्छा से बाण की ओर देखा।

श्लोक 33 (kishkindha.16.33)

ततो धनुषि संधाय शरमाशीविषोपमम् । पूरयामास तच्चापं कालचक्रमिवान्तकः ॥ 16.33 ॥

tato dhanuṣi saṃdhāya śaramāśīviṣopamam | pūrayāmāsa taccāpaṃ kālacakramivāntakaḥ || 16.33 ||

फिर उन्होंने धनुष पर सर्प के विष के समान भयंकर बाण चढ़ाकर उस धनुष को इस प्रकार खींचा मानो अन्तक (यमराज) कालचक्र खींच रहा हो।

श्लोक 34 (kishkindha.16.34)

तस्य ज्यातलघोषेण त्रस्ताः पत्ररथेश्वराः । प्रदुद्रुवुर्मृगाश्चैव युगान्त इव मोहिताः ॥ 16.34 ॥

tasya jyātalaghoṣeṇa trastāḥ patraratheśvarāḥ | pradudruvurmṛgāścaiva yugānta iva mohitāḥ || 16.34 ||

उस धनुष की टंकार से भयभीत होकर बड़े-बड़े पक्षी और पशु ऐसे भाग खड़े हुए मानो प्रलयकाल आ गया हो।

श्लोक 35 (kishkindha.16.35)

मुक्तस्तु वज्रनिर्घोषः प्रदीप्ताशनिसंनिभः । राघवेण महाबाणो वालिवक्षसि पातितः ॥ 16.35 ॥

muktastu vajranirghoṣaḥ pradīptāśanisaṃnibhaḥ | rāghaveṇa mahābāṇo vālivakṣasi pātitaḥ || 16.35 ||

वज्र के समान गर्जन करता हुआ और चमकती बिजली के समान वह महान बाण राघव के हाथों छूटकर वाली की छाती में जा लगा।

श्लोक 36 (kishkindha.16.36)

ततस्तेन महातेजा वीर्ययुक्तः कपीश्वरः । वेगेनाभिहतो वाली निपपात महीतले ॥ 16.36 ॥

tatastena mahātejā vīryayuktaḥ kapīśvaraḥ | vegenābhihato vālī nipapāta mahītale || 16.36 ||

उस वेगवान बाण की चोट से आहत होकर वह महातेजस्वी और पराक्रमी वानरराज वाली पृथ्वी पर गिर पड़ा।

श्लोक 37 (kishkindha.16.37)

इन्द्रध्वज इवोद्धूतः पौर्णमास्यां महीतले । आश्वयुक्समये मासि गतश्रीको विचेतनः । बाष्पसंरुद्धकण्ठस्तु वाली चार्तस्वरः शनैः ॥ 16.37 ॥

indradhvaja ivoddhūtaḥ paurṇamāsyāṃ mahītale | āśvayuksamaye māsi gataśrīko vicetanaḥ | bāṣpasaṃruddhakaṇṭhastu vālī cārtasvaraḥ śanaiḥ || 16.37 ||

जैसे आश्विन मास की पूर्णिमा के उत्सव के बाद इन्द्र की ध्वजा को गिरा दिया जाता है, वैसे ही श्रीहीन और अचेत वाली धीरे-धीरे भूमि पर गिरा, उसका कण्ठ आँसुओं से अवरुद्ध था और वह पीड़ा से कराह रहा था।

श्लोक 38 (kishkindha.16.38)

नरोत्तमः कालयुगान्तकोपमं शरोत्तमं काञ्चनरूप्यभूषितम् । ससर्ज दीप्तं तममित्रमर्दनं सधूममग्निं मुखतो यथा हरः ॥ 16.38 ॥

narottamaḥ kālayugāntakopamaṃ śarottamaṃ kāñcanarūpyabhūṣitam | sasarja dīptaṃ tamamitramardanaṃ sadhūmamagniṃ mukhato yathā haraḥ || 16.38 ||

उस श्रेष्ठ पुरुष राम ने सोने-चाँदी से सुशोभित, प्रलयकाल के अन्तक के समान भयंकर वह श्रेष्ठ बाण छोड़ा, जो शत्रुनाशक था और ऐसे दहक रहा था मानो शिव के मुख से धुआँयुक्त अग्नि निकल रही हो।

श्लोक 39 (kishkindha.16.39)

अथोक्षितः शोणिततोयविस्रवैः सुपुष्पिताशोक इवानिलोद्धतः । विचेतनो वासवसूनुराहवे प्रभ्रंशितेन्द्रध्वजवत् क्षितिं गतः ॥ 16.39 ॥

athokṣitaḥ śoṇitatoyavisravaiḥ supuṣpitāśoka ivāniloddhataḥ | vicetano vāsavasūnurāhave prabhraṃśitendradhvajavat kṣitiṃ gataḥ || 16.39 ||

रक्त की धाराओं से भीगा हुआ इन्द्रपुत्र वाली रणभूमि में अचेत होकर वैसे ही गिर पड़ा जैसे पवन से गिरा हुआ पूर्ण खिला अशोक वृक्ष अथवा जैसे टूटकर गिरी हुई इन्द्र की ध्वजा।