तारा-विलाप-आरम्भ

श्लोक 1 (kishkindha.19.1)

स वानरमहाराजः शयानः शरपीडितः । प्रत्युक्तो हेतुमद्वाक्यैर्नोत्तरं प्रत्यपद्यत ॥ 19.1 ॥

sa vānaramahārājaḥ śayānaḥ śarapīḍitaḥ | pratyukto hetumadvākyairnottaraṃ pratyapadyata || 19.1 ||

बाण से पीड़ित होकर लेटे हुए उस वानरराज को इस प्रकार युक्तियुक्त वचनों से उत्तर दिए जाने पर उसे आगे कोई प्रत्युत्तर नहीं सूझा।

श्लोक 2 (kishkindha.19.2)

अश्मभिः परिभिन्नाङ्गः पादपैराहतो भृशम् । रामबाणेन चाक्रान्तो जीवितान्ते मुमोह सः ॥ 19.2 ॥

aśmabhiḥ paribhinnāṅgaḥ pādapairāhato bhṛśam | rāmabāṇena cākrānto jīvitānte mumoha saḥ || 19.2 ||

पत्थरों से अंग-अंग टूटा हुआ, वृक्षों से अत्यन्त आहत और राम के बाण से पराजित वह प्राणान्त के समय मूर्च्छित हो गया।

श्लोक 3 (kishkindha.19.3)

तं भार्या बाणमोक्षेण रामदत्तेन संयुगे । हतं प्लवगशार्दूलं तारा शुश्राव वालिनम् ॥ 19.3 ॥

taṃ bhāryā bāṇamokṣeṇa rāmadattena saṃyuge | hataṃ plavagaśārdūlaṃ tārā śuśrāva vālinam || 19.3 ||

उसकी पत्नी तारा ने सुना कि राम द्वारा युद्ध में छोड़े गए बाण से वानरश्रेष्ठ वाली मारा गया है।

श्लोक 4 (kishkindha.19.4)

सा सपुत्राप्रियं श्रुत्वा वधं भर्तुः सुदारुणम् । निष्पपात भृशं तस्मादुद्विग्ना गिरिकन्दरात् ॥ 19.4 ॥

sā saputrāpriyaṃ śrutvā vadhaṃ bhartuḥ sudāruṇam | niṣpapāta bhṛśaṃ tasmādudvignā girikandarāt || 19.4 ||

अपने पति की इस अत्यन्त भयंकर और अप्रिय मृत्यु का समाचार सुनकर वह पुत्र सहित अत्यन्त व्याकुल होकर उस पर्वत-कन्दरा से बाहर निकल पड़ी।

श्लोक 5 (kishkindha.19.5)

ये त्वङ्गदपरीवारा वानरा हि महाबलाः । ते सकार्मुकमालोक्य रामं त्रस्ताः प्रदुद्रुवुः ॥ 19.5 ॥

ye tvaṅgadaparīvārā vānarā hi mahābalāḥ | te sakārmukamālokya rāmaṃ trastāḥ pradudruvuḥ || 19.5 ||

अंगद के साथ रहने वाले महाबली वानर धनुषधारी राम को देखकर भयभीत होकर भाग खड़े हुए।

श्लोक 6 (kishkindha.19.6)

सा ददर्श ततस्त्रस्तान् हरीनापततो द्रुतम् । यूथादेव परिभ्रष्टान् मृगान् निहतयूथपान् ॥ 19.6 ॥

sā dadarśa tatastrastān harīnāpatato drutam | yūthādeva paribhraṣṭān mṛgān nihatayūthapān || 19.6 ||

तब उसने उन भयभीत वानरों को इस प्रकार बिखरा हुआ भागते देखा, मानो अपने अगुआ के मारे जाने पर झुंड से बिछुड़े हुए पशु हों।

श्लोक 7 (kishkindha.19.7)

तानुवाच समासाद्य दुःखितान् दुःखिता सती । रामवित्रासितान् सर्वाननुबद्धानिवेषुभिः ॥ 19.7 ॥

tānuvāca samāsādya duḥkhitān duḥkhitā satī | rāmavitrāsitān sarvānanubaddhāniveṣubhiḥ || 19.7 ||

वह स्वयं दुखी तारा उन दुखी वानरों के पास पहुँची, जो सब राम से इतने भयभीत थे मानो उसके बाण अभी भी उनका पीछा कर रहे हों, और उनसे बोली।

श्लोक 8 (kishkindha.19.8)

वानरा राजसिंहस्य यस्य यूयं पुरःसराः । तं विहाय सुवित्रस्ताः कस्माद् द्रवत दुर्गताः ॥ 19.8 ॥

vānarā rājasiṃhasya yasya yūyaṃ puraḥsarāḥ | taṃ vihāya suvitrastāḥ kasmād dravata durgatāḥ || 19.8 ||

"हे वानरो! जिस सिंह-समान राजा के तुम अनुगामी थे, उसे छोड़कर तुम इतने भयभीत और विवश होकर क्यों भाग रहे हो?

श्लोक 9 (kishkindha.19.9)

राज्यहेतोः स चेद् भ्राता भ्रात्रा क्रूरेण पातितः । रामेण प्रहितैर्दूरान्मार्गणैर्दूरपातिभिः ॥ 19.9 ॥

rājyahetoḥ sa ced bhrātā bhrātrā krūreṇa pātitaḥ | rāmeṇa prahitairdūrānmārgaṇairdūrapātibhiḥ || 19.9 ||

बताओ, क्या उस क्रूर भाई ने राज्य के लोभ में अपने ही भाई को राम द्वारा दूर से चलाए गए बाणों से गिरवा दिया है?

श्लोक 10 (kishkindha.19.10)

कपिपत्न्या वचः श्रुत्वा कपयः कामरूपिणः । प्राप्तकालमविश्लिष्टमूचुर्वचनमङ्गनाम् ॥ 19.10 ॥

kapipatnyā vacaḥ śrutvā kapayaḥ kāmarūpiṇaḥ | prāptakālamaviśliṣṭamūcurvacanamaṅganām || 19.10 ||

वानरराज की पत्नी के ये वचन सुनकर इच्छानुसार रूप बदलने वाले वे वानर उस समय के अनुकूल स्पष्ट वचन उससे बोले।

श्लोक 11 (kishkindha.19.11)

जीवपुत्रे निवर्तस्व पुत्रं रक्षस्व चाङ्गदम् । अन्तको रामरूपेण हत्वा नयति वालिनम् ॥ 19.11 ॥

jīvaputre nivartasva putraṃ rakṣasva cāṅgadam | antako rāmarūpeṇa hatvā nayati vālinam || 19.11 ||

"हे जीवित पुत्रवाली! लौट जाओ और अपने पुत्र अंगद की रक्षा करो — साक्षात् काल राम का रूप धारण कर वाली को मारकर ले जा रहा है।

श्लोक 12 (kishkindha.19.12)

क्षिप्तान् वृक्षान् समाविध्य विपुलाश्च तथा शिलाः । वाली वज्रसमैर्बाणैर्वज्रेणेव निपातितः ॥ 19.12 ॥

kṣiptān vṛkṣān samāvidhya vipulāśca tathā śilāḥ | vālī vajrasamairbāṇairvajreṇeva nipātitaḥ || 19.12 ||

वाली द्वारा फेंके गए वृक्षों और विशाल शिलाओं को वज्र-सदृश बाणों से चूर-चूर करके राम ने उसे मानो वज्र से ही गिरा दिया है।

श्लोक 13 (kishkindha.19.13)

अभिभूतमिदं सर्वं विद्रुतं वानरं बलम् । अस्मिन् प्लवगशार्दूले हते शक्रसमप्रभे ॥ 19.13 ॥

abhibhūtamidaṃ sarvaṃ vidrutaṃ vānaraṃ balam | asmin plavagaśārdūle hate śakrasamaprabhe || 19.13 ||

इन्द्र के समान तेजस्वी उस वानरश्रेष्ठ के मारे जाने पर यह सारी वानर-सेना अभिभूत होकर तितर-बितर हो गई है।

श्लोक 14 (kishkindha.19.14)

रक्ष्यतां नगरी शूरैरङ्गदश्चाभिषिच्यताम् । पदस्थं वालिनः पुत्रं भजिष्यन्ति प्लवंगमाः ॥ 19.14 ॥

rakṣyatāṃ nagarī śūrairaṅgadaścābhiṣicyatām | padasthaṃ vālinaḥ putraṃ bhajiṣyanti plavaṃgamāḥ || 19.14 ||

नगर की रक्षा वीरों द्वारा की जाए और अंगद का राज्याभिषेक किया जाए — राजपद पर स्थापित वाली-पुत्र के पीछे सभी वानर एकत्रित हो जाएँगे।

श्लोक 15 (kishkindha.19.15)

अथवारुचितं स्थानमिह ते रुचिरानने । आविशन्ति च दुर्गाणि क्षिप्रमद्यैव वानराः ॥ 19.15 ॥

athavārucitaṃ sthānamiha te rucirānane | āviśanti ca durgāṇi kṣipramadyaiva vānarāḥ || 19.15 ||

अथवा, हे सुमुखी! तुम्हारा यहाँ रहना ठीक नहीं है — सुग्रीव के वानर आज ही शीघ्र हमारे दुर्गों में प्रवेश कर लेंगे।

श्लोक 16 (kishkindha.19.16)

अभार्याः सहभार्याश्च सन्त्यत्र वनचारिणः । लुब्धेभ्यो विप्रलब्धेभ्यस्तेभ्यो नः सुमहद्भयम् ॥ 19.16 ॥

abhāryāḥ sahabhāryāśca santyatra vanacāriṇaḥ | lubdhebhyo vipralabdhebhyastebhyo naḥ sumahadbhayam || 19.16 ||

यहाँ वन में विचरने वाले कई ऐसे हैं जो निर्विवाह हैं, कई विवाहित हैं, कई लालची हैं और कई ऐसे हैं जिन्हें हमने ठगा है — उन्हीं से हमें बड़ा भय है।"

श्लोक 17 (kishkindha.19.17)

अल्पान्तरगतानां तु श्रुत्वा वचनमङ्गना । आत्मनः प्रतिरूपं सा बभाषे चारुहासिनी ॥ 19.17 ॥

alpāntaragatānāṃ tu śrutvā vacanamaṅganā | ātmanaḥ pratirūpaṃ sā babhāṣe cāruhāsinī || 19.17 ||

थोड़ी दूर आगे बढ़कर उनके ये वचन सुनने के बाद वह मधुर हास्यवाली तारा अपने स्वभाव के अनुरूप बोली।

श्लोक 18 (kishkindha.19.18)

पुत्रेण मम किं कार्यं राज्येनापि किमात्मना । कपिसिंहे महाभागे तस्मिन् भर्तरि नश्यति ॥ 19.18 ॥

putreṇa mama kiṃ kāryaṃ rājyenāpi kimātmanā | kapisiṃhe mahābhāge tasmin bhartari naśyati || 19.18 ||

"जब मेरा वह परम भाग्यशाली, सिंह-समान पति ही नष्ट हो गया, तो मुझे पुत्र से क्या, राज्य से क्या, और स्वयं अपने जीवन से भी क्या लेना-देना?

श्लोक 19 (kishkindha.19.19)

पादमूलं गमिष्यामि तस्यैवाहं महात्मनः । योऽसौ रामप्रयुक्तेन शरेण विनिपातितः ॥ 19.19 ॥

pādamūlaṃ gamiṣyāmi tasyaivāhaṃ mahātmanaḥ | yo'sau rāmaprayuktena śareṇa vinipātitaḥ || 19.19 ||

मैं उसी महात्मा के चरणों में जाऊँगी, जो राम द्वारा छोड़े गए बाण से गिराया गया है।"

श्लोक 20 (kishkindha.19.20)

एवमुक्त्वा प्रदुद्राव रुदती शोकमूर्च्छिता । शिरश्चोरश्च बाहुभ्यां दुःखेन समभिघ्नती ॥ 19.20 ॥

evamuktvā pradudrāva rudatī śokamūrcchitā | śiraścoraśca bāhubhyāṃ duḥkhena samabhighnatī || 19.20 ||

यह कहकर वह रोती हुई, शोक से विह्वल, दुःख के मारे अपने सिर और छाती को दोनों हाथों से पीटती हुई आगे दौड़ पड़ी।

श्लोक 21 (kishkindha.19.21)

सा व्रजन्ती ददर्शाथ पतिं निपतितं भुवि । हन्तारं दानवेन्द्राणां समरेष्वनिवर्तिनाम् ॥ 19.21 ॥

sā vrajantī dadarśātha patiṃ nipatitaṃ bhuvi | hantāraṃ dānavendrāṇāṃ samareṣvanivartinām || 19.21 ||

चलते-चलते उसने अपने पति को भूमि पर गिरा हुआ देखा — जो युद्धों में कभी पीठ न दिखाने वाले महादानवों का संहारक था,

श्लोक 22 (kishkindha.19.22)

क्षेप्तारं पर्वतेन्द्राणां वज्राणामिव वासवम् । महावातसमाविष्टं महामेघौघनिःस्वनम् ॥ 19.22 ॥

kṣeptāraṃ parvatendrāṇāṃ vajrāṇāmiva vāsavam | mahāvātasamāviṣṭaṃ mahāmeghaughaniḥsvanam || 19.22 ||

जो पर्वत-शिखरों को इन्द्र के वज्रों के समान फेंक सकता था, जिसका वेग प्रचण्ड आँधी के समान और गर्जन घने मेघों की गड़गड़ाहट के समान था,

श्लोक 23 (kishkindha.19.23)

शक्रतुल्यपराक्रान्तं वृष्ट्वेवोपरतं घनम् । नर्दन्तं नर्दतां भीमं शूरं शूरेण पातितम् । शार्दूलेनामिषस्यार्थे मृगराजमिवाहतम् ॥ 19.23 ॥

śakratulyaparākrāntaṃ vṛṣṭvevoparataṃ ghanam | nardantaṃ nardatāṃ bhīmaṃ śūraṃ śūreṇa pātitam | śārdūlenāmiṣasyārthe mṛgarājamivāhatam || 19.23 ||

जिसका पराक्रम इन्द्र के समान था, अब वैसे शान्त पड़ा था जैसे वर्षा कर चुका मेघ; गरजने वालों में भीषण गर्जन करने वाला वह शूर दूसरे शूर के हाथों गिरा पड़ा था, मानो व्याघ्र द्वारा आखेट के लिए मारा गया मृगराज हो।

श्लोक 24 (kishkindha.19.24)

अर्चितं सर्वलोकस्य सपताकं सवेदिकम् । नागहेतोः सुपर्णेन चैत्यमुन्मथितं यथा ॥ 19.24 ॥

arcitaṃ sarvalokasya sapatākaṃ savedikam | nāgahetoḥ suparṇena caityamunmathitaṃ yathā || 19.24 ||

वह ऐसे पड़ा था मानो सबके द्वारा पूजित, ध्वजाओं और वेदियों से सुशोभित कोई पवित्र स्थान हो, जिसे किसी सर्प के कारण गरुड़ ने उखाड़ फेंका हो।

श्लोक 25 (kishkindha.19.25)

अवष्टभ्यावतिष्ठन्तं ददर्श धनुरूर्जितम् । रामं रामानुजं चैव भर्तुश्चैव तथानुजम् ॥ 19.25 ॥

avaṣṭabhyāvatiṣṭhantaṃ dadarśa dhanurūrjitam | rāmaṃ rāmānujaṃ caiva bhartuścaiva tathānujam || 19.25 ||

उसने देखा कि राम अपने विशाल धनुष का सहारा लिए खड़े हैं, उनके साथ उनके अनुज लक्ष्मण हैं, और वहीं उसके पति का अनुज सुग्रीव भी खड़ा है।

श्लोक 26 (kishkindha.19.26)

तानतीत्य समासाद्य भर्तारं निहतं रणे । समीक्ष्य व्यथिता भूमौ सम्भ्रान्ता निपपात ह ॥ 19.26 ॥

tānatītya samāsādya bhartāraṃ nihataṃ raṇe | samīkṣya vyathitā bhūmau sambhrāntā nipapāta ha || 19.26 ||

उन सबको पार करके वह अपने युद्ध में मारे गए पति के पास पहुँची और उसे देखते ही व्यथित तथा भ्रमित होकर भूमि पर गिर पड़ी।

श्लोक 27 (kishkindha.19.27)

सुप्तेव पुनरुत्थाय आर्यपुत्रेति वादिनी । रुरोद सा पतिं दृष्ट्वा संवीतं मृत्युदामभिः ॥ 19.27 ॥

supteva punarutthāya āryaputreti vādinī | ruroda sā patiṃ dṛṣṭvā saṃvītaṃ mṛtyudāmabhiḥ || 19.27 ||

फिर मानो नींद से जागकर वह पुनः उठ खड़ी हुई और "हे आर्यपुत्र!" पुकारती हुई अपने मृत्यु-पाश में बंधे पति को देखकर रो पड़ी।

श्लोक 28 (kishkindha.19.28)

तामवेक्ष्य तु सुग्रीवः क्रोशन्तीं कुररीमिव । विषादमगमत् कष्टं दृष्ट्वा चाङ्गदमागतम् ॥ 19.28 ॥

tāmavekṣya tu sugrīvaḥ krośantīṃ kurarīmiva | viṣādamagamat kaṣṭaṃ dṛṣṭvā cāṅgadamāgatam || 19.28 ||

उसे कुररी पक्षी के समान विलाप करते देखकर और अंगद को भी वहाँ आया देखकर सुग्रीव को गहरा शोक हुआ।