प्रस्रवण-पर्वत पर

श्लोक 1 (kishkindha.27.1)

अभिषिक्ते तु सुग्रीवे प्रविष्टे वानरे गुहाम् । आजगाम सह भ्रात्रा रामः प्रस्रवणं गिरिम् ॥ 27.1 ॥

abhiṣikte tu sugrīve praviṣṭe vānare guhām | ājagāma saha bhrātrā rāmaḥ prasravaṇaṃ girim || 27.1 ||

सुग्रीव के अभिषिक्त होकर उस गुहा-नगरी में प्रवेश कर जाने पर राम अपने भाई सहित प्रस्रवण पर्वत पर चले गए।

श्लोक 2 (kishkindha.27.2)

शार्दूलमृगसंघुष्टं सिंहैर्भीमरवैर्वृतम् । नानागुल्मलतागूढं बहुपादपसंकुलम् ॥ 27.2 ॥

śārdūlamṛgasaṃghuṣṭaṃ siṃhairbhīmaravairvṛtam | nānāgulmalatāgūḍhaṃ bahupādapasaṃkulam || 27.2 ||

वह पर्वत बाघों और वन्य पशुओं की गर्जना से गूँजता था, भयंकर गर्जना करने वाले सिंहों से व्याप्त था, नाना प्रकार की झाड़ियों और लताओं से सघन तथा अनेक वृक्षों से भरा हुआ था;

श्लोक 3 (kishkindha.27.3)

ऋक्षवानरगोपुच्छैर्मार्जारैश्च निषेवितम् । मेघराशिनिभं शैलं नित्यं शुचिकरं शिवम् ॥ 27.3 ॥

ṛkṣavānaragopucchairmārjāraiśca niṣevitam | megharāśinibhaṃ śailaṃ nityaṃ śucikaraṃ śivam || 27.3 ||

वह भालुओं, वानरों, लंगूरों तथा जंगली बिल्लियों से सेवित, मेघ-समूह के समान दिखाई देने वाला वह पर्वत सदा पवित्र और कल्याणकारी था।

श्लोक 4 (kishkindha.27.4)

तस्य शैलस्य शिखरे महतीमायतां गुहाम् । प्रत्यगृह्णीत वासार्थं रामः सौमित्रिणा सह ॥ 27.4 ॥

tasya śailasya śikhare mahatīmāyatāṃ guhām | pratyagṛhṇīta vāsārthaṃ rāmaḥ saumitriṇā saha || 27.4 ||

उस पर्वत के शिखर पर राम ने सौमित्रि के साथ निवास के लिए एक विशाल और विस्तृत गुहा अपना ली।

श्लोक 5 (kishkindha.27.5)

कृत्वा च समयं रामः सुग्रीवेण सहानघः । कालयुक्तं महद्वाक्यमुवाच रघुनन्दनः ॥ 27.5 ॥

kṛtvā ca samayaṃ rāmaḥ sugrīveṇa sahānaghaḥ | kālayuktaṃ mahadvākyamuvāca raghunandanaḥ || 27.5 ||

सुग्रीव के साथ समझौता करके निष्पाप और रघुकुल के आनन्दवर्धक राम ने समय के अनुरूप यह गम्भीर वचन कहा -

श्लोक 6 (kishkindha.27.6)

विनीतं भ्रातरं भ्राता लक्ष्मणं लक्ष्मिवर्धनम् । इयं गिरिगुहा रम्या विशाला युक्तमारुता ॥ 27.6 ॥

vinītaṃ bhrātaraṃ bhrātā lakṣmaṇaṃ lakṣmivardhanam | iyaṃ giriguhā ramyā viśālā yuktamārutā || 27.6 ||

अपने विनम्र भाई, सौभाग्य-वर्धक लक्ष्मण से: "यह पर्वत-गुहा रमणीय, विशाल और सुखद वायु से युक्त है।

श्लोक 7 (kishkindha.27.7)

अस्यां वत्स्याम सौमित्रे वर्षरात्रमरिंदम । गिरिशृङ्गमिदं रम्यमुत्तमं पार्थिवात्मज ॥ 27.7 ॥

asyāṃ vatsyāma saumitre varṣarātramariṃdama | giriśṛṅgamidaṃ ramyamuttamaṃ pārthivātmaja || 27.7 ||

यहीं, हे शत्रुदमन सौमित्रे, हम वर्षा की रातें बिताएँगे। यह पर्वत-शिखर, हे राजकुमार, रमणीय और उत्तम है,

श्लोक 8 (kishkindha.27.8)

श्वेताभिः कृष्णताम्राभिः शिलाभिरुपशोभितम् । नानाधातुसमाकीर्णं नदीदर्दुरसंयुतम् ॥ 27.8 ॥

śvetābhiḥ kṛṣṇatāmrābhiḥ śilābhirupaśobhitam | nānādhātusamākīrṇaṃ nadīdardurasaṃyutam || 27.8 ||

श्वेत, काले और ताम्रवर्ण शिलाखण्डों से सुशोभित, नाना धातुओं से व्याप्त तथा नदियों और मेंढकों से भरा हुआ,

श्लोक 9 (kishkindha.27.9)

विविधैर्वृक्षषण्डैश्च चारुचित्रलतायुतम् । नानाविहगसंघुष्टं मयूरवरनादितम् ॥ 27.9 ॥

vividhairvṛkṣaṣaṇḍaiśca cārucitralatāyutam | nānāvihagasaṃghuṣṭaṃ mayūravaranāditam || 27.9 ||

विविध वृक्षों के झुरमुटों तथा सुन्दर, विचित्र लताओं से युक्त, नाना पक्षियों की ध्वनि से गुंजायमान तथा श्रेष्ठ मयूरों की बोली से भरा हुआ,

श्लोक 10 (kishkindha.27.10)

मालतीकुन्दगुल्मैश्च सिन्दुवारैः शिरीषकैः । कदम्बार्जुनसर्जैश्च पुष्पितैरुपशोभितम् ॥ 27.10 ॥

mālatīkundagulmaiśca sinduvāraiḥ śirīṣakaiḥ | kadambārjunasarjaiśca puṣpitairupaśobhitam || 27.10 ||

मालती और कुन्द की झाड़ियों, सिन्दुवार तथा शिरीष वृक्षों से, और पुष्पित कदम्ब, अर्जुन तथा सर्ज वृक्षों से देदीप्यमान है।

श्लोक 11 (kishkindha.27.11)

इयं च नलिनी रम्या फुल्लपङ्कजमण्डिता । नातिदूरे गुहाया नौ भविष्यति नृपात्मज ॥ 27.11 ॥

iyaṃ ca nalinī ramyā phullapaṅkajamaṇḍitā | nātidūre guhāyā nau bhaviṣyati nṛpātmaja || 27.11 ||

यह सुन्दर कमल-सरोवर, खिले हुए कमलों से सुशोभित, हे राजकुमार, हमारी गुहा से बहुत दूर नहीं होगा।

श्लोक 12 (kishkindha.27.12)

प्रागुदक्प्रवणे देशे गुहा साधु भविष्यति । पश्चाच्चैवोन्नता सौम्य निवातेयं भविष्यति ॥ 27.12 ॥

prāgudakpravaṇe deśe guhā sādhu bhaviṣyati | paścāccaivonnatā saumya nivāteyaṃ bhaviṣyati || 27.12 ||

इस पूर्व-उत्तर की ओर ढलान वाले स्थान में यह गुहा उत्तम रहेगी; और हे सौम्य! पश्चिम की ओर ऊँची होने के कारण यह वायु के झोंकों से भी सुरक्षित रहेगी।

श्लोक 13 (kishkindha.27.13)

गुहाद्वारे च सौमित्रे शिला समतला शिवा । कृष्णा चैवायता चैव भिन्नाञ्जनचयोपमा ॥ 27.13 ॥

guhādvāre ca saumitre śilā samatalā śivā | kṛṣṇā caivāyatā caiva bhinnāñjanacayopamā || 27.13 ||

गुहा के द्वार पर, हे सौमित्रे! एक समतल और मंगलमय शिला है, जो काली और चौड़ी है, मानो टूटे हुए काजल का ढेर हो।

श्लोक 14 (kishkindha.27.14)

गिरिशृङ्गमिदं तात पश्य चोत्तरतः शुभम् । भिन्नाञ्जनचयाकारमम्भोधरमिवोदितम् ॥ 27.14 ॥

giriśṛṅgamidaṃ tāta paśya cottarataḥ śubham | bhinnāñjanacayākāramambhodharamivoditam || 27.14 ||

देखो, हे तात! उत्तर दिशा में यह सुन्दर पर्वत-शिखर, टूटे काजल के ढेर के आकार का, काले मेघ के समान उठा हुआ दिखाई देता है।

श्लोक 15 (kishkindha.27.15)

दक्षिणस्यामपि दिशि स्थितं श्वेतमिवाम्बरम् । कैलासशिखरप्रख्यं नानाधातुविराजितम् ॥ 27.15 ॥

dakṣiṇasyāmapi diśi sthitaṃ śvetamivāmbaram | kailāsaśikharaprakhyaṃ nānādhātuvirājitam || 27.15 ||

और देखो, दक्षिण दिशा में स्थित वह दूसरा शिखर भी, आकाश में फैले हुए श्वेत वस्त्र के समान, कैलास-शिखर की स्पर्धा करता हुआ, नाना धातुओं से देदीप्यमान है।

श्लोक 16 (kishkindha.27.16)

प्राचीनवाहिनीं चैव नदीं भृशमकर्दमाम् । गुहायाः परतः पश्य त्रिकूटे जाह्नवीमिव ॥ 27.16 ॥

prācīnavāhinīṃ caiva nadīṃ bhṛśamakardamām | guhāyāḥ parataḥ paśya trikūṭe jāhnavīmiva || 27.16 ||

और देखो, गुहा के परे पूर्व की ओर बहती हुई, कीचड़ से सर्वथा रहित यह नदी, मानो त्रिकूट पर बहती हुई गंगा हो,

श्लोक 17 (kishkindha.27.17)

चन्दनैस्तिलकैः सालैस्तमालैरतिमुक्तकैः । पद्मकैः सरलैश्चैव अशोकैश्चैव शोभिताम् ॥ 27.17 ॥

candanaistilakaiḥ sālaistamālairatimuktakaiḥ | padmakaiḥ saralaiścaiva aśokaiścaiva śobhitām || 27.17 ||

चन्दन, तिलक, साल, तमाल, अतिमुक्तक, पद्मक, सरल तथा अशोक वृक्षों से सुशोभित है।

श्लोक 18 (kishkindha.27.18)

वानीरैस्तिमिदैश्चैव बकुलैः केतकैरपि । हिन्तालैस्तिनिशैर्नीपैर्वेतसैः कृतमालकैः ॥ 27.18 ॥

vānīraistimidaiścaiva bakulaiḥ ketakairapi | hintālaistiniśairnīpairvetasaiḥ kṛtamālakaiḥ || 27.18 ||

वानीर, तिमिद, बकुल तथा केतकी वृक्षों से, और हिन्ताल, तिनिश, नीप, वेतस तथा कृतमालक वृक्षों से,

श्लोक 19 (kishkindha.27.19)

तीरजैः शोभिता भाति नानारूपैस्ततस्ततः । वसनाभरणोपेता प्रमदेवाभ्यलंकृता ॥ 27.19 ॥

tīrajaiḥ śobhitā bhāti nānārūpaistatastataḥ | vasanābharaṇopetā pramadevābhyalaṃkṛtā || 27.19 ||

उन तटवर्ती नाना रूप वाले वृक्षों से जगह-जगह सुशोभित होकर वह नदी वस्त्र और आभूषणों से अलंकृत किसी युवती के समान प्रतीत होती है।

श्लोक 20 (kishkindha.27.20)

शतशः पक्षिसङ्घैश्च नानानादविनादिता । एकैकमनुरक्तैश्च चक्रवाकैरलंकृता ॥ 27.20 ॥

śataśaḥ pakṣisaṅghaiśca nānānādavināditā | ekaikamanuraktaiśca cakravākairalaṃkṛtā || 27.20 ||

सैकड़ों पक्षी-समूहों के नाना प्रकार के कलरव से गूँजती हुई, एक-दूसरे के प्रति अनुरक्त चक्रवाक पक्षियों से सुशोभित,

श्लोक 21 (kishkindha.27.21)

पुलिनैरतिरम्यैश्च हंससारससेविता । प्रहसन्त्येव भात्येषा नारी रत्नविभूषिता ॥ 27.21 ॥

pulinairatiramyaiśca haṃsasārasasevitā | prahasantyeva bhātyeṣā nārī ratnavibhūṣitā || 27.21 ||

अत्यन्त रमणीय बालुका-तटों पर हंसों और सारसों से सेवित यह नदी मानो मुसकराती हुई किसी रत्नविभूषिता नारी के समान शोभा पाती है।

श्लोक 22 (kishkindha.27.22)

क्वचिन्नीलोत्पलैश्छन्ना भातिरक्तोत्पलैः क्वचित् । क्वचिदाभाति शुक्लैश्च दिव्यैः कुमुदकुड्मलैः ॥ 27.22 ॥

kvacinnīlotpalaiśchannā bhātiraktotpalaiḥ kvacit | kvacidābhāti śuklaiśca divyaiḥ kumudakuḍmalaiḥ || 27.22 ||

कहीं नील कमलों से आच्छादित होकर वह शोभित होती है, कहीं रक्त कमलों से; और कहीं दिव्य श्वेत कुमुद-कलियों से चमकती है।

श्लोक 23 (kishkindha.27.23)

पारिप्लवशतैर्जुष्टा बर्हिक्रौञ्चविनादिता । रमणीया नदी सौम्य मुनिसङ्घनिषेविता ॥ 27.23 ॥

pāriplavaśatairjuṣṭā barhikrauñcavināditā | ramaṇīyā nadī saumya munisaṅghaniṣevitā || 27.23 ||

सैकड़ों जलचर पक्षियों से युक्त, मोरों और क्रौंचों की ध्वनि से गूँजती हुई यह मनोहर नदी, हे सौम्य! मुनि-समूहों द्वारा सेवित है।

श्लोक 24 (kishkindha.27.24)

पश्य चन्दनवृक्षाणां पङ्क्तिः सुरुचिरा इव । ककुभानां च दृश्यन्ते मनसैवोदिताः समम् ॥ 27.24 ॥

paśya candanavṛkṣāṇāṃ paṅktiḥ surucirā iva | kakubhānāṃ ca dṛśyante manasaivoditāḥ samam || 27.24 ||

देखो, चन्दन वृक्षों की ये पंक्तियाँ मानो किसी के संकल्प-मात्र से एक साथ उग आई हों, ऐसी मनोहर दिखती हैं; और ककुभ वृक्षों की पंक्तियाँ भी उसी प्रकार दिखाई देती हैं।

श्लोक 25 (kishkindha.27.25)

अहो सुरमणीयोऽयं देशः शत्रुनिषूदन । दृढं रंस्याव सौमित्रे साध्वत्र निवसावहे ॥ 27.25 ॥

aho suramaṇīyo'yaṃ deśaḥ śatruniṣūdana | dṛḍhaṃ raṃsyāva saumitre sādhvatra nivasāvahe || 27.25 ||

अहा! यह प्रदेश अत्यन्त रमणीय है, हे शत्रुनाशन! निश्चय ही हम यहाँ आनन्दित होंगे, हे सौमित्रे! हम यहीं सुखपूर्वक निवास करें।"

श्लोक 26 (kishkindha.27.26)

इतश्च नातिदूरे सा किष्किन्धा चित्रकानना । सुग्रीवस्य पुरी रम्या भविष्यति नृपात्मज ॥ 27.26 ॥

itaśca nātidūre sā kiṣkindhā citrakānanā | sugrīvasya purī ramyā bhaviṣyati nṛpātmaja || 27.26 ||

और यहाँ से अधिक दूर नहीं, हे राजकुमार, वह विचित्र वनों वाली किष्किन्धा है, सुग्रीव की रमणीय नगरी।

श्लोक 27 (kishkindha.27.27)

गीतवादित्रनिर्घोषः श्रूयते जयतां वर । नदतां वानराणां च मृदङ्गाडम्बरैः सह ॥ 27.27 ॥

gītavāditranirghoṣaḥ śrūyate jayatāṃ vara | nadatāṃ vānarāṇāṃ ca mṛdaṅgāḍambaraiḥ saha || 27.27 ||

यहाँ से गीत-वाद्य की ध्वनि सुनाई देती है, हे विजयियों में श्रेष्ठ! वानरों की गर्जना और उनके मृदंगों की धूमधाम के साथ।"

श्लोक 28 (kishkindha.27.28)

लब्ध्वा भार्यां कपिवरः प्राप्य राज्यं सुहृद्वृतः । ध्रुवं नन्दति सुग्रीवः सम्प्राप्य महतीं श्रियम् ॥ 27.28 ॥

labdhvā bhāryāṃ kapivaraḥ prāpya rājyaṃ suhṛdvṛtaḥ | dhruvaṃ nandati sugrīvaḥ samprāpya mahatīṃ śriyam || 27.28 ||

"अपनी पत्नी को पुनः पाकर, राज्य प्राप्त कर तथा मित्रों से घिरा हुआ वह श्रेष्ठ वानर सुग्रीव इतनी बड़ी सम्पत्ति पाकर निश्चय ही आनन्दित हो रहा होगा।"

श्लोक 29 (kishkindha.27.29)

इत्युक्त्वा न्यवसत् तत्र राघवः सहलक्ष्मणः । बहुदृश्यदरीकुञ्जे तस्मिन् प्रस्रवणे गिरौ ॥ 27.29 ॥

ityuktvā nyavasat tatra rāghavaḥ sahalakṣmaṇaḥ | bahudṛśyadarīkuñje tasmin prasravaṇe girau || 27.29 ||

ऐसा कहकर राघव ने लक्ष्मण के साथ उस प्रस्रवण पर्वत पर निवास किया, जहाँ अनेक मनोहर गुफाएँ और कुंज थे।

श्लोक 30 (kishkindha.27.30)

सुसुखे हि बहुद्रव्ये तस्मिन् हि धरणीधरे । वसतस्तस्य रामस्य रतिरल्पापि नाभवत् ॥ 27.30 ॥

susukhe hi bahudravye tasmin hi dharaṇīdhare | vasatastasya rāmasya ratiralpāpi nābhavat || 27.30 ||

वह पर्वत अत्यन्त सुखद और सब प्रकार के साधनों से समृद्ध था, फिर भी वहाँ निवास करते हुए राम को तनिक भी आनन्द नहीं मिलता था,

श्लोक 31 (kishkindha.27.31)

हृतां हि भार्यां स्मरतः प्राणेभ्योऽपि गरीयसीम् । उदयाभ्युदितं दृष्ट्वा शशाङ्कं च विशेषतः ॥ 27.31 ॥

hṛtāṃ hi bhāryāṃ smarataḥ prāṇebhyo'pi garīyasīm | udayābhyuditaṃ dṛṣṭvā śaśāṅkaṃ ca viśeṣataḥ || 27.31 ||

क्योंकि वे अपनी उस पत्नी का स्मरण करते रहते थे, जो उन्हें प्राणों से भी अधिक प्रिय थी और जिसका हरण हो चुका था, विशेषतः पूर्वी पर्वत से उदित होते चन्द्रमा को देखकर।

श्लोक 32 (kishkindha.27.32)

आविवेश न तं निद्रा निशासु शयनं गतम् । तत्समुत्थेन शोकेन बाष्पोपहतचेतनम् ॥ 27.32 ॥

āviveśa na taṃ nidrā niśāsu śayanaṃ gatam | tatsamutthena śokena bāṣpopahatacetanam || 27.32 ||

रात्रि में शय्या पर जाने पर भी उन्हें नींद नहीं आती थी, उसी शोक से उत्पन्न आँसुओं से उनका चित्त व्याकुल रहता था।

श्लोक 33 (kishkindha.27.33)

तं शोचमानं काकुत्स्थं नित्यं शोकपरायणम् । तुल्यदुःखोऽब्रवीद्भ्राता लक्ष्मणोऽनुनयं वचः ॥ 27.33 ॥

taṃ śocamānaṃ kākutsthaṃ nityaṃ śokaparāyaṇam | tulyaduḥkho'bravīdbhrātā lakṣmaṇo'nunayaṃ vacaḥ || 27.33 ||

इस प्रकार शोक करते हुए, सदा दुःख में डूबे उस काकुत्स्थ से, उन्हीं के समान दुःखी भाई लक्ष्मण ने यह समझाने वाला वचन कहा -

श्लोक 34 (kishkindha.27.34)

अलं वीर व्यथां गत्वा न त्वं शोचितुमर्हसि । शोचतो ह्यवसीदन्ति सर्वार्था विदितं हि ते ॥ 27.34 ॥

alaṃ vīra vyathāṃ gatvā na tvaṃ śocitumarhasi | śocato hyavasīdanti sarvārthā viditaṃ hi te || 27.34 ||

"बस करो, हे वीर! इस व्यथा में डूबना आपके योग्य नहीं है। आप भली-भाँति जानते हैं कि शोक करने वाले के सभी कार्य नष्ट हो जाते हैं।

श्लोक 35 (kishkindha.27.35)

भवान् क्रियापरो लोके भवान् देवपरायणः । आस्तिको धर्मशीलश्च व्यवसायी च राघव ॥ 27.35 ॥

bhavān kriyāparo loke bhavān devaparāyaṇaḥ | āstiko dharmaśīlaśca vyavasāyī ca rāghava || 27.35 ||

आप संसार में उचित कर्म में तत्पर रहने वाले हैं, देवताओं के प्रति समर्पित हैं; आप आस्तिक, धर्मशील तथा दृढ़-संकल्प हैं, हे राघव।

श्लोक 36 (kishkindha.27.36)

न ह्यव्यवसितः शत्रुं राक्षसं तं विशेषतः । समर्थस्त्वं रणे हन्तुं विक्रमे जिह्मकारिणम् ॥ 27.36 ॥

na hyavyavasitaḥ śatruṃ rākṣasaṃ taṃ viśeṣataḥ | samarthastvaṃ raṇe hantuṃ vikrame jihmakāriṇam || 27.36 ||

यदि आप शिथिल हो गए, तो आप अपने पराक्रम से उस विशेष रूप से कुटिल राक्षस शत्रु का युद्ध में वध नहीं कर पाएँगे।

श्लोक 37 (kishkindha.27.37)

समुन्मूलय शोकं त्वं व्यवसायं स्थिरीकुरु । ततः सपरिवारं तं राक्षसं हन्तुमर्हसि ॥ 27.37 ॥

samunmūlaya śokaṃ tvaṃ vyavasāyaṃ sthirīkuru | tataḥ saparivāraṃ taṃ rākṣasaṃ hantumarhasi || 27.37 ||

इस शोक को जड़ से उखाड़ फेंकिए और अपने संकल्प को दृढ़ कीजिए; तब आप उस राक्षस को उसके समस्त परिवार सहित मार सकेंगे।

श्लोक 38 (kishkindha.27.38)

पृथिवीमपि काकुत्स्थ ससागरवनाचलाम् । परिवर्तयितुं शक्तः किं पुनस्तं हि रावणम् ॥ 27.38 ॥

pṛthivīmapi kākutstha sasāgaravanācalām | parivartayituṃ śaktaḥ kiṃ punastaṃ hi rāvaṇam || 27.38 ||

हे काकुत्स्थ! जो आप समुद्रों, वनों और पर्वतों सहित इस पृथ्वी को भी उलट सकते हैं, फिर उस रावण की तो बात ही क्या है?

श्लोक 39 (kishkindha.27.39)

शरत्कालं प्रतीक्षस्व प्रावृट्कालोऽयमागतः । ततः सराष्ट्रं सगणं रावणं तं वधिष्यसि ॥ 27.39 ॥

śaratkālaṃ pratīkṣasva prāvṛṭkālo'yamāgataḥ | tataḥ sarāṣṭraṃ sagaṇaṃ rāvaṇaṃ taṃ vadhiṣyasi || 27.39 ||

शरत् ऋतु की प्रतीक्षा कीजिए; यह जो समय आया है, वह घोर वर्षा का है। इसके पश्चात् आप उस रावण को उसके राज्य और उसकी सेना सहित मार डालेंगे।"

श्लोक 40 (kishkindha.27.40)

अहं तु खलु ते वीर्यं प्रसुप्तं प्रतिबोधये । दीप्तैराहुतिभिः काले भस्मच्छन्नमिवानलम् ॥ 27.40 ॥

ahaṃ tu khalu te vīryaṃ prasuptaṃ pratibodhaye | dīptairāhutibhiḥ kāle bhasmacchannamivānalam || 27.40 ||

"मैं तो आपके सोए हुए पराक्रम को उसी प्रकार जगा रहा हूँ, जैसे राख से ढकी हुई अग्नि को प्रज्वलित आहुतियों से पुनः प्रज्वलित किया जाता है।"

श्लोक 41 (kishkindha.27.41)

लक्ष्मणस्य हि तद् वाक्यं प्रतिपूज्य हितं शुभम् । राघवः सुहृदं स्निग्धमिदं वचनमब्रवीत् ॥ 27.41 ॥

lakṣmaṇasya hi tad vākyaṃ pratipūjya hitaṃ śubham | rāghavaḥ suhṛdaṃ snigdhamidaṃ vacanamabravīt || 27.41 ||

लक्ष्मण के उस हितकर और शुभ वचन का सम्मान करते हुए राघव ने अपने उस स्नेही सुहृद से यह वचन कहा -

श्लोक 42 (kishkindha.27.42)

वाच्यं यदनुरक्तेन स्निग्धेन च हितेन च । सत्यविक्रमयुक्तेन तदुक्तं लक्ष्मण त्वया ॥ 27.42 ॥

vācyaṃ yadanuraktena snigdhena ca hitena ca | satyavikramayuktena taduktaṃ lakṣmaṇa tvayā || 27.42 ||

"जो वचन एक स्नेही, कोमल-हृदय, हितैषी तथा सत्य-पराक्रमी व्यक्ति को कहना चाहिए, वही, हे लक्ष्मण, तुमने कहा है।

श्लोक 43 (kishkindha.27.43)

एष शोकः परित्यक्तः सर्वकार्यावसादकः । विक्रमेष्वप्रतिहतं तेजः प्रोत्साहयाम्यहम् ॥ 27.43 ॥

eṣa śokaḥ parityaktaḥ sarvakāryāvasādakaḥ | vikrameṣvapratihataṃ tejaḥ protsāhayāmyaham || 27.43 ||

सभी कार्यों को नष्ट करने वाले इस शोक को अब मैंने त्याग दिया है; मैं पराक्रम के लिए अपने अजेय तेज को पुनः जागृत कर रहा हूँ।

श्लोक 44 (kishkindha.27.44)

शरत्कालं प्रतीक्षिष्ये स्थितोऽस्मि वचने तव । सुग्रीवस्य नदीनां च प्रसादमनुपालयन् ॥ 27.44 ॥

śaratkālaṃ pratīkṣiṣye sthito'smi vacane tava | sugrīvasya nadīnāṃ ca prasādamanupālayan || 27.44 ||

मैं शरत् ऋतु की प्रतीक्षा करूँगा, तुम्हारे वचन का पालन करते हुए, सुग्रीव की तथा नदियों की भी कृपा का इन्तजार करते हुए।

श्लोक 45 (kishkindha.27.45)

उपकारेण वीरस्तु प्रतिकारेण युज्यते । अकृतज्ञोऽप्रतिकृतो हन्ति सत्त्ववतां मनः ॥ 27.45 ॥

upakāreṇa vīrastu pratikāreṇa yujyate | akṛtajño'pratikṛto hanti sattvavatāṃ manaḥ || 27.45 ||

उपकार पाकर वीर पुरुष प्रत्युपकार करने के लिए बाध्य होता है; परन्तु जो कृतघ्न होकर प्रत्युपकार नहीं करता, वह सहृदय पुरुषों के मन को आघात पहुँचाता है।"

श्लोक 46 (kishkindha.27.46)

तदेव युक्तं प्रणिधाय लक्ष्मणः । कृताञ्जलिस्तत् प्रतिपूज्य भाषितम् । उवाच रामं स्वभिरामदर्शनं । प्रदर्शयन् दर्शनमात्मनः शुभम् ॥ 27.46 ॥

tadeva yuktaṃ praṇidhāya lakṣmaṇaḥ | kṛtāñjalistat pratipūjya bhāṣitam | uvāca rāmaṃ svabhirāmadarśanaṃ | pradarśayan darśanamātmanaḥ śubham || 27.46 ||

उस निश्चय को ही उचित मानकर लक्ष्मण ने हाथ जोड़कर उस वचन का सम्मान करते हुए, अपने ही मंगलकारी दृष्टिकोण को प्रकट करते हुए, दर्शनमात्र से मनोहर राम से यह कहा -

श्लोक 47 (kishkindha.27.47)

यथोक्तमेतत् तव सर्वमीप्सितं । नरेन्द्र कर्ता नचिरात् तु वानरः । शरत्प्रतीक्षः क्षमतामिमं भवान् । जलप्रपातं रिपुनिग्रहे धृतः ॥ 27.47 ॥

yathoktametat tava sarvamīpsitaṃ | narendra kartā nacirāt tu vānaraḥ | śaratpratīkṣaḥ kṣamatāmimaṃ bhavān | jalaprapātaṃ ripunigrahe dhṛtaḥ || 27.47 ||

"यह सब वैसा ही है जैसा आपने कहा है, और जो कुछ आप चाहते हैं, हे नरेन्द्र! वह वानर शीघ्र ही पूर्ण करेगा। शत्रु के दमन में दृढ़ रहते हुए, शरत् ऋतु की प्रतीक्षा करते हुए इस जलवृष्टि को सह लीजिए।

श्लोक 48 (kishkindha.27.48)

नियम्य कोपं परिपाल्यतां शरत् । क्षमस्व मासांश्चतुरो मया सह । वसाचलेऽस्मिन् मृगराजसेविते । संवर्तयन् शत्रुवधे समर्थः ॥ 27.48 ॥

niyamya kopaṃ paripālyatāṃ śarat | kṣamasva māsāṃścaturo mayā saha | vasācale'smin mṛgarājasevite | saṃvartayan śatruvadhe samarthaḥ || 27.48 ||

क्रोध का संयम कर शरत् ऋतु की प्रतीक्षा कीजिए; इन चार मासों को मेरे साथ, मृगराज द्वारा सेवित इस पर्वत पर रहकर सह लीजिए, यद्यपि आप शत्रु के वध में अभी भी समर्थ हैं।"