वालि-उपालम्भ

श्लोक 1 (kishkindha.17.1)

ततः शरेणाभिहतो रामेण रणकर्कशः । पपात सहसा वाली निकृत्त इव पादपः ॥ 17.1 ॥

tataḥ śareṇābhihato rāmeṇa raṇakarkaśaḥ | papāta sahasā vālī nikṛtta iva pādapaḥ || 17.1 ||

तब राम के बाण से आहत होकर युद्ध में दुर्दान्त वाली अकस्मात कटे हुए वृक्ष के समान गिर पड़ा।

श्लोक 2 (kishkindha.17.2)

स भूमौ न्यस्तसर्वाङ्गस्तप्तकाञ्चनभूषणः । अपतद् देवराजस्य मुक्तरश्मिरिव ध्वजः ॥ 17.2 ॥

sa bhūmau nyastasarvāṅgastaptakāñcanabhūṣaṇaḥ | apatad devarājasya muktaraśmiriva dhvajaḥ || 17.2 ||

तपाए हुए सोने के आभूषणों से सुशोभित वाली अपने सभी अंगों को भूमि पर छोड़ता हुआ इस प्रकार गिरा मानो देवराज इन्द्र की ध्वजा उसकी डोरियाँ खोल दिए जाने पर गिर पड़ी हो।

श्लोक 3 (kishkindha.17.3)

अस्मिन् निपतिते भूमौ हर्यृक्षाणां गणेश्वरे । नष्टचन्द्रमिव व्योम न व्यराजत मेदिनी ॥ 17.3 ॥

asmin nipatite bhūmau haryṛkṣāṇāṃ gaṇeśvare | naṣṭacandramiva vyoma na vyarājata medinī || 17.3 ||

वानरों और भालुओं के उस समूह-स्वामी के भूमि पर गिरते ही पृथ्वी वैसे ही शोभाहीन हो गई जैसे चन्द्रमा के अस्त हो जाने पर आकाश।

श्लोक 4 (kishkindha.17.4)

भूमौ निपतितस्यापि तस्य देहं महात्मनः । न श्रीर्जहाति न प्राणा न तेजो न पराक्रमः ॥ 17.4 ॥

bhūmau nipatitasyāpi tasya dehaṃ mahātmanaḥ | na śrīrjahāti na prāṇā na tejo na parākramaḥ || 17.4 ||

पृथ्वी पर गिर पड़ने पर भी उस महात्मा के शरीर को न तो शोभा ने, न प्राणों ने, न तेज ने और न ही पराक्रम ने छोड़ा।

श्लोक 5 (kishkindha.17.5)

शक्रदत्ता वरा माला काञ्चनी रत्नभूषिता । दधार हरिमुख्यस्य प्राणांस्तेजः श्रियं च सा ॥ 17.5 ॥

śakradattā varā mālā kāñcanī ratnabhūṣitā | dadhāra harimukhyasya prāṇāṃstejaḥ śriyaṃ ca sā || 17.5 ||

इन्द्र द्वारा प्रदत्त वह उत्तम, रत्नजड़ित सुवर्ण-माला ही उस वानरश्रेष्ठ के प्राण, तेज और शोभा को धारण किए हुए थी।

श्लोक 6 (kishkindha.17.6)

स तया मालया वीरो हैमया हरियूथपः । संध्यानुगतपर्यन्तः पयोधर इवाभवत् ॥ 17.6 ॥

sa tayā mālayā vīro haimayā hariyūthapaḥ | saṃdhyānugataparyantaḥ payodhara ivābhavat || 17.6 ||

उस स्वर्ण-माला को धारण किए हुए वह वीर वानर-सेनापति ऐसा प्रतीत हो रहा था मानो सन्ध्या की लालिमा से चारों ओर घिरा हुआ कोई मेघ हो।

श्लोक 7 (kishkindha.17.7)

तस्य माला च देहश्च मर्मघाती च यः शरः । त्रिधेव रचिता लक्ष्मीः पतितस्यापि शोभते ॥ 17.7 ॥

tasya mālā ca dehaśca marmaghātī ca yaḥ śaraḥ | tridheva racitā lakṣmīḥ patitasyāpi śobhate || 17.7 ||

गिरे हुए भी उसकी शोभा मानो तीन रूपों में विभक्त होकर सुशोभित हो रही थी — उसकी माला में, उसके शरीर में और उसके मर्मस्थल को बींधने वाले उस बाण में।

श्लोक 8 (kishkindha.17.8)

तदस्त्रं तस्य वीरस्य स्वर्गमार्गप्रभावनम् । रामबाणासनक्षिप्तमावहत् परमां गतिम् ॥ 17.8 ॥

tadastraṃ tasya vīrasya svargamārgaprabhāvanam | rāmabāṇāsanakṣiptamāvahat paramāṃ gatim || 17.8 ||

राम के धनुष से छूटा हुआ वह अस्त्र उस वीर के लिए स्वर्ग का मार्ग प्रशस्त करता हुआ उसे परम गति तक ले गया।

श्लोक 9 (kishkindha.17.9)

तं तथा पतितं संख्ये गतार्चिषमिवानलम् । ययातिमिव पुण्यान्ते देवलोकादिह च्युतम् ॥ 17.9 ॥

taṃ tathā patitaṃ saṃkhye gatārciṣamivānalam | yayātimiva puṇyānte devalokādiha cyutam || 17.9 ||

युद्धभूमि में इस प्रकार गिरे हुए वाली को देखा, जो बुझी हुई ज्वालावाले अग्नि के समान था और पुण्य समाप्त होने पर देवलोक से गिरे हुए ययाति के समान लग रहा था।

श्लोक 10 (kishkindha.17.10)

आदित्यमिव कालेन युगान्ते भुवि पातितम् । महेन्द्रमिव दुर्धर्षमुपेन्द्रमिव दुःसहम् ॥ 17.10 ॥

ādityamiva kālena yugānte bhuvi pātitam | mahendramiva durdharṣamupendramiva duḥsaham || 17.10 ||

प्रलयकाल में काल द्वारा पृथ्वी पर गिराए गए सूर्य के समान, महेन्द्र के समान दुर्धर्ष और उपेन्द्र के समान असह्य,

श्लोक 11 (kishkindha.17.11)

महेन्द्रपुत्रं पतितं वालिनं हेममालिनम् । व्यूढोरस्कं महाबाहुं दीप्तास्यं हरिलोचनम् ॥ 17.11 ॥

mahendraputraṃ patitaṃ vālinaṃ hemamālinam | vyūḍhoraskaṃ mahābāhuṃ dīptāsyaṃ harilocanam || 17.11 ||

इन्द्र-पुत्र, स्वर्ण-मालाधारी, विशाल वक्षस्थलवाले, महाबाहु, दीप्तिमान मुखवाले और वानर-नयनोंवाले, उस गिरे हुए वाली को,

श्लोक 12 (kishkindha.17.12)

लक्ष्मणानुचरो रामो ददर्शोपससर्प च । तं तथा पतितं वीरं गतार्चिषमिवानलम् ॥ 17.12 ॥

lakṣmaṇānucaro rāmo dadarśopasasarpa ca | taṃ tathā patitaṃ vīraṃ gatārciṣamivānalam || 17.12 ||

लक्ष्मण के साथ आते हुए राम ने देखा और उसके निकट गए — उस वीर को, जो बुझी हुई अग्नि-ज्वाला के समान गिरा पड़ा था।

श्लोक 13 (kishkindha.17.13)

बहुमान्य च तं वीरं वीक्षमाणं शनैरिव । उपयातौ महावीर्यौ भ्रातरौ रामलक्ष्मणौ ॥ 17.13 ॥

bahumānya ca taṃ vīraṃ vīkṣamāṇaṃ śanairiva | upayātau mahāvīryau bhrātarau rāmalakṣmaṇau || 17.13 ||

क्षीण दृष्टि से देखते हुए उस वीर का सम्मान करते हुए महापराक्रमी भ्राता राम और लक्ष्मण उसके समीप आ पहुँचे।

श्लोक 14 (kishkindha.17.14)

तं दृष्ट्वा राघवं वाली लक्ष्मणं च महाबलम् । अब्रवीत् परुषं वाक्यं प्रश्रितं धर्मसंहितम् ॥ 17.14 ॥

taṃ dṛṣṭvā rāghavaṃ vālī lakṣmaṇaṃ ca mahābalam | abravīt paruṣaṃ vākyaṃ praśritaṃ dharmasaṃhitam || 17.14 ||

राघव और महाबली लक्ष्मण को देखकर वाली ने कठोर किन्तु विनम्र तथा धर्मयुक्त वचन कहे।

श्लोक 15 (kishkindha.17.15)

स भूमावल्पतेजोऽसुर्निहतो नष्टचेतनः । अर्थसंहितया वाचा गर्वितं रणगर्वितम् ॥ 17.15 ॥

sa bhūmāvalpatejo'surnihato naṣṭacetanaḥ | arthasaṃhitayā vācā garvitaṃ raṇagarvitam || 17.15 ||

भूमि पर पड़ा हुआ, जिसका तेज और प्राण क्षीण हो चुके थे तथा जिसकी चेतना लुप्त हो रही थी, वह युद्ध में गर्वित राम से अर्थपूर्ण वचन बोला।

श्लोक 16 (kishkindha.17.16)

त्वं नराधिपतेः पुत्रः प्रथितः प्रियदर्शनः । पराङ्मुखवधं कृत्वा कोऽत्र प्राप्तस्त्वया गुणः । यदहं युद्धसंरब्धस्त्वत्कृते निधनं गतः ॥ 17.16 ॥

tvaṃ narādhipateḥ putraḥ prathitaḥ priyadarśanaḥ | parāṅmukhavadhaṃ kṛtvā ko'tra prāptastvayā guṇaḥ | yadahaṃ yuddhasaṃrabdhastvatkṛte nidhanaṃ gataḥ || 17.16 ||

"तुम एक राजा के प्रसिद्ध और सुन्दर पुत्र हो — किन्तु पीठ फेरे हुए को मारकर तुमने यहाँ कौन-सा गुण प्राप्त किया, जबकि युद्ध में तल्लीन मुझे तुम्हारे ही कारण मृत्यु प्राप्त हुई है?

श्लोक 17 (kishkindha.17.17)

कुलीनः सत्त्वसम्पन्नस्तेजस्वी चरितव्रतः । रामः करुणवेदी च प्रजानां च हिते रतः ॥ 17.17 ॥

kulīnaḥ sattvasampannastejasvī caritavrataḥ | rāmaḥ karuṇavedī ca prajānāṃ ca hite rataḥ || 17.17 ||

कहते हैं कि राम कुलीन हैं, बलसम्पन्न हैं, तेजस्वी हैं, व्रतों का पालन करने वाले हैं, दयालु हैं और प्रजा के हित में तत्पर रहते हैं;

श्लोक 18 (kishkindha.17.18)

सानुक्रोशो महोत्साहः समयज्ञो दृढव्रतः । इत्येतत् सर्वभूतानि कथयन्ति यशो भुवि ॥ 17.18 ॥

sānukrośo mahotsāhaḥ samayajño dṛḍhavrataḥ | ityetat sarvabhūtāni kathayanti yaśo bhuvi || 17.18 ||

वे सहानुभूतिशील, महान् उत्साहवाले, समय के ज्ञाता और दृढ़-व्रत हैं — पृथ्वी पर सभी प्राणी तुम्हारी यही कीर्ति बखानते हैं।

श्लोक 19 (kishkindha.17.19)

दमः शमः क्षमा धर्मो धृतिः सत्यं पराक्रमः । पार्थिवानां गुणा राजन् दण्डश्चाप्यपकारिषु ॥ 17.19 ॥

damaḥ śamaḥ kṣamā dharmo dhṛtiḥ satyaṃ parākramaḥ | pārthivānāṃ guṇā rājan daṇḍaścāpyapakāriṣu || 17.19 ||

इन्द्रिय-संयम, मन का संयम, क्षमा, धर्म, धैर्य, सत्य, पराक्रम, तथा अपराधियों को दण्ड देना — हे राजन्! ये सब राजाओं के गुण हैं।

श्लोक 20 (kishkindha.17.20)

तान् गुणान् सम्प्रधार्याहमग्र्यं चाभिजनं तव । तारया प्रतिषिद्धः सन् सुग्रीवेण समागतः ॥ 17.20 ॥

tān guṇān sampradhāryāhamagryaṃ cābhijanaṃ tava | tārayā pratiṣiddhaḥ san sugrīveṇa samāgataḥ || 17.20 ||

उन्हीं गुणों और तुम्हारे उत्तम कुल का विचार करके ही मैं तारा के मना करने पर भी सुग्रीव से युद्ध करने आया था।

श्लोक 21 (kishkindha.17.21)

न मामन्येन संरब्धं प्रमत्तं वेद्धुमर्हसि । इति मे बुद्धिरुत्पन्ना बभूवादर्शने तव ॥ 17.21 ॥

na māmanyena saṃrabdhaṃ pramattaṃ veddhumarhasi | iti me buddhirutpannā babhūvādarśane tava || 17.21 ||

'दूसरे से भिड़ा हुआ और असावधान मुझे यह मारना उचित नहीं समझेंगे' — तुम्हें न देखकर मेरे मन में यही विचार उठा था।

श्लोक 22 (kishkindha.17.22)

स त्वां विनिहतात्मानं धर्मध्वजमधार्मिकम् । जाने पापसमाचारं तृणैः कूपमिवावृतम् ॥ 17.22 ॥

sa tvāṃ vinihatātmānaṃ dharmadhvajamadhārmikam | jāne pāpasamācāraṃ tṛṇaiḥ kūpamivāvṛtam || 17.22 ||

मैं यह नहीं जानता था कि तुम अपनी आत्मा को नष्ट कर चुके हो, धर्म की ध्वजा उठाए अधर्मी हो और तिनकों से ढके कुएँ के समान पापाचारी हो।

श्लोक 23 (kishkindha.17.23)

सतां वेषधरं पापं प्रच्छन्नमिव पावकम् । नाहं त्वामभिजानामि धर्मच्छद्माभिसंवृतम् ॥ 17.23 ॥

satāṃ veṣadharaṃ pāpaṃ pracchannamiva pāvakam | nāhaṃ tvāmabhijānāmi dharmacchadmābhisaṃvṛtam || 17.23 ||

मैं तुम्हें नहीं पहचान सका था — तुम साधु-पुरुषों का वेश धारण किए हुए पापी हो, राख से ढकी आग के समान धर्म के आवरण में पूर्णतः छिपे हुए हो।

श्लोक 24 (kishkindha.17.24)

विषये वा पुरे वा ते यदा पापं करोम्यहम् । न च त्वामवजानेऽहं कस्मात् तं हंस्यकिल्बिषम् ॥ 17.24 ॥

viṣaye vā pure vā te yadā pāpaṃ karomyaham | na ca tvāmavajāne'haṃ kasmāt taṃ haṃsyakilbiṣam || 17.24 ||

मैंने कब तुम्हारे राज्य या नगर में कोई अपराध किया? न ही मैंने कभी तुम्हारा अनादर किया — फिर किस कारण से तुमने इस निरपराध को मार डाला?

श्लोक 25 (kishkindha.17.25)

फलमूलाशनं नित्यं वानरं वनगोचरम् । मामिहाप्रतियुध्यन्तमन्येन च समागतम् ॥ 17.25 ॥

phalamūlāśanaṃ nityaṃ vānaraṃ vanagocaram | māmihāpratiyudhyantamanyena ca samāgatam || 17.25 ||

मैं तो सदा फल-मूल खाने वाला, वन में विचरने वाला वानर हूँ — और यहाँ किसी और से युद्धरत होने के कारण तुम्हारे विरुद्ध तो मैं कुछ भी नहीं कर रहा था।

श्लोक 26 (kishkindha.17.26)

त्वं नराधिपतेः पुत्रः प्रतीतः प्रियदर्शनः । लिङ्गमप्यस्ति ते राजन् दृश्यते धर्मसंहितम् ॥ 17.26 ॥

tvaṃ narādhipateḥ putraḥ pratītaḥ priyadarśanaḥ | liṅgamapyasti te rājan dṛśyate dharmasaṃhitam || 17.26 ||

हे राजन्! तुम एक राजा के विख्यात और सुन्दर पुत्र हो, और तुम पर धर्म के लक्षण भी दिखाई देते हैं।

श्लोक 27 (kishkindha.17.27)

कः क्षत्रियकुले जातः श्रुतवान् नष्टसंशयः । धर्मलिङ्गप्रतिच्छन्नः क्रूरं कर्म समाचरेत् ॥ 17.27 ॥

kaḥ kṣatriyakule jātaḥ śrutavān naṣṭasaṃśayaḥ | dharmaliṅgapraticchannaḥ krūraṃ karma samācaret || 17.27 ||

क्षत्रिय-कुल में जन्मा, वेदज्ञ और संशयरहित तथा धर्म के चिह्नों से आवृत कौन ऐसा क्रूर कर्म करेगा?

श्लोक 28 (kishkindha.17.28)

त्वं राघवकुले जातो धर्मवानिति विश्रुतः । अभव्यो भव्यरूपेण किमर्थं परिधावसे ॥ 17.28 ॥

tvaṃ rāghavakule jāto dharmavāniti viśrutaḥ | abhavyo bhavyarūpeṇa kimarthaṃ paridhāvase || 17.28 ||

रघुकुल में जन्मा, धर्मात्मा के रूप में विख्यात होकर भी तुम अधर्मी होते हुए धर्मात्मा का रूप धारण कर किसलिए घूम रहे हो?

श्लोक 29 (kishkindha.17.29)

साम दानं क्षमा धर्मः सत्यं धृतिपराक्रमौ । पार्थिवानां गुणा राजन् दण्डश्चाप्यपकारिषु ॥ 17.29 ॥

sāma dānaṃ kṣamā dharmaḥ satyaṃ dhṛtiparākramau | pārthivānāṃ guṇā rājan daṇḍaścāpyapakāriṣu || 17.29 ||

सामनीति, दान, क्षमा, धर्म, सत्य, धैर्य और पराक्रम तथा अपराधियों को दण्ड — हे राजन्! ये सब राजाओं के गुण हैं।

श्लोक 30 (kishkindha.17.30)

वयं वनचरा राम मृगा मूलफलाशिनः । एषा प्रकृतिरस्माकं पुरुषस्त्वं नरेश्वर ॥ 17.30 ॥

vayaṃ vanacarā rāma mṛgā mūlaphalāśinaḥ | eṣā prakṛtirasmākaṃ puruṣastvaṃ nareśvara || 17.30 ||

हे राम! हम तो वन में विचरने वाले, मूल-फल खाने वाले पशु हैं — यही हमारा स्वभाव है; परन्तु तुम तो मनुष्य हो, मनुष्यों के राजा हो।

श्लोक 31 (kishkindha.17.31)

भूमिर्हिरण्यं रूपं च विग्रहे कारणानि च । तत्र कस्ते वने लोभो मदीयेषु फलेषु वा ॥ 17.31 ॥

bhūmirhiraṇyaṃ rūpaṃ ca vigrahe kāraṇāni ca | tatra kaste vane lobho madīyeṣu phaleṣu vā || 17.31 ||

भूमि, स्वर्ण और सुन्दरी — ये ही युद्ध के कारण होते हैं; फिर मेरे इस वन में या मेरे फलों में तुम्हें क्या लोभ हो सकता है?

श्लोक 32 (kishkindha.17.32)

नयश्च विनयश्चोभौ निग्रहानुग्रहावपि । राजवृत्तिरसंकीर्णा न नृपाः कामवृत्तयः ॥ 17.32 ॥

nayaśca vinayaścobhau nigrahānugrahāvapi | rājavṛttirasaṃkīrṇā na nṛpāḥ kāmavṛttayaḥ || 17.32 ||

नीति और विनय, दण्ड और अनुग्रह — इन सबमें राजाओं का आचरण मिश्रित नहीं होता, क्योंकि राजा मनमाना आचरण नहीं करते।

श्लोक 33 (kishkindha.17.33)

त्वं तु कामप्रधानश्च कोपनश्चानवस्थितः । राजवृत्तेषु संकीर्णः शरासनपरायणः ॥ 17.33 ॥

tvaṃ tu kāmapradhānaśca kopanaścānavasthitaḥ | rājavṛtteṣu saṃkīrṇaḥ śarāsanaparāyaṇaḥ || 17.33 ||

किन्तु तुम काम-प्रधान, क्रोधी, अस्थिर-चित्त, राजधर्मों को गड्ड-मड्ड करने वाले और सदा धनुष चलाने में तत्पर हो।

श्लोक 34 (kishkindha.17.34)

न तेऽस्त्यपचितिर्धर्मे नार्थे बुद्धिरवस्थिता । इन्द्रियैः कामवृत्तः सन् कृष्यसे मनुजेश्वर ॥ 17.34 ॥

na te'styapacitirdharme nārthe buddhiravasthitā | indriyaiḥ kāmavṛttaḥ san kṛṣyase manujeśvara || 17.34 ||

हे नरेश्वर! न तो तुम्हें धर्म के प्रति कोई श्रद्धा है, न ही तुम्हारी बुद्धि अर्थ में स्थिर है — तुम अपनी इन्द्रियों से खिंचकर काम के वशीभूत हो।

श्लोक 35 (kishkindha.17.35)

हत्वा बाणेन काकुत्स्थ मामिहानपराधिनम् । किं वक्ष्यसि सतां मध्ये कर्म कृत्वा जुगुप्सितम् ॥ 17.35 ॥

hatvā bāṇena kākutstha māmihānaparādhinam | kiṃ vakṣyasi satāṃ madhye karma kṛtvā jugupsitam || 17.35 ||

हे काकुत्स्थ! निरपराध मुझे बाण से मारकर यह घृणित कर्म करने के पश्चात् तुम सज्जनों के बीच क्या कहोगे?

श्लोक 36 (kishkindha.17.36)

राजहा ब्रह्महा गोघ्नश्चोरः प्राणिवधे रतः । नास्तिकः परिवेत्ता च सर्वे निरयगामिनः ॥ 17.36 ॥

rājahā brahmahā goghnaścoraḥ prāṇivadhe rataḥ | nāstikaḥ parivettā ca sarve nirayagāminaḥ || 17.36 ||

राजहत्यारा, ब्रह्महत्यारा, गोहत्यारा, चोर, जीव-हिंसा में रत, नास्तिक और बड़े भाई से पहले विवाह करने वाला — ये सभी नरकगामी होते हैं।

श्लोक 37 (kishkindha.17.37)

सूचकश्च कदर्यश्च मित्रघ्नो गुरुतल्पगः । लोकं पापात्मनामेते गच्छन्ते नात्र संशयः ॥ 17.37 ॥

sūcakaśca kadaryaśca mitraghno gurutalpagaḥ | lokaṃ pāpātmanāmete gacchante nātra saṃśayaḥ || 17.37 ||

चुगलखोर, कंजूस, मित्र का घातक और गुरु की पत्नी को कलंकित करने वाला — ये सब निःसंदेह पापियों के लोक में जाते हैं।

श्लोक 38 (kishkindha.17.38)

अधार्यं चर्म मे सद्भी रोमाण्यस्थि च वर्जितम् । अभक्ष्याणि च मांसानि त्वद्विधैर्धर्मचारिभिः ॥ 17.38 ॥

adhāryaṃ carma me sadbhī romāṇyasthi ca varjitam | abhakṣyāṇi ca māṃsāni tvadvidhairdharmacāribhiḥ || 17.38 ||

सज्जन लोग मेरा चर्म धारण नहीं करते, न मेरे रोम और अस्थि काम में लाते हैं; तुम्हारे जैसे धर्माचरण करने वालों के लिए मेरा मांस भी अभक्ष्य है।

श्लोक 39 (kishkindha.17.39)

पञ्च पञ्चनखा भक्ष्या ब्रह्मक्षत्रेण राघव । शल्यकः श्वाविधो गोधा शशः कूर्मश्च पञ्चमः ॥ 17.39 ॥

pañca pañcanakhā bhakṣyā brahmakṣatreṇa rāghava | śalyakaḥ śvāvidho godhā śaśaḥ kūrmaśca pañcamaḥ || 17.39 ||

हे राघव! ब्राह्मणों और क्षत्रियों के लिए पाँच पंजेवाले जिन पाँच प्राणियों का भक्षण विहित है, वे हैं — साही, शल्यक, गोह, खरगोश और पाँचवाँ कच्छप।

श्लोक 40 (kishkindha.17.40)

चर्म चास्थि च मे राम न स्पृशन्ति मनीषिणः । अभक्ष्याणि च मांसानि सोऽहं पञ्चनखो हतः ॥ 17.40 ॥

carma cāsthi ca me rāma na spṛśanti manīṣiṇaḥ | abhakṣyāṇi ca māṃsāni so'haṃ pañcanakho hataḥ || 17.40 ||

हे राम! विद्वान लोग मेरे चर्म और अस्थि तक को नहीं छूते, और मेरा मांस अभक्ष्य है — फिर भी मुझ पंचनख को तुमने मार डाला।

श्लोक 41 (kishkindha.17.41)

तारया वाक्यमुक्तोऽहं सत्यं सर्वज्ञया हितम् । तदतिक्रम्य मोहेन कालस्य वशमागतः ॥ 17.41 ॥

tārayā vākyamukto'haṃ satyaṃ sarvajñayā hitam | tadatikramya mohena kālasya vaśamāgataḥ || 17.41 ||

सर्वज्ञ तारा ने मुझसे सत्य और हितकारी वचन कहे थे, किन्तु मोहवश उनका उल्लंघन कर मैं काल के वश में आ गया।

श्लोक 42 (kishkindha.17.42)

त्वया नाथेन काकुत्स्थ न सनाथा वसुंधरा । प्रमदा शीलसम्पूर्णा पत्येव च विधर्मणा ॥ 17.42 ॥

tvayā nāthena kākutstha na sanāthā vasuṃdharā | pramadā śīlasampūrṇā patyeva ca vidharmaṇā || 17.42 ||

हे काकुत्स्थ! तुम्हारे जैसे स्वामी के रहते यह पृथ्वी वास्तव में अनाथ ही है — जैसे उत्तम शीलवाली स्त्री किसी अधर्मी पति के साथ हो।

श्लोक 43 (kishkindha.17.43)

शठो नैकृतिकः क्षुद्रो मिथ्याप्रश्रितमानसः । कथं दशरथेन त्वं जातः पापो महात्मना ॥ 17.43 ॥

śaṭho naikṛtikaḥ kṣudro mithyāpraśritamānasaḥ | kathaṃ daśarathena tvaṃ jātaḥ pāpo mahātmanā || 17.43 ||

कपटी, धूर्त, क्षुद्र, मन में झूठी विनम्रता रखने वाले और पापी — तुम उस महात्मा दशरथ के पुत्र कैसे हो सकते हो?

श्लोक 44 (kishkindha.17.44)

छिन्नचारित्र्यकक्ष्येण सतां धर्मातिवर्तिना । त्यक्तधर्माङ्कुशेनाहं निहतो रामहस्तिना ॥ 17.44 ॥

chinnacāritryakakṣyeṇa satāṃ dharmātivartinā | tyaktadharmāṅkuśenāhaṃ nihato rāmahastinā || 17.44 ||

सदाचार की डोरी तोड़ चुके, सज्जनों के धर्म का उल्लंघन करने वाले और धर्म के अंकुश को त्याग चुके 'राम' नामक हाथी ने मुझे मार डाला है।

श्लोक 45 (kishkindha.17.45)

अशुभं चाप्ययुक्तं च सतां चैव विगर्हितम् । वक्ष्यसे चेदृशं कृत्वा सद्भिः सह समागतः ॥ 17.45 ॥

aśubhaṃ cāpyayuktaṃ ca satāṃ caiva vigarhitam | vakṣyase cedṛśaṃ kṛtvā sadbhiḥ saha samāgataḥ || 17.45 ||

ऐसा अशुभ, अनुचित और सज्जनों द्वारा निन्दित कार्य करके सज्जनों से मिलने पर तुम क्या कहोगे?

श्लोक 46 (kishkindha.17.46)

उदासीनेषु योऽस्मासु विक्रमोऽयं प्रकाशितः । अपकारिषु ते राम नैवं पश्यामि विक्रमम् ॥ 17.46 ॥

udāsīneṣu yo'smāsu vikramo'yaṃ prakāśitaḥ | apakāriṣu te rāma naivaṃ paśyāmi vikramam || 17.46 ||

तुमने अपना यह पराक्रम हम जैसे उदासीन प्राणियों पर तो दिखा दिया, किन्तु हे राम! तुम्हारा अपकार करने वालों के प्रति ऐसा पराक्रम मुझे कभी दिखाई नहीं देता।

श्लोक 47 (kishkindha.17.47)

दृश्यमानस्तु युध्येथा मया युधि नृपात्मज । अद्य वैवस्वतं देवं पश्येस्त्वं निहतो मया ॥ 17.47 ॥

dṛśyamānastu yudhyethā mayā yudhi nṛpātmaja | adya vaivasvataṃ devaṃ paśyestvaṃ nihato mayā || 17.47 ||

हे राजकुमार! यदि तुम सामने आकर मुझसे युद्ध करते, तो आज मेरे हाथों मारे जाकर वैवस्वत देव (यमराज) का दर्शन कर लेते।

श्लोक 48 (kishkindha.17.48)

त्वयादृश्येन तु रणे निहतोऽहं दुरासदः । प्रसुप्तः पन्नगेनैव नरः पापवशं गतः ॥ 17.48 ॥

tvayādṛśyena tu raṇe nihato'haṃ durāsadaḥ | prasuptaḥ pannagenaiva naraḥ pāpavaśaṃ gataḥ || 17.48 ||

किन्तु मैं, जो दुर्जय हूँ, तुमने युद्ध में अदृश्य रहकर मार डाला — जैसे कोई सोया हुआ व्यक्ति सर्प के काटने से पापवश मृत्यु को प्राप्त हो जाए।

श्लोक 49 (kishkindha.17.49)

सुग्रीवप्रियकामेन यदहं निहतस्त्वया । मामेव यदि पूर्वं त्वमेतदर्थमचोदयः । मैथिलीमहमेकाह्ना तव चानीतवान् भवेः ॥ 17.49 ॥

sugrīvapriyakāmena yadahaṃ nihatastvayā | māmeva yadi pūrvaṃ tvametadarthamacodayaḥ | maithilīmahamekāhnā tava cānītavān bhaveḥ || 17.49 ||

सुग्रीव को प्रसन्न करने की इच्छा से ही तुमने मुझे मारा है — यदि तुमने पहले यही कार्य मुझे सौंपा होता, तो मैं स्वयं एक ही दिन में मैथिली को तुम्हारे पास ले आया होता।

श्लोक 50 (kishkindha.17.50)

राक्षसं च दुरात्मानं तव भार्यापहारिणम् । कण्ठे बद्ध्वा प्रदद्यां तेऽनिहतं रावणं रणे ॥ 17.50 ॥

rākṣasaṃ ca durātmānaṃ tava bhāryāpahāriṇam | kaṇṭhe baddhvā pradadyāṃ te'nihataṃ rāvaṇaṃ raṇe || 17.50 ||

तुम्हारी पत्नी का अपहरण करने वाले उस दुरात्मा राक्षस रावण को मैं युद्ध में मारे बिना ही उसके गले में बाँधकर तुम्हें सौंप देता।

श्लोक 51 (kishkindha.17.51)

न्यस्तां सागरतोये वा पाताले वापि मैथिलीम् । आनयेयं तवादेशाच्छ्वेतामश्वतरीमिव ॥ 17.51 ॥

nyastāṃ sāgaratoye vā pātāle vāpi maithilīm | ānayeyaṃ tavādeśācchvetāmaśvatarīmiva || 17.51 ||

तुम्हारी आज्ञा से मैं मैथिली को, चाहे वह समुद्र के जल में अथवा पाताल में कहीं भी छिपी होती, तो भी श्वेत खच्चरी के समान सहज ही ले आता।

श्लोक 52 (kishkindha.17.52)

युक्तं यत्प्राप्नुयाद् राज्यं सुग्रीवः स्वर्गते मयि । अयुक्तं यदधर्मेण त्वयाहं निहतो रणे ॥ 17.52 ॥

yuktaṃ yatprāpnuyād rājyaṃ sugrīvaḥ svargate mayi | ayuktaṃ yadadharmeṇa tvayāhaṃ nihato raṇe || 17.52 ||

मेरे स्वर्गवासी होने पर सुग्रीव को राज्य मिलना तो उचित है, किन्तु युद्ध में तुमने मुझे जिस अधर्मपूर्वक ढंग से मारा है, वह अनुचित है।

श्लोक 53 (kishkindha.17.53)

काममेवंविधो लोकः कालेन विनियुज्यते । क्षमं चेद्भवता प्राप्तमुत्तरं साधु चिन्त्यताम् ॥ 17.53 ॥

kāmamevaṃvidho lokaḥ kālena viniyujyate | kṣamaṃ cedbhavatā prāptamuttaraṃ sādhu cintyatām || 17.53 ||

निःसंदेह संसार समय के अधीन इसी प्रकार चलता है — फिर भी यदि तुम्हें कोई उचित उत्तर सूझे, तो उस पर भलीभाँति विचार करो।"

श्लोक 54 (kishkindha.17.54)

इत्येवमुक्त्वा परिशुष्कवक्त्रः शराभिघाताद् व्यथितो महात्मा । समीक्ष्य रामं रविसंनिकाशं तूष्णीं बभौ वानरराजसूनुः ॥ 17.54 ॥

ityevamuktvā pariśuṣkavaktraḥ śarābhighātād vyathito mahātmā | samīkṣya rāmaṃ ravisaṃnikāśaṃ tūṣṇīṃ babhau vānararājasūnuḥ || 17.54 ||

यह कहकर, पीड़ा से मुख सूख जाने के कारण, बाण के आघात से व्यथित वह महात्मा वानरराज-पुत्र सूर्य के समान तेजस्वी राम को देखकर मौन हो गया।