वालि का अन्त्येष्टि-संस्कार

श्लोक 1 (kishkindha.25.1)

स सुग्रीवं च तारां च साङ्गदां सहलक्ष्मणः । समानशोकः काकुत्स्थः सान्त्वयन्निदमब्रवीत् ॥ 25.1 ॥

sa sugrīvaṃ ca tārāṃ ca sāṅgadāṃ sahalakṣmaṇaḥ | samānaśokaḥ kākutsthaḥ sāntvayannidamabravīt || 25.1 ||

लक्ष्मण के साथ उन काकुत्स्थ ने, स्वयं भी समान शोक से युक्त होकर, सुग्रीव, अंगद-सहित तारा - सबको सांत्वना देते हुए यह कहा।

श्लोक 2 (kishkindha.25.2)

न शोकपरितापेन श्रेयसा युज्यते मृतः । यदत्रानन्तरं कार्यं तत् समाधातुमर्हथ ॥ 25.2 ॥

na śokaparitāpena śreyasā yujyate mṛtaḥ | yadatrānantaraṃ kāryaṃ tat samādhātumarhatha || 25.2 ||

शोक और संताप करने से मृतक को कोई कल्याण प्राप्त नहीं होता; अतः अब जो कार्य इसके पश्चात् करणीय है, उसी को सम्पन्न करना चाहिए।

श्लोक 3 (kishkindha.25.3)

लोकवृत्तमनुष्ठेयं कृतं वो बाष्पमोक्षणम् । न कालादुत्तरं किंचित् कर्मशक्यमुपासितुम् ॥ 25.3 ॥

lokavṛttamanuṣṭheyaṃ kṛtaṃ vo bāṣpamokṣaṇam | na kālāduttaraṃ kiṃcit karmaśakyamupāsitum || 25.3 ||

लोक-व्यवहार का पालन करना उचित ही है, और तुमने आँसू बहाकर वह कर लिया है; परन्तु समय बीत जाने पर उसके पश्चात् किसी कार्य से कुछ भी सिद्ध नहीं हो सकता।

श्लोक 4 (kishkindha.25.4)

नियतिः कारणं लोके नियतिः कर्मसाधनम् । नियतिः सर्वभूतानां नियोगेष्विह कारणम् ॥ 25.4 ॥

niyatiḥ kāraṇaṃ loke niyatiḥ karmasādhanam | niyatiḥ sarvabhūtānāṃ niyogeṣviha kāraṇam || 25.4 ||

इस संसार में नियति ही सबका कारण है, नियति ही कर्म का साधन है; समस्त प्राणियों के इस लोक के कार्यों में भी नियति ही कारण है।

श्लोक 5 (kishkindha.25.5)

न कर्ता कस्यचित् कश्चिन्नियोगे नापि चेश्वरः । स्वभावे वर्तते लोकस्तस्य कालः परायणम् ॥ 25.5 ॥

na kartā kasyacit kaścinniyoge nāpi ceśvaraḥ | svabhāve vartate lokastasya kālaḥ parāyaṇam || 25.5 ||

कोई किसी के कार्य में वास्तव में कर्ता नहीं है, न ही कोई किसी को नियुक्त करने वाला स्वामी है; संसार अपने ही स्वभाव के अनुसार चलता है, और काल ही उसका परम आश्रय है।

श्लोक 6 (kishkindha.25.6)

न कालः कालमत्येति न कालः परिहीयते । स्वभावं च समासाद्य न कश्चिदतिवर्तते ॥ 25.6 ॥

na kālaḥ kālamatyeti na kālaḥ parihīyate | svabhāvaṃ ca samāsādya na kaścidativartate || 25.6 ||

काल कभी काल का अतिक्रमण नहीं करता, न ही काल कहीं कम पड़ता है; और अपने स्वभाव को प्राप्त करके कोई भी उसका उल्लंघन नहीं कर पाता।

श्लोक 7 (kishkindha.25.7)

न कालस्यास्ति बन्धुत्वं न हेतुर्न पराक्रमः । न मित्रज्ञातिसम्बन्धः कारणं नात्मनो वशः ॥ 25.7 ॥

na kālasyāsti bandhutvaṃ na heturna parākramaḥ | na mitrajñātisambandhaḥ kāraṇaṃ nātmano vaśaḥ || 25.7 ||

काल का न तो किसी से बन्धुत्व है, न कोई कारण है और न ही कोई पराक्रम उसे रोक सकता है; न मित्रता या बन्धुत्व का सम्बन्ध और न ही अपना बल, कोई भी उसके विरुद्ध कारण नहीं बन सकता।

श्लोक 8 (kishkindha.25.8)

किं तु कालपरीणामो द्रष्टव्यः साधु पश्यता । धर्मश्चार्थश्च कामश्च कालक्रमसमाहिताः ॥ 25.8 ॥

kiṃ tu kālaparīṇāmo draṣṭavyaḥ sādhu paśyatā | dharmaścārthaśca kāmaśca kālakramasamāhitāḥ || 25.8 ||

परन्तु जो सम्यक् दृष्टि से देखता है, उसे काल के परिणाम का अवलोकन करना चाहिए; धर्म, अर्थ और काम - ये सब भी काल के ही क्रम से सम्पन्न होते हैं।

श्लोक 9 (kishkindha.25.9)

इतः स्वां प्रकृतिं वाली गतः प्राप्तः क्रियाफलम् । सामदानार्थसंयोगैः पवित्रं प्लवगेश्वरः ॥ 25.9 ॥

itaḥ svāṃ prakṛtiṃ vālī gataḥ prāptaḥ kriyāphalam | sāmadānārthasaṃyogaiḥ pavitraṃ plavageśvaraḥ || 25.9 ||

वालि यहाँ से अपनी सहज प्रकृति को प्राप्त हो गया है और अपने कर्मों का फल पा चुका है; वह वानरराज साम, दान और सदाचार के संयोग से पवित्र हो चुका था।

श्लोक 10 (kishkindha.25.10)

स्वधर्मस्य च संयोगाज्जितस्तेन महात्मना । स्वर्गः परिगृहीतश्च प्राणानपरिरक्षता ॥ 25.10 ॥

svadharmasya ca saṃyogājjitastena mahātmanā | svargaḥ parigṛhītaśca prāṇānaparirakṣatā || 25.10 ||

अपने ही धर्म के पालन से तथा प्राणों की रक्षा की चिन्ता न करते हुए, उस महात्मा ने विजय पाकर स्वर्ग को प्राप्त कर लिया।

श्लोक 11 (kishkindha.25.11)

एषा वै नियतिः श्रेष्ठा यां गतो हरियूथपः । तदलं परितापेन प्राप्तकालमुपास्यताम् ॥ 25.11 ॥

eṣā vai niyatiḥ śreṣṭhā yāṃ gato hariyūthapaḥ | tadalaṃ paritāpena prāptakālamupāsyatām || 25.11 ||

यही वानरराज की प्राप्त की हुई सर्वश्रेष्ठ नियति है; अतः अब संताप करना छोड़ो और जो अभी करणीय है, उसी का पालन करो।

श्लोक 12 (kishkindha.25.12)

वचनान्ते तु रामस्य लक्ष्मणः परवीरहा । अवदत् प्रश्रितं वाक्यं सुग्रीवं गतचेतसम् ॥ 25.12 ॥

vacanānte tu rāmasya lakṣmaṇaḥ paravīrahā | avadat praśritaṃ vākyaṃ sugrīvaṃ gatacetasam || 25.12 ||

राम का वचन समाप्त होने पर शत्रुवीरों के नाशक लक्ष्मण ने शोक-विह्वल सुग्रीव से यह विनम्र वचन कहा।

श्लोक 13 (kishkindha.25.13)

कुरु त्वमस्य सुग्रीव प्रेतकार्यमनन्तरम् । ताराङ्गदाभ्यां सहितो वालिनो दहनं प्रति ॥ 25.13 ॥

kuru tvamasya sugrīva pretakāryamanantaram | tārāṅgadābhyāṃ sahito vālino dahanaṃ prati || 25.13 ||

हे सुग्रीव, तुम तारा और अंगद के साथ अब बिना विलम्ब वालि का अन्त्येष्टि-कार्य और दाह-संस्कार सम्पन्न करो।

श्लोक 14 (kishkindha.25.14)

समाज्ञापय काष्ठानि शुष्काणि च बहूनि च । चन्दनानि च दिव्यानि वालिसंस्कारकारणात् ॥ 25.14 ॥

samājñāpaya kāṣṭhāni śuṣkāṇi ca bahūni ca | candanāni ca divyāni vālisaṃskārakāraṇāt || 25.14 ||

वालि के संस्कार के लिए बहुत सी सूखी लकड़ियाँ तथा दिव्य चन्दन-काष्ठ मँगवाने की आज्ञा दो।

श्लोक 15 (kishkindha.25.15)

समाश्वासय दीनं त्वमङ्गदं दीनचेतसम् । मा भूर्बालिशबुद्धिस्त्वं त्वदधीनमिदं पुरम् ॥ 25.15 ॥

samāśvāsaya dīnaṃ tvamaṅgadaṃ dīnacetasam | mā bhūrbāliśabuddhistvaṃ tvadadhīnamidaṃ puram || 25.15 ||

दीन-चित्त इस दुःखी अंगद को सांत्वना दो; और तुम स्वयं भी बालबुद्धि के समान व्यवहार मत करो, क्योंकि अब यह नगर तुम्हारे ही अधीन है।

श्लोक 16 (kishkindha.25.16)

अङ्गदस्त्वानयेन्माल्यं वस्त्राणि विविधानि च । घृतं तैलमथो गन्धान् यच्चात्र समनन्तरम् ॥ 25.16 ॥

aṅgadastvānayenmālyaṃ vastrāṇi vividhāni ca | ghṛtaṃ tailamatho gandhān yaccātra samanantaram || 25.16 ||

अंगद माला, विविध वस्त्र, घी, तेल तथा सुगन्धित द्रव्य - जो कुछ भी इस अवसर के लिए तुरन्त आवश्यक हो, ले आए।

श्लोक 17 (kishkindha.25.17)

त्वं तार शिबिकां शीघ्रमादायागच्छ सम्भ्रमात् । त्वरा गुणवती युक्ता ह्यस्मिन् काले विशेषतः ॥ 25.17 ॥

tvaṃ tāra śibikāṃ śīghramādāyāgaccha sambhramāt | tvarā guṇavatī yuktā hyasmin kāle viśeṣataḥ || 25.17 ||

और हे तार, तुम शीघ्रता से एक पालकी लेकर आओ; क्योंकि इस समय विशेष रूप से शीघ्रता ही उपयुक्त और गुणकारी है।

श्लोक 18 (kishkindha.25.18)

सज्जीभवन्तु प्लवगाः शिबिकावाहनोचिताः । समर्था बलिनश्चैव निर्हरिष्यन्ति वालिनम् ॥ 25.18 ॥

sajjībhavantu plavagāḥ śibikāvāhanocitāḥ | samarthā balinaścaiva nirhariṣyanti vālinam || 25.18 ||

पालकी उठाने के योग्य, समर्थ और बलवान् वानर तैयार हो जाएँ; वे ही वालि को बाहर ले जाएँगे।

श्लोक 19 (kishkindha.25.19)

एवमुक्त्वा तु सुग्रीवं सुमित्रानन्दवर्धनः । तस्थौ भ्रातृसमीपस्थो लक्ष्मणः परवीरहा ॥ 25.19 ॥

evamuktvā tu sugrīvaṃ sumitrānandavardhanaḥ | tasthau bhrātṛsamīpastho lakṣmaṇaḥ paravīrahā || 25.19 ||

सुग्रीव से इस प्रकार कहकर, सुमित्रा के आनन्द को बढ़ाने वाले तथा शत्रुवीरों के नाशक लक्ष्मण अपने भाई राम के समीप ही खड़े रहे।

श्लोक 20 (kishkindha.25.20)

लक्ष्मणस्य वचः श्रुत्वा तारः सम्भ्रान्तमानसः । प्रविवेश गुहां शीघ्रं शिबिकासक्तमानसः ॥ 25.20 ॥

lakṣmaṇasya vacaḥ śrutvā tāraḥ sambhrāntamānasaḥ | praviveśa guhāṃ śīghraṃ śibikāsaktamānasaḥ || 25.20 ||

लक्ष्मण के वचन सुनकर, मन में शीघ्रता से भरा हुआ तथा पालकी लाने में तत्पर वह तार तुरन्त उस गुफा-नगरी में प्रविष्ट हुआ।

श्लोक 21 (kishkindha.25.21)

आदाय शिबिकां तारः स तु पर्यापतत् पुनः । वानरैरुह्यमानां तां शूरैरुद्वहनोचितैः ॥ 25.21 ॥

ādāya śibikāṃ tāraḥ sa tu paryāpatat punaḥ | vānarairuhyamānāṃ tāṃ śūrairudvahanocitaiḥ || 25.21 ||

पालकी को लेकर वह तार शीघ्र ही पुनः लौट आया; उसे वीर तथा भार वहन करने योग्य वानर उठाए हुए थे।

श्लोक 22 (kishkindha.25.22)

दिव्यां भद्रासनयुतां शिबिकां स्यन्दनोपमाम् । पक्षिकर्मभिराचित्रां द्रुमकर्मविभूषिताम् ॥ 25.22 ॥

divyāṃ bhadrāsanayutāṃ śibikāṃ syandanopamām | pakṣikarmabhirācitrāṃ drumakarmavibhūṣitām || 25.22 ||

वह दिव्य पालकी उत्तम आसन से युक्त, रथ के समान सुन्दर, पक्षियों की आकृतियों से चित्रित तथा वृक्षों की कारीगरी से विभूषित थी,

श्लोक 23 (kishkindha.25.23)

आचितां चित्रपत्तीभिः सुनिविष्टां समन्ततः । विमानमिव सिद्धानां जालवातायनायुताम् ॥ 25.23 ॥

ācitāṃ citrapattībhiḥ suniviṣṭāṃ samantataḥ | vimānamiva siddhānāṃ jālavātāyanāyutām || 25.23 ||

चारों ओर से विचित्र पैदल-सैनिकों की आकृतियों से सज्जित, सुसंगठित तथा जालीदार झरोखों से युक्त थी, मानो सिद्धों का विमान हो;

श्लोक 24 (kishkindha.25.24)

सुनियुक्तां विशालां च सुकृतां शिल्पिभिः कृताम् । दारुपर्वतकोपेतां चारुकर्मपरिष्कृताम् ॥ 25.24 ॥

suniyuktāṃ viśālāṃ ca sukṛtāṃ śilpibhiḥ kṛtām | dāruparvatakopetāṃ cārukarmapariṣkṛtām || 25.24 ||

वह भलीभाँति जुड़ी हुई तथा विशाल थी, शिल्पियों द्वारा सुन्दर ढंग से निर्मित, काष्ठ-निर्मित पर्वताकृतियों से युक्त और सुन्दर कारीगरी से सुसज्जित थी;

श्लोक 25 (kishkindha.25.25)

वराभरणहारैश्च चित्रमाल्योपशोभिताम् । गुहागहनसंछन्नां रक्तचन्दनभूषिताम् ॥ 25.25 ॥

varābharaṇahāraiśca citramālyopaśobhitām | guhāgahanasaṃchannāṃ raktacandanabhūṣitām || 25.25 ||

वह उत्तम आभूषणों और हारों से युक्त, सुन्दर मालाओं से सुशोभित, गुहा-सदृश छत से आच्छादित तथा रक्तचन्दन से विभूषित थी;

श्लोक 26 (kishkindha.25.26)

पुष्पौघैः समभिच्छन्नां पद्ममालाभिरेव च । तरुणादित्यवर्णाभिर्भ्राजमानाभिरावृताम् ॥ 25.26 ॥

puṣpaughaiḥ samabhicchannāṃ padmamālābhireva ca | taruṇādityavarṇābhirbhrājamānābhirāvṛtām || 25.26 ||

वह पुष्पों के समूहों तथा कमल-मालाओं से आच्छादित थी, और उदीयमान सूर्य के समान वर्ण वाली चमकती हुई आभा से आवृत थी - ऐसी उस पालकी को तार ले आया।

श्लोक 27 (kishkindha.25.27)

ईदृशीं शिबिकां दृष्ट्वा रामो लक्ष्मणमब्रवीत् । क्षिप्रं विनीयतां वाली प्रेतकार्यं विधीयताम् ॥ 25.27 ॥

īdṛśīṃ śibikāṃ dṛṣṭvā rāmo lakṣmaṇamabravīt | kṣipraṃ vinīyatāṃ vālī pretakāryaṃ vidhīyatām || 25.27 ||

ऐसी उस पालकी को देखकर राम ने लक्ष्मण से कहा - "वालि को शीघ्र ले जाया जाए और उसका अन्त्येष्टि-कार्य सम्पन्न किया जाए।"

श्लोक 28 (kishkindha.25.28)

ततो वालिनमुद्यम्य सुग्रीवः शिबिकां तदा । आरोपयत विक्रोशन्नङ्गदेन सहैव तु ॥ 25.28 ॥

tato vālinamudyamya sugrīvaḥ śibikāṃ tadā | āropayata vikrośannaṅgadena sahaiva tu || 25.28 ||

तत्पश्चात् सुग्रीव ने वालि को उठाकर, ऊँचे स्वर से विलाप करते हुए, अंगद के साथ मिलकर उसे उस पालकी पर लिटा दिया।

श्लोक 29 (kishkindha.25.29)

आरोप्य शिबिकां चैव वालिनं गतजीवितम् । अलंकारैश्च विविधैर्माल्यैर्वस्त्रैश्च भूषितम् ॥ 25.29 ॥

āropya śibikāṃ caiva vālinaṃ gatajīvitam | alaṃkāraiśca vividhairmālyairvastraiśca bhūṣitam || 25.29 ||

प्राणहीन वालि को विविध आभूषणों, मालाओं और वस्त्रों से अलंकृत करके उस पालकी पर बिठाकर -

श्लोक 30 (kishkindha.25.30)

आज्ञापयत् तदा राजा सुग्रीवः प्लवगेश्वरः । और्ध्वदेहिकमार्यस्य क्रियतामनुकूलतः ॥ 25.30 ॥

ājñāpayat tadā rājā sugrīvaḥ plavageśvaraḥ | aurdhvadehikamāryasya kriyatāmanukūlataḥ || 25.30 ||

- वानरराज सुग्रीव ने तब आज्ञा दी: "इस आर्य का ऊर्ध्वदैहिक-संस्कार यथोचित रीति से किया जाए।

श्लोक 31 (kishkindha.25.31)

विश्राणयन्तो रत्नानि विविधानि बहूनि च । अग्रतः प्लवगा यान्तु शिबिका तदनन्तरम् ॥ 25.31 ॥

viśrāṇayanto ratnāni vividhāni bahūni ca | agrataḥ plavagā yāntu śibikā tadanantaram || 25.31 ||

वानर आगे-आगे चलते हुए विविध रत्नों को प्रचुर मात्रा में बिखेरें, और उसके पश्चात् पालकी चले।

श्लोक 32 (kishkindha.25.32)

राज्ञामृद्धिविशेषा हि दृश्यन्ते भुवि यादृशाः । तादृशैरिह कुर्वन्तु वानरा भर्तृसत्क्रियाम् ॥ 25.32 ॥

rājñāmṛddhiviśeṣā hi dṛśyante bhuvi yādṛśāḥ | tādṛśairiha kurvantu vānarā bhartṛsatkriyām || 25.32 ||

पृथ्वी पर राजाओं के लिए जिस प्रकार की विशेष समृद्धि दिखाई जाती है, उसी प्रकार वानर भी अपने स्वामी की यह अन्तिम सत्कार-क्रिया सम्पन्न करें।"

श्लोक 33 (kishkindha.25.33)

तादृशं वालिनः क्षिप्रं प्राकुर्वन्नौर्ध्वदेहिकम् । अङ्गदं परिरभ्याशु तारप्रभृतयस्तदा ॥ 25.33 ॥

tādṛśaṃ vālinaḥ kṣipraṃ prākurvannaurdhvadehikam | aṅgadaṃ parirabhyāśu tāraprabhṛtayastadā || 25.33 ||

उन्होंने वालि का वैसा ही ऊर्ध्वदैहिक-संस्कार शीघ्रता से सम्पन्न किया; और तब तारा आदि ने तुरन्त अंगद को गले लगाया।

श्लोक 34 (kishkindha.25.34)

क्रोशन्तः प्रययुः सर्वे वानरा हतबान्धवाः । ततः प्रणिहिताः सर्वा वानर्योऽस्य वशानुगाः ॥ 25.34 ॥

krośantaḥ prayayuḥ sarve vānarā hatabāndhavāḥ | tataḥ praṇihitāḥ sarvā vānaryo'sya vaśānugāḥ || 25.34 ||

अपने बन्धु को खोए हुए सभी वानर विलाप करते हुए आगे बढ़े; तत्पश्चात् उसकी अनुगामिनी सभी वानरियाँ भी उस यात्रा में भेजी गईं।

श्लोक 35 (kishkindha.25.35)

चुक्रुशुर्वीरवीरेति भूयः क्रोशन्ति ताः प्रियम् । ताराप्रभृतयः सर्वा वानर्यो हतबान्धवाः ॥ 25.35 ॥

cukruśurvīravīreti bhūyaḥ krośanti tāḥ priyam | tārāprabhṛtayaḥ sarvā vānaryo hatabāndhavāḥ || 25.35 ||

वे बार-बार "हे वीर, हे वीर!" पुकारती रहीं - तारा आदि वे सभी वानरियाँ, जिन्होंने अपने बन्धु को खोया था, अपने प्रियतम के लिए इस प्रकार विलाप करती रहीं।

श्लोक 36 (kishkindha.25.36)

अनुजग्मुश्च भर्तारं क्रोशन्त्यः करुणस्वनाः । तासां रुदितशब्देन वानरीणां वनान्तरे ॥ 25.36 ॥

anujagmuśca bhartāraṃ krośantyaḥ karuṇasvanāḥ | tāsāṃ ruditaśabdena vānarīṇāṃ vanāntare || 25.36 ||

करुण स्वर में विलाप करती हुई वे अपने स्वामी के पीछे-पीछे चलती रहीं; और वन के भीतर उन वानरियों के रुदन की ध्वनि से -

श्लोक 37 (kishkindha.25.37)

वनानि गिरयश्चैव विक्रोशन्तीव सर्वतः । पुलिने गिरिनद्यास्तु विविक्ते जलसंवृते ॥ 25.37 ॥

vanāni girayaścaiva vikrośantīva sarvataḥ | puline girinadyāstu vivikte jalasaṃvṛte || 25.37 ||

- वन और पर्वत भी मानो चारों ओर से विलाप करते प्रतीत होने लगे। किसी पर्वतीय नदी के जल से घिरे एकान्त तटवर्ती स्थल पर -

श्लोक 38 (kishkindha.25.38)

चितां चक्रुः सुबहवो वानरा वनचारिणः । अवरोप्य ततः स्कन्धाच्छिबिकां वानरोत्तमाः ॥ 25.38 ॥

citāṃ cakruḥ subahavo vānarā vanacāriṇaḥ | avaropya tataḥ skandhācchibikāṃ vānarottamāḥ || 25.38 ||

- बहुत से वनचारी वानरों ने चिता तैयार की; तथा उन श्रेष्ठ वानरों ने अपने कंधों से पालकी को नीचे उतारा।

श्लोक 39 (kishkindha.25.39)

तस्थुरेकान्तमाश्रित्य सर्वे शोकपरायणाः । ततस्तारा पतिं दृष्ट्वा शिबिकातलशायिनम् ॥ 25.39 ॥

tasthurekāntamāśritya sarve śokaparāyaṇāḥ | tatastārā patiṃ dṛṣṭvā śibikātalaśāyinam || 25.39 ||

शोक में डूबे हुए वे सभी एक ओर एकान्त में खड़े हो गए; तब तारा ने पालकी के तल पर लेटे हुए अपने पति को देखकर -

श्लोक 40 (kishkindha.25.40)

आरोप्याङ्के शिरस्तस्य विललाप सुदुःखिता । हा वानरमहाराज हा नाथ मम वत्सल ॥ 25.40 ॥

āropyāṅke śirastasya vilalāpa suduḥkhitā | hā vānaramahārāja hā nātha mama vatsala || 25.40 ||

- उनके सिर को अपनी गोद में रखकर, अत्यन्त दुःखी होकर विलाप करने लगी - "हा वानरमहाराज! हा मुझ पर स्नेह रखने वाले मेरे नाथ!

श्लोक 41 (kishkindha.25.41)

हा महार्ह महाबाहो हा मम प्रिय पश्य माम् । जनं न पश्यसीमं त्वं कस्माच्छोकाभिपीडितम् ॥ 25.41 ॥

hā mahārha mahābāho hā mama priya paśya mām | janaṃ na paśyasīmaṃ tvaṃ kasmācchokābhipīḍitam || 25.41 ||

हा महार्ह! हा महाबाहो! हा मेरे प्रिय, मुझे देखो! शोक से इस प्रकार पीड़ित इस अपनी जन को तुम क्यों नहीं देखते?

श्लोक 42 (kishkindha.25.42)

प्रहृष्टमिह ते वक्त्रं गतासोरपि मानद । अस्तार्कसमवर्णं च दृश्यते जीवतो यथा ॥ 25.42 ॥

prahṛṣṭamiha te vaktraṃ gatāsorapi mānada | astārkasamavarṇaṃ ca dṛśyate jīvato yathā || 25.42 ||

हे मानद, प्राण चले जाने पर भी तुम्हारा यह मुख अभी प्रसन्न-सा प्रतीत होता है, अस्ताचल-गत सूर्य के समान वर्ण वाला, मानो तुम अभी जीवित ही हो।

श्लोक 43 (kishkindha.25.43)

एष त्वां रामरूपेण कालः कर्षति वानर । येन स्म विधवाः सर्वाः कृता एकेषुणा रणे ॥ 25.43 ॥

eṣa tvāṃ rāmarūpeṇa kālaḥ karṣati vānara | yena sma vidhavāḥ sarvāḥ kṛtā ekeṣuṇā raṇe || 25.43 ||

हे वानर, यह तो रामरूप में स्वयं काल ही है जो तुम्हें खींच ले गया है - जिसने युद्ध में एक ही बाण से हम सबको विधवा बना दिया।

श्लोक 44 (kishkindha.25.44)

इमास्तास्तव राजेन्द्र वानर्योऽप्लवगास्तव । पादैर्विकृष्टमध्वानमागताः किं न बुध्यसे ॥ 25.44 ॥

imāstāstava rājendra vānaryo'plavagāstava | pādairvikṛṣṭamadhvānamāgatāḥ kiṃ na budhyase || 25.44 ||

हे राजेन्द्र, ये तुम्हारी वानरियाँ, जो अब उछल-कूद करने में असमर्थ हैं, पैरों से इस लम्बे मार्ग को नापती हुई यहाँ तक आई हैं; तुम इन्हें क्यों नहीं पहचानते?

श्लोक 45 (kishkindha.25.45)

तवेष्टा ननु चैवेमा भार्याश्चन्द्रनिभाननाः । इदानीं नेक्षसे कस्मात् सुग्रीवं प्लवगेश्वर ॥ 25.45 ॥

taveṣṭā nanu caivemā bhāryāścandranibhānanāḥ | idānīṃ nekṣase kasmāt sugrīvaṃ plavageśvara || 25.45 ||

निश्चय ही ये चन्द्रमुखी स्त्रियाँ तुम्हारी अपनी ही प्रिय पत्नियाँ हैं; हे वानरेश्वर, अब तुम सुग्रीव को भी क्यों नहीं देख रहे?

श्लोक 46 (kishkindha.25.46)

एते हि सचिवा राजंस्तारप्रभृतयस्तव । पुरवासिजनश्चायं परिवार्य विषीदति ॥ 25.46 ॥

ete hi sacivā rājaṃstāraprabhṛtayastava | puravāsijanaścāyaṃ parivārya viṣīdati || 25.46 ||

हे राजन्, ये तार आदि तुम्हारे अपने मंत्रीगण हैं; तथा यह नगरवासी जनसमूह भी चारों ओर घिरकर शोक में डूबा हुआ है।

श्लोक 47 (kishkindha.25.47)

विसर्जयैनान् सचिवान् यथापुरमरिंदम । ततः क्रीडामहे सर्वा वनेषु मदनोत्कटाः ॥ 25.47 ॥

visarjayainān sacivān yathāpuramariṃdama | tataḥ krīḍāmahe sarvā vaneṣu madanotkaṭāḥ || 25.47 ||

हे शत्रुदमन, पहले की भाँति इन मंत्रियों को विदा करो, जिससे हम सब पुनः प्रेमोन्मत्त होकर वनों में क्रीड़ा कर सकें।"

श्लोक 48 (kishkindha.25.48)

एवं विलपतीं तारां पतिशोकपरीवृताम् । उत्थापयन्ति स्म तदा वानर्यः शोककर्शिताः ॥ 25.48 ॥

evaṃ vilapatīṃ tārāṃ patiśokaparīvṛtām | utthāpayanti sma tadā vānaryaḥ śokakarśitāḥ || 25.48 ||

पति-शोक से घिरी हुई तारा के इस प्रकार विलाप करते रहने पर, स्वयं भी शोक से क्षीण हुई वानरियों ने उसे उठा लिया।

श्लोक 49 (kishkindha.25.49)

सुग्रीवेण ततः सार्धं सोऽङ्गदः पितरं रुदन् । चितामारोपयामास शोकेनाभिप्लुतेन्द्रियः ॥ 25.49 ॥

sugrīveṇa tataḥ sārdhaṃ so'ṅgadaḥ pitaraṃ rudan | citāmāropayāmāsa śokenābhiplutendriyaḥ || 25.49 ||

तत्पश्चात् शोक से जिसकी इन्द्रियाँ अभिभूत हो गई थीं, वह रोता हुआ अंगद, सुग्रीव के साथ मिलकर, अपने पिता को चिता पर रखने लगा।

श्लोक 50 (kishkindha.25.50)

ततोऽग्निं विधिवद् दत्त्वा सोऽपसव्यं चकार ह । पितरं दीर्घमध्वानं प्रस्थितं व्याकुलेन्द्रियः ॥ 25.50 ॥

tato'gniṃ vidhivad dattvā so'pasavyaṃ cakāra ha | pitaraṃ dīrghamadhvānaṃ prasthitaṃ vyākulendriyaḥ || 25.50 ||

तत्पश्चात् विधिपूर्वक अग्नि देकर, व्याकुल-चित्त उस अंगद ने उस दूर की लम्बी यात्रा पर गए हुए अपने पिता की अपसव्य परिक्रमा की।

श्लोक 51 (kishkindha.25.51)

संस्कृत्य वालिनं तं तु विधिवत् प्लवगर्षभाः । आजग्मुरुदकं कर्तुं नदीं शुभजलां शिवाम् ॥ 25.51 ॥

saṃskṛtya vālinaṃ taṃ tu vidhivat plavagarṣabhāḥ | ājagmurudakaṃ kartuṃ nadīṃ śubhajalāṃ śivām || 25.51 ||

वालि का विधिपूर्वक संस्कार करके, वे वानरश्रेष्ठ जलांजलि अर्पित करने के लिए शुभ जल वाली किसी पवित्र नदी के पास आए।

श्लोक 52 (kishkindha.25.52)

ततस्ते सहितास्तत्र ह्यङ्गदं स्थाप्य चाग्रतः । सुग्रीवतारासहिताः सिषिचुर्वालिने जलम् ॥ 25.52 ॥

tataste sahitāstatra hyaṅgadaṃ sthāpya cāgrataḥ | sugrīvatārāsahitāḥ siṣicurvāline jalam || 25.52 ||

वहाँ सब एकत्र होकर, अंगद को आगे रखकर तथा सुग्रीव और तारा सहित, उन्होंने वालि को जलांजलि अर्पित की।

श्लोक 53 (kishkindha.25.53)

सुग्रीवेणैव दीनेन दीनो भूत्वा महाबलः । समानशोकः काकुत्स्थः प्रेतकार्याण्यकारयत् ॥ 25.53 ॥

sugrīveṇaiva dīnena dīno bhūtvā mahābalaḥ | samānaśokaḥ kākutsthaḥ pretakāryāṇyakārayat || 25.53 ||

वह महाबली काकुत्स्थ स्वयं भी दीन सुग्रीव के समान ही दीन होकर तथा समान शोक से युक्त होकर उन अन्त्येष्टि-कार्यों को सम्पन्न कराते रहे।

श्लोक 54 (kishkindha.25.54)

ततोऽथ तं वालिनमग्र्यपौरुषं प्रकाशमिक्ष्वाकुवरेषुणा हतम् । प्रदीप्य दीप्ताग्निसमौजसं तदा सलक्ष्मणं राममुपेयिवान् हरिः ॥ 25.54 ॥

tato'tha taṃ vālinamagryapauruṣaṃ prakāśamikṣvākuvareṣuṇā hatam | pradīpya dīptāgnisamaujasaṃ tadā salakṣmaṇaṃ rāmamupeyivān hariḥ || 25.54 ||

तत्पश्चात् अद्वितीय पराक्रमी तथा इक्ष्वाकुश्रेष्ठ के बाण से प्रकटतः मारे गए उस वालि का दाह-संस्कार सम्पन्न करके, प्रज्वलित अग्नि के समान तेजस्वी हुआ वह वानर सुग्रीव, लक्ष्मण-सहित राम के समीप गया।