सुग्रीव-राज्याभिषेक

श्लोक 1 (kishkindha.26.1)

ततः शोकाभिसंतप्तं सुग्रीवं क्लिन्नवाससम् । शाखामृगमहामात्राः परिवार्योपतस्थिरे ॥ 26.1 ॥

tataḥ śokābhisaṃtaptaṃ sugrīvaṃ klinnavāsasam | śākhāmṛgamahāmātrāḥ parivāryopatasthire || 26.1 ||

तब शोक से संतप्त और अब भी गीले वस्त्र पहने सुग्रीव को वानरों के प्रमुख मंत्रियों ने घेर लिया और वे उनके समीप आ खड़े हुए।

श्लोक 2 (kishkindha.26.2)

अभिगम्य महाबाहुं राममक्लिष्टकारिणम् । स्थिताः प्राञ्जलयः सर्वे पितामहमिवर्षयः ॥ 26.2 ॥

abhigamya mahābāhuṃ rāmamakliṣṭakāriṇam | sthitāḥ prāñjalayaḥ sarve pitāmahamivarṣayaḥ || 26.2 ||

महाबाहु और अनायास ही महान् कार्य करने वाले राम के समीप जाकर वे सब हाथ जोड़कर उसी प्रकार खड़े हो गए जैसे ऋषिगण पितामह ब्रह्मा के समक्ष खड़े होते हैं।

श्लोक 3 (kishkindha.26.3)

ततः काञ्चनशैलाभस्तरुणार्कनिभाननः । अब्रवीत् प्राञ्जलिर्वाक्यं हनूमान् मारुतात्मजः ॥ 26.3 ॥

tataḥ kāñcanaśailābhastaruṇārkanibhānanaḥ | abravīt prāñjalirvākyaṃ hanūmān mārutātmajaḥ || 26.3 ||

तब स्वर्णमय पर्वत के समान कान्तिमान् और उदीयमान सूर्य के समान मुखवाले पवनपुत्र हनुमान ने हाथ जोड़कर यह वचन कहा।

श्लोक 4 (kishkindha.26.4)

भवत्प्रसादात् काकुत्स्थ पितृपैतामहं महत् । वानराणां सुदंष्ट्राणां सम्पन्नबलशालिनाम् ॥ 26.4 ॥

bhavatprasādāt kākutstha pitṛpaitāmahaṃ mahat | vānarāṇāṃ sudaṃṣṭrāṇāṃ sampannabalaśālinām || 26.4 ||

"हे काकुत्स्थ! आपकी कृपा से पितरों और पितामहों से चला आया यह महान् राज्य, जो दृढ़ दाढ़ोंवाले और प्रबल बलशाली वानरों का है,

श्लोक 5 (kishkindha.26.5)

महात्मनां सुदुष्प्रापं प्राप्तं राज्यमिदं प्रभो । भवता समनुज्ञातः प्रविश्य नगरं शुभम् ॥ 26.5 ॥

mahātmanāṃ suduṣprāpaṃ prāptaṃ rājyamidaṃ prabho | bhavatā samanujñātaḥ praviśya nagaraṃ śubham || 26.5 ||

महात्माओं के लिए भी अत्यन्त दुर्लभ यह राज्य पुनः प्राप्त हो गया है, हे प्रभो! यदि आप अनुमति दें तो सुग्रीव इस शुभ नगरी में प्रवेश करके

श्लोक 6 (kishkindha.26.6)

संविधास्यति कार्याणि सर्वाणि ससुहृद्गणः । स्नातोऽयं विविधैर्गन्धैरौषधैश्च यथाविधि ॥ 26.6 ॥

saṃvidhāsyati kāryāṇi sarvāṇi sasuhṛdgaṇaḥ | snāto'yaṃ vividhairgandhairauṣadhaiśca yathāvidhi || 26.6 ||

अपने मित्रों सहित समस्त राजकार्यों की समुचित व्यवस्था करेगा; और विधिपूर्वक नाना प्रकार के सुगन्धित द्रव्यों तथा औषधियों से स्नान करने के पश्चात्

श्लोक 7 (kishkindha.26.7)

अर्चयिष्यति माल्यैश्च रत्नैश्च त्वां विशेषतः । इमां गिरिगुहां रम्यामभिगन्तुं त्वमर्हसि ॥ 26.7 ॥

arcayiṣyati mālyaiśca ratnaiśca tvāṃ viśeṣataḥ | imāṃ giriguhāṃ ramyāmabhigantuṃ tvamarhasi || 26.7 ||

वह विशेष रूप से मालाओं और रत्नों से आपका पूजन करेगा। आपको इस रमणीय पर्वत-गुहा में पधारना चाहिए।

श्लोक 8 (kishkindha.26.8)

कुरुष्व स्वामिसम्बन्धं वानरान् सम्प्रहर्षय । एवमुक्तो हनुमता राघवः परवीरहा ॥ 26.8 ॥

kuruṣva svāmisambandhaṃ vānarān sampraharṣaya | evamukto hanumatā rāghavaḥ paravīrahā || 26.8 ||

स्वामी और सेवक का यह सम्बन्ध स्थापित कीजिए तथा वानरों को हर्षित कीजिए।" हनुमान के इस प्रकार कहने पर शत्रु-वीरों के नाशक राघव,

श्लोक 9 (kishkindha.26.9)

प्रत्युवाच हनूमन्तं बुद्धिमान् वाक्यकोविदः । चतुर्दश समाः सौम्य ग्रामं वा यदि वा पुरम् ॥ 26.9 ॥

pratyuvāca hanūmantaṃ buddhimān vākyakovidaḥ | caturdaśa samāḥ saumya grāmaṃ vā yadi vā puram || 26.9 ||

वह बुद्धिमान् तथा वाणी में निपुण राम हनुमान को उत्तर देते हुए बोले - "हे सौम्य! चौदह वर्षों तक मैं किसी ग्राम अथवा नगर में

श्लोक 10 (kishkindha.26.10)

न प्रवेक्ष्यामि हनुमन् पितुर्निर्देशपालकः । सुसमृद्धां गुहां दिव्यां सुग्रीवो वानरर्षभः ॥ 26.10 ॥

na pravekṣyāmi hanuman piturnirdeśapālakaḥ | susamṛddhāṃ guhāṃ divyāṃ sugrīvo vānararṣabhaḥ || 26.10 ||

प्रवेश नहीं करूँगा, हे हनुमन्! क्योंकि मैं पिता की आज्ञा का पालक हूँ। वानरश्रेष्ठ सुग्रीव इस समृद्ध और दिव्य गुहा में प्रवेश करके

श्लोक 11 (kishkindha.26.11)

प्रविष्टो विधिवद् वीरः क्षिप्रं राज्येऽभिषिच्यताम् । एवमुक्त्वा हनूमन्तं रामः सुग्रीवमब्रवीत् ॥ 26.11 ॥

praviṣṭo vidhivad vīraḥ kṣipraṃ rājye'bhiṣicyatām | evamuktvā hanūmantaṃ rāmaḥ sugrīvamabravīt || 26.11 ||

वह वीर शीघ्र ही विधिपूर्वक राज्य पर अभिषिक्त हो जाए।" हनुमान से ऐसा कहकर राम ने सुग्रीव से कहा -

श्लोक 12 (kishkindha.26.12)

वृत्तज्ञो वृत्तसम्पन्नमुदारबलविक्रमम् । इममप्यङ्गदं वीरं यौवराज्येऽभिषेचय ॥ 26.12 ॥

vṛttajño vṛttasampannamudārabalavikramam | imamapyaṅgadaṃ vīraṃ yauvarājye'bhiṣecaya || 26.12 ||

आचार-व्यवहार के ज्ञाता राम ने उदार बल-पराक्रम से सम्पन्न तथा सदाचार-सम्पन्न सुग्रीव से कहा - "इस वीर अंगद को भी युवराज-पद पर अभिषिक्त कीजिए।

श्लोक 13 (kishkindha.26.13)

ज्येष्ठस्य हि सुतो ज्येष्ठः सदृशो विक्रमेण च । अङ्गदोऽयमदीनात्मा यौवराज्यस्य भाजनम् ॥ 26.13 ॥

jyeṣṭhasya hi suto jyeṣṭhaḥ sadṛśo vikrameṇa ca | aṅgado'yamadīnātmā yauvarājyasya bhājanam || 26.13 ||

क्योंकि वह आपके ज्येष्ठ भ्राता का ज्येष्ठ पुत्र है और पराक्रम में उन्हीं के समान है; यह उदारचेता अंगद युवराज-पद के योग्य पात्र है।"

श्लोक 14 (kishkindha.26.14)

पूर्वोऽयं वार्षिको मासः श्रावणः सलिलागमः । प्रवृत्ताः सौम्य चत्वारो मासा वार्षिक संज्ञिताः ॥ 26.14 ॥

pūrvo'yaṃ vārṣiko māsaḥ śrāvaṇaḥ salilāgamaḥ | pravṛttāḥ saumya catvāro māsā vārṣika saṃjñitāḥ || 26.14 ||

"यह वर्षा ऋतु का प्रथम मास श्रावण है, जिसमें जलागम आरम्भ होता है; हे सौम्य! चार मास वर्षा-ऋतु के नाम से जाने जाते हैं।

श्लोक 15 (kishkindha.26.15)

नायमुद्योगसमयः प्रविश त्वं पुरीं शुभाम् । अस्मिन् वत्स्याम्यहं सौम्य पर्वते सहलक्ष्मणः ॥ 26.15 ॥

nāyamudyogasamayaḥ praviśa tvaṃ purīṃ śubhām | asmin vatsyāmyahaṃ saumya parvate sahalakṣmaṇaḥ || 26.15 ||

यह उद्यम करने का समय नहीं है; अतः तुम इस सुन्दर नगरी में प्रवेश करो। मैं तो, हे सौम्य! लक्ष्मण सहित इसी पर्वत पर निवास करूँगा।

श्लोक 16 (kishkindha.26.16)

इयं गिरिगुहा रम्या विशाला युक्तमारुता । प्रभूतसलिला सौम्य प्रभूतकमलोत्पला ॥ 26.16 ॥

iyaṃ giriguhā ramyā viśālā yuktamārutā | prabhūtasalilā saumya prabhūtakamalotpalā || 26.16 ||

यह पर्वत-गुहा रमणीय, विशाल तथा सुखद वायु से युक्त है, हे सौम्य! यहाँ जल प्रचुर है और लाल-नीले कमल भी प्रचुरता से हैं।

श्लोक 17 (kishkindha.26.17)

कार्तिके समनुप्राप्ते त्वं रावणवधे यत । एष नः समयः सौम्य प्रविश त्वं स्वमालयम् ॥ 26.17 ॥

kārtike samanuprāpte tvaṃ rāvaṇavadhe yata | eṣa naḥ samayaḥ saumya praviśa tvaṃ svamālayam || 26.17 ||

कार्तिक मास आने पर तुम्हें रावण-वध के लिए प्रयत्नशील होना है; यही हमारी प्रतिज्ञा है, हे सौम्य! अभी तुम अपने निवास-स्थान में प्रवेश करो,

श्लोक 18 (kishkindha.26.18)

अभिषिञ्चस्व राज्ये च सुहृदः सम्प्रहर्षय । इति रामाभ्यनुज्ञातः सुग्रीवो वानरर्षभः ॥ 26.18 ॥

abhiṣiñcasva rājye ca suhṛdaḥ sampraharṣaya | iti rāmābhyanujñātaḥ sugrīvo vānararṣabhaḥ || 26.18 ||

राज्य पर अभिषिक्त हो जाओ और अपने बन्धु-बान्धवों को हर्षित करो।" राम की इस प्रकार अनुमति पाकर वानरश्रेष्ठ सुग्रीव

श्लोक 19 (kishkindha.26.19)

प्रविवेश पुरीं रम्यां किष्किन्धां वालिपालिताम् । तं वानरसहस्राणि प्रविष्टं वानरेश्वरम् ॥ 26.19 ॥

praviveśa purīṃ ramyāṃ kiṣkindhāṃ vālipālitām | taṃ vānarasahasrāṇi praviṣṭaṃ vānareśvaram || 26.19 ||

पूर्व में वालि द्वारा शासित उस रमणीय किष्किन्धा नगरी में प्रवेश कर गए। हजारों वानर भी नगर में प्रवेश करके

श्लोक 20 (kishkindha.26.20)

अभिवार्य प्रविष्टानि सर्वतः प्लवगेश्वरम् । ततः प्रकृतयः सर्वा दृष्ट्वा हरिगणेश्वरम् ॥ 26.20 ॥

abhivārya praviṣṭāni sarvataḥ plavageśvaram | tataḥ prakṛtayaḥ sarvā dṛṣṭvā harigaṇeśvaram || 26.20 ||

प्रसन्नतापूर्वक चारों ओर से उस वानरेश्वर, उस कपिकुल के स्वामी को घेर लिया। तब समस्त प्रजाजन उस हरिगणों के स्वामी को देखकर

श्लोक 21 (kishkindha.26.21)

प्रणम्य मूर्ध्ना पतिता वसुधायं समाहिताः । सुग्रीवः प्रकृतीः सर्वाः सम्भाष्योत्थाप्य वीर्यवान् ॥ 26.21 ॥

praṇamya mūrdhnā patitā vasudhāyaṃ samāhitāḥ | sugrīvaḥ prakṛtīḥ sarvāḥ sambhāṣyotthāpya vīryavān || 26.21 ||

सिर झुकाकर और हाथ जोड़कर पृथ्वी पर गिर पड़े। तब पराक्रमी सुग्रीव ने उन सब प्रजाजनों से वार्तालाप कर उन्हें उठाकर

श्लोक 22 (kishkindha.26.22)

भ्रातुरन्तःपुरं सौम्यं प्रविवेश महाबलः । प्रविष्टं भीमविक्रान्तं सुग्रीवं वानरर्षभम् ॥ 26.22 ॥

bhrāturantaḥpuraṃ saumyaṃ praviveśa mahābalaḥ | praviṣṭaṃ bhīmavikrāntaṃ sugrīvaṃ vānararṣabham || 26.22 ||

अपने भ्राता के सुन्दर अन्तःपुर में प्रवेश किया। जब उस भीम-पराक्रमी वानरश्रेष्ठ सुग्रीव ने प्रवेश किया,

श्लोक 23 (kishkindha.26.23)

अभ्यषिञ्चन्त सुहृदः सहस्राक्षमिवामराः । तस्य पाण्डुरमाजह्रुश्छत्रं हेमपरिष्कृतम् ॥ 26.23 ॥

abhyaṣiñcanta suhṛdaḥ sahasrākṣamivāmarāḥ | tasya pāṇḍuramājahruśchatraṃ hemapariṣkṛtam || 26.23 ||

तब उनके मित्रों ने उन्हें उसी प्रकार अभिषिक्त किया जैसे देवगण सहस्राक्ष इन्द्र का अभिषेक करते हैं। उनके लिए स्वर्ण से अलंकृत एक श्वेत छत्र लाया गया,

श्लोक 24 (kishkindha.26.24)

शुक्ले च वालव्यजने हेमदण्डे यशस्करे । तथा रत्नानि सर्वाणि सर्वबीजौषधानि च ॥ 26.24 ॥

śukle ca vālavyajane hemadaṇḍe yaśaskare | tathā ratnāni sarvāṇi sarvabījauṣadhāni ca || 26.24 ||

तथा सुयश देनेवाले स्वर्ण-दण्डयुक्त श्वेत चँवर भी लाए गए; साथ ही समस्त प्रकार के रत्न तथा सभी बीज एवं औषधियाँ भी लाई गईं।

श्लोक 25 (kishkindha.26.25)

सक्षीराणां च वृक्षाणां प्ररोहान् कुसुमानि च । शुक्लानि चैव वस्त्राणि श्वेतं चैवानुलेपनम् ॥ 26.25 ॥

sakṣīrāṇāṃ ca vṛkṣāṇāṃ prarohān kusumāni ca | śuklāni caiva vastrāṇi śvetaṃ caivānulepanam || 26.25 ||

दूध-सी लता चुआते वृक्षों के अंकुर तथा पुष्प, और साथ ही श्वेत वस्त्र और श्वेत अनुलेपन भी लाए गए,

श्लोक 26 (kishkindha.26.26)

सुगन्धीनि च माल्यानि स्थलजान्यम्बुजानि च । चन्दनानि च दिव्यानि गन्धांश्च विविधान् बहून् ॥ 26.26 ॥

sugandhīni ca mālyāni sthalajānyambujāni ca | candanāni ca divyāni gandhāṃśca vividhān bahūn || 26.26 ||

सुगन्धित मालाएँ, स्थल में और जल में उगे कमल, दिव्य चन्दन तथा नाना प्रकार के अनेक सुगन्ध-द्रव्य भी लाए गए,

श्लोक 27 (kishkindha.26.27)

अक्षतं जातरूपं च प्रियङ्गुं मधुसर्पिषी । दधि चर्म च वैयाघ्रं परार्घ्यौ चाप्युपानहौ ॥ 26.27 ॥

akṣataṃ jātarūpaṃ ca priyaṅguṃ madhusarpiṣī | dadhi carma ca vaiyāghraṃ parārghyau cāpyupānahau || 26.27 ||

अक्षत तथा स्वर्ण, प्रियंगु, मधु और घृत, दही, व्याघ्रचर्म तथा बहुमूल्य पादुकाएँ भी लाई गईं,

श्लोक 28 (kishkindha.26.28)

समालम्भनमादाय गोरोचनमनःशिलाम् । आजग्मुस्तत्र मुदिता वराः कन्याश्च षोडश ॥ 26.28 ॥

samālambhanamādāya gorocanamanaḥśilām | ājagmustatra muditā varāḥ kanyāśca ṣoḍaśa || 26.28 ||

तथा उबटन, गोरोचन और मैनसिल लेकर वहाँ सोलह प्रसन्नचित्त और सुन्दर कन्याएँ भी आ पहुँचीं।

श्लोक 29 (kishkindha.26.29)

ततस्ते वानरश्रेष्ठमभिषेक्तुं यथाविधि । रत्नैर्वस्त्रैश्च भक्ष्यैश्च तोषयित्वा द्विजर्षभान् ॥ 26.29 ॥

tataste vānaraśreṣṭhamabhiṣektuṃ yathāvidhi | ratnairvastraiśca bhakṣyaiśca toṣayitvā dvijarṣabhān || 26.29 ||

तब रत्नों, वस्त्रों और भक्ष्य पदार्थों से श्रेष्ठ ब्राह्मणों को सन्तुष्ट करके वे लोग विधिपूर्वक उस वानरश्रेष्ठ सुग्रीव

श्लोक 30 (kishkindha.26.30)

ततः कुशपरिस्तीर्णं समिद्धं जातवेदसम् । मन्त्रपूतेन हविषा हुत्वा मन्त्रविदो जनाः ॥ 26.30 ॥

tataḥ kuśaparistīrṇaṃ samiddhaṃ jātavedasam | mantrapūtena haviṣā hutvā mantravido janāḥ || 26.30 ||

का अभिषेक करने के लिए उद्यत हुए। तब मन्त्रों के ज्ञाता उन पुरुषों ने कुशों से आस्तीर्ण, प्रज्वलित अग्नि में मन्त्र-पवित्र आहुति देकर,

श्लोक 31 (kishkindha.26.31)

ततो हेमप्रतिष्ठाने वरास्तरणसंवृते । प्रासादशिखरे रम्ये चित्रमाल्योपशोभिते ॥ 26.31 ॥

tato hemapratiṣṭhāne varāstaraṇasaṃvṛte | prāsādaśikhare ramye citramālyopaśobhite || 26.31 ||

फिर स्वर्णमय पीठवाले, उत्तम आस्तरणों से आच्छादित तथा विचित्र मालाओं से सुशोभित उस रमणीय प्रासाद-शिखर पर रखे सिंहासन पर,

श्लोक 32 (kishkindha.26.32)

प्राङ्मुखं विधिवन्मन्त्रैः स्थापयित्वा वरासने । नदीनदेभ्यः संहृत्य तीर्थेभ्यश्च समन्ततः ॥ 26.32 ॥

prāṅmukhaṃ vidhivanmantraiḥ sthāpayitvā varāsane | nadīnadebhyaḥ saṃhṛtya tīrthebhyaśca samantataḥ || 26.32 ||

उन्होंने मन्त्रोच्चारण के साथ विधिपूर्वक पूर्वाभिमुख बिठाकर उस उत्तम आसन पर, और चारों ओर से नदियों, नदों तथा तीर्थों से जल एकत्र करके,

श्लोक 33 (kishkindha.26.33)

आहृत्य च समुद्रेभ्यः सर्वेभ्यो वानरर्षभाः । अपः कनककुम्भेषु निधाय विमलं जलम् ॥ 26.33 ॥

āhṛtya ca samudrebhyaḥ sarvebhyo vānararṣabhāḥ | apaḥ kanakakumbheṣu nidhāya vimalaṃ jalam || 26.33 ||

और समस्त समुद्रों से भी जल लाकर, उन वानरश्रेष्ठों ने उस निर्मल जल को स्वर्ण-कलशों में रखा,

श्लोक 34 (kishkindha.26.34)

शुभैर्ऋषभशृङ्गैश्च कलशैश्चैव काञ्चनैः । शास्त्रदृष्टेन विधिना महर्षिविहितेन च ॥ 26.34 ॥

śubhairṛṣabhaśṛṅgaiśca kalaśaiścaiva kāñcanaiḥ | śāstradṛṣṭena vidhinā maharṣivihitena ca || 26.34 ||

शुभ वृषभ-शृंगों तथा स्वर्ण-कलशों के द्वारा, शास्त्रोक्त तथा महर्षियों द्वारा विहित विधि से -

श्लोक 35 (kishkindha.26.35)

गजो गवाक्षो गवयः शरभो गन्धमादनः । मैन्दश्च द्विविदश्चैव हनूमाञ्जाम्बवांस्तथा ॥ 26.35 ॥

gajo gavākṣo gavayaḥ śarabho gandhamādanaḥ | maindaśca dvividaścaiva hanūmāñjāmbavāṃstathā || 26.35 ||

गज, गवाक्ष, गवय, शरभ, गन्धमादन, मैन्द तथा द्विविद, और इसी प्रकार हनुमान और जाम्बवान् ने भी,

श्लोक 36 (kishkindha.26.36)

अभ्यषिञ्चत सुग्रीवं प्रसन्नेन सुगन्धिना । सलिलेन सहस्राक्षं वसवो वासवं यथा ॥ 26.36 ॥

abhyaṣiñcata sugrīvaṃ prasannena sugandhinā | salilena sahasrākṣaṃ vasavo vāsavaṃ yathā || 26.36 ||

उस निर्मल और सुगन्धित जल से सुग्रीव का अभिषेक किया, जैसे वसुगण सहस्राक्ष वासव का अभिषेक करते हैं।

श्लोक 37 (kishkindha.26.37)

अभिषिक्ते तु सुग्रीवे सर्वे वानरपुङ्गवाः । प्रचुक्रुशुर्महात्मानो हृष्टाः शतसहस्रशः ॥ 26.37 ॥

abhiṣikte tu sugrīve sarve vānarapuṅgavāḥ | pracukruśurmahātmāno hṛṣṭāḥ śatasahasraśaḥ || 26.37 ||

सुग्रीव के अभिषिक्त हो जाने पर समस्त महामना वानरश्रेष्ठों ने हर्षित होकर सैकड़ों-हजारों की संख्या में महान् जयघोष किया।

श्लोक 38 (kishkindha.26.38)

रामस्य तु वचः कुर्वन् सुग्रीवो वानरेश्वरः । अङ्गदं सम्परिष्वज्य यौवराज्येऽभ्यषेचयत् ॥ 26.38 ॥

rāmasya tu vacaḥ kurvan sugrīvo vānareśvaraḥ | aṅgadaṃ sampariṣvajya yauvarājye'bhyaṣecayat || 26.38 ||

वानरेश्वर सुग्रीव ने राम के वचन का पालन करते हुए अंगद को स्नेहपूर्वक आलिंगन कर युवराज-पद पर अभिषिक्त किया।

श्लोक 39 (kishkindha.26.39)

अङ्गदे चाभिषिक्ते तु सानुक्रोशाः प्लवंगमाः । साधु साध्विति सुग्रीवं महात्मानो ह्यपूजयन् ॥ 26.39 ॥

aṅgade cābhiṣikte tu sānukrośāḥ plavaṃgamāḥ | sādhu sādhviti sugrīvaṃ mahātmāno hyapūjayan || 26.39 ||

अंगद के भी अभिषिक्त हो जाने पर दयालु एवं महामना वानरों ने "साधु! साधु!" कहकर सुग्रीव की प्रशंसा की।

श्लोक 40 (kishkindha.26.40)

रामं चैव महात्मानं लक्ष्मणं च पुनः पुनः । प्रीताश्च तुष्टुवुः सर्वे तादृशे तत्र वर्तिनि ॥ 26.40 ॥

rāmaṃ caiva mahātmānaṃ lakṣmaṇaṃ ca punaḥ punaḥ | prītāśca tuṣṭuvuḥ sarve tādṛśe tatra vartini || 26.40 ||

और वहाँ ऐसा दृश्य उपस्थित होने पर सभी ने प्रेमपूर्वक बार-बार महात्मा राम तथा लक्ष्मण की भी स्तुति की।

श्लोक 41 (kishkindha.26.41)

हृष्टपुष्टजनाकीर्णा पताकाध्वजशोभिता । बभूव नगरी रम्या किष्किन्धा गिरिगह्वरे ॥ 26.41 ॥

hṛṣṭapuṣṭajanākīrṇā patākādhvajaśobhitā | babhūva nagarī ramyā kiṣkindhā girigahvare || 26.41 ||

हर्षित और हृष्ट-पुष्ट लोगों से भरी, पताकाओं और ध्वजाओं से सुशोभित वह रमणीय किष्किन्धा नगरी पर्वत की गुहा में अत्यन्त शोभायमान हो उठी।

श्लोक 42 (kishkindha.26.42)

निवेद्य रामाय तदा महात्मने । महाभिषेकं कपिवाहिनीपतिः । रुमां च भार्यामुपलभ्य वीर्यवान् । अवाप राज्यं त्रिदशाधिपो यथा ॥ 26.42 ॥

nivedya rāmāya tadā mahātmane | mahābhiṣekaṃ kapivāhinīpatiḥ | rumāṃ ca bhāryāmupalabhya vīryavān | avāpa rājyaṃ tridaśādhipo yathā || 26.42 ||

तब उस महान् अभिषेक का समाचार महात्मा राम को निवेदित करके, उस वीर वानर-सेनापति ने अपनी पत्नी रुमा को भी पुनः पाकर उसी प्रकार राज्य प्राप्त किया, जैसे त्रिदशों के अधिपति (इन्द्र) ने प्राप्त किया था।