सुग्रीव की विनयपूर्ण क्षमायाचना

श्लोक 1 (kishkindha.36.1)

इत्युक्तस्तारया वाक्यं प्रश्रितं धर्मसंहितम् । मृदुस्वभावः सौमित्रिः प्रतिजग्राह तद्वचः ॥ 36.1 ॥

ityuktastārayā vākyaṃ praśritaṃ dharmasaṃhitam | mṛdusvabhāvaḥ saumitriḥ pratijagrāha tadvacaḥ || 36.1 ||

तारा द्वारा इस प्रकार विनम्र और धर्मयुक्त वचन कहे जाने पर, सौम्य स्वभाव वाले सौमित्र (लक्ष्मण) ने उनकी बात मान ली।

श्लोक 2 (kishkindha.36.2)

तस्मिन् प्रतिगृहीते तु वाक्ये हरिगणेश्वरः । लक्ष्मणात् सुमहत् त्रासं वस्त्रं क्लिन्नमिवात्यजत् ॥ 36.2 ॥

tasmin pratigṛhīte tu vākye harigaṇeśvaraḥ | lakṣmaṇāt sumahat trāsaṃ vastraṃ klinnamivātyajat || 36.2 ||

उस वचन के स्वीकार किये जाने पर वानरगण के स्वामी सुग्रीव ने लक्ष्मण से उत्पन्न अपने अत्यधिक भय को उसी प्रकार त्याग दिया जैसे कोई भीगे हुए वस्त्र को त्याग देता है।

श्लोक 3 (kishkindha.36.3)

ततः कण्ठगतं माल्यं चित्रं बहुगुणं महत् । चिच्छेद विमदश्चासीत् सुग्रीवो वानरेश्वरः ॥ 36.3 ॥

tataḥ kaṇṭhagataṃ mālyaṃ citraṃ bahuguṇaṃ mahat | ciccheda vimadaścāsīt sugrīvo vānareśvaraḥ || 36.3 ||

तत्पश्चात् वानरराज सुग्रीव ने अपने गले में पड़ी हुई विचित्र, बहुगुणी और महान् माला को तोड़ डाला, और मद-रहित (गर्वहीन) हो गये।

श्लोक 4 (kishkindha.36.4)

स लक्ष्मणं भीमबलं सर्ववानरसत्तमः । अब्रवीत् प्रश्रितं वाक्यं सुग्रीवः सम्प्रहर्षयन् ॥ 36.4 ॥

sa lakṣmaṇaṃ bhīmabalaṃ sarvavānarasattamaḥ | abravīt praśritaṃ vākyaṃ sugrīvaḥ sampraharṣayan || 36.4 ||

सम्पूर्ण वानरों में श्रेष्ठ सुग्रीव ने अत्यन्त बलशाली लक्ष्मण को प्रसन्न करते हुए विनम्र वचन कहे।

श्लोक 5 (kishkindha.36.5)

प्रणष्टा श्रीश्च कीर्तिश्च कपिराज्यं च शाश्वतम् । रामप्रसादात् सौमित्रे पुनश्चाप्तमिदं मया ॥ 36.5 ॥

praṇaṣṭā śrīśca kīrtiśca kapirājyaṃ ca śāśvatam | rāmaprasādāt saumitre punaścāptamidaṃ mayā || 36.5 ||

हे सौमित्र! मेरी लक्ष्मी, कीर्ति तथा यह सनातन वानर-राज्य नष्ट हो चुके थे, किन्तु राम की कृपा से मैंने इन्हें पुनः प्राप्त किया है।

श्लोक 6 (kishkindha.36.6)

कः शक्तस्तस्य देवस्य ख्यातस्य स्वेन कर्मणा । तादृशं प्रतिकुर्वीत अंशेनापि नृपात्मज ॥ 36.6 ॥

kaḥ śaktastasya devasya khyātasya svena karmaṇā | tādṛśaṃ pratikurvīta aṃśenāpi nṛpātmaja || 36.6 ||

हे राजकुमार! अपने ही पराक्रम से विख्यात उस देवतुल्य पुरुष का प्रत्युपकार अंशमात्र भी करने में कौन समर्थ है?

श्लोक 7 (kishkindha.36.7)

सीतां प्राप्स्यति धर्मात्मा वधिष्यति च रावणम् । सहायमात्रेण मया राघवः स्वेन तेजसा ॥ 36.7 ॥

sītāṃ prāpsyati dharmātmā vadhiṣyati ca rāvaṇam | sahāyamātreṇa mayā rāghavaḥ svena tejasā || 36.7 ||

धर्मात्मा राघव अपने ही तेज से सीता को प्राप्त करेंगे और रावण का वध करेंगे — मेरा सहयोग तो केवल नाम-मात्र का है।

श्लोक 8 (kishkindha.36.8)

सहायकृत्यं किं तस्य येन सप्त महाद्रुमाः । शैलश्च वसुधा चैव बाणेनैकेन दारिताः ॥ 36.8 ॥

sahāyakṛtyaṃ kiṃ tasya yena sapta mahādrumāḥ | śailaśca vasudhā caiva bāṇenaikena dāritāḥ || 36.8 ||

जिसने एक ही बाण से सात विशाल वृक्षों, एक पर्वत तथा पृथ्वी तक को विदीर्ण कर दिया, उसे सहायता की भला क्या आवश्यकता है?

श्लोक 9 (kishkindha.36.9)

धनुर्विस्फारमाणस्य यस्य शब्देन लक्ष्मण । सशैला कम्पिता भूमिः सहायैः किं नु तस्य वै ॥ 36.9 ॥

dhanurvisphāramāṇasya yasya śabdena lakṣmaṇa | saśailā kampitā bhūmiḥ sahāyaiḥ kiṃ nu tasya vai || 36.9 ||

हे लक्ष्मण! जिसके धनुष की टंकार मात्र से पर्वतों सहित पृथ्वी कांप उठी, उसके लिये सहायक भला किस काम के?

श्लोक 10 (kishkindha.36.10)

अनुयात्रां नरेन्द्रस्य करिष्येऽहं नरर्षभ । गच्छतो रावणं हन्तुं वैरिणं सपुरस्सरम् ॥ 36.10 ॥

anuyātrāṃ narendrasya kariṣye'haṃ nararṣabha | gacchato rāvaṇaṃ hantuṃ vairiṇaṃ sapurassaram || 36.10 ||

हे नरश्रेष्ठ! मैं तो केवल उन नरेन्द्र के पीछे-पीछे, उनके अग्रगामियों सहित शत्रु रावण का वध करने जाते समय, अनुगमन करूंगा।

श्लोक 11 (kishkindha.36.11)

यदि किंचिदतिक्रान्तं विश्वासात् प्रणयेन वा । प्रेष्यस्य क्षमितव्यं मे न कश्चिन्नापराध्यति ॥ 36.11 ॥

yadi kiṃcidatikrāntaṃ viśvāsāt praṇayena vā | preṣyasya kṣamitavyaṃ me na kaścinnāparādhyati || 36.11 ||

यदि विश्वास अथवा स्नेहवश मुझसे कुछ अनुचित हुआ हो, तो सेवक की वह भूल क्षमा करने योग्य है; कोई भी दोष-रहित नहीं होता।

श्लोक 12 (kishkindha.36.12)

इति तस्य ब्रुवाणस्य सुग्रीवस्य महात्मनः । अभवल्लक्ष्मणः प्रीतः प्रेम्णा चेदमुवाच ह ॥ 36.12 ॥

iti tasya bruvāṇasya sugrīvasya mahātmanaḥ | abhavallakṣmaṇaḥ prītaḥ premṇā cedamuvāca ha || 36.12 ||

महात्मा सुग्रीव के इस प्रकार कहने पर लक्ष्मण प्रसन्न हो गये और प्रेमपूर्वक यह बोले।

श्लोक 13 (kishkindha.36.13)

सर्वथा हि मम भ्राता सनाथो वानरेश्वर । त्वया नाथेन सुग्रीव प्रश्रितेन विशेषतः ॥ 36.13 ॥

sarvathā hi mama bhrātā sanātho vānareśvara | tvayā nāthena sugrīva praśritena viśeṣataḥ || 36.13 ||

हे वानरेश्वर! मेरे भ्राता सब प्रकार से सुरक्षित हैं, विशेषतः आप-जैसे विनम्र स्वामी के रहते हुए।

श्लोक 14 (kishkindha.36.14)

यस्ते प्रभावः सुग्रीव यच्च ते शौचमीदृशम् । अर्हस्त्वं कपिराज्यस्य श्रियं भोक्तुमनुत्तमाम् ॥ 36.14 ॥

yaste prabhāvaḥ sugrīva yacca te śaucamīdṛśam | arhastvaṃ kapirājyasya śriyaṃ bhoktumanuttamām || 36.14 ||

हे सुग्रीव! तुम्हारा जैसा प्रभाव और तुम्हारी जैसी शुद्धता है, उसी के अनुरूप तुम वानर-राज्य के इस अनुपम ऐश्वर्य को भोगने के अधिकारी हो।

श्लोक 15 (kishkindha.36.15)

सहायेन च सुग्रीव त्वया रामः प्रतापवान् । वधिष्यति रणे शत्रूनचरान्नात्र संशयः ॥ 36.15 ॥

sahāyena ca sugrīva tvayā rāmaḥ pratāpavān | vadhiṣyati raṇe śatrūnacarānnātra saṃśayaḥ || 36.15 ||

हे सुग्रीव! तुम्हारे सहायक रहते हुए प्रतापी राम शीघ्र ही रणभूमि में शत्रुओं का वध करेंगे, इसमें कोई संशय नहीं।

श्लोक 16 (kishkindha.36.16)

धर्मज्ञस्य कृतज्ञस्य संग्रामेष्वनिवर्तिनः । उपपन्नं च युक्तं च सुग्रीव तव भाषितम् ॥ 36.16 ॥

dharmajñasya kṛtajñasya saṃgrāmeṣvanivartinaḥ | upapannaṃ ca yuktaṃ ca sugrīva tava bhāṣitam || 36.16 ||

हे सुग्रीव! धर्म को जानने वाले, कृतज्ञ तथा युद्ध में पीठ न दिखाने वाले तुम्हारे इस वचन में औचित्य और युक्ति दोनों हैं।

श्लोक 17 (kishkindha.36.17)

दोषज्ञः सति सामर्थ्ये कोऽन्यो भाषितुमर्हति । वर्जयित्वा मम ज्येष्ठं त्वां च वानरसत्तम ॥ 36.17 ॥

doṣajñaḥ sati sāmarthye ko'nyo bhāṣitumarhati | varjayitvā mama jyeṣṭhaṃ tvāṃ ca vānarasattama || 36.17 ||

समर्थ होते हुए भी दोषों को पहचानने वाला, मेरे ज्येष्ठ भ्राता और तुम्हारे अतिरिक्त, हे वानरश्रेष्ठ, ऐसा और कौन कह सकता है?

श्लोक 18 (kishkindha.36.18)

सदृशश्चासि रामस्य विक्रमेण बलेन च । सहायो दैवतैर्दत्तश्चिराय हरिपुंगव ॥ 36.18 ॥

sadṛśaścāsi rāmasya vikrameṇa balena ca | sahāyo daivatairdattaścirāya haripuṃgava || 36.18 ||

हे कपिश्रेष्ठ! तुम पराक्रम और बल में राम के ही समान हो — मानो देवताओं ने इस दीर्घकालिक कार्य के लिये तुम्हें सहायक के रूप में भेजा हो।

श्लोक 19 (kishkindha.36.19)

किं तु शीघ्रमितो वीर निष्क्रम त्वं मया सह । सान्त्वयस्व वयस्यं च भार्याहरणदुःखितम् ॥ 36.19 ॥

kiṃ tu śīghramito vīra niṣkrama tvaṃ mayā saha | sāntvayasva vayasyaṃ ca bhāryāharaṇaduḥkhitam || 36.19 ||

किन्तु हे वीर! अब शीघ्र मेरे साथ चलो, और पत्नी के हरण से दुःखी अपने मित्र को सांत्वना दो।

श्लोक 20 (kishkindha.36.20)

यच्च शोकाभिभूतस्य श्रुत्वा रामस्य भाषितम् । मया त्वं परुषाण्युक्तस्तत् क्षमस्व सखे मम ॥ 36.20 ॥

yacca śokābhibhūtasya śrutvā rāmasya bhāṣitam | mayā tvaṃ paruṣāṇyuktastat kṣamasva sakhe mama || 36.20 ||

और हे सखे! शोकाकुल राम के वचन सुनकर मैंने तुमसे जो कठोर बातें कहीं, उन्हें क्षमा करो।